ПҚ-3898-сон 04.08.2018. Ўзбекистон Республикаси Қуролли Кучлари ҳарбий хизматчиларининг маънавий-маърифий савиясини ошириш тизимини тубдан такомиллаштириш тўғрисида

Ўзбекистон Республикаси Президентининг

Қарори

Ўзбекистон Республикаси Қуролли Кучлари ҳарбий хизматчиларининг маънавий-маърифий савиясини ошириш тизимини тубдан такомиллаштириш тўғрисида

Юқори профессионал, ҳарбий ва ватанпарварлик бурчига садоқатли, фидойи ва мард ҳарбий хизматчиларни тарбиялаш Ўзбекистон Республикасининг мустақиллиги ва ҳудудий яхлитлигини ҳимоя қилишнинг энг муҳим шартларидан бири ҳисобланади.

Сўнгги йилларда миллий армияни изчиллик билан ислоҳ қилиш ва ривожлантириш, давлатимизнинг мудофаа қобилиятини мустаҳкамлаш, ҳарбий кадрларни тайёрлаш борасида кенг кўламли ишлар амалга оширилди.

Ёшларни ҳарбий-ватанпарварлик руҳида тарбиялаш концепциясининг қабул қилингани, армия ва халқ бирлигини таъминлаш борасида маҳаллий давлат ҳокимияти органлари билан ҳамкорликдаги ишларнинг кучайтирилгани миллий армиямиз сафларини мустаҳкам ирода, фаол фуқаролик позициясига эга бўлган ёшлар билан тўлдириб бориш имконини бермоқда.

Шу билан бирга, Ўзбекистон Республикаси Қуролли Кучларида ҳарбий хизматчиларнинг ҳаётий ва профессионал кўникмаларини илм-маърифат асосида қалби ва онгига сингдириш, мамлакатимиз ҳаётидаги реал ижтимоий-сиёсий ўзгаришлар билан уйғун равишда уларнинг билимларини ошириб бориш, ён-атрофимиз ва жаҳонда рўй бераётган ижтимоий-сиёсий жараёнларга миллий манфаатларимиздан келиб чиққан ҳолда ёндашиш, ички ва ташқи таҳдидларга қарши мафкуравий иммунитетни мустаҳкамлаш масалаларида тўсқинлик қилаётган тизимли муаммолар ҳанузгача сақланиб қолмоқда.

Хусусан, олий ҳарбий таълим муассасаларида маънавий-маърифий йўналишда дунёқараши ва фикрлаш доираси кенг бўлган офицерларни тайёрлаш ҳамда Ўзбекистон Республикаси Қуролли Кучлари тизимидаги маънавий-маърифий ва маданий соҳа учун зарур инфратузилмалар замон талабларига жавоб бермайди.

Ўзбекистон Республикаси Қуролли Кучларида маънавий-маърифий ишларни ташкил этишда давлат ва жамоат ташкилотлари билан самарали ҳамкорлик тизими яратилмаган. Ҳарбий хизматчиларнинг оилалари билан ишлаш, уларнинг муаммоларини ўрганиш ва ҳал этиш ишлари лозим даражада йўлга қўйилмаган.

Ўзбекистон Республикаси Қуролли Кучлари тизимида маънавий-маърифий ишлар самарадорлигини янада такомиллаштириш, ҳарбий хизматчиларнинг ижтимоий-сиёсий ўзгаришлар билан уйғун равишда билимларини ошириб боришнинг замонавий усулларини жорий этиш, шунингдек, ички ва ташқи таҳдидларга қарши мафкуравий иммунитети шаклланган, бурчига садоқатли, юқори профессионал ҳарбий хизматчиларни тайёрлаш мақсадида:

1. Қуйидагилар:

Ўзбекистон Республикаси Қуролли Кучлари тизимида маънавий-маърифий ишлар самарадорлигини ошириш концепцияси 1-иловага;

Ўзбекистон Республикаси Қуролли Кучлари тизимида маънавий-маърифий ишлар самарадорлигини ошириш концепциясини амалга ошириш бўйича «Йўл харитаси» 2-иловага;

Ўзбекистон Республикаси Қуролли Кучлари тизимида маънавий-маърифий ишлар самарадорлигини оширишга қаратилган тадбирларни ўтказиш схемаси 3-иловага;

Ўзбекистон Республикаси Қуролли Кучлар ҳарбий хизматчилари томонидан ёшларни юксак ватанпарварлик руҳида тарбиялашга қаратилган тадбирларни ўтказиш схемаси 4-иловага;

Ўзбекистон Республикаси Қуролли Кучлари тизимида маънавий-маърифий ишлар самарадорлигини ошириш концепциясини амалга ошириш бўйича республика идоралараро комиссияси таркиби 5-иловага мувофиқ тасдиқлансин.

2. Ўзбекистон Республикаси Қуролли Кучларида «Ватан — муқаддас, уни ҳимоя қилиш шарафли бурчдир!» деган концептуал ғоя асосида маънавий-маърифий ишларни ташкил этиш, ҳарбий хизматчиларнинг билими ва маънавий савиясини ошириш, ахлоқий-руҳий хислатлари ва ҳуқуқий билимларини мустаҳкамлаш бўйича самарали механизмларни яратишга қаратилган Ўзбекистон Республикаси Қуролли Кучлари тизимида маънавий-маърифий ишлар самарадорлигини ошириш концепциясининг Қуролли Кучлар тизимида изчил амалга оширилиши белгилаб қўйилсин.

3. Қуйидагилар Ўзбекистон Республикаси Қуролли Кучлари тизимида маънавий-маърифий ишлар самарадорлигини ошириш концепциясининг (кейинги ўринларда Концепция деб аталади) асосий вазифалари этиб белгилансин:

ҳарбий хизматчиларнинг маънавий савияси ва интеллектуал салоҳиятини юксалтириш ҳамда бой маданиятимиз, азалий қадриятлар ва анъаналаримизга асосланган дунёқарашини шакллантиришга йўналтирилган ягона тизимни яратиш;

ҳарбий хизматчиларнинг онгу тафаккурига Ватан ҳимояси шарафли ва муқаддас бурч эканини, миллий армиямиз билан фахрланиш, давлат хавфсизлигини ҳимоя қилиш учун масъулият туйғусини чуқур сингдириш;

ҳарбий хизматчиларга мамлакатимизда амалга оширилаётган ижтимоий-иқтисодий ислоҳотлар, қабул қилинаётган қонун ҳужжатлари, давлат дастурларининг мазмун ва моҳиятини тизимли ва изчил равишда етказиш ҳамда дунёда ва ён-атрофимизда содир бўлаётган глобаллашув жараёнларига нисбатан уларда онгли муносабат ва фаол ҳаётий позициясини шакллантириш, бурчга садоқат, масъулият, фидойилик туйғуларини ошириш;

миллий меросимизнинг тарихий илдизларини ўрганиш ҳамда таҳлил этиш, Ватан озодлиги йўлида қаҳрамонлик кўрсатган буюк аждодларимиз ва жасур замондошларимизнинг ибратли ҳаётини кенг тарғиб этиш асосида ҳарбий хизматчиларда «Ўзбекистон халқи ҳеч қачон, ҳеч кимга қарам бўлмайди!» деган ҳаётий эътиқодни қарор топтириш;

диннинг асл мазмун-моҳиятини теран очиб бериш орқали ҳарбий хизматчиларга эзгулик ва раҳмдиллик анъаналарини сингдириш, инсонпарварлик ва меҳр-оқибат муносабатларини шакллантириш ҳамда уларни миллий маданиятимиз ва қадриятларимизга ҳурмат ва эҳтиром, фидойилик ва садоқат, ҳалоллик ва поклик, мустақил фикр ва соғлом турмуш тарзи асосида тарбиялаш.

4. Қуйидагилар Ўзбекистон Республикаси Қуролли Кучлари тизимида маънавий-маърифий ишлар самарадорлигини ошириш концепциясини амалга ошириш бўйича республика идоралараро комиссиясининг асосий вазифалари этиб белгилансин:

ҳарбий хизматчиларнинг маънавий-маърифий билимларини кенгайтириш борасида амалга оширилаётган чора-тадбирларнинг самарадорлиги ва натижадорлигини таҳлил қилиб бориш, аниқланган муаммолар юзасидан тегишли таклифлар ишлаб чиқиш;

давлат ва нодавлат нотижорат ташкилотларининг маънавий-маърифий ишлар самарадорлигини оширишга қаратилган таклиф ва ташаббусларини Ўзбекистон Республикаси Қуролли Кучлари тизимида татбиқ этишда амалий ёрдам бериш ҳамда самарали ҳамкорликни йўлга қўйишда кўмаклашиш.

5. Ўзбекистон Республикаси Қуролли Кучлари тизимида ҳафтанинг ҳар жума куни «Маънавий юксалиш ва ватанпарварлик куни» этиб белгилансин ва ушбу кунда маънавий-маърифий тадбирлар орқали қуйидагиларга алоҳида эътибор қаратилсин:

буюк аждодларимизнинг ҳаёти ва фаолиятидаги ёрқин мисолларни тарғиб қилиш орқали ёшлар ва ҳарбий хизматчиларда жасурлик ва мардлик, фахр ва ифтихор туйғуларини ошириш;

ҳарбий хизматчилар ва уларнинг оила аъзоларининг маънавий-маърифий билимларини мустаҳкамлаш, уларда ватанпарварлик, Ватанга муҳаббат, миллий истиқлол ғояларига содиқлик, Қуролли Кучларга ҳурмат туйғусини шакллантириш;

ҳарбий-маъмурий секторлар раҳбарияти, давлат ва нодавлат ташкилотлар вакиллари иштирокида ҳарбий хизматчилар оилалари турмушининг ижтимоий-иқтисодий шароитларини ўрганиш, аниқланган муаммо ва камчиликлар бўйича иш режалари («Йўл хариталари») ишлаб чиқиш;

ҳарбий қисм ва бўлинмаларда тўпланган энг илғор тажрибалар, жанговар тайёргарликда эришилаётган ютуқлар, мамлакатимиз тарихидаги ёрқин воқеаларни аҳоли, айниқса, ёшлар ўртасида кенг тарғиб қилиб бориш мақсадида учрашувлар, ҳарбий қисмларга ташрифлар ташкил этиш;

Ўзбекистон Республикаси манфаатларини ҳаётнинг барча жабҳаларида ҳимоя қилишга тайёр туриш, юрт учун фидойи бўлиш, бурчга ва Ватанга хиёнат энг оғир жиноят эканини ҳаётий ва таъсирчан мисоллар орқали ёшлар онгига сингдириб бориш;

эришаётган ютуқлар ҳамда ҳарбийлик касби нуфузини ошириш борасида амалга оширилаётган ишлар тўғрисида махсус телекўрсатув ва радиоэшиттиришлар тайёрлаш, шу жумладан, Интернет бутунжаҳон ахборот тармоғида мақолалар, шарҳлар ва бошқа материаллар чоп этилишини ташкил этиш.

