ПҚ-4151-сон 02.02.2019. Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги фаолиятини ташкил этиш тўғрисида

Ўзбекистон Республикаси Президентининг

Қарори

Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги фаолиятини ташкил этиш тўғрисида

[Кўчирма]

Ўзбекистон Республикаси Президентининг 2019 йил 2 февралдаги «Ахборот соҳаси ва оммавий коммуникацияларни янада ривожлантиришга оид қўшимча чора-тадбирлар тўғрисида»ги ПФ-5653-сон Фармонига мувофиқ:

1. Қуйидагилар:

Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигининг ташкилий тузилмаси 1-иловага мувофиқ;

Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги марказий аппаратининг тузилмаси 2-иловага мувофиқ;

Қорақалпоғистон Республикаси, вилоятлар ва Тошкент шаҳар ахборот ва оммавий коммуникациялар бошқармаларининг намунавий тузилмаси 3-иловага мувофиқ;

Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги тўғрисидаги низом 4-иловага мувофиқ;

2019-2020 йилларда Ўзбекистон Республикаси ахборот соҳаси ва оммавий коммуникацияларни янада ривожлантириш дастури 5-иловага мувофиқ;

«Кўзи ожизлар босмахонаси» корхонасининг матбаа ускуналарини модернизация қилиш, бинолари ва ишлаб чиқариш хоналарини таъмирлаш, моддий-техник базасини мустаҳкамлашга қаратилган «Ko‘ngil ko‘zi» лойиҳасини амалга ошириш бўйича «Йўл харитаси» 6-иловага мувофиқ тасдиқлансин.

Олдинги таҳрирга қаранг.

2. Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги (кейинги ўринларда — Агентлик) тизими бошқарув ходимларининг чекланган сони Ўзбекистон Республикаси Давлат бюджети маблағлари ҳисобидан молиялаштириладиган 146 нафар, жумладан марказий аппарати — 86 нафар ва ҳудудий бўлинмаларда — 60 нафар миқдорида белгилансин.

(2-банд Ўзбекистон Республикаси Президентининг 2019 йил 27 июндаги ПҚ-4366-сонли қарори таҳририда — Қонун ҳужжатлари маълумотлари миллий базаси, 28.06.2019 й., 07/19/4366/3343-сон)

3. Агентлик директорига:

зарур ҳолларда, бошқарув ходимларининг белгиланган штатлар сони ва меҳнатга ҳақ тўлаш фонди доирасида Агентлик ва унинг бўлинмалари ташкилий-штат тузилмаларига ўзгартиришлар киритиш;

Агентликнинг ҳудудий бўлинмалари тўғрисидаги низомларни, шунингдек идоравий бўйсунувидаги ташкилотларнинг низомлари ва тузилмаларини тасдиқлаш;

Агентликка юкланган вазифаларни бажариш доирасида давлат органлари, хўжалик бошқаруви органлари, давлат корхоналари ва ташкилотлари (кейинги ўринларда — давлат органлари ва бошқа ташкилотлар), нодавлат нотижорат ташкилотлари, илмий-таълим муассасалари, етакчи халқаро ташкилотлар ва хорижий компанияларнинг юқори малакали ходимларини, шу жумладан хорижий мутахассисларни маслаҳатчилар сифатида шартнома асосида жалб этиш;

Жамғарма маблағлари ҳисобидан ходимларга асосий эгаллаб турган лавозимлари бўйича лавозим маошларига, қонун ҳужжатларида назарда тутилган бошқа тўловлардан қатъи назар, ҳар ойлик иш ҳақи фондининг 300 фоизидан ошмаган миқдорда устама ва бошқа рағбатлантирувчи тўловларни белгилаш ҳуқуқи берилсин.

4. Белгилансинки:

Агентлик Ўзбекистон Республикасининг ахборот соҳасидаги ягона давлат сиёсатини ишлаб чиқувчи ва амалга оширувчи ҳамда оммавий ахборот воситалари, матбуот, ноширлик-матбаа ва ахборот-кутубхона фаолиятини ривожлантиришни қўллаб-қувватлаш бўйича ваколатли орган ҳисобланади;

Агентликка Ўзбекистон Республикаси Президенти томонидан лавозимига тайинланадиган ва лавозимидан озод этиладиган директор раҳбарлик қилади;

Олдинги таҳрирга қаранг.

Агентлик директори Ўзбекистон Республикаси Президенти билан келишилган ҳолда Ўзбекистон Республикаси Президенти ёрдамчиси томонидан лавозимга тайинланадиган ва лавозимдан озод этиладиган уч нафар ўринбосарлар, шу жумладан бир нафар биринчи ўринбосарга эга бўлади;

(4-банднинг тўртинчи хатбошиси Ўзбекистон Республикаси Президентининг 2024 йил 25 октябрдаги ПФ-168-сонли Фармони таҳририда)

Олдинги таҳрирга қаранг.

Ўзбекистон Республикаси Президенти ёрдамчиси Агентлик директори маслаҳатчиси қўшимча штат бирликларини Агентлик ходимларининг белгиланган умумий штатлари сони доирасида киритиш, унинг вазифаларини белгилаш, шунингдек, уни лавозимга тайинлаш ва лавозимдан озод этиш ҳуқуқига эга;

(4-банднинг бешинчи хатбошиси Ўзбекистон Республикаси Президентининг 2024 йил 25 октябрдаги ПФ-168-сонли Фармони таҳририда)

Агентлик директори мақоми, меҳнатга ҳақ тўлаш, моддий рағбатлантириш, тиббий ва транспорт хизмати кўрсатиш шароитларига кўра Ўзбекистон Республикаси Президенти маслаҳатчисининг биринчи ўринбосарига, унинг ўринбосарлари эса Ўзбекистон Республикаси Президенти маслаҳатчисининг ўринбосарларига тенглаштирилади;

Агентликнинг ўз ваколатлари доирасида қабул қилган қарорлари ахборот соҳасида фаолиятни амалга оширувчи барча давлат ва хўжалик бошқаруви органлари, маҳаллий ижро этувчи ҳокимият органлари, бошқа ташкилот ва идоралар, хўжалик юритувчи субъектлар томонидан бажарилиши мажбурий ҳисобланади.

5. Агентлик, Ўзбекистон Республикаси Ташқи ишлар вазирлиги, Инвестициялар ва ташқи савдо вазирлиги, Савдо-саноат палатасининг 7-иловага мувофиқ таркибда PR-марказ функцияларини амалга ошириш бўйича Идоралараро ишчи гуруҳини тузиш тўғрисидаги таклифига розилик берилсин.

Қуйидагилар Идоралараро ишчи гуруҳининг асосий вазифалари этиб белгилансин:

Агентлик томонидан PR-фаолиятни ташкил этишнинг устувор вазифа ва йўналишларини, концептуал асосларини ишлаб чиқиш, ушбу соҳада самарали идоралараро мувофиқлаштиришни йўлга қўйиш;

иқтисодиётнинг турли тармоқларида инвестицияга эҳтиёж ва салоҳиятли лойиҳалар тўғрисидаги маълумотларни тўплаш, хорижий инвестицияларни жалб этиш жараёнларини ва бизнес-форумлар ташкил этишни PR жиҳатидан қўллаб-қувватлаш учун доимий асосда ахборот материалларини тайёрлаш;

мамлакатимиз инвестиция салоҳияти тўғрисидаги ахборотни тўплаш ва таҳлил қилиш, истиқболли инвестиция таклифлари рўйхатини, хорижий инвесторлар учун зарур тақдимот материалларини тайёрлаш учун маълумотларни шакллантириш бўйича тадбиркорлик субъектлари, давлат органлари ва бошқа ташкилотлар билан ўзаро ҳамкорлик қилиш;

жаҳон ахборот маконида Ўзбекистоннинг ижобий имижини шакллантириш ва илгари суриш, мамлакатнинг инвестиция муҳити ва туристик салоҳиятини тарғиб этиш билан боғлиқ масалаларни кўриб чиқиш.

6. Белгилансинки:

Агентлик ва унинг ҳудудий бўлинмалари фаолиятини молиялаштириш Ўзбекистон Республикаси Давлат бюджети, Жамғарма маблағлари ва қонун ҳужжатлари билан тақиқланмаган бошқа маблағлар ҳисобидан амалга оширилади;

Агентлик ва унинг ҳудудий бўлинмалари тегишли равишда Ўзбекистон матбуот ва ахборот агентлиги, Қорақалпоғистон матбуот ва ахборот агентлиги, вилоятлар ва Тошкент шаҳар матбуот ва ахборот бошқармаларининг шартномалари ва мажбуриятлари бўйича ҳуқуқий вориси ҳисобланади;

Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигининг Оммавий коммуникациялар масалалари бўйича маркази Ўзбекистон матбуот ва ахборот агентлигининг Оммавий коммуникациялар соҳасида мониторинг марказининг шартномалари ва мажбуриятлари бўйича ҳуқуқий вориси ҳисобланади;

Агентлик фаолияти соҳасига кирувчи масалалар бўйича норматив-ҳуқуқий ҳужжатлар лойиҳалари мажбурий тартибда у билан келишилиши шарт;

Агентлик давлат органлари ва бошқа ташкилотлар томонидан тайёрланадиган ва кейинчалик телерадиоканалларда, жумладан нодавлат телерадиоканалларда трансляция қилишга мўлжалланган ижтимоий ролик ва эълонларни тайёрлаш бўйича ишларни мувофиқлаштиради.

Олдинги таҳрирга қаранг.

7. Халқ таълими вазирлиги Молия вазирлиги билан биргаликда ҳар йили ноширлик-матбаа корхоналарига Ўзбекистон Республикасида ишлаб чиқарилмайдиган зарур хом ашё ва сарф материаллари захирасини шакллантириш ҳамда нашрга тайёргарлик кўриш мақсадида умумий ўрта таълим муассасалари учун тегишли янги ўқув йилига дарслик ва ўқув-методик қўлланмаларни нашр (қайта нашр) этиш бўйича тузилган шартномаларнинг умумий суммасидан, истисно тариқасида, 50 фоиз миқдорида аванс маблағларини ажратсин.

(7-банд Ўзбекистон Республикаси Президентининг 2019 йил 10 декабрдаги ПФ-5892-сонли Фармони таҳририда — Қонун ҳужжатлари маълумотлари миллий базаси, 11.12.2019 й., 06/19/5892/4134-сон)

8. Давлат органлари ва бошқа ташкилотлар раҳбарларига идоравий бўйсунувидаги матбуот хизматлари (жамоатчилик билан ишлаш бўлинмалари)нинг сифатли фаолият юритиши, улар олдига қўйилган вазифаларнинг самарали бажарилиши, шунингдек уларни малакали мутахассислар билан тўлдирилиши юзасидан шахсий жавобгарлик юклансин.

9. Ўзбекистон Республикаси Инвестициялар ва ташқи савдо вазирлиги Агентлик билан биргаликда 2019 йилда замонавий ихтисослашган китоб дўконлари, ноширлик-матбаа корхоналарини модернизация қилиш ва моддий-техник базасини мустаҳкамлаш, уларнинг айланма маблағларини тўлдириш, янги китоб дўконларини қуриш, шунингдек дарсликлар ва бошқа босма маҳсулотлар ишлаб чиқариш учун халқаро молиявий институтлар ва хорижий ҳукумат молиявий ташкилотларнинг кредит линиялари ҳисобидан маблағларнинг жалб этилишини таъминласин.

12. Агентлик Ўзбекистон Республикаси Давлат активларини бошқариш агентлиги билан биргаликда 2019 йил 1 июнга қадар Агентлик тизимидаги объектлар ва мол-мулкни тўлиқ хатловдан ўтказсин ва Агентликнинг идоравий бўйсунувидаги корхоналарини хусусийлаштириш, ушбу соҳада давлат-хусусий шерикликни жорий этиш ва инвестиция лойиҳаларини амалга оширишни назарда тутадиган Республика ноширлик-матбаа тармоғини ривожлантириш комплекс дастурини тасдиқласин.

Олдинги таҳрирга қаранг.

13. Миллий китоб ва босма маҳсулотларни сотиш бўйича кўчма китоб павильонлари кўчма савдо объектлари ҳисобланади.

Кўчма савдо жойи (хусусий мулкдорларга тегишли жойлардан ташқари) кўчма савдо объектларининг жойлашиш схемалари бўйича «K — SAVDO» автоматлаштирилган ахборот тизими орқали электрон онлайн-аукционда сотилади.

(13-банд Ўзбекистон Республикаси Президентининг 2021 йил 7 октябрдаги ПФ-6320-сонли Фармони таҳририда — Қонунчилик маълумотлари миллий базаси, 08.10.2021 й., 06/21/6320/0940-сон)

14. Ўзбекистон Республикаси Вазирлар Маҳкамаси бир ой муддатда:

давлат органлари ва бошқа ташкилотларда, жумладан ҳарбий қисмларда идоравий кутубхоналар фаолият юритиши ҳамда уларнинг фонди Агентлик таклифлари асосида ҳар йили янгиланиб борилишини назарда тутадиган ҳукумат қарори лойиҳасини ишлаб чиқсин ва қабул қилсин;

босма маҳсулотлар ҳамда даврий босма нашрларнинг мажбурий бепул нусхаларини олувчи ташкилотлар рўйхатини қисқартиришни ҳисобга олган ҳолда уларни тарқатиш тартибини қайта кўриб чиқсин.

15. Ўзбекистон Республикаси Олий ва ўрта махсус таълим вазирлиги Агентлик таклифлари асосида республика ўрта махсус ва олий таълим муассасалари кутубхоналарини тўлдириш учун бадиий адабиётлар рўйхатини шакллантирсин ва ҳар йили ушбу адабиётларни харид қилиш учун зарур маблағларни ажратсин.

16. Ўзбекистон Республикаси Ахборот технологиялари ва коммуникацияларини ривожлантириш вазирлиги бир ой муддатда Агентликни алоқа, шу жумладан ҳукумат алоқаси воситалари билан, шунингдек кенг полосали Интернет тармоғига уланишини таъминласин.

17. Агентлик Тошкент шаҳар, Шайхонтоҳур тумани, Навоий кўчаси, 30-уй манзили бўйича беғараз фойдаланиш ҳуқуқи асосида жойлаштирилсин.

Олдинги таҳрирга қаранг.

18. Агентликка Ўзбекистон Республикаси Давлат бюджети маблағлари ҳисобидан 6 та, шу жумладан 4 та шахсий бириктирилган ва 2 та навбатчи хизмат енгил автомобиллари сотиб олиш ва сақлаш учун лимит белгилансин.

(18-банд Ўзбекистон Республикаси Президентининг 2019 йил 27 июндаги ПҚ-4366-сонли қарори таҳририда — Қонун ҳужжатлари маълумотлари миллий базаси, 28.06.2019 й., 07/19/4366/3343-сон)

Олдинги таҳрирга қаранг.

(Ўзбекистон Республикаси Президентининг 2025 йил 26 декабрдаги ПФ-259-сонли Фармонига асосан 19-банднинг ўз кучини йўқотиш санаси — 2026 йил 1 январь — Қонунчилик маълумотлари миллий базаси, 27.12.2025 й., 06/25/259/1224-сон)

20. Агентлик Адлия вазирлиги ва бошқа манфаатдор идоралар билан биргаликда бир ой муддатда:

қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин;

ўзлари қабул қилган норматив-ҳуқуқий ҳужжатларни мазкур қарорга мувофиқлаштирсин.

21. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти маслаҳатчисининг ўринбосари Ф.Ш. Маҳмудов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2019 йил 2 февраль,

ПҚ-4151-сон

Ўзбекистон Республикаси Президентининг 2019 йил 2 февралдаги ПҚ-4151-сон қарорига
1-ИЛОВА

Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигининг

ТАШКИЛИЙ ТУЗИЛМАСИ

Ўзбекистон Республикаси Президентининг 2019 йил 2 февралдаги ПҚ-4151-сон қарорига
2-ИЛОВА

Олдинги таҳрирга қаранг.

ТУЗИЛМАСИ

Бошқарув ходимларининг умумий чекланган сони — 86 нафар.

(2-илова матни Ўзбекистон Республикаси Президентининг 2019 йил 27 июндаги ПҚ-4366-сонли қарори таҳририда — Қонун ҳужжатлари маълумотлари миллий базаси, 28.06.2019 й., 07/19/4366/3343-сон)

Ўзбекистон Республикаси Президентининг 2019 йил 2 февралдаги ПҚ-4151-сон қарорига
3-ИЛОВА

Олдинги таҳрирга қаранг.

Қорақалпоғистон Республикаси, вилоятлар ва Тошкент шаҳар ахборот ва оммавий коммуникациялар бошқармаларининг

намунавий тузилмаси

Ходимларнинг жами штат бирлиги (техник ва хизмат кўрсатувчи ходимлар бундан мустасно) — 4-5 нафар.

Қорақалпоғистон Республикаси, вилоятлар ва Тошкент шаҳар ахборот ва оммавий коммуникациялар бошқармалари ходимларнинг умумий чекланган сони (техник ва хизмат кўрсатувчи ходимлар бундан мустасно) — 60 нафар.

(3-илова матни Ўзбекистон Республикаси Президентининг 2019 йил 27 июндаги ПҚ-4366-сонли қарори таҳририда — Қонун ҳужжатлари маълумотлари миллий базаси, 28.06.2019 й., 07/19/4366/3343-сон)

Ўзбекистон Республикаси Президентининг 2019 йил 2 февралдаги ПҚ-4151-сон қарорига
4-ИЛОВА

Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги тўғрисида

НИЗОМ

1-боб. Умумий қоидалар

1. Ушбу Низом Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигининг (кейинги ўринларда — Агентлик) мақоми, вазифалари, функциялари, ваколатлари ва фаолиятининг ташкилий асосларини, шунингдек раҳбарларининг функционал мажбуриятлари ва жавобгарлигини белгилайди.

