95-сон 13.03.1996. Ташқи савдо операцияларини амалга оширишда хорижий валютадаги маблағлардан фойдаланиш устидан назоратни такомиллаштириш чора-тадбирлари тўғрисида

Ҳужжат кучини йўқотган 01.09.2020

Ҳужжат 13.03.1996 санаси ҳолатига
Амалдаги версияга ўтиш

Ўзбекистон Республикаси Вазирлар Маҳкамасининг

қарори

Ташқи савдо операцияларини амалга оширишда хорижий валютадаги маблағлардан фойдаланиш устидан назоратни такомиллаштириш чора-тадбирлари тўғрисида

[Кўчирма]

LexUZ шарҳи

Мазкур қарор Ўзбекистон Республикаси Вазирлар Маҳкамасининг 2020 йил 10 августдаги 472-сонли «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида (Ўзбекистон Республикасининг «Валютани тартибга солиш тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида» 2019 йил 22 октябрдаги ЎРҚ-573-сон ва «Банклар ва банк фаолияти тўғрисида» Ўзбекистон Республикаси Қонунига ўзгартиш ва қўшимчалар киритиш ҳақида» 2019 йил 5 ноябрдаги ЎРҚ-580-сон қонунлари)»ги қарорига асосан 2020 йил 1 сентябрдан ўз кучини йўқотади.

Ташқи савдо операцияларининг тўғри ва ўз вақтида амалга оширилиши устидан амалий назоратни таъминлаш ҳамда Ўзбекистон республика валюта биржаси ресурсларидан самарали фойдаланиш мақсадида Вазирлар Маҳкамаси қарор қилади:

1. Ваколатли банкларга ва Ўзбекистон Республикаси Давлат солиқ қўмитасига:

Кейинги таҳрирга қаранг.

Импорт операциялар бўйича контрактларни ҳисобга олиш ва уларнинг бажарилишини назорат қилиш тўғрисидаги Низомга (1-илова) мувофиқ 1996 йил 1 апрелдан бошлаб импорт контракт (шартнома)ларининг комплекс ҳисоби юритилишини жорий этиш;

1996 йил 1 апрелгача Битишув паспорти жорий этилиши билан боғлиқ ташкилий-техник масалаларни ҳал этиш чора-тадбирларини қўриш тавсия этилсин.

Кейинги таҳрирга қаранг.

2. Белгилаб қўйилсинки:

кўрсатиб ўтилган тартиб консигнация шартларида етказиб бериладиган ва ички бозорда Марказий банкнинг патентларига эга бўлган импорт қилувчилар томонидан нақд пулга сотиладиган товарлар бўйича контракт (шартнома)ларга жорий этилмайди;

Кейинги таҳрирга қаранг.

импорт контрактларни ҳисобга қўйиш ваколатли банкларда — икки иш кунида, божхона хизмати ҳудудий бўлинмаларида — бир иш кунида амалга оширилади;

Кейинги таҳрирга қаранг.

ваколатли банклар ва божхона органлари ҳудудий бўлинмаларининг раҳбарлари кўрсатиб ўтилган муддатларга қатъий риоя қилиниши ҳамда импорт контрактларни ҳисобга олишда сансалорликка ва бюрократизмга йўл қўйилмаслиги учун шахсан жавоб берадилар.

Кейинги таҳрирга қаранг.

3. Ўзбекистон Республикасининг ваколатли банкларига:

экспорт-импорт контракт (шартнома)ларини ҳисобга олиш ва уларнинг бажарилиши устидан назорат қилиш бўйича ихтисослаштирилган бўлинмалар ташкил этиш;

контракт қийматининг 15 фоизидан кўп бўлмаган миқдордаги Ганс тўловини — импорт қилувчи корхонага хизмат кўрсатувчи ваколатли банкнинг вакил қилинган банкининг кафолати мавжуд бўлган тақдирда ўтказиш;

Кейинги таҳрирга қаранг.

қолган суммани — импорт қилувчи корхона томонидан банкка божхона хизматининг тегишли ёзувлари бўлган товарлар келтириш карточкаси тақдим этилган тақдирда ўтказиш тавсия этилсин.

Кейинги таҳрирга қаранг.

