Ўзбекистон Республикаси Вазирлар Маҳкамасининг
қарори
Болалар мусиқа ва санъат мактаблари тўғрисидаги низомни тасдиқлаш ҳақида
Ўзбекистон Республикаси Президентининг «Болалар мусиқа ва санъат мактаблари фаолиятини янада такомиллаштириш бўйича 2016 — 2020 йилларга мўлжалланган Давлат дастури тўғрисида» 2015 йил 20 ноябрдаги ПҚ-2435-сон қарорига мувофиқ Ўзбекистон Республикаси Вазирлар Маҳкамаси қарор қилади:
1. Болалар мусиқа ва санъат мактаблари тўғрисидаги низом иловага мувофиқ тасдиқлансин.
2. Ўзбекистон Республикаси Халқ таълими вазирлиги икки ой муддатда Ўзбекистон Республикаси Молия вазирлиги билан келишган ҳолда:
болалар мусиқа ва санъат мактабларини мусиқа асбоблари, махсус мебеллар, асбоб-ускуналар ва бошқа анжомлар билан жиҳозлаш нормативлари;
мусиқа ва санъат йўналишларида таълим беришнинг илғор хорижий тажрибасини ҳисобга олган ҳолда такомиллаштирилган ўқув режаси тасдиқланишини таъминласин.
3. Ўзбекистон Республикаси Халқ таълими вазирлиги уч ой муддатда болалар мусиқа ва санъат мактабларининг намунавий уставини ишлаб чиқсин ва тасдиқласин.
4. Вазирлар Маҳкамасининг 1995 йил 18 февралдаги 59-сон қарори (Ўзбекистон Республикаси ҚТ, 1995 й., 2-сон, 5-модда) билан тасдиқланган Мактабдан ташқари муассаса тўғрисидаги низомнинг 2-банди иккинчи хатбошиси қуйидаги таҳрирда баён қилинсин:
«Болалар мусиқа ва санъат мактаблари ҳамда «Баркамол авлод» болалар марказлари фаолиятининг хусусиятлари Вазирлар Маҳкамасининг алоҳида қарорларида белгиланади».
5. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.Ю. Ходиев зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2016 йил 5 май,
144-сон
Вазирлар Маҳкамасининг 2016 йил 5 майдаги 144-сон қарорига
ИЛОВА
ИЛОВА
Болалар мусиқа ва санъат мактаблари тўғрисида
НИЗОМ
I. Умумий қоидалар
Олдинги таҳрирга қаранг.
1. Мазкур Низом узлуксиз таълим тизимининг мажбурий бўлмаган тури ҳисобланган, қўшимча таълим беришга мўлжалланган давлат болалар мусиқа ва санъат мактабининг (кейинги ўринларда — болалар мусиқа ва санъат мактаби) фаолият кўрсатиш тартибини белгилайди.
(1-банд Ўзбекистон Республикаси Вазирлар Маҳкамасининг 2025 йил 10 декабрдаги 776-сонли қарори таҳририда — Қонунчилик маълумотлари миллий базаси, 11.12.2025 й., 09/25/776/1149-сон)
2. Болалар мусиқа ва санъат мактаби ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорларига, ушбу Низомга, бошқа норматив-ҳуқуқий ҳужжатларга ҳамда ўз уставига амал қилади.
3. Болалар мусиқа ва санъат мактаби давлат муассасаси шаклидаги юридик шахс ҳисобланади ва ўз уставига, мустақил балансига, шахсий ғазна ҳисобварақларига, Ўзбекистон Республикасининг Давлат герби тасвири туширилган ва ўз номи ёзилган муҳрга, штампга ва бланкаларга эга бўлади.
Олдинги таҳрирга қаранг.
4. Болалар мусиқа ва санъат мактаби белгиланган тартибда ҳудудий тегишлилик бўйича Давлат хизматлари марказида давлат рўйхатидан ўтказилади.
(4-банднинг биринчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
Олдинги таҳрирга қаранг.
Болалар мусиқа ва санъат мактабининг намунавий устави Ўзбекистон Республикаси Маданият вазирлиги томонидан тасдиқланади.
(4-банднинг иккинчи хатбошиси Ўзбекистон Республикаси Вазирлар Маҳкамасининг 2017 йил 11 майдаги 270-сонли қарори таҳририда — ЎР ҚҲТ, 2017 й., 19-сон, 345-модда)
LexUZ шарҳиҚаранг: Вазирлар Маҳкамасининг 2022 йил 28 сентябрдаги 542-сонли «Тадбиркорлик субъектлари бўлмаган айрим юридик шахсларни ташкил этиш ва тугатишга доир норматив-ҳуқуқий ҳужжатларни тасдиқлаш тўғрисида»ги қарори.
Олдинги таҳрирга қаранг.
5. Болалар мусиқа ва санъат мактабида таълим олиш тўлов асосида амалга оширилади. Тўловни тўлаш ва ундан озод этиш масалалари қонунчиликда белгиланади.
(5-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
II. Болалар мусиқа ва санъат мактабининг мақсади ва вазифалари
6. Болалар мусиқа ва санъат мактабининг асосий мақсади ёш авлоднинг мусиқа ва санъат турларига қизиқиши ва қобилиятини ривожлантириш, ижтимоий фаоллигини ошириш, уларни халқимиз анъаналарига ва миллий қадриятларимизга нисбатан ҳурмат руҳида тарбиялаш, маънавий ва маърифий савиясини ҳар томонлама оширишдан иборат.
7. Қуйидагилар болалар мусиқа ва санъат мактабининг асосий вазифалари ҳисобланади:
ўқувчиларнинг маънавий ва эстетик ривожланиши учун кенг имкониятлар яратиш;
ўқувчиларнинг истеъдодини ҳар томонлама камол топтириш, маданий савиясини юксалтириш;
ўқувчиларни миллий ва жаҳон мусиқаси, тасвирий санъатнинг юксак намуналаридан ва ўзбек халқининг мумтоз мусиқа мероси дурдоналаридан баҳраманд бўлиши учун зарур шароитлар яратиш;
миллий ҳамда умуминсоний қадриятларни узвий бирлаштириш асосида ўқувчиларда юксак ахлоқий фазилатларни шакллантириш;
ўқувчиларга умумий мусиқа, хореография, театр санъати, тасвирий ва амалий санъат йўналишлари бўйича билимларнинг бошланғич асосларини ўргатиш орқали уларни мусиқа ва санъат оламига жалб этиш;
Олдинги таҳрирга қаранг.
иқтидорли ўқувчиларни мусиқа ва санъат йўналишлари бўйича ўрта махсус, профессионал таълим муассасаларида ўқишини давом эттириш учун тайёрлаш.
(7-банднинг еттинчи хатбошиси Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
III. Болалар мусиқа ва санъат мактаби фаолиятини ташкил этиш
8. Болалар мусиқа ва санъат мактаби Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг қарори билан ташкил этилади.
Олдинги таҳрирга қаранг.
9. Болалар мусиқа ва санъат мактаби ўқувчиларнинг қизиқишлари ва эҳтиёжларига кўра, уларнинг ижодий имкониятларини янада ривожлантиришга йўналтирилган мусиқа (чолғу ижрочилиги, вокал санъати, халқ ижодиёти) ва санъат (хореография, тасвирий санъат, амалий санъат, дизайн, актёрлик санъати) йўналишларида (кейинги ўринларда таълим йўналишлари деб аталади) фаолиятини амалга оширади.
(9-банд Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
Олдинги таҳрирга қаранг.
10. Болалар мусиқа ва санъат мактабида ўқувчиларга таълим бериш якка тартибда ёки бир хил ёшдаги ва турли ёшдаги болалар гуруҳларида уларнинг қизиқишларига кўра бир ёки иккита мутахассислик бўйича амалга оширилади.
(10-банд Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
Олдинги таҳрирга қаранг.
11. Болалар мусиқа ва санъат мактабида ўқув-тарбиявий ишлар Ўзбекистон Республикаси Маданият вазирлиги томонидан тасдиқланадиган ўқув режалари ва ўқув дастурлари асосида амалга оширилади.
(11-банд Ўзбекистон Республикаси Вазирлар Маҳкамасининг 2017 йил 11 майдаги 270-сонли қарори таҳририда — ЎР ҚҲТ, 2017 й., 19-сон, 345-модда)
12. Болалар мусиқа ва санъат мактабида ўқув-тарбия жараёнини ташкил қилиш учун муассаса директорининг буйруғи асосида таълим йўналишлари бўйича бўлинмалар ташкил этилиши мумкин.
IV. Болалар мусиқа ва санъат мактабига ўқишга қабул қилиш, ўқишни кўчириш
13. Болалар мусиқа ва санъат мактаби раҳбарияти ҳар йили июнь — август ойларида ўқишга қабул қилиш ишларини ташкил этади.
