105-сон 10.02.2018. Республикада соя етиштириш ҳажмларини янада кўпайтириш чора-тадбирлари тўғрисида

Ҳужжат кучини йўқотган 01.09.2024

Ўзбекистон Республикаси Вазирлар Маҳкамасининг

қарори

Республикада соя етиштириш ҳажмларини янада кўпайтириш чора-тадбирлари тўғрисида

LexUZ шарҳи

Мазкур қарор Ўзбекистон Республикаси Вазирлар Маҳкамасининг 2024 йил 6 майдаги 266-сонли «Ўзбекистон Республикаси Ҳукуматининг айрим қарорларини ўз кучини йўқотган деб ҳисоблаш тўғрисида»ги қарорига асосан 2024 йил 1 сентябрдан ўз кучини йўқотади.

Сўнгги йилларда республикада ноанъанавий қишлоқ хўжалиги экинларини жойлаштириш ва етиштиришга алоҳида эътибор қаратилмоқда. Жумладан, 2017 йилда республикада биринчи марта 12 минг гектардан ортиқ майдонга соя экилиб, 14 минг тонна соя дони етиштирилди ва ушбу хом ашёни қайта ишлаш ҳисобига аҳолига 2 минг тоннадан ортиқ соя ёғи, паррандачилик корхоналарига 10 минг тонна юқори озуқали соя шроти етказиб берилди.

Шу билан бирга, 2017 йилда соя етиштиришда бир қатор камчиликларга йўл қўйилди. Хусусан:

Ўзбекистон Республикаси Қишлоқ ва сув хўжалиги вазирлиги, Ўзбекистон қишлоқ хўжалиги илмий-ишлаб чиқариш маркази томонидан соянинг янги навларини яратиш, бирламчи уруғчилигини ташкил этиш, илмий тавсияларни ишлаб чиқишда селекционерлар, уруғчи-олимлар ва соҳа мутахассисларини кенг жалб қилиш ишлари қониқарсиз тарзда амалга оширилган. Шунингдек, соя етиштирувчи фермер хўжаликлари билан илмий муассасалар ва олимлар ўртасида узвий ҳамкорлик йўлга қўйилмаган;

Қорақалпоғистон Республикаси Вазирлар Кенгаши, вилоятлар ва туманлар ҳокимликлари томонидан соя экинини илмий асосланган ҳолда жойлаштиришга эътибор берилмаган, соя экиш учун ер унумдорлиги паст, сув билан етарли даражада таъминланмаган майдонлар ажратилган, агротехника тадбирларини ўз вақтида ва сифатли ўтказиш ташкил этилмаган;

«Ўзпахтаёғ» АЖ ва унинг таркибидаги ёғ-мой корхоналари томонидан соя етиштирувчи хўжаликлар билан ёғ-мой корхоналари ўртасида контрактация шартномаларини тузиш ишлари тўлиқ ташкил этилмаган ҳамда зарур миқдорда уруғлик етказиб берилмаган. Шунингдек, айрим ёғ-мой корхоналари томонидан соя етиштириш ва агротехника тадбирларини ўтказиш учун аванс маблағлари ўз вақтида ажратилмаган ҳамда соя уруғи фермер хўжаликларига етарли ҳажмда етказиб берилмаган. Натижада, 2017 йилда республикада асосий майдонларда экилган соянинг ўртача ҳосилдорлиги гектаридан 16 центнерни, такрорий майдонларда эса гектаридан атиги 5,9 центнерни ташкил этган.

