toggle_night_mode
Ўзбекистон Республикаси Вазирлар Маҳкамасининг
қарори
Олдинги таҳрирга қаранг.
Ўзбекистон Республикаси Қуролли Кучлари ҳарбийлари ва унинг таркибига кирувчи вазирлик ҳамда идораларнинг ходимлари фарзандларининг квота асосида республика олий таълим муассасаларига ўқишга кириши учун тавсияномалар бериш тартиби тўғрисидаги низомни тасдиқлаш ҳақида
(қарор номи Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
Олдинги таҳрирга қаранг.
Ўзбекистон Республикаси Президентининг «Ўзбекистон Республикаси Қуролли Кучлари ҳарбийлари ва унинг таркибига кирувчи вазирлик ҳамда идораларнинг ходимлари ва уларнинг оила аъзоларини ижтимоий қўллаб-қувватлашга оид қўшимча чора-тадбирлар тўғрисида» 2018 йил 14 майдаги ПҚ-3726-сон қарорига мувофиқ Вазирлар Маҳкамаси қарор қилади:
(муқаддима Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
Олдинги таҳрирга қаранг.
1. Ўзбекистон Республикаси Қуролли Кучлари ҳарбийлари ва унинг таркибига кирувчи вазирлик ҳамда идораларнинг ходимлари фарзандларининг квота асосида республика олий таълим муассасаларига ўқишга кириши учун тавсияномалар бериш тартиби тўғрисидаги низом иловага мувофиқ тасдиқлансин.
(1-банд Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
2. Белгилансинки, тавсияномалар қуйидагиларга:
Олдинги таҳрирга қаранг.
мамлакат мудофаа қудратини мустаҳкамлашга муносиб ҳисса қўшган, жанговар-хизматда ва илмий фаолиятда муайян натижаларга эришган Ўзбекистон Республикаси Қуролли Кучлари таркибига кирувчи вазирликлар (идоралар)нинг ҳақиқий хизматни ўтаётган офицерларига, сержантлар ва оддий аскарлар таркибига мансуб бўлган контракт бўйича ҳарбий хизматчиларга ва Миллий гвардия ходимларига — бевосита командирлари (бошлиқлари) тавсияномасига асосан улар фарзандларининг олий таълим муассасаларига ўқишга кириши учун;
(2-банднинг иккинчи хатбошиси Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
Олдинги таҳрирга қаранг.
ҳарбий хизмат мажбуриятини (хизмат мажбуриятини) бажариш чоғида ҳалок бўлган ҳамда ҳарбий хизмат мажбуриятини (хизмат мажбуриятини) бажариш чоғида ярадор бўлиши, контузия, шикастланиш ёки касалликлар оқибатида ногиронлиги бўлган шахс бўлиб қолган Ўзбекистон Республикаси Қуролли Кучлари таркибига кирувчи вазирликлар ва идораларнинг офицерлари, сержантлар ва оддий аскарлар таркибига мансуб бўлган контракт бўйича ҳарбий хизматчилари ва Миллий гвардия ходимларининг фарзандларига берилади.
(2-банднинг учинчи хатбошиси Ўзбекистон Республикаси Вазирлар Маҳкамасининг 2022 йил 8 февралдаги 62-сонли қарори таҳририда — Қонунчилик маълумотлари миллий базаси, 08.02.2022 й., 09/22/62/0111-сон)
Тавсияномалар бланкаларини тайёрлаш вазирликлар ва идоралар томонидан Ўзбекистон Республикаси Давлат бюджети параметрларида ҳар йили ушбу вазирликлар ва идоралар учун назарда тутиладиган маблағлар ҳисобига «Давлат белгиси» давлат-ишлаб чиқариш бирлашмасида амалга оширилади.
3. Ўзбекистон Республикаси Қуролли Кучлари таркибига кирувчи вазирликлар ва идоралар:
2018 йилда тавсияномалар бериш тадбирларини жорий йилнинг июнь ойида ушбу қарор билан тасдиқланаётган Низом талабларига мувофиқ амалга оширсинлар;
ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдухакимов ва Ўзбекистон Республикаси Мудофаа вазири А.А. Азизов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 22 июнь,
462-сон
Вазирлар Маҳкамасининг 2018 йил 22 июндаги 462-сон қарорига
ИЛОВА
Олдинги таҳрирга қаранг.
