Ҳужжат кучини йўқотган 28.09.2020

Норасмий таржима

Ўзбекистон Республикаси Президентининг

Қарори

Ўзбекистон Республикаси Президенти И.А. Каримовнинг Корея Республикасига Давлат ташрифи давомида эришилган келишувларни амалга ошириш ва икки томонлама ҳамкорликни янада кенгайтириш чора-тадбирлари тўғрисида

LexUZ шарҳи

Мазкур қарор Ўзбекистон Республикаси Президентининг 2020 йил 27 сентябрдаги ПФ-6075-сонли «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида»ги Фармонига асосан ўз кучини йўқотган.

Ўзбекистон Республикаси Президенти И.А. Каримовнинг 2015 йил 27 — 29 май кунлари Корея Республикасига давлат ташрифи давомида Ўзбекистон Республикаси ва Корея Республикаси ўртасида сиёсий, савдо-иқтисодий, инвестициявий, молиявий-техник ва маданий-гуманитар ҳамкорликни кенгайтириш ва мустаҳкамлаш борасидаги давлатлараро, ҳукуматлараро ва идоралараро битимлар ва келишувларнинг ўз вақтида ва сўзсиз амалга оширилишини таъминлаш мақсадида:

1. Ўзбекистон Республикаси Президенти И.А. Каримовнинг 2015 йил 27 — 29 май кунлари Корея Республикасига давлат ташрифи давомида имзоланган битимлар ва эришилган келишувларни амалга ошириш бўйича чора-тадбирлар режаси (кейинги ўринларда — Чора-тадбирлар режаси) 1-иловага мувофиқ тасдиқлансин.

2. Ўзбекистон Республикаси Вазирлар Маҳкамаси ўн кун муддатда тасдиқланган Чора-тадбирлар режасида назарда тутилган, вазирликлар, идоралар ва хўжалик субъектлари — масъул ижрочилар томонидан ишлаб чиқилган Иқтисодиёт вазирлиги ва Ташқи иқтисодий алоқалар, инвестициялар ва савдо вазирлиги билан келишилган Корея Республикаси билан савдо-иқтисодий, инвестициявий ва молиявий-техник соҳаларда ҳамкорлик қилиш лойиҳаларини амалга ошириш тармоқ жадвалларини тасдиқласин.

3. Ўзбекистон Республикаси Президенти И.А. Каримовнинг 2015 йил 27 — 29 май кунлари Корея Республикасига давлат ташрифи давомида имзоланган битимлар ва эришилган келишувларнинг ўз вақтида ва сўзсиз амалга оширилишини назорат қилиш бўйича ишчи гуруҳ 2-иловага мувофиқ тузилсин.

4. Ишчи гуруҳ (Р. Азимов)га қуйидаги вазифаларни амалга ошириш юклатилсин:

Ўзбекистон Республикаси Президенти И.А. Каримовнинг 2015 йил 27 — 29 май кунлари Корея Республикасига давлат ташрифи давомида эришилган Корея Республикаси билан икки томонлама сиёсий, савдо-иқтисодий, инвестициявий, молиявий-техник ва маданий-гуманитар ҳамкорликни кенгайтириш ва мустаҳкамлаш борасидаги битимлар ва келишувларнинг тўлиқ ва сифатли бажарилиши устидан тизимли мониторингни ташкил этиш;

вазирликлар, идоралар, акциядорлик компаниялари, уюшмалар, бошқа хўжалик юритувчи субъектлар раҳбарлари — масъул ижрочиларнинг мазкур қарор билан тасдиқланган Чора-тадбирлар режасида назарда тутилган чора-тадбирлар ва лойиҳаларнинг ўз вақтида амалга оширилишини таъминлаш бўйича улар томонидан кўрилаётган аниқ чоралар тўғрисидаги ҳисоботларини эшитиш;

Ўзбекистон Республикаси ва Корея Республикаси ўртасидаги сиёсий, савдо-иқтисодий, инвестициявий, молиявий-техник ва маданий-гуманитар ҳамкорликни кенгайтириш ва мустаҳкамлаш бўйича имзоланган битимлар ва эришилган келишувларнинг ўз вақтида ва сўзсиз амалга оширилиши билан боғлиқ масалаларни мувофиқлаштириш, шунингдек, корея томони билан ушбу масалалар бўйича ўзаро ҳамкорликни ташкил этиш;

вазирликлар, идоралар, акциядорлик компаниялари, уюшмалар ва бошқа хўжалик юритувчи субъектлар — масъул ижрочилар томонидан қўшма инвестиция лойиҳаларини амалга оширишнинг тасдиқланган тармоқ жадваллари лойиҳаларига қатъий риоя қилинишини назорат қилиш.

5. Ўзбекистон Республикаси Вазирлар Маҳкамаси комплекслари, вазирликлар, идоралар, акциядорлик компаниялари, уюшмалар ва бошқа хўжалик юритувчи субъектлар раҳбарлари — масъул ижрочилар мазкур қарор билан тасдиқланган Чора-тадбирлар режаси доирасидаги чора-тадбирлар ва лойиҳаларнинг ўз вақтида ва сифатли ижро этилишини таъминласин ва ҳар чоракда уни амалга оширишнинг бориши тўғрисида Вазирлар Маҳкамаси ва Ишчи гуруҳга маълумот киритиб борсин.

6. Мазкур қарорнинг ижросини назорат қилиш Ўзбекистон Республикасининг Бош вазири Ш.М. Мирзиёев зиммасига юклансин.

Ўзбекистон Республикаси Президенти И. КАРИМОВ

Тошкент ш.,

2015 йил 9 июнь,

ПҚ-2351-сон

Ўзбекистон Республикаси Президентининг 2015 йил 9 июндаги ПҚ-2351-сон қарорига
1-ИЛОВА

Ўзбекистон Республикаси Президенти И.А.Каримовнинг 2015 йил 27 — 29 май кунлари Корея Республикасига давлат ташрифи давомида имзоланган битимлар ва эришилган келишувларни амалга ошириш бўйича