Юқоридагиларни инобатга олиб ҳамда республикада соя экини майдонларини янада кенгайтириш, серҳосил ва эртапишар соя навларини яратиш, бирламчи уруғчиликни ташкил этиш, соя етиштиришда янги замонавий агротехнологияларни қўллаш, аҳолининг соя ёғига бўлган эҳтиёжини таъминлаш, паррандачилик корхоналарига соя шроти маҳсулотини етказиб бериш ҳамда Ўзбекистон Республикаси Президентининг «2017 — 2021 йилларда республикада соя экишни кўпайтириш ва соя дуккакли экинларини ўстиришни ташкил этиш чора-тадбирлари тўғрисида» 2017 йил 14 мартдаги ПҚ-2832-сон қарори ижросини таъминлаш мақсадида Вазирлар Маҳкамаси қарор қилади:

1. 2017 йилда соя етиштиришда камчиликларга йўл қўйган:

а) соя экинини илмий асосланган ҳолда жойлаштиришга эътибор берилмаганлиги, соянинг янги навларини яратиш, бирламчи уруғчилигини ташкил этиш, уни етиштириш бўйича илмий тавсияларни ишлаб чиқиш йўналишида илмий муассасалар фаолияти қониқарсиз ташкил этилганлиги учун Ўзбекистон қишлоқ хўжалиги илмий-ишлаб чиқариш маркази директори Б. Холиқовга ҳамда Дон ва дуккакли экинлар илмий-тадқиқот институти директори Р. Сиддиқовга «ҳайфсан» эълон қилинсин;

б) «Ўзпахтаёғ» АЖ (Салихов) томонидан ёғ-мой корхоналарида соя етиштирувчи хўжаликлар билан контрактация шартномаларини тузиш ишлари тўлиқ ташкил этилмаганлиги, хўжаликларга зарур миқдорда уруғлик етказиб берилмаганлиги, соя етиштириш ва агротехника тадбирларини ўтказиш учун аванс маблағлари ўз вақтида ажратилмаганлиги ва бу борада тизимли назорат ўрнатилмаганлиги учун «Ўзпахтаёғ» АЖнинг Ишлаб чиқариш ва инвестициялар бўйича директори Ғ. Пардаевга ҳамда тизимдаги ёғ-мой корхоналари — «Сурхонозиқовқатсаноати» АЖ (Нурматов), «Гулистон ёғ экстракт» АЖ (Алланазаров), «Агрохизмат Шиндонг» МЧЖ (Раджабов), «Тошкент ёғ-мой комбинати» АЖ (Розиқов) раҳбарларига «ҳайфсан» интизомий жазо чораси эълон қилиш масаласи кўриб чиқилсин;

в) ер унумдорлиги паст, сув билан етарли даражада таъминланмаган майдонларда соя экини жойлаштирилиши натижасида белгиланган ҳосил олинмаганлиги, сояни етиштиришда агротехника тадбирларини ўз вақтида ва сифатли ўтказиш таъминланмаганлиги бўйича камчиликларга йўл қўйилганлиги Андижон (Абдурахмонов), Бухоро (Барноев), Навоий (Турсунов), Наманган (Бозоров), Сирдарё (Мирзаев), Тошкент (Ибрагимов), Хоразм (Собиров) вилоятлари ҳокимларига, Қўрғонтепа (Эргашев), Шофиркон (Турсунов), Хатирчи (Алиев), Гулистон (Ибодуллаев), Бекобод (Исроилов), Шовот (Атахонов), Зарбдор (Анқаев), Узун (Норматов), Поп (Султонов), Данғара (Абдусаломов) туманлари ҳокимларига кўрсатиб ўтилсин;

2018 йилда соя етиштириш прогноз кўрсаткичлари бажарилиши таъминланмаган тақдирда юқорида қайд этилган раҳбарлар уларга нисбатан вазифасидан озод қилишгача бўлган интизомий жазо чоралари кўрилиши тўғрисида қатъий огоҳлантирилсин.

2. Қуйидагилар:

2018 йил ҳосили учун асосий майдонларда соя экинини навлар бўйича жойлаштириш 1-иловага мувофиқ;

2018 йилда соя дони етиштириш учун талаб этиладиган аванс маблағлари, ёқилғи-мойлаш маҳсулотлари ва минерал ўғитлар ҳажми 2-иловага мувофиқ;

соя уруғлиги етиштиришга ихтисослаштирилган уруғчилик фермер хўжаликлари 3-иловага мувофиқ тасдиқлансин.

