Ўзбекистон Республикасининг «Ўзбекистон Республикасининг Марказий банки тўғрисида»ги, «Микрокредит ташкилотлари тўғрисида»ги, «Фаолиятнинг айрим турларини лицензиялаш тўғрисида»ги қонунлари ва Ўзбекистон Республикаси Президентининг 2018 йил 9 январдаги ПФ-5296-сон «Ўзбекистон Республикаси Марказий банкининг фаолиятини тубдан такомиллаштириш чора-тадбирлари тўғрисида»ги Фармони ва 2018 йил 23 мартдаги ПҚ-3620-сон «Банк хизматлари оммабоплигини ошириш бўйича қўшимча чора-тадбирлар тўғрисида»ги қарорига мувофиқ Ўзбекистон Республикаси Марказий банки Бошқаруви қарор қилади:

1. Ўзбекистон Республикаси Марказий банки Бошқарувининг 2010 йил 23 январдаги 3/5-сон қарори (рўйхат рақами 2093, 2010 йил 13 апрель) (Ўзбекистон Республикаси қонун ҳужжатлари тўплами, 2010 й., 14-15-сон, 116-модда) билан тасдиқланган Микрокредит ташкилотлари фаолиятини лицензиялаш тартиби тўғрисидаги низомга иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

1. 1-банднинг тўртинчи хатбошиси қуйидаги таҳрирда баён этилсин:

«Қўмита — Ўзбекистон Республикаси Марказий банкининг Банк назорати қўмитаси».

2. 18-банддаги «комиссияга» деган сўз «Қўмитага» деган сўз билан алмаштирилсин.

3. 36-банд қуйидаги таҳрирда баён этилсин:

«36. Микрокредит ташкилоти филиал ташкил қилиш учун:

«қониқарли молиявий ҳолатга эга бўлиши;

микрокредит ташкилоти кунлик жамлама бухгалтерия балансини тузиш учун керакли дастурий-техник воситаларга ҳамда малакали бухгалтерия ходимларига эга бўлиши;

Марказий банк талабларига жавоб берадиган тегишли хоналар ва ускуналарга эга бўлиши лозим (нақд пул ва қимматликлар билан фаолият кўрсатиши кўзда тутилган тақдирда).».

4. 37-бандда:

учинчи хатбоши қуйидаги таҳрирда баён этилсин:

«тўлов муддати 30 кундан ортиқ кечиктирилган муддати ўтган кредитларнинг суммаси охирги 6 ой давомида микрокредит ташкилоти кредит портфелининг 5% дан кам миқдорини ташкил этганда;»;

тўртинчи хатбоши чиқариб ташлансин.

5. 38-банд қуйидаги таҳрирда баён этилсин:

«Микрокредит ташкилоти филиалини ташкил этиш ва Марказий банкда ҳисобга қўйиш учун Марказий банкка қуйидаги ҳужжатлар тақдим этилади:

иқтисодий асослаб берилган ҳолда мазкур филиални ташкил этиш тўғрисидаги ариза;

филиални ташкил этиш тўғрисидаги микрокредит ташкилоти бошқарув органининг қарори;

филиал раҳбари лавозимига кўрсатилган номзод тўғрисидаги маълумот;

филиал касса хоналарининг техник жиҳатдан мустаҳкамланганлиги ва қўриқлаш-ёнғиндан сақлаш сигнализация воситалари билан жиҳозланганлиги бўйича Марказий банк тегишли ҳудудий бошқармасининг хулосаси (нақд пул ва қимматликлар билан фаолият кўрсатиши кўзда тутилган тақдирда).».

6. 40-бандда:

«комиссияга» деган сўз «Қўмитага» деган сўз билан алмаштирилсин;

учинчи жумла чиқариб ташлансин.