ЧОРА-ТАДБИРЛАР РЕЖАСИ

Т/р	Ҳужжат/чора-тадбирларнинг номланиши	Ижро муддатлари	Ижро учун масъуллар
I БОБ. ДАВЛАТЛАРАРО, ҲУКУМАТЛАРАРО ВА ИДОРАЛАРАРО БИТИМЛАРНИНГ АМАЛГА ОШИРИЛИШИНИ ТАЪМИНЛАШ
1. Давлатлараро ҳужжатлар
1.	Ўзбекистон Республикаси ва Корея Республикаси ўртасида қўшма декларация қоидаларини амалга ошириш.	Тизимли ва доимий асосда	ТИВ
2. Ҳукуматлараро ҳужжатлар
2.	Ўзбекистон Республикаси Ҳукумати ва Корея Республикаси Ҳукумати ўртасидаги 2005 йил 10 майдаги Ижтимоий таъминот тўғрисидаги битимга қўшимчалар киритиш тўғрисида Айирбошлаш ноталари қоидаларини амалга ошириш.	Тизимли ва доимий асосда	Молия вазирлиги, Меҳнат ва аҳолини ижтимоий муҳофаза қилиш вазирлиги
3.	Ўзбекистон Республикаси Ҳукумати ва Корея Республикаси Ҳукумати ўртасидаги ҳайдовчилик гувоҳномаларини ўзаро тан олиш ва алмаштириш тўғрисидаги Битим қоидаларини амалга ошириш. Битимнинг кучга кириши юзасидан давлат ички тартиб-таомилларини бажариш.	Тизимли ва доимий асосда, 2015 йил 2-ярим йиллик	ТИВ, ИИВ
4.	Ўзбекистон Республикаси Ҳукумати ва Кореянинг Экспорт-импорт банки ўртасида «Мактаб таълимида ахборот-коммуникация технологияларини янада ривожлантириш» лойиҳасини молиялаштириш (лойиҳа қиймати — 38 млн доллар, шу жумладан «EDCF» жамғармасининг узоқ муддатли имтиёзли кредитлари — 33 млн доллар) бўйича Қарз шартномасини амалга ошириш. Лойиҳанинг ТИҲни тасдиқлаш ва лойиҳани амалга ошириш бўйича ҳукумат қарори лойиҳасини тайёрлаш ва киритиш.	2015 — 2016 йиллар 2015 йил 1 августгача	Халқ таълими вазирлиги, Молия вазирлиги, Ахборот технологиялари ва коммуникацияларини ривожлантириш вазирлиги,манфаатдор вазирликлар ва идоралар
3. Идоралараро ҳужжатлар
5.	Ўзбекистон Республикаси Молия вазирлиги ва Корея Республикасининг Стратегия ва молия вазирлиги ўртасида 2015 — 2019 йилларга мўлжалланган «EDCF» жамғармасининг линияси бўйича ҳамкорлик дастурини («EDCF» жамғармасининг 415,3 млн доллар қийматидаги имтиёзли кредитни жалб қилган ҳолда умумий қиймати 630,7 млн доллар бўлган 6 та лойиҳани) амалга ошириш бўйича ўзаро англашув тўғрисидаги Меморандуми қоидаларини амалга ошириш.	2015 — 2019 йиллар	Молия вазирлиги, ТИАИСВ, Иқтисодиёт вазирлиги, манфаатдор вазирликлар ва идоралар
6.	Ўзбекистон Республикаси Ташқи ишлар вазирлиги ва Корея Республикаси Ташқи ишлар вазирлиги ўртасида 2015 — 2017 йилларга мўлжалланган ҳамкорлик дастури қоидаларини амалга ошириш.	2015 — 2017 йиллар	ТИВ
7.	Ўзбекистон Республикаси Ички ишлар вазирлиги ва Корея Республикаси Полиция миллий агентлиги ўртасида ўзаро англашув тўғрисида Меморандум қоидаларини амалга ошириш.	Тизимли ва доимий асосда	ИИВ, ТИВ
8.	Ўзбекистон Республикаси Ташқи иқтисодий алоқалар, инвестициялар ва савдо вазирлиги ҳамда Корея Республикасининг Савдо, саноат ва энергетика вазирлиги ўртасида ишлаб чиқариш технологияларини ривожлантириш соҳасида ҳамкорлик тўғрисидаги ўзаро англашув тўғрисида Меморандум қоидаларини амалга ошириш.	2015 — 2016 йиллар	ТИАИСВ, Иқтисодиёт вазирлиги, Меҳнат ва аҳолини ижтимоий муҳофаза қилиш вазирлиги
9.	Ўзбекистон Республикаси Ташқи иқтисодий алоқалар, инвестициялар ва савдо вазирлиги ҳамда Корея Республикасининг Савдо, саноат ва энергетика вазирлиги ўртасида икки томонлама савдо муносабатларини кенгайтириш бўйича чоралар тўғрисидаги ўзаро англашув тўғрисида Меморандум қоидаларини амалга ошириш.	2015 — 2016 йиллар	ТИАИСВ, Иқтисодиёт вазирлиги, Молия вазирлиги, ДБҚ
10.	Ўзбекистон Республикаси Ташқи иқтисодий алоқалар, инвестициялар ва савдо вазирлиги ҳамда Корея Халқаро ҳамкорлик агентлиги (КОЙКА) ўртасида 2015 — 2017 йилларга мўлжалланган ҳамкорлик дастурини (ва қиймати 57,4 млн доллар бўлган грантларни жалб қилган ҳолда 58,2 млн доллар қийматидаги лойиҳаларни) амалга ошириш бўйича ўзаро англашув тўғрисида Меморандум қоидаларини амалга ошириш.	2015 — 2017 йиллар	ТИАИСВ, Иқтисодиёт вазирлиги, Молия вазирлиги, манфаатдор вазирликлар ва идоралар
11.	Ўзбекистон Республикаси Меҳнат ва аҳолини ижтимоий муҳофаза қилиш вазирлиги ҳамда Корея Республикасининг Бандлик ва меҳнат вазирлиги ўртасида Корея Республикасига ишчиларни жўнатиш бўйича ўзаро англашув тўғрисида Меморандум қоидаларини амалга ошириш.	2015 — 2016 йиллар	Меҳнат ва аҳолини ижтимоий муҳофаза қилиш вазирлиги
II БОБ. ИККИ ТОМОНЛАМА ҲАМКОРЛИКНИ ЯНАДА КЕНГАЙТИРИШ ВА МУСТАҲКАМЛАШ
1. Сиёсий соҳада ҳамкорлик қилиш
12.	Икки мамлакат ташқи ишлар вазирликлари ўртасида икки томонлама консультациялар ўтказиш.	2015 — 2017 йиллар	ТИВ