6. Ўзбекистон Республикаси Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати ва Миллий гвардиясининг Қуролли Кучлар тизимида маънавий-маърифий ишлар самарадорлигини оширишда муносиб ҳисса қўшган ҳарбий хизматчиларга ҳамда фуқароларга ҳарбий хизматчилар ва ёшларнинг маънавий-маърифий савиясини оширишга катта таъсир кўрсатган ишлари ва ютуқлари учун топшириладиган «Маънавий-маърифий ишлар аълочиси» кўкрак нишонини таъсис этиш тўғрисидаги таклифига розилик берилсин.

7. Ўзбекистон Республикаси Вазирлар Маҳкамаси икки ой муддатда «Маънавий-маърифий ишлар аълочиси» кўкрак нишони тўғрисидаги низомни тасдиқлаш ҳақида Ҳукумат қарорини қабул қилсин.

8. Ўзбекистон Республикаси Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати ва Миллий гвардияси икки ой муддатда қўшинларда маънавий-маърифий ва маданий-ҳордиқ ишларини ташкил этиш мақсадида замонавий техник воситалар билан таъминлаш ҳамда зарур объектларни қуриш бўйича 2019 — 2021 йилларга мўлжалланган режа ишлаб чиқсин ва Ўзбекистон Республикаси Вазирлар Маҳкамасига тасдиқлаш учун киритсин.

9. Ўзбекистон Республикаси Мудофаа вазирлигининг Ҳарбий-ватанпарварлик ва маънавий-ахлоқий тарбия бошқармаси, Давлат ва жамоат ташкилотлари билан алоқалар ҳамда ёшлар билан ишлаш бўлими негизида ушбу бошқарма ва бўлим вазифаларини бажарувчи Тарбиявий ва мафкуравий ишлар бош бошқармаси 6-иловага* мувофиқ ташкил этилсин.

* 6-илова берилмайди.

Ўзбекистон Республикаси Мудофаа вазирлиги қўшинларида ҳарбий-ватанпарварлик, маънавий-ахлоқий тарбия ва ёшлар билан ишлаш органлари негизида тарбиявий ва мафкуравий ишлар органлари ташкил этилсин.

Бригадаларда (уларга тенглаштирилган ҳарбий қисмларда) ва алоҳида батальонларда «ҳарбий психолог» (офицер) лавозими жорий этилсин.

Ҳарбий округлар бошқарув аппаратларида «психолог», «етакчи социолог», бригадаларда (уларга тенглаштирилган ҳарбий қисмларда) ва алоҳида батальонларда «ҳарбий қисм командирининг маънавият ва маърифат ишлари бўйича маслаҳатчиси — Маданият маркази бошлиғи» (Қуролли Кучлар хизматчиси) лавозимлари жорий этилсин. Уларнинг ойлик маошларига лавозим моянасидан 30% миқдорда ҳар ой қўшимча устама пул тўлаш белгилансин.

10. Ўзбекистон Республикаси Мудофаа вазирлиги:

Олдинги таҳрирга қаранг.

2018/2019 ўқув йилидан бошлаб, Ўзбекистон Республикаси Ҳарбий хавфсизлик ва мудофаа университети Умумқўшин факультети базасида қўшимча «Қўмондонлик-тактик тарбиявий ва мафкуравий ишлар» мутахассислиги бўйича офицерлар тайёрлаш таълим тизимини жорий этсин ва икки ой муддатда ушбу мутахассислик бўйича малака талаблари, ўқув режаси ва дастурини ишлаб чиқсин;

(10-банднинг иккинчи хатбошиси Ўзбекистон Республикаси Президентининг 2026 йил 10 февралдаги ПФ-20-сонли Фармони таҳририда)

Олдинги таҳрирга қаранг.

«Қўмондонлик-тактик тарбиявий ва мафкуравий ишлар» мутахассислигига 2018/2019 ўқув йилида, истисно тариқасида, Ўзбекистон Республикаси Ҳарбий хавфсизлик ва мудофаа университети Умумқўшин факультетига ўқишга кирган курсантлар орасидан уларнинг розилигига асосан танлаб олинишини ташкил этсин;

(10-банднинг учинчи хатбошиси Ўзбекистон Республикаси Президентининг 2026 йил 10 февралдаги ПФ-20-сонли Фармони таҳририда)

бир ой муддатда Ўзбекистон Республикаси Мудофаа вазирлиги тизимидаги мавжуд Офицерлар уйларини Маънавият ва маърифат марказига, клубларни Маданият марказига айлантирсин ҳамда вазирликнинг Маънавият ва маърифат маркази ҳузурида «Турон» театр студиясини ташкил этсин;

Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгаши, Ўзбекистон Республикаси Молия вазирлиги билан биргаликда бир ой муддатда ҳарбий шаҳарчаларда маҳалла фуқаролар йиғинларини тузилиши ташкиллаштирилсин.

Барча ташкилий-штат ўзгаришлари Ўзбекистон Республикаси Мудофаа вазирлиги қўшинлари штат бирликларининг умумий сони доирасида ўтказилсин.

11. Белгилансинки, ушбу қарорда назарда тутилган тадбирларни амалга ошириш билан боғлиқ харажатлар Ўзбекистон Республикаси Давлат бюджети маблағлари, манфаатдор вазирлик ва идораларнинг бюджетдан ташқари маблағлари ҳисобидан амалга оширилади.

Олдинги таҳрирга қаранг.

12. Ўзбекистон Миллий ахборот агентлиги, Ўзбекистон миллий телерадиокомпанияси, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигига оммавий ахборот воситаларида мазкур қарорнинг мақсад ва вазифалари ҳамда Концепциянинг амалга оширилишини ёритиб бориш бўйича мақолалар эълон қилиш ва мавзуга оид кўрсатувларни эфирга узатиш тавсия этилсин.

(12-банд Ўзбекистон Республикаси Президентининг 2019 йил 10 декабрдаги ПФ-5892-сонли Фармони таҳририда — Қонун ҳужжатлари маълумотлари миллий базаси, 11.12.2019 й., 06/19/5892/4134-сон)

13. Ўзбекистон Республикаси Мудофаа вазирлиги манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

14. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президентининг Давлат маслаҳатчиси Х.М. Султонов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2018 йил 4 август,

ПҚ-3898-сон

Ўзбекистон Республикаси Президентининг 2018 йил 4 августдаги ПҚ-3898-сон қарорига
1-ИЛОВА

Ўзбекистон Республикаси Қуролли Кучлари тизимида маънавий-маърифий ишлар самарадорлигини ошириш

КОНЦЕПЦИЯСИ

1-боб. Умумий қоидалар

1. Ўзбекистон Республикаси Қуролли Кучлари тизимида маънавий-маърифий ишлар самарадорлигини ошириш концепцияси (кейинги ўринларда Концепция деб аталади) маънавий-маърифий ишларнинг устувор йўналишлари ва асосий принциплари асосида ишлаб чиқилган бўлиб, ҳарбий хизматчиларнинг билими, маънавий савияси ва интеллектуал салоҳиятини юксалтириш, уларнинг қалбида Ватанимиз тақдири ва келажаги учун дахлдорлик, масъулият, садоқат ва ватанпарварлик ҳиссини ошириш, ёт ғояларга қарши мафкуравий иммунитетни кучайтириш билан боғлиқ долзарб вазифаларни давлат ва нодавлат нотижорат ташкилотлари, таълим-тарбия институтларининг ўзаро ҳамкорликдаги роли ва аҳамиятини миллий ва халқаро ҳуқуқий нормаларини ҳисобга олган ҳолда белгилаб беради.

2. Ўзбекистон Республикаси Қуролли Кучлари тизимида маънавий-маърифий ишлар «Ватан — муқаддас, уни ҳимоя қилиш шарафли бурчдир!» концептуал ғояси асосида ташкиллаштирилиб, унда Ўзбекистон Республикаси мустақиллигини, ҳудудий яхлитлигини, халқимиз тинчлигини садоқат билан ҳимоя қилиш энг олий вазифа сифатида эътироф этилади. Мазкур ғоянинг асосий мазмун-моҳияти мамлакатимизнинг тинчлик-осойишталигини, фаровонлиги ва тараққиётини таъминлаш учун ҳар қандай душманга қарши курашишда ўз жонини ҳам аямайдиган, ватанпарвар, фидойи, садоқатли, ҳалол ҳарбий хизматчилар ва ёшларни шакллантиришга қаратилган.

3. Қўшинларнинг жанговар шайлиги ва жанговар қобилиятини ошириш, ҳар томонлама тайёргарликка эга, кучли ва билимли, ҳалол, ватанпарвар, мард ва жасур ҳарбий хизматчиларни тайёрлаш, уларнинг фаол ҳаётий позицияси ва қатъий эътиқоди, интеллектуал салоҳиятини, она Ватан тақдирига бўлган масъулиятини мустаҳкамлаш ҳамда ғоявий ва ахборот хуружларига қарши мафкуравий иммунитетини кучайтириш, фуқаролик бурчи ва конституцион мажбуриятларини садоқат ва фидойилик билан виждонан бажаришга йўналтириш, ҳар томонлама етук ва комил ҳарбий хизматчиларни шакллантириш концепциянинг асосий мазмунини ташкил этади.