2. Агентлик Ўзбекистон Республикасининг ахборот соҳасидаги ягона давлат сиёсатини ишлаб чиқиш ва амалга ошириш ҳамда оммавий ахборот воситалари, матбуот, ноширлик-матбаа ва ахборот-кутубхона фаолиятини ривожлантиришни қўллаб-қувватлаш бўйича ваколатли давлат органи ҳисобланади.

Олдинги таҳрирга қаранг.

3. Агентлик ўз фаолиятида Ўзбекистон Республикаси Конституцияси, қонунлари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг фармонлари, қарорлари ва фармойишлари, Ўзбекистон Республикаси Президенти ёрдамчиси ва Ўзбекистон Республикаси Вазирлар Маҳкамасининг ҳужжатлари, ушбу Низом ва бошқа қонун ҳужжатларига амал қилади.

(3-банд Ўзбекистон Республикаси Президентининг 2024 йил 25 октябрдаги ПФ-168-сонли Фармони таҳририда)

4. Агентликнинг ўз ваколатлари доирасида қабул қилган қарорлари ахборот соҳасида фаолият олиб борувчи барча давлат ва хўжалик бошқаруви органлари, маҳаллий ижро этувчи ҳокимият органлари, бошқа ташкилотлар ва идоралар, хўжалик субъектлари (кейинги ўринларда — давлат органлари ва бошқа ташкилотлар) томонидан бажарилиши мажбурий ҳисобланади.

5. Агентлик юридик шахс ҳисобланади, Ўзбекистон Республикаси Давлат герби тасвири ва ўз номи туширилган муҳрга эга.

6. Агентликнинг расмий номи:

а) давлат тилида:

тўлиқ — Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, қисқача — Ахборот ва оммавий коммуникациялар агентлиги;

б) рус тилида:

тўлиқ — Агентство информации и массовых коммуникаций при Администрации Президента Республики Узбекистан, қисқача — Агентство информации и массовых коммуникаций;

в) инглиз тилида:

тўлиқ — Agency of Information and Mass Communications under the Administration of the President of the Republic of Uzbekistan, қисқача — Agency of Information and Mass Communications.

7. Агентлик Тошкент шаҳри, Алишер Навоий кўчаси, 30-уй манзилига жойлаштирилади.

2-боб. Агентлик тузилмаси

8. Агентлик тизимига қуйидагилар киради:

Агентликнинг марказий аппарати;

Қорақалпоғистон Республикаси, вилоятлар ва Тошкент шаҳар ахборот ва оммавий коммуникациялар бошқармалари (кейинги ўринларда — ҳудудий бошқармалар);

«O`zbekiston» нашриёт-матбаа ижодий уйи;

Ғафур Ғулом номидаги нашриёт-матбаа ижодий уйи;

«O`qituvchi» матбаа уйи;

Чўлпон номидаги нашриёт-матбаа ижодий уйи;

«Ўзбекистон миллий энциклопедияси» давлат илмий нашриёти;

«Кўзи ожизлар босмахонаси» давлат корхонаси;

Қорақалпоғистон Республикаси ва вилоятлардаги ҳудудий нашриётлар;

«O‘qituvchi» илмий-методик нашриёт маркази;

Алишер Навоий номидаги Ўзбекистон Миллий кутубхонаси;

Оммавий коммуникациялар масалалари бўйича марказ;

Ноширлик-матбаа фаолияти соҳасида мутахассислар тайёрлаш касб-ҳунар коллежи;

«Ўздавкитобсавдотаъминоти» МЧЖ китоб маҳсулотларини тарқатиш корхонаси;

«Маъмурий бинолардан фойдаланиш бошқармаси» давлат корхонаси.

9. Ҳудудий бошқармалар Агентликка ҳисоб берадилар.

10. «O‘qituvchi» илмий-методик нашриёт маркази, Алишер Навоий номидаги Ўзбекистон Миллий кутубхонаси ва Оммавий коммуникациялар масалалари бўйича марказ Агентлик директорига бўйсунади.

3-боб. Агентлик ва ҳудудий бошқармаларнинг вазифа ва функциялари

1-§. Агентликнинг вазифа ва функциялари

11. Агентликнинг асосий вазифаларига қуйидагилар киради:

фуқароларнинг сўз ва ахборот эркинлигига доир конституциявий ҳуқуқларининг рўёбга чиқишини таъминлаш, мамлакатни ижтимоий-сиёсий ва социал-иқтисодий ривожлантиришда оммавий ахборот воситаларининг ролини кучайтириш, медиа-бозорда улар учун тенг шароитлар яратиш, шунингдек, журналистлар ҳуқуқларини ҳимоя қилиш;

оммавий ахборот воситалари, матбуот, ноширлик-матбаа ва ахборот-кутубхона фаолиятининг ривожланишини давлат томонидан қўллаб-қувватлаш чора-тадбирларини ишлаб чиқиш ва таъминлаш, шунингдек, инвестициялар жалб этиш ва давлат-хусусий шериклик шартлари асосида лойиҳаларни амалга ошириш учун қулай шарт-шароитларни шакллантириш;

ахборот соҳасидаги қонун ҳужжатларини қўллаш амалиётини умумлаштириш, оммавий ахборот воситалари, матбуот, ноширлик-матбаа ва ахборот-кутубхона фаолиятининг ривожланишини давлат томонидан қўллаб-қувватлаш соҳасидаги норматив-ҳуқуқий ҳужжатлар лойиҳаларини илгари суриш ва ишлаб чиқиш;

давлат органлари ва бошқа ташкилотларга улар фаолиятининг очиқлигини таъминлашда, давлат хизматчиларига оммавий ахборот воситалари билан очиқ, оммавий ўзаро ҳамкорлик қилиш маданиятини сингдиришда, шу жумладан, уларнинг матбуот хизматлари (жамоатчилик билан ишлаш бўйича бўлинмалари) фаолиятини мувофиқлаштириш ва услубий жиҳатдан таъминлаш орқали кўмаклашиш;

мамлакатимизда амалга оширилаётган кенг миқёсли ислоҳотларни, инвестициялар киритиш ва ишбилармонлик муҳитини яхшилаш учун яратилган қулай шароитларни, аввало хорижий ишбилармон доиралар, тадбиркорлар, салоҳиятли инвесторлар, давлат ва жамоат арбоблари орасида тарғиб этиш ва кенг хабардор қилиш масалаларида давлат органлари ва бошқа ташкилотлар, шунингдек, Ўзбекистон Республикасининг хориждаги дипломатик ваколатхоналари билан ўзаро ҳамкорлик қилиш;

тармоқ корхоналарининг моддий-техник базасини ривожлантириш ва мустаҳкамлаш, шунингдек, замонавий стандартлаштириш ва сертификатлаштириш тизимлари, инновацион ғоялар ва технологияларни жорий этиш бўйича чора-тадбирлар ишлаб чиқиш ва амалга ошириш;

китоб нашр этиш, электрон ва аудио китоблар яратиш, китоб мутолааси маданиятини ошириш, хорижда ўзбек адабиётини оммалаштириш соҳасида дастурий чора-тадбирларни ишлаб чиқиш ва уларнинг амалга оширилишини таъминлаш;

журналистлар ҳамда оммавий ахборот воситалари, матбуот, ноширлик-матбаа ва ахборот-кутубхона корхоналари ходимларини тайёрлаш, қайта тайёрлаш ва малакасини оширишга қаратилган комплекс чора-тадбирларни амалга ошириш, шунингдек, тармоқнинг муҳандислик-техник мутахассисларини тайёрлашда кўмаклашиш, уларнинг ижтимоий ва ҳуқуқий ҳимоясини таъминлаш;

республика ахборот хавфсизлигини таъминлашда иштирок этиш ҳамда ахборот соҳасидаги хатар ва таҳдидларга қарши ўз вақтида ва муносиб равишда курашиш чораларини кўриш;

Агентлик ваколатига тааллуқли масалалар бўйича халқаро ҳамкорликни ташкил этиш.

12. Агентлик зиммасига юкланган вазифаларга мувофиқ равишда қуйидаги функцияларни амалга оширади:

1) фуқароларнинг сўз ва ахборот эркинлигига доир конституциявий ҳуқуқларининг рўёбга чиқишини таъминлаш, мамлакатни ижтимоий-сиёсий ва социал-иқтисодий ривожлантиришда оммавий ахборот воситаларининг ролини кучайтириш, медиа-бозорда улар учун тенг шароитлар яратиш, шунингдек, журналистлар ҳуқуқларини ҳимоя қилиш борасида:

Ўзбекистон Республикаси ахборот соҳасидаги ягона давлат сиёсати асосларини ишлаб чиқади, Ўзбекистон Республикаси Президенти томонидан илгари сурилган туб ижтимоий-сиёсий ва социал-иқтисодий ислоҳотларни ҳисобга олган ҳолда, унинг ўрта ва узоқ муддатга мўлжалланган мақсадларини, амалга ошириш босқичлари, устувор йўналишлари ва шаклларини белгилайди;

ахборот соҳасидаги ягона давлат сиёсатининг ижросини таъминлайди, давлат оммавий ахборот воситаларининг ушбу йўналишдаги фаолиятини мувофиқлаштиради, масс-медиа ва Агентлик ўртасида методик ҳамкорликни амалга оширади, Ўзбекистон Республикасининг мамлакатда ва хорижда нуфузини оширишга қаратилган сиёсатни илгари суришга кўмаклашади;

қонунчиликда белгиланган тартибда ва ваколатлар доирасида оммавий ахборот воситалари таҳририятларининг профессионал фаолият чегарасидаги мустақиллиги ва эркинлигини таъминлаш, соҳани ривожлантириш ва модернизация қилишнинг стратегик масалаларини ҳал этиш, шунингдек, жамият ва давлат ҳаётини демократлаштириш, очиқ фуқаролик жамиятини барпо этишда оммавий ахборот воситаларининг ролини оширишни қонунчилик билан ўрнатилган тартиб ва чегарада амалга оширади;

оммавий ахборот эркинлигини ноқонуний чеклаш, цензура, шунингдек оммавий ахборот воситаларида, глобал Интернет компьютер тармоғига жойлаштирилган ахборот ресурсларида (уларнинг таркибий қисмларида) ва босма нашрларда тарқатилиши тақиқланган ва (ёки) чекланган ахборотларнинг тарқатилишига йўл қўймаслик юзасидан қонунчиликда кўзда тутилган чораларни кўради;

мулкчилик шаклидан қатъи назар оммавий ахборот воситалари учун расмий маълумотларни олишда тенг ҳуқуқларни таъминлайди;

ахборот соҳасида мавжуд муаммоларни муҳокама қилиш ва тегишли қарорларни ишлаб чиқиш учун етакчи босма ва электрон оммавий ахборот воситаларининг таъсисчилари ва таҳририятлари, оммабоп веб-ресурслар ва блогерлар билан ўзаро манфаатли ҳамкорликнинг барқарор механизмларини яратади;

давлат ва нодавлат теле(радио)каналлар билан ҳамкорликда алоҳида ижтимоий аҳамиятга молик лойиҳаларни ишлаб чиқади ва рўёбга чиқаради, ушбу йўналишдаги бозор иштирокчилари учун тенг шароитлар яратиш бўйича чоралар кўради;

электрон оммавий ахборот воситаларининг аудиториясини ўлчашни ва босма оммавий ахборот воситаларининг ададини таҳлил қилишни амалга оширади;

хорижий давлатлар ва компанияларнинг телекўрсатувлари, радиоэшиттиришларини Ўзбекистон Республикаси ҳудудида тарқатиш имкониятларини ва мақсадга мувофиқлигини белгилайди, ҳукуматлараро битимлар ва халқаро шартномалар тузиш бўйича таклифлар киритади;

ички жараёнга медиа-менежментнинг замонавий усулларини, АКТ-ечимларини, шунингдек, самарали маркетинг ишланмаларини жорий этиш йўли билан даврий нашрларнинг жозибадорлигини ошириш, уларнинг молиявий ҳолатини яхшилаш бўйича комплекс чораларни ишлаб чиқади;

оммавий ахборот воситалари таҳририятларининг ҳуқуқлари, эркинликлари ва манфаатларини ҳимоя қилиш, журналистнинг мақомини ошириш, медиа жамоатчиликнинг ўзини ўзи бошқариши механизмларини ишлаб чиқиш, шунингдек, журналистнинг умумэътироф этилган миллий гувоҳномасини жорий этишда кўмаклашади;

юридик ва жисмоний шахсларни оммавий ахборот воситалари орқали нохолис, ишончсиз ва норматив-ҳуқуқий ҳужжатлар билан тақиқланган ахборотлар тарқатилишидан ҳимоя қилишда кўмаклашади;

оммавий ахборот воситалари маҳсулотларини тарқатиш соҳасида соғлом рақобатни ривожлантириш бўйича таклифларни ишлаб чиқади;

2) оммавий ахборот воситалари, матбуот, ноширлик-матбаа ва ахборот-кутубхона фаолиятининг ривожини давлат томонидан қўллаб-қувватлаш чораларини ишлаб чиқиш ва таъминлаш, шунингдек, инвестицияларни жалб қилиш ва давлат-хусусий шериклик шартлари асосидаги лойиҳаларни амалга ошириш учун қулай шароитларни шакллантириш борасида:

марказий ва ҳудудий давлат оммавий ахборот воситалари (матбуот, телевидение, радио, электрон-ОАВ, ахборот агентликлари), нашриёт-матбаа ва ахборот-кутубхона тузилмаларининг ҳолатини баҳолаш ҳамда ривожлантириш ва/ёки мақбуллаштириш бўйича комплекс ҳаракатлар режасини ишлаб чиқиш мақсадида уларнинг бутун тармоқларини батафсил таҳлил қилади;

оммавий ахборот воситаларини ривожлантиришга, ноширлик ва матбаа фаолияти билан шуғулланувчи ташкилотлар ва якка тадбиркорларни қўллаб-қувватлашга қаратилган чора-тадбирларни ишлаб чиқади ва амалга оширади;

давлат оммавий ахборот воситаларининг хориждаги мухбирлик пунктлари, бюро ва бошқа ваколатхоналарини ташкил этиш, журналистларни аккредитациядан ўтказишда қонунчиликда белгиланган тартибда кўмаклашади;

LexUZ шарҳи

Қаранг: Ўзбекистон Республикаси Олий Мажлиси Қонунчилик палатаси Кенгашининг 2021 йил 5 апрелда қабул қилинган 837-IV-сонли қарори билан тасдиқланган Оммавий ахборот воситалари вакилларини Ўзбекистон Республикаси Олий Мажлиси Қонунчилик палатаси ҳузурида аккредитация қилиш тартиби.

босма ва электрон оммавий ахборот воситалари соҳасида ижтимоий аҳамиятга эга лойиҳаларни ишлаб чиқиш ва тарқатиш, шу жумладан Интернет тармоғида ижтимоий ёки таълимий аҳамиятга эга ресурслар яратиш ва таъминлаб туриш билан шуғулланувчи ташкилотларнинг давлат томонидан қўллаб-қувватланишини таъминлайди;

идоравий бўйсунувидаги ташкилотлардаги матбаа ускуналарини янгилаш, уларни модернизация қилиш, хорижий инвестициялар ва грантларни жалб этиш, шунингдек, халқаро ташкилотларнинг кредитларидан фойдаланишда кўмаклашади ва улар бўйича мақсадли дастурларни ишлаб чиқади;

нашриёт-матбаа соҳасида техник тартибга солиш, шунингдек, техник ҳужжатлаштиришнинг меъёрий ҳужжатларини ишлаб чиқади, нашриёт-матбаа маҳсулотларини стандартлаштириш, сертификатлаштириш масалаларида методик ёрдам кўрсатади;

оммавий ахборот воситалари, ахборот алмашиш, нашриёт-матбаа ва ахборот-кутубхона фаолияти соҳасида илмий тадқиқотларни жорий этиш ва қўллаб-қувватлашда қатнашади;

хорижий давлатларнинг оммавий ахборот воситалари, нашриёт-матбаа ва ахборот-кутубхона фаолияти соҳасидаги тажрибасини ўрганади, келгусида уларни татбиқ қилиш бўйича тавсиялар ишлаб чиқади;

Агентлик ваколатига кирувчи масалалар бўйича оммавий ахборот воситаларига маслаҳат ёрдамини кўрсатади, уларнинг технологик ва мазмунан ривожланишига кўмаклашади;

ноширлик фаолиятини лицензиялаш, оммавий ахборот воситалари ва матбаа корхоналарини рўйхатдан ўтказиш, шунингдек, уларни, шу жумладан давлат-хусусий шериклик шаклида ривожлантириш масалаларида тадбиркорлик субъектларига ахборот, ташкилий, методик ва маслаҳат ёрдамини тақдим этади;

Олдинги таҳрирга қаранг.