3. Қорақалпоғистон Республикаси Вазирлар Кенгаши, вилоятлар ва туманлар ҳокимликларига:

бир ой муддатда мазкур қарорга 1-иловада келтирилган соя экини экиладиган майдонларни фермер хўжаликлари ва контурлар (энг камида 5 гектар ва сув билан таъминланган майдон) бўйича жойлаштириш;

«Ўзпахтаёғ» АЖ тизимидаги ёғ-мой корхоналари билан соя етиштирувчи фермер хўжаликлари ўртасида контрактация шартномалари тузилишини ташкил этиш;

сояни оптимал муддатларда экиш, парвариш қилиш, соя ҳосилини ташкилий равишда ўриб-йиғиб олиш тадбирларининг ўз вақтида ва сифатли ўтказилишини таъминлаш вазифалари юклансин.

Қорақалпоғистон Республикаси Вазирлар Кенгаши Раисига, вилоятлар ва туманлар ҳокимларига соя экинини тўлиқ ҳажмларда экиш, ўз вақтида ва сифатли парвариш қилиш ҳамда мўлжалланган ҳосилни йиғиб олиш масалаларининг назорат қилиниши юзасидан шахсий масъулият юклансин.

4. 2018 йил ҳосили учун асосий майдонларда соя экинини жойлаштириш, етиштириш ва доимий мониторинг олиб бориш бўйича республика ишчи гуруҳи таркиби (кейинги ўринда Республика ишчи гуруҳи деб аталади) 4-иловага мувофиқ тасдиқлансин.

Республика ишчи гуруҳи (З.Т. Мирзаев):

ҳудудларнинг тупроқ-иқлим шароитларига мос равишда сув таъминоти яхши бўлган, унумдор ер майдонларига соя экинини жойлаштиришда;

фермер хўжаликларига ёғ-мой корхоналари томонидан аванс маблағларини ўз вақтида ажратиш, уруғлик, минерал ўғит, ёқилғи-мойлаш материаллари, кимёвий воситаларни етказиб бериш, агротехника тадбирлари муддатида, сифатли ўтказилишини ташкил этиш, етиштирилган маҳсулотларни белгиланган нархларда харид қилиш ва якуний ҳисоб-китобларни амалга оширишда;

соя етиштирувчи ривожланган давлатлар билан ўзаро ҳамкорликни йўлга қўйиш, янги замонавий технологияларни жорий этиш, соя етиштирувчи фермер хўжаликлари ва соҳа мутахассислари малакасини доимий равишда ошириб боришни ташкил этишда амалий ёрдам берилишини таъминласин.

5. Қишлоқ ва сув хўжалиги вазирлиги, Ўзбекистон қишлоқ хўжалиги илмий-ишлаб чиқариш маркази ҳудудларнинг иқлим шароитларига мос, серҳосил, касаллик ва зараркунандаларга чидамли соя уруғлигини хорижий мамлакатлардан олиб келиш юзасидан соя навлари ва талаб этиладиган ҳажми бўйича «Ўзпахтаёғ» АЖга ўз таклифларини 20 кун муддатда киритсинлар.

6. Ўзбекистон Республикаси Фанлар академиясининг Микробиология институти бир ой муддатда маҳаллий тупроқ-иқлим шароитида соя уруғларига ишлов берадиган биопрепаратлар ишлаб чиқаришни ташкил этсин.

7. «Ўзпахтаёғ» АЖ, Қишлоқ ва сув хўжалиги вазирлиги, Адлия вазирлиги, Қорақалпоғистон Республикаси Вазирлар Кенгаши, вилоятлар ҳамда туманлар ҳокимликларининг:

2018 йил 1 апрелгача соя етиштирувчи фермер хўжаликлари ва буюртмачилар ўртасида тузилган контрактация шартномаларини рўйхатдан ўтказиш ва соя етиштирувчи хўжаликларга юқори сифатли уруғликларни сертификатланган ҳолда аванс маблағи ҳисобидан етказиб берилишини таъминлаш;