4. Ўзбекистон Республикаси Қуролли Кучлари тизимида маънавий-маърифий ишлар Ўзбекистон Республикаси Конституцияси ва қонунлари, Ўзбекистон Республикаси Олий Мажлиси палаталари қарорлари, Ўзбекистон Республикаси Президентининг фармонлари ва қарорлари, Ўзбекистон Республикаси Вазирлар Маҳкамасининг қарорлари, Ўзбекистон Республикаси Қуролли Кучларнинг умумҳарбий низомлари ва бошқа қонун ҳужжатларига мувофиқ олиб борилади.

2-боб. Концепциянинг асосий мақсади ва вазифалари

5. Концепциянинг асосий мақсади мустақил, кенг дунёқараш ва фикрлашга эга, иймон-эътиқоди ва иродаси мустаҳкам, маънавиятли ва фидойи, аждодларимизнинг бебаҳо меросига таяниб яшайдиган баркамол шахс — Ватан ҳимоячиларини тарбиялаш, уларнинг дунёқарашларини, мантиқий, ижодий ва таҳлилий фикрлаш доирасини кенгайтириш, она Ватан тақдири учун юксак масъулият ва жавобгарлик каби муҳим хусусиятларни шакллантиришдан иборат.

6. Қуйидагилар Концепциянинг асосий вазифалари ҳисобланади:

ҳарбий хизматчиларнинг эстетик тарбиясини кучайтириш, уларнинг маданият ва санъатнинг турли соҳаларига бўлган қизиқишларини ошириш, ушбу мақсадда адабиёт, кино, театр, тасвирий санъат имкониятларидан кенг фойдаланишни тизимли асосда йўлга қўйиш.

3-боб. Концепцияни амалга ошириш босқичлари ва йўналишлари

Олдинги таҳрирга қаранг.

7. Ҳарбий хизматчиларнинг маънавияти ва дунёқарашлари, Ватанга бўлган садоқат туйғулари, ватанпарварлиги, ҳарбий касбга бўлган қизиқишлари Темурбеклар мактабларида, Ўзбекистон Республикаси Ҳарбий хавфсизлик ва мудофаа университетининг Сержантлар тайёрлаш олий мактаби ва олий ҳарбий таълим муассасаларида ҳамда қўшинлардаги ҳарбий хизмат давомида такомиллашиб боради.

(7-банд Ўзбекистон Республикаси Президентининг 2026 йил 10 февралдаги ПФ-20-сонли Фармони таҳририда)

8. Концепцияни амалга ошириш борасидаги ишлар уч босқичда амалга оширилади:

Биринчи босқич (шакллантириш) — Темурбеклар мактаблари ва академик лицейларнинг махсус гуруҳларида таълим олаётган ўқувчи-ёшлар билан ташкил этилади.

Мазкур таълим муассасаларида маънавий-маърифий ишларнинг турли йўналишлари, усул ва шаклларидан фойдаланилган ҳолда соғлом ва жисмонан бақувват, руҳан барқарор, билимли, интеллектуал салоҳияти юксак, ватанпарвар, фидойи, дунёқараши кенг ёшлар шаклланади.

Ушбу босқичда қуйидаги масалаларга:

буюк тарихимиз, улуғ аллома ва мутафаккирларимиз, миллий урф-одат, анъана ва қадриятларнинг моҳиятини, аждодлар бой меросининг ҳаётимиздаги ўрни ва аҳамиятини чуқур тушунтиришга;

қалбида Ватан тақдирига юксак дахлдорлик, миллий ўзликни англаш ва ватанпарварлик туйғуларини шакллантиришга;

Ватан ҳимояси муқаддас ва ҳарбийлик шарафли касб эканлиги, жонажон юрти истиқболи ва равнақи учун керакли мутахассисликни танлаш зарурлигига;

ёрқин мисоллар, адабий асарлар, кино ва театр спектакллардаги қаҳрамонлар орқали улар қалбида ҳарбий касбга бўлган ғурур ва ифтихор туйғуларини кучайтиришга;

ҳарбий тартиб-интизом, одоб-ахлоқ, қатъий ижрочилик, жавобгарлик ва масъулият тушунчаларини сингдиришга;

ёшларда фаол ҳаётий позиция ва қатъий эътиқодни, миллий ўзлик ва муқаддас динимиздаги юксак ахлоқий мезонлар орқали уларда турли кўринишдаги ёт ғояларга нисбатан мафкуравий иммунитетни мустаҳкамлашга;

ўқувчиларнинг турли фан йўналишлари, чет тиллари ва ахборот технологиялари, шу жумладан, чақирувга қадар бошланғич тайёргарлик бўйича билимларини мустаҳкамлашга;

таълим муассасасида ва соғломлаштириш оромгоҳларида ўтказиладиган «Темурбекнинг издошлари», «Ўзбекистон фарзандлари ботир бўлур» каби танлов ва спорт мусобақаларида фаол иштирок этишига асосий эътибор қаратилади.

Олдинги таҳрирга қаранг.

Иккинчи босқич (ривожлантириш) — олий ҳарбий таълим муассасалари ва олий таълим муассасаларининг ҳарбий тайёргарлик ўқув бўлинмаларида ҳамда Ўзбекистон Республикаси Ҳарбий хавфсизлик ва мудофаа университетининг Сержантлар тайёрлаш олий мактабида таълим олаётган курсантлар билан ташкил этилади.

(8-банднинг ўн учинчи хатбошиси Ўзбекистон Республикаси Президентининг 2026 йил 10 февралдаги ПФ-20-сонли Фармони таҳририда)

Мазкур таълим муассасаларида маънавий-маърифий ишларнинг турли йўналишлари, усул ва шаклларидан фойдаланилган ҳолда маънавий-ахлоқий жиҳатдан етук, юксак интеллектуал салоҳиятли, Ватан манфаатларини ҳар нарсадан устун қўядиган, фидойи, садоқатли, ҳалол, фаол ҳаётий позицияга эга ҳамда биринчи босқичда шаклланган, ўз ўрни ва мутахассисликни аниқ белгилаб олган ёшларнинг билимлари ривожлантирилади.

Ушбу босқичда биринчи босқич вазифаларига қўшимча равишда асосий эътибор қуйидаги масалаларга қаратилади:

буюк саркардаларимизнинг ҳарбий санъати ва саркардалик маҳоратларини, аллома ва мутафаккирларимизнинг илмий меросларини чуқур ўрганишга;

улуғ аждодларимизнинг Ватан озодлиги йўлида мардонавор олиб борган курашлари, мустақиллигимизни ҳимоя қилишда жон фидо этган юртдошларимиз қаҳрамонликларига муносиб бўлиш туйғуларини шакллантиришга;

Ўзбекистон Республикаси, унинг халқи ва Президентига садоқат, юксак ватанпарварлик ва фидойилик фазилатларини ривожлантиришга;

халқимизнинг маънавий қадриятлари, маданияти ва урф-одатларини ҳамда ҳалоллик, поклик, садоқат ва фидойилик фазилатларини чуқур сингдиришга ҳамда миллий ғурур ва ифтихор туйғуларини кучайтиришга;

ўз соҳасининг етук мутахассиси бўлишга, танлаган касбини чуқур ўрганишга, Ватан равнақи ва юрт тараққиётига салмоқли ҳисса қўшишга бўлган интилишлари ва ташаббусларини қўллаб-қувватлашга.

Учинчи босқич (такомиллаштириш/қўллаш) — қўшинларда муддатли ва шартнома бўйича ҳарбий хизматни ўтаётган оддий аскар, сержант ва офицерлар таркиби билан ташкил этилади.

Мазкур босқичда таълим муассасаларида таҳсил олган, қўшинларда муддатли ва мутахассислик йўналиши бўйича ҳарбий хизматни давом эттираётган, мустаҳкам билим ва кўникмаларга эга бўлган офицер, сержантлар ва оддий аскарлар таркиби билан ташкил этилади.

Ушбу босқичда биринчи ва иккинчи босқич вазифаларига қўшимча равишда асосий эътибор қуйидаги масалаларга қаратилади:

она юртга ва ўз касбига меҳр-муҳаббат, садоқат ва фидойилик туйғуларини мустаҳкамлашга, миллий ва умуминсоний фазилатларини оширишга, миллий маданиятимиз ва турмуш тарзимиз, қадриятларимиз, урф-одат ва анъаналаримизга асосланган дунёқарашини юксалтиришга;

Ватан ҳимояси учун жонини фидо қилишга тайёр, ҳарбий хизматчи шаънини юксалтириб боришга, Ўзбекистон халқига, айниқса, ёшларга намуна бўлиш сифатларини оширишга;

ҳарбий ихтисосликларни пухта эгаллашга, ҳар қандай шароитда Ватан мудофаасига шай туришга, матонат ва жасорат фазилатларини мустаҳкамлашга, қурол-аслаҳа, ҳарбий техника, давлат ва ҳарбий мулкни асраб-авайлаш кўникмаларини такомиллаштиришга;

жанговар тайёргарлик ва ҳарбий маҳоратни мунтазам ошириб боришга, ҳарбий жамоада қарор топган ўзаро ёрдам ва дўстона муносабатларни қадрлаш фазилатларини мустаҳкамлашга;

ҳар қандай қийинчиликка тайёр, юксак ирода ва матонат билан ўзини қаҳрамонликка ундовчи, зийрак, ростгўй, чидамли ва сабр-бардошли, ватанпарварлик ва фидойи юрт ҳимоячисини тарбиялашга;

дунёқараши ва фикрлаш доирасини кенгайтиришга, глобаллашув жараёнларига нисбатан онгли муносабатни, огоҳлик ва ҳушёрликни, фаол ҳаётий позицияни ҳамда мустаҳкам тартиб ва интизомга риоя қилиш фазилатларини юксалтиришга;

фуқаролик ва диний бағрикенглик, миллатлараро тотувлик, диний масалалар бўйича билимлари ва миллий мафкурамизга зид бўлган ёт ғояларга қарши танқидий қараш ва мафкуравий иммунитетни, ўзига ишонч, ҳушёрлик ва огоҳлик туйғуларини мустаҳкамлашга;

ўзининг мустақил фикр-мулоҳазаларини аниқ баён этишга, маънавияти ва нотиқлик санъатини юксалтиришга, жамиятда юксак маънавиятни қарор топтиришда бадиий асарларнинг моҳияти ва аҳамиятини кенг тарғиб этишга;

масъулиятни тўлиқ ҳис этишга ва хизматда ибрат, фахр ва ифтихор намунаси бўлишга, етук ва баркамол шахс сифатида ўз дунёқарашлари билан бошқаларни эргаштира олишига.

