|
Ҳужжат кучини йўқотган 23.11.2021
|
Ўзбекистон Республикаси Вазирлар Маҳкамасининг
қарори
Хусусий тадбиркорлар томонидан ходимларни ёллаган ҳолда тадбиркорлик фаолиятини амалга ошириш тартиби тўғрисидаги низомни тасдиқлаш ҳақида
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 ноябрдаги 707-сонли «Якка тартибдаги тадбиркорлар томонидан ёлланган ходимларни давлат солиқ хизмати органларида ҳисобга қўйиш ҳамда солиқ солинадиган даромадлар ва чегириладиган харажатлар ҳисобини юритишни тартибга солиш чора-тадбирлари тўғрисида»ги қарорига асосан ўз кучини йўқотган.
Ўзбекистон Республикаси Президентининг «Хусусий мулк, кичик бизнес ва хусусий тадбиркорликни ишончли ҳимоя қилишни таъминлаш, уларни жадал ривожлантириш йўлидаги тўсиқларни бартараф этиш чора-тадбирлари тўғрисида» 2015 йил 15 майдаги ПФ-4725-сон Фармонига мувофиқ Вазирлар Маҳкамаси қарор қилади:
1. Хусусий тадбиркорлар томонидан ходимларни ёллаган ҳолда тадбиркорлик фаолиятини амалга ошириш тартиби тўғрисидаги низом 1-иловага мувофиқ тасдиқлансин.
2. Ўзбекистон Республикаси Давлат солиқ қўмитаси хусусий тадбиркорлар томонидан ёлланган ходимлар чекланган сонининг белгиланган мезонларига риоя этиши юзасидан назорат ўрнатсин, шунингдек ёлланадиган ходимларни белгиланган тартибда расмийлаштирмасдан фаолиятни амалга ошираётган хусусий тадбиркорларни аниқлашга доир чора-тадбирларни кучайтирсин.
3. Ўзбекистон Республикаси Ҳукуматининг 2-иловага мувофиқ айрим қарорларига ўзгартиришлар ва қўшимча киритилсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2015 йил 31 июль,
219-сон
Вазирлар Маҳкамасининг 2015 йил 31 июлдаги 219-сон қарорига
1-ИЛОВА
1-ИЛОВА
Хусусий тадбиркорлар томонидан ходимларни ёллаган ҳолда тадбиркорлик фаолиятини амалга ошириш тартиби тўғрисида
НИЗОМ
I. Умумий қоидалар
1. Ушбу Низом хусусий тадбиркорлар томонидан ходимларни ёллаган ҳолда тадбиркорлик фаолиятини амалга ошириш тартибини белгилайди.
Ушбу Низомнинг амал қилиши юридик шахс ташкил этмаган оилавий тадбиркорлик субъектларига татбиқ этилмайди.
2. Ходимларни ёлламасдан фаолиятни амалга оширадиган хусусий тадбиркорлар учун қонунчиликда хусусий тадбиркорлар учун назарда тутилган давлат рўйхатидан ўтказиш, ҳисобга қўйиш ва рухсат берувчи ҳужжатларни расмийлаштиришнинг белгиланган тартиби амал қилади.
3. Хусусий тадбиркор ходимларни ёллашни банкда қонунчиликда белгиланган тартибда ҳисоб рақами очилгандан кейин амалга ошириши мумкин.
4. Хусусий тадбиркор ходимларни ёллашни Ўзбекистон Республикаси Вазирлар Маҳкамасининг 2011 йил 7 январдаги 6-сон қарори билан тасдиқланган Хусусий тадбиркорлар юридик шахс ташкил этмасдан шуғулланиши мумкин бўлган фаолият турлари рўйхатида назарда тутилган фаолиятнинг амалга ошириладиган турига боғлиқ ҳолда ушбу Низомнинг 1-иловасига мувофиқ бир нафардан уч нафаргача миқдорда амалга оширишга ҳақлидир. Бир неча фаолият турлари билан шуғулланадиган хусусий тадбиркор, фаолиятнинг турлари сонидан қатъи назар, уч нафардан кўп бўлмаган ходимларни ёллаш ҳуқуқига эга.