Ўзбекистон Республикаси Қуролли Кучлари ҳарбийлари ва унинг таркибига кирувчи вазирлик ҳамда идораларнинг ходимлари фарзандларининг квота асосида республика олий таълим муассасаларига ўқишга кириши учун тавсияномалар бериш тартиби тўғрисида
низом
(илова номи Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
1-боб. Умумий қоидалар
Олдинги таҳрирга қаранг.
1. Мазкур Низом Ўзбекистон Республикаси Қуролли Кучлари ҳарбийлари ва унинг таркибига кирувчи вазирлик ва идораларнинг ходимлари фарзандларининг квота асосида республика олий таълим муассасаларига ва олий ҳарбий таълим муассасаларига (кейинги ўринларда — олий таълим муассасалари деб аталади) ўқишга кириши учун тавсияномалар бериш тартибини белгилайди.
(1-банд Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
Олдинги таҳрирга қаранг.
2. Олий таълим муассасаларига ўқишга кириши учун тавсияномалар қуйидагиларга берилади:
мамлакат мудофаа қудратини мустаҳкамлашга салмоқли хисса қўшган, хизматдаги ҳарбий ва илмий фаолиятида маълум бир натижаларга эришган хақиқий хизматни ўтаётган офицерларга, сержантлар ва оддий аскарлар таркибига мансуб бўлган контракт бўйича ҳарбий хизматчиларга (кейинги ўринларда — ҳарбий хизматчилар деб аталади) ва Миллий гвардия ходимларига — уларнинг фарзандларининг олий таълим муассасаларига ўқишга кириши учун бевосита командирларнинг (бошлиқларнинг) тавсияси бўйича мазкур Низомнинг 1-иловасидаги шаклда;
Олдинги таҳрирга қаранг.
ҳарбий хизмат мажбуриятини (хизмат мажбуриятини) бажариш чоғида ҳалок бўлган ҳамда ҳарбий хизмат мажбуриятини (хизмат мажбуриятини) бажариш чоғида ярадор бўлиши, контузия, шикастланиш ёки касалликлар оқибатида ногиронлиги бўлган шахс бўлиб қолган Ўзбекистон Республикаси Қуролли Кучлари таркибига кирувчи вазирликлар ва идораларнинг офицер, сержант ва оддий аскарлар таркибига мансуб бўлган контракт бўйича ҳарбий хизматчиларнинг ва Миллий гвардия ходимларининг фарзандларига — мазкур Низомнинг 2-иловасидаги шаклда.
(2-банднинг учинчи хатбошиси Ўзбекистон Республикаси Вазирлар Маҳкамасининг 2022 йил 8 февралдаги 62-сонли қарори таҳририда — Қонунчилик маълумотлари миллий базаси, 08.02.2022 й., 09/22/62/0111-сон)
3. Тавсияномалар бланклари қатъий ҳисобда турувчи ҳужжат ҳисобланади, ҳисоб серияси, рақами ва ҳимояланганлик даражасига эга бўлади, «Давлат белгиси» давлат-ишлаб чиқариш бирлашмасида тайёрланади.
Олдинги таҳрирга қаранг.
4. Тавсияномалар мазкур Низомнинг 3-иловасидаги схема бўйича ҳарбий хизматчиларнинг ва Миллий гвардия ходимларининг фарзандларини Ўзбекистон Республикасининг битта олий таълим муассасасига бир марта кириши учун уч йилдан кўп бўлмаган муддатга берилади.
(4-банд Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
2-боб. Тавсияномаларни бериш тартиби
5. Тавсияномаларни бериш масаласини кўриб чиқиш учун Ўзбекистон Республикаси Қуролли Кучлари таркибига кирувчи вазирликларда (идораларда) вазирлик (идора) раҳбарининг тегишли масалалар бўйича ўринбосари раислигида комиссия тузилади.
Камида беш нафар раҳбар ходимлар ва ваколатли мутахассислардан иборат бўлган комиссия Ўзбекистон Республикаси Қуролли Кучлари таркибига кирувчи вазирлик (идора) раҳбарининг буйруғи билан тасдиқланади.
6. Ҳар йили март ойида Ўзбекистон Республикаси Қуролли Кучлари таркибига кирувчи тегишли вазирлик (идоралар) комиссияларида қуйидагилар кўриб чиқилади:
Олдинги таҳрирга қаранг.
ҳарбий хизматчилар ва Миллий гвардия ходимлари фарзандларининг олий ҳарбий таълим муассасаларига ўқишга кириши учун тавсияномалар бериш тўғрисидаги тавсиялари билан командирлар (бошлиқлар)нинг таклифлари;