Олдинги таҳрирга қаранг.
Ўқувчилар болалар мусиқа ва санъат мактабига Ўзбекистон Республикаси Маданият вазирлиги томонидан белгиланадиган қабул квоталари доирасида ўқишга қабул қилинади.
(13-банднинг иккинчи хатбошиси Ўзбекистон Республикаси Вазирлар Маҳкамасининг 2017 йил 11 майдаги 270-сонли қарори таҳририда — ЎР ҚҲТ, 2017 й., 19-сон, 345-модда)
Қабул квоталари болалар мусиқа ва санъат мактабининг қуввати, моддий-техника базаси, кадрлар билан таъминланганлик даражаси, таълим йўналишлари бўйича талаб ва эҳтиёжларни инобатга олган ҳолда шакллантирилади.
Олдинги таҳрирга қаранг.
14. Болалар мусиқа ва санъат мактабида қабул синовлари ўтказиш учун муассаса директорининг буйруғи билан 5 — 7 кишидан иборат таркибда қабул комиссияси тузилади.
(14-банд Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
15. Қабул комиссияси таркибига муассаса директори, директорнинг ўқув-маърифий ишлар бўйича ўринбосари ва педагог ходимлар киритилади. Муассаса директори қабул комиссияси раиси ҳисобланади.
16. Болалар мусиқа ва санъат мактабига ўқишга кириш учун ўқувчининг ота-онаси ёки уларнинг ўрнини босувчи шахслар (кейинги ўринларда ота-оналар деб аталади) ҳар йили 1 август — 25 август мобайнида қабул комиссиясига қуйидаги ҳужжатларни тақдим этади:
Олдинги таҳрирга қаранг.
а) таълим йўналиши ва мутахассисликлари кўрсатилган ариза;
(16-банднинг «а» кичик банди Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
б) ўқувчининг туғилганлик ҳақидаги гувоҳномаси нусхаси;
в) ўқувчига белгиланган шаклда берилган тиббий маълумотнома;
г) 3 х 4 ўлчамли 2 та фотосурат.
17. Қабул синовлари ҳар йили 31 августгача ўқувчининг ижодий қобилиятини аниқлаш мақсадида ўтказилади.
Қабул синовлари қабул комиссияси ҳузурида ўтказилади. Қабул синовлари бир марта топширилади, қайта топширишга йўл қўйилмайди.
18. Қабул комиссияси ота-онанинг аризасида кўрсатилган таълим йўналиши бўйича ўқувчининг қуйидаги ижодий қобилиятини қабул синовларида аниқлайди:
Олдинги таҳрирга қаранг.
мусиқа (чолғу ижрочилиги, вокал санъати, халқ ижодиёти) йўналиши бўйича мусиқа ритмига мослашиши, қўшиқ айтиши, мусиқани эшитиши ва эслаб қолиши;
(18-банднинг иккинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
санъат йўналишлари:
Олдинги таҳрирга қаранг.
хореография йўналиши бўйича жисмонан маъқуллиги (тана ва оёқларнинг эгилувчанлиги), ритмга мослашиши, мусиқани эшитиши;
(18-банднинг тўртинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
Олдинги таҳрирга қаранг.
тасвирий санъат, амалий санъат ва дизайн йўналишлари бўйича тасаввуридаги нарса-буюм ёки манзарани чиза олиши;
(18-банднинг бешинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
Олдинги таҳрирга қаранг.
актёрлик санъати йўналиши бўйича шеър ёки монологни ёддан ифодали ўқиши ва овоз ёки ҳаракатга нисбатан тақлид қила олиши.
(18-банднинг олтинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
Олдинги таҳрирга қаранг.
19. Болалар мусиқа ва санъат мактабининг иккинчи ва ундан юқори синфларига қабул қилиш учун ўқувчилар мазкур Низомнинг 18-бандида назарда тутилган қабул синовларидан ташқари Ўзбекистон Республикаси Маданият вазирлиги томонидан тасдиқланган ўқув дастурлари бўйича тегишли синфдаги билим даражасига қўйиладиган талаблар асосида қуйидаги махсус фанлар бўйича ҳам қабул синовларини топширадилар:
(19-банднинг биринчи хатбошиси Ўзбекистон Республикаси Вазирлар Маҳкамасининг 2017 йил 11 майдаги 270-сонли қарори таҳририда — ЎР ҚҲТ, 2017 й., 19-сон, 345-модда)
Олдинги таҳрирга қаранг.
а) мусиқа (чолғу ижрочилиги, вокал санъати, халқ ижодиёти) йўналиши бўйича — мутахассислик ва сольфеджио фани;
(19-банднинг «а» кичик банди Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
б) санъат йўналишлари бўйича:
хореография — мумтоз рақс, партер фани;
Олдинги таҳрирга қаранг.
тасвирий санъат, амалий санъат ва дизайн — чизматасвир, рангтасвир, композиция фани;
(19-банд «б» кичик бандининг учинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
Олдинги таҳрирга қаранг.
актёрлик санъати — актёрлик маҳорати, саҳна нутқи, саҳна ҳаракати фани.
(19-банд «б» кичик бандининг тўртинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
20. Ўқувчининг синовдан ўтган ёки ўтмаганлиги қабул комиссияси аъзоларининг очиқ овоз бериши йўли билан аниқланади. Қабул комиссияси аъзоларининг кўпчилиги ижобий овоз берган тақдирда ўқувчи қабул синовидан ўтган ҳисобланади.
Қабул комиссиясининг раиси барча аъзолардан сўнг овоз беради. Овозлар сони тенг бўлиб қолганда қабул комиссияси раисининг овози ҳал қилувчи ҳисобланади.
Олдинги таҳрирга қаранг.
201. Жадвал бўйича қабул синовларига келмаган ўқувчилар учун қайта синовлар ўтказилмайди ва улар ўқишга қабул қилинмайди.
202. Тегишли йўналиш ва мутахассисликлар бўйича синов натижалари қабул синовлари якунлангандан сўнг уч кун мобайнида эълон қилинади.
203. Болалар мусиқа ва санъат мактабларида қабул синовлари ўтказилиши даврида белгиланган тартибда апелляция шикоятларини кўриб чиқиш учун 3 — 5 нафар мутахассис ўқитувчилардан иборат апелляция комиссияси ташкил этилади.
Апелляция комиссияси таркиби таълим муассасаси директорининг буйруғи билан тасдиқланади.
Апелляция комиссияси таркибига қабул комиссияси аъзоларининг киритилиши тақиқланади.
Қабул синовини ўтказган қабул комиссияси аъзоси апелляция жараёнида қатнашиб, ўз фикрини билдириш ҳуқуқига эга.
Апелляция шикоятлари қабул синовлари натижалари эълон қилинган кундан бошлаб бир иш куни ичида қабул қилинади ва апелляция комиссияси томонидан бир кун муддатда кўриб чиқилади.
Апелляция шикоятларини кўриб чиқишда апелляция комиссияси мазкур Низомнинг 18-бандига мувофиқ ўқувчининг ижодий қобилиятини қайта аниқлайди.
Апелляция шикоятларини кўриб чиқиш натижаси бўйича апелляция комиссияси қабул синови натижаларини ўзгаришсиз қолдириш ёки қабул синови натижаларини қайта баҳолаш орқали ўзгартириш қарорларидан бирини қабул қилади.
204. Қабул синовлари натижалари тегишли йўналишлар ва мутахассисликлар кесимида алоҳида қабул қайдномаларига киритилади.
Ушбу қабул қайдномалари ҳар бир йўналиш ва мутахассислик бўйича қабул комиссияси раиси ва қабул комиссиясининг котиби томонидан имзоланади ҳамда муҳрланади.
(201 — 204-бандлар Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарорига асосан киритилган — Қонунчилик маълумотлари миллий базаси, 17.04.2026 й., 09/26/175/0373-сон)
21. Қабул комиссияси ўқувчини ўқишга қабул қилиш ёки қабул қилмаслик тўғрисида қарор қабул қилади. Қабул комиссиясининг ижобий қарорига асосан муассаса директори ўқувчини ўқишга қабул қилиш тўғрисида буйруқ чиқаради.
Ўқувчиларни ўқув йили давомида ўқишга қабул қилишга йўл қўйилмайди, бошқа болалар мусиқа ва санъат мактабидан ўқиши кўчирилган ўқувчилар бундан мустасно.
22. Ўқувчининг ота-онаси ўз хоҳишига кўра ўқув йили давомида ёки у тугагандан сўнг фарзандини ўқиётган болалар мусиқа ва санъат мактабидан бошқасига ўтказиш ҳуқуқига эга.
Ўқувчилар ота-оналарининг аризаси асосида ўқиётган болалар мусиқа ва санъат мактабидан бошқасига таълим олаётган таълим йўналиши бўйича ўтказилади.