13.	Парламентлараро ҳамкорликни янада ривожлантириш.	Доимий асосда	Олий Мажлис, ТИВ
14.	«Корея Республикаси — Марказий Осиё» ҳамкорлиги Форумининг ўнинчи йиғилишида Ўзбекистон Республикаси делегациясининг иштироки масаласини кўриб чиқиш.	2015 йил 2-ярим йиллик	ТИВ
15.	Ўзбекистон Республикаси ва Корея Республикасининг мудофаа идоралари, суд органлари ва бош прокуратуралари делегацияларининг ўзаро ташрифини ташкил этиш ҳамда ҳамкорлигини янада ривожлантириш.	Доимий асосда	ТИВ, Мудофаа вазирлиги, Олий суд, Бош прокуратура
2. Савдо-иқтисодий ва инвестиция соҳасида ҳамкорлик
16.	Ўзбекистон Республикаси ва Корея Республикаси молия вазирларининг тўртинчи қўшма йиғилишини ўтказиш.	2016 йил	Молия вазирлиги, ТИАИСВ, ТИВ, манфаатдор вазирликлар ва идоралар
17.	Ўзбекистон Республикаси ва Корея Республикаси ўртасида савдо-иқтисодий ҳамкорлик бўйича Ҳукуматлараро қўмитанинг саккизинчи йиғилишини ўтказиш.	2015 йил 2-ярим йиллик	ТИАИСВ, ТИВ, манфаатдор вазирликлар ва идоралар
18.	Корея томони билан ўзаро савдо ҳажмларини ошириш ва номенклатурасини кенгайтириш, жумладан қуйидагилар: а) Корея Республикасига стратегик товарлар (уран концентрати, рангли ва нодир ер металлари, пахта толаси ва бошқалар), шунингдек, электротехника, тўқимачилик, мева-сабзавот ва бошқа талаб юқори бўлган саноат маҳсулотларини етказиб бериш; б) Корея Республикасидан Ўзбекистон Республикасига саноатни модернизация қилиш учун юқори технологияли ускуналарни импорт қилиш бўйича аниқ таклифларни тайёрлаш ва ишлаб чиқиш.	2015 — 2016 йиллар	ТИАИСВ, НКМК, «Ўзэлтехсаноат» АК, «Ўзбекенгилсаноат» ДАК, «Ўзавтосаноат» АК, «Ўзбекозиқовқатхолдинг» ХК, «Ўзпахтасаноатэкспорт» ХК, манфаатдор вазирликлар ва идоралар, тармоқ компаниялари
19.	Ишбилармон доиралар делегацияларининг ўзаро ташрифлари, қўшма бизнес — форумлари, конференциялар, презентациялар ва икки мамлакатнинг етакчи компаниялари иштирокида бошқа тадбирларни мунтазам ўтказиш. Ўзбекистон Республикаси ва Корея Республикасида мунтазам ўтказиб бориладиган кўргазма-ярмарка тадбирларида уларнинг иштирокига кўмаклашиш.	Доимий асосда	ТИАИСВ, манфаатдор вазирликлар ва идоралар
20.	Сургил кони негизида Устюрт газ кимё комплексини қуриш бўйича лойиҳани етакчи корея компаниялари — Корея газ корпорацияси ва «Лотте Кемикал» консорциумлари билан ҳамкорликда муваффақиятли амалга оширишни таъминлаш. Объект қурилишини якунлаш ва ишлаб чиқаришни бошлаш. Корхонани лойиҳа қувватига чиқариш.	2015 — 2016 йиллар 2015 йил 2-ярим йиллик 2016 йил 1-ярим йиллик	«Ўзбекнефтгаз» МХК, ТИАИСВ, Иқтисодиёт вазирлиги, манфаатдор вазирликлар ва идоралар
21.	Саноатни янада модернизация қилиш, инфратузилмани ривожлантириш, хусусийлаштириш, ишбилармонлик муҳити ва хусусий тадбиркорликни ривожлантириш, шунингдек, корпоратив бошқарувни тубдан такомиллаштириш бўйича Ўзбекистон Республикасида қабул қилинган стратегик дастурлар доирасидаги инвестициявий лойиҳаларни амалга оширишда юқори технологияли Корея компанияларини жалб қилиш бўйича корея томони билан таклифлар тайёрлаш ва ишлаб чиқиш.	2015 — 2016 йиллар лойиҳалар рўйхатини тайёрлаш — 2015 йил 1 августгача	ТИАИСВ, Иқтисодиёт вазирлиги, Давлат рақобат қўмитаси, манфаатдор вазирликлар ва идоралар
3. Ахборот-коммуникация технологиялари соҳасида ҳамкорлик қилиш
22.	«Электрон ҳукумат» тизими соҳасида Корея Республикасининг илғор тажрибаси ва дунёдаги етакчилигини инобатга олган ҳолда Ўзбекистон Республикасида мазкур тизимни янада кенг жорий этиш.	2015 — 2016 йиллар	Ахборот технологиялари ва коммуникацияларини ривожлантириш вазирлиги,манфаатдор вазирликлар ва идоралар
23.	«EDCF» жамғармасининг қиймати 25,5 млн доллар бўлган узоқ муддатли имтиёзли кредитини жалб қилган ҳолда«Электрон ҳукумат» тизимининг маълумотларни қайта ишлайдиган давлат марказини ташкил этиш.	2015 — 2017 йиллар	Ахборот технологиялари ва коммуникацияларини ривожлантириш вазирлиги,манфаатдор вазирликлар ва идоралар
24.	«EDCF» жамғармасининг узоқ муддатли имтиёзли кредитини жалб қилган ҳолда Миллий умумтаълим электрон кутубхонасини ташкил этиш лойиҳасини амалга оширишни якунлаш.	2015 йил	Ахборот технологиялари ва коммуникацияларини ривожлантириш вазирлиги,Миллий кутубхона, манфаатдор вазирликлар ва идоралар
25.	«Мактаб таълимида ахборот-коммуникация технологияларини янада ривожлантириш» лойиҳасини амалга ошириш доирасида «EDCF» жамғармасининг қиймати 33,0 млн доллар бўлган узоқ муддатли имтиёзли кредитини жалб қилган ҳолда Ўзбекистон Республикаси ҳудудларидаги 2229 та умумтаълим мактабларини замонавий ўқув-компьютер синфлари (компьютерлар, лазер принтерлари, проекторлар ва бошқа ускуналар) билан жиҳозлаш.	2015 — 2016 йиллар	Халқ таълими вазирлиги, Ахборот технологиялари ва коммуникацияларини ривожлантириш вазирлиги, Молия вазирлиги, манфаатдор вазирликлар ва идоралар