соя етиштирувчи фермер хўжаликлари «Ўзпахтаёғ» АЖ тизимидаги ёғ-мой корхоналари ўртасида тузилган контрактация шартномаларига мувофиқ маҳсулот етиштирувчиларга агротехника тадбирларини ўтказиш учун бериладиган соя уруғлигини ҳисобга олган ҳолда шартнома қийматининг 50 фоизидан кам бўлмаган миқдорда аванс маблағларини босқичма-босқич тўлаб бериш чораларини кўриш;

«Ўзпахтаёғ» АЖнинг ижро этувчи аппарати бошқарув ходимларининг чекланган сони доирасида ёғ-мой корхоналари илмий-техника марказлари фаолиятини мувофиқлаштириш ҳамда хом ашё базасини ривожлантириш бўлимини, шунингдек, тизимдаги барча ёғ-мой корхоналарида мутахассис агроном лавозимини жорий этиш ҳақидаги таклифларига розилик берилсин.

8. Тижорат банкларига, Қорақалпоғистон Республикаси Вазирлар Кенгаши ва вилоятлар ҳокимликларига бир ой муддатда «Ўзпахтаёғ» АЖ тизимидаги ёғ-мой корхоналарига соя етиштирувчиларни аванс бериш учун зарур бўладиган кредитларни белгиланган тартибда ажратиш тавсия этилсин.

Белгилаб қўйилсинки, сояни экиш ва парвариш қилиш ишлари фермер хўжаликларига ушбу мақсадлар учун очилган махсус ҳисоб рақами орқали амалга оширилади.

9. Ўзбекистон Республикаси Ер ресурслари, геодезия, картография ва давлат кадастри давлат қўмитаси 2018 йил 15 майгача, ҳудудий бошқармаларни жалб этган ҳолда, соя экилган майдонларни назорат ўлчовидан ўтказсин ва амалга оширилган ишлар юзасидан Вазирлар Маҳкамасига ахборот берсин.

10. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — қишлоқ ва сув хўжалиги вазири З.Т. Мирзаев зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2018 йил 10 февраль,