5. Хусусий тадбиркор билан меҳнат муносабатлари ўрнатган жисмоний шахсларга хусусий тадбиркорлар сифатида қаралмайди ва улар хусусий тадбиркор номидан ҳуқуқий ҳужжатларни имзолаш ҳуқуқига эга эмас.
II. Меҳнат шартномасини тузиш ва ёлланган ходимларнинг меҳнат стажини ҳисоблаш хусусиятлари
6. Хусусий тадбиркор ва хусусий тадбиркор томонидан ёлланган ходим (кейинги ўринларда ходим деб аталади) ўртасидаги меҳнат муносабатлари ушбу Низомда назарда тутилган хусусий тадбиркорлик фаолиятини амалга ошириш хусусиятларини ҳисобга олган ҳолда меҳнат қонунчилиги билан тартибга солинади.
7. Хусусий тадбиркор ходимларнинг қонунчиликда белгиланган меҳнат ҳуқуқларига риоя этилишини таъминлаши шарт.
8. Ходимни ёллашда (ишга қабул қилишда) хусусий тадбиркор унинг билан ушбу Низомнинг 2-иловасидаги шаклга мувофиқ ёзма меҳнат шартномасини тузади.
Ходимнинг аҳволини қонунчилик нормаларига нисбатан ёмонлаштирадиган меҳнат шартномаси шартлари ҳақиқий ҳисобланмайди.
9. Меҳнат шартномасининг муддати хусусий тадбиркорни давлат рўйхатидан ўтказиш тўғрисидаги гувоҳноманинг амал қилиш муддатидан ошмаслиги керак.
10. Меҳнат шартномаси уч нусхада тузилади, улардан биттаси хусусий тадбиркор солиқ бўйича ҳисобга олинган жойдаги давлат солиқ хизмати органига берилади, иккинчиси хусусий тадбиркорда, учинчиси эса — ходимда қолади.
11. Меҳнат шартномасида хусусий тадбиркорнинг имзосини муҳр билан тасдиқлаш, шунингдек ишга қабул қилиш тўғрисида буйруқ расмийлаштирилиши талаб қилинмайди.
12. Ходимга хусусий тадбиркор томонидан меҳнат дафтарчаси юритилмайди.
13. Хусусий тадбиркорда ёллаш бўйича ишлаган иш даврлари унинг учун:
2019 йил 1 январга қадар бўлган давр учун — Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига (кейинги ўринларда бюджетдан ташқари Пенсия жамғармаси деб аталади) суғурта бадаллари;
2019 йил 1 январдан кейинги давр учун — ягона ижтимоий тўлов тўланган тақдирда ходимнинг меҳнат стажига қўшилади.
(13-банд Ўзбекистон Республикаси Вазирлар Маҳкамасининг 2019 йил 21 октябрдаги 889-сонли қарори таҳририда — Қонун ҳужжатлари маълумотлари миллий базаси, 22.10.2019 й., 09/19/889/3945-сон)
14. Ходимнинг меҳнат стажини ҳисоблаш унинг учун:
2019 йил 1 январга қадар бўлган давр учун — бюджетдан ташқари Пенсия жамғармасига суғурта бадаллари;
2019 йил 1 январдан кейинги давр учун — ягона ижтимоий тўлов тўланганлиги тўғрисидаги маълумотлар асосида амалга оширилади.
(14-банд Ўзбекистон Республикаси Вазирлар Маҳкамасининг 2019 йил 21 октябрдаги 889-сонли қарори таҳририда — Қонун ҳужжатлари маълумотлари миллий базаси, 22.10.2019 й., 09/19/889/3945-сон)
III. Ходимларни ёллайдиган хусусий тадбиркорларни давлат солиқ хизмати органларида ҳисобга олиш хусусиятлари
15. Хусусий тадбиркор ёлланган ходимни ҳисобга қўйиш тўғрисида ходим билан меҳнат шартномаси тузилган санадан бошлаб уч иш кунидан кечикмай солиқ бўйича ҳисобга олиш жойидаги давлат солиқ хизмати органига ушбу Низомнинг 3-иловасига мувофиқ шакл бўйича ариза тақдим этади.