9. Концепциянинг асосий мақсади, вазифалари ва тизими кенг маънода давлат ва жамоат ташкилотлари, шу жумладан Ўзбекистон ёшлар иттифоқи бошланғич ташкилотлари, ижодий уюшмалар, таълим ва маданий муассасалар, дам олиш масканлари, клублар, кутубхоналар ва бошқа муассасалар фаолияти билан узвий боғланган ҳолда қуйидаги йўналишларда олиб борилади:

маънавий ишлар;

маърифий ишлар;

маданий ишлар.

10. Маънавий ишлар маънавий-маърифий ишлар тизимининг асосий йўналиши бўлиб, шахс руҳиятини, унинг ўзини-ўзи англаши, диди, фаросати, адолат ва адолатсизликни, яхшилик билан ёмонликни ажрата билиш қобилиятини, ақл-заковатини, юксак мақсад ва ғояларни қўя билиши, уларни амалга ошириш учун ҳаракат қилиш ва интилиш салоҳиятини белгилаб беради.

Маънавий ишлар йўналишида ҳарбий хизматчилар ва ёшларнинг онги ва тафаккурига кучли таъсир кўрсатадиган, қалбига етиб борадиган, кайфиятини кўтарадиган, янги марралар сари илҳомлантирадиган ва замонавий ахборот ва тарғибот технологияларини қўллаган ҳолда таъсирчан руҳда ўтказиладиган тадбирлар ташкил этилади.

Маънавий ишлар йўналишидаги тадбирлар асосан маънавий-маърифий тайёргарлик машғулотлари ва бошқа тадбирлар орқали баҳс ва семинар, давра суҳбатлари, семинар-тренинг, музокара ва мунозара (диспут), интеллектуал ўйинлар каби шаклларда, давлат ва жамоат ташкилотлари, шу жумладан Республика Маънавият ва маърифат маркази, Ўзбекистон ёшлар иттифоқи, Ёзувчилар уюшмаси, олий таълим муассасалари профессор-ўқитувчилари, олимлар, имом-хатиблар, ижодкор зиёлилар томонидан ташкил этилади.

11. Маърифий ишлар йўналишидаги тадбирлар ҳарбий хизматчилар ва ёшларнинг миллий ғоя ва мафкура, қадимий ва бой маданиятимиз, тарихимиз ва азалий қадриятларимиз ҳақидаги билимларини оширишга, уларнинг илмий, ижтимоий-сиёсий, маънавий-маърифий, ҳуқуқий билимлари ва интеллектуал салоҳиятлари, дунёқарашларини мустаҳкамлашга қаратилган фаолиятдир.

Маърифий ишлар деганда ёшлар ва ҳарбий хизматчиларнинг таълим-тарбия ва ахлоқ-одоб меъёрлари, замон талабларига жавоб берадиган инсоний фазилатларни шакллантириш, тафаккурини юксалтиришга қаратилган илмий ва амалий тадбирлар тизими тушунилади.

Маърифий ишлар йўналишидаги тадбирларда ёшлар ва ҳарбий хизматчиларнинг маънавий-маърифий ва ҳуқуқий билимларини ошириш орқали юртимизга чексиз садоқат, меҳр-муҳаббат, озод ва обод Ватан, келажаги буюк давлат барпо этишдек улуғ ва олийжаноб мақсадга эътиқод, жасурлик ва фидойилик туйғулари юксалтирилиб борилади.

12. Маданий ишлар маънавий-маърифий ишлар тизимининг ажралмас йўналишларидан бири бўлиб, ҳарбий хизматчилар ва ёшлар онгида миллий маданиятимиз ва қадриятларимизга ҳурмат ва эҳтиром ҳисларини ошириш, юксак эстетик дид ва ахлоқий меъёрларини шакллантириш, Ўзбекистон халқининг бой тарихи, маданияти, анъаналари ва урф-одатларига ҳурмат, миллий ва жаҳон маданиятининг энг яхши намуналарини оммавий тадбирлар орқали (музей, театр, кино, истироҳат боғлари, концерт ва бошқа тадбирларга ташрифлар) сингдириладиган тадбирлардан иборатдир.

Маданий ишлар тадбирларида асосий эътибор профессионал ва бадиий ҳаваскорлик жамоаларининг концерт дастурлари, буюк аждодларимиз ва алломалар фаолиятига оид саҳна кўринишлари, давлат байрамлари ва тарихий саналарга бағишланган оммавий маданий тадбирлари орқали ҳарбий жамоаларни жипслаштиришга, ёшлар ва ҳарбий хизматчиларнинг Ўзбекистон Республикаси Қуролли Кучларида хизмат қилишидан ғурурланиш туйғусини юксалтиришга, Ватанимиз хавфсизлигини таъминлаш борасидаги зарурий фаолият сифатида онгли ва ижобий муносабатни ривожлантиришга қаратилади.

Маданий ишлар тадбирлари, қоида тариқасида, дам олиш ва байрам кунлари, маданият ва маърифат марказлари, ҳарбий қисм маданият маркази, кутубхона имкониятларидан кенг фойдаланилган ҳолда ўтказилади.

4-боб. Концепцияни амалга ошириш механизми

13. Концепцияни амалга ошириш механизмида олимлар, ёзувчи, шоир ва сиёсатчилар, ижодкор зиёлилар, давлат ва жамоат ташкилотларининг, шу жумладан Республика Маънавият ва маърифат маркази, Ўзбекистон ёшлар иттифоқи, «Нуроний» жамғармаси, Фуқароларнинг ўзини ўзи бошқариш органлари фаолиятини мувофиқлаштириш бўйича кенгаш мутахассислари, олий таълим муассасаларининг профессор-ўқитувчилари ҳамда ҳарбий хизматчилар ва ўқувчи-ёшлар иштирок этадилар.

14. Ўзбекистон Республикаси Қуролли Кучлари тизимида маънавий-маърифий ишлар самарадорлигини ошириш бўйича тадбирлар ўтказиш алгоритмининг асосини таъсир ўтказувчи объектлар ва субъектлар, маънавий-маърифий тадбирларнинг шакллари, йўналишлари ва усуллари ташкил этади. Жумладан, унда:

Ўзбекистон Республикаси Олий ва ўрта махсус таълим вазирлиги, Халқ таълими вазирлиги томонидан — давлат сиёсатининг устувор йўналишлари, бой тарихимиз, алломаларимиз мероси ва саркардаларимизнинг фидойилиги, қаҳрамонликлари, ислоҳотлар жараёни ва ҳаракатлар стратегияси ҳамда таҳдидлар тўғрисидаги маълумотлар;

Ўзбекистон Республикаси Маданият вазирлиги томонидан — буюк аждодларимиз ва алломалар фаолиятига оид театр спектакли ва саҳна кўринишлари, концерт дастурлари, экскурсиялар ҳамда миллий ғурур, фахр ва ифтихор туйғуларни мустаҳкамлашга, нотиқлик санъатини шакллантиришга қаратилган оммавий маданий тадбирлар;

Ўзбекистон Республикаси Адлия вазирлиги томонидан — ҳуқуқий билимларни ошириш, дунёқараш ва фикрлаш доирасини кенгайтириш, глобаллашув жараёнларига нисбатан онгли муносабатни, огоҳлик ва ҳушёрликни, фаол ҳаётий позицияни ҳамда мустаҳкам тартиб ва интизомга риоя қилиш фазилатларни юксалтиришга қаратилган тадбирлар;

Республика Маънавият ва маърифат маркази томонидан — халқимизнинг маънавий қадриятлари, маданияти ва урф-одатларини, бой меросимизнинг ҳаётимиздаги ўрни ва аҳамиятини ҳамда одоб-ахлоқ, ҳалоллик, поклик, садоқат ва фидойиликни чуқур сингдиришга қаратилган давра суҳбатлари;

Олдинги таҳрирга қаранг.

Ўзбекистон Республикаси Дин ишлари бўйича қўмитаси томонидан — ислом динининг асл мазмун-моҳиятини етказиш, диний саводхонликни ошириш, диний бағрикенглик, миллатлараро тотувлик ғояларини тарғиб қилиш ҳамда ёт ғояларга қарши танқидий қараш ва мафкуравий иммунитетни кучайтириш, ҳушёрлик ва огоҳлик каби туйғуларни мустаҳкамлашга қаратилган учрашувлар;

(14-банднинг олтинчи хатбошиси Ўзбекистон Республикаси Президентининг 2023 йил 23 майдаги ПФ-75-сонли Фармони таҳририда — Қонунчилик маълумотлари миллий базаси, 24.05.2023 й., 06/23/75/0292-сон)

Ўзбекистон ёшлар иттифоқи томонидан — маданий-маърифий ва ҳуқуқий тарғибот ҳамда ижтимоий-иқтисодий йўналишлар бўйича етук соҳа мутахассисларини таклиф қилган ҳолда ёшлар ва ҳарбий хизматчилар қалбида Ватан тақдирига юксак дахлдорлик, шижоат ва фидойилик туйғуларини шакллантиришга, спорт-саломатлик масалаларига қаратилган оммавий тадбирлар;

Ўзбекистон Ёзувчилар уюшмаси томонидан — мумтоз ва замонавий адабиётимизнинг энг сара намуналари мазмун-моҳиятини тушунтириш, китобхонлик маданиятини ошириш ҳамда ватанпарварлик, мардлик, фахр ва ифтихор туйғуларини мустаҳкамлашга қаратилган ижодий учрашувлар;

Хотин-қизлар қўмитаси, «Оила» илмий-амалий тадқиқотлар маркази томонидан — ҳарбий хизматчилар оилаларини ижтимоий-ҳуқуқий жиҳатдан қўллаб-қувватлаш, оилаларда соғлом маънавий муҳитни яратиш, оила шаънини сақлашда ота-она ва фарзандлар масъулияти ва бурчлари, ор-номус, қадр-қиммат, шарм-ҳаё каби ахлоқий меъёрларни етказиб бориш, оилаларнинг ижтимоий аҳволи, эҳтиёжлари ва муаммоларини тизимли ўрганиб боришга қаратилган тадбирлар;

Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси, Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгаши томонидан — авлодлар ворислигини сақлаш, Ватанга муҳаббат ва кексаларга эъзоз, ҳарбий хизматга ҳурмат туйғуларини шакллантириш, халқимизнинг кўп асрлик анъаналарини қадрлашга даъват этиш, ҳарбий хизматчилар оилаларида инсонпарварлик, меҳр-оқибат, яхши қўшничилик ва ўзаро ҳурмат муносабатларини шакллантириш, ижтимоий, сиёсий барқарорлик, тинчлик ва осойишталикни таъминлашга йўналтирилган учрашувлар ва суҳбатлар;

Олдинги таҳрирга қаранг.