105-сон

Вазирлар Маҳкамасининг 2018 йил 10 февралдаги 105-сон қарорига
1-ИЛОВА

2018 йил ҳосили учун асосий майдонларда соя экинини навлар бўйича жойлаштириш

Т/р	Ҳудудлар ва ёғ-мой корхоналарининг номи	Экин майдони, га	Селекция навлари, га
Т/р	Ҳудудлар ва ёғ-мой корхоналарининг номи	Экин майдони, га	Селекта 302	Нафис	Ўзбек-6	Барака
	Қорақалпоғистон Республикаси	1500	1500	-	-	-
	*«Турон Хўжайли» АЖ*	800	800	-	-	-
1.	Нукус	400	400	-	-	-
2.	Хўжайли	400	400	-	-	-
	*«Ёғгар» Беруний АЖ*	700	700	-	-	-
1.	Тўрткўл	150	150	-	-	-
2.	Амударё	150	150	-	-	-
3.	Беруний	200	200	-	-	-
4.	Элликқаъла	200	200	-	-	-
	Андижон вилояти	1600	1439	59	59	44
	*«Андижон ёғ-мой» АЖ*	800	720	29	29	22
1.	Андижон	300	274	10	10	7
2.	Жалақудуқ	250	223	10	10	7
3.	Пахтаобод	250	223	10	10	7
	*«Асака ёғ» АЖ*	800	720	29	29	22
1.	Қўрғонтепа	300	274	10	10	7
2.	Асака	500	446	20	20	15
	Бухоро вилояти	2000	2000	-	-	-
	*«Когон ёғ экстракция» АЖ*	1200	1200	-	-	-
1.	Бухоро	300	300	-	-	-
2.	Вобкент	300	300	-	-	-
3.	Шофиркон	300	300	-	-	-
4	Ғиждувон	300	300	-	-	-
	*«Евроснар» МЧЖ*	800	800	-	-	-
1.	Пешку	400	400	-	-	-
2.	Ромитон	400	400	-	-	-
	Жиззах вилояти	1500	1366	49	49	36
	*«Бўстон Олами» МЧЖ*	700	633	24	24	18
1.	Зомин	700	633	24	24	18
	*«Нурли Дон» МЧЖ*	800	733	24	24	18
1.	Зарбдор	800	733	24	24	18
	Қашқадарё вилояти	2200	1951	90	90	68
	*«Қарши ёғ экстракция» АЖ*	1000	885	42	42	31
1.	Шаҳрисабз	600	519	29	29	22
2.	Яккабоғ	400	366	12	12	9
	*«Косон ёғ экстракция» АЖ*	1200	1065	49	49	36
1.	Шаҳрисабз	200	173	10	10	7
2.	Китоб	600	546	20	20	15
3.	Яккабоғ	400	346	20	20	15
	Навоий вилояти	700	700	-	-	-
	*«Ванғози Агро Экспорт» МЧЖ*	500	500	-	-	-
1.	Кармана	150	150	-	-	-
2.	Қизилтепа	250	250	-	-	-
3.	Хатирчи	100	100	-	-	-
	*«Континент-Н ёғ-мой» МЧЖ*	200	200	-	-	-
1.	Навбаҳор	200	200	-	-	-
	Наманган вилояти	1900	1699	73	73	55
	*«Учқўрғон ёғ» АЖ*	1200	1066	49	49	36
1.	Косонсой	400	346	20	20	15
2.	Чуст	300	260	15	15	11
3.	Чортоқ	500	460	15	15	11
	*«Наманган тола текстиль» МЧЖ*	700	633	24	24	18
1.	Янгиқўрғон	400	373	10	10	7
2.	Поп	300	260	15	15	11
	Самарқанд вилояти	1000	893	39	39	29
	*«Каттақўрғон ёғ-мой» АЖ*	1000	893	39	39	29
1.	Тайлоқ	300	273	10	10	7
2.	Булунғур	200	180	7	7	5
3.	Жомбой	200	180	7	7	5
4.	Оқдарё	150	130	7	7	5
5.	Пайариқ	150	130	7	7	5
	Сирдарё вилояти	800	800	-	-	-
	*«Гулистон ёғ экстракт» АЖ*	800	800	-	-	-
1.	Сирдарё	150	150	-	-	-
2.	Гулистон	200	200	-	-	-
3.	Сайхунобод	150	150	-	-	-
4.	Оқолтин	150	150	-	-	-
5.	Боёвут	150	150	-	-	-
	Сурхондарё вилояти	1200	1039	59	59	44
	*«Сурхонозиқовқатсаноати» АЖ*	800	693	39	39	29
1.	Сариосиё	300	260	15	15	11
2.	Денов	400	346	20	20	15
3.	Шўрчи	100	87	5	5	4
	*«Агрохизмат Шиндонг» МЧЖ*	400	346	20	20	15
1.	Шўрчи	150	130	7	7	5
2.	Олтинсой	250	216	12	12	9
	Тошкент вилояти	2000	1785	78	78	58
	*«Янгийўл ёғ-мой» АЖ*	1000	893	39	39	29
1.	Қуйичирчиқ	300	273	10	10	7
2.	Оққўрғон	400	360	15	15	11
3.	Чиноз	300	260	15	15	11
	*«Тошкент ёғ-мой комбинати» АЖ*	1000	893	39	39	29
1.	Ўртачирчиқ	500	446	20	20	15
2.	Юқоричирчиқ	500	446	20	20	15
	Фарғона вилояти	1500	1353	54	54	40
	*«Қўқон ёғ-мой» АЖ*	700	633	24	24	18
1.	Бешариқ	300	273	10	10	7
2.	Бувайда	200	180	7	7	5
3.	Ўзбекистон	200	180	7	7	5
	*«Фарғона ёғ-мой» АЖ*	800	720	29	29	22
1.	Олтиариқ	200	180	7	7	5
2.	Қўштепа	200	180	7	7	5
3.	Қува	200	180	7	7	5
4.	Фарғона	200	180	7	7	5
	Хоразм вилояти	600	600	-	-	-
	*«Урганч ёғ» АЖ*	600	600	-	-	-
1.	Урганч	600	600	-	-	-
0	Жами	18500	17125	501	501	374