(6-банднинг иккинчи хатбошиси Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
Олдинги таҳрирга қаранг.
ҳарбий хизмат мажбуриятини (хизмат мажбуриятини) бажариш чоғида ҳалок бўлган ҳамда ҳарбий хизмат мажбуриятини (хизмат мажбуриятини) бажариш чоғида ярадор бўлиши, контузия, шикастланиш ёки касалликлар оқибатида ногирон бўлиб қолган Ўзбекистон Республикаси Қуролли Кучлари таркибига кирувчи вазирлик ва идораларнинг офицер, сержант ва оддий аскарлар таркибига мансуб бўлган контракт бўйича ҳарбий хизматчиларининг ва Миллий гвардия ходимларининг фарзандлари рўйхатлари.
(6-банднинг учинчи хатбошиси Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
7. Командир (бошлиқ)лар комиссияга кўриб чиқиш учун қуйидаги ҳужжатларни тақдим этади
Олдинги таҳрирга қаранг.
а) ҳарбий хизматчига (Миллий гвардия ходимига):
(7-банд «а» кичик бандининг биринчи хатбошиси Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
бевосита командир (бошлиқ)нинг тавсияномаси;
маълумотнома-объективка;
биографик маълумотлар;
хизмат фаолияти натижалари бўйича батафсил ҳисобот;
Олдинги таҳрирга қаранг.
ҳарбий хизматчи (Миллий гвардия ходими) фарзандининг паспорти ва туғилганлик ҳақидаги гувоҳномаси нусхалари;
(7-банд «а» кичик бандининг олтинчи хатбошиси Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
Олдинги таҳрирга қаранг.
б) ҳалок бўлган ҳарбий хизматчига (Миллий гвардия ходимига):
(7-банд «б» кичик бандининг биринчи хатбошиси Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
вазирлик (идора) ҳудудий органи, мудофаа ишлари бошқармаси бошлиғининг тавсияномаси;
Олдинги таҳрирга қаранг.
ҳарбий хизматчи (Миллий гвардия ходими) ҳарбий хизмат мажбуриятини (хизмат мажбуриятини) бажариш чоғида ҳалок бўлганлиги тўғрисида вазирлик (идора) раҳбарининг буйруғидан кўчирма;
(7-банд «б» кичик бандининг учинчи хатбошиси Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
Олдинги таҳрирга қаранг.
ҳарбий хизматчининг (Миллий гвардия ходимининг) ўлими ҳақидаги гувоҳномадан нусха;
(7-банд «б» кичик бандининг тўртинчи хатбошиси Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
Олдинги таҳрирга қаранг.
ҳалок бўлган ҳарбий хизматчи (Миллий гвардия ходими) фарзандининг паспорти ва туғилганлик ҳақидаги гувоҳномаси нусхалари;
(7-банд «б» кичик бандининг бешинчи хатбошиси Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
Олдинги таҳрирга қаранг.
в) ҳарбий хизмат мажбуриятини (хизмат мажбуриятини) бажариш чоғида ярадор бўлиши, контузия, шикастланиш ёки касалликлар оқибатида ногирон бўлиб қолган ҳарбий хизматчига (Миллий гвардия ходимига):
вазирлик (идора) худудий органи, мудофаа ишлари бошқармаси бошлиғининг тавсияномаси;
Олдинги таҳрирга қаранг.
тиббий-ижтимоий эксперт комиссияси томонидан берилган ҳарбий хизматчининг (Миллий гвардия ходимининг) ногиронлиги ҳақидаги маълумотнома;
(7-банднинг «в» кичик банди учинчи хатбошиси Ўзбекистон Республикаси Вазирлар Маҳкамасининг 2022 йил 8 февралдаги 62-сонли қарори таҳририда — Қонунчилик маълумотлари миллий базаси, 08.02.2022 й., 09/22/62/0111-сон)
ярадор бўлиши, контузия, шикастланиш ёки касалликлар бўйича ҳарбий-тиббий экспертиза ўтказадиган муассасанинг хулосаси;
ҳарбий хизматчи (Миллий гвардия ходими) фарзандининг паспорти ва туғилганлик ҳақидаги гувоҳномаси нусхалари.
Мазкур бандда назарда тутилмаган ҳужжатларни тақдим этишни талаб қилиш тақиқланади.
