|
Ҳужжат кучини йўқотган 03.07.2017
|
Ўзбекистон Республикаси Вазирлар Маҳкамасининг
қарори
«ЎЗАГРОМАШСЕРВИС» УЮШМАСИ ФАОЛИЯТИНИ ТАШКИЛ ЭТИШ МАСАЛАЛАРИ ТЎҒРИСИДА
[Кўчирма]
LexUZ шарҳиМазкур қарор Ўзбекистон Республикаси Вазирлар Маҳкамасининг 2017 йил 28 июндаги 442-сонли «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўзагротехсаноатхолдинг» акциядорлик жамиятини ташкил этиш тўғрисида» 2016 йил 17 ноябрдаги ПФ–4857-сон Фармони, Ўзбекистон Республикаси Президентининг «Ўзагротехсаноатхолдинг» акциядорлик жамияти фаолиятини ташкил этиш чора-тадбирлари тўғрисида» 2016 йил 16 ноябрдаги ПҚ–2658-сон қарори)»ги қарорига асосан ўз кучини йўқотган.
Ўзбекистон Республикаси Президентининг «Ўзқишлоқхўжалик-таъминот тузатиш» давлат-кооператив қўмитасини «Ўзагромашсервис» уюшмаси этиб ўзгартириш тўғрисида» 2000 йил 31 октябрдаги ПФ-2741-сон Фармонини бажариш юзасидан Вазирлар Маҳкамаси қарор қилади:
1. «Ўзагромашсервис» уюшмаси муассислари рўйхати 1-иловага мувофиқ, шунингдек, уюшманинг ташкилий тузилмаси ва ижро этувчи аппарати тузилмаси 2 ва 3-иловаларга мувофиқ маъқуллансин.
«Ўзқишлоқхўжаликтаъминоттузатиш» давлат-кооператив қўмитасининг «Ўзагромашсервис» уюшмаси таркибига кирмаган 4-иловага мувофиқ қурилиш ва бошқа корхоналари маҳаллий ҳокимликлар тасарруфига берилиши маълумот учун қабул қилинсин.
Қорақалпоғистон Республикаси Вазирлар Кенгаши, вилоятлар ва туманлар ҳокимликлари 4-иловада кўрсатилган хўжалик юритувчи субъектлардан бундан буён амалда фойдаланишнинг мақсадга мувофиқлигини кўриб чиқсинлар.
2. «Ўзагромашсервис» уюшмаси ижро этувчи аппарати ходимлари чекланган сонининг 45 кишидан (хизмат кўрсатувчи ходимлардан ташқари) иборат бўлишига розилик берилсин. «Ўзагромашсервис» уюшмаси раисининг бир нафар ўринбосари бўлишига рухсат этилсин.
Белгилаб қўйилсинки, «Ўзагромашсервис» уюшмаси бошқаруви раиси ва унинг ўринбосари муассисларнинг умумий мажлисида сайланадилар ва белгиланган тартибда Ўзбекистон Республикаси Вазирлар Маҳкамаси томонидан лавозимга тасдиқланадилар.
(2-банднинг иккинчи хатбошиси Ўзбекистон Республикаси Вазирлар Маҳкамасининг 2010 йил 5 июндаги 108-сон қарори таҳририда — ЎР ҚҲТ, 2010 й., 23-сон, 183-модда)
«Ўзагромашсервис» уюшмаси бошқаруви раисига зарурат бўлганда уюшма ижро этувчи аппарати тузилмасига ходимларнинг белгиланган сони доирасида ўзгартиришлар киритиш ҳуқуқи берилсин.
Уюшма бошқаруви раиси мақоми, маиший таъминот, тиббий ва транспорт хизмати кўрсатиш шароитлари бўйича вазирнинг биринчи ўринбосарига тенглаштирилсин.
3. Қуйидагилар маълумот учун қабул қилинсин:
Ўзбекистон Республикаси Президентининг 2000 йил 31 октябрдаги ПФ-2741-сон Фармонига мувофиқ машина-трактор паркларининг ҳудудий бирлашмалари ташкил этилади. Шу муносабат билан «Агромашсервис» акциядорлик жамиятларининг Қорақалпоғистон республика ва вилоятлар бирлашмалари, шунингдек «Махсустаъмирлашсозлаш» республика ишлаб чиқариш бирлашмаси белгиланган тартибда тугатилади;
уюшманинг ижро этувчи аппарати таъминоти машина-трактор парклари ҳудудий бирлашмаларининг, уюшма муассислари бўлган бошқа корхоналар ва ташкилотларнинг ажратмалари ҳисобига шартнома асосида, шунингдек ўз маблағлари ҳисобига амалга оширилади.