Вазирлар Маҳкамасининг 2018 йил 10 февралдаги 105-сон қарорига
2-ИЛОВА

2018 йилда соя дони етиштириш учун талаб этиладиган аванс маблағлари, ёқилғи-мойлаш маҳсулотлари ва минерал ўғитлар ҳажми

Ҳудудлар ва ёғ-мой корхоналарининг номи	Экин майдони (га)	Бўнак маблағи, млн сўм	Ёқилғи ҳажми (тн)	Минерал ўғит ҳажми (тн)
Ҳудудлар ва ёғ-мой корхоналарининг номи	Экин майдони (га)	Бўнак маблағи, млн сўм	Ёқилғи ҳажми (тн)	азотли	фосфорли
Қорақалпоғистон Республикаси	1500	3060	165	75	150
«Турон-Ходжейли» АЖ	800	1632	88	40	80
«Ёғгар» АЖ	700	1428	77	35	70
Андижон вилояти	1600	3264	176	80	160
«Андижон ёғ-мой» АЖ	800	1632	88	40	80
«Асака ёғ» АЖ	800	1632	88	40	80
Бухоро вилояти	2000	4080	220	100	200
«Когон ёғ экстракция» АЖ	1200	2448	132	60	120
«Евроснар» МЧЖ ҚК	800	1632	88	40	80
Жиззах вилояти	1500	3060	165	75	150
«Бўстон Олами» МЧЖ	700	1428	77	35	70
«Нурли Дон» МЧЖ	800	1632	88	40	80
Қашқадарё вилояти	2200	4488	242	110	220
«Косон ёғ экстракция» АЖ	1200	2448	132	60	120
«Қарши ёғ экстракция» АЖ	1000	2040	110	50	100
Навоий вилояти	700	1428	77	35	70
«Ванғози агроэкспорт» МЧЖ	500	1020	55	25	50
«Континент-Н ёғ-мой» МЧЖ	200	408	22	10	20
Наманган вилояти	1900	3876	209	95	190
«Учқўрғон ёғ» АЖ	1200	2448	132	60	120
«Наманган тола текстиль» МЧЖ	700	1428	77	35	70
Самарқанд вилояти	1000	2040	110	50	100
«Каттақўрғон ёғ-мой» АЖ	1000	2040	110	50	100
Сирдарё вилояти	800	1632	88	40	80
«Гулистон ёғ экстракт» АЖ	800	1632	88	40	80
Сурхондарё вилояти	1200	2448	132	60	120
«Сурхонозиқовқатсаноати» АЖ	800	1632	88	40	80
«Агрохизмат Шиндонг» МЧЖ ҚК	400	816	44	20	40
Тошкент вилояти	2000	4080	220	100	200
«Тошкент ёғ-мой комбинати» АЖ	1000	2040	110	50	100
«Янгийўл ёғ-мой» АЖ	1000	2040	110	50	100
Фарғона вилояти	1500	3060	165	75	150
«Қўқон ёғ-мой» АЖ	800	1632	88	40	80
«Фарғона ёғ-мой» АЖ	700	1428	77	35	70
Хоразм вилояти	600	1224	66	30	60
«Урганч ёғ» АЖ	600	1224	66	30	60
Жами	18500	37740	2035	925	1850