4. Товарлар (ишлар, хизматларни импорт қилувчи корхоналар ва ташкилотлар қиймати бўйича унинг учун хорижий валютада тўланган пул маблағига тенг бўлган товар Ўзбекистон Республикасига келтирилишини, товар етказиб берилмаган тақдирда эса — кўрсатиб ўтилган маблағлар контрактларда белгиланган муддатларда, бироқ пул ўтказилган санадан бошлаб 180 календарь кундан кечикмай, қайтарилишини таъминлашга мажбурдирлар.

Кейинги таҳрирга қаранг.

5. Ташқи иқтисодий алоқалар вазирлиги «Ўзинвестлойиҳа» инжиниринг компанияси билан биргаликда лойиҳалаш ва тадқиқот ташкилотлари базасида етакчи хорижий консалтинг компанияларини жалб этган ҳолда бир ой муддатда импорт технологиялар, машина ва ускуналарни харид қилишда энг мақбул вариантларни танлаш юзасидан маслаҳат бериш ва хизматлар кўрсатишга ихтисослаштирилган хўжалик ҳисобидаги тегишли маълумотлар банкига эга бўлган тармоқ ва тармоқлараро мустақил консалтинг фирмалари тармоғини ташкил этсин.

Адлия вазирлиги «Ўзинвестлойиҳа» компанияси, Ташқи иқтисодий алоқалар вазирлиги ва Молия вазирлиги билан биргаликда ўн кун муддатда ихтисослаштирилган консалтинг фирмалари тўғрисидаги Низомни ишлаб чиқсин ва тасдиқласин.

6. Вазирлар Маҳкамасининг 1996 йил 23 январдаги 35-сон қарори билан белгиланган асосий вазифаларга қўшимча равишда белгилансинки, «Ўзистиқболстат» давлат қўмитаси ҳузуридаги Товар бозорлари конъюнктурасини ўрганиш маркази импорт бўйича халқ истеъмол товарлари ва озиқ-овқат маҳсулотларини харид қилишда энг мақбул вариантлар танлаш юзасидан консалтинг хизматларини амалга оширади.

«Ўзистиқболстат» давлат қўмитаси бир ҳафта муддатда кўрсатиб ўтилган ихтисослашувни ҳисобга олган холда Марказ тўғрисидаги Низомни ва унинг тузилмасини тасдиқлаш учун киритсин.

Кейинги таҳрирга қаранг.

7. Пул-кредит сиёсати бўйича республика комиссияси ваколатли банкларнинг буюртманомаларига мувофиқ импорт бўйича товарлар харид қилиш учун маблағлар ажратиш тўғрисидаги қарорларни ихтисослаштирилган консалтинг фирмалари ва «Ўзистиқболстат» давлат қўмитаси ҳузуридаги Товар бозорлари конъюнктурасини ўрганиш марказининг эксперт хулосаларини ҳисобга олган ҳолда қабул қилсин.

Белгилансинки, кўрсатиб ўтилган консалтинг фирмалари ва «Ўзистиқболстат» давлат қўмитаси ҳузуридаги Товар бозорлари конъюнктурасини ўрганиш марказининг эксперт хулосалари комиссия томонидан ҳар бир импорт контракти бўйича маблағларни конвертация қилиш тўғрисида қарор қабул қилиш учун тавсия тусига эгадир.

Консалтинг фирмалар ташкил этилгунга қадар ваколатли банкларнинг буюртманомалари рақобат варақалари мавжуд бўлгандагина кўриб чиқилсин.

Кейинги таҳрирга қаранг.

8. Республика валюта биржасида валютани конвертация қилиш тартибини соддалаштириш ва бир хиллаштириш учун Молия вазирлиги, ваколатли банклар, Давлат солиқ қўмитаси Марказий банк патентлари эгалари томонидан валюта билан операцияларни амалга оширишнинг 2-иловага мувофиқ тартибига риоя қилсинлар.

Кейинги таҳрирга қаранг.

9. Белгилаб қўйилсинки, импорт контрактлар (шартномалар)ини тузишда импорт қилувчилар Ўзбекистон Республикасининг бож ҳудудида товарларни қабул қилишда товарлар «Ўздавстандарт» марказида аккредитация қилинган ихтисослаштирилган фирмалар томонидан мувофиқлик сертификациясидан мажбурий тартибда ўтказилишини назарда тутишлари керак.

