Республика кимё саноати корхоналарида ягона техника сиёсатини амалга ошириш, юқори сифатли, рақобатбардор минерал ўғитлар ва ўсимликларни ҳимоя қилиш кимёвий воситалари ишлаб чиқаришни ташкил этиш мақсадида Вазирлар Маҳкамаси қарор қилади:

1. «Электрокимёзавод» акциядорлик жамияти қўшма корхонаси «Ўзкимёсаноат» давлат-акциядорлик компаниясига кирувчи корхоналар таркибига киритилсин.

2. «Ўзкимёсаноат» давлат-акциядорлик компанияси ташкилий тузилмасига иловага мувофиқ ўзгартиришлар киритилсин.

3. Вазирлар Маҳкамасининг «Кимё саноати корхоналарини бошқариш тузилмасини такомиллаштириш ва қишлоқ хўжалигига агрокимё хизмати кўрсатишни яхшилаш чора-тадбирлари тўғрисида» 2004 йил 23 январдаги 33-сон қарорига 1-илова ўз кучини йўқотган деб ҳисоблансин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ў.Т. Султонов зиммасига юклансин.