23. Ўқиётган болалар мусиқа ва санъат мактабидан бошқасига ўтказилган ўқувчилар томонидан ўқишни давом эттириш учун танланган мактабга қуйидаги ҳужжатлар тақдим этилади:
ўқиган жойидан маълумотнома;
ўқувчининг баҳолар (ўзлаштириш) табели;
якка тартибдаги иш режаси (мусиқа йўналишлари учун).
24. Ўқувчини бир таълим йўналишидан бошқа таълим йўналишига ўтказиш болалар мусиқа ва санъат мактабидаги таълимнинг биринчи ва иккинчи йилида амалга оширилади.
Юқори синфларда бир таълим йўналишидан бошқа таълим йўналишига ўтказишга йўл қўйилмайди.
25. Бир таълим йўналишидан бошқасига ўтказиш муассаса директорининг буйруғига асосан 5 кишидан иборат таркибда тузиладиган ўқувчиларнинг ўқишини бир таълим йўналишидан бошқасига кўчириш комиссиясининг (кейинги ўринларда кўчириш комиссияси деб аталади) қарорига асосан амалга оширилади.
Кўчириш комиссияси таркибига муассаса директори, директорнинг ўқув-маърифий ишлар бўйича ўринбосари ва педагог ходимлар киритилади. Муассаса директори кўчириш комиссияси раиси ҳисобланади.
Кўчириш комиссияси ўқув йили давомида фаолият юритади.
Олдинги таҳрирга қаранг.
26. Кўчириш комиссияси томонидан бир таълим йўналишидан бошқасига ўтказишда ўқувчининг болалар мусиқа ва санъат мактабларида мазкур йўналиш бўйича давлат таълим талабларининг минимал даражасини билиши ҳисобга олинади.
(26-банд Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
27. Кўчириш комиссиясининг қарори ўқувчига дарҳол эълон қилинади. Кўчириш комиссиясининг қарори ижобий бўлган тақдирда, унга асосан муассаса директори ўқувчини танлаган таълим йўналишига ўтказиш тўғрисида буйруқ чиқаради.
28. Болалар мусиқа ва санъат мактабида ўқувчилар контингенти бир йилда бир марта — сентябрь ойида тасдиқланади.
29. Болалар мусиқа ва санъат мактаби директори билан ўқишга қабул қилинган ўқувчиларнинг ота-оналари ўртасида ўқиш муддатига шартнома тузилади.
V. Болалар мусиқа ва санъат мактабида ўқув-тарбия жараёнини ташкил этиш
Олдинги таҳрирга қаранг.
30. Болалар мусиқа ва санъат мактабида мусиқа (чолғу ижрочилиги, вокал санъати, халқ ижодиёти) ва санъат (хореография, тасвирий санъат, амалий санъат, дизайн, актёрлик санъати) таълим йўналишлари мавжуд бўлиб, болаларни 1-синфга қабул қилиш ёши ва ўқиш муддатлари қуйидагича белгиланади:
Т/р | Таълим йўналишлари ва мутахассисликлари | Қабул ёши | Ўқиш муддати |
I. Мусиқа йўналиши | |||
Таълим йўналиши: Чолғу ижрочилиги | |||
1. | Фортепиано ижрочилиги | 7 — 10 | 7 йил |
2. | Торли чолғулар ижрочилиги (скрипка, альт, виолончель, контрабас) | 7 — 10 | 7 йил |
3. | Эстрада чолғулари ижрочилиги: | ||
фортепиано, торли чолғулар (скрипка, альт, виолончель, контрабас); | 7 — 10 | 7 йил | |
дамли ва зарбли чолғулар (кларнет, саксофон, труба, тромбон, урма-зарбли чолғулар), гитара, бас гитара | 7 — 12 | 5 йил | |
4. | Халқ чолғулари ижрочилиги (най, қўшнай, чанг, қонун, рубоб прима, қашқар рубоби, афғон рубоби, танбур, дутор, дутор бас, ғижжак, ғижжак альт, ғижжак қобуз бас, ғижжак қобуз контрабас, доира, баян, аккордеон, гитара) | 7 — 12 | 5 йил |
5. | Дамли ва зарбли чолғулар ижрочилиги (флейта, гобой, кларнет, саксофон, фагот, труба, баритон, тромбон, валторна, туба, урма-зарбли чолғулар) | 7 — 12 | 5 йил |
6. | Анъанавий чолғулар ижрочилиги (най, қўшнай, чанг, қонун, ғижжак, қашқар рубоб, танбур, дутор, уд, доира) | 7 — 12 | 5 йил |
Таълим йўналиши: Вокал санъати | |||
7. | Анъанавий хонандалик | 7 — 12 | 5 йил |
8. | Академик хонандалик | 7 — 12 | 5 йил |
9. | Эстрада хонандалиги | 7 — 12 | 5 йил |
Таълим йўналиши: Халқ ижодиёти | |||
10. | Бахшичилик ижрочилиги | 7 — 12 | 5 йил |
11. | Фольклор ижрочилик санъати | 7 — 12 | 5 йил |
12. | Аския санъати | 7 — 12 | 5 йил |
II. Санъат йўналиши | |||
Таълим йўналиши: Хореография | |||
13. | Классик рақс ижрочилиги | 7 — 12 | 5 йил |
14. | Халқ рақси ижрочилиги | 7 — 12 | 5 йил |
15. | Эстрада рақс ижрочилиги | 7 — 12 | 5 йил |
Таълим йўналиши: Тасвирий санъат | |||
16. | Дастгоҳли рангтасвир | 7 — 12 | 5 йил |
17. | Хаттотлик ва миниатюра | 7 — 12 | 5 йил |
18. | Графика | 7 — 12 | 5 йил |
19. | Ҳайкалтарошлик | 7 — 12 | 5 йил |
Таълим йўналиши: Амалий санъат | |||
20. | Бадиий ёғоч ўймакорлиги | 7 — 12 | 5 йил |
21. | Бадиий ганч ўймакорлиги | 7 — 12 | 5 йил |
22. | Бадиий наққошлик | 7 — 12 | 5 йил |
23. | Бадиий кулолчилик | 7 — 12 | 5 йил |
24. | Бадиий мисгарлик | 7 — 12 | 5 йил |
25. | Бадиий заргарлик | 7 — 12 | 5 йил |
26. | Бадиий зардўзлик | 7 — 12 | 5 йил |
27. | Бадиий каштачилик | 7 — 12 | 5 йил |
28. | Қўғирчоқ ясаш технологияси | 7 — 12 | 5 йил |
Таълим йўналиши: Дизайн | |||
29. | Архитектура дизайни | 7 — 12 | 5 йил |
30. | Либослар дизайни | 7 — 12 | 5 йил |
31. | Компьютер графикаси дизайни | 7 — 12 | 5 йил |
32. | Флористика дизайни | 7 — 12 | 5 йил |
Таълим йўналиши: Актёрлик санъати | |||
33. | Театр ва кино актёрлиги | 7 — 12 | 5 йил |
34. | Қўғирчоқ театри актёрлиги | 7 — 12 | 5 йил |
(30-банд Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
31. Ўқув йили болалар мусиқа ва санъат мактабида 2 сентябрдан келгуси йилнинг 31 майига қадар давом этади ва тўртта чоракка бўлинади.
Олдинги таҳрирга қаранг.
311. Болалар мусиқа ва санъат мактабларида ўқиш ўзбек, қорақалпоқ ва рус ва бошқа тилларда олиб борилади.
(311-банд Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарорига асосан киритилган — Қонунчилик маълумотлари миллий базаси, 17.04.2026 й., 09/26/175/0373-сон)
32. Ўқув-тарбия жараёнини ташкил этишда қуйидаги муддатларга амал қилинади:
ўқув йилининг давомийлиги — 34 ҳафта;
ўқув ҳафтасининг давомийлиги — 6 кун;
дарс машғулотининг давомийлиги — 45 дақиқа;
дарс машғулотлари оралиғидаги танаффуснинг давомийлиги — 5 дақиқа.
Олдинги таҳрирга қаранг.
Меҳнат тўғрисидаги қонунчиликда байрам (ишланмайдиган) куни деб белгиланган кунларда дарс машғулотлари ўтказилмайди.
(32-банднинг олтинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Байрам (ишланмайдиган) кунларига тўғри келиб қолган дарс машғулотларининг мавзулари ўқув дастурларини ихчамлаштирган ҳолда кейинги дарс машғулотларида ўтказилади.
33. Ўқув йили давомидаги таътилларнинг муддатлари қуйидагича белгиланади:
кузги таътил — 4 ноябрдан бошлаб 6 календарь кун;
қишки таътил — 28 декабрдан бошлаб 14 календарь кун;
баҳорги таътил — 21 мартдан бошлаб 7 календарь кун;
ёзги таътил — 1 июндан (санъат йўналишлари ўқувчилари учун 16 июндан) бошлаб 2 сентябргача.