Резидентларга импорт контрактлар (шартномалар)ини тузишда уларнинг шартларида товарларни жўнатишдан олдин текширишни, мажбурий мувофиқлик сертификациясидан ўтказишни назарда тутиш тавсия қилинсин.

Кейинги таҳрирга қаранг.

10. Ўзбекистон Республикаси Ташқи иқтисодий алоқалар вазирлиги, «Ўздавстандарт» маркази ва Давлат солиқ қўмитаси импорт товарларни жўнатишдан олдин текшириш тизимини ташкил этишга оид таклифларни бир ой муддатда Вазирлар Маҳкамасига киритсинлар.

11. Мазкур қарорнинг бажарилишини назорат қилиш Ўзбекистон Республикасининг Бош вазири Ў. Т. Султонов зиммасига юклансин.

Вазирлар Маҳкамасининг Раиси И. КАРИМОВ

Тошкент ш.,

1996 йил 13 март,

95-сон

Вазирлар Маҳкамасининг 1996 йил
13 мартдаги 95-сон қарорига
1-ИЛОВА

Импорт операциялар бўйича контрактларни ҳисобга олиш ва уларнинг бажарилишини назорат қилиш тўғрисида

НИЗОМ

УМУМИЙ ҚОИДАЛАР

1. Мазкур Низом Ўзбекистон Республикаси ҳудудига товарлар олиб келинишини ёки резидентларга хизматлар кўрсатилишини назарда тутувчи барча битишувларга татбиқ этилади, бартер контрактлари, шунингдек товарларни консигнация шартларида етказиб беришга ва патент эгалари томонидан ички бозорда нақд пулга сотишга тузилган контрактлар (шартномалар) бундан мустаснодир.

Кейинги таҳрирга қаранг.

2. Валюта маблағларидан фойдаланиш устидан назоратни амалга ошириш учун 1-иловага мувофиқ импорт қилувчи резидентлар томонидан расмийлаштириладиган ҳамда валюта счёти очилган жойдаги ваколатли банкда (кейинги ўринларда банк) рўйхатга олинадиган Импорт битишуви паспорти (кейинги ўринларда Паспорт деб аталади) жорий этилади.

Кейинги таҳрирга қаранг.

3. Товарлар (ишлар, хизматларни импорт қилувчи корхоналар ва ташкилотлар (кейинги ўринларда импорт қилувчи корхоналар) Ўзбекистон Республикасига чет эл валютасида тўланган пул маблағига тенг қийматда товар етказиб беришни таъминлашга, товар етказиб берилмаган тақдирда эса — импорт контракти бўйича хорижий шерикка ўтказилган маблағларни контрактда белгиланган муддатларда, лекин пул ўтказилган кундан бошлаб 180 календарь кундан кечиктирмай қайтаришга мажбурдир.

Кейинги таҳрирга қаранг.

4. 1996 йил 1 апрелгача тузилган контрактларнинг бажарилмаган қисмига мажбурий тартибда Паспорт расмийлаштирилиши ва улар мазкур Низомда белгиланган тартибда ҳисобга қўйилиши керак.

Кейинги таҳрирга қаранг.

5. Импорт қилинаётган товарнинг ҳақини тўлаш, Марказий банк томонидан бошқача рухсат берилган бўлмаса, фақат импорт қилувчи корхонанинг банкдаги счётидан амалга оширилиши мумкин.

ИМПОРТ БИТИШУВЛАР ПАСПОРТИНИ РАСМИЙЛАШТИРИШ

6. Импорт қилувчи корхона томонидан тузилган ҳар бир контракт бўйича Паспорт расмийлаштирилади. Паспортга счётдаги пул маблағларини тасарруф этувчи корхона раҳбари имзо чекади ва у уч нусхада бўлади (биринчи нусхаси импорт қилувчи корхонада қолади, иккинчи нусхаси божхона ҳужжатлари йиғмажилдида сақланади, учинчи нусхаси банкда туради).

Паспортни тўлдириш 2-иловага мувофиқ амалга оширилади.

Импорт қилувчи томонидан тасдиқланган импорт контракти нусхаси ва Паспорт банкка ва божхона хизматларига топширилади.