16. Ходимни ҳисобга қўйиш тўғрисидаги аризага қуйидаги ҳужжатлар илова қилинади:
хусусий тадбиркор ва ходим ўртасида тузилган меҳнат шартномасининг нусхаси;
ходимнинг 3 х 4 см ҳажмдаги 2 дона фотосурати;
ёлланган ходим паспортининг нусхаси.
17. Давлат солиқ хизмати органлари хусусий тадбиркорларнинг ёлланган ходимлари ҳисобини белгиланган тартибда юритадилар.
18. Давлат солиқ хизмати органлари ёлланган ходимни ҳисобга қўйиш тўғрисидаги ариза олинган санадан бошлаб уч иш куни мобайнида хусусий тадбиркорга ушбу Низомнинг 4-иловасига мувофиқ шакл бўйича Ёлланган ходимни ҳисобга қўйиш карточкасини (кейинги ўринларда Ҳисобга қўйиш карточкаси деб аталади) берадилар.
19. Ҳисобга қўйиш карточкаси ходим ва хусусий тадбиркор ўртасида тузилган меҳнат шартномасининг амал қилиш муддатига берилади.
20. Амал қилиш муддати тугагач Ҳисобга қўйиш карточкаси солиқ бўйича ҳисобга олиш жойидаги давлат солиқ хизмати органига топширилади ва йўқ қилинади.
21. Ходим билан меҳнат шартномаси муддатидан олдин тўхтатилган тақдирда хусусий тадбиркор солиқ бўйича ҳисобга олиш жойидаги давлат солиқ хизмати органларига ходим билан меҳнат шартномаси тўхтатилганлиги тўғрисидаги билдиришномани ва бир вақтнинг ўзида Ҳисобга қўйиш карточкасини топширади.
22. Йўқолган ёки яроқсиз бўлиб қолган Ҳисобга қўйиш карточкаси ўрнига хусусий тадбиркорнинг аризасига биноан, ариза берилган санадан бошлаб икки иш куни мобайнида унинг дубликати берилади.
IV. Ходимларни ёллаган ҳолда фаолиятни амалга оширадиган хусусий тадбиркорларга солиқ солиш хусусиятлари
23. Хусусий тадбиркор ўз мажбуриятлари бўйича солиқлар ва бошқа мажбурий тўловларни, шу жумладан, бюджетдан ташқари Пенсия жамғармасига:
2019 йил 1 январга қадар бўлган давр учун — суғурта бадалларини;
2019 йил 1 январдан кейинги давр учун — ягона ижтимоий тўловни ушбу Низомда назарда тутилган хусусиятлар ҳисобга олинган ҳолда, қонунчиликда белгиланган тартибда тўлайди.
(23-банд Ўзбекистон Республикаси Вазирлар Маҳкамасининг 2019 йил 21 октябрдаги 889-сонли қарори таҳририда — Қонун ҳужжатлари маълумотлари миллий базаси, 22.10.2019 й., 09/19/889/3945-сон)
24. Хусусий тадбиркорга ўз мажбуриятлари бўйича солиқларни тўлаш билан бир қаторда ҳар бир ходим учун қуйидагиларни:
бюджетдан ташқари Пенсия жамғармасига ижтимоий солиқни — ҳар ойда базавий ҳисоблаш миқдорининг 50 фоизи миқдорида;
солиқ агенти сифатида белгиланган тартибда жисмоний шахслардан олинадиган даромад солиғини тўлаш мажбурияти юкланади.
(24-банд Ўзбекистон Республикаси Вазирлар Маҳкамасининг 2021 йил 7 январдаги 1-сонли қарори таҳририда — Қонун ҳужжатлари маълумотлари миллий базаси, 08.01.2021 й., 09/21/1/0002-сон)
25. Ходимларни ёллаган ҳолда тадбиркорлик фаолиятини амалга оширадиган хусусий тадбиркор тадбиркорлик фаолиятини фақат битта объектда амалга ошириш ҳуқуқига эга.
Олдинги таҳрирга қаранг.