китоб нашр этишда, электрон ва аудио китоблар яратишда муаллифлик ҳуқуқлари бузилишини олдини олиш юзасидан чоралар кўради, нашриётлар, электрон ва аудио китоблар яратиш фаолиятини амалга оширувчи субъектлар фаолиятида қонунбузарликларни аниқлаш ва бартараф этиш, республика ҳудудида ноширлик-матбаа фаолияти соҳасида контрафакт маҳсулотлар тайёрланиши, нашр қилиниши ва сотилишини бартараф қилиш борасида ҳуқуқни муҳофаза қилувчи, божхона, солиқ ва бошқа давлат органлари билан ўзаро ҳамкорлик қилади;

(12-банд 2-кичик бандининг ўн иккинчи хатбошиси Ўзбекистон Республикаси Президентининг 2022 йил 26 апрелдаги ПҚ-221-сон қарори таҳририда — Қонунчилик маълумотлари миллий базаси, 26.04.2022 й., 07/22/221/0357-сон)

оммавий ахборот воситалари ва республика ахборот маконининг бошқа иштирокчилари томонидан оммавий ахборот воситалари, нашриёт-матбаа фаолияти соҳасидаги қонун ҳужжатларига, лицензия ва рухсатнома талаблари ва шартларига риоя этилиши устидан мониторингини амалга оширади;

Ўзбекистоннинг телевизион кўрсатувлари ва радиоэшиттиришларини тарқатиш, шунингдек, мамлакат ахборот тизимларини дунё ахборот тармоқларига интеграциялаш масалалари юзасидан хорижий давлатларнинг ваколатли органлари билан ўтказиладиган музокараларда қатнашади;

ноширлик фаолиятини амалга ошириш шартлари ва лицензия талабларини ишлаб чиқади;

юридик шахсларга ноширлик фаолиятига лицензия беришни амалга оширади;

Ўзбекистон Республикасида рўйхатдан ўтган матбаа корхоналарининг Ягона давлат реестрини юритиш тартибини ўрнатади ва унинг юритилишини таъминлайди;

ноширлик фаолиятига лицензия бериш тўғрисидаги материалларни кўриб чиқиш учун ишчи гуруҳи тузади;

ноширлик фаолиятига лицензия бериш, ушбу лицензияни тўхтатиб туриш ёки тугатиш, шунингдек, бекор қилиш ва қайта расмийлаштириш юзасидан қарор қабул қилади;

лицензия олувчи томонидан ноширлик фаолияти соҳасида лицензия талаблари ва шартларига, шу жумладан китоб-дафтар, матбаа ва канцелярия маҳсулотларини нашр этишда ўрнатилган сифат стандартларига риоя этилиши устидан тизимли назорат олиб боради;

Ўзбекистон Республикасида фаолият кўрсатувчи нашриётларнинг давлат реестрини юритиш тартибини ўрнатади ва унинг юритилишини таъминлайди;

оммавий ахборот воситалари ва матбаа корхоналарини рўйхатдан ўтказади;

Ўзбекистон Республикасида рўйхатдан ўтказилган оммавий ахборот воситаларининг ягона реестрини юритиш тартибини ўрнатади ва унинг юритилишини таъминлайди;

ахборот сиёсатини амалга ошириш бўйича Ўзбекистон Республикасининг қонунлари, Ўзбекистон Республикаси Президенти ва Вазирлар Маҳкамасининг ҳужжатлари, шунингдек, давлат органлари ва бошқа ташкилотларнинг баъзи ҳужжатлари лойиҳаларини ўз ваколатлари доирасида ишлаб чиқади, келишади ва киритади;

ахборот соҳасини давлат томонидан қўллаб-қувватлаш бўйича, шу жумладан оммавий ахборот воситалари, матбуот, ноширлик-матбаа ва ахборот-кутубхона фаолиятини ривожлантириш чораларини самарали амалга ошириш учун норматив-ҳуқуқий базани тизимли таҳлил қилади ва уни такомиллаштириш юзасидан таклифлар тайёрлайди;

ўз вазифаларини бажаришда Ахборот муҳитини ривожлантириш бўйича жамоатчилик кенгаши фаолияти доирасида медиа-бозор иштирокчилари, ахборот соҳасидаги ноҳукумат ташкилотлар, оммавий ахборот воситалари соҳасидаги атоқли миллий ва хорижий мутахассислар, журналистлар, блогерлар, бошқа мутахассислар билан ҳамкорлик қилади;

3) ахборот соҳасидаги қонун ҳужжатларини қўллаш амалиётини умумлаштириш, оммавий ахборот воситалари, матбуот, ноширлик-матбаа ва ахборот-кутубхона фаолиятининг ривожланишини давлат томонидан қўллаб-қувватлаш соҳасидаги норматив-ҳуқуқий ҳужжатлар лойиҳаларини илгари суриш ва ишлаб чиқиш борасида:

оммавий ахборот воситалари, матбуот, ноширлик-матбаа ва ахборот-кутубхона соҳасидаги меъёрий-ҳуқуқий ҳужжатларнинг бажарилиши устидан мониторингни таъминлайди;

матбаа соҳасидаги сўнгги ютуқлар ва хорижий давлатларнинг илғор тажрибаларини инобатга олган ҳолда мактаб дарсликлари, ўқув қўлланмалар ва китоб-дафтар маҳсулотларини безатиш ва нашр қилиш стандартлари, техник регламентлари ва санитар меъёрларини ишлаб чиқади;

эксперт жамоатчилиги билан ҳамкорликда оммавий коммуникациялар, матбуот, ноширлик, матбаа ва ахборот-кутубхона фаолияти соҳасини яхшилашга қаратилган қонунчиликни такомиллаштириш бўйича таклифларни ишлаб чиқади ва Ўзбекистон Республикаси Президентига кўриб чиқиш учун киритади.

4) давлат органлари ва бошқа ташкилотларга улар фаолиятининг очиқлигини таъминлашда, давлат хизматчиларига оммавий ахборот воситалари билан очиқ, оммавий ўзаро ҳамкорлик қилиш маданиятини сингдиришда, шу жумладан, уларнинг матбуот хизматлари (жамоатчилик билан ишлаш бўйича бўлинмалари) фаолиятини мувофиқлаштириш ва услубий жиҳатдан таъминлаш орқали кўмаклашиш борасида:

давлат органлари ва бошқа ташкилотларнинг матбуот хизматлари (жамоатчилик билан ишлаш бўйича бўлимлари) фаолиятини мувофиқлаштиради ва методик таъминлайди;

давлат органлари ва бошқа ташкилотлар матбуот хизматлари ўзаро ҳамкорлигининг мувофиқлаштирувчи механизмини Агентлик раҳбарлиги остида шакллантириш, шу жумладан давлат тузилмалари раҳбарларининг масс-медиа билан яқиндан ҳамкорлик қилиши амалиётини жорий этиш чораларини ишлаб чиқади ва қабул қилади;

зиммасига юклатилган вазифалар сифатли бажарилишини таъминлаш мақсадида давлат органлари ва бошқа ташкилотлар матбуот хизматларининг мақомини мустаҳкамлаш ва уларнинг штатлари сонини лозим даражагача кенгайтириш бўйича чораларни таклиф қилади;

вазирлик ва идораларнинг матбуот хизматлари томонидан сифатли ахборот ва таҳлилий материалларни тизимли ва тезкор равишда тайёрлаш, олиб борилаётган ислоҳотларнинг мазмун-моҳиятини содда тилда тушунтириш учун оммавий ахборот воситаларидан кенг фойдаланиш, оммавий ахборот воситалари билан ҳамкорликни мустаҳкамлаш, шунингдек, Ўзбекистон Республикасининг хорижий мамлакатлардаги ваколатхоналарини ҳамда хорижий давлатларнинг Ўзбекистондаги дипломатик ваколатхоналарини материаллар билан таъминлаш жараёнларини мувофиқлаштиради;

давлат органлари ва бошқа ташкилотлар матбуот хизмати ходимлари томонидан оммавий ахборот воситалари ва бошқа фуқаролик жамияти институтларига ахборот тақдим қилишнинг замонавий каналлари ва усулларидан фойдаланиш мақсадида етакчи маҳаллий ва хорижий мутахассисларни таълим тренинглари ва семинарларни ўтказиш учун жалб этган ҳолда уларнинг малакасини ошириш, кўникмаларини ва иш услубини яхшилаш масалаларини мувофиқлаштиради;

масс-медиа билан ҳамкорлик қилиш учун давлат органлари раҳбарларининг салоҳиятини ва тайёргарлик даражасини ошириш масаласида давлат органлари ва бошқа ташкилотлар ҳаракатларининг уйғунлиги, мувофиқлиги ва тезкорлигини таъминлайди;

давлат органлари ва бошқа ташкилотлар фаолиятининг очиқлик даражасини, тадбиркорлик субъектлари ва фуқароларнинг маълумотларни олиш имкониятини тизимли таҳлил қилади, уларнинг самарали ҳамкорлигини кучайтириш чораларини белгилайди;

миллий ва хорижий оммавий ахборот воситалари учун давлат органлари ва бошқа ташкилотлар раҳбарлари томонидан мунтазам асосда, шу жумладан, тармоқ комплекслари, вазирликлар ва идоралар, Қорақалпоғистон Республикаси Жўқорғи Кенгеси раиси, вилоятлар ва Тошкент шаҳри ҳокимлари, мутахассислар ва тадбиркорлар иштирокида олиб борилаётган ислоҳотларнинг долзарб жиҳатлари, инвестиция лойиҳаларига бағишланган брифинглар, матбуот анжуманлари, давра суҳбатларини ўтказиш амалиётини кенг жорий қилиш учун шароитлар яратади;

давлат органлари ва бошқа ташкилотларнинг ахборот ресурслари, шу жумладан, машҳур ижтимоий тармоқлар ва мобил иловалар сингари Интернет тармоғидаги веб-ресурсларини ривожлантириш, уларнинг фаолият соҳасига тааллуқли матнли, фото-, аудио-, видео- ва бошқа ахборот материалларининг маълумотлар банкини шакллантириш ва юритишда кўмаклашади;

оммавий ахборот воситалари орқали давлат органлари ва бошқа ташкилотлар фаолияти устидан самарали жамоат назоратини ўрнатиш бўйича чораларни таклиф этади;

5) мамлакатимизда амалга оширилаётган кенг миқёсли ислоҳотларни, инвестициялар киритиш ва ишбилармонлик муҳитини яхшилаш учун яратилган қулай шароитларни, аввало хорижий ишбилармон доиралар, тадбиркорлар, салоҳиятли инвесторлар, давлат ва жамоат арбоблари орасида тарғиб этиш ва кенг хабардор қилиш масалаларида давлат органлари ва бошқа ташкилотлар, шунингдек, Ўзбекистон Республикасининг хориждаги дипломатик ваколатхоналари билан ўзаро ҳамкорлик қилиш борасида;

давлат органлари ва бошқа ташкилотларнинг иқтисодиётнинг муҳим тармоқларида ва республика минтақалари кесимида ижтимоий-иқтисодий ва ижтимоий-сиёсий ислоҳотлар, инвестиция лойиҳаларининг амалга оширилиши ҳақида жамоатчилик ва хорижий аудиторияни кенг хабардор қилиш бўйича фаолиятини мувофиқлаштиради;

бажариладиган ишларнинг ойма-ой режаси ва жалб этилган инвестициялар ҳажми, инвестициялар жалб қилинаётган соҳалар, ўзлаштирилган инвестициялар кўлами, ишлаб чиқаришни маҳаллийлаштириш босқичлари, лойиҳаларнинг экспорт ҳажмини оширишга, тармоқ ёки минтақа ривожига таъсири, лойиҳаларни рўёбга чиқариш кафолатлари, уларнинг рақобатда устунликлари ва бошқаларни ўз ичига олган тармоқ ислоҳотларининг, амалга оширилаётган ҳар бир инвестиция лойиҳасининг асосий параметрлари ҳақидаги батафсил ва сифатли безатилган, жумладан, хорижий тилларга бехато таржима қилинган маълумотларни ўзида жамлаган Интернет тармоғидаги ахборот ресурсларини давлат органлари ва бошқа ташкилотлар томонидан тайёрлаш бўйича ишларнинг мувофиқлаштирилишини таъминлайди;

манфаатдор вазирлик ва идоралар, бошқа ташкилотлар билан биргаликда ва давлат ҳамда нодавлат оммавий ахборот воситалари, блогерларни жалб этган ҳолда Ўзбекистон Республикасида амалга оширилаётган ислоҳотлар, инвестиция лойиҳаларининг ахборот таъминоти бўйича турли дастурларни ишлаб чиқади;

6) тармоқ корхоналарининг моддий-техник базасини ривожлантириш ва мустаҳкамлаш, шунингдек, замонавий стандартлаштириш ва сертификатлаштириш тизимлари, инновацион ғоялар ва технологияларни жорий этиш бўйича чора-тадбирлар ишлаб чиқиш ва амалга ошириш борасида:

ҳар томонлама таҳлил асосида техник-технологик базани янада ривожлантириш, нашриёт ва матбаа секторининг техник регламентлари ва амалдаги нарх шакллантириш стандартлари (сметаси)ни, ушбу соҳада стандартлаштириш ва сертификатлаштиришни такомиллаштириш бўйича таклифлар ва услубий тавсиялар ишлаб чиқади;

идоравий бўйсунувидаги ташкилотларнинг амалдаги моддий-техник базасини хатловдан ўтказади ва асослантирилган ҳисоб-китобларга кўра уни такомиллаштириш ва модернизация қилиш бўйича таклифлар киритади;

идоравий бўйсунувидаги ташкилотларга молиявий юкламаларни камайтириш учун уларнинг ишлаб чиқариш бўлимларига илғор технологик ечимларни жорий этиш имкониятини, шу жумладан, жойларга бориб чуқур ўрганади;

7) китоб нашр этиш, электрон ва аудио китоблар яратиш, китоб мутолааси маданиятини ошириш, хорижда ўзбек адабиётини оммалаштириш борасида:

мактабгача таълим, халқ таълими, олий ва ўрта махсус таълим тизими учун дарсликлар ва ўқув қўлланмалари тайёрлаш ҳамда нашр этилишини ташкил этишни таъминлайди;

жамиятда мутолаа маданиятини тизимли асосда илгари суриш ва ушбу мақсадда, айниқса, ёшлар ўртасида республика танловларини ўтказиш, ўсиб келаётган авлодни интеллектуал ва маънан етук қилиб тарбиялашда китобнинг ўрни ва аҳамиятини ошириш бўйича таклифлар тайёрлайди;

электрон ва аудио китобларни ишлаб чиқариш, уларни оммалаштириш бўйича таъсирчан чоралар ишлаб чиқиш, шунингдек, ушбу маҳсулотни мақбул нархларда сотиш механизмларини йўлга қўйиш борасидаги таклифларни тайёрлашда иштирок этади;

давлат органларига қарашли кутубхоналар китоб фондини, шунингдек, ахборот-кутубхона муассасаларини илмий, энциклопедик, бадиий адабиётлар билан тизимли равишда бойитиб бориш бўйича таклифларни тайёрлайди;

ижтимоий аҳамиятга эга адабиётларни чиқаришга доир давлат мақсадли дастурларини ишлаб чиқади ва амалга оширади;

миллий ва жаҳон адабиётининг энг сара намуналарини нашр қилишга қаратилган иқтисодий-молиявий лойиҳалар тайёрланишини ташкиллаштиради, уларни молиялаштириш, шунингдек, аҳолининг ижтимоий-сиёсий ва илмий-оммабоп адабиётларга бўлган талабини қондириш тизимини йўлга қўяди;

ўзбек адабиётини тарғиб қилиш, халқаро бозорларда миллий адабиёт ва китоб маҳсулотларининг нуфузини оширишда иштирок этади;

миллий адабиётимизнинг энг сара асарларини чет тилларга таржима қилиш бўйича аниқ механизмларни ишлаб чиқишни амалга оширади, чет эл адабиётини ўзбек тилига таржима қилишни ташкиллаштиради, уларни молиялаштириш, сифатли чоп этиш ва тарқатиш тизимини йўлга қўяди;

ўзбек тилида илмий-техник, бадиий адабиётлар, турли йўналишлардаги энциклопедиялар ва маълумотномаларни, шу жумладан, лотин ёзувида нашр этишни янада кенгайтириш бўйича аниқ чораларни ишлаб чиқишда иштирок этади;

ёш авлоднинг маънавий-ахлоқий тарбиясига салбий таъсир кўрсатувчи, маданий ва миллий қадриятларга зид, мазмунан сифатсиз китоблар нашр қилинишининг олдини олади;

8) журналистлар ҳамда оммавий ахборот воситалари, матбуот, ноширлик-матбаа ва ахборот-кутубхона корхоналари ходимларини тайёрлаш ва уларнинг малакасини оширишга қаратилган комплекс чора-тадбирларни амалга ошириш, шунингдек, тармоқнинг муҳандислик-техник мутахассисларини тайёрлашда кўмаклашиш, уларнинг ижтимоий ва ҳуқуқий ҳимоясини таъминлаш борасида:

миллий масс-медианинг кадрлари салоҳиятини, уларнинг Марказий Осиё ахборот маконидаги рақобатбардошлигини ошириш бўйича таклифларни ишлаб чиқади;

журналист кадрларнинг салоҳиятини ошириш бўйича фаолиятни ташкиллаштиради ва мувофиқлаштиради, ушбу мақсадларда ўқув тренинглари, семинарлар ва бошқа тадбирларни ўтказиш учун етакчи маҳаллий ва хорижий мутахассисларни жалб этади;

оммавий ахборот воситалари, нашриёт-матбаа ва кутубхона фаолияти соҳаси ташкилотлари учун кадрларни тайёрлаш ва тақсимлаш масалаларида давлат бошқаруви органлари, ўқув муассасалари билан ҳамкорлик қилади;

Агентлик тизимига кирувчи ташкилотларнинг мутахассисларини тайёрлаш, қайта тайёрлаш ва малакасини оширишни таъминлайди;

Агентлик ишчиларини касбий аттестациядан ўтказиш тизимини ривожлантиришга кўмаклашади, ўз ходимларини касбий аттестациядан ўтказади;

оммавий ахборот воситалари, нашриёт-матбаа ва кутубхона фаолиятига оид меъёрий-ҳуқуқий ва техник ҳужжатларни эълон қилади;

9) ахборот хавфсизлигини таъминлашда иштирок этиш ҳамда ахборот соҳасидаги хатар ва таҳдидларга қарши ўз вақтида ва муносиб равишда курашиш чораларини кўриш борасида:

оммавий ахборот воситалари томонидан ишлаб чиқариш ва нашр қилиш, телеканал, радиоканал, теледастур ва радиодастурлар намойиши, шунингдек, ахборот-телекоммуникация тармоқлари, жумладан, Интернет тармоғи орқали ахборот тарқатиш жараёнига болаларни уларнинг соғлиғига салбий таъсир кўрсатувчи маълумотлардан ҳимоя қилиш борасидаги Ўзбекистон Республикаси қонун ҳужжатларининг талабларига риоя этилишини мониторинг қилади;

фуқароларнинг ахборот тизимида мавжуд бўлган шахсий сирлар ва шахсий маълумотлар махфийлигининг сақланишига бўлган конституциявий ҳуқуқларини таъминлашга кўмаклашади;

аҳолини турли ахборот таҳдидларидан самарали ҳимоялаш мақсадида мамлакатда ва хорижда ижтимоий-сиёсий, ижтимоий-иқтисодий, маданий-гуманитар ва бошқа соҳалардаги муҳим воқеаларни ёритиш бўйича фаолиятни ташкиллаштиради ва мувофиқлаштиради;

мамлакатда рўй бераётган ижтимоий-сиёсий ва ижтимоий-иқтисодий жараёнларни фаол ва сифатли ёритиш, аҳолининг ҳуқуқий маданиятини ошириш, унинг фуқаролик позициясини мустаҳкамлаш масалаларида оммавий ахборот воситаларига кўмаклашади;

Ўзбекистон Республикасининг ички ва ташқи сиёсати ҳақида аҳолига ва дунё жамоатчилигига ишончли маълумотни ўз вақтида, сифатли ва холис етказиш учун миллий оммавий ахборот воситаларининг халқаро ахборот маконида қатнашишига ва ўз имкониятларини кенгайтиришига ёрдам беради;

10) Агентлик ваколатига тааллуқли масалалар бўйича халқаро ҳамкорликни ташкил этиш борасида:

оммавий ахборот, ноширлик, матбаа ва ахборот-кутубхона фаолияти соҳасида тажриба алмашиш бўйича ҳамкорликни йўлга қўяди, маъмуриятчиликнинг ушбу йўналишлардаги халқаро тажрибасидан фойдаланади;

мамлакатни сўз эркинлигини таъминлаш нуқтаи назаридан баҳоловчи турли халқаро рейтинг тузилмалари билан ҳамкорлик бўйича таклифларни ишлаб чиқади;

оммавий ахборот, ноширлик, матбаа ва ахборот-кутубхона фаолияти соҳасида Ўзбекистон Республикаси ҳудудида бўлиб ўтадиган танловлар, кўргазмалар, анжуманлар, фестиваллар, конференциялар ва бошқа, шу жумладан, халқаро тадбирларнинг ташкиллаштирилиши ва ўтказилишини таъминлайди, уларни ўтказиш тартибини белгилайди;

электрон каталоглар, кутубхоналар яратиш ва улардан оммавий фойдаланиш имкониятларини очиш бўйича халқаро ҳамкорликни ривожлантиришга кўмаклашади;

Ўзбекистоннинг халқаро телекоммуникация тармоқларига қўшилиши юзасидан ўзаро мувофиқлашган сиёсат, қоидалар ва тартиб-таомилларни ишлаб чиқишда иштирок этади;

ўзбек адабиётини хорижда оммалаштиришга қаратилган халқаро фестиваль ва байрамларни ташкиллаштириш масалаларида халқаро ва жамоат ташкилотлари билан ҳамкорлик қилади, маҳаллий нашриётларга ўз маҳсулотларини халқаро китоб бозорида илгари суришга ёрдамлашади;

оммавий коммуникациялар, ноширлик, матбаа, ахборот-кутубхона фаолияти соҳасида халқаро ҳамкорликни ўрнатилган тартибда амалга оширади, ўз ваколати доирасида хорижий давлатларнинг тегишли органлари ва халқаро ташкилотлар билан халқаро шартномалар тузади.

2-§. Агентлик ҳудудий бошқармаларининг вазифа ва функциялари

13. Агентлик ҳудудий бошқармаларининг асосий вазифаларига қуйидагилар киради:

оммавий ахборот воситалари, ноширлик-матбаа ва ахборот-кутубхона фаолияти, медиа-бозорнинг ҳудудий соҳалари ривожланиш даражасини тизимли таҳлил қилиш, мавжуд муаммоларни аниқлаш;

минтақавий оммавий ахборот воситалари, ноширлик-матбаа ва ахборот-кутубхона фаолияти соҳаларининг ҳудудий субъектлари салоҳиятини юксалтириш, мутолаа маданиятини ошириш;

ҳудудий давлат органлари ва бошқа ташкилотларнинг матбуот хизматлари (жамоатчилик билан ишлаш бўлимлари) фаолиятини таҳлил қилиш ва уни ривожлантириш бўйича таклифлар ишлаб чиқиш, оммавий ахборот воситалари ва фуқаролик жамиятининг бошқа институтлари билан оммавий ҳамкорликни йўлга қўйиш доирасида улар фаолиятининг очиқлигини таъминлаш;

ҳудудларнинг ижтимоий-иқтисодий ривожланиши, инвестициявий имкониятлари, бизнес юритиш учун яратилган қулай шарт-шароитлар тўғрисида, аввало, хорижий ишбилармон доираларни, салоҳиятли инвесторларни кенг хабардор қилиш бўйича ҳудудий давлат органлари ва бошқа ташкилотлар билан ўзаро ҳамкорлик қилиш чораларини ишлаб чиқиш;

оммавий коммуникация, ноширлик-матбаа ва ахборот-кутубхона фаолияти соҳасининг ҳудудий субъектларига аниқланган қонунчилик талаблари бузилиши юзасидан, шу жумладан, ҳудудий давлат органлари ва бошқа ташкилотларга ўз фаолиятининг очиқлигини таъминлаш бўйича огоҳлантириш, хулоса ва кўрсатмалар бериш учун таклифлар киритиш;

фаолиятни рўйхатга олиш ва лицензиялаш масалаларида ҳудудий оммавий ахборот воситалари, шунингдек, нашриёт ва матбаа корхоналарининг фаолиятини мувофиқлаштириш;

оммавий ахборот воситалари, нашриёт-матбаа ва ахборот-кутубхона соҳаси ходимларини тайёрлаш, малакасини ошириш ҳамда уларнинг ижтимоий ва ҳуқуқий жиҳатдан ҳимоя қилинишини таъминлаш бўйича чора-тадбирлар ишлаб чиқиш.

14. Агентликнинг ҳудудий бошқармалари зиммасига юклатилган асосий вазифаларга мувофиқ қуйидаги функцияларни амалга оширади:

а) оммавий ахборот воситалари, ноширлик-матбаа ва ахборот-кутубхона фаолияти, медиа-бозорнинг ҳудудий соҳалари ривожланиш даражасини тизимли таҳлил қилиш, мавжуд муаммоларни аниқлаш борасида:

ҳудудий оммавий ахборот воситалари (матбуот, телевидение, радио, электрон-ОАВ, ахборот агентликлари), нашриёт, матбаа ва ахборот-кутубхона тузилмаларининг ҳолатини баҳолаш ҳамда ривожлантириш ва/ёки мақбуллаштириш бўйича комплекс ҳаракатлар режасини ишлаб чиқиш мақсадида уларни муфассал таҳлил қилади;

ёритиш ҳамда ҳудудий давлат ва нодавлат оммавий ахборот воситалари фаолиятининг муаммоларини кўриб чиқади;

ҳудудий оммавий ахборот воситалари, ноширлик-матбаа ва ахборот-кутубхона фаолияти соҳаси, ҳудудий медиа-бозорнинг ҳолати бўйича Агентлик раҳбариятига киритиш учун таҳлилий материаллар тайёрлайди;

б) минтақавий оммавий ахборот воситалари, ноширлик-матбаа ва ахборот-кутубхона фаолияти соҳаларининг ҳудудий субъектлари салоҳиятини юксалтириш, мутолаа маданиятини ошириш борасида:

ҳудудий даврий нашрларнинг жозибадорлигини ошириш, уларнинг молиявий ҳолатини яхшилаш бўйича комплекс чоралар ишлаб чиқади;

босма ва электрон оммавий ахборот воситалари соҳасида ижтимоий аҳамиятга эга лойиҳаларни ишлаб чиқиш ва тарқатиш билан шуғулланаётган ташкилотларни қўллаб-қувватлайди;

босма ва электрон оммавий ахборот воситалари соҳасида ижтимоий аҳамиятга эга бўлган лойиҳаларни ишлаб чиқувчи ва тарқатувчи ташкилотларга кўмаклашади;

ҳудудий оммавий ахборот воситалари ва уларнинг журналистлари ҳуқуқлари, эркинликлари ва манфаатларини муҳофаза қилиш, шунингдек, юридик ва жисмоний шахсларни ҳудудий оммавий ахборот воситалари орқали нохолис, ишончсиз ва норматив-ҳуқуқий ҳужжатлар билан тақиқланган ахборотлар тарқатилишидан ҳимоя қилишда кўмаклашади;

ноширлик ва матбаа фаолияти билан шуғулланувчи ташкилотлар ва якка тадбиркорларни қўллаб-қувватлашга қаратилган чора-тадбирларни ишлаб чиқади ва амалга оширади;

матбаа ускуналарини янгилаш, уларни модернизация қилиш, хорижий инвестициялар ва грантларни жалб этиш бўйича мақсадли дастурларни амалга оширишда қатнашади;

нашриёт ва матбаа секторининг матбаа маҳсулотларини стандартлаштириш, сертификатлаштириш масалаларида методик ёрдам кўрсатади, ҳудудий оммавий ахборот воситаларини технологик ривожлантириш ва мазмунан бойитиш бўйича маслаҳат ва услубий ёрдам кўрсатади;

ҳудудларда мутолаа маданиятини тизимли асосда илгари суриш ва ушбу мақсадда, айниқса, ёшлар ўртасида танловлар ўтказиш, ўсиб келаётган авлодни интеллектуал ва маънан етук қилиб тарбиялашда китобнинг ўрни ва аҳамиятини ошириш бўйича таклифлар тайёрлайди;

ҳудудий давлат органларига қарашли кутубхоналар китоб фондини, шунингдек, ахборот-кутубхона муассасаларини илмий, энциклопедик, бадиий адабиётлар билан тизимли равишда бойитиб бориш бўйича таклифларни тайёрлайди;

интеллектуал мулк соҳасида қонунбузарликларни аниқлаш ва уларнинг олдини олиш, республика ҳудудида контрафакт маҳсулотлар айланишини бартараф қилиш борасида ҳуқуқни муҳофаза қилувчи, божхона, солиқ ва бошқа давлат органлари билан ўзаро ҳамкорлик қилади;

в) ҳудудий давлат органлари ва бошқа ташкилотларнинг матбуот хизматлари (жамоатчилик билан ишлаш бўлимлари) фаолиятини таҳлил қилиш ва уни ривожлантириш бўйича таклифлар ишлаб чиқиш, оммавий ахборот воситалари ва фуқаролик жамиятининг бошқа институтлари билан оммавий ҳамкорликни йўлга қўйиш доирасида улар фаолиятининг очиқлигини таъминлаш борасида:

ҳудудий давлат органлари ва бошқа ташкилотлар фаолиятининг очиқлик даражасини, тадбиркорлик субъектлари ва фуқароларнинг маълумотларни олиш имкониятини тизимли таҳлил қилади, уларнинг самарали ҳамкорлигини кучайтириш чораларини белгилайди;

ҳудудий давлат органлари раҳбарларининг масс-медиа билан ўзаро ҳамкорлик қилиши учун уларнинг салоҳияти ва тайёргарлик даражасини оширишда ҳудудий давлат тузилмалари ва оммавий ахборот воситаларининг ҳаракатлари мувофиқлиги ва тезкорлигини таъминлайди;

мулкчилик шаклидан қатъи назар, оммавий ахборот воситаларига расмий ахборотларни олишда тенг ҳуқуқлар берилишини таъминлайди;

ҳудудий давлат тузилмалари раҳбарлари томонидан миллий ва хорижий оммавий ахборот воситалари учун брифинглар ва матбуот анжуманлари ўтказишни кенг амалиётга жорий этиш учун шарт-шароит яратади;

ҳудудий давлат органлари матбуот хизматлари томонидан сифатли ахборот ва таҳлилий материалларни тизимли ва тезкор тайёрлаш жараёнларини, амалга оширилаётган ижтимоий-иқтисодий ва инвестицион лойиҳаларнинг моҳияти ва мазмунини содда тилда тушунтириш учун оммавий коммуникацияларнинг турли каналларидан кенг фойдаланиш, оммавий ахборот воситалари билан ҳамкорликни мустаҳкамлашни назорат қилади;

ҳудудий ахборот ресурсларининг ривожланиши, шу жумладан, Интернет тармоғидаги веб-ресурслар, оммабоп ижтимоий тармоқлар ва мобил иловалар, ҳудудий давлат органлари фаолияти соҳасига алоқадор матн, фото-, аудио-, видео- ва бошқа ахборот материалларининг маълумотлар банкини шакллантириш ва юритилишини назорат қилишни таъминлайди;

ҳудудий давлат органлари матбуот хизматларига юкланган ахборот вазифаларини сифатли таъминлаш мақсадида уларнинг мақомини зарур даражада мустаҳкамлаш ва штат бирликларини кенгайтириш бўйича чора-тадбирлар ишлаб чиқади;

оммавий ахборот воситалари ва бошқа фуқаролик жамияти институтларига ахборот тақдим этиш усуллари ва замонавий каналлардан фойдаланиш мақсадида ҳудудий давлат органлари матбуот хизматлари ходимларининг малакасини ошириш, кўникма ва иш услубларини яхшилаш масалаларини мувофиқлаштиради;

«Электрон ҳукумат» тизимини ривожлантириш ва аҳоли, тадбиркорлик субъектларининг давлат ахборот ресурсларига ва интерактив хизматларга кенг кириб боришини таъминлаш, шу жумладан, қишлоқ жойларда рўйхатни кенгайтириш ва уларнинг сифатини яхшилашда иштирок этади;

ҳудудий давлат органлари фаолияти устидан оммавий ахборот воситалари орқали самарали жамоатчилик назоратини ўрнатиш бўйича чора-тадбирларни таклиф қилади;

г) ҳудудларнинг ижтимоий-иқтисодий ривожланиши, уларнинг инвестицион имкониятлари, бизнес юритиш учун яратилган қулай шарт-шароитлар тўғрисида, авваламбор, хорижий ишбилармонлар доиралари, салоҳиятли инвесторларни кенг хабардор қилиш масаласида ҳудудий давлат органлари ва бошқа ташкилотлар билан ўзаро ҳамкорлик бўйича чора-тадбирларни ишлаб чиқиш соҳасида:

республика ҳудудлари кесимида инвестицион лойиҳалар, ижтимоий-иқтисодий ва ижтимоий-сиёсий ислоҳотларнинг амалга оширилиши ҳақида маҳаллий ва хорижий аудиторияни кенг миқёсда хабардор қилиш бўйича ҳудудий давлат органлари ва бошқа ташкилотларнинг фаолиятини мувофиқлаштиради;

мутахассислар ва тадбиркорлар иштирокида мунтазам равишда ҳудудий давлат тузилмалари раҳбарлари томонидан масс-медиа учун амалга оширилаётган ислоҳотлар ва инвестицион лойиҳаларнинг муҳим жиҳатларига бағишланган брифинглар ҳамда матбуот анжуманлар ўтказиб турилишини назорат қилади;

бажариладиган ишларнинг ойма-ой режаси ва жалб этилган инвестициялар ҳажми, инвестициялар жалб қилинаётган соҳалар, ўзлаштирилган инвестициялар кўлами, ишлаб чиқаришни маҳаллийлаштириш босқичлари, лойиҳаларнинг экспорт ҳажмини оширишга, тармоқ ёки минтақа ривожига таъсири, лойиҳаларни рўёбга чиқариш кафолатлари, уларнинг рақобатда устунликлари ва бошқаларни ўз ичига олган тармоқ ислоҳотларининг, амалга оширилаётган ҳар бир инвестиция лойиҳасининг асосий параметрлари ҳақидаги батафсил ва сифатли безатилган, жумладан хорижий тилларга бехато таржима қилинган маълумотларни ўзида жамлаган Интернет тармоғидаги ахборот ресурсларини давлат органлари ва бошқа ташкилотлар томонидан тайёрлаш бўйича ишларнинг мувофиқлаштирилишини таъминлайди;

ҳудудий давлат органлари, бошқа ташкилотлар билан биргаликда ва давлат ҳамда нодавлат оммавий ахборот воситалари, блогерларни жалб этган ҳолда ҳудудларда амалга оширилаётган ислоҳотлар, инвестиция лойиҳаларининг ахборот таъминоти бўйича турли дастурларни ишлаб чиқади.