(7-банднинг «в» кичик банди Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
8. Ҳужжатлар Ўзбекистон Республикаси Қуролли Кучлари таркибига кирувчи вазирликлар (идоралар)нинг комиссияларига кўриб чиқиш учун ҳар йили 15 мартгача тақдим этилади.
Олдинги таҳрирга қаранг.
9. Ўзбекистон Республикаси Қуролли Кучлари таркибига кирувчи вазирликлар (идоралар)нинг комиссиялари ҳарбий хизматчилар (Миллий гвардия ходимлари) тақдим этган ҳужжатларни ҳар йили 1 апрелгача кўриб чиқади. Бунда мамлакат мудофаа қудратини мустаҳкамлашга салмоқли хисса қўшган, хизматдаги ҳарбий ва илмий фаолиятида маълум бир натижаларга эришган ҳарбий хизматчиларга (Миллий гвардия ходимларига) алоҳида эътибор қаратилади.
(9-банд Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
Олдинги таҳрирга қаранг.
10. Тавсиянома олган ҳарбий хизматчиларнинг (Миллий гвардия ходимларининг) рўйхатлари Ўзбекистон Республикаси Қуролли Кучлари таркибига кирувчи тегишли вазирлик (идора) раҳбарининг буйруғи билан тасдиқланади.
(10-банд Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
Олдинги таҳрирга қаранг.
11. Ўзбекистон Республикаси Куролли Кучлари таркибига кирувчи вазирликлар (идоралар) Ўзбекистон Республикаси таълим муассасаларига ўқишга қабул қилиш бўйича Давлат комиссиясига мазкур Низомда кўзда тутилган тартибда олий таълим муассасаларига ўқишга кириш учун тавсияномалар берилган, ҳарбий хизмат мажбуриятини (хизмат мажбуриятини) бажариш чоғида ҳалок бўлган ҳамда ҳарбий хизмат мажбуриятини (хизмат мажбуриятини) бажариш чоғида ярадор бўлиши, контузия, шикастланиш ёки касалликлар оқибатида ногирон бўлиб қолган ҳарбий хизматчилар (Миллий гвардия ходимлари) фарзандларининг рўйхатларини ҳар йили 1 майгача мазкур Низомнинг 4-иловасида келтирилган шаклда юборадилар
(11-банд Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
3-боб. Якунловчи қоидалар
Олдинги таҳрирга қаранг.
12. Комиссиянинг ҳаракатлари юзасидан қонунчиликда белгиланган тартибда шикоят қилиниши мумкин.
(12-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
13. Мазкур Низом талаблари бузилишида айбдор бўлган шахслар қонунчиликка мувофиқ жавобгарликка тортилади.
Олдинги таҳрирга қаранг.
Ўзбекистон Республикаси Қуролли Кучлари ҳарбийлари ва унинг таркибига кирувчи вазирлик ҳамда идораларнинг ходимлари фарзандларининг квота асосида республика олий таълим муассасаларига ўқишга кириши учун тавсияномалар бериш тартиби тўғрисидаги низомга
1-ИЛОВА
ТАВСИЯНОМА БЛАНКАСИНИНГ ШАКЛИ
(1-илова Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
Олдинги таҳрирга қаранг.
Ўзбекистон Республикаси Қуролли Кучлари ҳарбийлари ва унинг таркибига кирувчи вазирлик ҳамда идораларнинг ходимлари фарзандларининг квота асосида республика олий таълим муассасаларига ўқишга кириши учун тавсияномалар бериш тартиби тўғрисидаги низомга
2-ИЛОВА
ТАВСИЯНОМА БЛАНКАСИНИНГ ШАКЛИ
(2-илова Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)
Олдинги таҳрирга қаранг.
Ўзбекистон Республикаси Қуролли Кучлари ҳарбийлари ва унинг таркибига кирувчи вазирлик ҳамда идораларнинг ходимлари фарзандларининг квота асосида республика олий таълим муассасаларига ўқишга кириши учун тавсияномалар бериш тартиби тўғрисидаги низомга
3-ИЛОВА
Ўзбекистон Республикаси Қуролли Кучлари ҳарбийлари ва унинг таркибига кирувчи вазирлик ҳамда идораларнинг ходимлари фарзандларининг квота асосида республика олий таълим муассасаларига ўқишга кириши учун тавсияномалар бериш
СХЕМАСИ
Олдинги таҳрирга қаранг.