(26 — 28-бандлар Ўзбекистон Республикаси Вазирлар Маҳкамасининг 2021 йил 7 январдаги 1-сонли қарорига асосан ўз кучини йўқотган — Қонун ҳужжатлари маълумотлари миллий базаси, 08.01.2021 й., 09/21/1/0002-сон)
29. Ёшга доир пенсия олиш ҳуқуқига эга бўлган, шунингдек, I ва II гуруҳ ногиронлари ҳисобланадиган ходимлар учун ягона ижтимоий тўлов миқдори ушбу Низомнинг 24-бандида белгиланган миқдорнинг 50 фоизини ташкил этиши керак. Ушбу имтиёз пенсия гувоҳномаси ёки тиббий-меҳнат эксперт комиссиясининг маълумотномаси асосида берилади. Календарь йил мобайнида имтиёзларга ҳуқуқ пайдо бўлганда ёки тўхтаганда ягона ижтимоий тўловни қайта ҳисоблаш ушбу ҳуқуқ пайдо бўлган ёки тўхтаган ойдан бошлаб амалга оширилади.
(29-банд Ўзбекистон Республикаси Вазирлар Маҳкамасининг 2019 йил 21 октябрдаги 889-сонли қарори таҳририда — Қонун ҳужжатлари маълумотлари миллий базаси, 22.10.2019 й., 09/19/889/3945-сон)
30. Хусусий тадбиркор касб-ҳунар коллежини тамомлаган ходимлар учун қатъий белгиланган солиқни тўлашдан ходим коллежни тамомлаган санадан бошлаб ўн икки ой мобайнида озод қилинади.
31. Хусусий тадбиркор қатъий белгиланган солиқни тўлашдан қонунчиликка мувофиқ вақтинчалик озод қилинган ҳолларда, мазкур имтиёз қатъий белгиланган солиқни ҳар бир ходим учун тўлашга ҳам татбиқ этилади.
32. Қатъий белгиланган солиқни ва ягона ижтимоий тўловни бюджетдан ташқари Пенсия жамғармасига ҳар бир ходим учун тўлаш хусусий тадбиркор томонидан қатъий белгиланган солиқни ва ягона ижтимоий тўловни бюджетдан ташқари Пенсия жамғармасига тўлаш учун белгиланган муддатларда, меҳнат шартномаси тузилган ойдан кейинги ойдан бошлаб амалга оширилади.
(32-банд Ўзбекистон Республикаси Вазирлар Маҳкамасининг 2019 йил 21 октябрдаги 889-сонли қарори таҳририда — Қонун ҳужжатлари маълумотлари миллий базаси, 22.10.2019 й., 09/19/889/3945-сон)
33. Ягона ижтимоий тўловни бюджетдан ташқари Пенсия жамғармасига тўлашда тўлов топшириқномасида (кирим ордерида) солиқ тўловчининг (ходимнинг) фамилияси, исми, отасининг исми, идентификациялаш тартиб рақами ва тўловнинг қайси давр учун тўланаётгани мажбурий тартибда кўрсатилган бўлиши керак. Бунда ҳар бир ходим бўйича тўлов топшириқномаси (кирим ордери) алоҳида ёзилади.
(33-банд Ўзбекистон Республикаси Вазирлар Маҳкамасининг 2019 йил 21 октябрдаги 889-сонли қарори таҳририда — Қонун ҳужжатлари маълумотлари миллий базаси, 22.10.2019 й., 09/19/889/3945-сон)
34. Тадбиркорлик фаолиятини давлат рўйхатидан ўтказилган жойдан бошқа жойда амалга ошираётган хусусий тадбиркор қатъий белгиланган солиқни ҳар бир ходим учун унинг рўйхатдан ўтказилган жойи бўйича, рўйхатдан ўтказиш жойи ва фаолиятни ҳақиқий амалга ошираётган жойи бўйича белгиланган ставкаларидан энг юқори ставканинг 30 фоизи миқдорида тўлайди.
35. Агар хусусий тадбиркор ўз фаолиятини муайян муддатга тўхтатиб турса, у тадбиркорлик субъектини давлат рўйхатидан ўтказишни амалга оширган органга фаолиятнинг вақтинча тўхтатиб турилганлиги тўғрисида ариза берилган ой мобайнида ҳар бир ходим учун ҳисобга қўйиш карточкалари солиқни ҳисобга олиш жойидаги давлат солиқ хизмати органига топширилади.