д) ҳудудий оммавий ахборот воситалари, босма, нашриёт-матбаа ва ахборот-кутубхона соҳаси фаолияти субъектларига, шу жумладан ҳудудий давлат бошқаруви органлари ва бошқа ташкилотлар фаолиятининг очиқлигини таъминлаш бўйича аниқланган қонунчилик талаблари бузилиши ҳолатлари юзасидан огоҳлантиришлар, хулосалар ва кўрсатмаларни киритиш учун таклифлар тайёрлаш соҳасида:

ҳудудий оммавий коммуникациялар субъектлари, нашриётлар, матбаа корхоналари фаолиятининг қонунчилик нормаларига мувофиқлиги, лицензиялаш ва рухсат бериш талаблари ва шартларига амал қилиши бўйича доимий мониторинг олиб боради;

ҳудудий давлат органлари фаолиятининг очиқлиги ва жамоатчилик билан алоқаларни таъминлаш бўйича мониторинг ва таҳлилини амалга оширади;

давлат ташкилотлари очиқлиги тўғрисидаги қонунчиликни бузган ёки лозим даражада бажармаётган ҳудудий давлат органлари ва давлат оммавий ахборот воситаларига тавсиялар, огоҳлантиришлар, хулосалар ва кўрсатмалар бериш бўйича таклифлар киритади;

ҳудудий оммавий ахборот воситалари, нашриётлар ва матбаа корхоналари томонидан тегишли қонунчилик талаблари бажарилмаган ҳолатларда лицензия ва рўйхатга олиш тўғрисидаги гувоҳномаларининг амал қилишини вақтинчалик тўхтатиб туриш бўйича таклифлар киритади;

ҳудудий оммавий ахборот воситалари, нашриётлар ва матбаа корхоналари томонидан тегишли қонунчилик талаблари мунтазам бажарилмаган тақдирда, уларнинг лицензиялари ва рўйхатга олиш тўғрисидаги гувоҳномаларини бекор қилиш тўғрисида ўрнатилган тартибда ариза билан судга мурожаат этиш юзасидан таклифлар киритади;

е) ҳудудий оммавий ахборот воситалари фаолиятини мувофиқлаштириш, шунингдек, нашриёт ва матбаа корхоналарини рўйхатга олиш ва лицензиялаш масалалари соҳасида:

тадбиркорлик субъектларига ноширлик фаолиятини лицензиялаштириш, оммавий ахборот воситалари ва матбаа корхоналарини рўйхатдан ўтказиш масалалари бўйича ахборот, ташкилий, методик ва маслаҳат кўмагини тақдим этади;

тадбиркорлик субъектларига ноширлик фаолияти учун лицензия олишда ҳамда оммавий ахборот воситалари ва корхоналарни рўйхатдан ўтказишда зарур бўлган материал ва ҳужжатларни тайёрлаш ва уларни узатишда ёрдам беради;

ноширлик фаолияти учун лицензия бериш, мазкур лицензиянинг амал қилишини тўхтатиш ёки тугатиш, шунингдек, уни бекор қилиш ва қайта расмийлаштириш бўйича қарор қабул қилишда иштирок этади;

лицензиат томонидан ноширлик йўналиши соҳасида лицензия талаблари ва шартларига, шу жумладан китоб-дафтар, матбаа ва канцелярия маҳсулотларини нашр этишда белгиланган сифат стандартларига риоя қилиши устидан тизимли назоратни амалга оширади;

Ўзбекистон Республикасида фаолият юритувчи нашриётларнинг Давлат реестрини олиб боришда, Ўзбекистон Республикасида рўйхатдан ўтган оммавий ахборот воситалари ягона реестри, шунингдек, Ўзбекистон Республикасида рўйхатдан ўтган матбаа корхоналарининг ягона давлат реестрини юритишга кўмаклашади;

ж) оммавий ахборот воситалари, ноширлик-матбаа ва ахборот-кутубхона фаолияти соҳасида ходимларни тайёрлаш, малакасини ошириш ҳамда уларни ижтимоий ва ҳуқуқий жиҳатдан ҳимоя қилиш чора-тадбирларини ишлаб чиқиш соҳасида.

ҳудудий оммавий ахборот воситалари кадрлари салоҳиятини, шунингдек, уларнинг рақобатбардошлигини ошириш бўйича таклифлар ишлаб чиқади;

ҳудудий журналист кадрлар, нашриёт-матбаа корхоналари ва ахборот-кутубхона муассасалари ходимларининг салоҳиятини ошириш бўйича фаолиятни ташкил қилади ва мувофиқлаштиради, шу мақсадларда таълим тренинглари, семинарлар ва бошқа тадбирларни ўтказиш учун етакчи мутахассисларни жалб қилади;

оммавий ахборот воситалари, нашриёт-матбаа ва кутубхона фаолияти соҳасидаги ташкилотлар учун кадрларни тайёрлаш ва тақсимлаш масалаларида ҳудудий давлат органлари, таълим муассасалари билан ҳамкорлик қилади;

оммавий ахборот воситалари, нашриёт-матбаа ва кутубхона фаолияти соҳасида норматив-ҳуқуқий ва техник ҳужжатларни эълон қилади.

15. Агентликнинг ҳудудий бошқармалари тўғрисидаги Низомлар Агентлик директори томонидан тасдиқланади.

4-боб. Агентликнинг ҳуқуқ ва мажбуриятлари

1-§. Агентликнинг ҳуқуқ ва мажбуриятлари

16. Агентлик ўзига юкланган вазифа ва функцияларни амалга ошириш учун қуйидаги ҳуқуқларга эга:

Агентликнинг ваколатига кирадиган масалалар бўйича давлат ва хўжалик бошқаруви органлари, маҳаллий давлат ҳокимияти органларининг фаолиятини мувофиқлаштириш;

Агентликка юкланган вазифалар ва функцияларни бажариш билан боғлиқ норматив-ҳуқуқий ҳужжатларнинг лойиҳалари ва бошқа ҳужжатларни белгиланган тартибда Ўзбекистон Республикаси Президенти Администрацияси ҳамда Ўзбекистон Республикаси Вазирлар Маҳкамасига тақдим этиш;

LexUZ шарҳи

Қаранг: Ўзбекистон Республикаси «Норматив-ҳуқуқий ҳужжатлар тўғрисида»ги Қонунининг 21-моддаси.

Агентликнинг ваколатларига кирадиган масалаларни ҳал қилиш учун давлат ва хўжалик бошқаруви органлари ҳамда маҳаллий давлат ҳокимияти органларидан ва бошқа ташкилотлардан белгиланган тартибда маълумотларни сўраш ва олиш;

LexUZ шарҳи

Қаранг: Ўзбекистон Республикаси Вазирлар Маҳкамасининг 2022 йил 20 сентябрдаги 516-сон «Идоралараро электрон ҳамкорлик тизими ва маълумотларнинг ахборот алмашинувини янада такомиллаштириш чора-тадбирлари тўғрисида»ги қарори.

давлат статистика органларидан керакли статистик маълумотларни бепул асосда олиш;

Агентлик ваколатига кирадиган масалалар бўйича методик материаллар ва тавсиялар ишлаб чиқиш;

Агентлик фаолиятини амалга ошириш доирасида илмий тадқиқотлар ва ишланмалар ўтказиш учун давлат буюртмасига мувофиқ, лойиҳаларни саралаш бўйича танловлар эълон қилиш ва танлов комиссияларини тузиш;

илмий тадқиқотларга йўналтирилган бюджетнинг молиявий ресурсларини тақсимлашда иштирок этиш;

давлат ва хўжалик бошқаруви ҳамда маҳаллий давлат ҳокимияти органлари томонидан оммавий коммуникациялар, матбуот, ноширлик-матбаа ва ахборот-кутубхона фаолияти соҳасида давлат ва ҳудудий дастурлар, лойиҳа ва тадбирларнинг бажарилишини назорат қилиш ҳамда Ўзбекистон Республикаси Президенти Администрацияси ва Ўзбекистон Республикаси Вазирлар Маҳкамасига ушбу масалалар бўйича таклифлар киритиш;

аниқланган қонун бузилиш ҳолатлари ва Агентлик ваколатига кирадиган бошқа масалалар бўйича давлат органлари ва бошқа ташкилотларга огоҳлантириш, хулоса ва ижро учун мажбурий бўлган тақдимномалар киритиш;

Агентлик ваколатига кирадиган масалалар бўйича давлат, хўжалик бошқаруви ва маҳаллий давлат ҳокимияти органлари, шунингдек, хўжалик бирлашмалари раҳбарлари ва мутахассисларини жалб қилиб, белгиланган тартибда йиғилишлар ўтказиш;

Ўзбекистон Республикаси Президенти топшириғига кўра, халқаро ташкилотларда мамлакат манфаатларини ифода этиш ҳамда белгиланган тартибда ва халқаро ҳуқуқ нормаларига мувофиқ, оммавий коммуникациялар, матбуот, ноширлик-матбаа ва ахборот-кутубхона фаолияти бўйича бевосита ёки бўйсунувидаги тузилмалари орқали бошқа давлатларнинг ваколатли ташкилотлари, шунингдек илмий институтлари билан ҳамкорлик тўғрисида шартномалар тузиш;

оммавий коммуникациялар, матбуот, ноширлик-матбаа ва ахборот-кутубхона фаолияти соҳасида кадрларни тайёрлаш, шунингдек, ходимлар малакасини ошириш мақсадида идоравий илмий ва ўқув марказларини белгиланган тартибда ташкил этиш;

оммавий коммуникациялар, ноширлик-матбаа ва ахборот-кутубхона фаолияти соҳасидаги вазифаларни ёритиш учун белгиланган тартибда нашр фаолиятини амалга ошириш, матбуот органларини ташкил этиш, ахборот материаллари, даврий нашрлар ва бошқа босма маҳсулотларни ишлаб чиқиш ва тарқатиш;

Агентлик ва идоравий бўйсунувдаги тузилмаларнинг давлат мулкини бир бўлинмадан бошқасига ўзининг ташкилий тузилмаси доирасида ҳамда бепул фойдаланиш ҳуқуқи билан белгиланган тартибда топшириш;

биноларга хизмат кўрсатиш, асбоб-ускуналар, хўжалик жиҳозлари, автотранспорт, алоқа воситалари, ҳисоблаш, компьютер ва оргтехникаларини сақлаш ва улардан фойдаланиш, дастурий таъминотни харид қилиш учун белгиланган тартибда шартномалар тузиш;

Агентликка юклатилган вазифаларни бажариш доирасида давлат органлари ва бошқа ташкилотлар, нодавлат нотижорат ташкилотлари, таҳлилий институтлар, илмий-таълим муассасалари, шунингдек, халқаро ташкилотлар ва хорижий компанияларнинг юқори малакали ходимларини жалб қилиш;

Агентлик ваколатига кирадиган масалалар бўйича Ўзбекистон Республикасидаги хорижий давлатларнинг дипломатик ваколатхоналари ва консуллик муассасалари, халқаро ташкилотлар, хорижий компаниялар билан ҳамкорликда иш ёзишмаларини олиб бориш, тадбирларни ташкил этиш, ҳадли битимлар тузиш;

Агентлик ва унинг тизимидаги таркибий бўлинмалар ва ташкилотларнинг моддий-техника базасини яхшилаш бўйича чора-тадбирлар кўриш;

Агентликнинг ижтимоий инфратузилмасини қонун ҳужжатларига мувофиқ ташкил қилиш ва такомиллаштириш, Агентлик тизими ходимлари меҳнатини рағбатлантириш ва мукофотлаш ягона тизимини шакллантириш.

Агентлик қонунчиликка мувофиқ бошқа ҳуқуқларга ҳам эга бўлиши мумкин.

17. Агентлик зиммасига юкланган вазифаларнинг самарали амалга оширилиши учун масъулдир.

2-§. Агентликнинг ҳудудий бошқармалари ҳуқуқ ва мажбуриятлари

18. Агентликнинг ҳудудий бошқармалари:

Қорақалпоғистон Республикаси Вазирлар Кенгаши, ҳокимликлар, давлат ва хўжалик бошқаруви органларининг ҳудудий бўлимлари, шунингдек, бошқа ташкилотлардан ўз зиммасига юклатилган вазифаларни сифатли бажариш учун зарур бўлган ахборот материалларини сўраб олиш;

оммавий коммуникациялар, нашриёт-матбаа ва ахборот-кутубхона соҳасини ривожлантириш масалаларида давлат ва хўжалик бошқаруви органлари ҳудудий бўлимлари, шунингдек, бошқа ташкилотларнинг фаолиятини такомиллаштириш бўйича тавсиялар бериш;

давлат ва хўжалик бошқаруви органларининг ҳудудий бўлимлари ҳамда бошқа ташкилотларнинг раҳбарлари ва масъул ходимлари иштирокида мажлислар ўтказиш;

ахборот-таҳлилий материалларни тайёрлаш ва дастурий ҳужжатларни ишлаб чиқиш учун давлат ва хўжалик бошқаруви органларининг ҳудудий бўлимлари, шунингдек, илмий ташкилотларнинг юқори малакали мутахассисларини жалб қилиш ҳуқуқига эга.

19. Агентликнинг ҳудудий бошқармалари:

қонун ҳужжатлари, Ахборот ва оммавий коммуникациялар агентлиги раиси ва унинг ўринбосарларининг топшириқлари, шунингдек, ҳудудий бошқармаларга юкланган вазифа ва функцияларнинг ўз вақтида ва сифатли бажарилиши устидан таъсирчан назоратни амалга ошириш;

республиканинг тегишли дастурлари ва соҳаларни ривожлантириш бўйича дастурлар билан мустаҳкам ўзаро боғлиқ ҳолда ҳудудларнинг ахборот, нашриёт-матбаа ва ахборот-кутубхона тармоқларини ривожлантириш дастурларининг белгиланган тартибда ишлаб чиқилишини таъминлаш;

Агентликка ҳудуднинг оммавий коммуникациялари, ноширлик-матбаа ва ахборот-кутубхона фаолияти соҳаларининг ривожланиши тенденциялари, ҳудудларнинг ахборот, нашриёт-матбаа ва ахборот-кутубхона тармоқларини ривожлантириш дастурлари амалга оширилиши юзасидан объектив таҳлилий маълумотлар тақдим этилишини таъминлаш.

5-боб. Агентлик раҳбарларининг функционал мажбуриятлари

20. Юкланган вазифаларга мувофиқ, Агентлик ва унинг ҳудудий бошқармалари раҳбарлари зиммасига қуйидаги функционал мажбуриятлар юкланади:

а) Агентлик директори:

Агентлик фаолиятининг умумий бошқарувини яккабошчилик асосида амалга оширади ва Агентликка юкланган вазифа ва функциялари бажарилиши учун шахсан жавобгардир;

Агентлик фаолиятининг алоҳида йўналишлари ва участкалари, шунингдек, қуйи ташкилотларни бошқариш бўйича Агентлик тизимининг директор ўринбосарлари ва бошқа мансабдор шахсларининг ваколатлари ва шахсий жавобгарлиги даражасини белгилайди;

Агентлик фаолияти масалалари доирасида Ўзбекистон Республикаси Президенти Администрацияси ва Ўзбекистон Республикаси Вазирлар Маҳкамасига киритилган таклифлар ва меъёрий-ҳуқуқий ҳужжатларнинг лойиҳаларини кўриб чиқишда давлат манфаатларига қатъий риоя қилинишини таъминлайди, тайёрланган ҳужжатларнинг лойиҳаларига виза қўяди. Тегишли ҳужжатлар қабул қилинганидан сўнг, уларнинг бажарилиши устидан тизимли назорат ташкил этилишини таъминлайди;

ўз ваколатлари доирасида Агентлик тизими ходимлари томонидан бажарилиши мажбурий бўлган буйруқлар чиқаради ва кўрсатмалар беради;

ходимларнинг чекланган сони доирасида Агентлик марказий аппаратининг штат жадвали ва харажатлар сметасини тасдиқлайди;

ходимларнинг чекланган сони доирасида Агентликнинг марказий аппарати, Агентликнинг ҳудудий бошқармалари, шунингдек, идоравий бўйсунувидаги ташкилотларнинг тузилмасига ўзгартиришлар киритади;

марказий аппаратнинг таркибий бўлинмалари, Агентликнинг идоравий бўйсунувидаги ташкилотлар тўғрисидаги низомларни тасдиқлайди;

Ўзбекистон Республикасининг «Жисмоний ва юридик шахсларнинг мурожаатлари тўғрисида»ги Қонунига мувофиқ, жисмоний ва юридик шахсларнинг мурожаатларини кўриб чиқиш муддатларига қатъий риоя қилинишини таъминлайди;

қонун ҳужжатларига мувофиқ, бошқа ваколатларни ҳам амалга оширади;

б) директор ўринбосари:

Ўзбекистон Республикаси Президенти Администрацияси ва Ўзбекистон Республикаси Вазирлар Маҳкамасининг тегишли бўлинмалари билан ахборот, нашриёт-матбаа ва ахборот-кутубхона соҳаларини ривожлантириш, экспертизани ташкил қилиш ва меъёрий-ҳуқуқий ҳужжатлар лойиҳаларини сифатли тайёрлаш юзасидан ўзаро ҳамкорлик қилади;

Агентлик директорининг топшириғига биноан, ахборот, нашриёт-матбаа ва ахборот-кутубхона соҳаларини ривожлантириш бўйича устувор вазифалар ва дастурлар бажарилишини мувофиқлаштиради;

Агентликнинг тасдиқланган тузилмасига мувофиқ, Агентликнинг тегишли бўлинмаларини бевосита бошқаришни амалга оширади;

директор ўринбосарлари номенклатурасига кирадиган Агентликнинг марказий аппарати бошлиқ ва мутахассис лавозимларига номзодларни белгиланган тартибда тасдиқлаш учун киритади;

директор ўринбосарлари номенклатурасига кирадиган тузилмаларнинг таркибий бўлинмалари бошлиқларини қайта тайёрлаш ва малакасини ошириш, рағбатлантириш ва интизомий жазо чораларини қўллаш юзасидан таклифлар киритади;

мутасадди бўлинмаларида кадрлар захирасини шакллантириш бўйича тизимли асосда ишларни ташкил қилади.

