|
Ҳужжат кучини йўқотган 16.12.2017
|
Ҳужжат 15.01.2003 санаси ҳолатига
Амалдаги версияга ўтиш |
Ўзбекистон Республикаси Президентининг
Фармони
Экспорт-импорт операцияларини тартибга келтириш борасидаги қўшимча чора-тадбирлар тўғрисида
LexUZ шарҳиМазкур Фармон Ўзбекистон Республикаси Президентининг 2017 йил 15 декабрдаги ПФ-5286-сонли «Ташқи бозорларда маҳаллий маҳсулотлар рақобатдошлигини таъминлаш ва экспортини рағбатлантиришга доир қўшимча чора-тадбирлари тўғрисида»ги Фармонига асосан ўз кучини йўқотган.
Шу нарса қайд этиб ўтилсинки, қабул қилинган қарорларга қарамай, ташқи иқтисодий фаолиятда турли баҳоналар бартер (мавоза) операциялари ҳамон амалга оширилаяпти, улар бўйича номутаносиб тарздаги айирбошлаш ҳоллари мавжуд бўлиб, солиқларнинг ўз вақтида ва тўла ҳажмда келиб ҳамда валюта даромадининг бир қисмини мажбурий равишда сотиш таъминланмаяпти. Шу муносабат билан:
1. Ўзбекистон Республикасининг Давлат солиқ қўмитаси (Гатаулин), Прокуратура (Мустафоев) 1994 йил ҳамда 1995 йилнинг биринчи чораги якунларига кўра ушбу масала бўйича ишларнинг аҳволини таҳлил этсинлар ва «Бартер (мавоза) асосида амалга ошириладиган экспорт-импорт операцияларидаги бузғунчиликлар ва суиистеъмолларни бартараф этиш тўғрисида» Ўзбекистон Республикаси Президентининг 1993 йил 9 июлдаги Фармонини бузганлик учун айбдорларни жавобгарликка тортиш ҳақида Вазирлар Маҳкамасига таклифлар киритсинлар.
2. Юқорида айтилган Фармоннинг 2-бандига қўшимча қилиб шу нарса белгилаб қўйилсинки, Ўзбекистон Республикаси Вазирлар Маҳкамасининг, Қорақалпоғистон Республикаси Вазирлар Кенгашининг, вилоятлар ва Тошкент шаҳар ҳокимликларининг рухсати билан истисно тарзидаги бартер (мавоза) бўйича экспорт-импорт операцияларига йўл қўйилади.
Кейинги таҳрирга қаранг.
3. Бартер операцияларини амалга ошириш чоғида солиқ солиш мақсадларида маҳсулот жўнатилган кунни маҳсулот (ишлар хизматлар) реализация қилинган пайт деб ҳисоблансин.
Олдинги таҳрирга қаранг.
4. Белгилаб қўйилсинки, барча экспорт ва бартер шартлари, шу жумладан Ўзбекистон Республикаси Ташқи иқтисодий алоқалар агентлигида ва вакил қилинган банкларда қайд этилган шартномалар Ўзбекистон Республикаси Давлат божхона қўмитаси томонидан белгиланадиган тартибда ҳисобга олиниши лозим.
(4-банд Ўзбекистон Республикаси Президентининг 2003 йил 15 январдаги ПФ-3194-сон Фармони таҳририда — ЎР ҚҲТ, 2003 й., 1-2-сон, 3-модда)
Кейинги таҳрирга қаранг.
5. Валюта даромадининг бир қисмини мажбурий сотиш ва белгиланган тартиб бузилган ҳолларда солиқ органлари айбдорларга нисбатан Ўзбекистон Республикасининг қонунларида белгиланган тартиб ва миқдорларда молиявий жазо чоралари ҳамда маъмурий жарималарни қўлласинлар.
Олдинги таҳрирга қаранг.
6. Экспорт-импорт операцияларини амалга оширишда белгиланган тартибга риоя этилиши учун шахсан жавобгар эканликлари тўғрисида Давлат божхона қўмитасининг, Ташқи иқтисодий алоқалар агентлигининг, вакил қилинган банкларнинг раҳбарлари огоҳлантирилсин.
(6-банд Ўзбекистон Республикаси Президентининг 2003 йил 15 январдаги ПФ-3194-сон Фармони таҳририда — ЎР ҚҲТ, 2003 й., 1-2-сон, 3-модда)
Кейинги таҳрирга қаранг.
7. Ушбу Фармоннинг бажарилишини назорат қилиш Ўзбекистон Республикасининг Вазирлар Маҳкамаси зиммасига юклансин
8. Фармон эълон қилинган кундан бошлаб кучга киради.
LexUZ шарҳиМазкур Фармон «Халқ сўзи» газетасининг 1995 йил 12 апрелдаги 70 (1072)-сонида эълон қилинган.
Ўзбекистон Республикасининг Президенти И. КАРИМОВ
Тошкент ш.,
1995 йил 11 апрель,
ПФ-1096-сон
(Ўзбекистон Республикаси Олий Мажлисининг Ахборотномаси, 1995 й., 5-сон, 81-модда; Ўзбекистон Республикаси қонун ҳужжатлари тўплами, 2003 й., 1-2-сон, 3-модда; 2005 й., 37-38-сон, 282-модда; 2011 й., 43-44-сон, 461-модда; 2014 й., 28-сон, 336-модда; 2017 й., 1-сон, 4-модда)