Давлат солиқ хизмати органлари томонидан олинган ҳар бир ходим учун ҳисобга қўйиш карточкаси хусусий тадбиркор ўз фаолиятини амалга оширмайдиган даврга ҳар бир ходим учун қатъий белгиланган солиқни ва ягона ижтимоий тўловни бюджетдан ташқари Пенсия жамғармасига ўтказишни тўхтатиб туриш учун асос ҳисобланади.
Ўз фаолиятини тўхтатиб турган хусусий тадбиркор ҳар бир ходим учун ҳисобга қўйиш карточкасини давлат солиқ хизмати органига белгиланган муддатларда топширмаган тақдирда, хусусий тадбиркорнинг мажбуриятлари бўйича қатъий белгиланган солиқ ва ягона ижтимоий тўловни ҳисоблаб ёзиш тўхтатиб турилмайди.
(35-банд Ўзбекистон Республикаси Вазирлар Маҳкамасининг 2019 йил 21 октябрдаги 889-сонли қарори таҳририда — Қонун ҳужжатлари маълумотлари миллий базаси, 22.10.2019 й., 09/19/889/3945-сон)
36. Хусусий тадбиркор томонидан ходимларни (меҳнат шартномаси мавжуд бўлганда) давлат солиқ хизмати органларида ҳисобга қўйилмасдан уларни ёллаш ҳолатлари аниқланган тақдирда давлат солиқ хизмати органлари ҳар бир ходим учун хусусий тадбиркор томонидан қатъий белгиланган солиқни ва ягона ижтимоий тўловни бюджетдан ташқари Пенсия жамғармасига ушбу Низомнинг 24-бандида белгиланган йиллик миқдорларда ундиради. Хусусий тадбиркорни давлат рўйхатидан ўтказиш санасидан бошлаб кўрсатилган ҳолатлар аниқланган санагача бир ойдан кам вақт ўтган тақдирда ҳар бир ходим учун хусусий тадбиркор томонидан қатъий белгиланган солиқни ва ягона ижтимоий тўловни бюджетдан ташқари Пенсия жамғармасига қўшимча равишда ҳисоблаш уни давлат рўйхатидан ўтказиш санасидан бошлаб ходимларни давлат солиқ хизмати органларида ҳисобга қўймасдан уларни ёллаш ҳолатлари аниқланган санагача бўлган давр учун амалга оширилади.
(36-банд Ўзбекистон Республикаси Вазирлар Маҳкамасининг 2019 йил 21 октябрдаги 889-сонли қарори таҳририда — Қонун ҳужжатлари маълумотлари миллий базаси, 22.10.2019 й., 09/19/889/3945-сон)
V. Якунловчи қоидалар
37. Хусусий тадбиркор билан меҳнат шартномалари тузмасдан фаолиятни амалга ошираётган ходимлар аниқланган тақдирда, хусусий тадбиркор ходимлар сонини яширганлик учун назарда тутилган маъмурий жавобгарликка тортилади.
Бунда хусусий тадбиркор билан меҳнат шартномалари тузмасдан фаолиятни амалга ошираётган ходимларга давлат рўйхатидан ўтмасдан тадбиркорлик фаолиятини амалга ошираётган жисмоний шахслар сифатида қаралади ва давлат солиқ хизмати органлари улардан қатъий белгиланган солиқни қонунчиликда белгиланган тартибда йиллик миқдорда ундирадилар.
38. Ходимларни ёллайдиган хусусий тадбиркорлар, ушбу Низом талабларини ҳисобга олган ҳолда солиқлар ва бошқа мажбурий тўловларни ҳисоблашнинг тўғрилиги ҳамда уларнинг қонунчиликка мувофиқ ўз вақтида тўланиши юзасидан жавобгардирлар.
39. Хусусий тадбиркорнинг ходими савдо ва хизматлар кўрсатиш қоидаларини бузган тақдирда унга нисбатан қонунчиликда белгиланган тартибда жавобгарлик чоралари татбиқ этилади, молиявий санкция эса ходимни ёллаган хусусий тадбиркорга нисбатан қўлланади.