26.	Тошкент шаҳрида «Инха» университети филиалини янада самарали фаолият олиб боришини таъминлаш. Янги «Логистика» факультетини очиш ва унда биринчи йил 50 та талабани тайёрлашни ташкил этиш.	2015 — 2016 йиллар	Ахборот технологиялари ва коммуникацияларини ривожлантириш вазирлиги, Олий ва ўрта махсус таълим вазирлиги, манфаатдор вазирликлар ва идоралар
27.	«КОЙКА» агентлигининг қиймати 7,9 млн доллар бўлган грант маблағларини жалб қилган ҳолда Тошкент ахборот технологиялари университетини ривожлантириш (замонавий ахборот-ресурс марказини қуриш ва уни жиҳозлаш, электрон таълим олиш тизимини жорий қилиш ва илмий-ўқув лабораторияларини жиҳозлаш) бўйича лойиҳани амалга ошириш масаласини кўриб чиқиш.	2015 — 2017 йиллар	Ахборот технологиялари ва коммуникацияларини ривожлантириш вазирлиги, ТИАИСВ, Олий ва ўрта махсустаълим вазирлиги,манфаатдор вазирликлар ва идоралар
28.	Ўзбекистон Республикаси Ахборот технологиялари ва коммуникацияларини ривожлантириш вазирлиги ҳамда Корея тадқиқотлар ва ҳудудларни ахборотлаштиришни ривожлантириш институти ўртасида ҳамкорлик қилиш тўғрисидаги Меморандум қоидаларини амалга ошириш.	2015 — 2016 йиллар	Ахборот технологиялари ва коммуникацияларини ривожлантириш вазирлиги, вилоятлар ва Тошкент шаҳар ҳокимликлари, Қорақалпоғистон Республикаси Вазирлар Кенгаши
29.	«Ўзбекистон почтаси» АЖ ва Корея Республикаси давлат почтаси ўртасида ҳамкорлик қилиш тўғрисидаги Меморандум қоидаларини амалга ошириш.	2015 — 2016 йиллар	Ахборот технологиялари ва коммуникацияларини ривожлантириш вазирлиги, «Ўзбекистон почтаси» АЖ
30.	Корея Республикасининг етакчи олий таълим муассасалари ва таълим марказлари негизида Ўзбекистон Республикасининг ахборот-коммуникация технологиялари соҳасидаги мутахассисларининг малакасини ошириш.	2015 — 2016 йиллар Доимий асосда	Ахборот технологиялари ва коммуникацияларини ривожлантириш вазирлиги, манфаатдор вазирликлар ва идоралар
4. Транспорт — логистика соҳасида ҳамкорлик қилиш
31.	«Навоий» халқаро интермодал логистика маркази фаолиятини «Кореан Эйр» компанияси билан ҳамкорликда янада ривожлантириш. Юк ташиш ҳажмини ошириш ва унинг географиясини кенгайтириш.	2015 — 2016 йиллар	ТИАИСВ, «Ўзбекистон ҳаво йўллари» МАК, манфаатдор вазирликлар ва идоралар
32.	Янги халқаро йўловчи терминалини қурган ҳолда Тошкент шаҳридаги аэропортни модернизация қилиш лойиҳасини амалга ошириш. Лойиҳа ТИАсини «КОЙКА» агентлигининг қиймати 4 млн доллар бўлган грант маблағларини жалб қилган ҳолда ишлаб чиқиш. Лойиҳани амалга ошириш учун «EDCF» жамғармасининг узоқ муддатли имтиёзли кредитларини жалб қилиш бўйича қарз шартномаси тузиш масаласини кўриб чиқиш.	2015 — 2016 йиллар	«Ўзбекистон ҳаво йўллари» МАК, ТИАИСВ, Молия вазирлиги, манфаатдор вазирликлар ва идоралар
5. Молиявий — техник ҳамкорлик
33.	«EDCF» жамғармасининг линияси бўйича Ўзбекистон Республикаси ва Корея Республикаси ўртасидаги 2015 — 2019 йилларга мўлжалланган ҳамкорлик дастурини («EDCF» жамғармасининг 415,3 млн доллар қийматидаги узоқ муддатли имтиёзли кредитини жалб қилган ҳолда умумий қиймати 630,7 млн доллар бўлган 6 та лойиҳани) амалга ошириш, жумладан: Тошкент шаҳрида IV-даражадаги замонавий кўп тармоқли юқори технологияли ихтисослаштирилган тиббиёт марказини барпо этиш (имтиёзли кредитлар — 130 млн доллар); «Электрон ҳукумат» тизимининг маълумотларни қайта ишловчи давлат марказини ташкил этиш (25,5 млн доллар); ахборот-коммуникация технологиялари асосида сув ресурсларини интеллектуал бошқариш тизимини жорий этиш (100,0 млн доллар); табиий газ истеъмолини назорат қилиш ва ҳисобини юритишнинг автоматлаштирилган тизимини жорий этиш (Тошкент шаҳри ва Тошкент вилоятида АСКУГ). Биринчи босқич (105,0 млн доллар); шифохоналарни замонавий технологиялар ва юқори технологияларга эга тиббиёт ускуналари билан жиҳозлаш (21,8 млн доллар).	2015 — 2019 йиллар лойиҳа ҳужжатини тайёрлаш ва тасдиқлаш — 2015 йил 1 ноябргача лойиҳа ҳужжатларини Корея Эксимбанкига жўнатиш — 2015 йил 10 декабргача	ТИАИСВ, Молия вазирлиги, Иқтисодиёт вазирлиги, Соғлиқни сақлаш вазирлиги, Қишлоқ хўжалиги вазирлиги, «Ўзбекнефтгаз» МХК, манфаатдор вазирликлар ва идоралар
