548-сон 18.07.2018. Фарғона вилояти Ўзбекистон тумани аҳолисининг бандлигини таъминлашга доир қўшимча чора-тадбирлар тўғрисида

Ҳужжат кучини йўқотган 01.09.2024

Ўзбекистон Республикаси Вазирлар Маҳкамасининг

қарори

Фарғона вилояти Ўзбекистон тумани аҳолисининг бандлигини таъминлашга доир қўшимча чора-тадбирлар тўғрисида

LexUZ шарҳи

Мазкур қарор Ўзбекистон Республикаси Вазирлар Маҳкамасининг 2024 йил 6 майдаги 266-сонли «Ўзбекистон Республикаси Ҳукуматининг айрим қарорларини ўз кучини йўқотган деб ҳисоблаш тўғрисида»ги қарорига асосан 2024 йил 1 сентябрдан ўз кучини йўқотади.

Фарғона вилоятининг Ўзбекистон туманида ижтимоий-иқтисодий ислоҳотлар амалга оширилишини ўрганишда Республика ишчи гуруҳи томонидан аниқланган муаммоларни бартараф этиш, аҳолининг ҳаёт даражасини янада ошириш, янги иш ўринлари ташкил қилиш ва аҳолини ишга жойлаштириш мақсадида Вазирлар Маҳкамаси қарор қилади:

1. Фарғона вилоятининг Ўзбекистон туманида 2018-2019 йилларда кафолатли иш ўринларини ташкил этиш ҳамда саноат, хизматлар соҳаси ва қишлоқ хўжалигини ривожлантириш лойиҳаларининг манзилли рўйхати иловага мувофиқ тасдиқлансин.

2. Фарғона вилояти ҳокимлиги:

Ўзбекистон Республикаси Инвестициялар бўйича давлат қўмитаси, манфаатдор давлат ва хўжалик бошқаруви органлари, тижорат банклари, лойиҳаларнинг ташаббускорлари билан биргаликда тасдиқланган манзилли рўйхат параметрлари сўзсиз бажарилишини таъминласин ва бу борада инвестиция лойиҳаларининг ўз вақтида ва сифатли амалга оширилишини, ишлаб чиқаришнинг мўлжалланган ҳажмлари ўзлаштирилишини ва янги иш ўринлари ташкил этилишини назарда тутсин;

муаммоли масалаларни мунтазам равишда кўриб чиқиб, уларни ҳал этиш юзасидан тезкор ва амалий зарур чора-тадбирларни амалга оширган ҳолда, лойиҳалар бажарилиши юзасидан тизимли мониторинг олиб борсин.

3. Ўзбекистон Республикаси Инвестициялар бўйича давлат қўмитасига Фарғона вилояти ҳокимлиги ва хизмат кўрсатувчи тижорат банклари билан келишган ҳолда, лойиҳанинг қийматини ва иш ўринлари сонини сақлаб қолиш шарти билан лойиҳаларнинг тасдиқланган манзилли рўйхатига заруратга кўра, ўзгартиришлар киритиш ҳуқуқи берилсин.

4. Ўзбекистон Республикаси Бандлик ва меҳнат муносабатлари вазирлиги Фарғона вилояти ҳокимлиги билан биргаликда Ўзбекистон тумани секторлари ва маҳаллалари бўйича 2018-2019 йилларда ҳақ тўланадиган жамоат ишларини, банд бўлмаган аҳолини касбга қайта тайёрлашни ташкил этиш бўйича манзилли дастурни бир ой муддатда ишлаб чиқиб, тасдиқласин ва ижросини таъминласин.

5. Ўзбекистон Республикаси Уй-жой-коммунал хизмат кўрсатиш вазирлиги Иқтисодиёт вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси билан биргаликда Фарғона вилоятининг Ўзбекистон туманида тажриба тарзида аҳолини ичимлик суви билан таъминлаш соҳасида давлат-хусусий шерикликни жорий этиш тўғрисида уч ой муддатда Вазирлар Маҳкамасига таклифлар киритсин.