4. Қуйидагиларга:
«Агротехтаъмир» бирлашмаси таркибига кирувчи ихтисослашган таъмирлаш корхоналари рўйхатига 5-иловага мувофиқ;
машина-трактор парклари ҳудудий бирлашмаси ва давлат акциядорлик машина-трактор парки ижро этувчи аппаратининг намунавий тузилмаларига 6 ва 7-иловаларга мувофиқ розилик берилсин.
Машина-трактор парклари Қорақалпоғистон республика ва вилоятлар бирлашмалари раҳбарлари белгиланган тартибда акциядорлар мажлисларида Қорақалпоғистон Республикаси Вазирлар Кенгаши ва вилоятлар ҳокимликлари билан келишган ҳолда сайланадилар.
5. Белгилансинки, машина-трактор парклари ҳудудий бирлашмаларининг устав жамғармаси уларга:
тугатилаётган «Агромашсервис» акциядорлик жамиятлари Қорақалпоғистон республика ва вилоятлар бирлашмалари мулкини бериш;
Олдинги таҳрирга қаранг.
машина-трактор парклари ҳудудий бирлашмалари таркибига кирувчи акциядорлик жамиятларининг улар устав жамғармасининг 35 фоизигача миқдордаги давлатга тегишли акцияларини, шунингдек акциядорлик жамиятлари акциялари қолган пакетларининг жойлаштирилмаган қисмини бериш йўли билан шакллантирилади.
(5-банднинг учинчи хатбошиси Ўзбекистон Республикаси Вазирлар Маҳкамасининг 2003 йил 17 апрелдаги 185-сонли қарори таҳририда — ЎР ҚҲТ, 2003 й., 7-8-сон, 61-модда)
Белгилаб қўйилсинки, машина-трактор парклари ҳудудий бирлашмалари акцияларининг 51 фоизи давлат ихтиёрида қолади, 10 фоизгачаси — меҳнат жамоаларига сотилади, қолган қисми эса эркин равишда, шу жумладан хорижий инвесторларга сотилади.
6. Ўзбекистон Республикаси Давлат мулки қўмитаси 2000 йил 1 декабргача:
машина-трактор парклари акцияларининг давлатга тегишли пакетларини машина-трактор парклари ҳудудий бирлашмаларига ишончли бошқарувга белгиланган тартибда беришни амалга оширсин;
Олдинги таҳрирга қаранг.
(6-банднинг иккинчи хатбошиси Ўзбекистон Республикаси Вазирлар Маҳкамасининг 2003 йил 17 апрелдаги 185-сонли қарорига асосан ўз кучини йўқотган — ЎР ҚҲТ, 2003 й., 7-8-сон, 61-модда)
7. Ўзбекистон Республикаси Молия вазирлиги ва «Ўзагромашсервис» уюшмасининг:
акцияларнинг давлат улуши бўйича 1998-1999 йиллар учун ҳисоблаб ёзилган ва машина-трактор парклари томонидан тўланмаган 647,7 млн сўм миқдоридаги дивидендларни;
машина-трактор парклари ва улар ҳудудий бирлашмалари акцияларининг давлат улуши бўйича 2000-2004 йиллар учун ҳисоблаб ёзиладиган дивидендларни импорт қишлоқ хўжалиги техникаси сотиб олиш учун жалб этилган хорижий кредитларни тўлашга мақсадли йўналтириш тўғрисидаги таклифига розилик берилсин.
10. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари «Ўзагромашсервис» уюшмаси корхоналари ва ташкилотларига қарашли ижтимоий инфратузилма объектларининг 2001 йил 1 январдаги ҳолати бўйича туман (шаҳар)лар ҳокимликлари балансига қабул қилиб олинишини 2001 йил 1 июлгача таъминласинлар.
11. Ўзбекистон Республикаси Вазирлар Маҳкамасининг 2000 йил 28 апрелдаги 172-сон қарорининг қўшилган қиймат солиғидан озод қилишга доир қисмининг амал қилиши машина-трактор парклари ҳудудий бирлашмалари таркибига кирувчи таъмирлаш заводларига татбиқ этилсин.
12. «Ўзагромашсервис» уюшмаси аппарати Тошкент шаҳар, Абай кўчасидаги 4 «А»-уйга жойлаштирилсин.