40. Давлат солиқ хизмати органлари қонунчиликка мувофиқ солиқлар ва бошқа мажбурий тўловларни ҳисоблаш ва тўлашнинг тўғрилиги юзасидан назоратни амалга оширадилар.
Хусусий тадбиркорлар томонидан ходимларни ёллаган ҳолда тадбиркорлик фаолиятини амалга ошириш тартиби тўғрисидаги низомга
1-ИЛОВА
1-ИЛОВА
Ходимларни ёллаган ҳолда хусусий тадбиркорлар томонидан амалга ошириладиган фаолият турларининг рўйхати
|
Т/р |
Фаолият турининг номи |
Ёлланадиган ходимларнинг чекланган сони (нафар) |
|
1. |
Чакана савдо (Вазирлар Маҳкамасининг 2011 йил 7 январдаги 6-сон қарори билан тасдиқланган Хусусий тадбиркорлар юридик шахс ташкил этмасдан шуғулланиши мумкин бўлган фаолият турлари рўйхатининг 1 — 5-бандлари) |
1 |
|
2. |
Қонунчиликда белгиланган рўйхат бўйича ҳунармандчилик фаолияти |
3 |
|
3. |
Маиший хизматлар, қонунчиликда белгиланган рўйхат бўйича ҳунармандчилик фаолиятидан ташқари (Вазирлар Маҳкамасининг 2011 йил 7 январдаги 6-сон қарори билан тасдиқланган Хусусий тадбиркорлар юридик шахс ташкил этмасдан шуғулланиши мумкин бўлган фаолият турлари рўйхатининг 6 — 352-бандлари) |
3 |
|
31 |
Давлат-хусусий шерикликнинг оилавий нодавлат мактабгача таълим ташкилотларини моддий-техник ва услубий жиҳатдан таъминлаш шакли асосида ташкил этилган оилавий нодавлат мактабгача таълим ташкилотлари фаолияти (Вазирлар Маҳкамасининг 2011 йил 7 январдаги 6-сон қарори билан тасдиқланган Хусусий тадбиркорлар юридик шахс ташкил этмасдан шуғулланиши мумкин бўлган фаолият турлари рўйхатининг 60-банди) |
4 |
|
4. |
Фаолиятнинг бошқа турлари* (Вазирлар Маҳкамасининг 2011 йил 7 январдаги 6-сон қарори билан тасдиқланган Хусусий тадбиркорлар юридик шахс ташкил этмасдан шуғулланиши мумкин бўлган фаолият турлари рўйхатининг 36 — 41, 51 — 59, 62, 64 — 66, 68 — 74-бандлари, 87-банди) |
2 |
* Вазирлар Маҳкамасининг 2011 йил 7 январдаги 6-сон қарори билан тасдиқланган Хусусий тадбиркорлар юридик шахс ташкил этмасдан шуғулланиши мумкин бўлган фаолият турлари рўйхатининг 42, 50, 61, 63, 67, 75-бандларида кўрсатилган фаолият турларини амалга оширадиган хусусий тадбиркор фаолиятининг асосий тури бўйича ёрдамчи ишларни бажариш учун бир нафар ходимни ёллаши мумкин.