6. «Асака» акциядорлик тижорат банки ва Фарғона вилояти ҳокимлигининг «Асака» акциядорлик тижорат банки тасарруфидаги Ўзбекистон тумани Бўстон маҳалла фуқаролар йиғини ҳудудида жойлашган собиқ паррандачилик фабрикасининг мулкий мажмуасини унинг негизида паррандачилик комплекси ва янги иш ўринларини ташкил этиш шарти билан тўғридан-тўғри музокаралар ўтказиш орқали сотиш тўғрисидаги таклифи маъқуллансин.

Мазкур лойиҳани 2018-2019 йилларда амалга оширишда Фарғона вилояти ҳокимлиги масъул эканлиги белгилаб қўйилсин.

7. Ўзбекистон Республикаси Ер ресурслари, геодезия, картография ва давлат кадастри давлат қўмитаси, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Фарғона вилояти ҳокимлиги Ўзбекистон туманидаги муҳандислик-коммуникациялари мавжуд бўлган, фойдаланилмасдан бўш турган бино ва иншоотларни, шунингдек, ер участкаларини бир ой муддатда хатловдан ўтказсинлар ва кейинчалик замонавий ишлаб чиқаришлар ташкил этиш ҳамда янги иш ўринлари ташкил этиш шарти билан тадбиркорлик субъектларига ва салоҳиятли инвесторларга белгиланган тартибда бериш ҳамда мулкдорлар томонидан ишлаб чиқаришни (хизмат кўрсатишни) йўлга қўйиш орқали улардан самарали фойдаланишни таъминласинлар.

8. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов, Ўзбекистон Республикаси Бош вазирининг ўринбосари — молия вазири Ж.А. Қўчқоров ва Фарғона вилояти ҳокими Ш.М. Ғаниев зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2018 йил 18 июль,

548-сон

Вазирлар Маҳкамасининг 2018 йил 18 июлдаги 548-сон қарорига
ИЛОВА

Фарғона вилоятининг Ўзбекистон туманида 2018-2019 йилларда кафолатли иш ўринларини ташкил этиш ҳамда саноат, хизматлар соҳаси ва қишлоқ хўжалигини ривожлантириш лойиҳаларининг

