|
Ҳужжат кучини йўқотган 28.06.2021
|
Ўзбекистон Республикаси Вазирлар Маҳкамасининг
қарори
Мамлакатнинг ижтимоий ҳаётида фаол қатнашаётган ёш оилаларни уй-жой билан таъминлашни янада қўллаб-қувватлаш чора-тадбирлари тўғрисида
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 28 июндаги 394-сонли «2021-2023 йилларда ёшлар уйларини қуришга оид қўшимча чора-тадбирлар тўғрисида»ги қарорига асосан ўз кучини йўқотган.
«Ўзбекистон Республикасида ёшларга оид давлат сиёсатининг асослари тўғрисида»ги Ўзбекистон Республикаси Қонунига, Ўзбекистон Республикаси Президентининг «Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлар тўғрисида» 2014 йил 6 февралдаги ПҚ-2124-сон қарорига мувофиқ, шунингдек мамлакатнинг ижтимоий ҳаётида фаол қатнашаётган ёш оилаларни янада ижтимоий қўллаб-қувватлаш, уларнинг уй-жой ва маиший шароитларини яхшилаш мақсадида Вазирлар Маҳкамаси қарор қилади:
1. Қайд этилсинки, мамлакат ижтимоий ҳаётида фаол иштирок этиб, алоҳида намуна кўрсатаётган ёш оилаларга узоқ муддатли имтиёзли ипотека кредитлари беришнинг қуйидаги шартлари белгиланади:
а) давлат дастурларида 2019 йилда қурилиши белгиланган уйлар бўйича:
шаҳарларда кўп квартирали арзон уй-жойлар қуриш ва реконструкция қилиш учун — 3 йиллик имтиёзли давр ва дастлабки 5 йил мобайнида йиллик 7 фоиз миқдоридаги фоиз ставкаси билан ва кейинги даврда Ўзбекистон Республикаси Марказий банкининг қайта молиялаштириш ставкаси миқдорида 20 йил муддатга берилади, бунда дастлабки бадал квартира қийматининг 25 фоизини ташкил этади;
қишлоқ жойларда янгиланган намунавий лойиҳалар бўйича арзон уй-жойлар қуриш ва реконструкция қилиш учун — 3 йиллик имтиёзли давр ва дастлабки 5 йил мобайнида йиллик 7 фоиз миқдоридаги фоиз ставкаси билан ва кейинги даврда Ўзбекистон Республикаси Марказий банкининг қайта молиялаштириш ставкаси миқдорида 15 йил муддатга берилади, бунда дастлабки бадал қуйидагича миқдорни ташкил этади:
икки, уч қаватли кўп квартирали (2 ва 3 хонали) уйлар ва 2, 3 хонали бир қаватли уйлар учун — 10 фоиз;
икки қаватли 4 хонали бирлаштирилган уйлар учун — 25 фоиз;
б) 2020 йил ва кейинги йилларга мўлжалланган давлат дастурлари доирасида шаҳарларда ва қишлоқ жойларда бир йиллик имтиёзли давр билан ҳамда дастлабки 5 йил давомида ҳар йили фоиз ставкаси қатъий белгиланган 7 фоиздан Ўзбекистон Республикаси Марказий банкининг қайта молиялаштириш ставкаси даражасигача бир меъёрда ошиб борадиган ставкада ва кейинги даврда Ўзбекистон Республикаси Марказий банкининг қайта молиялаштириш ставкасида 20 йил муддатга берилади, бунда квартиранинг дастлабки бадали:
шаҳарларда — Ўзбекистон Республикаси Президентининг 2017 йил 23 октябрдаги ПҚ-3350-сон қарори билан тасдиқланган квартираларни ёш оилаларга, эскирган уйларда яшовчиларга ва уй-жой шароитларини яхшилашга муҳтож бўлган бошқа тоифадаги фуқароларга сотиш шартларига мувофиқ;
қишлоқ жойларда — сотиб олинадиган квартира қийматининг 10 фоизидан кам бўлмаган миқдорда белгиланади.
(1-банд Ўзбекистон Республикаси Вазирлар Маҳкамасининг 2020 йил 27 августдаги 521-сонли қарори таҳририда — Қонун ҳужжатлари маълумотлари миллий базаси, 28.08.2020 й., 09/20/521/1232-сон)
2. Белгилансинки:
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузуридаги Ягона буюртмачи хизмати Ёшлар уйларини қуриш ва реконструкция қилишнинг буюртмачилари ҳисобланади;
(2-банднинг иккинчи хатбошиси Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
квартиралар қийматини мақбуллаштириш мақсадида уйларни қуриш, қоидага кўра, мавжуд қурилиши тугалланмаган бинолар ва бошқа объектларни, уй-жойларни тегишли инфратузилма билан таъминлашни ҳисобга олган ҳолда ташкил этиш учун энг қулай лойиҳалар бўйича реконструкция қилиш шаклида амалга оширилади;
Ёшлар уйларини жойлаштириш учун мўлжалланган объектларни қуриш ва реконструкция қилиш доирасида буюртмачи ёки пудрат ташкилотлари Ўзбекистон Республикаси Марказий банкининг қайта молиялаштириш ставкасидан ошмайдиган фоизли ставка билан 5 йилгача муддатга бериладиган тижорат банклари кредитларини жалб этишлари мумкин.