Ўзбекистон мудофаасига кўмаклашувчи «Ватанпарвар» ташкилоти, Ўзбекистон Республикаси Спорт вазирлиги томонидан — ҳарбий касбни танлаш ва соҳа йўналишини мукаммал ўзлаштириш, ҳарбий техник воситалардан самарали фойдаланиш ҳамда спорт билан мунтазам шуғулланиш, жисмоний ва маънавий комилликка интилиш, жисмонан етук, кучли ва шижоатли, Ватан манфаатларини ҳар нарсадан устун қўядиган, фидойи, садоқатли, ҳалол, фаол ҳаётий позиция эга етук мутахассисларни тарбиялашга йўналтирилган машғулотлар, мусобақалар ва амалий тадбирлар ташкил этиб борилади.

(14-банднинг ўн биринчи хатбошиси Ўзбекистон Республикаси Президентининг 2024 йил 24 декабрдаги ПФ-226-сонли Фармони таҳририда — Қонунчилик маълумотлари миллий базаси, 25.12.2024 й., 06/24/226/1060-сон)

15. Қуйидагилар Концепциянинг принциплари ҳисобланади:

ватанпарварлик;

садоқат;

ҳалоллик;

адолат;

интизом.

16. Маънавий-маърифий ишлар тизимининг асосини қуйидагилар ташкил этади:

маънавий-маърифий тайёргарлик машғулотлари;

маънавият соатлари (Ёшлар иттифоқи бошланғич ташкилотининг йўналишлар бўйича тадбирлари, китоб мутолааси ва бошқалар);

ахлоқий-руҳий тайёргарлик машғулотлари;

ҳуқуқбузарликлар профилактикаси суҳбатлари;

маънавий юксалиш ва ватанпарварлик куни тадбирлари (мардлик дарслари, акциялар, давра суҳбатлари, экскурсия, ташрифлар, мусобақалар ва бошқалар);

бадиий ва ҳужжатли фильмлар намойиши;

оммавий маданий тадбирлар (театр спектакли, саҳна кўринишлари, концерт дастурлари, бадиий ва ижодий кечалар, учрашувлар, бадиий ҳаваскорлик жамоаларининг чиқишлари).

17. Маънавий-маърифий ишлар тизими тадбирларида ҳарбий хизматчиларнинг фаол иштирок этишига, фикр ва туйғуларини эркин баён қилишига ҳамда шу орқали нотиқлик санъатини оширишга эътибор қаратилади. Унда қуйидаги шакллар устувор аҳамиятга эга бўлади:

семинар-тренинглар, муайян мавзуга бағишланган кечалар, ижодий учрашувлар, баҳс-мунозаралар, викториналар, давра суҳбатлари;

бой ҳаётий тажрибага эга бўлган ҳарбий хизматчи ва фахрийлар, илм-фан, маданият ва спорт соҳаларида, турли мусобақа ва танловларда ғолиб бўлган шахслар билан учрашувлар;

театр спектакли ва саҳна кўринишлари, бадиий асарлар муҳокамаси, савол-жавоб кечалари, якка ва жамоавий суҳбатлар;

телекўрсатув ва радиоэшиттиришлар, фильм ва мультфильмлар, бадиий ва мусиқий асарлар, аскар қўшиқлари, электрон ўйинлар ва бошқа техник воситалардан фойдаланиш;

уруш ва меҳнат фахрийлари, жанговар ҳаракатлар иштирокчилари, давлат ва нодавлат нотижорат ташкилотлари вакиллари билан учрашувлар;

тўпланган илғор тажрибаларни ўрганиш ва оммалаштириш;

ҳарбий хизматга чақирилувчилар куни, мардлик сабоқларини ўтказиш ва экскурсиялар уюштириш.

18. Маънавий-маърифий ишлар тизими тадбирларини ташкил этишда тарғибот ишлари муҳим аҳамиятга эга. Тарғибот ишлари орқали ёшлар ва ҳарбий хизматчилар орасида юксак марраларга ва илғорликка эришган намунали шахслар ва замон қаҳрамонларининг фаолияти ва ишларини тарғиб этиб бориш, уларнинг садоқат ва бурч, ҳалоллик ва поклик, масъулият ва жавобгарлик, жасурлик ва мардлик, юксак ватанпарварлик туйғуларини мустаҳкамлаб бориш, уларга ғоявий-сиёсий таъсир қилиш ҳамда ҳарбий хизмат билан боғлиқ (давлат ва жамият) манфаатларни ифода этишга қаратилган тадбирлар ташкил этилади.

Тарғибот ишлари ҳарбий қисм қўмондонлигининг ижодий уюшмалар, маданият муассасалари, давлат ва жамоат ташкилотлари, шу жумладан Ўзбекистон ёшлар иттифоқи билан ҳамкорликда ёшлар ва ҳарбий хизматчиларнинг тизимли ва мақсадли фаолиятини ифодалайдиган, уларга маънавий тушунча ва тамойилларни чуқур сингдирадиган, онги ва қалбларида ватанпарварлик, садоқат, фахр ва ғурур туйғуларини ҳамда мустаҳкам ирода, Ватан тақдири учун масъулият ҳиссини оширадиган, юклатилган ўқув-жанговар вазифаларни сифатли ва ўз вақтида тўлақонли бажаришга йўналтирадиган амалий тадбирлар мажмуи ҳисобланади.

Тарғибот ишлари оғзаки шаклда (тезкор ахборот, суҳбатлар, маърузалар, муайян мавзуга бағишланган музокара ва семинарлар, мавзули кечалар, мунозара ва баҳслар), нашрли (газета, журнал, деворий газета, қўлланма, жанговар варақа, китоб ва бошқа адабиётлар мутолааси), кўргазмали воситалар (плакат, фотомонтаж, панно, расмлар, китоб кўргазмалари, шунингдек, радио эшиттириш ва радиомулоқотлар, теле-видео дастурларни жамоа бўлиб томоша ва муҳокама қилиш ҳамда бошқалар) орқали олиб борилади.

19. Қуролли Кучларга муносиб номзодларни тайёрлаб берувчи Темурбеклар мактабидан бошлаб олий ҳарбий таълим муассасалари, ҳарбий қисмларгача қамраб олган маънавий-маърифий ишлар тизими орқали юксак маънавиятли, ватанпарвар, ўз касбига садоқатли ва фидойи, комил ҳарбий хизматчилар етишиб чиқади.

20. Маънавий-маърифий ишлар йўналишларида ташкил этиладиган барча тадбирлар ёшлар ва ҳарбий хизматчиларни юксак маънавиятли, ватанпарвар, ҳалол, ўз касбига садоқатли ва фидойи юрт посбонлари бўлиб шаклланишига ҳамда улар ёрдамида мамлакатимизнинг ўсиб келаётган ҳақиқий ватанпарвар ёшларини тарбиялашга имкон яратиб беради.

5-боб. Концепцияни амалга оширишдан кутилаётган натижа

21. Концепцияда белгиланган тадбирларнинг амалга оширилиши натижасида юксак маънавиятли, ватанпарвар, ўз касбига садоқатли ва фидойи ҳарбий хизматчи камол топади.

22. Маънан етук, ҳарбий ихтисосликларни пухта эгаллаган, ҳар қандай шароитда Ватан мудофаасига шай, матонат ва жасоратда, ҳаётда ва ҳарбий хизматда намуна бўлган ҳарбий хизматчилар имкониятларидан кенг фойдаланган ҳолда Концепцияда белгиланган натижаларга эришилади.

23. Мазкур Концепция Қуролли Кучлар тизимида маънавий-маърифий ишлар самарадорлигини ошириш, ҳарбий хизматчиларнинг маънавий-маърифий савиясини тизимли ва босқичли равишда юксалтириб бориш, улар қалбида Ватанимиз тақдири ва келажаги учун дахлдорлик, масъулият, садоқат ва ватанпарварлик ҳиссини мустаҳкамлаш учун услубий асос бўлиб хизмат қилади.

24. Концепциянинг амалга оширилиши ҳар жиҳатдан содиқ, ҳалол, ватанпарвар, мард ва жасур ҳарбий хизматчини тарбиялаш билан бирга халқимиз ўртасида ҳарбий хизматчиларга нисбатан фахр ва ифтихор туйғуларини мустаҳкамлаш, ёшларда ҳарбий касбга бўлган ҳавас ва қизиқишларини ошириш ҳамда бу орқали Қуролли Кучларни мустаҳкам иродали, фаол фуқаролик позициясига эга бўлган ёшлар билан тўлдириб бориш имконини беради.

Ўзбекистон Республикаси Президентининг 2018 йил 4 августдаги ПҚ-3898-сон қарорига
2-ИЛОВА

Ўзбекистон Республикаси Қуролли Кучлари тизимида маънавий-маърифий ишлар самарадорлигини ошириш концепциясини амалга ошириш бўйича

«ЙЎЛ ХАРИТАСИ»

Олдинги таҳрирга қаранг.