34.	IV-даражадаги замонавий кўп тармоқли болалар шифохонасини барпо этиш бўйича лойиҳани «EDCF» жамғармасининг қиймати 102,8 млн доллар бўлган узоқ муддатли имтиёзли кредитини жалб қилган ҳолда амалга ошириш.	2015 — 2017 йиллар	Соғлиқни сақлаш вазирлиги, Молия вазирлиги, ТИАИСВ, Иқтисодиёт вазирлиги, манфаатдор вазирликлар ва идоралар
35.	Корея халқаро ҳамкорлик агентлиги (КОЙКА) билан 2015 — 2017 йилларга мўлжалланган ҳамкорлик дастурини (қиймати 57,4 млн доллар бўлган грант маблағларини жалб қилган ҳолда 58,2 млн қийматга эга 11 та лойиҳани) амалга ошириш, жумладан: янги халқаро йўловчи терминалини қурган ҳолда (грант қиймати — 4 млн доллар) Тошкент шаҳридаги аэропортни модернизация қилиш лойиҳаси ТИАсини ишлаб чиқиш; қурилаётган IV-даражали замонавий кўп тармоқли тиббиёт клиникалари учун юқори малакали тиббиёт ходимларини тайёрлаш (7 млн. доллар), юқори технологияли тиббий ускуналардан фойдаланиш ва таъмирлаш (5,0 млн доллар) марказларини ташкил этиш, шунингдек, даволаш муассасаларида диагностика сифатини яхшилаш (5,0 млн доллар); ахборот-коммуникация технологиялари асосида сув ресурсларини бошқаришнинг интеграциялашган тизимини яратиш бўйича тажриба лойиҳасини амалга ошириш (7 млн доллар); Хоразм (6 млн доллар) ва Фарғона (6 млн доллар) вилоятларида техник мутахассисликлар бўйича кадрларни касбий тайёрлаш марказларини ташкил этиш; Тошкент ахборот технологиялари университетини ривожлантириш (7,9 млн доллар); Ўзбекистон Республикасида электрон харидлар тизимини такомиллаштириш (8,5 млн доллар); суд органларининг раҳбарлар таркиби малакасини ошириш ва Ўсимликлар карантини бўйича бош давлат инспекцияси фаолиятини ривожлантириш (0,5 млн доллар). Лойиҳалар бўйича баҳолаш чора-тадбирларини амалга ошириш учун «КОЙКА» агентлиги миссиясининг ташрифларини ташкил этиш.	2015 — 2017 йиллар	ТИАИСВ, Соғлиқни сақлаш вазирлиги, Олий ва ўрта махсус таълим вазирлиги(ЎМКҲТМ), Ахборот технологиялари ва коммуникацияларини ривожлантириш вазирлиги, «Ўзбекистон ҳаво йўллари» МАК, Қишлоқ ва сув хўжалиги вазирлиги, Меҳнат ва аҳолини ижтимоий муҳофаза қилиш вазирлиги, Иқтисодиёт вазирлиги, Молия вазирлиги, манфаатдор вазирликлар ва идоралар
36.	Корея Республикаси Ҳукуматининг 15,0 млн доллар миқдордаги грантларини жалб қилган ҳолда Тошкент тўқимачилик ва енгил саноат институти негизида Кореянинг илғор технологиялари билан жиҳозланган замонавий тўқимачилик ўқув-амалий технопаркини ташкил этиш.	2015 — 2018 йиллар	«Ўзбекенгилсаноат» ДАК, ТИАИСВ, Иқтисодиёт вазирлиги, Молия вазирлиги, Олий ва ўрта махсус таълим вазирлиги, Тошкент шаҳар ҳокимлиги
37.	Иқтисодиётнинг устувор соҳаларида «Билимлар алмашинуви дастури» («KSP») доирасида техник ҳамкорликни кенгайтириш.	2015 — 2016 йиллар	Иқтисодиёт вазирлиги, манфаатдор вазирликлар ва идоралар
38.	Корея компаниялари иштирокида Ўзбекистон Республикасида йирик инвестиция лойиҳаларини молиялаштириш учун Кореянинг Экспорт-импорт банки (2,0 млрд доллар) ва Корея тараққиёт банки томонидан (250,0 млн доллар) кредит линияларини тақдим этиш тўғрисидаги ҳадли Битимларни амалга ошириш. Вазирлар Маҳкамасининг Йиғма ахборот таҳлил департаменти мазкур мақсадларда етакчи тармоқларни ривожлантириш, қўшма корхоналар ташкил этиш ва кредитлар ажратиш бўйича аниқ инвестиция лойиҳалари рўйхатини тайёрласин. Бунда уларни бажариш муддатларини аниқлаган ҳолда Вазирлар Маҳкамасига тасдиқлаш учун тақдим этсин.	2015 — 2018 йиллар 2015 йил июнь	Ўзмиллийбанк, Вазирлар Маҳкамасининг Йиғма ахборот таҳлил департаменти
39.	Кореянинг Экспорт-импорт банки билан (525,0 млн доллар), «Корея Эксчейндж банклари билан (100 млн доллар) ва «СиЭмБмиСи» (70 млн доллар, «SMBC») билан Корея компаниялари иштирокида инвестиция лойиҳалари ва ташқи савдо шартномаларини молиялаштириш учун кредит линияларини тақдим этиш тўғрисидаги ҳадли битимларни амалга ошириш. Вазирлар Маҳкамасининг йиғма ахборот таҳлил департаменти мазкур мақсадларда етакчи тармоқларни ривожлантириш, қўшма корхоналар ташкил этиш ва кредитлар ажратиш бўйича аниқ инвестиция лойиҳалари рўйхатини тайёрласин. Бунда уларни бажариш муддатларини аниқлаган ҳолда Вазирлар Маҳкамасига тасдиқлаш учун тақдим этсин.	2015 — 2016 йиллар 2015 йил июнь	«Асака» банк Вазирлар Маҳкамасининг Йиғма ахборот таҳлил департаменти
6. Маданий-гуманитар ҳамкорлик
40.	Корея Республикаси Ҳукуматининг молиялаштирилишини жалб қилган ҳолда Корея маданияти ва санъати уйини қуриш ва унинг фаолиятини ташкил этиш.	2015 — 2016 йиллар	ТИВ, Маданият ва спорт вазирлиги, Тошкент шаҳар ҳокимлиги