Босқичлар

Амалга ошириш механизми

Субъект

Бажариш муддати


I-босқич

1. Вазирлик (идора) раҳбарининг тавсиянома бериш масалаларини кўриб чиқиш бўйича комиссия тузиш тўғрисидаги буйруғини чиқариш.

2. Комиссия қуйидагиларни кўриб чиқади:

ҳарбий хизматчи ва ходимлар фарзандларининг олий ҳарбий таълим муассасаларига ўқишга кириши учун тавсиянома бериш тўғрисидаги тавсиялар билан командирлар (бошлиқлар)нинг таклифлари;

ҳарбий хизмат мажбуриятини (хизмат мажбуриятини) бажариш чоғида ҳалок бўлган ҳамда ҳарбий хизмат мажбуриятини (хизмат мажбуриятини) бажариш чоғида ярадор бўлиши, контузия, шикастланиш ёки касалликлар оқибатида ногиронлиги бўлган шахс бўлиб қолган Ўзбекистон Республикаси Қуролли Кучлари таркибига кирувчи вазирлик ва идораларнинг офицер, сержант ва оддий аскарлар таркибига мансуб бўлган контракт бўйича ҳарбий хизматчиларнинг ва Миллий гвардия ходимларининг фарзандлари рўйхатлари.

Вазирликлар

(идоралар)

Ҳар йили

10 мартгача


II-босқич

Командир (бошлиқ)лар комиссияга кўриб чиқиш учун қуйидаги ҳужжатларни тақдим этади:

а) ҳарбий хизматчига (Миллий гвардия ходимига):

бевосита командир (бошлиқ)нинг тавсиясияномаси; маълумотнома-объективка; биографик маълумотлар; хизмат фаолияти натижалари бўйича батафсил ҳисобот; ҳарбий хизматчи (Миллий гвардия ходими) фарзандининг паспорти ва туғилганлик ҳақидаги гувоҳномаси нусхалари;

б) ҳалок бўлган ҳарбий хизматчига (Миллий гвардия ходимига):

вазирлик (идора) ҳудудий органи, мудофаа ишлари бошқармаси бошлиғининг тавсияномаси; ҳарбий хизматчи (Миллий гвардия ходими) ҳарбий хизмат мажбуриятини (хизмат мажбуриятини) бажариш чоғида ҳалок бўлганлиги тўғрисида вазирлик (идора) раҳбарининг буйруғидан кўчирма; ҳарбий хизматчи (Миллий гвардия ходими)нинг ўлими хақидаги гувоҳномадан нусха; ҳалок бўлган ҳарбий хизматчи (Миллий гвардия ходими) фарзандининг паспорти ва туғилганлик ҳақидаги гувоҳномаси нусхалари;

в) ҳарбий хизмат мажбуриятини (хизмат мажбуриятини) бажариш чоғида ярадор бўлиши, контузия, шикастланиш ёки касалликлар оқибатида ногиронлиги бўлган шахс бўлиб қолган ҳарбий хизматчига (Миллий гвардия ходимига):

вазирлик (идора) ҳудудий органи, мудофаа ишлари бошқармаси бошлиғининг тавсияномаси; тиббий-меҳнат эксперт комиссияси томонидан берилган ҳарбий хизматчининг (Миллий гвардия ходимининг) ногиронлиги хақидаги маълумотнома; ярадор бўлиши, контузия, шикастланиш ёки касалликлар бўйича ҳарбий-тиббий экспертиза ўтказадиган муассасанинг хулосаси; ҳарбий хизматчи (Миллий гвардия ходими) фарзандининг паспорти ва туғилганлик хақидаги гувоҳномаси нусхалари.

Ҳарбий қисмлар ва муассасалар командирлари (бошлиқлари)

Ҳар йили

15 мартгача


III-босқич

1. Комиссия тақдим этилган ҳужжатларни кўриб чиқади. (Мамлакат мудофаа қудратини мустаҳкамлашга салмоқли хисса қўшган, хизматдаги ҳарбий ва илмий фаолиятида маълум бир натижаларга эришган ҳарбий хизматчиларга (Миллий гвардия ходимларига) алоҳида эътибор қаратилади).