Ўзбекистон Республикаси Давлат мулки қўмитаси ва Тошкент шаҳар ҳокимлиги мазкур бинони белгиланган тартибда «Ўзагромашсервис» уюшмасига сотсинлар.
Ўзбекистон Почта ва телекоммуникациялар агентлиги «Ўзқишлоқхўжаликтаъминоттузатиш» давлат-кооператив қўмитасида ўрнатилган барча алоқа турларини «Ўзагромашсервис» уюшмасида қолдирсин.
14. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов ва Ўзбекистон Республикаси Президентининг Давлат маслаҳатчиси И.Ҳ. Жўрабеков зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2000 йил 9 ноябрь,
438-сон
«Ўзагромашсервис» уюшмаси муассислари
РЎЙХАТИ
1.Машина-трактор парклари Қорақалпоғистон республика бирлашмаси АЖ
2.Машина-трактор парклари Андижон вилояти бирлашмаси АЖ
3.Машина-трактор парклари Бухоро вилояти бирлашмаси АЖ
4.Машина-трактор парклари Жиззах вилояти бирлашмаси АЖ
5.Машина-трактор парклари Қашқадарё вилояти бирлашмаси АЖ
6.Машина-трактор парклари Навоий вилояти бирлашмаси АЖ
7.Машина-трактор парклари Наманган вилояти бирлашмаси АЖ
8.Машина-трактор парклари Самарқанд вилояти бирлашмаси АЖ
9.Машина-трактор парклари Сурхондарё вилояти бирлашмаси АЖ
10.Машина-трактор парклари Сирдарё вилояти бирлашмаси АЖ
11.Машина-трактор парклари Тошкент вилояти бирлашмаси АЖ
12.Машина-трактор парклари Фарғона вилояти бирлашмаси АЖ
13.Машина-трактор парклари Хоразм вилояти бирлашмаси АЖ
14. «Таъминотчи-Хизматчи» АЖ
15. «Агротаъминот-Б.С» АЖ
16. «Озодлик» АЖ
17. «Таъминотчи-Пахта» АЖ
Олдинги таҳрирга қаранг.
(18-банд Ўзбекистон Республикаси Президентининг 2013 йил 23 майдаги ПҚ-1972-сонли қарорига асосан ўз кучини йўқотган)
19. «Агротехтаъмир» бирлашмаси
«Ўзагромашсервис» уюшмасининг ташкилий
ТУЗИЛМАСИ
LexUZ шарҳи«Ўзагромашсервис» уюшмаси ижро этувчи аппарати
ТУЗИЛМАСИ
«Ўзқишлоқхўжаликтаъминоттузатиш» давлат-кооператив қўмитасининг маҳаллий ҳокимликлар ихтиёрига бериладиган қурилиш ва бошқа корхоналари
РЎЙХАТИ
| № п/п |
Корхоналар ва ташкилотларнинг рўйхати |
Манзил |
| Қорақалпоғистон Республикаси | ||
| 1 | «Агромашсервис» жамоа корхонаси | Нукус ш. |
| 2 | «Қораўзак «Райтехшаруасервис» жамоа корхонаси | Қораўзак тумани |
| 3 | «Тиёқли» жамоа корхонаси | Хўжайли тумани |
| Андижон вилояти | ||
| 1 | «Андижонживмехсервис» ОАЖ | Булоқбоши тумани |
| 2 | «Мадад» масъулияти чекланган жамият | Олтинкўл тумани |
| 3 | «Агросавдо» ихтисослаштирилган дўконлар уюшмаси | Андижон ш. |
| Бухоро вилояти | ||
| 1 | «Бухоро-қурувчи» АЖ | Бухоро тумани |
| 2 | «Чорбакир ишлаб чиқариши» АЖ | Бухоро тумани |
| 3 | «Чорбакир» АЖ | Бухоро тумани |
| 4 | «Қурилиш-монтаж созлаш бошқармаси» жамоа корхонаси | Бухоро ш. |
| Жиззах вилояти | ||
| 1 | «Жиззах хўжалик ҳисобидаги қурилиш корхонаси» АЖ | Жиззах ш. |
| 2 | «Наманган» жамоа корхонаси | Арнасой тумани |
| Қашқадарё вилояти | ||
| 1 | «Ғузор-Автомобилчи» АЖ | Ғузор тумани |