Вазирлар Маҳкамасининг 2018 йил 10 февралдаги 105-сон қарорига
3-ИЛОВА

Соя уруғлиги етиштиришга ихтисослаштирилган уруғчилик фермер хўжаликлари

Т/р	Ҳудудлар ва фермер хўжалиги номи	Хўжалик раҳбари, Ф.И.Ш.	Ер майдони, га
Т/р	Ҳудудлар ва фермер хўжалиги номи	Хўжалик раҳбари, Ф.И.Ш.	Жами	Соя уруғчилиги учун
	*Андижон вилояти*		746	150
1	«Asaka oil plant seeds» ф/х (Асака тумани)	Абидов А.	74	30
2	«Оқсув» илмий экс. ф/х (Қўрғонтепа тумани)	Ахмедов А.	600	100
3	«Андижон замин Сардори» ф/х (Избоскан тумани)	Обидов А.	72	20
	*Қашқадарё вилояти*		291	100
4	«Суюнов М.Н.» ф/х (Яккабоғ тумани)	Суюнов Ф.	106	35
5	«Абдураззақов Аслиддин» ф/х (Яккабоғ тумани)	Бўриев. А.	90	35
6	«Бойжигит бобо» ф/х (Яккабоғ тумани)	Бойжигитов Ш.	95	30
	*Наманган вилояти*		127	55
7	«Қўрғонча нурли истиқболи» ФХ (Учқўрғон тумани)	Нуритдинов Р.	57	25
8	«Шухрат Бахром Козим» ф/х (Чортоқ тумани)	Хаитов С.	70	30
	*Самарқанд вилояти*		128	50
9	«Пахтакор» ф/х (Нарпай тумани)	Хакбердиев С.	77	30
10	«Элбек Илғор Пахтакор» ф/х (Нарпай тумани)	Исмоилов Б.	51	20
	*Тошкент вилояти*		1168	321
11	«Мадониз» ф/х (Ўртачирчиқ тумани)	Ахмедова М.	155	50
12	«Гео агро бизнес» ф/х (Ўртачирчиқ тумани)	Ахмедов Н.	111	55
13	«Шон-Шараф Бизнес» ф/х (Ўртачирчиқ тумани)	Ахмедов Ш.	185	46
14	«Рахимжон Асалхон» агрофирма (Оққўрғон тумани)	Саидахмедов О.	316	100
15	«Ултув» ф/х (Қуйичирчиқ тумани)	Уразбаев М.	400	70
Жами:			2459	676

Вазирлар Маҳкамасининг 2018 йил 10 февралдаги 105-сон қарорига
4-ИЛОВА

2018 йил ҳосили учун асосий майдонларда соя экинини жойлаштириш, етиштириш ва доимий мониторинг олиб бориш бўйича республика ишчи гуруҳи

ТАРКИБИ

Олдинги таҳрирга қаранг.

1.	З. Мирзаев	—	Ўзбекистон Республикаси Бош вазири ўринбосари, Республика ишчи гуруҳи раҳбари
2.	Ш. Тешаев	—	Қишлоқ ва сув хўжалиги вазирининг ўринбосари, Республика ишчи гуруҳи раҳбари ўринбосари
3.	М. Салихов	—	«Ўзпахтаёғ» АЖ бош директори, Республика ишчи гуруҳи раҳбари ўринбосари
	Ишчи гуруҳ аъзолари:
4.	А. Абдуллаев	—	Ер ресурслари, геодезия, картография ва давлат кадастри давлат қўмитаси раиси
5.	Б. Юсупов	—	Фермер, деҳқон хўжаликлари ва томорқа ер эгалари кенгаши раиси
6.	Б. Мирусманов	—	Давлат статистика қўмитаси раисининг биринчи ўринбосари
7 .	Ю. Холияров	—	«Ўзкимёсаноат» акциядорлик жамияти бошқаруви раиси ўринбосари
8.	М. Саримсоқов	—	«Ўзнефтмаҳсулот» акциядорлик компанияси бошқаруви раисининг биринчи ўринбосари
9.	Р. Очилов	—	«Ўзагрокимёҳимоя» акциядорлик жамияти бошқаруви раиси ўринбосари
10.	Р. Ахмедов	—	«Ўзагросервис» акциядорлик жамияти раиси
11.	Т. Мейлиев	—	Қишлоқ ва сув хўжалиги вазирлигининг Пахтачилик ва техника экинларини ривожлантириш бошқармаси бошлиғи вазифасини бажарувчи

(4-илова Ўзбекистон Республикаси Вазирлар Маҳкамасининг 2018 йил 24 сентябрдаги 759-сонли қарори таҳририда — Қонун ҳужжатлари маълумотлари миллий базаси, 25.09.2018 й., 09/18/759/2026-сон)

(Қонун ҳужжатлари маълумотлари миллий базаси, 14.02.2018 й., 09/18/105/0695-сон, 25.09.2018 й., 09/18/759/2026-сон)