(2-банднинг тўртинчи хатбошиси Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
Олдинги таҳрирга қаранг.
(3-банднинг биринчи хатбошиси Ўзбекистон Республикаси Вазирлар Маҳкамасининг 2019 йил 11 сентябрдаги 760-сонли қарорига асосан чиқарилган — Қонун ҳужжатлари маълумотлари миллий базаси, 12.09.2019 й., 09/19/760/3731-сон)
3. Ўзбекистон ёшлар иттифоқига қуриладиган Ёшлар уйларининг сифати устидан жамоатчилик назоратини амалга ошириш тавсия этилсин.
(3-банд Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарорига асосан хатбоши билан тўлдирилган — ЎР ҚҲТ, 2017 й., 37-сон, 996-модда)
4. Ёшлар уйларидан ёш оилаларга квартиралар бериш масалаларини кўриб чиқиш тартиби тўғрисидаги низом 1-иловага мувофиқ тасдиқлансин.
(4-банд Ўзбекистон Республикаси Вазирлар Маҳкамасининг 2019 йил 11 сентябрдаги 760-сонли қарори таҳририда — Қонун ҳужжатлари маълумотлари миллий базаси, 12.09.2019 й., 09/19/760/3731-сон)
Олдинги таҳрирга қаранг.
(5-банд Ўзбекистон Республикаси Вазирлар Маҳкамасининг 2019 йил 11 сентябрдаги 760-сонли қарорига асосан ўз кучини йўқотган — Қонун ҳужжатлари маълумотлари миллий базаси, 12.09.2019 й., 09/19/760/3731-сон)
Олдинги таҳрирга қаранг.
(6-банд Ўзбекистон Республикаси Вазирлар Маҳкамасининг 2019 йил 11 сентябрдаги 760-сонли қарорига асосан ўз кучини йўқотган — Қонун ҳужжатлари маълумотлари миллий базаси, 12.09.2019 й., 09/19/760/3731-сон)
Олдинги таҳрирга қаранг.
(7-банд Ўзбекистон Республикаси Вазирлар Маҳкамасининг 2021 йил 5 февралдаги 56-сонли қарорига асосан ўз кучини йўқотган — Қонун ҳужжатлари маълумотлари миллий базаси, 06.02.2021 й., 09/21/56/0091-сон)
8. Вазирликлар ва идоралар ўзларининг идоравий норматив-ҳуқуқий ҳужжатларини ушбу қарорга мувофиқлаштирсинлар.
9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари Б.И. Закиров ва А.И. Икрамов зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2014 йил 8 сентябрь,
250-сон
Вазирлар Маҳкамасининг 2014 йил 8 сентябрдаги 250-сон қарорига
1-ИЛОВА
1-ИЛОВА
Ёшлар уйларидан ёш оилаларга квартиралар бериш масалаларини кўриб чиқиш тартиби тўғрисида
(1-илованинг номи Ўзбекистон Республикаси Вазирлар Маҳкамасининг 2019 йил 11 сентябрдаги 760-сонли қарори таҳририда — Қонун ҳужжатлари маълумотлари миллий базаси, 12.09.2019 й., 09/19/760/3731-сон)
НИЗОМ
I. Умумий қоидалар
1. Ушбу Низом «Ёшларга оид давлат сиёсати тўғрисида»ги Ўзбекистон Республикаси Қонунига, Ўзбекистон Республикаси Президентининг «Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлар тўғрисида» 2014 йил 6 февралдаги ПҚ-2124-сон қарорига мувофиқ Ёшлар уйларидан ёш оилаларга квартиралар (кейинги ўринларда квартиралар деб аталади) бериш масалаларини кўриб чиқиш тартибини белгилайди.
(1-банд Ўзбекистон Республикаси Вазирлар Маҳкамасининг 2019 йил 11 сентябрдаги 760-сонли қарори таҳририда — Қонун ҳужжатлари маълумотлари миллий базаси, 12.09.2019 й., 09/19/760/3731-сон)
2. Ушбу Низомда қуйидаги асосий тушунчалардан фойдаланилади:
ёш оилалар — ушбу Низомга мувофиқ Ёшлар уйларидан ипотека кредити асосида квартираларни сотиб олиш учун ҳисобга қўйиш тўғрисида ариза берилган пайтда эр-хотиннинг иккиси ҳам ўттиз ёшдан ошмаган оила ёхуд фарзанд (бола) тарбиялаб вояга етказаётган ўттиз ёшдан ошмаган ёлғиз отадан ёки ёлғиз онадан иборат бўлган оила, шу жумладан никоҳдан ажралган, бева эркак (бева аёл).