МАНЗИЛЛИ РЎЙХАТИ

Т/р	Лойиҳа ташаббускори	Лойиҳанинг номи	Йиллик ишлаб чиқариш қуввати			Лойиҳанинг умумий қиймати, млн. сўм	Шу жумладан,		Кредит ажратувчи тижорат банки	Ишга тушириш муддати	Янги иш ўринлари
Т/р	Лойиҳа ташаббускори	Лойиҳанинг номи	ўлчов бирлиги	натура қийматида	млн. сўм	Лойиҳанинг умумий қиймати, млн. сўм	ўз маблағи	банк кредити	Кредит ажратувчи тижорат банки	Ишга тушириш муддати	Янги иш ўринлари
Жами — 49 та лойиҳа					750 160	276 857	99 102	177 755			1 667
1.	Саноат лойиҳалари (жами — 19 та лойиҳа)				727 230	237 975	80 915	157 060			1 434
2.	Хизмат кўрсатиш лойиҳалари (жами — 19 та лойиҳа)				8 670	19 957	4 547	15 410			88
3.	Қишлоқ хўжалиги лойиҳалари (жами — 11 та лойиҳа)				14 260	18 925	13 640	5 285			145
I. САНОАТ ЛОЙИҲАЛАРИ
1.	«Gloriya Textiles Yaypan» МЧЖ»	Замонавий технологиялар асосида болалар учун пайпоқ маҳсулотлари ишлаб чиқаришни ташкил этиш	минг дона	300	6 500	9 090	5 050	4 040	«Агро банк» АТБ	01.05.2019	30
2.	«Латифа текстил» хусусий корхонаси	Замонавий технологияларни жорий қилган ҳолда трикотаж (футболка ва аёллар ёзги кийимлари) маҳсулотлари ишлаб чиқаришни кенгайтириш	минг дона	180	540	300	150	150	«Ўзсаноатқурилишбанк» АТБ	01.12.2018	30
3.	«Oxunjon Valiyorjon Doniyorjon» ҚК	Маҳаллий хом ашёдан фойдаланиб хўжалик совуни ишлаб чиқаришни кенгайтириш	тонна	150	110	175	75	100	«Агро банк» АТБ	01.09.2018	2
4.	ЯТТ «Аъзамова Зилолахон Анваржон қизи»	Миллий пишириқларни ишлаб чиқаришни ташкил этиш	тонна	5	700	170	70	100	«Ўзсаноатқурилишбанк» АТБ	01.04.2019	5
5.	«Turon eco cement group» МЧЖ	Энергия тежамкор технологиялар асосида цемент маҳсулоти ишлаб чиқаришни ташкил этиш	минг тонна	600	300 000	76 900	2 900	74 000	«Алоқа банк» АТБ	01.12.2019	750
6.	«Albus build mix» хусусий корхонаси	Минерал хом ашёларни қайта ишлаш орқали гипс маҳсулоти ишлаб чиқаришни ташкил этиш	тонна	200	400	500	330	170	«Ипотека банк» АТИБ	01.12.2018	5
7.	«Brus qurilish trans montaj» МЧЖ	Минерал хом ашёларни қайта ишлаш орқали гипс маҳсулоти ишлаб чиқаришни ташкил этиш	тонна	100	2 000	5 000	1 000	4 000	«Мадад Инвест Банк» ХАТБ	01.12.2018	10
8.	«Яйпан Инвест Юнион» МЧЖ	Замонавий технологиялар асосида цемент маҳсулоти ишлаб чиқаришни ташкил қилиш	минг тонна	90	45 000	32 300	8 000	24 300	ТИФ «Миллийбанк»	01.10.2019	150
9.	«Конизар Қурилиш савдо» хусусий корхонаси	Замонавий технологиялар асосида янги кўринишдаги шифер маҳсулотлари ишлаб чиқаришни ташкил этиш	млн. дона	1	42 000	3 040	2 045	995	«Халқ банки» АТБ	01.12.2018	35
10.	«Яйпан қурилиш бунёдкор» МЧЖ	Оҳак ва гипс маҳсулотлари ишлаб чиқаришни кенгайтириш	минг тонна	3,3	1 000	1 000	500	500	«Ўзсаноатқурилишбанк» АТБ	01.12.2018	3
11.	«Great silk road servis» МЧЖ	Энергия тежамкор технологиялар асосида цемент маҳсулоти ишлаб чиқаришни ташкил этиш	минг тонна	300	150 000	42 130	22 395	19 735	«Асака» АТБ	01.05.2019	100
12.	«Қурилиш ашё сифат сервис» МЧЖ	Энергия тежамкор технологиялар асосида цемент маҳсулоти ишлаб чиқаришни ташкил этиш	минг тонна	72	38 000	20 000	17 000	3 000	«Ҳамкорбанк» АТБ	01.06.2019	100