Таътилнинг охирги куни байрам (ишланмайдиган) кунга тўғри келиб қолган тақдирда дарс машғулотлари кейинги иш кунидан бошлаб давом эттирилади.
Чораклар оралиғидаги таътиллар даврида болалар мусиқа ва санъат мактабининг педагог ходимлари томонидан машғулотларнинг ўзига хос ижодий дастурларини ишлаб чиқиш, ўзлаштириши паст бўлган ўқувчиларнинг билим савиясини таҳлил қилиш ва улар билан қўшимча ишлаш, уларга маслаҳатлар бериш, ота-оналар ва ўқувчилар ўртасида мусиқа ва санъатнинг инсон маънавий ва маданий савиясини оширишдаги ўрнини тарғиб-ташвиқ қилиш мақсадида тадбирлар ташкил этиш, ўқувчилар учун шахсий ва тақвимий иш режалари тузиш каби ишлар амалга оширилади.
34. Болалар мусиқа ва санъат мактабида ўқув-тарбия жараёнини ташкил этиш қуйидаги шаклларда амалга оширилади:
Ўқувчилар билан гуруҳ бўйича ва якка тартибда машғулотлар олиб бориш;
ўқувчиларнинг мустақил иши;
назорат дарслари;
академик концертлар, техник синовлар;
мустақил равишда ишланган ижодий маҳсулотлар кўргазмаси;
кўрик-танлов, фестиваль, устоз сабоқлари;
синфдан синфга ўтказиш ва битирув имтиҳонлари.
35. Ўқувчиларнинг билими ва ижодий маҳорати қуйидаги тартибда баҳоланади: 5 (аъло), 4 (яхши), 3 (қониқарли), 2 (қониқарсиз).
36. Якка тартибда ўқув машғулотларини олиб борадиган ўқитувчилар ҳар бир ўқувчига ўқув йили учун шахсий иш режаси, гуруҳли тартибда ўқув машғулотларини олиб борадиган ўқитувчилар тақвимий иш режаси тузадилар.
37. Болалар мусиқа ва санъат мактабида синфдан синфга ўтказиш ва битирув имтиҳонлари ҳар йили 10 май — 31 май мобайнида ўтказилади.
38. Болалар мусиқа ва санъат мактаби битирувчиларига июнь ойида ўқишни тугатганлиги тўғрисида мазкур Низомнинг иловасига мувофиқ шаклдаги гувоҳнома берилади.
Олдинги таҳрирга қаранг.
381. Болалар мусиқа ва санъат мактаби битирувчиларига бериладиган гувоҳнома бланкаси қатъий ҳисобда турадиган ҳужжат бўлиб, Ўзбекистон Республикаси Маданият вазирлиги буюртмасига асосан Ўзбекистон Республикаси Марказий банкининг «Давлат белгиси» давлат унитар корхонасида, мазкур Низомга иловага мувофиқ тасдиқланган шаклга мувофиқ тайёрланади.
(381-банд Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарорига асосан киритилган — Қонунчилик маълумотлари миллий базаси, 17.04.2026 й., 09/26/175/0373-сон)
Олдинги таҳрирга қаранг.
39. Болалар мусиқа ва санъат мактабини тугатишига бир йил қолган ўқувчиларга ота-оналари аризасига ва мутахассислик ўқитувчисининг тавсия хатига асосан педагогик кенгаш қарори билан иқтидорли болаларнинг ёшини, умумий ўрта таълим мактабида таҳсил олаётган синфини, ўқув режасининг бажарилишини инобатга олган ҳолда ўқув йили бошида ўқиш муддати бир йилга қисқартирилиши мумкин.
(39-банд Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
40. Ўқувчилар болалар мусиқа ва санъат мактабидан қуйидаги ҳолатларда четлаштирилиши мумкин:
ўз хоҳишига биноан;
ўқишнинг бошқа болалар мусиқа ва санъат мактабига кўчирилиши муносабати билан;
саломатлиги туфайли (тиббий комиссия маълумотномаси асосида);
академик ўзлаштира олмаганлиги (қарздорлиги) учун;
ўқув интизомини ва муассасанинг ички тартиб-қоидаларини бузганлиги учун;
ўқиш учун белгиланган тўловнинг ўз вақтида амалга оширилмаганлиги сабабли (тўловдан озод этилган ўқувчилар бундан мустасно);
ўқувчининг суд томонидан озодликдан маҳрум этилганлиги муносабати билан;
вафот этганлиги сабабли.
Директорнинг ўқувчини болалар мусиқа ва санъат мактабидан четлаштириш тўғрисидаги буйруғига қуйидагилардан бири асос бўлади: ота-онанинг аризаси, педагогик кенгаш қарори, ўқитувчининг билдиришномаси.
41. Ота-оналарнинг аризаси асосида ўқувчига болалар мусиқа ва санъат мактаби директорининг буйруғига мувофиқ бир йил муддатга академик таътил берилиши мумкин.
42. Битирув имтиҳонларини топшира олмаган ўқувчиларга муассасада ўқиганлиги тўғрисида маълумотнома берилади.
VI. Болалар мусиқа ва санъат мактабининг ҳуқуқ ва мажбуриятлари
43. Болалар мусиқа ва санъат мактаби қуйидаги ҳуқуқларга эга:
болалар мусиқа ва санъат мактаби ходимлари ва ўқувчилардан муассасанинг устави ва ички тартиб-қоидаларига риоя этилишини талаб қилиш;
ўқув жараёнини такомиллаштириш ва таълим жараёнини методик таъминлаш бўйича таклифлар киритиш;
Олдинги таҳрирга қаранг.
молиялаштиришнинг қонунчиликда тақиқланмаган турли манбалари ҳисобига бюджетдан ташқари маблағларни жалб қилиш.
(43-банднинг тўртинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
44. Болалар мусиқа ва санъат мактабининг мажбуриятлари қуйидагилардан иборат:
Олдинги таҳрирга қаранг.
Ўзбекистон Республикаси Маданият вазирлиги, «Маданият таълими маркази» давлат муассасаси, Қорақалпоғистон Республикаси Маданият вазирлиги, вилоятлар ва Тошкент шаҳар маданият бошқармаларининг ҳамда маҳаллий ижро этувчи ҳокимият органларининг қарорлари, буйруқлари ва бошқа меъёрий ҳужжатлари ижросини таъминлаш, топшириқ ва кўрсатмаларини бажариш;
(44-банднинг иккинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
ўз уставида белгиланган вазифаларни бажариш;
Олдинги таҳрирга қаранг.
болалар мусиқа ва санъат мактабларида давлат таълим талаблари, белгиланган тартибда тасдиқланган ўқув режаси ва ўқув дастурлари асосида таълим-тарбия жараёнини ташкил этиш;
(44-банднинг тўртинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
Олдинги таҳрирга қаранг.
ўқувчиларни болалар мусиқа ва санъат мактабларига жалб этиш мақсадида тарғибот-ташвиқот ишларини олиб бориш;
(44-банднинг бешинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
таълим-тарбия жараёнини санитария қоидалари, нормалари ва гигиена нормативлари, техника ва ёнғин хавфсизлиги қоидаларига мувофиқ ташкил этиш;
болалар мусиқа ва санъат мактаби ходимларини қайта тайёрлашни ва уларнинг малакасини оширишни ташкил этиш;
муассасанинг моддий-техника таъминотини ва кадрлар салоҳиятини ривожлантириш.
VII. Таълим жараёни иштирокчиларининг ҳуқуқ ва мажбуриятлари
45. Ўқувчилар, ота-оналар ва педагог ходимлар (ўқитувчи, концертмейстер) болалар мусиқа ва санъат мактабидаги таълим жараёнининг иштирокчилари ҳисобланади.
46. Ўқувчилар қуйидаги ҳуқуқларга эга:
Олдинги таҳрирга қаранг.
болалар мусиқа ва санъат мактабларида давлат таълим талаблари асосида ихтиёрий равишда таълим олиш;
(46-банднинг иккинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
қизиқишига кўра таълим йўналишини танлаш;
Олдинги таҳрирга қаранг.
бир ёки иккита мутахассислик бўйича билим олиш;
(46-банднинг тўртинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
инсоний қадр-қимматининг ҳурмат қилинишини талаб қилиш, виждон эркинлиги, ахборот эркинлиги, ўз қарашлари ва эътиқодини ифодалаш;
болалар мусиқа ва санъат мактабининг ўқув ва иш фаолиятини такомиллаштиришга оид таклифлар бериш;
Олдинги таҳрирга қаранг.
қонунчиликда белгиланган бошқа ҳуқуқлар.