(1-илова Ўзбекистон Республикаси Президентининг 2021 йил 10 июндаги ПҚ-5144-сонли қарори таҳририда — Қонунчилик маълумотлари миллий базаси, 11.06.2021 й., 07/21/5144/0548-сон — 2021 йил 1 июлдан кучга киради)
Хусусий тадбиркорлар томонидан ходимларни ёллаган ҳолда тадбиркорлик фаолиятини амалга ошириш тартиби тўғрисидаги низомга
2-ИЛОВА
2-ИЛОВА
|
Хусусий тадбиркор ва хусусий тадбиркорнинг ходими ўртасидаги | |||||||||
| | | | | | | | | | |
|
МЕҲНАТ ШАРТНОМАСИ №______ | |||||||||
|
____________________ |
20__ йил «___» ___________ | ||||||||
| 1. СТИР коди ____________________ бўлган, кейинги ўринларда «Иш берувчи» деб аталадиган хусусий тадбиркор __________________________________ ва кейинги ўринларда | |||||||||
|
(Ф.И.О.) | |||||||||
|
«Ходим» деб аталадиган фуқаро _______________________________ ушбу шартномани | |||||||||
|
(Ф.И.О.) | |||||||||
| қуйидагилар тўғрисида туздилар: | |||||||||
| 2. Ходим ___________________________ касби бўйича, фаолиятнинг қуйидаги турларини | |||||||||
|
(касб, лавозим номи.) |
| | | | | ||||
| амалга ошириш учун ишга қабул қилинади: | |||||||||
|
____________________________________________________________________________ | |||||||||
| 3. Шартнома муддати __________________________________________________________ | |||||||||
| |
(ойлар сони, белгиланмаган муддат, ишларни бажариш муддати) | ||||||||
| 4. Ишнинг бошланиш санаси: 20__ йил «___»___________ Меҳнат шартномасининг тўхтатилиш санаси: 20__ йил «___»___________ 5. Ходимнинг мажбуриятлари: | |||||||||
|
____________________________________________________________________________ | |||||||||
| | |||||||||
| 6. Иш берувчининг мажбуриятлари: | |||||||||
|
____________________________________________________________________________ | |||||||||
| 7. Иш режими: ишнинг бошланиш вақти _____________ ишнинг тугаш вақти ______________ иш ҳафтасининг тури: _______________, дам олиш куни: ___________________; меҳнат таътилининг давомийлиги: ________ кун. 8. Меҳнатга ҳақ тўлаш шартлари: _________________________________________________ | |||||||||
|
____________________________________________________________________________ | |||||||||
| 9. Бошқа шартлар: 9.1. Иш берувчи ходим учун қатъий белгиланган солиқни ва ягона ижтимоий тўловни қонунчиликда назарда тутилган миқдорда ва тартибда тўлаш мажбуриятини олади. 9.2. Бошқа шартлар (тарафларнинг хоҳишига кўра) ___________________________________ ____________________________________________________________________________ ____________________________________________________________________________ | |||||||||
| | | | | | | | | | |
|
Тарафларнинг манзили ва имзолар: | |||||||||
|
Ходим: |
Иш берувчи: | ||||||||
|
Манзил: |
____________________ |
Манзил: |
____________________ | ||||||
|
______________________ |
______________________ | ||||||||
(2-илова Ўзбекистон Республикаси Вазирлар Маҳкамасининг 2019 йил 21 октябрдаги 889-сонли қарори таҳририда — Қонун ҳужжатлари маълумотлари миллий базаси, 22.10.2019 й., 09/19/889/3945-сон)
Хусусий тадбиркорлар томонидан ходимларни ёллаган ҳолда тадбиркорлик фаолиятини амалга ошириш тартиби тўғрисидаги низомга
3-ИЛОВА
3-ИЛОВА
|
____________________________________________________________________дан | |||||||||
| | | | | | | | | | |
|
Ёлланадиган ходимни ҳисобга қўйиш тўғрисида | |||||||||
|
__________________________________________________________________________ни | |||||||||
|
________________________________________________________ни амалга ошириш учун | |||||||||
| _________________________________________________ муддатга хусусий тадбиркорнинг ёлланма ходими сифатида ҳисобга қўйишингизни сўрайман. | |||||||||
Ходим тўғрисидаги маълумотлар: Ф.И.О. ______________________________________________________________________ Паспорт серияси ______ № ____________ _______________________ томонидан берилган Уй манзили _______________________________________________________________ Солиқ тўловчининг идентификация рақами______________________________________ | |||||||||