7. Импорт қилувчи корхона Паспортда кўрсатилган маълумотларнинг ишончлилиги ва уларнинг контракт шартларига мувофиқлиги учун жавоб беради.

8. Банк Паспортнинг унга топширилган нусхаларини, импорт контрактини кўриб чиқади, Паспортдаги маълумотларнинг контракт шартларига мувофиқлигини, Паспортдаги имзоларнинг имзолар намуналари карточкасидаги намуналарга мувофиқлигини текширади, сўнгра 2 кундан кўп бўлмаган муддатда Паспортнинг импорт қилувчи корхона томонидан тайёрланган нусхаларига имзо чекади ва муҳр (штамп) билан тасдиқлайди. Паспортнинг биринчи икки нусхаси импорт қилувчи корхонага қайтарилади. Паспорт нотўғри расмийлаштирилганда у рад этиш сабаби кўрсатилган ҳолда қайтариб берилади.

9. Томонлар контракт шартларига илгари Паспортни тузишда фойдаланилган маълумотларга дахл қилувчи ўзгартиришлар киритган тақдирда, импорт қилувчи кўрсатиб ўтилган ўзгартиришлар киритилган кундан бошлаб ўн кун муддатда, бироқ импорт қилинадиган товарларни божхонада расмийлаштириш учун тақдим қилишдан кечиктирмай, банкка контрактга киритилган ўзгартириш ва қўшимчалар билан биргаликда Паспортни тақдим этади, контрактни расмийлаштириш мазкур бўлимда белгиланган тартибда амалга оширилади.

10. Паспорт имзолангандан кейин банк контракт бўйича хорижий валютадаги тўловларнинг, шунингдек белгиланган тартибга мувофиқ Республика валюта биржасида импорт қилувчи корхоналар номидан хорижий валюта сотиб олишга буюртманома берилишининг асосланганлигини назорат қилиш функциялари бажарилиши учун жавоб беради.

11. Ваколатли банк, зарурият бўлганда, импорт қилувчи корхонанинг асосланган буюртманомаси бўйича ихтисослаштирилган консалтинг фирмасининг ёки «Ўзистиқболстат» давлат қўмитаси ҳузуридаги Товар бозорлари конъюнктурасини ўрганиш марказининг эксперт хулосаларини ҳисобга олган ҳолда Пул-кредит сиёсати бўйича республика комиссиясига валюта биржасида хорижий валютани харид қилиш ҳақида таклиф киритади ва аванс тўловини ўтказади. Аванс тўлови контракт қийматининг 15 фоизидан ошмаслиги керак.

Авансни ўтказишга фақат импорт қилувчи корхонага хизмат кўрсатувчи ваколатли банкнинг вакил қилинган банкининг банк кафолати мавжуд бўлгандагина йўл қўйилади.

Кейинги таҳрирга қаранг.

ИМПОРТ ҚИЛИНАДИГАН ТОВАРЛАРНИ БОЖХОНАДА РАСМИЙЛАШТИРИШ

12. Импорт қилувчи корхона импорт қилинадиган товарлар келиб тушишидан олдин ўзидаги Паспортнинг банкда қайд қилинган нусхаларини ҳисобга қўйиш учун фаолият зонаси бўйича божхона хизматига тақдим этади. Божхона хизмати Паспортнинг биринчи ва иккинчи нусхаларига тегишли белги қўяди.

Паспорт ҳисобга қўйилгандан кейин унинг биринчи нусхаси импорт қилувчига қайтарилади.

Кейинги таҳрирга қаранг.

13. Импорт қилинадиган товарларга юк бож декларацияси (ЮБД)ни расмийлаштиришда («С» устунининг учинчи қарорида импорт битишуви паспорти тартиб рақами қўйилади) импорт қилувчи корхона божхона хизматига Паспортнинг биринчи нусхасини тақдим этиши керак.

Нусхаси божхона ҳужжатларида сақланаётган Паспорт бўйича кейинчалик товарлар гуруҳи келган тақдирда импорт қилувчи корхона томонидан олдинги гуруҳлар келганлиги ҳақида белги қўйилган Паспортнинг биринчи нусхаси тақдим этилиши керак.

Кейинги таҳрирга қаранг.

14. Контрактга ўзгартиришлар киритилган тақдирда божхона органларига қайта расмийлаштирилган, банк томонидан имзоланган ва муҳр (штамп) қўйилган Паспорт тақдим этилиши керак.