(46-банднинг еттинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
47. Ўқувчиларнинг мажбуриятлари қуйидагилардан иборат:
болалар мусиқа ва санъат мактабининг ички тартиб-қоидаларига риоя қилиш;
болалар мусиқа ва санъат мактабининг моддий-техника базасидан самарали фойдаланиш ва уни асраб-авайлаш;
жамоатчилик ишларида фаол иштирок этиш;
ўз ижодий қобилиятини ривожлантириш, билимларни мустақил эгаллаш кўникмасини ҳосил қилиш ва уни амалда қўллаш;
Олдинги таҳрирга қаранг.
қонунчиликда белгиланган бошқа мажбуриятлар.
(47-банднинг олтинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
48. Ота-оналар қуйидаги ҳуқуқларга эга:
болалар мусиқа ва санъат мактаби раҳбариятидан фарзанди учун мазкур мактабнинг уставига мувофиқ зарур шарт-шароитлар яратилишини талаб қилиш;
бола шахсига ҳурмат билан муносабатда бўлишни талаб қилиш;
жамоатчилик асосида болалар мусиқа ва санъат мактабининг иш фаолиятида иштирок этиш;
Олдинги таҳрирга қаранг.
қонунчиликда белгиланган бошқа ҳуқуқлар.
(48-банднинг бешинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
49. Ота-оналарнинг мажбуриятлари қуйидагилардан иборат:
фарзандининг жисмоний ва руҳий соғлом бўлиши учун ғамхўрлик қилиш;
боланинг қадр-қимматига ҳурмат билан қараш, уни меҳнатсеварлик, эзгулик, ватанпарварлик руҳида тарбиялаш;
фарзандида қонунларга итоаткорлик, инсон ҳуқуқлари ва эркинликларига ҳурмат туйғусини тарбиялаш;
фарзандига ўқув машғулотларида иштирок этиши учун зарур шарт-шароитлар яратиш;
фарзандининг таълим олишига кўмаклашиш ва узрли сабабларсиз ўқув машғулотларига мунтазам қатнашишини таъминлаш;
ўқиш учун тўловни ўз вақтида амалга ошириш;
Олдинги таҳрирга қаранг.
қонунчиликда белгиланган бошқа мажбуриятлар.
(49-банднинг саккизинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
50. Педагог ходимлар қуйидаги ҳуқуқларга эга:
болалар мусиқа ва санъат мактаб фаолиятининг муҳим масалалари муҳокамасида ва қарорлар қабул қилинишида қатнашиш;
ўз касбий шаъни ва қадр-қимматини ҳимоя қилиш;
болалар мусиқа ва санъат мактабини бошқаришда иштирок этиш;
муассаса раҳбариятига ўқув жараёнини яхшилаш бўйича таклифлар киритиш;
машғулотларнинг ўзига хос ижодий дастурларини ишлаб чиқиш;
касб фаолияти учун шароитлар билан таъминланиш, малакасини ошириш, қайта тайёргарликдан ўтиш;
ўқув машғулотининг шакли, услуби ва воситаларини мустақил танлаш;
Олдинги таҳрирга қаранг.
қонунчиликда белгиланган бошқа ҳуқуқлар.
(50-банднинг тўққизинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
51. Педагог ходимларнинг мажбуриятлари қуйидагилардан иборат:
Олдинги таҳрирга қаранг.
болалар мусиқа ва санъат мактабларида давлат таълим талаблари ҳамда белгиланган тартибда тасдиқланган ўқув режалари ва дастурлари асосида таълим-тарбия жараёнини ташкил этиш;
(51-банднинг иккинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
педагог ахлоқ-одобига қатъий риоя қилиш;
ўқув-тарбиявий ишларни юқори савияда олиб бориш, таълим мазмунини такомиллаштириш, ўқитиш воситаларини яратишда фаол қатнашиш;
ўқувчининг қадр-қимматига ҳурмат билан муносабатда бўлиш, уларда меҳнатсеварлик, эзгулик, меҳр-шафқат каби фазилатларни шакллантириш, ўқувчиларни она Ватанга садоқат, давлат тилига, миллий ва умуминсоний, тарихий ва маданий қадриятларга, ота-онага ва ўзидан катта ёшдагиларга ҳурмат, атроф муҳитга эҳтиёткорлик билан муносабатда бўлиш руҳида тарбиялаш;
ўзининг назарий билим даражасини, педагогик маҳорати ва касб малакасини узлуксиз равишда ошириб бориш ва ўз устида мунтазам ишлаш;
ўқув-тарбиявий ва услубий ишларни такомиллаштириш юзасидан таклифлар ишлаб чиқиш;
ўқувчиларнинг ота-оналари билан мунтазам ҳамкорликни йўлга қўйиш;
Олдинги таҳрирга қаранг.
қонунчиликда белгиланган бошқа мажбуриятлар.
(51-банднинг тўққизинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
VIII. Болалар мусиқа ва санъат мактабида педагогик фаолият билан шуғулланиш
52. Тегишли маълумотга ҳамда касбий тайёргарликка, юксак фазилатларга эга шахслар болалар мусиқа ва санъат мактабида педагогик фаолият билан шуғулланишга ҳақли.
Педагогик фаолият билан шуғулланиши суд ҳукмига асосан ман этилган шахсларнинг болалар мусиқа ва санъат мактабида ушбу фаолият билан шуғулланишига йўл қўйилмайди.
53. Болалар мусиқа ва санъат мактаби педагог ходимларининг асосий вазифалари қуйидагилардан иборат:
миллий ва жаҳон маданиятининг дурдона намуналарига таяниб, ёшларнинг эстетик дидини ўстириш, уларни юксак маънавий руҳда тарбиялаш;
педагогик кенгаш, ўқув-тарбия ишларига бағишланган конференциялар, семинарлар, мажлислар, шунингдек йўналишлар бўйича услубий бирлашмалар ҳамда муассаса раҳбариятининг йиғилишларида қатнашиш;
юқори органлар томонидан тасдиқланган ҳужжатлар асосида иш юритиш, ўқувчилар билан синфдан ташқари ўтказиладиган машғулотлар тўғрисида муассаса раҳбариятига ҳисобот бериш;
ўқувчиларнинг ўқув машғулотларини қай даражада ўзлаштиришларини, билим савияси ва тарбиясини кузатиш, таҳлил қилиш ва чоралар кўриш;
якка тартибда ўқув машғулотлари олиб бориладиган ўқувчилар учун шахсий иш режаси, ўқув йили бошида назарий фанлар бўйича тақвимий иш режаси тузиш.
Олдинги таҳрирга қаранг.
54. Болалар мусиқа ва санъат мактабида педагог кадрларни тайёрлаш, қайта тайёрлаш ва уларнинг малакасини ошириш, касб маҳоратининг юқори даражада сақлаб турилиши Ўзбекистон Республикаси Маданият вазирлиги томонидан таъминланади.
(54-банднинг биринчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
Олдинги таҳрирга қаранг.
Мусиқа йўналишлари бўйича педагог ва мутахассис кадрлар — Ўзбекистон давлат консерваторияси ҳузуридаги Мусиқа соҳаси педагогларини қайта тайёрлаш ва уларнинг малакасини ошириш марказида, тасвирий ва амалий санъат, дизайн йўналишлари бўйича педагог ва мутахассис кадрлар — Ўзбекистон Бадиий академияси ҳузуридаги Бадиий таълим йўналишларида педагог ва мутахассис кадрларни қайта тайёрлаш ҳамда уларнинг малакасини ошириш марказида режа асосида бепул малака оширадилар.
(54-банднинг иккинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
Олдинги таҳрирга қаранг.
541. Болалар мусиқа ва санъат мактаблари директорлари ва директор ўринбосарлари беш йилда бир маротаба ишдан ажралган ҳолда, Ўзбекистон Республикаси Маданият вазирлиги томонидан ташкил қилинадиган менежерлик ўқув курсларида ўқитилади.
542. Болалар мусиқа ва санъат мактабларининг педагог ходимлари беш йилда бир маротаба ишдан ажралган ҳолда малака ошириш курсларига жалб этилади.
543. Малака ошириш ташкилотларига ишдан ажралган ҳолда малака оширишга юборилган тингловчиларнинг ўқиши ҳамда мустақил малака ошириши белгиланган тингловчиларнинг якуний аттестацияси ўтказиладиган даврда уларнинг асосий иш жойи бўйича лавозими ва ўртача иш ҳақи сақланиб қолинади, ўқув юкламалари эса бошқа педагог ходимлар ўртасида тақсимланади.