| Хусусий тадбиркор тўғрисидаги маълумотлар: Паспорти маълумотлари: _____________________________________________________ | |||||||||
| |
(серия №, ким томонидан ва қачон берилган) | ||||||||
| Уй манзили: _________________________________________________________________ Почта индекси: __________________________ Боғланиш телефони: ___________________ Солиқ тўловчининг идентификация рақами ________________________________________ Аризага қўшимча равишда илова қилинадиган ҳужжатлар: 1. __________________________________________________________________________ 2. __________________________________________________________________________ 3. __________________________________________________________________________ | |||||||||
|
_________________________________ |
________________________________ | ||||||||
| | | | | | | | | | |
|
_________________________________ |
________________________________ | ||||||||
Хусусий тадбиркорлар томонидан ходимларни ёллаган ҳолда тадбиркорлик фаолиятини амалга ошириш тартиби тўғрисидаги низомга
4-ИЛОВА
4-ИЛОВА
|
ЁЛЛАНГАН ХОДИМНИ ҲИСОБГА ҚЎЙИШ КАРТОЧКАСИ | |||||||||
| Ходим тўғрисидаги маълумотлар: | | | | | | ||||
|
Сурат учун жой |
Ф.И.О. ______________________________________________________________ | ||||||||
| Паспорт серияси ______ № ___________ _________________ томонидан берилган | |||||||||
| Уй манзили __________________________________________________________ | |||||||||
| Солиқ тўловчининг идентификация рақами _________________________________ | |||||||||
| | | | | | | | | | |
|
______________________ тумани (шаҳри) давлат солиқ инспекцияси томонидан хусусий тадбиркорнинг ёлланган ходими сифатида ҳисобга қўйилган. | |||||||||
| Иш берувчи (хусусий тадбиркор) тўғрисидаги маълумотлар: Ф.И.О. _______________________________________________________________________ Паспорт серияси ______ № ____________ ________________________ томонидан берилган Уй манзили __________________________________________________________________ Солиқ тўловчининг идентификация рақами _________________________________________ Амалга ошириладиган фаолият тури ______________________________________________ Фаолиятни амалга ошириш жойи ________________________________________________ | |||||||||
| | | | | | | | | | |
| 20__ йил «___»___________ гача ҳақиқийдир. М.Ў. ДСИ раҳбари (ўринбосари) ____________________________. | |||||||||
|
(имзо) |
| | |||||||
Вазирлар Маҳкамасининг 2015 йил 31 июлдаги 219-сон қарорига
2-ИЛОВА
2-ИЛОВА
Ўзбекистон Республикаси Ҳукуматининг айрим қарорларига киритилаётган қўшимчалар ва ўзгартириш
Олдинги таҳрирга қаранг.
(1-банд Ўзбекистон Республикаси Вазирлар Маҳкамасининг 2016 йил 22 февралдаги 46-сонли қарорига асосан ўз кучини йўқотган — ЎР ҚҲТ, 2016 й., 8-сон, 77-модда)
Олдинги таҳрирга қаранг.
(2-банд Ўзбекистон Республикаси Вазирлар Маҳкамасининг 2017 йил 9 февралдаги 66-сонли қарорига асосан 2017 йилнинг 1 апрелидан ўз кучини йўқотади — ЎР ҚҲТ, 2017 й., 7-сон, 89-модда)
3. Вазирлар Маҳкамасининг «Хусусий тадбиркорлар юридик шахс ташкил этмасдан шуғулланиши мумкин бўлган фаолият турлари рўйхатини тасдиқлаш тўғрисида» 2011 йил 7 январдаги 6-сон қарорининг (Ўзбекистон Республикаси ҚТ, 2011 й., 1-сон, 3-модда) 1-бандига қуйидаги мазмундаги хатбоши қўшилсин:
«Фаолиятнинг ушбу турларини амалга оширувчи хусусий тадбиркорлар қонун ҳужжатларида белгиланган тартибда ходимларни ёллаш ҳуқуқига эга».
(Ўзбекистон Республикаси қонун ҳужжатлари тўплами, 2015 й., 31-сон, 411-модда; 2016 й., 8-сон, 77-модда; 2017 й., 7-сон, 89-модда; Қонун ҳужжатлари маълумотлари миллий базаси, 08.08.2018 й., 09/18/631/1638-сон; Қонун ҳужжатлари маълумотлари миллий базаси, 22.10.2019 й., 09/19/889/3945-сон; 29.12.2019 й., 09/19/1046/4242-сон; 08.01.2021 й., 09/21/1/0002-сон, 19.04.2021 й., 09/21/221/0350-сон; 11.06.2021 й., 07/21/5144/0548-сон)
