ПҚ-4243-сон 18.03.2019. Чорвачилик тармоғини янада ривожлантириш ва қўллаб-қувватлаш чора-тадбирлари тўғрисида

Ўзбекистон Республикаси Президентининг

Қарори

Чорвачилик тармоғини янада ривожлантириш ва қўллаб-қувватлаш чора-тадбирлари тўғрисида

Чорвачилик тармоғини жадал ривожлантириш халқимизни арзон ва сифатли гўшт ва бошқа озиқ-овқат маҳсулотлари билан таъминлаш, айниқса қишлоқ жойларида истиқомат қилаётган фуқароларнинг бандлигини ошириш ва даромадларини кўпайтиришда муҳим ўрин тутади.

Шу билан бирга, ҳудудлардаги ишларнинг ҳозирги ҳолати мазкур тармоқ корхоналарини қўллаб-қувватлаш, озуқа базасини кўпайтириш, наслчиликни яхшилаш, шу жумладан сунъий уруғлантиришни ривожлантириш ва наслчилик хўжаликларининг моддий-техника базасини мустаҳкамлаш борасида аниқ комплекс чора-тадбирларни амалга оширишни тақозо этмоқда.

Халқимизнинг чорвачиликни ривожлантириш борасидаги тадбиркорлик ташаббусларини ҳар томонлама қўллаб-қувватлаш, ушбу тармоқда илмий ёндашувлар ва илғор замонавий технологияларни кенг жорий этиш, импорт ўрнини босувчи ва экспортбоп чорва маҳсулотларини ишлаб чиқариш ва қайта ишлашни янада рағбатлантириш, пировардида аҳоли фаровонлигини юксалтириш ва даромадларини кўпайтириш мақсадида:

1. Қорақалпоғистон Республикаси Вазирлар Кенгаши, вилоятлар ҳокимликлари, Ўзбекистон Республикаси Ер ресурслари, геодезия, картография ва давлат кадастри давлат қўмитаси ҳамда Қишлоқ хўжалиги вазирлигининг туман ҳокимликлари захирасидаги лалми ва яйлов ер участкаларини чорвачилик фермер хўжаликлари ва бошқа қишлоқ хўжалиги корхоналарига (кейинги ўринларда — озуқабоп экинлар етиштирувчилар деб юритилади) озуқабоп экинлар етиштириш, томчилатиб ва ёмғирлатиб суғориш технологиясини жорий қилиш мажбуриятлари билан 1-иловага мувофиқ ажратиш тўғрисидаги таклифлари маъқуллансин.

Олдинги таҳрирга қаранг.

2. Чорвачилик маҳсулотлари ишлаб чиқарувчи барча хўжалик субъектларига ва омихта ем ишлаб чиқарувчи корхоналарга ажратиладиган лалми ва яйлов ер участкаларида томчилатиб ва ёмғирлатиб суғориш технологиясини жорий қилиш учун озуқабоп экинлар етиштирувчиларни давлат томонидан қўллаб-қувватлашнинг қуйидаги тартиби ўрнатилсин:

(2-банднинг биринчи хатбошиси Ўзбекистон Республикаси Президентининг 2022 йил 11 февралдаги ПФ-67-сонли Фармони таҳририда — Қонунчилик маълумотлари миллий базаси, 12.02.2022 й., 06/22/67/0128-сон)

озуқабоп экинлар етиштирувчиларга мазкур ер участкаларида суғориш тик қудуқлари бурғулашга ҳар бир метр чуқурлиги учун 100 минг сўмдан субсидия берилади.

Бунда субсидия харажатлари 2019 йилда Ўзбекистон фермер, деҳқон хўжаликлари ва томорқа ер эгалари кенгаши ҳузуридаги Фермер, деҳқон хўжаликлари ва томорқа ер эгаларини қўллаб-қувватлаш жамғармасига Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармасидан ажратиладиган маблағлар ҳисобидан, 2020 йилдан бошлаб эса Ўзбекистон Республикаси Давлат бюджети ва халқаро молия институтлари, хорижий ҳукумат ташкилотлари ва бошқа донорларнинг кредитлари (қарзлари) ва грантлари ҳисобидан қопланади.