Ишдан ажралган ҳолда малака ошириш учун бошқа ҳудудлардан юборилган тингловчиларга қонунчилик ҳужжатларида белгиланган тартибда ётоқхона ва кунлик харажатлари ҳамда ўқишга бориш ва ундан қайтиш бўйича бир марталик йўл ҳақи харажатлари уларни юборган ташкилот ҳисобидан қопланади.
(541 — 543-бандлар Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарорига асосан киритилган — Қонунчилик маълумотлари миллий базаси, 17.04.2026 й., 09/26/175/0373-сон)
55. Педагог ходимлар фаолияти болалар мусиқа ва санъат мактаби раҳбарияти томонидан назорат қилинади.
Болалар мусиқа ва санъат мактабининг раҳбарияти педагог ходимларнинг обрў-эътибори ва ижтимоий мақомини, уларнинг масъулияти ва касб маҳоратини ошириш бўйича аниқ йўналишли ишларни амалга оширади, уларнинг тизимли равишда малака ошириши ва ўз устида ишлаши, таълим жараёнига илғор педагогик ва ахборот коммуникация технологиялари, шунингдек янги ўқув дастурлари жорий этилиши учун шарт-шароитлар яратади.
56. Болалар мусиқа ва санъат мактабида педагог ходимлардан ташқари маъмурий-хўжалик ходимлари фаолият кўрсатади.
Уларнинг лавозими бўйича ҳуқуқ ва мажбуриятлари, уларни ишга қабул қилиш тартиби, штатдаги тегишли лавозимларга қўйиладиган талаблар, лавозимга тайинлаш ва бўшатиш тартиби болалар мусиқа ва санъат мактаби уставида белгиланади.
Олдинги таҳрирга қаранг.
57. Болалар мусиқа ва санъат мактабларининг директори ва директор ўринбосарларига, ўқитувчи ва концертмейстерларга 56 календарь кундан иборат йиллик узайтирилган меҳнат таътили берилади.
(57-банднинг биринчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
Педагог ходимлар томонидан меҳнат таътилидан сўнг ўқув йили бошлангунга қадар муассасани янги ўқув йилига тайёрлаш, дарс тақсимотини шакллантириш ва иш режаларини тузиш, қабул синовларини ўтказишда қабул комиссияси фаолиятида иштирок этиш вазифалари амалга оширилади.
IХ. Болалар мусиқа ва санъат мактабини бошқариш
58. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари болалар мусиқа ва санъат мактабининг муассислари ҳисобланади.
Олдинги таҳрирга қаранг.
59. Болалар мусиқа ва санъат мактабининг умумий фаолияти Ўзбекистон Республикаси Маданият вазирлиги томонидан мувофиқлаштирилади.
(59-банд Ўзбекистон Республикаси Вазирлар Маҳкамасининг 2017 йил 11 майдаги 270-сонли қарори таҳририда — ЎР ҚҲТ, 2017 й., 19-сон, 345-модда)
Олдинги таҳрирга қаранг.
Болалар мусиқа ва санъат мактабларининг самарали фаолият юритишини таъминлаш, уларга илмий-услубий ёрдам кўрсатиш «Маданият таълими маркази» давлат муассасаси томонидан амалга оширилади.
(59-банд Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарорига асосан иккинчи хатбоши билан тўлдирилган — Қонунчилик маълумотлари миллий базаси, 17.04.2026 й., 09/26/175/0373-сон)
Олдинги таҳрирга қаранг.
60. Болалар мусиқа ва санъат мактабларига бевосита раҳбарликни тегишли равишда Қорақалпоғистон Республикаси Маданият вазирлиги, вилоятлар ва Тошкент шаҳар маданият бошқармалари бошлиқлари томонидан Ўзбекистон Республикаси Маданият вазирлиги ҳамда «Маданият таълими маркази» давлат муассасаси билан келишган ҳолда лавозимга тайинланадиган ва лавозимдан озод этиладиган директор амалга оширади.
(60-банднинг биринчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
Болалар мусиқа ва санъат мактаби директори муассасанинг ташкилий-ҳуқуқий, ўқув-тарбиявий, маънавий-маърифий ва молиявий-хўжалик фаолиятининг ташкил этилиши учун бевосита масъул ҳисобланади.
Олдинги таҳрирга қаранг.
Болалар мусиқа ва санъат мактаби директори лавозимига қўйиладиган малака талаблари Ўзбекистон Республикаси Маданият вазирлиги томонидан белгиланади.
(60-банднинг учинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
61. Директорнинг вазифалари қуйидагилардан иборат:
болалар мусиқа ва санъат мактабига умумий раҳбарликни амалга ошириш;
кадрларни танлаш, жой-жойига қўйиш ва уларнинг захирасини шакллантириш;
педагоглар ва бошқа ходимларга ўз фаолиятини амалга ошириши учун зарур шароит яратиш;
ўқувчиларнинг интизоми, билим савияси ҳамда мактаб ва синфдан ташқари олиб бориладиган ишларнинг ташкил этилиши ва мазмуни юзасидан назоратни амалга ошириш;
ўқувчиларни касб-ҳунарга йўналтириш учун зарур ишларни ташкил қилиш;
мактабнинг харажатлар сметасига риоя этилишини назорат қилиш;
меҳнат интизоми, санитария қоидалари, нормалари ва гигиена нормативлари, меҳнатни муҳофаза қилиш, ёнғин ва техника хавфсизлиги қоидаларига риоя этилишини таъминлаш;
болаларга йил мобайнида маслаҳат дарслари ўтилишини ва уларни мактабга кириш имтиҳонларига тайёрлашни назорат қилиш;
Олдинги таҳрирга қаранг.
умумий ўрта, қўшимча таълим муассасалари, маданият марказлари ўртасида ўзаро алоқалар ўрнатиш;
(61-банднинг ўнинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
ота-оналар ва жамоатчилик билан иш олиб боришни ташкил қилиш;
бўйсунувига кўра юқори органларга ҳисобот бериш;
ўз ваколати доирасида меҳнат вазифаларини бузган ходимларга нисбатан меҳнат қонунчилиги доирасида интизомий жазо чоралари қўллаш;
LexUZ шарҳиҚаранг: Ўзбекистон Республикаси Меҳнат кодексининг 312 –– 315-моддалари.
мактабнинг педагог ва бошқа ходимларини рағбатлантириш ва мукофотлашга тақдим этиш;
педагог ҳамда маъмурий-хўжалик ходимлари билан меҳнат шартномасини тузиш ва бекор қилиш.
Олдинги таҳрирга қаранг.
611. Болалар мусиқа ва санъат мактаби директорининг ўқув-маърифий ишлар бўйича ўринбосари «Маданият таълими маркази» давлат муассасаси билан келишилган ҳолда, шунингдек, директорнинг хўжалик ишлари бўйича ўринбосари таълим муассасаси директори тавсиясига кўра Қорақалпоғистон Республикаси Маданият вазирлиги, вилоятлар ва Тошкент шаҳар маданият бошқармалари бошлиқлари томонидан лавозимга тайинланади ва лавозимидан озод этилади.
(611-банд Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарорига асосан киритилган — Қонунчилик маълумотлари миллий базаси, 17.04.2026 й., 09/26/175/0373-сон)
62. Директорнинг ўқув-маърифий ишлар бўйича ўринбосарининг вазифалари қуйидагилардан иборат:
ўқув-тарбиявий ишлар ва иш ҳужжатларининг мазмунини назорат қилиш;
педагог ходимларга методик ёрдам кўрсатиш;
ўқув-услубий ва маънавий-маърифий ишларни ташкил қилиш;
ўқитиш услубини таҳлил қилиш мақсадида ўқув машғулотларига кириш;
педагог ходимларнинг болалар мусиқа ва санъат мактаби ички тартиб-қоидаларига риоя этишини назорат қилиш;
ўқув-тарбиявий, услубий иш режалари, дарс жадвали, очиқ дарслар режаси, синов имтиҳонлари, педагоглар ҳақида маълумотлар, ўқув машғулотлари тарификациясини тузиш ва тасдиқлаш учун болалар мусиқа ва санъат мактаби директорига тақдим этиш;
директор бўлмаган вақтда унинг вазифасини бажариб туриш;
педагог ходимлар томонидан дарс жадвали, ўқув-услубий, тарбиявий ҳамда синфдан ташқари ишларнинг бажарилишини назорат қилиш.
Болалар мусиқа ва санъат мактаби директори ва унинг ўқув-маърифий ишлар бўйича ўринбосари ўз ихтисосликлари бўйича меҳнат қонунчилигига мувофиқ педагогик фаолият билан шуғулланишлари мумкин.
63. Директорнинг хўжалик ишлари бўйича ўринбосарининг вазифалари қуйидагилардан иборат:
хўжалик фаолиятини бошқариш, болалар мусиқа ва санъат мактабининг ўқув машғулотлари ўтказиш учун тайёр ҳолда сақланишини таъминлаш;
болалар мусиқа ва санъат мактаби маблағларидан мақсадли фойдаланиш тадбирларини ўз ваколати доирасида ишлаб чиқиш ҳамда улардан тўғри фойдаланилишини таъминлаш;
Олдинги таҳрирга қаранг.