| 2 | «Ғузор-Автотаъмир» АЖ | Ғузор тумани |
| 3 | «Ғузор-Таъминотчи» АЖ | Ғузор тумани |
| 4 | «Агрегат» жамоа корхонаси | Қарши ш. |
| 5 | «Қарши-ТЧС» АЖ | Қарши ш. |
| 6 | «Агроимпекс» АЖ | Шаҳрисабз тумани |
| 7 | «Шаҳрисабз-ТЧС» АЖ | Шаҳрисабз тумани |
| 8 | «Автомобилчи» АЖ | Шаҳрисабз тумани |
| 9 | «Чироқчи-2 ТЧС» АЖ | Чироқчи тумани |
| 10 | «Яккабоғ ТЧС» | Яккабоғ тумани |
| Навоий вилояти | ||
| 1 | «Қизилтепа-Наврўз» ОТАЖ | Қизилтепа тумани |
| 2 | «Сайхун» АЖ | Конимех тумани |
| Наманган вилояти | ||
| 1 | «Автотранспорт корхона» ОТАЖ | Тўрақўрғон тумани |
| 2 | «Ихтисослашган кўчма механизациялашган колонна» ОТАЖ | Уйчи тумани |
| 3 | «Наманган КМК» АЖ | Наманган ш. |
| Самарқанд вилояти | ||
| 1 | «Нарпай КМК» жамоа корхонаси | Нарпай тумани |
| 2 | «Булунғур КМК» жамоа корхонаси | Булунгур тумани |
| 3 | «Каттақўрғон КМК» жамоа корхонаси | Каттақўрғон тумани |
| 4 | «Кўчма механизациялашган колонна» АЖ | Ургут тумани |
| 5 | «Агромашсервис» ихтисослаштирилган қурилиш бошқармаси ОТАЖ |
Самарқанд тумани |
|
Сурхондарё вилояти | ||
|
1 |
«Шўрчи кўчма механизациялашган колоннаси» АЖ | Шўрчи тумани |
| 2 | «Агромаштаъмирқурилиш» АЖ | Жарқўрғон тумани |
| 3 | «Термез» кўчма механизациялашган колоннаси жамоа корхонаси |
Термез шаҳри |
| 4 | «Шеробод кўчма механизациялашган колоннаси» жамоа корхонаси |
Шерабод тумани |
|
Сирдарё вилояти | ||
| 1 | «Гулистон кўчма механизациялашган колоннаси» ОТАЖ | Гулистон шаҳри |
| 2 | «Мададкор» хусусий корхонаси | Ш.Рашидов тумани |
| 3 | «Мустақиллик 5 йиллиги тажриба таянч хўжалиги» жамоа корхонаси |
Мирзаобод тумани |
| 4 | «Бунёдкор» АЖ | Янгиер шаҳри |
| Тошкент вилояти | ||
| 1 | «Бўка кўчма механизациялашган колоннаси» ОТАЖ | Бўка тумани |
| 2 | «Шавкат-қурилиш» масъулияти чекланган жамият | Тошкент шаҳри |
| Фарғона вилояти | ||
| 1 | «Агромашсервис» Фарғона вилояти ОАЖ кўчма механизациялашган колоннаси» АЖ |
Қўқон шаҳри |
| 2 | «Марғилон кўчма механизациялашган колоннаси» ОАЖ | Марғилон шаҳри |
| Хоразм вилояти | ||
| 1 | «Урганч чорва механизацияси» ОАЖ | Урганч шаҳри |
| | | |
«Агротехтаъмир» бирлашмаси таркибига кирувчи ихтисослаштирилган таъмирлаш корхоналарининг
РЎЙХАТИ
|
Корхонанинг номланиши |
Манзил | |
|
1. |
«Гидравлика» АЖ | Тошкент вилояти, Ўртаовул қўрғони |
|
2. |
«Аккуммашсервис» масъулияти чекланган жамият |
Тошкент вилояти, Бўка шаҳри |
|
3. |
«Таштажрибатаъмир» АЖ | Тошкент шаҳри |
|
4. |
«Новатор» ишлаб чиқариш корхонаси | Тошкент шаҳри |
|
5. |
«Шино таъмирлаш заводи» АЖ | Урганч шаҳри |
|
6. |
«Агромаштаъмир» илмий-ишлаб чиқариш бирлашмаси |
Тошкент шаҳри |
| | | |
Машина-трактор парклари ҳудудий бирлашмалари ижро этувчи аппаратининг
НАМУНАВИЙ ТУЗИЛМАСИ
«Машина-трактор парки» давлат-акциядорлик жамияти ижро этувчи аппаратининг
НАМУНАВИЙ ТУЗИЛМАСИ