Олдинги таҳрирга қаранг.

(2-банднинг тўртинчи хатбошиси Ўзбекистон Республикаси Президентининг 2023 йил 10 ноябрдаги ПФ-193-сонли Фармонига асосан чиқарилган — Қонунчилик маълумотлари миллий базаси, 11.11.2023 й., 06/23/193/0844-сон)

Олдинги таҳрирга қаранг.

3. Қорақалпоғистон Республикаси Вазирлар Кенгаши ва вилоятлар ҳокимликлари Ўзбекистон Республикаси Давлат геология ва минерал ресурслар қўмитаси билан биргаликда чорвачилик маҳсулотлари ишлаб чиқарувчи барча хўжалик субъектларига ва омихта ем ишлаб чиқарувчи корхоналарга ажратилаётган ер участкаларида ер ости суви чиқариш учун суғориш тик қудуқлари бурғулаш жойларини аниқлаб, озуқабоп экинлар етиштирувчиларни хабардор қилиб борсин.

(3-банд Ўзбекистон Республикаси Президентининг 2022 йил 11 февралдаги ПФ-67-сонли Фармони таҳририда — Қонунчилик маълумотлари миллий базаси, 12.02.2022 й., 06/22/67/0128-сон)

4. Суғориш тик қудуқларини бурғулаш учун Ўзбекистон Республикаси Экология ва атроф-муҳитни муҳофаза қилиш давлат қўмитаси мазкур қудуқларни бурғулаш лойиҳаларига экологик экспертиза хулосалари ҳамда Давлат геология ва минерал ресурслар қўмитаси гидрогеологик хулосалар берилишини таъминласин.

Олдинги таҳрирга қаранг.

(5-банд Ўзбекистон Республикаси Президентининг 2021 йил 8 июндаги ПФ-6243-сон Фармонига асосан 2021 йил 1 августдан ўз кучини йўқотади — Қонунчилик маълумотлари миллий базаси, 09.06.2021 й., 06/21/6243/0540-сон)

6. Қорақалпоғистон Республикаси Вазирлар Кенгаши, вилоятлар ва туманлар ҳокимликлари Ўзбекистон Республикаси Президентининг 2019 йил 7 мартдаги «Ҳудудларда аҳолини тадбиркорликка кенг жалб қилиш ва оилавий тадбиркорликни ривожлантиришга доир қўшимча чора-тадбирлар тўғрисида»ги ПҚ-4231-сон қарори ижросини ташкил этиш жараёнида «Оилавий тадбиркорликни қўллаб-қувватлаш марказлари»нинг тавсиясига асосан:

чорвачилик билан шуғулланиш истагида бўлган фуқароларга озуқабоп экинлар етиштириш учун ҳар бир шартли бош чорва мол учун 0,5 гектардан туман ҳокимликлари захирасидаги бўш, лалми ва яйлов ер участкаларини 2 йил муддатда ҳақиқий даромад манбаига айлантириш шарти билан доимий ёки узоқ муддатли ижарага берсин;

мазкур фуқароларга ушбу бандда кўрсатилган тартибда ажратилган ер участкаларида томчилатиб ва ёмғирлатиб суғориш технологиясини жорий қилиш ҳамда наслли чорва моли сотиб олиш учун «Ҳар бир оила — тадбиркор» дастури доирасида имтиёзли кредитлар ажратилишида амалий ёрдам кўрсатсин.