Т/р	Тадбирлар номи	Амалга ошириш механизми	Бажариш муддатлари	Масъул ижрочилар
I. Ўзбекистон Республикаси Қуролли Кучлари тизимида маънавий-маърифий ишларнинг ҳуқуқий асосларини такомиллаштириш ва ташкилий ишлар
1.	Олий ҳарбий таълим муассасаларида офицерларни тайёрлашнинг амалдаги тизимини чуқур таҳлил қилиш ҳамда уларнинг ватанпарварлик фазилатлари, маънавий ва маданий даражасини ошириш чораларини кўриш.	1. Амалдаги тизимни чуқур таҳлил қилиш бўйича ишчи гуруҳлар тузиш. 2. Гуманитар фанлар бўйича ўқув дастурларини қайта кўриб чиқиш, мукаммал ўқув режаси ва дастурини ишлаб чиқиш. 3. «Қўмондонлик-тактик тарбиявий ва мафкуравий ишлар» мутахассислиги бўйича офицерлар тайёрлашнинг таълим тизимини жорий этиш. 4. Етакчи олим ва профессорлар иштирокида ўқув семинари ва анжуманлар ўтказиш режасини ишлаб чиқиш ва амалга оширилишини йўлга қўйиш.	2018 йил сентябрь 2018 йил октябрь 2018 йил сентябрь, доимий	Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Олий ва ўрта махсус таълим вазирлиги, Республика Маънавият ва маърифат маркази
2.	Қўшинларда ҳарбий-ватанпарварлик ва маънавий-ахлоқий тарбия ишларини танқидий таҳлил қилиш ва ҳарбий хизматчиларнинг маънавий-маърифий савияси ва нотиқлик санъатини ошириш, дунёқарашини мустаҳкамлаш бўйича тадбирлар ўтказилишини тизимли йўлга қўйиш.	1. Амалдаги тизимни чуқур таҳлил қилиш ва дастур ишлаб чиқиш бўйича ишчи гуруҳлар тузиш. 2. Тегишли таълим муассасалари ва жамоат ташкилотлари билан ўзаро ҳамкорлик бўйича меморандум ва бошқа ҳужжатлар қабул қилиш. 3. Машғулотлар, тадбирлар ўтказиш умумий режаси ва маънавий-маърифий ишлар дастурини ишлаб чиқиш. 4. Қорақалпоғистон Республикаси Вазирлар кенгаши, вилоятлар ва Тошкент шаҳар ҳокимликларининг ҳарбий қисмларда маънавий-маърифий ишларни ташкил қилиб бориш бўйича тегишли қарорларини чиқариш. 5. «Ҳарбий қисм ва муассасаларда маънавий-маърифий ишлар» номли ўқув қўлланмасини ишлаб чиқиш.	2018 йил сентябрь 2018 йил ноябрь 2018 йил ноябрь 2018 йил декабрь 2018 йил декабрь	Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Олий ва ўрта махсус таълим вазирлиги, Республика Маънавият ва маърифат маркази
3.	Қўшинлардаги тарбиявий ва мафкуравий ишлар органлари офицерларининг билим савияси ва нотиқлик санъатини юксалтириш, дунёқараши, фикрлаш доирасини ошириб бориш бўйича малака ошириш тизимини йўлга қўйиш.	1. Тарбиявий ва мафкуравий ишлар органлари офицерларининг малакасини ошириш дастурини ишлаб чиқиш. 2. Малакани ошириш бўйича тарбиявий ва мафкуравий ишлар органлари офицерларининг рўйхати ва малака ошириш жадвалини тузиш. 3. Тарбиявий ва мафкуравий ишлар органлари офицерларининг малака ошириш курсларини ташкил этиб бориш. 4. Малака ошириш курсларида таҳсил олган тарбиявий ва мафкуравий ишлар органлари офицерларининг хизматини таҳлил қилиб бориш.	2018 йил октябрь ҳар йили февраль, июль ойларида доимий доимий	Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Республика Маънавият ва маърифат маркази, Дин ишлари бўйича қўмита, Олий ва ўрта махсус таълим вазирлиги, Ўзбекистон халқаро исломшунослик академияси
4.	Олий ҳарбий таълим муассасалари ўқитувчилари лавозимларига юқори билим ва кўникмаларга эга бўлган офицерларнинг тайинланишини йўлга қўйиш.	1. Ўқитувчи лавозимларига номзодларни саралаб олиш, малакасини ошириш ва уларнинг қўшинларда хизмат қилиш тартибининг янги механизмини ишлаб чиқиш. 2. Ўқитувчиларни қўшинларнинг жанговар бўлинмаларидаги лавозимларга тайинлаш орқали таълим жараёнини ҳарбий қисмларнинг кундалик фаолияти билан боғлиқлигини таъминлаш.	2018 йил октябрь 2018 йил декабрь, доимий	Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Олий ва ўрта махсус таълим вазирлиги
5.	Ҳарбий округлар бошқарув аппаратида «психолог» ва «етакчи социолог», бригадаларда ва алоҳида батальонларда «ҳарбий психолог», «ҳарбий қисм командирининг маънавият ва маърифат ишлари бўйича маслаҳатчиси — Маданият маркази бошлиғи» лавозимларини жорий этиш.	1. Тегишли директива орқали ҳарбий округлар бошқарув аппаратида, бригадалар ва алоҳида батальонларда янги лавозимларни киритиш. 2. Лавозимлар учун хизмат вазифалари ва функционал мажбуриятларни ишлаб чиқиш. 3. Лавозимларга мутахассисларни саралаш ва уларни лавозимларга тайинлаш. 4. Лавозимларга тайинланган шахсларга функционал мажбуриятларини бажаришда амалий ёрдам бериш.	2018 йил сентябрь 2018 йил октябрь 2018 йил декабрь доимий	Мудофаа вазирлиги, Қорақалпоғистон Республикаси Вазирлар кенгаши, вилоятлар ва Тошкент шаҳар ҳокимликлари
6.	Ўзбекистон Республикаси Қуролли Кучлари тизимида «Маънавий юксалиш ва ватанпарварлик куни» тадбирларини тизимли равишда ташкил этиш.	1. «Маънавий юксалиш ва ватанпарварлик куни»ни ташкил қилиш бўйича йўриқнома ишлаб чиқиш ва жойларга етказилишини таъминлаш. 2. «Маънавий юксалиш ва ватанпарварлик куни»ни оммавий ахборот воситаларида ёритиб бориш.	2018 йил сентябрь доимий	Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Қорақалпоғистон Республикаси Вазирлар кенгаши, вилоятлар ва Тошкент шаҳар ҳокимликлари
7.	Ўзбекистон Республикаси Қуролли Кучлари тизимидаги Офицерлар уйларини Маънавият ва маърифат марказига, клубларни Маданият марказига айлантириш.	1. Мавжуд Офицерлар уйи ва клублар фаолиятини таҳлил қилиш. 2. Маънавият ва маърифат маркази ва Маданият марказларининг низом ва иш режаларини ишлаб чиқиш. 3. Маънавият ва маърифат маркази ва Маданият марказларига керакли бўладиган жиҳоз ва воситалар рўйхатини тузиш ҳамда босқичма-босқич жиҳозлар билан таъминлаш. 4. Маънавият ва маърифат маркази ва Маданият марказларида маънавий-маърифий тадбирларни ташкил этиш.	2018 йил сентябрь 2018 йил октябрь 2018 йил октябрь 2019 йил, доимий	Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Қорақалпоғистон Республикаси Вазирлар кенгаши, вилоятлар ва Тошкент шаҳар ҳокимликлари
8.	Ўзбекистон Республикаси Мудофаа вазирлиги Маънавият ва маърифат маркази ҳузурида «Турон» театр студиясини ташкил этиш ва мазкур студия орқали аждодларимиз, моҳир саркардалар ҳақида театр спектаклларини намойиш этиб бориш.	1. Тегишли директива орқали Мудофаа вазирлиги Маънавият ва маърифат маркази ҳузурида «Турон» театр студиясини тузиш. 2. «Турон» театр студияси штатини шакллантириш ва тажрибали ижодкор ва санъаткорларни жалб этиш. 3. «Турон» театр студиясини зарур жиҳоз ва воситалар билан таъминлаш ҳамда репертуарини бойитиш. 4. Театр студияси репертуарига асосан моҳир саркардалар ҳақида театр спектаклларини намойиш этиш.	2018 йил сентябрь 2018 йил октябрь 2018 йил декабрь доимий	Мудофаа вазирлиги, Маданият вазирлиги, Тошкент шаҳар ҳокимлиги
9.	Ҳарбий округлар ва ҳарбий қисмларда маънавий-маърифий объектларни барпо этиш ҳамда уларни замонавий техник воситалар билан таъминлаш бўйича 2019 — 2021 йилларга мўлжалланган чора-тадбир режасини ишлаб чиқиш.	1. Ҳарбий округлар ва ҳарбий қисмларда маънавий-маърифий объектларни қуриш бўйича ҳолатни ўрганиш. 2. Маънавий-маърифий объектларни қуриш бўйича таклифлар тайёрлаш ҳамда зарур бўладиган замонавий жиҳозлар рўйхатини шакллантириш. 3. Маънавий-маърифий объектларни қуриш ҳамда уларни жиҳозлаш бўйича 2019 — 2021 йилларга мўлжалланган режани Вазирлар Маҳкамасига киритиш.	2018 йил октябрь 2018 йил ноябрь 2018 йил декабрь	Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Қорақалпоғистон Республикаси Вазирлар кенгаши, вилоятлар ва Тошкент шаҳар ҳокимликлари