III БОБ. ИНВЕСТИЦИЯ СОҲАСИДАГИ ЛОЙИҲАЛАР
Т/р	Ҳужжат/лойиҳа номланиши	Лойиҳа суммаси (млн доллар)	Ижро муддатлари	Ижро учун масъуллар
1. Нефть-кимё тармоғи
41.	«GS Е&С» компанияси билан «МТО» (олефинларга метанол) технологияси бўйича полимерларни олган ҳолда табиий газдан олефинлар ишлаб чиқаришни ташкил этиш лойиҳасини амалга ошириш бўйича ўзаро англашув тўғрисидаги Меморандумни амалга ошириш. Қўшма ишчи гуруҳини тузиш. ДТИА лойиҳасини ишлаб чиқиш ва келишиш.	3 000,0	2015 йил 2015 йил июнь 2015 йил декабрь	«Ўзбекнефтгаз» МХК
42.	«NK Group» ва «Kwangshin» компаниялари билан юқори босимли баллонларни сертификатлаштиришни ташкиллаштирган ҳолда замонавий автомобиль газ тўлдирувчи компрессор станциялар комплекси тармоғини қуриш ва фойдаланишга топшириш лойиҳаси бўйича ўзаро англашув тўғрисида Меморандумни амалга ошириш. Қўшма ишчи гуруҳини тузиш. Бизнес-режа лойиҳасини ишлаб чиқиш. Қўшма корхонани ташкил этиш. Қўшма корхона томонидан «Kwangshin» компанияси билан ускуналарни етказиб бериш бўйича шартнома имзолаш.	67,5	2015 йил 2015 йил июнь 2015 йил август 2015 йил сентябрь 2015 йил октябрь	«Ўзбекнефтгаз» МХК
2. Кимё тармоғи
43.	«Нanwha» ва «Posco Engineering» компаниялари билан «Навоийазот» АЖда «тайёр ҳолда топшириш» шарти билан азот кислотаси ишлаб чиқаришни ташкил этиш бўйича лойиҳани амалга оширишда иштирок этиш бўйича ўзаро англашув тўғрисидаги Меморандумни амалга ошириш. «Тайёр ҳолда топшириш» шарти билан техник-тижорат таклифларини олиш. Пудратчи ташкилотни танлаш ва шартнома имзолаш. Лойиҳани амалга ошириш бўйича ҳукумат қарорини қабул қилиш.	217,0	2015 йил 2015 йил сентябрь 2015 йил ноябрь 2015 йил декабрь	ГАК «Ўзкимёсаноат»
44.	«КС Glass & Materials» компанияси билан озиқ-овқат ва фармацевтика тармоғи учун шишадан янги буюмлар турларини ишлаб чиқариш бўйича ўзаро англашув ?ў?рисидаги Меморандумни амалга ошириш. Лойиҳанинг ДТИАсини ишлаб чиқиш.	35,0	2015 йил 2015 йил август	«Ўзкимёсаноат» ДАК
3. Автомобилсозлик
45.	«GMKorea» компанияси билан стратегик ҳамкорликни кенгайтириш бўйича ўзаро англашув тўғрисидаги Меморандумни амалга ошириш (автомобилнинг учта янги глобал моделларини ишлаб чиқаришнинг тўлиқ циклини ташкил этиш, «GM Powertrain» негизида автомобиль двигателларининг янги авлодини, трансмиссияларини чиқаришни ўзлаштириш). Қўшма ишчи гуруҳ тузиш. Техник-иқтисодий ҳисоб-китобларни ишлаб чиқиш.	400,0	2015 — 2019 йиллар 2015 йил июль 2016 йил март	«Ўзавтосаноат» АК
46.	«INZIАМТ» компанияси билан «GM Ўзбекистон» АЖ автомобиллари учун алюминий буюмлар ишлаб чиқариш бўйича қўшма корхонани ташкил этиш тўғрисида шартномани амалга ошириш. Қурилиш-монтаж ишларининг бошланиши. Машина ва ускуналар етказиб берувчиларини танлаш. Объектни эксплуатацияга топшириш.	39,4	2015-2016 йиллар 2015 йил сентябрь 2015 йил декабрь 2016 йил сентябрь	«Ўзавтосаноат» АК
47.	«S&T Motiv» компанияси билан амортизаторлар ишлаб чиқаришни ташкил этиш бўйича ўзаро англашув тўғрисидаги Меморандумни амалга ошириш. Қўшма ишчи гуруҳни тузиш. Бизнес-режа лойиҳасини ишлаб чиқиш.	5,5	2015-2016 йиллар 2015 йил июнь 2015 йил октябрь	«Ўзавтосаноат» АК
48.	Кореянинг «Егае CSLimited», «КМ&1 Co. Ltd.», «HwailPressCo., Ltd.», «KwangjinMachineCo., Ltd.» ва «DgenxCo., Ltd.» компаниялари билан «Т 250» модели учун бутловчи қисмлар (штампланган панеллар, кондиционерлаш, вентиляция ва иситиш тизимлари, ўриндиқлар ва уларнинг қисмлари, ойна кўтаргичлар ва чиқариш тизимлари) ишлаб чиқариш учун ускуналар етказиб бериш бўйича шартномаларни амалга ошириш. Ускуналарни етказиб бериш ва ўрнатиш.	20,7	2015-2016 йиллар 2016 йил май	«Ўзавтосаноат» АК
4. Электр-техника тармоғи
49.	«Samsung Electronics» компанияси билан 273,4 минг телевизорлар ва 77,5 минг кир ювиш машиналарини ишлаб чиқариш бўйича ўзаро англашув тўғрисидаги Меморандумни амалга ошириш. Бутловчи қисмларни етказиб бериш бўйича шартномалар имзолаш. Бутловчи қисмларни етказиб бериш ва ишлаб чиқаришни ташкил қилиш.	98,0	2015 — 2019 йиллар ҳар йили йил давомида	«Ўзэлтехсаноат» АК
50.	«Autech Group» компанияси билан маиший кондиционерлар (50 минг донагача) ва совутгичлар (50 минг донагача) ишлаб чиқаришни ташкил этиш бўйича ўзаро англашув тўғрисидаги Меморандумни амалга ошириш. Бизнес-режа лойиҳасини ишлаб чиқиш. Қўшма корхона тузиш тўғрисида шартнома имзолаш.	20,0	2015 — 2019 йиллар 2015 йил август 2015 йил октябрь	«Ўзэлтехсаноат» АК
51.	«Samsung Electronics» компанияси билан маиший совутгичларни ишлаб чиқаришнинг тўлиқ циклини ташкил этиш ҳамда унинг бутловчи қисмларини маҳаллийлаштириш бўйича ўзаро англашув тўғрисидаги Меморандумни амалга ошириш. Бизнес-режа лойиҳасини ишлаб чиқиш. Бутловчи қисмлар ва ускуналарни етказиб бериш бўйича шартномалар имзолаш. Ускуналарни етказиб бериш ва ўрнатиш.	10,0	2015-2016 йиллар 2015 йил октябрь 2016 йил январь 2016 йил июнь	«Ўзэлтехсаноат» АК
52.	«Shinsung Solar Energy» компанияси билан фото электр модулларини (қуввати йилига 100 мВтгача) ишлаб чиқаришни ташкил этиш бўйича ўзаро англашув тўғрисидаги Меморандумни амалга ошириш. Бизнес-режа лойиҳасини ишлаб чиқиш. Қўшма корхона ташкил этиш тўғрисида шартнома имзолаш. Технологик ускуналарни етказиб бериш ва ўрнатиш.	10,0	2015 — 2017 йиллар 2015 йил август 2015 йил сентябрь 2016 йил июнь	«Ўзэлтехсаноат» АК
53.	«Samsung Electronics» компанияси билан 70 минг LED - мониторлар ва 50 минг маиший кондиционерлар ишлаб чиқаришни ташкил этиш бўйича ўзаро англашув тўғрисидаги Меморандумни амалга ошириш. Ускуналар ва бутловчи қисмларни етказиб бериш бўйича шартномалар имзолаш. Ускуналар, пресс-шаклларни етказиб бериш ва ўрнатиш.	3,0	2015 — 2017 йиллар 2015 йил июль 2015 йил октябрь	«Ўзэлтехсаноат» АК
5. Фармацевтика тармоғи
54.	«New World Med» компанияси билан дори воситалари ва тиббиёт буюмлари ишлаб чиқариш бўйича ўзаро англашув тўғрисидаги Меморандумни амалга ошириш. Бизнес-режа ишлаб чиқиш. Қурилиш-монтаж ишларини амалга ошириш.	10,0	2015 йил 2015 йил июль 2015 йил декабрь	«Ўзфармсаноат» ДАК
55.	«Jee Sung Corporation» компанияси билан тиббиёт стерилизаторлари ишлаб чиқаришни ташкил этиш бўйича ўзаро англашув тўғрисидаги Меморандумни амалга ошириш. Корея компанияси вакилларининг ташрифини ташкил этиш. Бизнес-режа ишлаб чиқиш. Қўшма корхона ташкил этиш тўғрисида битим имзолаш.	10,0	2015 йил 2015 йил июль 2015 йил август 2015 йил сентябрь	«Ўзфармсаноат» ДАК