13.	«Яйпан Гипс» МЧЖ	Замонавий технологиялар асосида кўмирдан фойдаланган ҳолда 30 кгли қоғоз пакетларда қадоқланган цемент ишлаб чиқаришни ташкил этиш	минг тонна	100	60 000	18 000	13 000	5 000	«Ўзсаноатқурилишбанк» АТБ	01.07.2019	60
14.	«Fayz Temir Beton Servis» МЧЖ	Энергия тежамкор технологиялар асосида гипсокартон маҳсулотлари ишлаб чиқаришни кенгайтириш	млн. кв.м.	1,9	12 100	5 500	1 500	4 000	«Мадад Инвест Банк» ХАТБ	01.12.2018	20
15.	«Яйпан Агроинвест» МЧЖ	Энергия тежамкор технологиялар асосида гипсокартон маҳсулотлари ишлаб чиқаришни кенгайтириш	млн. кв.м.	10	64 800	19 470	5 700	13 770	«Ипотека банк» АТИБ	01.06.2019	100
16.	«Қўқон йўл таъмир» МЧЖ	Оҳак ва гипс маҳсулотлари ишлаб чиқаришни ташкил этиш	минг тонна	16	2 600	1 350	350	1 000	«Ўзсаноатқурилишбанк» АТБ	01.03.2019	6
17.	«Geo-Bent» МЧЖ	Оҳак ва гипс маҳсулотлари ишлаб чиқаришни ташкил этиш	минг тонна	9	680	450	450		«Халқ банки» АТБ	30.08.2018	14
18.	«Ал имрон файз» МЧЖ	Тикувчилик махсулотлари ишлаб чиқариш				400	200	200	«Микрокредитбанк» АТБ	01.10.2018	10
19.	«Универсал савдо саховати» МЧЖ	Экспортбоп полепропилен қоплар ишлаб чиқаришни ташкил этиш	минг дона	4	800	2 200	200	2 000	ТИФ «Миллийбанк»	01.12.2018	4
Саноат соҳаси — 19 та лойиҳа					727 230	237 975	80 915	157 060	0		1 434
II. ХИЗМАТ КЎРСАТИШ ЛОЙИҲАЛАРИ
20.	«Умид» фермер хўжалиги	Музлатгич ва супермаркет ташкил этиш	млн. сўм		2 800	4 000	2 000	2 000	«Агро банк» АТБ	01.06.2019	30
21.	ЯТТ «Мирзаакбарова Дилшодахон Одиловна»	Маиший ва хўжалик моллари билан савдо қилиш шохобчасини ташкил этиш	млн. сўм		200	300	100	200	«Халқ банки» АТБ	01.12.2018	1
22.	«Dilyora Davr Shaxzodasi» хусусий корхонаси	Электрон тўлов хизматини ташкил этиш	млн. сўм		100	130	50	80	«Халқ банки» АТБ	01.12.2018	1
23.	«Фарм-Шифо» хусусий корхонаси	Дори-дармон воситалари савдо шохобчасини кенгайтириш	млн. сўм		100	190	100	90	«Халқ банки» АТБ	01.12.2018	1
24.	«Muhibillo» хусусий корхонаси	Дори-дармон воситалари савдо шохобчасини кенгайтириш	млн. сўм		630	192	92	100	«Халқ банки» АТБ	01.09.2018	3
25.	«Avaz Ayubhon» хусусий корхонаси	Аралаш моллар (ноозиқ-овқат) савдо шохобчаси ташкил этиш	млн. сўм		150	230	100	130	«Халқ банки» АТБ	01.12.2018	1
26.	«Powerful» хусусий корхонаси	Аралаш моллар (ноозиқ-овқат) савдо шохобчаси ташкил этиш	млн. сўм		300	600	150	450	«Халқ банки» АТБ	01.12.2018	2
27.	«Тўрақосимбой Яйпан» хусусий корхонаси	Автомобилларга газ (метан) қуйиш шохобчасини кенгайтириш	млн. сўм		200	400	100	300	«Халқ банки» АТБ	01.12.2018	1
28.	«Бозоров Ойбек Рахимович» хусусий корхонаси	Қурилиш ва хўжалик моллари савдо шохобчасини ташкил этиш	млн. сўм		300	600	200	400	«Халқ банки» АТБ	01.12.2018	1
29.	«Тожиматов Ёрқинжон Хаминович» хусусий корхонаси	Қурилиш ва хўжалик моллари савдо шохобчасини ташкил этиш	млн. сўм		400	250	100	150	«Халқ банки» АТБ	01.12.2018	1
30.	ЯТТ Жалилов Ғайрат	Қурилиш ва хўжалик моллари савдо шохобчасини ташкил этиш	млн. сўм		100	250	100	150	«Халқ банки» АТБ	01.12.2018	1
31.	«Marjona mebel» ҚК	Маиший ва хўжалик уй-жихозлари билан савдо қилиш хизматини ташкил этиш	млн. сўм		100	220	100	120	«Халқ банки» АТБ	01.12.2018	2
32.	«Яйпан Томорқа хизмати» МЧЖ	Аҳолига қишлоқ хўжалиги соҳасида томорқа хизматлари кўрсатишни ташкил этиш	млн. сўм		500	990	200	790	«Халқ банки» АТБ	01.12.2018	5