7. Қуйидагилар:

2019 — 2021 йилларда илмий-тадқиқот институтлари томонидан озуқабоп экинларнинг бирламчи уруғларини етиштириш прогноз ҳажмлари 2-иловага мувофиқ;

Хўжаликларнинг асосий майдонларида чўл-яйлов озуқабоп экинлар уруғларини экин турлари ва навлари бўйича 2019 йилда жойлаштириш режаси 3-иловага мувофиқ;

Қоракўлчилик ва чўл экологияси илмий-тадқиқот институтида чўл-яйлов озуқабоп экинларининг бирламчи уруғлик майдонларини барпо этиш учун харид қилиниши зарур бўлган моддий-техника воситалари рўйхати 4-иловага мувофиқ;

озуқабоп экинлар уруғларини етиштирувчи хўжаликларнинг ер майдони ҳажмлари 5-иловага мувофиқ тасдиқлансин.

8. Қорақалпоғистон Республикаси Вазирлар Кенгаши, вилоятлар ва туманлар ҳокимликларига:

бир ой муддатда ҳар бир ҳудуднинг тупроқ-иқлим шароитларига мос равишда озуқабоп экинлар уруғларига бўлган эҳтиёждан келиб чиққан ҳолда хўжаликларда уруғлик етиштириш майдонлари ажратилишини;

озуқабоп экинлар уруғларини оптимал муддатларда экиш, парвариш қилиш, уруғ ҳосилини уюшқоқлик билан ўриб-йиғиб олиш тадбирларининг ўз вақтида ва сифатли ўтказилишини;

Олдинги таҳрирга қаранг.

Ўзбекистон Республикаси Қишлоқ хўжалиги вазирлиги ва Инновацион ривожланиш вазирлиги билан биргаликда озуқабоп экинлар уруғларини етиштирувчи ривожланган мамлакатлар билан ўзаро ҳамкорликни йўлга қўйиш, янги замонавий технологияларни жорий этиш, илмий-тадқиқот муассасалари ва хўжаликлар мутахассислари малакасини доимий равишда ошириб борилишини таъминласин.

(8-банднинг тўртинчи хатбошиси Ўзбекистон Республикаси Президентининг 2020 йил 21 июлдаги ПФ-6031-сонли Фармони таҳририда — Қонун ҳужжатлари маълумотлари миллий базаси, 22.07.2020 й., 06/20/6031/1088-сон)

Олдинги таҳрирга қаранг.

9. Ўзбекистон Республикаси Қишлоқ хўжалиги вазирлиги ва Инновацион ривожланиш вазирлиги:

(9-банднинг биринчи хатбошиси Ўзбекистон Республикаси Президентининг 2020 йил 21 июлдаги ПФ-6031-сонли Фармони таҳририда — Қонун ҳужжатлари маълумотлари миллий базаси, 22.07.2020 й., 06/20/6031/1088-сон)

хўжаликларга сертификатланган юқори сифатли озуқабоп экинларнинг бирламчи уруғларини етказиб беришни;

озуқабоп экинларнинг янги навлари ва дурагайларини яратиш, уларнинг агротехнологияларини такомиллаштириш, бирламчи уруғчилик ишларини олиб бориш, суперэлита ва элита уруғларини етиштириш, ер таркибини яхшиловчи кучсиз ва ўрта даражада шўрланган тупроқ шароитларига мос юқори оқсилли ва ноанъанавий (оқ люпин, пайза ва бошқалар) озуқабоп экинларни иқлимлаштириш, селекция ва уруғчилик ишларини олиб бориш ҳамда маҳаллий сермаҳсул чорва моллари линиялари ва типларини яратишга қаратилган фундаментал, амалий ва инновацион лойиҳалар танловларини доимий равишда ташкил этишни таъминласин.

Олдинги таҳрирга қаранг.

(10-банд Ўзбекистон Республикаси Президентининг 2022 йил 11 февралдаги ПФ-67-сонли Фармонига асосан ўз кучини йўқотган — Қонунчилик маълумотлари миллий базаси, 12.02.2022 й., 06/22/67/0128-сон)

Олдинги таҳрирга қаранг.

