Ўзбекистон Республикаси Президентининг «Республика иқтисодиётининг чарм-пойабзал тармоғини бошқариш тизимини такомиллаштириш тўғрисида» 2000 йил 23 февралдаги ПФ-2552-сон Фармонига мувофиқ Вазирлар Маҳкамаси қарор қилади:

1. «Ўзбекчармпойабзали» уюшмаси таркибига кирувчи хўжалик юритувчи субъектлар рўйхатига 1-иловага мувофиқ, «Ўзбекчармпойабзали» уюшмаси ташкилий тузилмасига ва бошқарув аппарати тузилмасига, шунингдек унинг ҳудудий савдо-тайёрлаш корхоналари ижро этувчи аппаратининг намунавий тузилмасига 2, 3 ва 4-иловаларга мувофиқ розилик берилсин.

2. Белгилансинки:

«Ўзбекчармпойабзали» уюшмаси «Ўзбек чарми» акциядорлик компаниясининг шартномалар ва мажбуриятлар бўйича ҳуқуқий вориси ҳисобланади;

«Ўзбекчармпойабзали» уюшмаси таркибига тери ва мўйна-тери хом ашёсини тайёрлаш, қайта ишлаш, пойабзал, чарм маҳсулотлари ва бошқа истеъмол товарлари ишлаб чиқариш, шунингдек уюшма Уставига зид бўлмаган фаолиятнинг бошқа турлари билан шуғулланадиган мулкчиликнинг турли шаклларидаги корхоналар ва ташкилотлар ихтиёрийлик асосида кириши мумкин;

«Ўзбекчармпойабзали» уюшмасининг ҳудудий бўлинмалари ва корхоналарининг хўжалик фаолиятини маблағ билан таъминлаш, шу жумладан уларнинг бошқарув аппарати таъминоти ўз хўжалик фаолияти, хизматлар кўрсатиш, шунингдек амалдаги қонун ҳужжатларига зид бўлмаган бошқа даромадлар ҳисобига амалга оширилади;

«Ўзбекчармпойабзали» уюшмаси бошқарув аппаратининг таъминоти унинг таркибига кирувчи хўжалик юритувчи субъектлар томонидан шартнома асосида ўтказиладиган маблағлар ҳисобига амалга оширилади;

«Ўзбекчармпойабзали» уюшмаси раҳбарлари муассисларнинг умумий йиғилишида сайланадилар ва Ўзбекистон Республикаси Вазирлар Маҳкамасининг қарори билан лавозимга тасдиқланадилар.

3. Мақоми, маиший таъминоти, тиббий ва транспорт хизмати кўрсатиш шарт-шароитлари бўйича уюшма бошқаруви раиси — вазирга, раис ўринбосарлари эса Ўзбекистон Республикаси вазирининг ўринбосарига тенглаштирилсин.

4. Ўзбекистон Республикаси Давлат мулки қўмитаси:

«Ўзбекчармпойабзали» уюшмаси иштирокида 5-иловага мувофиқ «Ўзбекчармпойабзали» уюшмаси таркибига кирувчи акциядорлик жамиятлари акцияларининг давлат пакетлари бўйича ишончли бошқарувчиларни белгиланган тартибда белгиласин;

акцияларнинг давлат пакетларини бошқариш юзасидан улар билан тузилган шартномаларга мувофиқ ишончли бошқарувчилар фаолияти устидан қатъий назорат ўрнатсин.

Белгилансинки, «Ўзбекчармпойабзали» уюшмаси таркибига кирувчи акциядорлик жамиятларининг эркин сотиш, шу жумладан хорижий инвесторларга сотиш учун мўлжалланган акциялар пакети устав жамғармасининг 50 фоизидан кам бўлмаслиги керак.

7. Ўзбекистон Республикаси тижорат банкларига:

«Ўзбекчармпойабзали» уюшмаси таркибига кирувчи акциядорлик жамиятларининг эркин сотиш учун мўлжалланган акциялар пакетларининг бир қисмини сотиб олиш;

«Ўзбекчармпойабзали» уюшмаси корхоналарини техника билан қайта жиҳозлашни маблағ билан таъминлаш учун узоқ муддатли кредитлар бериш масалаларини белгиланган тартибда кўриб чиқиш тавсия этилсин.

8. Ўзбекистон Республикаси Макроиқтисодиёт ва статистика вазирлиги 2000 йилдан бошлаб ҳар йили асосий халқ истеъмол товарлари балансларини ишлаб чиқишда тери хом ашёси топширувчиларнинг манфаатдорлигини ошириш мақсадида «Ўзбекчармпойабзали» уюшмаси буюртманомасига мувофиқ ун, гуруч, пахта ёғи, шрот ва шелуха ажратилишини назарда тутсин.

9. «Ўзбекчармпойабзали» уюшмаси аппарати Тошкент шаҳар, Бобур кўчаси, 6-уйга жойлаштирилсин.

10. Ўзбекистон Республикаси Вазирлар Маҳкамасининг «Тери хом ашёси харид қилишни такомиллаштириш тўғрисида» 1998 йил 4 декабрдаги 510-сон қарори ўз кучини йўқотган деб ҳисоблансин.

11. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари М.З. Усмонов зиммасига юклансин.

Изоҳ: ҳаммаси: савдо-тайёрлаш корхоналари — 13;

туман савдо-тайёрлаш ширкатлари — 111;

чарм хом-ашёсини қайта ишлаш корхоналари — 7;

шу жумладан: чармни қайта ишлаш корхоналари — 5, мўйнага ишлов бериш ва мўйна буюмлари тикиш корхоналари — 1, чармга ишлов бериш ва ва ундан кийимлар тикиш корхоналари — 1 (ҚК);

пойабзал ва чарм-галантерея корхоналари — 30;

шу жумладан, пойабзал тайёрлаш корхоналари — 26, чарм-галантерея буюмлари ишлаб чиқариш корхоналари — 3, сунъий чарм заводи — 1.

Ходимларнинг умумий сони: 27 киши

Изоҳ: Ҳудудий савдо-тайёрлаш корхоналарида бошқарув аппарати ходимлари сони қуйидагича белгиланади:

а) Қорақалпоғистон Республикасида, Бухоро, Қашқадарё, Самарқанд, Сурхондарё, Тошкент, Фарғона, Хоразм вилоятларида — 10 кишидан;

б) Андижон, Жиззах, Навоий, Наманган, Сирдарё вилоятларида — 8 кишидан.