56.	«Dongkwang Pharm» компанияси билан фармацевтика маҳсулотлари (антибиотиклар) ишлаб чиқаришни ташкил этиш бўйича ўзаро англашув тўғрисидаги Меморандумни амалга ошириш. Корея компанияси вакилларининг ташрифини ташкил этиш. Бизнес-режа ишлаб чиқиш. Қўшма корхона ташкил этиш тўғрисида битим имзолаш.	10,0	2015 йил 2015 йил июль 2015 йил август 2015 йил сентябрь	«Ўзфармсаноат» ДАК
57.	«Yuhan» компанияси биландамламалар, сироплар, таблеткалар ва капсулали дори воситалари (йилига 4 млн дона) ишлаб чиқаришни ташкил этиш бўйича ўзаро англашув тўғрисидаги Меморандумни амалга ошириш. Корея компанияси вакилларининг ташрифини ташкил этиш. Бизнес-режа ишлаб чиқиш. Қўшма корхона ташкил этиш тўғрисида битим имзолаш.	10,0	2015 йил 2015 йил июль 2015 йил август 2015 йил сентябрь	«Ўзфармсаноат» ДАК
58.	«Ildong Pharm» компанияси билан эндокрин касалликларни даволаш учун дори воситалари (йилига 5 млн дона) ишлаб чиқаришни ташкил этиш бўйича ўзаро англашув тўғрисидаги Меморандумни амалга ошириш. Корея компанияси вакилларининг ташрифини ташкил этиш. Бизнес-режа ишлаб чиқиш. Қўшма корхона ташкил этиш тўғрисида битим имзолаш.	8,0	2015 йил 2015 йил июль 2015 йил август 2015 йил сентябрь	«Ўзфармсаноат» ДАК
59.	«Kolon Pharm» компанияси билан витаминлаштирилган дори воситалари (йилига 2 млн дона) ишлаб чиқариш бўйича ўзаро англашув тўғрисидаги Меморандумни амалга ошириш. Корея компанияси вакилларининг ташрифини ташкил этиш. Бизнес-режа ишлаб чиқиш. Қўшма корхона ташкил этиш тўғрисида битим имзолаш.	8,0	2015 йил 2015 йил июль 2015 йил август 2015 йил сентябрь	«Ўзфармсаноат» ДАК
60.	Корея фармацевтика маҳсулотлари ишлаб чиқарувчилари ассоциацияси билан Ўзбекистон Республикасида инвестиция лойиҳаларини амалга оширишда Кореянинг етакчи фармацевтика компанияларини жалб қилиш бўйича ҳамкорлик тўғрисидаги битимни амалга ошириш. Корея компанияси вакилларининг ташрифини ташкил этиш. Ўзбекистон Республикасида инвестиция лойиҳаларини амалга оширишда Корея компанияларига кўмаклашиш.	—	2015-2016 йиллар 2015 йил июль доимий	«Ўзфармсаноат» ДАК
6. Қурилиш материалларини ишлаб чиқариш
61.	«IS Dongseo» компанияси билан санитария керамикаси (йилига 510 минг буюм) ишлаб чиқаришни ташкил этиш бўйича ўзаро англашув тўғрисидаги Меморандумни амалга ошириш.Бизнес-режа ишлаб чиқиш. Қўшма корхона ташкил этиш тўғрисида битим имзолаш.	20,0	2015 йил 2015 йил август 2015 йил октябрь	«Ўзинфоинвест» агентлиги, манфаатдор тармоқ компаниялари
62.	«Jaal & Bridge International» компанияси билан қурилиш герметиклари (йилига 2 минг тонна) ишлаб чиқаришни ташкиллаштириш бўйича ўзаро англашув тўғрисидаги Меморандумни амалга ошириш. Бизнес-режа лойиҳасини ишлаб чиқиш. Қўшма корхона ташкил этиш тўғрисида битим имзолаш.	5,0	2015 йил 2015 йил август 2015 йил октябрь	«Ўзинфоинвест» агентлиги, манфаатдор тармоқ компаниялари
7. Озиқ-овқат саноати
63.	«Lotte Confectionery» компанияси билан қандолат маҳсулотлари (йилига 10 минг тонна) ишлаб чиқаришни ташкил этиш бўйича ўзаро англашув тўғрисидаги Меморандумни амалга ошириш. Бозорни ҳамкорликда маркетинг ўрганиш. Бизнес-режа ишлаб чиқиш.	10,0	2015 йил 2015 йил сентябрь 2015 йил декабрь	Озиқ-овқат саноати корхоналари ассоциацияси, ТИАИСВ
64.	«Seo Jin Industry Co.Ltd» компанияси билан озиқ-овқат саноати учун қадоқловчи таралар (йилига 300 тонна) ишлаб чиқаришни ташкил этиш бўйича ўзаро англашув тўғрисидаги Меморандумни амалга ошириш. Ишлаб чиқаришни жойлаштириш жойини аниқлаш. Бизнес-режа ишлаб чиқиш ва ускунани етказиб бериш учун шартнома имзолаш.	4,0	2015-2016 йиллар 2015 йил III чорак 2015 йил IV чорак	«Ўзбекозиқовқатхолдинг» ХК
65.	«Kutek» компанияси билан Самарқанд вилоятида замонавий юқори технологияли иссиқхона хўжаликларини ташкил этиш бўйича ўзаро англашув тўғрисидаги Меморандумни амалга ошириш. Ишлаб чиқаришни жойлаштириш жойини аниқлаш. Бизнес-режа ишлаб чиқиш ва юқори технологияли иссиқхоналарни етказиб бериш учун шартнома имзолаш.	2,0	2015-2016 йиллар 2015 йил III чорак 2016 йил II чорак	«Ўзбекозиқовқатхолдинг» ХК
66.	«Shindong Enercom Inc.» компанияси билан Сурхондарё вилоятидаги ёғ экстракти заводи негизида янги технологияларни жорий қилиш ва модернизация қилиш бўйича ўзаро англашув тўғрисидаги Меморандумни амалга ошириш. Ускуналар етказиб бериш учун шартнома имзолаш. Ускуналарни етказиб бериш ва ўрнатиш.	1,5	2015-2016 йиллар 2015 йил 1-ярим йиллик 2016 йил март	«Ўзпахтасаноатэкспорт» ХК
8. Тоғ-кон саноати
67.	«Shindong Resources» компанияси билан «Саутбай» вольфрам конида қўшимча тасдиқланган бурғулаш ишларини олиб бориш учун шартномани амалга ошириш. Қўшимча тасдиқланган бурғулаш ишларини олиб бориш. Лойиҳанинг банк ТИАсини ишлаб чиқишни якунлаш.	1,0	2015 йил 2015 йил август 2015 йил ноябрь	Давлат геология қўмитаси
68.	«Нanjin D&B» компанияси билангидрофициялашган бурғулаш қурилмалари (станоклари) ишлаб чиқаришни ташкил этишнинг асосий шартлари тўғрисидаги битимни амалга ошириш. Қурилиш-монтаж ишларини амалга ошириш ва ускунани етказиб бериш. Объектни фойдаланишга топшириш.	1,0	2015 йил 2015 йил сентябрь 2015 йил декабрь	Давлат геология қўмитаси
IV БОБ. ЭКСПОРТ ШАРТНОМАЛАРИ
69.	«Daewoo International» компанияси билан 4 минг тонна мис етказиб бериш бўйича шартномалар тузиш.	25,6	2015 йил	«Ўзмарказимпэкс», «Марказсаноатэкспорт», «Ўзпроммашимпэкс», «Ўзинтеримпэкс» компаниялари
70.	«DaewooInternational» ва «ShindongEnercom» компаниялари билан 6,8 тонна пахта ип-калава етказиб бериш бўйича шартномалар тузиш.	15,8	2015 йил
71.	«Daewoo International» компанияси билан 10 минг тонна пахта толаси етказиб бериш бўйича шартнома тузиш.	14,3	2015 йил
72.	«НS International», «Clarco Corporation», «NK Globalnet Co Ltd» компаниялари билан 1,1 минг тонна мева-сабзавот маҳсулотлари (гилос, анор, қовун, ёнғоқ ва ловия) етказиб бериш бўйича шартномалар тузиш.	2,4	2015 йил
73.	«НS International» компанияси билан 5 минг тонна карбамид етказиб бериш бўйича шартнома тузиш.	1,0	2015 йил	«Марказсаноатэкспорт» ДАТК
74.	«Еrае CS Limited» компанияси билан автомобиль тасмалари етказиб бериш бўйича шартнома тузиш.	0,3	2015 йил	"Ўзавтосаноат» АК
75.	«Astra Со Ltd» ва «Green Product Ltd» компаниялари билан 112,5 тонна қизилмия илдизини етказиб бериш бўйича шартномалар тузиш.	0,2	2015 йил	«Ўзинтеримпэкс», «Ўзпроммашимпэкс»