Кейинги таҳрирга қаранг.

15. Божхона хизматлари Паспортдаги мавжуд маълумотларнинг ЮБДда баён қилинган маълумотларга, контракт шартларига, шунингдек мувофиқлик сертификатига мувофиқлигини текширадилар.

Кейинги таҳрирга қаранг.

16. Мазкур Низомнинг 15-бандида кўрсатилган ҳужжатлар ўртасида фарқлар мавжуд бўлмаган тақдирда божхона хизматининг импорт қилинадиган товарларни расмийлаштирадиган мансабдор шахси ЮБДнинг тартиб рақамини, олинган товарнинг миқдори ва қийматини кўрсатган холда Паспортнинг биринчи нусхасига имзо чекади ҳамда уни ўзининг шахсий рақамли муҳри ёки штампи билан тасдиқлайди.

Айни пайтда ушбу ахборот Паспортнинг божхона ҳужжатларидаги иккинчи нусхасига киритилади ҳамда муҳр ёки штамп билан тасдиқланади.

Кейинги таҳрирга қаранг.

17. Ўзбекистон Республикаси ҳудудига келтирилаётган товарларни божхонада расмийлаштириш тугаллангандан кейин Паспортнинг биринчи нусхаси божхона хизмати томонидан тасдиқланган товарларни келтириш карточкаси (3-илова) билан биргаликда импорт қилувчи корхонага берилади.

Кейинги таҳрирга қаранг.

18. Товар келган кундан бошлаб ўн кун мобайнида импорт қилувчи корхона банкка Паспортни ва товарлар келтириш карточкасини тақдим этади.

Кейинги таҳрирга қаранг.

КЕЛГАН ТОВАРЛАР УЧУН ХОРИЖИЙ ВАЛЮТАДАГИ МАБЛАҒЛАРНИ ЎТКАЗИШ

19. Келган товарлар учун банк томонидан хорижий валютадаги маблағларни ўтказиш учун, мазкур Низомнинг 11-бандида қайд этилган ҳоллардан ташқари, ҳар бир пул ўтказиш олдидан импорт қилувчи корхона томонидан банкка топшириладиган товарнинг келганлиги тўғрисида божхона хизматининг тегишли ёзувлари мавжуд бўлган товарлар келтириш карточкаси асос ҳисобланади.

Кейинги таҳрирга қаранг.

20. Банк импорт қилувчи корхонадан олинган тўлов ҳужжатларининг контракт шартларига мувофиқлигини текшириб, зарурият бўлганда белгиланган тартибга мувофиқ валюта биржасида хорижий валютани харид қилишга буюртманома беради ва контракт қийматидан ортиқча бўлмаган суммадаги маблағларни ўтказади.

Айни пайтда банк карточкалар асосида Паспортнинг ўзида мавжуд бўлган нусхасига контракт бўйича товарнинг олинганлиги тўғрисидаги ахборотни киритади.

Кейинги таҳрирга қаранг.

21. Норезидентлар томонидан резидентларга хизмат кўрсатишини назарда тутувчи контрактларга ҳақ тўлаш Паспортлар ва тақдим этилган ҳужжатлар (инвойслар, счёт-фактуралар ва бошқалар) асосида амалга оширилади.

Кейинги таҳрирга қаранг.

22. Импорт қилувчи мижознинг тўлов топшириғи бажарилгандан кейин банк Паспортнинг биринчи ва учинчи нусхаларига суммани ҳамда маблағ ўтказилган санани кўрсатган ҳолда тегишли ёзувларни қайд этади,

Бунда Паспорт бўйича ўтказилган маблағларнинг умумий суммаси контрактнинг умумий қийматидан ортиқ бўлмаслиги керак.

Кейинги таҳрирга қаранг.

23. Банк томонидан ҳисобга олинган импорт контрактлари:

импорт қилинаётган товар тўлиқ ҳажмда олингач,

ёки Давлат солиқ қўмитасининг хулосасига кўра,

ёки бир йил тугагандан кейин, агар ушбу муддатда ҳақи тўланмаса ва товар олиб келинмаса, ҳисобдан чиқарилади,

Кейинги таҳрирга қаранг.