33.	«Геолог» хусусий фирмаси	Қишлоқ хўжалиги ерларини экинга тайёрлаш хизматини ташкил этиш (агротехника сотиб олиш)	млн. сўм		100	220	100	120	«Халқ банки» АТБ	01.12.2018	2
34.	ЯТТ «Эргашева Зиёдахон Исмоилжон қизи»	Аралаш моллар (ноозиқ-овқат) савдо шохобчаси ташкил этиш	млн. сўм		50	110	40	70	«Халқ банки» АТБ	01.12.2018	1
35.	«Соғлом Юрт Шифохонаси» хусусий корхонаси	Замонавий ускуналар асосида тиббий диагностика ва даволаш хизматини ташкил этиш	млн. сум		850	1 200	400	800	«Асака» АТБ	01.12.2018	20
36.	«Kumush rangli toshlar» МЧЖ	Қурилиш ишларида фойдаланиладиган техника (экскаватор) хизматини ташкил этиш	дона	1	350	915	400	515	«Агро банк» АТБ	01.09.2018	2
37.	«Мўтабархон Қодирова ЗИЁ» хусусий корхонаси	Болаларнинг ҳордиқ чиқаришлари учун атракцион ва кўнгил очар маскан ташкил қилиш	млн. сўм		150	320	150	170	«Агро банк» АТБ	01.10.2018	3
38.	«Yangiobod Mash Tex Servis» МЧЖ	Қишлоқ хўжалиги ерларини экинга тайёрлаш хизматини ташкил этиш (агротехника сотиб олиш)	дона	10	1 290	8 840	65	8 775	«Агро банк» АТБ	01.11.2018	10
Хизматлар соҳаси жами — 19 та лойиҳа					8 670	19 957	4 547	15 410	0		88
III. ҚИШЛОҚ ХЎЖАЛИГИ ЛОЙИҲАЛАРИ
39.	«Камолиддин ота каф» фермер хўжалиги	Наслли қорамол сотиб олиш орқали чорвачиликни кенгайтириш	бош	10	95	170	80	90	«Агро банк» АТБ	01.10.2018	3
40.	«Жўрахон Бузурукова Кайкуобод» фермер хўжалиги	Майда шохли моллар (қўй) сотиб олиш орқали чорвачиликни кенгайтириш	бош	100	250	700	400	300	«Агро банк» АТБ	30.11.2018	7
41.	«Хадичабегим Мадинабону» фермер хўжалиги	Майда шохли моллар (қўй) сотиб олиш орқали чорвачиликни ташкил этиш	бош	80	200	535	135	400	«Агро банк» АТБ	30.11.2018	8
42.	«Мухиддин Хасанбой Шамс» фермер хўжалиги	Майда шохли моллар (қўй) сотиб олиш орқали чорвачиликни ташкил этиш	бош	60	150	390	65	325	«Агро банк» АТБ	30,11,2018	4
43.	«Одилжон Мухаммадқодир» фермер хўжалиги	Наслли қорамол сотиб олиш орқали чорвачиликни ташкил этиш	бош	10	150	200	60	140	«Агро банк» АТБ	01.12.2018	5
44.	«Исаков Бахтиёржон чорваси» дехқон хўжалиги	Майда шохли моллар (қўй) сотиб олиш орқали чорвачиликни ташкил этиш	бош	90	225	600	350	250	«Халқ банки» АТБ	30.11.2018	2
45.	«Латифжон сара сигирлари» дехқон хўжалиги	Наслли қорамол сотиб олиш орқали чорвачиликни ташкил этиш	бош	20	300	250	130	120	«Ҳамкорбанк» АТБ	01.12.2018	3
46.	«Ўқчи наслли чорваси» дехқон хўжалиги	Наслли қорамол сотиб олиш орқали чорвачиликни ташкил этиш	бош	22	330	250	150	100	«Ўзсаноатқурилишбанк» АТБ	01.06.2019	3
47.	«Фаррухбек Нодираи Фирдавс» фермер хўжалиги	Наслли қорамол сотиб олиш орқали чорвачиликни ташкил этиш	бош	10	180	130	70	60	«Ҳамкорбанк» АТБ	01.12.2019	2
48.	Салоҳиятли тадбиркор («Асака» АТБ)	Бўстон ҚФЙ ҳудудида жойлашган собиқ паррандачилик фабрикаси негизида паррандачилик комплекси фаолиятини қайта ташкил этиш	тонна	750	12 000	15 000	12 000	3 000	«Асака» АТБ	01.12.2019	100
49.	«Мулла Абдуқодир» ФХ	Маҳаллий услубдаги иссиқхона ташкил этиш	га	0,75	380	700	200	500	«Агро банк» АТБ	01.03.2019	8
Қишлоқ хўжалиги соҳаси — 11 та лойиҳа					14 260	18 925	13 640	5 285			145

(Қонун ҳужжатлари маълумотлари миллий базаси, 18.07.2018 й., 09/18/548/1532-сон)