(11-банд Ўзбекистон Республикаси Президентининг 2022 йил 11 февралдаги ПФ-67-сонли Фармонига асосан ўз кучини йўқотган — Қонунчилик маълумотлари миллий базаси, 12.02.2022 й., 06/22/67/0128-сон)

12. Ўзбекистон Республикаси Қишлоқ хўжалиги вазирлиги, Давлат ветеринария қўмитаси «O‘ZNASLCНILIK» давлат корхонаси билан биргаликда:

Олдинги таҳрирга қаранг.

(12-банднинг иккинчи хатбошиси Ўзбекистон Республикаси Президентининг 2022 йил 11 февралдаги ПФ-67-сонли Фармонига асосан чиқарилган — Қонунчилик маълумотлари миллий базаси, 12.02.2022 й., 06/22/67/0128-сон)

сунъий уруғлантирилган сигирларнинг ҳамда улардан олинган бузоқларнинг электрон ҳисоби юритилишини;

Қашқадарё, Тошкент ва Хоразм вилоятларида «O‘ZNASLCНILIK» давлат корхонасининг филиаллари ташкил этилишини таъминласин.

Олдинги таҳрирга қаранг.

(13-банд Ўзбекистон Республикаси Президентининг 2022 йил 11 февралдаги ПФ-67-сонли Фармонига асосан ўз кучини йўқотган — Қонунчилик маълумотлари миллий базаси, 12.02.2022 й., 06/22/67/0128-сон)

14. Ўзбекистон Республикаси Молия вазирлиги Фанлар академияси билан биргаликда 2020 йилда Чорвачилик ва паррандачилик илмий-тадқиқот институти ҳудудида чорва моллари генетикасини таҳлил қилиш учун замонавий геномика лабораториясини ташкил этиш, замонавий кимё лаборатория жиҳозлари билан таъминлаш, озуқабоп экинлар агротехнологиялари ва бирламчи уруғчилик ишларини олиб бориш учун моддий-техника базасини яхшилаш, зарур техника ва агрегатларни харид қилишга етарли миқдорда маблағ ажратилишини назарда тутсин.

15. Тошкент вилояти ҳокимлиги бир ой муддатда Қибрай тумани, «Шалола» МФЙ ҳудудидан Чорвачилик ва паррандачилик илмий-тадқиқот институтига озуқабоп экинларнинг суперэлита ва элита уруғларини етиштириш учун 30 гектар суғориладиган ер ажратилишини таъминласин.

16. Қуйидагилар 2022 йил 1 январга қадар:

озуқабоп экинлар етиштирувчилар, шунингдек томчилатиб ва ёмғирлатиб суғориш тизимлари ва уларнинг бутловчи қисмларини ишлаб чиқарувчилар томонидан олиб кириладиган, томчилатиб ва ёмғирлатиб суғориш технологиясини жорий этиш учун зарур бўлган бутловчи қисмлар ва хом ашёлар 7-иловадаги рўйхатга мувофиқ божхона тўловларини тўлашдан (қўшилган қиймат солиғи ва божхона расмийлаштируви учун йиғимлардан ташқари) озод этилсин;

асаларичилик субъектлари асалари оилаларини «вақтинча олиб чиқиш» божхона режимида қўшни мамлакатларга кўчириб чиқариши натижасида йиғиб олган табиий асални (ТИФ ТН коди 0409 00 000 0) республика ҳудудига олиб киришда божхона тўловларини тўлашдан (божхона расмийлаштируви учун йиғимлардан ташқари) озод этилсин.

Бунда, имтиёз битта асалари оиласи бўйича олиб кирилаётган табиий асалнинг 50 килограммдан ошмаган қисмига нисбатан қўлланилади.

17. Асаларичилик субъектларига баҳор-ёз мавсумида асалари оилаларини қўшни мамлакатларга «вақтинча олиб чиқиш» божхона режимида кўчириб чиқаришга рухсат берилсин.