молиявий фаолият натижаларини таҳлил қилиш, шартнома мажбуриятларининг белгиланган муддатида тўлиқ бажарилишини таъминлаш, молиялаштиришнинг қонунчиликда тақиқланмаган турли манбалари ҳисобига бюджетдан ташқари маблағларни шакллантириш ва улардан самарали фойдаланилишини назорат қилиш;
(63-банднинг тўртинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
товар-моддий бойликлар ва асосий воситалар тушумини тўлиқ ҳисобга олиш;
қўшимча молиявий манбалар ва моддий маблағларни жалб этиш ҳамда ходимлар ва ўқувчилар учун зарур ижтимоий-маиший шарт-шароитларни таъминлаш чора-тадбирларини амалга ошириш;
ўқув жиҳозлари, асбоб-ускуналари ва бошқа таълим воситаларининг сақланишини ва улардан самарали фойдаланилишини таъминлаш;
моддий-техника базасини ривожлантириш ишларини ташкиллаштириш, бино ва қўшимча объектларнинг техник ҳолати ва жиҳозланганлигини мунтазам равишда ўрганиб бориш;
болалар мусиқа ва санъат мактабига етказиб берилаётган жиҳозларни белгиланган тартибда қабул қилиш, жиҳозларнинг синф хоналари ва бошқа хоналар бўйича тўғри тақсимланишини амалга ошириш;
куз-қиш мавсумига тайёргарлик жараёнида тегишли равишда кўмир, суюқ ёқилғи, табиий газ ва электр энергиясига бўлган эҳтиёжларни аниқлаш ва маълумотларни болалар мусиқа ва санъат мактаби директорига тақдим этиш ҳамда қабул қилинган ёқилғиларнинг сифати ва сақланишини таъминлаш;
болалар мусиқа ва санъат мактабига бириктирилган ҳудудларни ободонлаштириш, кўкаламзорлаштириш ва тозалаш ишларига раҳбарлик қилиш, ўзига бўйсунувчи тегишли бўлинма ҳамда техник хизмат кўрсатувчи ходимлар ишларини мувофиқлаштириш;
санитария қоидалари, нормалари ва гигиена нормативлари, меҳнатни муҳофаза қилиш, техника ва ёнғин хавфсизлиги қоидалари талабларига риоя этиш.
64. Болалар мусиқа ва санъат мактаби фаолияти билан боғлиқ энг муҳим масалаларни муҳокама қилиш, муаммоларни бартараф этиш ва истиқболдаги режаларни шакллантириш мақсадида педагогик кенгаш ташкил қилинади. Педагогик кенгаш муассасанинг юқори бошқарув органи ҳисобланади.
Педагогик кенгаш таркибига болалар мусиқа ва санъат мактабининг директори ва педагог ходимлари киритилади.
65. Педагогик кенгашнинг йиғилишлари бир ўқув йили мобайнида камида беш марта ўтказилади. Унга болалар мусиқа ва санъат мактаби директори раислик қилади. Директор бўлмаган вақтда раисликни директорнинг ўқув-маърифий ишлар бўйича ўринбосари амалга оширади.
66. Педагогик кенгашнинг вазифалари болалар мусиқа ва санъат мактабининг уставида белгиланади.
67. Педагогик кенгашнинг раиси кенгаш қабул қилган қарорларнинг бажарилишини доимий равишда назорат қилиб боради.
Х. Болалар мусиқа ва санъат мактабини молиялаштириш ва унинг моддий-техника таъминоти
68. Болалар мусиқа ва санъат мактаби фаолиятини молиялаштириш белгиланган тартибда тасдиқланган ва рўйхатдан ўтказилган харажатлар сметасига мувофиқ амалга оширилади.
Олдинги таҳрирга қаранг.
Болалар мусиқа ва санъат мактаби ўзига бириктирилган мол-мулкни ва харажатлар сметаси бўйича ажратилган маблағларни қонунчиликка мувофиқ тасарруф этади.
(68-банднинг иккинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
69. Болалар мусиқа ва санъат мактаби фаолиятини молиялаштириш қуйидаги манбалар ҳисобига амалга оширилади:
Ўзбекистон Республикаси Давлат бюджети маблағлари;
ота-оналар тўлови маблағлари;
ўқувчилар ва педагог ходимлар томонидан тайёрланган маҳсулотлар ва буюмларни сотишдан тушган маблағлар;
асосий машғулотлардан ташқари пайтда бўш бинолар, иншоотлар, асбоб-ускуналарни ижарага беришдан тушган маблағлар;
Олдинги таҳрирга қаранг.
хўжалик фаолиятидан, қонунчиликда тақиқланмаган шартнома асосида пулли хизмат кўрсатишдан олинган даромадлар;
(69-банднинг олтинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
ўқувчилар ва педагог ходимлар томонидан ўқув-тарбия жараёнига таъсир этмаган ҳолда бадиий кечалар, концерт ва театр томошалари ташкил этишдан олинган маблағлар;
Олдинги таҳрирга қаранг.
асосий машғулотлардан ташқари турли ўқув курсларини ташкил этишдан олинган маблағлар;
(69-банд Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарорига асосан саккизинчи хатбоши билан тўлдирилган — Қонунчилик маълумотлари миллий базаси, 17.04.2026 й., 09/26/175/0373-сон)
Олдинги таҳрирга қаранг.
жисмоний ва юридик шахсларнинг қонунчиликда тақиқланмаган ҳомийлик хайриялари, маҳаллий ва халқаро ташкилотларнинг грантлари;
(69-банднинг саккизинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Олдинги таҳрирга қаранг.
қонунчиликда тақиқланмаган бошқа манбалар.
(69-банднинг тўққизинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Олдинги таҳрирга қаранг.
70. Қонунчиликда тақиқланмаган фаолиятдан олинган даромад ҳисобига сотиб олинган мол-мулк муассасанинг мол-мулки таркибига киритилади.
(70-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
71. Болалар мусиқа ва санъат мактабининг мол-мулки ва пул маблағлари сарфланиши учун бевосита унинг директори жавобгар ҳисобланади.
Олдинги таҳрирга қаранг.
72. Болалар мусиқа ва санъат мактаби томонидан қонунчиликка мувофиқ молиявий ва статистик ҳисобот юритилади.
(72-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Олдинги таҳрирга қаранг.
73. Болалар мусиқа ва санъат мактаби ходимларини моддий ва маънавий рағбатлантириш ҳамда иш ҳақига устамалар қонунчиликка мувофиқ белгиланади.
(73-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
74. Болалар мусиқа ва санъат мактаби штатидаги ходимлар сони муассасанинг намунавий штатларига мувофиқ белгиланади.
Олдинги таҳрирга қаранг.
Болалар мусиқа ва санъат мактабларининг намунавий штатлари Ўзбекистон Республикаси Камбағалликни қисқартириш ва бандлик вазирлиги ҳамда Иқтисодиёт ва молия вазирлиги билан келишилган ҳолда Маданият вазирлиги томонидан тасдиқланади.
(74-банднинг иккинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
75. Болалар мусиқа ва санъат мактабининг моддий-техника таъминоти ва кадрлар билан таъминланиши белгиланган нормативларга мувофиқ эҳтиёжлар асосида амалга оширилади.
Олдинги таҳрирга қаранг.
76. Болалар мусиқа ва санъат мактаби тегишли маҳаллий ижро этувчи ҳокимият органлари билан биргаликда ўзининг моддий-техника базасини мустаҳкамлаш чора-тадбирларини амалга оширади.
(76-банд Ўзбекистон Республикаси Вазирлар Маҳкамасининг 2025 йил 15 декабрдаги 791-сонли қарори таҳририда — Қонунчилик маълумотлари миллий базаси, 16.12.2025 й., 09/25/791/1167-сон)
ХI. Якунловчи қоидалар
Олдинги таҳрирга қаранг.
77. Болалар мусиқа ва санъат мактаби қонунчиликда белгиланган тартибда қўшимча таълим бўйича халқаро ҳамкорликни йўлга қўйиши мумкин.
(77-банднинг биринчи хатбошиси Ўзбекистон Республикаси Вазирлар Маҳкамасининг 2025 йил 10 декабрдаги 776-сонли қарори таҳририда — Қонунчилик маълумотлари миллий базаси, 11.12.2025 й., 09/25/776/1149-сон)
Уларнинг халқаро ҳамкорлиги шартномалар асосида хорижий ташкилотлар билан педагогик ахборот ва тажриба алмашиш, педагог ходимларнинг малака ошириши ҳамда стажировка ўташи шаклида амалга оширилиши мумкин.