24. Ҳисобдан чиқарилган импорт контрактларининг паспорти божхона хизматларида ва ваколатли банк муассасаларида 3 йил мобайнида сақланади.

Кейинги таҳрирга қаранг.

ВАКОЛАТЛИ БАНКЛАР, БОЖХОНА ХИЗМАТЛАРИ ВА СОЛИҚ ОРГАНЛАРИ ЎРТАСИДА АХБОРОТ АЙИРБОШЛАШ

Кейинги таҳрирга қаранг.

25. Импорт қилувчи корхона томонидан ваколатли банкка товарлар Ўзбекистон Республикаси ҳудудига келтирилганлиги тўғрисида божхона хизматларининг тегишли белгилари бўлган карточкалар контрактда белгиланган муддатларда тақдим этилмаган тақдирда, бироқ пул ўтказилган санадан бошлаб 180 календарь кундан кечиктирмай, ваколатли банклар Давлат солиқ қўмитасига тегишли ахборотни юборадилар.

Кейинги таҳрирга қаранг.

26. Давлат солиқ қўмитаси, Марказий банк ва ваколатли банклар мазкур Низом билан уларга юклатилган функцияларни бажариш учун зарур ахборотни айирбошлайдилар.

Импорт операциялар бўйича
контрактларни ҳисобга олиш ва
уларнинг бажарилишини назорат
қилиш тўғрисидаги Низомга
1-ИЛОВА

___________________________________ даги‎
^{(йил, кун, ой)} ‎
Импорт битишуви паспорти №‎

1. Импорт қилувчи корхонанинг номи, манзили, телефони, факси _________________________________
‎_________________________________________________________________________________________‎

2. Корхоналар ва ташкилотларнинг умумреспублика классификатори КТУТ коди, давлат мулки улуши __
‎_________________________________________________________________________________________

3. Контрактни ҳисобга олган ваколатли банк __________________________________________________
‎_________________________________________________________________________________________ ‎

Жўнатувчининг реквизитлари:‎

4. Номи __________________________________________________________________________________‎

5. Мамлакати _____________________________________________________________________________‎

6. Манзили _______________________________________________________________________________‎

Контракт шартлари:‎

7. Рақами ва санаси ________________________________________________________________________‎

8. Суммаси _______________________________________________________________________________‎

9. Тўлов валютаси _________________________________________________________________________ ‎

10. Товар миқдори ва тури __________________________________________________________________‎

11. Ҳисоб-китоблар шакли __________________________________________________________________‎

12. Импорт товарни етказиб бериш муддати ___________________________________________________
‎_________________________________________________________________________________________ ‎

13. Импорт товарнинг келиб тушиши _________________________________________________________
‎_________________________________________________________________________________________ ‎

^{(Юк бож декларацияси (ЮБД) тартиб рақами, ‎}

_________________________________________________________________________________________‎

^{миқдори, хорижий валютадаги қиймати) ‎}

_________________________________________________________________________________________‎

14. Маблағларни ўтказиш ___________________________________________________________________
‎_________________________________________________________________________________________ ‎

Кредит битимининг шартлари‎

15. Кредит берувчи ________________________________________________________________________‎

16. Қарз олувчи ___________________________________________________________________________‎

17. Кредит суммаси ________________________________________________________________________‎

‎‎Масъул шахсларнинг имзоси ва муҳр:‎
Ваколатли банк‎	‎	Импорт қилувчи‎
лавозими _____________________‎	‎	лавозими _____________________‎‎
ф.и.о. ________________________		ф.и.о. ________________________ ‎‎‎
‎	Божхона хизмати	‎
‎	лавозими _____________________‎‎‎	‎
‎	ф.и.о. ________________________ ‎‎‎‎	‎

Кейинги таҳрирга қаранг.

Импорт операциялар бўйича
контрактларни ҳисобга олиш ва
уларнинг бажарилишини назорат
қилиш тўғрисидаги Низомга
2-ИЛОВА

Импорт битишуви паспортини тўлдириш

ТАРТИБИ

Импорт битишуви паспорти аниқ ва равон ёзилган ёзув билан тўлдирилади.

Импорт битишувларининг тўлдирилган паспортлари алоҳида рўйхатга олиш журналида рўйхатдан ўтказилади. Бунда ҳар бир ҳисобга олиш варағида журнал бўйича унинг рақами ва рўйхатдан ўтказилган санаси ёзиб қўйилади.