10.	Ҳарбий қисм ва ҳарбий таълим муассасаларининг кутубхоналари фаолиятини такомиллаштириш.	1. Ишчи гуруҳ тузиш ҳамда кутубхоналар фаолиятини ўрганиш. 2. Кутубхоналарни зарур мебель ва жиҳозлар ҳамда кўргазмали воситалар билан таъминлаш. 3. Ҳарбий хизмат мутахассисликлари йўналишлари ҳамда энг сара бадиий адабиётларнинг рўйхатини шакллантириш. 4. Рўйхат асосида кутубхоналарни китоблар билан таъминлаш ҳамда электрон адабиётлар базасини яратиш. 5.Ҳарбий қисм ва ҳарбий таълим муассасаларида кўчма китоб жавонлари ташкил қилиш.	2018 йил сентябрь 2018 йил ноябрь 2018 йил декабрь 2019 йил январь 2019 йил февраль	Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Ўзбекистон ёшлар иттифоқи, Ёзувчилар уюшмаси, Қорақалпоғистон Республикаси Вазирлар кенгаши, вилоятлар ва Тошкент шаҳар ҳокимликлари
11.	Ўзбекистон Республикаси Қуролли Кучлари тизимида маънавий-маърифий ишлар самарадорлигини оширишда фаол иштирок этаётган ҳарбий хизматчилар ва фуқароларни «Маънавий-маърифий ишлар аълочиси» кўкрак нишони билан тақдирлаб бориш.	1. Маънавий-маърифий ишлар самарадорлигини оширишда фаол иштирок этаётган ҳарбий хизматчилар ва фуқароларни рўйхатини тузиш. 2. Ўзбекистон Республикаси Қуролли Кучлари тизимида Маънавий-маърифий ишлар тарғиботини тизимли равишда ташкил этиш. 3. Ўзбекистон Республикаси Қуролли Кучлари тизимида Маънавий-маърифий ишлар бўйича фаоллик кўрсатган ҳарбий хизматчилар ва фуқароларни кўкрак нишони билан тақдирлашга тавсия этиб бориш.	2018 йил сентябрь 2018 йил октябрь ҳар йили 1 январь	Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Ўзбекистон ёшлар иттифоқи, Ёзувчилар уюшмаси, Қорақалпоғистон Республикаси Вазирлар кенгаши, вилоятлар ва Тошкент шаҳар ҳокимликлари
II. Ўзбекистон Республикаси Қуролли Кучлари тизимида маънавий-маърифий ишларни ташкил қилишнинг самарали тизимини яратиш
12.	Маънавий-маърифий ишлар йўналишида ўтказиладиган тадбирларга таниқли фан, маданият, санъат ва адабиёт, дин арбоблари, соҳа йўналиши бўйича илғор мутахассисларни кенг жалб этиб бориш.	1. Маънавий-маърифий ишлар йўналишида ўтказиладиган машғулотлар ва тадбирлар режасига аниқликлар киритиш. 2. Ҳарбий қисмлардан жамоат ташкилотлари, ижодий уюшмалар ва таълим муассасаларига чорак давомида тадбирлар ҳақида буюртмалар йўллаш. 3. Маънавий-маърифий ишлар йўналишидаги тадбирларни оммавий ахборот воситаларида ёритиб бориш.	2018 йил 1 сентябрь ҳар чорак охирги ойининг 20 санасида доимий	Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Қорақалпоғистон Республикаси Вазирлар кенгаши, вилоятлар ва Тошкент шаҳар ҳокимликлари
13.	Адабиётшунос олимлар, таниқли ёзувчи ва шоирлар иштирокида янги нашр этилган адабиётлар тақдимотлари, адабий-бадиий кечалар, учрашув ва жонли мулоқотлар, янги нашр этилган китобларнинг тақдимотини ўтказиб бориш.	1. Адабий-бадиий кечалар, учрашув ва жонли мулоқотлар, янги нашр этилган китобларнинг тақдимотини ўтказиш режасини тасдиқлаш. 2. Ҳарбий қисм ва ҳарбий таълим муассасаларида тизимли равишда ташкил этиш. 3. Тадбирларни оммавий ахборот воситаларида ёритиш.	ҳар чорак охирги ойининг 20 санасида доимий доимий	Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Ёзувчилар уюшмаси, Республика Маънавият ва маърифат маркази
14.	Ҳарбий хизматчилар ўртасида инсонни маънавий ва ғоявий-мафкуравий иммунитетини мустаҳкамлаш, ҳалоллик, ахлоқ-одоб руҳида тарбиялашга қаратилган учрашув ва давра суҳбатлар ташкил этиш.	1. Учрашув ва давра суҳбатларининг режасини тасдиқлаш. 2. Ҳарбий қисмларда учрашув ва давра суҳбатлар ташкил этиш. 3. Тадбирларни оммавий ахборот воситалларида ёритиб бориш.	ҳар чорак охирги ойининг 20 санасида режага асосан доимий	Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Дин ишлари бўйича қўмита, Ўзбекистон халқаро исломшунослик академияси
15.	Ҳарбийлар хизматчилар оилаларида соғлом муҳитни қарор топтириш мақсадида шоир ва ёзувчилар, таниқли адабиёт намоёндалари иштирокида адабий кечалар ва учрашувлар ташкил этиш.	1. Ҳарбий хизматчилар оилаларида соғлом муҳитни қарор топтиришга қаратилган тадбирлар режасини ишлаб чиқиш. 2. Режа асосида шоир ва ёзувчилар, таниқли адабиёт намоёндалари иштирокида инсоний фазилатларини очиб берувчи адабий кечалар ва учрашувлар ташкил қилиш. 3. Тадбирларни оммавий ахборот воситаларида ёритиб бориш.	ҳар чорак охирги ойининг 20 санасида режага асосан доимий	Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Ёзувчилар уюшмаси, Хотин-қизлар қўмитаси, «Оила» илмий-амалий тадқиқотлар маркази
16.	Ҳарбий қисмлардаги командирлик лавозимларида хизматни ўтаётган ҳарбий хизматчиларни етакчилик сифатларига, нутқ маданияти ва нотиқлик санъатини ривожлантиришга қаратилган маъруза машғулотлари ва семинар-тренинглар ўтказиш.	1. Тегишли фанлар йўналишида мавзулар рўйхати, йиллик режа-дастурини ишлаб чиқиш ва тасдиқлаш. 2. Ўқув гуруҳлари, тадбирларни ўтказувчи шахслар ва масъуллар рўйхатини шакллантириш. 3. Илғор тажрибалар асосида семинар-тренинглар ўтказиб бориш.	ҳар чорак охирги ойининг 20 санасида режага асосан	Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Олий ва ўрта махсус таълим вазирлиги, Халқ таълими вазирлиги
17.	Ҳарбийлар хизматчиларнинг ҳудудлардаги тарихий обидалар, музейлар, зиёратгоҳлар ва диққатга сазовор жойларга мунтазам ташрифлар уюштириб бориш.	1. Тарихий обидалар, музейлар, зиёратгоҳларга ташриф режа-жадвалини ишлаб чиқиш ва тасдиқлаш. 2. Тарихий обидалар, музейлар, зиёратгоҳларга ташрифларни ташкил этиш. 3. Тадбирларни оммавий ахборот воситаларида ёритиб бориш.	ҳар чорак охирги ойининг 20 санасида режага асосан доимий	Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Маданият вазирлиги, Қорақалпоғистон Республикаси Вазирлар кенгаши, вилоятлар, Тошкент шаҳар ҳокимликлари
18.	Ҳарбий хизматчиларнинг маънавий-маърифий савияси ва билимини ошириш, нотиқлик санъатини ривожлантириш, дунё-қарашларини шакллантириш ҳамда ҳарбий хизматчилар эришаётган ютуқлар ва уларнинг ижтимоий ҳимояси борасида амалга оширилаётган ишлар ҳақида республика ва маҳаллий оммавий ахборот воситалари орқали чиқишлар уюштириш.	1. Ҳарбий хизматчиларнинг маънавий-маърифий савияси ва билимини ошириш, нотиқлик санъатини ривожлантириш, дунёқарашларини шакллантириш тадбирларини оммавий ахборот воситаларида ёритиш бўйича медиа-режа ишлаб чиқиш. 2. Ҳарбий хизматчилар эришаётган ютуқлар ва уларнинг ижтимоий ҳимояси борасида амалга оширилаётган ишлар ҳақида мақолалар ва кўрсатувлар тайёрлаш. 3. Ҳарбий хизматчиларнинг маънавий-маърифий савияси ва билимини ошириш борасида ташкил этилаётган тадбирлар ҳақида республика ва маҳаллий оммавий ахборот воситалари орқали чиқишлар қилиш.	ҳар чорак охирги ойининг 20 санасида режага асосан режага асосан	Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Қорақалпоғистон Республикаси Вазирлар кенгаши, вилоятлар ва Тошкент шаҳар ҳокимликлари
19.	Ўзбекистон Республикаси Қуролли Кучлари тизимида маънавий-маърифий ишлар самарадорлигини ошириш бўйича маънавий-маърифий ишларнинг янги шакл ва усулларини яратиб бориш ва уларни татбиқ этиш.	1. Маънавий-маърифий ишларнинг янги шакл ва усулларини ишлаб чиқиш бўйича мутахассислар ва ижодкорларни жалб қилиш. 2. Қуролли Кучлари тизимида маънавий-маърифий ишлар самарадорлигини ошириш бўйича танловлар ташкил этиш. 3. Танлов натижаларига асосан методик ва ўқув қўлланмалари яратиш.	2018 йил ноябрь 2019 йил январь 2019 йил март	Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Маданият вазирлиги, Республика Маънавият ва маърифат маркази, Ўзбекистон ёшлар иттифоқи, Ёзувчилар уюшмаси

