Ўзбекистон Республикасининг «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида» 2014 йил 11 декабрдаги ЎРҚ-381-сон Қонунининг 6-моддасига мувофиқ Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

2. Вазирликлар ва идоралар бир ой муддатда ўз идоравий норматив-ҳуқуқий ҳужжатларини ушбу қарорга мувофиқлаштирсинлар.

3. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.

1. Вазирлар Маҳкамасининг 2003 йил 18 апрелдаги 188-сон қарори (Ўзбекистон Республикаси ҚТ, 2003 й., 4-сон, 31-модда) билан тасдиқланган Таркибий ўзгартириладиган корхоналарнинг, шунингдек уларга нисбатан банкротлик тартиботи қўлланилган корхоналарнинг мол-мулкини баҳолаш ва сотиш тартиби тўғрисидаги низомда:

а) 19-банднинг иккинчи хатбошидаги «Корхона» сўзи «Таркибий ўзгартириладиган корхона» сўзлари билан алмаштирилсин;

б) 20-банддан «тўғридан-тўғри шартнома асосида» сўзлари чиқариб ташлансин;

в) 21-банддаги «142-1 ва 143-моддаларида» сўзлари «143-моддасида» сўзлари билан алмаштирилсин;

г) 27-банддаги «саккизинчи ва тўққизинчи» сўзлари «олтинчи ва еттинчи» сўзлари билан алмаштирилсин.