2. Кўриб чиқиш якунлари бўйича баённома тузилади, у комиссия раиси томонидан тасдиқланади.

Вазирликлар (идоралар) комиссияларининг раислари

Ҳар йили

1 апрелгача

IV-босқич

1. Вазирлик (идора) тегишли раҳбарининг буйруғи чиқарилади.

2. Ҳарбий хизматчи ва Миллий гвардия ходимлари фарзандларининг республика олий таълим муассасаларига ўқишга кириши учун тавсияномалар берилади.

3. Ҳарбий хизмат мажбуриятини (хизмат мажбуриятини) бажариш чоғида ҳалок бўлган ҳамда ҳарбий хизмат мажбуриятини (хизмат мажбуриятини) бажариш чоғида ярадор бўлиши, контузия, шикастланиш ёки касалликлар оқибатида ногиронлиги бўлган шахс бўлиб қолган ҳарбий хизматчиларнинг (Миллий гвардия ходимларининг) ушбу Низомда назарда тутилган тартибда таълим муассасаларига ўқишга кириш учун тавсияномаларга эга бўлган фарзандлари рўйхатлари Давлат комиссиясига юборилади.

Вазирликлар (идоралар) раҳбарлари, ҳарбий қисмлар ва муассасалар командирлари (бошлиқлари)

Ҳар йили

1 майгача


V-босқич

Давлат комиссияси ҳарбий хизмат мажбуриятини (хизмат мажбуриятини) бажариш чоғида ҳалок бўлган ҳамда ҳарбий хизмат мажбуриятини (хизмат мажбуриятини) бажариш чоғида ярадор бўлиши, контузия, шикастланиш ёки касалликлар оқибатида ногиронлиги бўлган шахс бўлиб қолган ҳарбий хизматчиларнинг (Миллий гвардия ходимларининг) ушбу Низомда назарда тутилган тартибда олий таълим муассасаларига ўқишга кириши учун тавсияномалар берилган фарзандлари рўйхатларини кўриб чиқади.

Давлат комиссияси (таълим муассасалари бўйича АТД) ишчи органи

Ҳар йили

15 июнгача

(3-илова Ўзбекистон Республикаси Вазирлар Маҳкамасининг 2022 йил 8 февралдаги 62-сонли қарори таҳририда — Қонунчилик маълумотлари миллий базаси, 08.02.2022 й., 09/22/62/0111-сон)
Олдинги таҳрирга қаранг.
Ўзбекистон Республикаси Қуролли Кучлари ҳарбийлари ва унинг таркибига кирувчи вазирлик ҳамда идораларнинг ходимлари фарзандларининг квота асосида республика олий таълим муассасаларига ўқишга кириши учун тавсияномалар бериш тартиби тўғрисидаги низомга
4-ИЛОВА
Ҳарбий хизмат мажбуриятини (хизмат мажбуриятини) бажариш чоғида ҳалок бўлган, ярадор бўлиши, контузия, шикастланиш натижасида ногирон бўлиб қолган ҳарбий хизматчи ва ходимларнинг республика олий таълим муассасаларига ўқишга кириш учун тавсияномага эга бўлган фарзандларининг
РЎЙХАТИ

Т/р

Абитуриентнинг (номзоднинг) фамилияси, исми, отасининг исми

Абитуриент (номзод) паспортининг (гувоҳномасининг) серияси ва рақами

Қайси вазирлик (идора) вакили

Таълимнинг режалаштирилаётган йўналиши

Тавсиянома рақами

Изоҳ

1.

2.

(4-илова Ўзбекистон Республикаси Вазирлар Маҳкамасининг 2020 йил 10 августдаги 470-сонли қарори таҳририда — Қонун ҳужжатлари маълумотлари миллий базаси, 10.08.2020 й., 09/20/470/1149-сон)

(Қонун ҳужжатлари маълумотлари миллий базаси, 25.06.2018 й., 09/18/462/1383-сон; 10.08.2020 й., 09/20/470/1149-сон; Қонунчилик маълумотлари миллий базаси, 08.02.2022 й., 09/22/62/0111-сон, 05.04.2022 й., 09/22/153/0266-сон)