18. Белгилансинки, 2019 йил 1 апрелдан бошлаб бир кунлик жўжаларни (ТИФ ТН коди 0105 11 110 0, 0105 11 190 0, 0105 11 990 0) экспорт қилиш рухсат этилади.

19. Ўзбекистон Республикаси Сув хўжалиги вазирлиги Қишлоқ хўжалиги вазирлиги, Молия вазирлиги, Давлат геология ва минерал ресурслар қўмитаси билан биргаликда 10 кун муддатда озуқабоп экинлар етиштирувчиларнинг суғориш тик қудуқларини бурғулаш билан боғлиқ харажатларини қоплаб бериш тартибини ишлаб чиқиб, Вазирлар Маҳкамасига киритсин.

20. Ўзбекистон Республикаси Давлат ветеринария қўмитаси, Қишлоқ хўжалиги вазирлиги, Соғлиқни сақлаш вазирлиги, Иқтисодиёт ва саноат вазирлиги:

манфаатдор вазирлик ва идоралар билан биргаликда икки ҳафта муддатда чорва ҳайвонларини сўйиш корхоналари фаолиятини тартибга солиш ҳамда истеъмол бозорига гўшт ва гўшт маҳсулотларини етказиб бериш тизимини такомиллаштириш бўйича, шу жумладан ҳайвонотга мансуб маҳсулот ва хом ашёларни ишлаб чиқариш, сақлаш ва сотишга нисбатан ветеринария-санитария қоидалари ҳамда ихтисослашган сўйиш корхоналарига нисбатан ветеринария, ветеринария-санитария қоида ва меъёрларини;

Экология ва атроф-муҳитни муҳофаза қилиш давлат қўмитаси, Ички ишлар вазирлиги ва Қурилиш вазирлиги билан биргаликда икки ой муддатда саноат усулидаги паррандачилик корхоналари фаолиятини амалга оширишда зоотехника, зоогигиена, ветеринария, ветеринария-санитария, экология, санитария, ёнғин ҳамда қурилиш бўйича хавфсизлик талабларини белгиловчи Ҳукумат қарори лойиҳасини Вазирлар Маҳкамасига киритсин.

21. Ўзбекистон Республикаси Қишлоқ хўжалиги вазирлиги Адлия вазирлиги, манфаатдор вазирлик ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклиф киритсин.

22. Мазкур қарорнинг ижросини назорат қилиш Ўзбекистон Республикасининг Бош вазири А.Н.Арипов ва Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича маслаҳатчиси А.Д.Вахабов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2019 йил 18 март,

ПҚ-4243-сон

Олдинги таҳрирга қаранг.

(1-илова Ўзбекистон Республикаси Президентининг 2022 йил 11 февралдаги ПФ-67-сонли Фармонига асосан ўз кучини йўқотган — Қонунчилик маълумотлари миллий базаси, 12.02.2022 й., 06/22/67/0128-сон)

Ўзбекистон Республикаси Президентининг 2019 йил 18 мартдаги ПҚ-4243-сон қарорига
2-ИЛОВА

2019 — 2021 йилларда илмий-тадқиқот институтлари томонидан озуқабоп экинларнинг бирламчи уруғларини етиштириш прогноз ҳажмлари