(2-илова Ўзбекистон Республикаси Президентининг 2025 йил 11 сентябрдаги ПФ-164-сонли Фармони таҳририда — Қонунчилик маълумотлари миллий базаси, 11.09.2025 й., 06/25/164/0821-сон)

Ўзбекистон Республикаси Президентининг 2018 йил 4 августдаги ПҚ-3898-сон қарорига
3-ИЛОВА

Ўзбекистон Республикаси Қуролли Кучлари тизимида маънавий-маърифий ишлар самарадорлигини оширишга қаратилган тадбирларни ўтказиш

СХЕМАСИ

Олдинги таҳрирга қаранг.

Объектлар

Темурбеклар мактаби

Олий ҳарбий таълим муассасалари. Ўзбекистон Республикаси Ҳарбий хавфсизлик ва мудофаа университетининг Сержантлар тайёрлаш олий мактаби

Ҳарбий қисм ва муассасалар

Субъектлар

Олий ва ўрта махсус таълим вазирлиги, Халқ таълим вазирлиги

Маданият вазирлиги

Адлия вазирлиги

Республика Маънавият ва маърифат маркази

Вазирлар Маҳкамаси ҳузуридаги Дин ишлари бўйича қўмита

Ўзбекистон ёшлар иттифоқи

Ёзувчилар уюшмаси

Хотин-қизлар қўмитаси, Вазирлар Маҳкамаси ҳузуридаги «Оила» илмий-амалий тадқиқот маркази

«Маҳалла» хайрия жамоат фонди, «Нуроний» жамғармаси

Жисмоний тарбия ва спорт вазирлиги, МКТ «Ватанпарвар»

Маънавий-маърифий тадбирларнинг шакллари

Маънавий ишлар йўналишида

баҳс ва семинар, давра суҳбатлари, семинар-тренинг, музокара ва мунозара (диспут) ва интеллектуал ўйинлар

Маърифий ишлар йўналишида

анжуманлар, машғулотлар, бадиий-адабиёт

кечалари, китоб мутолааси, ижодий учрашувлар,баҳс-мунозаралар

Маданий ишлар йўналишида

театр спектакллари, концерт дастурлари, бадиий ва ҳужжатли фильмлар намойиши, ижодий кечалар

Амалга ошириладиган тадбирлар

Ўзбекистон

Республика-

сини

ривожлан-

тиришнинг

бешта устувор

йўналиши

бўйича

Ҳаракатлар

стратегияси

асосида барча

соҳа ва

тармоқларда

олиб

борилаётган

улкан

ислоҳотларни

етказиш.

Концерт

дастур-

лари,

буюк аждод-

ларимиз

ва аллома-

лар фаоли-

ятига оид

театр

спектакл-

лари,

оммавий

тадбир-

лар, экс-

курсиялар

орқали

миллий

ғурур ва

ифтихор

туйғу-

ларини

кучай-

тириш, нотиқлик

санъатини

юксал-

тириш

Ҳуқуқий

билим-

ларни

ошириш

орқали

қонун

устувор-

лигини

таъмин

лаш, гло-

баллашув

жараён-

ларига

нисбатан

онгли

муносабат-

ни, огоҳ-

лик ва

ҳушёрлик-

ни ҳамда

мустаҳкам

тартиб ва

интизомга

риоя

қилиш

фазилат-

ларини кучай-

тириш.

Халқимизнинг маънавий қадриятлари, маданияти ва урф-одат-

ларини, аждодлари-

мизнинг бой меросини ҳаётимиздаги ўрни ва аҳамиятини сингдириш орқали одоб-ахлоқ, ҳалоллик, поклик, садоқат ва фидойилик фазилат-

ларини юксалтириш.

Диний саводхон-

ликни

ошириш,

диннинг

асл мазмун-

моҳиятини

етказиш,

фуқаролик

ва диний

бағрикенг-

лик ғоялари-

ни тарғиб

қилиш ҳамда

ёт ғояларга

қарши

танқидий

қараш ва

мафкуравий

иммунитетни

мустаҳ-

камлаш.

Ҳарбий

хизматчи-

лар ва

ёшлар

қалбида

ҳозирги

тинч ва

осуда

ҳаётимиз-

нинг

қадрига

етиш,

одамларни

бир-бирига

яхшилик

қилишга,

аҳил ва

ҳамжиҳат

бўлиб

яшашга

даъват

этиш

Мумтоз ва

замонави

адабиёти-

мизнинг

энг сара

намунала-

ри мазмун-

моҳиятини

ҳарбий

хизматчи-

лар ва

ёшлар

қалбига

етказиш

орқали

китобхон-

лик мада-

ниятини

ошириш

ҳамда

уларнинг

онгига

ватанпар-

варлик,

мардлик

туйғула-

рини

сингдириш.

Ҳарбий хизматчилар ва уларнинг оила аъзоларини ижтимоий ҳимоя қилиш, оилаларда соғлом маънавий муҳитни яратиш, оила шаънини сақлашда ота-она ва фарзанд-

ларнинг масъулияти, бурчлари, ахлоқий меъёрларини етказиш.

Ёшларни ҳарбий-

ватанпар-

варлик руҳида тарбиялаш орқали, миллати, тили ва касбидан қатъий назар, ёшларда Ватанга садоқат туйғусини шакллантириш.

Чақирувга

қадар

бошланғич

тайёргарлик

бўйича

билимларни

мустаҳкамлаб

бориш,

ҳарбий касб-

ни танлашга

ва мукаммал

ўрганишга,

кучли ва

шижоатли,

етук

мутахассис

бўлишга

йўналтириш.

КУТИЛАЁТГАН НАТИЖА

Ватанпарвар, мард ва жасур ҳарбий хизматчиларни етиштириш, уларнинг фаол ҳаётий позицияси ва қатъий эътиқоди, билими ва интеллектуал савияси, она Ватан тақдирига бўлган масъулиятини мустаҳкамлаш ҳамда ғоявий ахборот хуружларига қарши мафкуравий иммунитетини кучайтириш, фуқаролик бурчи ва конституцион мажбуриятларини виждонан, садоқат ва фидойилик билан бажаришга йўналтириш, уларни ҳар томонлама етук ва комил шахс сифатида тарбиялаш.

(3-илова Ўзбекистон Республикаси Президентининг 2026 йил 10 февралдаги ПФ-20-сонли Фармони таҳририда)

Ўзбекистон Республикаси Президентининг 2018 йил 4 августдаги ПҚ-3898-сон қарорига
4-ИЛОВА

Ўзбекистон Республикаси Қуролли Кучлари ҳарбий хизматчилари томонидан ёшларни юксак ватанпарварлик руҳида тарбиялашга қаратилган тадбирларни ўтказиш

СХЕМАСИ

Ўзбекистон Республикаси Президентининг 2018 йил 4 августдаги ПҚ-3898-сон қарорига
5-ИЛОВА

Ўзбекистон Республикаси Қуролли Кучлари тизимида маънавий-маърифий ишлар самарадорлигини ошириш концепциясини амалга ошириш бўйича республика идоралараро комиссияси

ТАРКИБИ

Олдинги таҳрирга қаранг.

1.	А. Азизов	—	Ўзбекистон Республикаси мудофаа вазири, республика идоралараро комиссияси раҳбари
2.	А. Кадиров	—	Республика Маънавият ва маърифат маркази раҳбари, республика идоралараро комиссияси раҳбари ўринбосари
3.	А. Икрамов	—	Ўзбекистон Республикаси мудофаа вазирининг ўринбосари, республика идоралараро комиссияси раҳбари ўринбосари
4.	Д. Назармухамедов	—	Ўзбекистон Республикаси ички ишлар вазирининг биринчи ўринбосари
5.	А. Қўлдошев	—	Ўзбекистон Республикаси фавқулодда вазиятлар вазирининг биринчи ўринбосари
6.	келишувга асосан	—	Ўзбекистон Республикаси Давлат хавфсизлик хизмати раисининг ўринбосари
7.	Ш. Шакиров	—	Ўзбекистон Республикаси Миллий гвардияси қўмондонининг ўринбосари
8.	Ш. Жалилов	—	Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси раиси
9.	Ш. Жавлонов	—	Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгаши раисининг биринчи ўринбосари
10.	Д. Ташмухамедова	—	Ўзбекистон Республикаси Вазирлар Маҳкамаси ҳузуридаги «Оила» илмий-амалий тадқиқот маркази директори
11.	О. Таджиев	—	Ўзбекистон ёшлар иттифоқи Марказий Кенгаши раисининг биринчи ўринбосари
12.	Д. Махсудов	—	Ўзбекистон Республикаси Дин ишлари бўйича қўмитаси раисининг биринчи ўринбосари
13.	А.З. Саъдуллаев	—	Ўзбекистон Республикаси ёшлар сиёсати ва спорт вазирининг биринчи ўринбосари — Ёшлар ишлари агентлиги директори
14.	З. Маҳкамова	—	Ўзбекистон Хотин-қизлар қўмитаси раисининг биринчи ўринбосари
15.	Н. Холбўтаев	—	Ўзбекистон Ёзувчилар уюшмаси раисининг ўринбосари
16.	О. Абдурахманов	—	Ўзбекистон Республикаси олий ва ўрта махсус таълим вазирининг биринчи ўринбосари
17.	С. Бобохўжаев	—	Ўзбекистон Республикаси халқ таълими вазирининг ўринбосари
18.	К. Акилова	—	Ўзбекистон Республикаси маданият вазирининг ўринбосари
19.	М. Истамов	—	Ўзбекистон Республикаси адлия вазирининг ўринбосари
20.	Н. Муллабаев	—	Ўзбекистон мудофаасига кўмаклашувчи «Ватанпарвар» ташкилоти марказий кенгаши раисининг биринчи ўринбосари
21.	К. Алламжонов	—	Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги директори в.б.
22.	А. Хаджаев	—	Ўзбекистон миллий телерадиокомпанияси раиси вазифасини бажарувчи
23.	А. Кўчимов	—	Ўзбекистон Миллий ахборот агентлиги бош директори
24.	Лавозимига кўра	—	Қорақалпоғистон Республикаси Вазирлар кенгаши раисининг ўринбосари, вилоятлар ва Тошкент шаҳар ҳокимларининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари

Изоҳ:

Республика идоралараро комиссия аъзолари бошқа ишга ўтган тақдирда унинг таркибига ушбу лавозимларга янгидан тайинланган ёки тегишли вазифаларни бажариш зиммасига юкланган шахслар киритилади.

Қорақалпоғистон Республикаси Вазирлар кенгаши, вилоятлар ва Тошкент шаҳар ҳокимликларида республика идоралараро комиссияси таркиби асосида Қорақалпоғистон Республикаси Вазирлар кенгаши раисининг, вилоятлар ва Тошкент шаҳар ҳокимларининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари раҳбарлигида ҳудудий комиссиялар ташкил этилади.

(5-илова Ўзбекистон Республикаси Президентининг 2023 йил 12 июндаги ПФ-92-сонли Фармони таҳририда — Қонунчилик маълумотлари миллий базаси, 13.06.2023 й., 06/23/92/0366-сон)

(Қонун ҳужжатлари маълумотлари миллий базаси, 08.08.2018 й., 07/18/3898/1622-сон; 11.12.2019 й., 06/19/5892/4134-сон; 23.04.2020 й., 06/20/5983/0490-сон; Қонунчилик маълумотлари миллий базаси, 15.01.2022 й., 06/22/52/0029-сон; 24.05.2023 й., 06/23/75/0292-сон; 13.06.2023 й., 06/23/92/0366-сон; 25.12.2024 й., 06/24/226/1060-сон; 11.09.2025 й., 06/25/164/0821-сон)