в) Агентлик таркибий бўлинмаси бошлиғи:

таркибий бўлинмасининг тасдиқланган низоми доирасида аниқ йўналишлардаги вазифаларнинг сифатли ва ўз вақтида бажарилишини таъминлайди;

мутасадди ахборот, нашриёт-матбаа ва ахборот-кутубхона соҳаларининг ривожланиш ҳолатини сифатли баҳолаб, уларнинг истиқболда ривожланиши бўйича Агентлик раҳбариятига аниқ таклифлар ва амалга ошириш механизмларини киритади.

г) Агентликнинг ҳудудий бошқармаси бошлиғи:

юклатилган вазифа ва функцияларга мувофиқ, Агентликнинг ҳудудий бошқармалари фаолиятини, шу жумладан, бўлим бошлиқлари ва мутахассислари ишини ташкил қилади;

ҳудуднинг ахборот, нашриёт-матбаа ва ахборот-кутубхона соҳалари ривожланиши ҳолатини сифатли баҳолайди ва Агентлик раҳбариятига уларнинг истиқболдаги ривожланиши юзасидан аниқ таклифлар ва амалга ошириш механизмларини киритади;

белгиланган тартибда бошқа функцияларни амалга оширади.

6-боб. Агентлик раҳбарларининг масъулияти

21. Агентлик Директори:

ушбу Низом ва бошқа қонун ҳужжатларида ўзига юклатилган вазифаларни сифатли ва ўз вақтида бажариш, шунингдек, Агентлик фаолиятидаги камчиликларни бартараф этиш бўйича чора-тадбирлар кўрилиши;

мамлакатда ва ҳудудларда амалга оширилаётган дастурлар, стратегиялар ва концепциялар натижаларига эришиш, уларнинг оммавий коммуникациялар, нашриёт-матбаа ва ахборот-кутубхона соҳасига таъсир қилиши;

Агентлик, унинг таркибий ва ҳудудий бўлинмаларида ижро интизомига қатъий риоя қилиниши учун масъулдир.

22. Директор ўринбосарлари:

тегишли йўналишлар бўйича бажариладиган топшириқларнинг самарадорлиги ва ўз вақтида ижро этилиши учун;

мутасадди оммавий коммуникациялар, матбуот, нашриёт-матбаа ва ахборот-кутубхона соҳалари барқарор ривожланишини таъминлаш бўйича амалга оширилаётган чора-тадбирларнинг натижадорлиги ва самарадорлиги учун масъулдир.

23. Агентликнинг ҳудудий бошқармалари бошлиқлари:

қонун ҳужжатлари, Агентлик раҳбарларининг топшириқлари, шунингдек, юклатилган вазифа ва функцияларнинг ўз вақтида ва сифатли бажарилиши юзасидан таъсирчан назоратни амалга ошириш;

тегишли республика дастурлари ва соҳаларни ривожлантириш дастурларига узвий боғлиқ ҳолда ҳудудларнинг оммавий коммуникациялар, ноширлик-матбаа ва ахборот-кутубхона фаолиятини ривожлантириш дастурлари белгиланган тартибда ишлаб чиқилишини таъминлаш;

Агентликка ҳудудларнинг оммавий коммуникациялар, ноширлик-матбаа ва ахборот-кутубхона фаолияти соҳалари ривожланиши тенденциялари тўғрисида объектив таҳлилий ахборотларни ўз вақтида тақдим этиш;

амалга оширилган ҳудудий дастурларнинг ҳудудларнинг оммавий коммуникациялар, ноширлик-матбаа ва ахборот-кутубхона фаолиятига бўлган таъсирининг самарадорлиги;

ҳудудларнинг оммавий коммуникациялар, ноширлик-матбаа ва ахборот-кутубхона фаолиятини ривожлантириш бўйича белгиланган вазифаларнинг сифатли ва ўз вақтида бажарилишини таъминлаш учун масъулдирлар.

7-боб. Агентлик фаолиятини ташкил қилиш

1-§. Агентлик раҳбарияти

24. Агентликка Ўзбекистон Республикаси Президенти томонидан лавозимга тайинланадиган ва лавозимдан озод этиладиган директор бошчилик қилади.

Олдинги таҳрирга қаранг.

Директор Ўзбекистон Республикаси Президенти билан келишилган ҳолда Ўзбекистон Республикаси Президенти ёрдамчиси томонидан лавозимга тайинланадиган ва лавозимдан озод этиладиган уч нафар ўринбосарлари, шу жумладан биринчи ўринбосарига эга.

(24-банднинг иккинчи хатбошиси Ўзбекистон Республикаси Президентининг 2024 йил 25 октябрдаги ПФ-168-сонли Фармони таҳририда)

25. Агентликнинг марказий аппарати таркибий бўлинмалари бошлиқлари, Агентликнинг ҳудудий бошқармалари бошлиқлари, «O‘zbekiston» нашриёт-матбаа ижодий уйи, Ғафур Ғулом номидаги нашриёт-матбаа ижодий уйи, Чўлпон номидаги нашриёт-матбаа ижодий уйи, «O‘qituvchi» матбаа уйи, «Ўзбекистон миллий энциклопедияси» давлат илмий нашриёти, «Кўзи ожизлар босмахонаси» давлат корхонаси, Қорақалпоғистон Республикаси ва вилоятлардаги ҳудудий нашриётлар, «O‘qituvchi» илмий-методик нашриёт маркази, Алишер Навоий номидаги Ўзбекистон Миллий кутубхонаси, Оммавий коммуникациялар масалалари бўйича марказ, Нашриёт-матбаа фаолияти соҳасида мутахассислар тайёрлаш касб-ҳунар коллежи, китоб маҳсулотларини тарқатиш бўйича «Ўздавкитобсавдотаъминоти» МЧЖ корхоналари ҳамда Агентликнинг «Маъмурий бинолардан фойдаланиш бошқармаси» давлат корхонаси директорларини лавозимга тайинлаш ва лавозимидан озод қилиш Агентлик директори томонидан амалга оширилади.

2-§. Агентлик марказий аппарати таркибий бўлинмаларининг ҳудудий бошқармалар билан ўзаро ҳамкорлиги тартиби

26. Агентликнинг марказий аппарати таркибий бўлинмалари қуйидаги масалалар бўйича Агентликнинг ҳудудий бошқармалари билан ўзаро ҳамкорлик қилади:

Олдинги таҳрирга қаранг.

Ўзбекистон Республикаси Президентининг топшириқлари, Ўзбекистон Республикаси Президенти ёрдамчиси, Ўзбекистон Республикаси Олий Мажлиси палаталари ва Агентлик раҳбарияти топшириқларини ўз вақтида бажариш, шунингдек, Ўзбекистон Республикаси Олий Мажлиси депутатларининг сўровномалари, жисмоний ва юридик шахсларнинг мурожаатлари ўз вақтида кўриб чиқилишини таъминлаш;

(26-банднинг иккинчи хатбошиси Ўзбекистон Республикаси Президентининг 2024 йил 25 октябрдаги ПФ-168-сонли Фармони таҳририда)

Агентлик ҳудудий бошқармаларининг, соҳавий ривожлантириш дастурлари билан ўзаро уйғунликда, ҳудудий оммавий коммуникациялар, ноширлик-матбаа ва ахборот-кутубхона фаолиятини ривожлантириш дастурларини ишлаб чиқиш бўйича давлат ва хўжалик бошқаруви органлари билан ўзаро ҳамкорлигини таъминлаш;

Агентлик ҳудудий бошқармаларининг ахборот соҳасидаги хавф-хатарлар ва таҳдидларга қарши курашиш, жамиятда мутолаа маданиятини ошириш, республика ҳудудларининг иқтисодий ва инвестицион салоҳиятини тарғиб қилиш, давлат органлари матбуот хизматларининг оммавий ахборот воситалари билан мақбул ҳамкорлиги ҳамда оммавий коммуникациялар, нашриёт-матбаа ва ахборот-кутубхона соҳаларини бошқариш бўйича фаолиятини мувофиқлаштириш ва назорат қилиш;

Ўзбекистоннинг ахборот соҳасидаги муҳити ҳамда ҳудудлар кесимида унинг асосий кўрсаткичлари динамикаси, ҳудудларнинг оммавий коммуникациялар, ноширлик-матбаа ва ахборот-кутубхона фаолиятини комплекс ривожлантириш дастурларини амалга ошириш доирасидаги лойиҳалар ҳамда чора-тадбирларни ўз вақтида ва сифатли бажаришга тўсқинлик қилаётган тизимли муаммоли масалаларни аниқлаш мақсадида тизимли мониторингини амалга ошириш, тизимли муаммоли масалаларни ҳал этиш бўйича таклифлар ишлаб чиқиш;

давлат ҳокимияти органлари томонидан кўриб чиқиш ва виза қўйиш учун киритилган норматив-ҳуқуқий ҳужжатларнинг лойиҳаларини экспертизадан ўтказиш ва ишлаб чиқиш, улар бўйича хулосалар тайёрлаш;

Агентликнинг ҳудудий бўлинмалари фаолияти самарадорлигини таҳлил қилиш ва баҳолаш;

республика ҳудудларида оммавий коммуникациялар, ноширлик-матбаа ва ахборот-кутубхона соҳалари фаолияти ривожланишининг даражасини баҳолаш мезонлари тизимини ишлаб чиқиш ва жорий этиш.

3-§. Агентликнинг давлат ва хўжалик бошқаруви органлари, маҳаллий давлат ҳокимияти органлари ва бошқа ташкилотлар билан ўзаро ҳамкорлиги тартиби

27. Агентлик давлат ва хўжалик бошқаруви органлари, маҳаллий давлат ҳокимияти органлари ҳамда бошқа ташкилотлар билан ҳамкорлик соҳасида:

Агентлик ваколатига кирувчи масалалар бўйича давлат ва хўжалик бошқаруви органлари, маҳаллий давлат ҳокимияти органлари ҳамда Агентликнинг ҳудудий бошқармалари фаолиятини мувофиқлаштиради;

Агентликнинг ваколатига тааллуқли масалалар бўйича белгиланган тартибда таклифларни тайёрлаш ва киритишда иштирок этади;

ҳудудий оммавий коммуникациялар, нашриёт-матбаа, ахборот-кутубхона соҳалари ривожланишидаги муаммоларни бартараф этиш, шунингдек, Агентликнинг ваколатларига тааллуқли бошқа масалалар бўйича давлат ва хўжалик бошқаруви органлари ҳамда вилоятлар, туман (шаҳарлар) ҳокимликлари билан ҳамкорлик қилади.

4-§. Агентликнинг ҳайъати, бошқа маслаҳат, консультатив эксперт органлари

28. Агентликда директор (ҳайъат раиси), директорнинг биринчи ўринбосари, директор ўринбосарлари, шунингдек, Агентлик фаолиятининг асосий йўналишларини мувофиқлаштирувчи Агентликнинг таркибий бўлинмалари раҳбарларидан иборат Ҳайъат шакллантирилади.

Ҳайъат:

мазкур Низомда белгиланган Агентлик фаолиятининг асосий йўналишларини тайёрлаш ва амалга ошириш;

Ўзбекистон Республикаси Президентининг аниқ вазифалари ва топшириқлари сифатли бажарилишини ташкил этиш;

Агентликнинг бошқа давлат ва хўжалик бошқаруви органлари, маҳаллий давлат ҳокимияти органлари билан ўзаро ҳамкорлигини таъминлаш;

қўшимча чора-тадбирларни қабул қилиб ҳамда уларнинг самарадорлигини ошириш бўйича тузатишлар киритиб, оммавий коммуникация, нашриёт-матбаа ва ахборот-кутубхона соҳаларини ривожлантириш дастурлари, стратегиялари ва концепциялари амалга оширилишининг натижадорлигини баҳолаш;

Агентлик номенклатурасига киритилган лавозимларга кадрларни танлаш, жойлаштириш, тайёрлаш ва қайта тайёрлаш билан боғлиқ масалаларни кўриб чиқади.

Агентлик Ҳайъати Агентликнинг ваколатига кирувчи бошқа масалаларни ҳам кўриб чиқиш ҳуқуқига эга.

Ҳайъат йиғилишларига давлат ва хўжалик бошқаруви органлари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари раҳбарлари таклиф этилади.

Ҳайъат йиғилиши, Ҳайъат таркибининг ярмидан кўпроғи ҳозир бўлганида, ваколатга эга. Қарорлар оддий кўпчилик овоз билан қабул қилинади.

Ҳайъат қарорлари Агентлик директорининг буйруқлари ва Ҳайъат баённомалари билан амалга оширилади. Агентлик директори ва ҳайъат аъзолари ўртасида келишмовчиликлар юзага келганида, Агентлик директори мустақил равишда қарор қабул қилади.

Ҳайъат фаолиятининг тартиби Ҳайъат томонидан тасдиқланадиган регламенти билан белгиланади.

29. Агентлик қошида директорнинг биринчи ўринбосари (Кенгаш раиси), Агентлик фаолиятининг асосий йўналишларини мувофиқлаштирувчи Агентликнинг алоҳида таркибий бўлинмалари раҳбарлари ва мутахассислари, шунингдек, оммавий коммуникациялар, ноширлик-матбаа ва ахборот-кутубхона фаолияти соҳалари субъектларининг вакиллари иштирокида ахборот муҳитини ривожлантириш бўйича Жамоатчилик кенгаши ташкил этилади.

Жамоатчилик кенгаши сони, шахсий таркиби ва низоми Агентлик директорининг буйруғи билан тасдиқланади.

Жамоатчилик кенгаши мажлисида қабул қилинган қарор асосида Кенгаш раисига Кенгашнинг шахсий таркибига ўзгартиш ва қўшимчалар киритиш ҳуқуқи берилади.

Жамоатчилик кенгашининг асосий вазифалари қуйидагилар ҳисобланади:

давлат органлари ва оммавий ахборот воситалари ўртасида яқин ҳамкорликни ўрнатиш, ахборот соҳасини янада ривожлантириш бўйича таклифлар ишлаб чиқиш;

журналистнинг мақомини ошириш, даврий нашрларнинг молиявий ҳолатини яхшилаш ҳамда оммавий коммуникациялар соҳаси субъектларининг янада ривожланишига тўсқинлик қилаётган муаммоли масалаларни муҳокама қилиш;

ахборот соҳасини ривожлантиришга йўналтирилган норматив-ҳуқуқий ҳужжатларнинг амалда рўёбга чиқариш механизмлари, сўз ва ахборот эркинлигини ҳимоя қилишнинг ҳуқуқий механизмларини янада мустаҳкамлаш, давлат органлари фаолиятининг шаффофлигини таъминлашда бюрократик тўсиқларни бартараф этиш ҳамда давлат тузилмалари томонидан оммавий ахборот воситалари фаолиятига асоссиз аралашувларни камайтириш, масс-медиа маҳсулотларини тарқатиш соҳасида ахборот хавфсизлиги ва соғлом рақобатни ривожлантириш тизимини такомиллаштиришни танқидий кўриб чиқиш;

қонунчилик базасини, шу жумладан Агентликка кўриб чиқиш учун киритиладиган норматив-ҳуқуқий ҳужжатларни ишлаб чиқиш ва муҳокама қилиш йўли билан такомиллаштиришда иштирок этиш.

8-боб. Агентлик фаолияти самарадорлигини баҳолаш мезонлари

30. Қуйидагилар:

Агентлик директори, директорнинг биринчи ўринбосари, директор ўринбосарлари, ҳудудий бошқармалари бошлиқлари фаолияти самарадорлигини баҳолаш Ўзбекистон Республикаси Бош вазири томонидан тасдиқланадиган фаолият самарадорлигини баҳолашнинг интеграциялашган кўрсаткичлари асосида амалга оширилади;

Агентликнинг бошқарма ва бўлим бошлиқлари, шунингдек марказий аппарат, Агентликнинг ҳудудий бошқармалари ходимлари, қуйи ташкилотларнинг раҳбарлари ва ходимлари фаолияти самарадорлигини баҳолаш Агентлик директори томонидан тасдиқланадиган фаолият самарадорлигини баҳолаш кўрсаткичлари асосида амалга оширилади.

9-боб. Агентлик фаолиятини молиялаштириш ва ходимларини моддий рағбатлантириш

31. Агентлик фаолиятини молиялаштириш ва ходимларини моддий рағбатлантириш қонунчиликка мувофиқ амалга оширилади.

32. Агентлик ходимларининг иш ҳақи қонунчиликда назарда тутилган лавозим маоши, мукофотлар, қўшимчалар, устамалар ва рағбатлантирувчи тўловлардан ташкил топади.

Агентликнинг марказий аппарати ходимларига узоқ муддат хизмат қилгани учун ҳар ойда қуйидаги миқдорда устама ҳақ тўланади (рағбатлантириш коэффициентини ҳисобга олган ҳолда, лавозим маошига нисбатан коэффициент ҳисобида):

1 йилдан 3 йилгача — 0,3;

3 йилдан 5 йилгача — 0,6;

5 йилдан 10 йилгача — 0,8;

10 йилдан 15 йилгача — 1,0;

15 йилдан 20 йилгача — 1,2;

20 йилдан ортиқ — 1,5.

Узоқ муддат хизмат қилгани учун ҳақ олиш ҳуқуқини берувчи иш стажи, Агентлик томонидан тасдиқланган тартибга мувофиқ ҳисоблаб чиқилади.

Олдинги таҳрирга қаранг.

33. Агентлик ва унинг ҳудудий бошқармалари ходимларига иш ҳақини тўлаш ҳамда уларни моддий рағбатлантиришни амалга ошириш манбалари этиб Ўзбекистон Республикаси Давлат бюджети, Ўзбекистон Республикасининг ахборот соҳаси ва оммавий коммуникацияларини ривожлантиришни қўллаб-қувватлаш жамғармаси маблағлари, шунингдек, қонунчиликда тақиқланмаган бошқа манбалар ҳисобланади.