Т/р	Илмий-тадқиқот институти номи	Экин тури	Нави	Майдони (га)	Репродукцияси	Уруғ ҳажми (ц)
2019 йил
1.	Чорвачилик ва паррандачилик илмий-тадқиқот институти	Тритикале	Кумушсимон Праг	7	элита	21
		Сули	Ўзбекистон кенгбаргли	2	элита	5
		Жавдар	Шалола-18	1	элита	3
		Хашаки лавлаги	Ўзбекистон-83	1,5	супер-элита	0,9
		Маккажўхори	Ўзбекистон-18	2	элита	8
2.	Қоракўлчилик ва чўл экологияси илмий-тадқиқот институти	Изен	Нурота	5	1	5
		Терескен	Тўлқин	2	1	2
		Чогон	Жайҳун	5	1	10
		Қуйровуқ	Сенакосный	1	1	2
3.	Маккажўхори селекция ва уруғчилиги илмий-тажриба станцияси	Маккажўхори	Эркин 2 ЕСВ, Мухаббат, MJ 600, Ўзбекистон 203 М, Гк 26 М, Гк 26 зМ, Гк 13, АКИМ 1 АМВ, Краснодар 3928, Краснодар 1812	11	Ота-она шакл	110
		Маккажўхори	Ўзбекистон 601 ЕСВ, Ўзбекистон 300 МВ, Қорасув 350 АМВ	10,3	Ғ1 дурагай	206
		Жўхори	Қорабош	1	элита	25
		Тритикале	Праг серебристий	3	элита	90
		Лавлаги	Ўзбекистон нимқанди	0,5	1-репродукция	0,5
2020 йил
1.	Чорвачилик ва паррандачилик илмий-тадқиқот институти	Третикале	Кумушсимон Праг	5	супер-элита	15
		Сули	Ўзбекистон кенгбаргли	3	супер-элита	7,5
		Жавдар	Шалола-18	2	супер-элита	6
		Хашаки лавлаги	Ўзбекистон-83	2	супер-элита	1,2
		Маккажўхори	Ўзбекистон-18	2,5	элита	10
2.	Қоракўлчилик ва чўл экологияси илмий-тадқиқот институти	Изен	Нурота	5	1	5
		Терескен	Тўлқин	2	1	2
		Чогон	Жайҳун	5	1	10
3.	Маккажўхори селекция ва уруғчилиги илмий-тажриба станцияси	Маккажўхори	Эркин 2 ЕСВ, Муҳаббат, MJ 600, Ўзбекистон 203 М, Гк 26 М, Гк 26 зМ, Гк 13, АКИМ 1 АМВ, Краснодар 3928, Краснодар 1812	11	Ота-она шакл	110
4.	Маккажўхори селекция ва уруғчилиги илмий-тажриба станцияси	Маккажўхори	Ўзбекистон 601 ЕСВ, Ўзбекистон 300 МВ, Қорасув 350 АМВ	10,3	Ғ1 дурагай	206
		Жўхори	Қорабош	1	элита	25
		Тритикале	Праг серебристий	3	элита	90
		Лавлаги	Ўзбекистон нимқанди	0,5	1-репродукция	0,5
2021 йил
1.	Чорвачилик ва паррандачилик илмий-тадқиқот институти	Третикале	Кумушсимон Праг	4	супер-элита	12
		Сули	Ўзбекистон кенгбаргли	3	супер-элита	7,5
		Жавдар	Шалола-18	4	супер-элита	12
		Хашаки лавлаги	Ўзбекистон-83	1,5	супер-элита	0,9
		Маккажўхори	Ўзбекистон-18	3	элита	12
2.	Қоракўлчилик ва чўл экологияси илмий-тадқиқот институти	Изен	Нурота	7	1	7
		Терескен	Тўлқин	4	1	5
		Чогон	Жайҳун	10	1	20
		Қуйровуқ	Сенакосный	5	1	10
3.	Маккажўхори селекция ва уруғчилиги илмий-тажриба станцияси	Маккажўхори	Эркин 2 ЕСВ, Муҳаббат, MJ 600, Ўзбекистон 203 М, Гк 26 М, Гк 26 зМ, Гк 13, АКИМ 1 АМВ, Краснодар 3928, Краснодар 1812	11	Ота-она шакл	110
		Маккажўхори	Ўзбекистон 601 ЕСВ, Ўзбекистон 300 МВ, Қорасув 350 АМВ	10,3	Ғ1 дурагай	206
		Жўхори	Қорабош	1	элита	25
		Тритикале	Праг серебристий	3	элита	90
		Лавлаги	Ўзбекистон нимқанди	0,5	1-репродукция	0,5