Импорт битишуви паспортининг тартиб рақами импорт қилувчи корхона паспортини рўйхатдан ўтказиш тартиб рақамини «каср» белгиси орқали кўрсатган холда ваколатли банкнинг тўлиқ КТУТ коди асосида ваколатли банк томонидан белгиланади.

1-қаторда импорт қилувчининг тўлиқ номи, унинг манзили, телефони ва факси кўрсатилади.

2-қаторда импорт қилувчининг КТУТ коди кўрсатилади.

3-қаторда мазкур контрактни ҳисобга олган ваколатли банкнинг номи кўрсатилади.

4, 5 ва 6-қаторларда хорижий товар етказиб берувчининг, мамлакатнинг тўлиқ номи, жойлашган ўрни ва манзили кўрсатилади.

7-қаторда контрактнинг тартиб рақами ва у имзоланган сана кўрсатилади.

8-қаторда харид қилинадиган товар (ишлар, хизматлар) учун тўлов суммаси кўрсатилади.

9-қаторда тўлов амалга оширилиши керак бўлган валютанинг номи кўрсатилади.

10-қаторда товарнинг миқдори ва тури кўрсатилади.

11-қаторда ҳисоб-китоблар шакли (аккредитивлар, инкассо, пул ўтказиш ва бошқалар) кўрсатилади.

12-қаторда контрактга мувофиқ товарни етказиб бериш муддатлари кўрсатилади.

13-қаторда амалда келиб тушган товар тўғрисидаги маълумотлар — ЮБД тартиб рақами, миқдори — «ЮБД 38-устун», хорижий валютадаги қиймати — «ЮБД 22-устун», валюта тури кўрсатилади.

Бунда импорт товарлар тўлов амалга оширилган санадан бошлаб камида 180 кун муддатда келиб тушиши керак.

Тўловни амалга ошириш санаси деганда контракт бўйича импорт қилувчининг банк счётидан маблағларни ҳисобдан чиқариб ташлаш санасини тушунмоқ керак.

14-қаторда банк томонидан маблағлар ўтказилганлиги тўғрисидаги маълумотлар (тўлов суммаси, тури ва санаси) кўрсатилади.

15, 16 ва 17-қаторлар кредит битимига мувофиқ тўлдирилади.

Паспортларнинг нусхалари божхона хизматлари ва ваколатли банк масъул шахслари, импорт қилувчи томонидан имзоланади ва муҳр билан тасдиқланади.

Кейинги таҳрирга қаранг.

Импорт операциялар бўйича
контрактларни ҳисобга олиш ва
уларнинг бажарилишини назорат
қилиш тўғрисидаги Низомга
3-ИЛОВА

Товарлар келтириш карточкаси
^{(декларант томонидан тўлдирилади)}

1. Импорт битишуви паспорти тартиб рақами ____________________________

Кейинги таҳрирга қаранг.

2. Импорт қилувчи корхонанинг номи __________________________________

3. Контрактни ҳисобга олган ваколатли банк _____________________________

4. Контракт тартиб рақами _____________________________________

5. ЮБД тартиб рақами ________________________________________________

6. Келтирилган товарнинг номи ________________________________________

7. Келтирилган товарнинг контракт валютасидаги қиймати _____________________________________________________

Божхона расмийлаштириш бўйича мутахассис (декларант)‎ ‎ф.и.о.______________________________ ‎	имзо ____________ ‎муҳр‎
Божхона хизмати мутахассиси ‎ф.и.о.______________________________ ‎	имзо ____________ ‎муҳр‎

Импорт операциялар бўйича
контрактларни ҳисобга олиш ва
уларнинг бажарилишини назорат
қилиш тўғрисидаги Низомга
ИЛОВА

Импорт контрактни ҳисобга олиш ва унинг ҳаракатини назорат қилиш схемаси

Кейинги таҳрирга қаранг.

Вазирлар Маҳкамасининг 1996 йил
13 мартдаги 95-сон қарорига
2-ИЛОВА

Ўзбекистон республика валюта биржасида Марказий банк патентлари эгалари учун миллий валютани конвертация қилиш схемаси

Кейинги таҳрирга қаранг.