(33-банднинг биринчи хатбошиси Ўзбекистон Республикаси Президентининг 2019 йил 10 декабрдаги ПФ-5892-сонли Фармони таҳририда — Қонун ҳужжатлари маълумотлари миллий базаси, 11.12.2019 й., 06/19/5892/4134-сон)

Ўзбекистон Республикасининг ахборот соҳаси ва оммавий коммуникацияларини ривожлантиришни қўллаб-қувватлаш жамғармаси маблағлари:

Олдинги таҳрирга қаранг.

Агентликка идоравий мансуб нашриётлар ва матбаа корхоналарининг маҳсулотларини сотишдан тушадиган соф тушумнинг 10 фоизигача миқдоридаги шартнома асосидаги ажратмалар;

(33-банднинг учинчи хатбошиси Ўзбекистон Республикаси Президентининг 2019 йил 10 декабрдаги ПФ-5892-сонли Фармони таҳририда — Қонун ҳужжатлари маълумотлари миллий базаси, 11.12.2019 й., 06/19/5892/4134-сон)

Олдинги таҳрирга қаранг.

Ўзбекистон Республикаси Давлат бюджетидан 20 миллиард сўм миқдорида ҳар йили ажратиладиган маблағлар;

(33-банднинг тўртинчи хатбошиси Ўзбекистон Республикаси Президентининг 2019 йил 10 декабрдаги ПФ-5892-сонли Фармони таҳририда — Қонун ҳужжатлари маълумотлари миллий базаси, 11.12.2019 й., 06/19/5892/4134-сон)

Агентлик томонидан рухсатнома тусидаги ҳужжатлар берганлик учун давлат божи тўлашдан тушадиган маблағлар;

жисмоний ва юридик шахслар, жумладан, Ўзбекистон Республикаси норезидентларининг ҳомийлик хайриялари;

Олдинги таҳрирга қаранг.

вақтинча бўш турган маблағларини жойлаштиришдан олинган даромадлар ҳамда қонун ҳужжатлари билан тақиқланмаган бошқа тушумлар ҳисобига шакллантирилади.

(33-банднинг еттинчи хатбошиси Ўзбекистон Республикаси Президентининг 2019 йил 10 декабрдаги ПФ-5892-сонли Фармони таҳририда — Қонун ҳужжатлари маълумотлари миллий базаси, 11.12.2019 й., 06/19/5892/4134-сон)

Ўзбекистон Республикасининг ахборот соҳаси ва оммавий коммуникацияларини ривожлантиришни қўллаб-қувватлаш жамғармаси тўғрисидаги низом Агентлик томонидан Ўзбекистон Республикаси Молия вазирлиги билан биргаликда тасдиқланади.

10-боб. Агентликнинг ҳисоботлари

34. Агентлик Ўзбекистон Республикаси Президенти Администрацияси билан ўзаро ҳамкорлик доирасида:

ўзига юкланган вазифа ва функцияларни бажариш билан боғлиқ норматив-ҳуқуқий ва бошқа ҳужжатлар лойиҳаларини белгиланган тартибда киритади;

давлат ва хўжалик бошқаруви органлари билан биргаликда давлат ахборот сиёсатини амалга ошириш муаммоларини ҳал этиш, оммавий коммуникациялар, ноширлик-матбаа ва ахборот-кутубхона фаолияти соҳасида давлат бошқарувини мақбуллаштиришга йўналтирилган таклифлар, тавсиялар ва таҳлилий материалларни Ўзбекистон Республикаси Президенти Администрациясига тақдим этиш учун тайёрланишини таъминлайди;

оммавий коммуникациялар, ноширлик-матбаа ва ахборот-кутубхона фаолияти соҳасидаги лойиҳаларни тайёрлаш, жорий этиш ва самарадорлигини баҳолаш бўйича чора-тадбирларни ишлаб чиқади ва амалга оширади, Ўзбекистон Республикаси Президенти Администрациясига уларнинг самарадорлигини, шу жумладан давлат-хусусий шерикликни жорий этиш йўли билан ошириш бўйича аниқ таклифлар киритади;

мунтазам равишда оммавий коммуникациялар, ноширлик-матбаа ва ахборот-кутубхона фаолияти соҳасидаги энг муҳим йўналишлар ҳамда вазифаларнинг амалдаги ижроси ҳамда мазкур соҳаларда мавжуд тизимли муаммолар ва камчиликларни Ўзбекистон Республикаси Президенти Администрациясининг тегишли бўлинмалари раҳбарлари томонидан кўриб чиқилишини ташкил қилади;

белгиланган тартибда бошқа функцияларни амалга оширади.

35. Агентлик, Агентликнинг ҳудудий бошқармалари ҳамда тегишли давлат ва хўжалик бошқаруви органларининг маълумотларини ҳар томонлама чуқур таҳлил қилиш ва умумлаштириш асосида Ўзбекистон Республикаси Президенти Администрациясига мамлакатнинг оммавий коммуникациялар, ноширлик-матбаа ва ахборот-кутубхона фаолияти соҳаларини ривожлантиришда эришилган натижалар тўғрисида ҳар чоракда таҳлилий материаллар киритади.

36. Агентлик ҳар чорак якунлари бўйича ўзининг веб-сайтида тегишли ҳисобот даврида мамлакатнинг оммавий коммуникациялари, ноширлик-матбаа ва ахборот-кутубхона фаолияти соҳалари ривожланиши натижалари ҳақида матбуот учун ахборот (пресс-релиз) эълон қилинишини амалга оширади.

37. Агентликнинг ҳудудий бошқармалари ҳар чоракда давлат ва хўжалик бошқаруви органларининг ҳудудий бўлинмалари ахборотларини чуқур таҳлил қилиш ва умумлаштириш асосида Агентликка ягона давлат ахборот сиёсатини амалга ошириш, мамлакат ҳудудларида оммавий коммуникациялар, ноширлик-матбаа ва ахборот-кутубхона фаолияти соҳаларини ривожлантириш, шунингдек, аниқланган муаммолар ҳамда уларни бартараф этиш бўйича асосланган таклифлар билан биргаликда умумлаштирилган таҳлилий маълумот киритади.

11-боб. Якуний қоидалар

38. Агентликни қайта ташкил этиш ва тугатиш қонунчиликда белгиланган тартибда амалга оширилади.

Ўзбекистон Республикаси Президентининг 2019 йил 2 февралдаги ПҚ-4151-сон қарорига
5-ИЛОВА

2019-2020 йилларда Ўзбекистон Республикаси ахборот соҳаси ва оммавий коммуникацияларни янада ривожлантириш

ДАСТУРИ

Т/р	Тадбирлар номи	Амалга ошириш шакли	Бажариш муддати	Масъул ижрочилар
I. Оммавий ахборот воситаларини ривожлантиришни давлат томонидан қўллаб-қувватлаш соҳасида
1.	Сўз эркинлиги ва ОАВ фаолияти бўйича халқаро рейтингларда мамлакатнинг мавқеини яхшилашга қаратилган Ўзбекистон Республикаси Президентининг қарори лойиҳаси ва «Йўл харитаси»ни тайёрлаш.	Норматив-ҳуқуқий ҳужжат лойиҳаси ва «Йўл харитаси»	2019 йил 15 мартгача	Агентлик, манфаатдор идоралар
2.	Республика ҳудудларида давлатга қарашли бўлган босма ОАВнинг ҳолати ва ривожланиш истиқболларини ўрганиш.	Ахборот-таҳлилий маълумотнома	2019 йил 1 майгача	Агентлик, манфаатдор идоралар
3.	ОАВ мустақиллиги соҳасидаги кафолатлар ва халқаро стандартларнинг сўзсиз амалга оширилишини таъминлашга масъул бўлган Медиа-омбудсман лавозимини жорий этиш тўғрисидаги норматив-ҳуқуқий ҳужжат лойиҳасини ишлаб чиқиш.	Норматив-ҳуқуқий ҳужжат лойиҳаси	2019 йил 1 июнгача	Агентлик
4.	«Муаллифлик ва турдош ҳуқуқлар» тўғрисидаги Қонун лойиҳасини янги таҳрирда ҳамда муаллифлик ва турдош ҳуқуқлар, давлат стандартлари, техник регламентлар ва санитария меъёрлари тўғрисидаги қонун ҳужжатларини бузганлик учун жавобгарликни кучайтиришни кўзда тутувчи қонун лойиҳасини ишлаб чиқиш ва киритиш.	Қонун лойиҳаси	2019 йил 1 майгача	Адлия вазирлиги, Интеллектуал мулк агентлиги, Агентлик
5.	Журналист мақомини ошириш, медиа жамиятда ўзини ўзи бошқаришнинг механизмларини шакллантириш ҳамда журналистнинг умум эътироф этилган миллий гувоҳномасини жорий этишга қаратилган таклифларни ишлаб чиқиш.	Норматив-ҳуқуқий ҳужжат лойиҳаси	2019 йил 1 июнгача	Ўзбекистон Журналистлари ижодий уюшмаси, Агентлик
6.	Суд органлари билан республика журналистлари ўртасида изчил ҳамкорликни ўрнатиш, уларнинг суд мажлисларидаги иштирокини таъминлаш, очиқ суд материалларини ёритишда мамлакат ОАВдан фойдаланишни назарда тутувчи чора-тадбирларни ишлаб чиқиш ва қабул қилиш.	Норматив-ҳуқуқий ҳужжат лойиҳаси	2019 йил 1 апрелгача	Агентлик, Олий суд, Адлия вазирлиги
7.	ОАВ ҳуқуқларини таъминлаш ва журналистларнинг ўз касбий фаолиятига доир мажбуриятларига риоя этишига оид қонунчилик ва ҳуқуқни қўллаш амалиётини тафтиш қилиш, Ўзбекистон Республикасининг «Телерадиоэшиттиришлар тўғрисида»ги ва «Оммавий ахборот воситалари тўғрисида»ги қонун лойиҳаларини янги таҳрирда ишлаб чиқиш.	Қонун лойиҳаси	2019 йил 1 ноябргача	Агентлик, Олий Мажлис палаталари (келишув бўйича), Адлия вазирлиги
8.	Журналистларнинг Касб этикаси кодексини ишлаб чиқиш ва қабул қилиш.	Касб этикаси кодекси	2019 йил 1 июлгача	Агентлик, Ўзбекистон Журналистлари ижодий уюшмаси
9.	Даврий нашрларнинг жозибадорлигини ошириш, медиа-менежментнинг замонавий усулларини, АКТ-имкониятларини ҳамда самарали маркетинг ишланмаларини жорий этиш орқали уларнинг молиявий ҳолатини яхшилаш бўйича чора-тадбирларни ишлаб чиқиш.	Чора-тадбирлар дастури	2019 йил 1 майгача	Агентлик
10.	ОАВ, теле- ва кабель студиялар, оммабоп интернет-медиа, фуқаролик журналистикаси (блогерлар) фаолиятидаги муаммоларни ўрганишга бағишланган туркум учрашувлар ва «давра суҳбатлари» ўтказиш.	Чора-тадбирлар мажмуи	тизимли равишда	Агентлик
II. Давлат ҳокимияти ва бошқаруви органлари фаолияти очиқлигини таъминлашда матбуот хизматлари ишларининг самарадорлигини ошириш соҳасида
11.	Давлат ҳокимияти ва бошқарув органлари матбуот-хизматлари фаолияти самарадорлигини ошириш, шу жумладан давлат тузилмалари раҳбарларининг масс-медиа билан изчил ҳамкорлигини амалиётга жорий этишни кўзда тутувчи уларнинг ўзаро ҳамкорлигини мувофиқлаштириш механизмини шакллантириш.	Чора-тадбирлар дастури	2019 йил 1 апрелгача	Агентлик
12.	Қуйидагиларни назарда тутувчи дастурни ишлаб чиқиш ва амалга оширишни таъминлаш: давлат ҳокимияти ва бошқаруви органлари матбуот хизматларининг жамоатчилик ва ОАВ билан самарали ҳамкорлик қилишига тўсқинлик қиладиган асосий муаммоларни муҳокама қилиш мақсадида ОАВ вакиллари ва блогерлар иштирокида туркум «ақлий ҳужумлар» ва семинарлар ўтказиш; давлат ҳокимияти ва бошқаруви органлари матбуот хизматлари фаолияти очиқлигини таъминлашда уларнинг ҳолати ва фаолият самарадорлигини янада ошириш истиқболларини муҳокама қилиш, шунингдек ҳуқуқий ва амалий таклифларни ишлаб чиқишга қаратилган конференциялар ташкил этиш; давлат ҳокимияти ва бошқаруви органлари раҳбарлари, матбуот хизматлари ходимлари фаолияти очиқлиги ва ошкоралигини таъминлаш учун услубий тавсиялар ишлаб чиқиш; матбуот хизматлари ходимларининг касбий малакасини ошириш, ОАВ билан ҳамкорлигини яхшилаш, шу жумладан алоқалар ўрнатишда мобил технологиялардан кенг фойдаланган ҳолда туркум семинар ва тренинглар ўтказиш; кенг жамоатчиликни амалга оширилган ишларнинг натижалари, давлат тузилмалари фаолиятининг моҳияти ва истиқболдаги режалари билан таништириш мақсадида давлат органлари, давлат ҳокимияти ва бошқаруви органлари раҳбарлари томонидан ОАВ учун тизимли равишда пресс-конференциялар ташкил этиш ҳамда уларга ОАВ билан самарали ҳамкорлик ўрнатишда кўмаклашиш.	Комплекс чора-тадбирлар дастури	2019 йил 15 майгача	Агентлик
13.	Давлат ҳокимияти ва бошқаруви органлари фаолиятини очиқлигини таъминлашда матбуот хизматларининг иш самарадорлигини янада ошириш, журналистлар, блогерларнинг билими ва касбий малакасини ошириш, шунингдек Агентликка юкланган бошқа вазифаларни амалга ошириш мақсадида дипломатик корпус, хорижий ва халқаро тузилмалар билан самарали ҳамкорликни ўрнатиш.	Чора-тадбирлар мажмуи	2019-2020 йиллар давомида	Агентлик, Ташқи ишлар вазирлиги
III. Ахборот-кутубхона фаолиятини янада ривожлантириш соҳасида
14.	Ўзбекистон Республикасининг Президентининг «Ўзбекистон Республикаси аҳолисига ахборот-кутубхона хизмати кўрсатишни янада такомиллаштириш тўғрисида»ги, шу жумладан ахборот-кутубхона фаолиятини ривожлантириш ҳамда ушбу соҳага давлат-хусусий шерикликни татбиқ қилиш, хусусий ва рақамли (виртуал) кутубхоналар тармоғини ривожлантириш бўйича Концепция ва Дастурни тасдиқлашни назарда тутувчи қарори лойиҳасини тайёрлаш.	Ўзбекистон Республикаси Президенти қарори лойиҳаси	2019 йил 1 мартгача	Агентлик
15.	Алишер Навоий номидаги Ўзбекистон Миллий кутубхонасида электрон ва аудио китобларни яратиш, шунингдек китоб фондини тўлдириш учун хорижий адабиётнинг энг сара намуналарини давлат тилига ва ўзбек адабиёти асарларини хорижий тилларга таржима қилиш бўйича Медиа-марказ ташкил этиш.	Ташкилий-ҳуқуқий чора-тадбирлар	2019 йил 1 июнгача	Агентлик
16.	Республика умумтаълим муассасаларида «Миллий умумтаълим электрон кутубхонаси» лойиҳасини ишлаб чиқиш ва амалга ошириш.	Қўшма чора-тадбирлар дастури	2019-2020 йиллар давомида	Агентлик, Халқ таълими вазирлиги, манфаатдор идоралар
17.	Ҳар йили республика «Маҳалла» хайрия жамғармаси томонидан маҳалла фуқаролари йиғинларининг китоб фондини тўлдириш бўйича адабиётлар рўйхатини тайёрлаш.	Қўшма чора-тадбирлар дастури	2019 йил 15 февралдан бошлаб, ҳар йили	Агентлик, Республика «Маҳалла» хайрия жамғармаси
18.	Ҳар йили Халқ таълими вазирлиги, Ўзбекистон ёшлар иттифоқи билан биргаликда умумтаълим мактаблари кутубхоналари учун зарур бадиий адабиётлар рўйхатини шакллантириш ва уларни Агентлик корхоналарида тайёрлаш бўйича буюртмаларни жойлаштириш.	Қўшма чора-тадбирлар дастури	2019 йил 15 февралдан бошлаб, ҳар йили	Агентлик, Халқ таълими вазирлиги, Ўзбекистон ёшлар иттифоқи
19.	Китобхонлик тарғиботини ошириш, нашриётлар ходимларининг фаолиятини рағбатлантириш, халқаро китоб кўргазмаларида нодавлат нашриётларнинг иштирокини таъминлаш бўйича чора-тадбирларни ишлаб чиқиш.	Ташкилий чора-тадбирлар	2019 йил 1 августгача	Агентлик
IV. Нашриёт-матбаа фаолиятини ривожлантириш соҳасида
20.	ОАВ ва матбаа корхоналарини рўйхатдан ўтказиш, ноширлик фаолиятини лицензиялаш бўйича томонларнинг ҳуқуқ ва мажбуриятларини аниқ белгиловчи янгиланган тартибларни тасдиқлаш учун Ўзбекистон Республикаси Вазирлар Маҳкамасига киритиш.	Норматив-ҳуқуқий ҳужжат лойиҳаси	2019 йил 20 апрелгача	Агентлик
21.	Нашриёт-матбаа корхоналарининг ускуналарини белгиланган талабларга мувофиқлиги юзасидан хатловдан ўтказиш.	Ташкилий чора-тадбирлар	2019 йилнинг I ярим йиллиги	Агентлик
22.	Агентлик тизимида мавжуд объектлар ва жиҳозларни тўлиқ инвентаризация қилиш, натижалари бўйича давлат корхоналарини хусусийлаштириш, давлат-хусусий шериклик шаклларини жорий этиш ва инвестиция лойиҳаларини амалга оширишга қаратилган республика нашриёт-матбаа фаолиятини комплекс ривожлантириш дастурини ишлаб чиқиш.	Ташкилий тадбирлар ва Комплекс чора-тадбирлар дастури	2019 йилнинг I ярим йиллиги	Агентлик, Давлат активларини бошқариш агентлиги
23.	Ўзбекистон Республикаси Олий ва ўрта махсус таълим вазирлиги ва Халқ таълими вазирлиги томонидан республика таълим тизими учун ҳар йили талабалик гувоҳномаси, (шу жумладан пластик) рейтинг дафтарчалари, синф журналлари, ўзлаштириш табеллари, аттестатлар ва бошқа босма маҳсулотларини Агентлик корхоналарида тайёрлаш ва ишлаб чиқариш учун буюртмаларни жойлаштириш.	Қўшма шартномалар	2019 йил 15 февралдан бошлаб, ҳар йили	Олий ва ўрта махсус таълим вазирлиги, Халқ таълими вазирлиги, Агентлик
24.	Нашриёт-матбаа уйларининг технологик ускуналарини модернизация қилиш, китоб-канцелярия маҳсулотларини ишлаб чиқариш ва тарқатиш тизимининг самарадорлиги ва шаффофлигини таъминловчи ишлаб чиқариш жараёнларини бошқаришнинг автоматлаштирилган тизимини жорий этиш.	Чора-тадбирлар мажмуи	2020 йил 1 январгача	Агентлик
25.	Республика нашриёт-матбаа корхоналари томонидан нашр этилган маҳсулотларнинг мажбурий бепул нусхаларини тарқатиш тартибини қайта кўриб чиқиш.	Норматив-ҳуқуқий ҳужжат лойиҳаси	2019 йил 1 мартгача	Агентлик, Адлия вазирлиги
26.	Ўзбекистон Республикаси Халқ таълими вазирлигининг муаллифлар билан ишлаш, идоралар билан келишиш, зарур бўлган эксперт хулосаларини олиш ва кейинги ўқув йилига мўлжалланган дарсликлар ва ўқув қўлланмаларнинг якуний матнларини тасдиқлаш ҳамда 1 майга қадар оригинал макетларини яратиш ва нашр этиш учун Агентликнинг нашриёт-матбаа корхоналарига тақдим этиш тартибини ишлаб чиқиш ва жорий этиш.	Идоравий ҳужжат	2019 йил 30 апрелгача	Халқ таълими вазирлиги, Агентлик
27.	Матбаа тармоғининг муаммоларини ўрганиш ва унинг рақобатбардошлигини ошириш бўйича таклифлар ишлаб чиқиш.	Чора-тадбирлар дастури	2019 йил 1 октябргача	Агентлик
28.	«O‘qituvchi» бренди остида кўчма китоб дўконлари лойиҳасини амалга ошириш.	Норматив-ҳуқуқий ҳужжат лойиҳаси	2019-2020 йй. давомида	Агентлик
29.	Мактаб дарсликлари, ўқув қўлланмалар ва дафтар маҳсулотларини безатиш ва нашр қилиш бўйича стандартлар, техник регламентлар ва санитария меъёрларини матбаа соҳасидаги энг сўнгги ютуқлар ҳамда хорижий мамлакатларнинг илғор тажрибаларини инобатга олиб қайта кўриб чиқиш.	Норматив-ҳуқуқий ҳужжат лойиҳаси	2019 йил 1 июлгача	Агентлик
30.	Ўзбекистон нашриёт-матбаа бозори иштирокчилари томонидан китоб-дафтар, бошқа матбаа ва канцелярия маҳсулотларини ишлаб чиқаришда ўрнатилган сифат стандартларига риоя қилиниши бўйича тизимли назоратни таъминлаш.	Чора-тадбирлар мажмуи	доимий	Агентлик, манфаатдор идоралар
V. Агентлик фаолиятининг самарадорлигини ошириш соҳасида
31.	Ўзбекистон Республикасининг ахборот соҳаси ва оммавий коммуникацияларни ривожлантиришни қўллаб-қувватлаш жамғармаси низомини ишлаб чиқиш ва тасдиқлаш.	Норматив-ҳуқуқий ҳужжат лойиҳаси	2019 йил 15 февралгача	Агентлик, Адлия вазирлиги
32.	Келгусида кадрлар салоҳиятини мустаҳкамлаш ва уларнинг касбий малакасини ошириш мақсадида Агентлик ходимларини аттестациядан ўтказиш.	Чора-тадбирлар мажмуи	2019 йил 1 мартгача	Агентлик