Ўзбекистон Республикаси Президентининг 2019 йил 18 мартдаги ПҚ-4243-сон қарорига
3-ИЛОВА

Хўжаликларнинг асосий майдонларида чўл-яйлов озуқабоп экинлар уруғини экин турлари ва навлари бўйича 2019 йилда жойлаштириш режаси

Т/р	Ҳудудлар	Туман номи	Фермер хўжалиги номи	Жами ер майдони, га	Озуқабоп экинлар тури	Озуқабоп экинларнинг уруғлик майдони, га
1.	Қорақалпоғистон Республикаси	Хўжайли	«Азамат» ФХ	280	Тритикале, жўхори, беда	150
		Нукус	«Кербер» ФХ	900	Тритикале, жўхори	235
		Чимбой	«Алаутдин» ФХ	600	Беда, жўхори, маккажўхори	420
2.	Андижон вилояти	Қўрғонтепа	«Замон сари» ФХ	26	Маккажўхори	3
2.	Андижон вилояти	Қўрғонтепа	«Оқ сув» элита экспериментал уруғчилиги ФХ	640	Маккажўхори	140
3.	Бухоро вилояти	Когон	«Зирбод» бўрдоқичилик комплекси	10	Қуйровуқ, терескен, чогон,	4
4.	Жиззах вилояти	Зомин	«Тутак Карим даласи» ФХ	10	Изен, терескен, эспарцет	7
4.	Жиззах вилояти	Зомин	«Рустамнома» ФХ	10	Изен, терескен, чогон	8
5.	Навоий вилояти	Конимех	«Жулай парранда» МЧЖ	10	Тритикали, жўхори	1
		Нурота	«Истиқлол» МЧЖ	20	Изен, терескен, чогон, эркак ўт	2
		Нурота	«Шароф Рашидов» МЧЖ	10	Изен, терескен, қора саксовул	3
6.	Самарқанд вилояти	Нуробод	«Сахоба ота» МЧЖ	10	Шувоқ, олабута, чогон	5
6.	Самарқанд вилояти	Нуробод	«Жарқудуқ боғлари» ФХ	5	Изен, терескен, чогон	6
7.	Сирдарё вилояти	Янгиер	«Энергия насл чорва» МЧЖ	365	Маккажўхори, жўхори, тритикале	1,5
		Ховос	«Авазбек Маъмуров» ФХ	45	Тритикале, беда, хашаки нўхат, вика	15
		Мирзаобод	«Bek Cluster» МЧЖ қўшма корхонаси	18 000	Маккажўхори, жўхори, тритикале	30
Жами:				20 941		1 030,5

Ўзбекистон Республикаси Президентининг 2019 йил 18 мартдаги ПҚ-4243-сон қарорига
4-ИЛОВА

Қоракўлчилик ва чўл экологияси илмий-тадқиқот институтида чўл-яйлов озуқабоп ўсимликларининг бирламчи уруғлик майдонларини барпо этиш учун харид қилиниши зарур бўлган моддий-техника воситалари

РЎЙХАТИ

Т/р	Материаллар	Ўлчов бирлиги	Миқдори	Товар бирлиги нархи (минг сўм)	Жами (минг сўм)
1.	Сим тўр	метр	8 000	12	96 000
2.	Бетон устунлар	дона	2 400	40	96 000
3.	Пўлат сим	тонна	1	12	12 000
4.	Дизель ёқилғиси	тонна	3	4,8	14 000
5.	Сим тўр билан ўраш ишлари				30 000
6.	Зарур уруғларни йиғиш, экиш		3 000	5	15 000
Жами:					263 000

Олдинги таҳрирга қаранг.

Изоҳ: Зарур моддий-техника ресурслари Ўзбекистон Республикаси Қишлоқ хўжалиги вазирлиги ҳузуридаги «Уруғчиликни ривожлантириш маркази» давлат унитар корхонаси томонидан қайтариш шарти билан молиялаштирилади.