LexUZ шарҳи

1-илова норасмий таржима

Ўзбекистон Республикаси Президентининг 2015 йил 9 июндаги ПҚ -2351-сон қарорига
2-ИЛОВА

ТАРКИБИ

Р.С. Азимов	—	Ўзбекистон Республикаси Бош вазирининг биринчи ўринбосари, молия вазири, ишчи гуруҳ раҳбари
Э.М. Ғаниев	—	ташқи иқтисодий алоқалар, инвестициялар ва савдо вазири, ишчи гуруҳ раҳбари ўринбосари
Г.К. Саидова	—	иқтисодиёт вазири
Х.М. Мирзахидов	—	ахборот технологиялари ва коммуникацияларини ривожлантириш вазири
А.А. Абдухакимов	—	меҳнат ва аҳолини ижтимоий муҳофаза қилиш вазири
А.В. Вахобов	—	олий ва ўрта махсус таълим вазири
У.И. Иноятов	—	халқ таълими вазири
Б.М. Ахмедов	—	маданият ва спорт ишлари вазири
А.А. Курманов	—	ташқи ишлар вазирининг биринчи ўринбосари
Д.А. Хидоятов	—	Хусусийлаштириш, монополиядан чиқариш ва рақобатни ривожлантириш давлат қўмитаси раиси
И.Б. Турамуратов	—	Давлат геология қўмитаси раиси
Ш.А. Туляганов	—	ташқи иқтисодий алоқалар, инвестициялар ва савдо вазири ўринбосари, ишчи гуруҳ масъул котиби
Ш.Х. Тиллаев	—	соғлиқни сақлаш вазири ўринбосари
Ш.Р. Хамраев	—	қишлоқ ва сув хўжалиги вазири ўринбосари
Р.А. Гулямов	—	Тикланиш ва тараққиёт жамғармаси ижрочи директори
С.Б. Рахимов	—	Ўзмиллийбанк бошқаруви раиси
К.Т. Арипов	—	«Асака банк» ДАТБ бошқаруви раиси
Ш.Н. Файзуллаев	—	«Ўзбекнефтгаз» МХК бошқаруви раиси
Э.К. Иминов	—	«Ўзэлтехсаноат» АК бошқарув раиси
Э.М. Акрамов	—	«Ўзқурилишматериаллари» АК бошқарув раиси
И.С. Басидов	—	«Ўзбекэнерго»ДАК бошқарув раиси
М.М. Дўсмуротов	—	«Ўзфармсаноат» ДАК бошқаруви раиси
И.У. Ҳайдаров	—	«Ўзбекенгилсаноат» ДАК бошқаруви раиси
О.Б. Рустамов	—	«Ўзбекозиқовқатхолдинг» ХК бошқаруви раиси
А.А. Акбаров	—	«Ўзбекистон ҳаво йўллари» МАК бош директорининг биринчи ўринбосари
Ж.Т. Мирзамахмудов	—	«Ўзкимёсаноат» ДАК бошқаруви раисининг ўринбосари
Т.А. Жалилов	—	«Ўзавтосаноат» АК бошқаруви раисининг ўринбосари

LexUZ шарҳи

2-илова норасмий таржима