Изоҳ: норматив-ҳуқуқий ҳужжатлар лойиҳалари ҳуқуқий муносабатларни тартибга солиш предмети ва соҳасидан келиб чиққан ҳолда қайта кўриб чиқилиши ёки ягона ҳужжатга бирлаштирилиши мумкин.

Ўзбекистон Республикаси Президентининг 2019 йил 2 февралдаги ПҚ-4151-сон қарорига
6-ИЛОВА

«ЙЎЛ ХАРИТАСИ»

Т/р	Чора-тадбирнинг номи	Амалга ошириш механизми	Ижро этиш муддати	Масъул ижрочилар
Корхонанинг моддий-техник ҳолатини яхшилаш
1.	Босмахона биносини мукаммал таъмирлаш ва унинг ҳудудини ободонлаштириш.	1. Босмахона икки қаватли биносининг олд қисми (фасади)ни таъмирлаш. 2. Барча хоналарни таъмирлаш. 3. Дераза ромларини алмаштириш. 4. Асосий кириш дарвозаларини янгилаш. 5. Корхона ҳудудини кўкаламзорлаштириш. 6. Канализация тизимини таъмирлаш. 7. Бутун бинони ва ишлаб чиқариш цехларини иситиш тармоғи билан таъминлаш.	2019 йил давомида, босқичма-босқич	Агентлик
2.	Ишлаб чиқариш технопаркини модернизациялаш, моддий ва маънавий эскирган ускуналарни алмаштириш.	1. 650 мм ли, букловчи ва тикувчи Braillo 650 SF механизмига эга Брайль усулида чоп этиш ускунаси. 2. А4+ шаклида фотосуратларни бўртма нуқталар кўринишида қоғозга кўчирувчи TactilPad by MDA русумидаги доска-принтер. 3. А3+ ҳажмдаги, SXC-460 русумли ип билан тикиш машинаси. 4. А3+ ҳажмдаги, қоплама корешок баландлиги I-65 мм. бўлган термоклей билан елимловчи машина. 5. JBT 50/3D Perfect Book Binding ускунаси. 6. А3+ ҳажмли ризограф. 7. 470 мм ҳажмли, DC 470 рангли принтер. 8. POLAR 92X русумли бир пичоқли қоғоз кесиш машинаси.	2019 йил давомида, босқичма-босқич	Агентлик
3.	Корхонани молиялаштиришнинг қўшимча манбаларини ўрганиш.	1. Корхона фаолиятига оид норматив-ҳуқуқий ҳужжатларни ўрганиш. 2. Корхона фаолиятини молиялаштириш манбаларини янада кенгайтириш бўйича таклиф ва тавсиялар ишлаб чиқиш.	2019 йил давомида, босқичма-босқич	Агентлик
Ишчиларни ижтимоий қўллаб-қувватлаш ва муносиб иш шароитларини яратиш
4.	Корхона ишчиларини ижтимоий ва моддий қўллаб-қувватлаш.	1. Корхона ишчиларига тўланаётган ойлик маошлари ҳажмини қайта кўриб чиқиш. 2. Корхонанинг фаол ишчи-ходимлари фаолиятини моддий рағбатлантириш тартибини ишлаб чиқиш ва жорий этиш.	2019 йил давомида, босқичма-босқич	Агентлик
5.	Автотранспорт воситалари учун технопарк ташкил этиш.	1. Юкларни ортиш ва тушириш учун автокара сотиб олиш. 2. Корхона ишчилари учун микроавтобус (навбатчи автотранспорт) сотиб олиш.	2019 йил давомида, босқичма-босқич	Агентлик
6.	Корхона ишчиларининг малакасини ошириш.	1. Хорижий экспертлар иштирокида ўтказиладиган ўқув семинарлари, шунингдек чет давлатларга уюштириладиган танишув сафарларининг жадвалини ишлаб чиқиш. 2. Семинарлар ва сафарларнинг дастурини ишлаб чиқиш. 3. Бюджетни шакллантириш ва молиявий маблағларни излаб топиш. 4. Натижалар асосида корхонанинг бошқа ишчилари учун ўқув семинарлари ўтказиш.	2019 йил давомида, босқичма-босқич	Агентлик, Ташқи ишлар вазирлиги
Кўриш қобилияти чекланган шахсларни қўллаб-қувватлаш
7.	Кўриш қобилияти чекланган болалар мактаб-интернатлари учун дарсликларни тайёрлаш ва чоп этиш.	1. Дарсликларни тайёрлаш бўйича ишчи гуруҳларни шакллантириш ва масъулларни тайинлаш. 2. Лойиҳа бюджетини шакллантириш, шу жумладан унда хорижий грантлар ва ҳомийлик кўмакларини жалб этишни кўзда тутиш. 3. Янги авлод дарсликларини тайёрлаш ва уларни босқичма-босқич чоп этиш. 4. Чоп этилган дарсликларнинг мактаб-интернатларда татбиқ этилишини таъминлаш.	2020 йил давомида, босқичма-босқич	Халқ таълими вазирлиги, Агентлик
8.	Қуйидаги аудиокитоблардан иборат онлайн кутубхонани ташкил этиш: «Шарқ эртаклари», Шарқ халқлари шоир ва ёзувчилари томонидан ёзилган болалар бадиий адабиёти, шарқ халқлари эртаклари, достонлар, ривоятлар, қиссалар ва ҳикоялардан иборат асарлар; «Маърифий адабиётлар», китобхонлар учун осон ва тушунарли тилда битилган ўқув материалларидан иборат китоблар; «Ўзбек адабиёти дурдоналари», А. Навоий, А. Қодирий, Чўлпон, Жомий ва ўзбек халқининг бошқа буюк адиб ва шоирларининг асарларидан иборат китоблар.	1. Лойиҳаларни амалга ошириш учун масъул бўлган ишчи гуруҳларни шакллантириш. 2. Ҳар бир аудиокитоблар каталогига киритиладиган китоблар рўйхатини ишлаб чиқиш. 3. Лойиҳа бюджетини шакллантириш ва бунда хорижий грантлар ва ҳомийлик кўмагини кўзда тутиш. 4. Онлайн кутубхоналар каталоги бўйича махсус мобил иловаларни ишлаб чиқиш ва уларни монетизация қилиш имкониятларини ўрганиш. 5. Аудиокитобларни тайёрлаш ва уларни Интернет тармоғига жойлаштириш. 6. ОАВ ва кенг жамоатчиликни жалб этган ҳолда аудиокитобларнинг тақдимотларини ўтказиш.	2020 йил давомида, босқичма-босқич	Агентлик
9.	Кўриш қобилиятида турли даражадаги чекланишлар бўлган кишиларнинг ҳаётидаги қизиқарли ҳикоялардан иборат «Ўзгача одамлар» номли тўпламни тайёрлаш ва нашр этиш.	1. Тўпламни тайёрлаш бўйича ишчи гуруҳни шакллантириш ва масъулларни тайинлаш. 2. Тўпламда муваффақиятли ҳаёти тўғрисида маълумот бериладиган машҳур сиёсатчилар, маданият, санъат арбоблари ва бошқаларнинг рўйхатини тайёрлаш. 3. Лойиҳанинг бюджетини шакллантириш, шу жумладан хорижий грантлар ва ҳомийлик кўмакларини жалб этиш. 4. Тўпламни тайёрлаш ва нашр этиш, ОАВ ва кенг жамоатчиликни жалб этган ҳолда унинг тақдимотини ўтказиш.	2020 йил давомида, босқичма- босқич	Агентлик
10.	Кўзи ожиз ва кўриш қобилиятида нуқсони бор кишилар учун «Бир жамоа» номли кўп тармоқли интернет-майдончасини ташкил этиш ва унда тизимли равишда юртимизда кўриш имконияти чекланган кишилар иштирокида ташкил этилаётган маданий, маърифий ва спортга оид тадбирларни ёритиб бориш, шунингдек офтальмология соҳасидаги тиббий ва техник янгиликлар, кашфиёт ва ишланмалар ҳақидаги материалларни, тифлопедагоглар ва психологлар билан бўлган суҳбатларни кенг ёритиб бориш.	1. Лойиҳани амалга ошириш бўйича ижодий ва техник жамоани шакллантириш. 2. Интернет-майдончанинг тузилмасини ва мазмунини ишлаб чиқиш. 3. Лойиҳанинг синов версиясини интернет тармоғига жойлаштириш ва уни апробация(синов)дан ўтказиш. 4. Интернет-майдончанинг келгусидаги фаолиятини изчил йўлга қўйиш. 5. ОАВ ва кенг жамоатчиликни жалб этган ҳолда тақдимот ўтказиш.	2020 йил давомида, босқичма-босқич	Агентлик, Ахборот технологиялари вазирлиги
11.	Кўзи ожизлар учун музейларга саёҳат уюштириш методикаси яратилишига кўмаклашиш.	1. Экскурсиялар дастурини ишлаб чиқишга масъул бўлган ишчи гуруҳни шакллантириш. 2. Махсус тифлографик тасвирларни тайёрлаш: интерьер тарҳлари, музей экспонатлари бўйича брайл алифбосида тайёрланган қисқача шарҳлар, шунингдек бошқа махсус кўрсатмали қуроллар (муляжлар, макетлар, бўртма глобуслар, хариталар ва расмлар), буюмларнинг 3D-принтер воситасида тайёрланган ҳажмли нусхалари, брайль услубида чоп этилган расмлар, УФ-принтерида яратилган тасвирий санъат асарларининг бўртма юзага эга моделлари. 3. Хоналар ичида мустақил ҳаракатланиши учун хоналар полига махсус тактил қопламалар ва йўналтирувчи тутқичлар ўрнатилиши, аудиогидлар ва экспозицияга йўналтирувчи товушлар билан таъминлаш, саёҳат матнида ва тарқатма материалларда брайль услубида чоп этилган тифлошарҳлар, музейнинг ва залларнинг тактил тарҳлари бўлиши лозим. 4. ОАВ ва кенг жамоатчиликни жалб этган ҳолда тақдимот ўтказиш.	2020 йил давомида, босқичма-босқич	Агентлик, Маданият вазирлиги
12.	Кўриш қобилиятида нуқсони бўлган шахслар учун махсус географик хариталарни ишлаб чиқиш ва чоп этиш.	1. Хариталарни ишлаб чиқишга масъул бўлган ишчи гуруҳни шакллантириш. 2. Географик хариталарнинг макетларини тайёрлаш. 3. Зарур ускуналарни сотиб олиш. 4. Мазкур лойиҳанинг амалга оширилиши юзасидан ОАВ ва кенг жамоатчиликни жалб этган ҳолда тақдимот ўтказиш.	2020 йил давомида, босқичма-босқич	Агентлик

Ўзбекистон Республикаси Президентининг 2019 йил 2 февралдаги ПҚ-4151-сон қарорига
7-ИЛОВА

«PR-марказ» функцияларини амалга ошириш бўйича Идоралараро ишчи гуруҳи

ТАРКИБИ

К.И. Алламжанов	—	Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги директори, ишчи гуруҳ раҳбари
И.Г. Никонов	—	Ўзбекистон Республикаси Президенти Администрацияси масъул ходими
Р.Р. Мирзаев	—	Ўзбекистон Республикаси Президенти Администрацияси масъул ходими
У.И. Ахматов	—	Ўзбекистон Республикаси Президенти Администрацияси масъул ходими
Н.Ш. Шарипов	—	Ўзбекистон Республикаси Монополияга қарши курашиш қўмитаси раиси
А.А. Назиров	—	Ўзбекистон Республикаси Капитал бозорини ривожлантириш агентлиги директори
С.Х. Бекенов	—	Ўзбекистон Республикаси инвестициялар ва ташқи савдо вазирининг биринчи ўринбосари
А.Х. Абдуалиев	—	Ўзбекистон Республикаси ташқи ишлар вазири ўринбосари
А.У. Аккулов	—	Ўзбекистон Республикаси Туризмни ривожлантириш давлат қўмитаси раиси в.б.
З.Т. Зохидов	—	Ўзбекистон Республикаси Давлат активларини бошқариш агентлиги директорининг биринчи ўринбосари
О.Р. Исаков	—	Ўзбекистон Республикаси Молия вазирлиги бошқарма бошлиғи, вазир маслаҳатчиси
Д.Б. Байзакова	—	Ўзбекистон Республикаси Савдо-саноат палатаси ҳузуридаги Тошкент халқаро арбитраж маркази директори

Изоҳ. Идоралараро ишчи гуруҳи аъзолари бошқа ишга ўтган тақдирда, унинг таркибига ушбу лавозимларга янги тайинланган ёки зиммасига тегишли функцияларни бажариш юкланган шахслар киритилади.

(Қонун ҳужжатлари маълумотлари миллий базаси, 02.02.2019 й., 07/19/4151/2569-сон; 28.06.2019 й., 07/19/4366/3343-сон; 11.12.2019 й., 06/19/5892/4134-сон; Қонунчилик маълумотлари миллий базаси, 08.10.2021 й., 06/21/6320/0940-сон; 26.04.2022 й., 07/22/221/0357-сон; 27.12.2025 й., 06/25/259/1224-сон)