(изоҳ Ўзбекистон Республикаси Президентининг 2020 йил 21 июлдаги ПФ-6031-сонли Фармони таҳририда — Қонун ҳужжатлари маълумотлари миллий базаси, 22.07.2020 й., 06/20/6031/1088-сон)

Ўзбекистон Республикаси Президентининг 2019 йил 18 мартдаги ПҚ-4243-сон қарорига
5-ИЛОВА

Озуқабоп экинлар уруғларини етиштирувчи хўжаликлар ер майдони

ҲАЖМЛАРИ

						гектар
Т/р	Ҳудудлар	Беда уруғчилиги учун (1 гектардан 200 кг)	Макка уруғчилиги учун (1 гектардан 7 тонна)	Лавлаги уруғчилиги учун (1 гектардан 900 кг)	Оралиқ экин уруғчилиги учун (1 гектардан 5 тонна)	Чўл озуқа уруғчилиги учун (1 гектардан 40 кг)
1.	Қорақалпоғистон Республикаси	756	42	19	824	7 000
2.	Андижон вилояти	1 098	76	6	565
3.	Бухоро вилояти	783	35	14	707	5 000
4.	Жиззах вилояти	1 629	133	14	1 155	3 000
5.	Қашқадарё вилояти	1 602	104	5	1 067	3 000
6.	Навоий вилояти	84	69	4	351	8 000
7.	Наманган вилояти	1 242	54	8	546
8.	Самарқанд вилояти	456	183	9	973	3 000
9.	Сурхондарё вилояти	271	66	13	485	3 000
10.	Сирдарё вилояти	1 503	73	6	655
11.	Тошкент вилояти	1 287	153	9	911
12.	Фарғона вилояти	1 080	94	15	656
13.	Хоразм вилояти	828	58	10	941
Жами:		12 619	1 140	132	9 836	32 000

Олдинги таҳрирга қаранг.

(6-илова Ўзбекистон Республикаси Президентининг 2022 йил 11 февралдаги ПФ-67-сонли Фармонига асосан ўз кучини йўқотган — Қонунчилик маълумотлари миллий базаси, 12.02.2022 й., 06/22/67/0128-сон)

Ўзбекистон Республикаси Президентининг 2019 йил 18 мартдаги ПҚ-4243-сон қарорига
7-ИЛОВА

2022 йил 1 январга қадар божхона божларини тўлашдан озод этиладиган айрим турдаги бутловчи қисмлар ва хом ашёлар

РЎЙХАТИ

Т/р	Товарлар номи	ТИФ ТН коди
1.	Томчилатиб суғориш тизими учун қувур ва шланглар ишлаб чиқариш учун пигмент ва препаратлар	3206 19 000 0
2.	Томчилатиб суғориш тизими учун ПВХ қувурлар	3917 23 900 0
3.	Суғориш учун томчилатиш трубкаси, томчилатиб суғориш тизими учун эгилувчан қувурлар	3917 32 000 9
4.	Томчилатиб суғориш тизимини улаш учун фурнитура ва фитинглар	3917 40 000 0
5.	Ўз ўқи атрофида айланувчи ва бошқа ёмғирлатиб суғориш тизимининг бутловчи қисмлари ва машиналари	8424 82 100 0 8424 90 000 0
6.	Барча турдаги тўғрига ҳаракатланувчи ёмғирлатиб суғориш машиналари	8424 82 100 0

(Қонун ҳужжатлари маълумотлари миллий базаси, 19.03.2019 й., 07/19/4243/2784-сон; 22.07.2020 й., 06/20/6031/1088-сон; Қонунчилик маълумотлари миллий базаси, 09.06.2021 й., 06/21/6243/0540-сон, 16.12.2021 й., 06/21/34/1164-сон; 12.02.2022 й., 06/22/67/0128-сон; 11.11.2023 й., 06/23/193/0844-сон)