78. Болалар мусиқа ва санъат мактаби ўқувчиларнинг ота-оналари, фуқароларнинг ўзини ўзи бошқариш органлари, бошқа таълим муассасалари ва нодавлат нотижорат ташкилотлари билан узвий алоқада фаолият кўрсатади.
79. Болалар мусиқа ва санъат мактабида унинг иш фаолияти билан боғлиқ бўлмаган ташкилотлар, жумладан, сиёсий партиялар ва ҳаракатлар ташкил этилишига ва фаолият юритишига йўл қўйилмайди.
Олдинги таҳрирга қаранг.
80. Болалар мусиқа ва санъат мактабини қайта ташкил этиш ёки тугатиш қонунчиликка мувофиқ ўқув йили якунида Ўзбекистон Республикаси Маданият вазирлиги билан келишилган ҳолда муассис томонидан амалга оширилади.
(80-банднинг биринчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
Тугатилган болалар мусиқа ва санъат мактабининг муассиси ўқувчиларни ота-оналарнинг розилиги билан бошқа болалар мусиқа ва санъат мактабига ўтказиш масъулиятини олади.
Олдинги таҳрирга қаранг.
81. Болалар мусиқа ва санъат мактаби тугатилган тақдирда унинг пул маблағлари ва мол-мулкидан, унинг мажбуриятларини қоплаш бўйича тўловлар чегирилган ҳолда, қонунчиликка ҳамда болалар мусиқа ва санъат мактаби уставига мувофиқ фойдаланилади.
(81-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Олдинги таҳрирга қаранг.
Болалар мусиқа ва санъат мактаблари тўғрисидаги низомга
ИЛОВА
ИЛОВА
Болалар мусиқа ва санъат мактаби битирувчиларига ўқишни тугатганлиги тўғрисида бериладиган гувоҳноманинг
ШАКЛИ
Болалар мусиқа ва санъат мактаби гувоҳномасининг
ТАВСИФИ
Болалар мусиқа ва санъат мактаби гувоҳномаси намунаси 100 х 150 мм ўлчовда тўқ кўк рангли ледериндан тайёрланган. Унинг юза томонида босма нақш усулида олтин рангда юқорида давлат тилида «OʻZBEKISTON RESPUBLIKASI MADANIYAT VAZIRLIGI» сўзлари ёзилган, марказда Ўзбекистон Республикаси Давлат гербининг тасвири туширилган, пастроқда давлат тилида «GUVOHNOMA» сўзи ёзилган.
Гувоҳноманинг ички варақ ўлчами — 95 х 142 мм, жойлашиш тартиби — вертикал, офсет босма усулда, бўёқлар сони «оддий» — 4+N.
Гувоҳноманинг чап варағида тўққизта позицияда: MT ҳарфи ва еттита рақамли тартиб рақами ёзилади.
Муқова материали ранги тўқ кўк. Тўғри бурчакли (юмшоқ ёстиқча) билан қопланган қаттиқ муқовали. Муқова материали — бумвинил (қоғоз қатлами асоси — поливинилхлорид) тўқ кўк рангли, материал қалинлиги — 170+20 мкм. Муқовада матн олтин ранг зарли қоғозда юқорида давлат тилида «OʻZBEKISTON RESPUBLIKASI MADANIYAT VAZIRLIGI», марказда диаметри 40 мм бўлган Ўзбекистон Республикаси Давлат гербининг тасвири, пастроқда давлат тилида «GUVOHNOMA» номи қиздириб нақш солиш орқали ёзилади.
Қоғоз тафсилоти:
қоғоз — 100 фоиз пахта толасидан, қалинлиги — 140+5 г/кв.м, оқартиргичсиз, акс этмайдиган ультрабинафша нури;
ёруғликда яхши кўринадиган «пахта кўсаги» кўринишидаги асосий уч ўлчовли сув белгиси бор;
кўринадиган рангли тола қизил ва яшил тусда, қоғоз сиртида тартибсиз жойлашган, узунлиги — 2,5 — 3 мм, «киприк» шаклида, ультрабинафша нурларисиз кўринади;
кўринмайдиган тола кўк ва оч яшил тусда, қоғоз қатламида тартибсиз жойлашган, узунлиги — 2,5 — 3 мм, «киприк» шаклида ультрабинафша нурлари остида кўринади.
Босма тафсилоти:
босма жараёнида эксклюзив кимёвий турғун матбаа бўёқлари қўлланади;
ички варақнинг асосий фони оч жигарранг, икки тангир сеткадан пайдо бўлган ингичка синусоидал чизиқдан ташкил топган нусха кўчирилмайдиган ҳимоя сифатида хизмат қилади;
тангир сеткаларининг бири «ирис» эффекти қўлланган ҳолда чоп этилади, яъни марказда яшил рангдан четлари бўйича ҳаво рангга равон ўтади;
ички варақ марказида Ўзбекистон Республикаси Давлат гербининг тасвири бўлади, диаметри — 35 мм, саккиз бурчак билан ҳошияланади;
бланканинг тўрт бурчагида мураккаб чизиқли нақш жойлаштирилади. Бу нақшлар ҳар хил қалинликдаги чизиқлардан ташкил топади, шакли ва зичлиги бир-бирига қопланиб, ягона зарҳални юзага келтиради. Қалбакиликдан нусха кўчирилмайдиган ва сканерланмайдиган ҳимоя сифатида хизмат қилади;
ички варақнинг икки тарафи марказида «Ҳумо» қуши (25 х 40 мм ўлчамли) қиёфасида кўринмайдиган тасвир жойлаштирилади;
чап тарафда кичик матн, бир неча бор катталаштирилгандагина кўринади, узлуксиз чизиқни юзага келтиради ва такрорланадиган «BOLALAR MUSIQA VA SANʼAT MAKTABI GUVOHNOMASI» сўзлари бирикмасидан иборат. Кичик матннинг юқори қисмида «OʻZBEKISTON RESPUBLIKASI MADANIYAT VAZIRLIGI BOLALAR MUSIQA VA SANʼAT MAKTABI GUVOHNOMASI» сўзлари жойлашади. Нусха кўчириш ва қалбакилаштиришдан ҳимояланади;
серия «MT» ва етти хонали рақам қора флуоресценция бўёғида чоп этилади, ультрабинафша нурларида яшил рангда ёруғлик сочади.
Гувоҳноманинг ички чап томони |
OʻZBEKISTON RESPUBLIKASI MADANIYAT VAZIRLIGI |
BOLALAR MUSIQA VA SANʼAT MAKTABI |
GUVOHNOMASI |
MT № 0000000 |
________________________________________________________________________________________ |
(familiyasi, ismi, otasining ismi) |
20____ yilda ____________________________________________________________________________________________________________________________________________________ |
(viloyat, shahar, tuman) |
_______-son bolalar musiqa va sanʼat maktabiga oʻqishga kirib, 20______ yilda _______-son bolalar musiqa va sanʼat maktabining toʻla sinfini _____________________________________________________ yoʻnalishi ______________________________________________ mutaxassisligi boʻyicha tamomladi. |
Гувоҳноманинг ички ўнг томони | |||
Bolalar musiqa va sanʻat maktablari uchun belgilangan davlat taʼlim talablariga muvofiq oʻquv fanlaridan olgan bilim ва koʻnikmalari quyidagicha baholandi: | |||
Oʻquv fanlari | Baholari | ||
1. __________________________________________ | ___________________________________________ | ||
2. __________________________________________ | ___________________________________________ | ||
3. __________________________________________ | ___________________________________________ | ||
4. __________________________________________ | ___________________________________________ | ||
5. __________________________________________ | ___________________________________________ | ||
6. __________________________________________ | ___________________________________________ | ||
7. __________________________________________ | ___________________________________________ | ||
Direktor | ___________________ | _________________ | |
imzo | (ismi va familiyasi) | ||
M.Oʻ | |||
20____ yil «_____»__________________da berildi. | |||
Roʻyxat raqami ____________ | |||
(илова Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарорига асосан киритилган — Қонунчилик маълумотлари миллий базаси, 17.04.2026 й., 09/26/175/0373-сон)
(Ўзбекистон Республикаси қонун ҳужжатлари тўплами, 2016 й., 18-сон, 204-модда; 2017 й., 19-сон, 345-модда; Қонунчилик маълумотлари миллий базаси, 04.06.2021 й., 09/21/345/0522-сон, 22.06.2021 й., 09/21/385/0583-сон; 05.04.2022 й., 09/22/153/0266-сон; 13.06.2025 й., 09/25/362/0507-сон; 11.12.2025 й., 09/25/776/1149-сон; 16.12.2025 й., 09/25/791/1167-сон; 17.04.2026 й., 09/26/175/0373-сон)