(2-банднинг иккинчи хатбошиси Ўзбекистон Республикаси Вазирлар Маҳкамасининг 2019 йил 11 сентябрдаги 760-сонли қарори таҳририда — Қонун ҳужжатлари маълумотлари миллий базаси, 12.09.2019 й., 09/19/760/3731-сон)
ҳудудий комиссия — ушбу Низомга 1-иловага мувофиқ таркибда Қорақалпоғистон Республикаси, вилоятлар ва Тошкент шаҳрида ташкил этиладиган ҳамда тегишли равишда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари томонидан тасдиқланадиган Ёшлар уйларидан ёш оилаларга квартираларни ипотека кредити асосида сотиб олиш масалаларини кўриб чиқиш бўйича комиссия;
(2-банднинг учинчи хатбошиси Ўзбекистон Республикаси Вазирлар Маҳкамасининг 2019 йил 11 сентябрдаги 760-сонли қарори таҳририда — Қонун ҳужжатлари маълумотлари миллий базаси, 12.09.2019 й., 09/19/760/3731-сон)
тавсиянома — Ёшлар иттифоқи Марказий кенгаши томонидан берилган тавсиянома имтиёзли ипотека кредитини олувчи билан кредит олувчи доимий яшаш жойи бўйича рўйхатга олинган жойда жойлашган тижорат банки ўртасида ипотека кредити бериш тўғрисида шартнома тузиш учун асос ҳисобланади.
(2-банднинг тўртинчи хатбошиси Ўзбекистон Республикаси Вазирлар Маҳкамасининг 2020 йил 28 сентябрдаги 593-сонли қарори таҳририда — Қонун ҳужжатлари маълумотлари миллий базаси, 29.09.2020 й., 09/20/593/1340-сон)
3. Қайд этилсинки, мамлакат ижтимоий ҳаётида фаол иштирок этиб, алоҳида намуна кўрсатаётган ёш оилаларга узоқ муддатли имтиёзли ипотека кредитлари беришнинг қуйидаги шартлари белгиланади:
а) давлат дастурларида 2019 йилда қурилиши белгиланган уйлар бўйича:
шаҳарларда кўп квартирали арзон уй-жойлар қуриш ва реконструкция қилиш учун — 3 йиллик имтиёзли давр ва дастлабки 5 йил мобайнида йиллик 7 фоиз миқдоридаги фоиз ставкаси билан ва кейинги даврда Ўзбекистон Республикаси Марказий банкининг қайта молиялаштириш ставкаси миқдорида 20 йил муддатга берилади, бунда дастлабки бадал квартира қийматининг 25 фоизини ташкил этади;
қишлоқ жойларда янгиланган намунавий лойиҳалар бўйича арзон уй-жойлар қуриш ва реконструкция қилиш учун — 3 йиллик имтиёзли давр ва дастлабки 5 йил мобайнида йиллик 7 фоиз миқдоридаги фоиз ставкаси билан ва кейинги даврда Ўзбекистон Республикаси Марказий банкининг қайта молиялаштириш ставкаси миқдорида 15 йил муддатга берилади, бунда дастлабки бадал қуйидаги миқдорни ташкил этади:
икки, уч қаватли кўп квартирали (2 ва 3 хонали) уйлар ва 2, 3 хонали бир қаватли уйлар учун — 10 фоиз;
икки қаватли 4 хонали бирлаштирилган уйлар учун — 25 фоиз;
б) 2020 йил ва кейинги йилларга мўлжалланган давлат дастурлари доирасида шаҳарларда ва қишлоқ жойларда бир йиллик имтиёзли давр билан ҳамда дастлабки 5 йил давомида ҳар йили фоиз ставкаси қатъий белгиланган 7 фоиздан Ўзбекистон Республикаси Марказий банкининг қайта молиялаштириш ставкаси даражасигача бир меъёрда ошиб борадиган ставкада ва кейинги даврда Ўзбекистон Республикаси Марказий банкининг қайта молиялаштириш ставкасида 20 йил муддатга берилади, бунда квартиранинг дастлабки бадали:
шаҳарларда — Ўзбекистон Республикаси Президентининг 2017 йил 23 октябрдаги ПҚ-3350-сон қарори билан тасдиқланган квартираларни ёш оилаларга, эскирган уйларда яшовчиларга ва уй-жой шароитларини яхшилашга муҳтож бўлган бошқа тоифадаги фуқароларга сотиш шартларига мувофиқ;
қишлоқ жойларда — сотиб олинадиган квартира қийматининг 10 фоизидан кам бўлмаган миқдорда белгиланади.
Ёш оилаларнинг квартира сотиб олиш тўғрисидаги мурожаатлари ушбу Низомга 2-иловага мувофиқ схемага биноан кўриб чиқилади.
(3-банд Ўзбекистон Республикаси Вазирлар Маҳкамасининг 2020 йил 27 августдаги 521-сонли қарори таҳририда — Қонун ҳужжатлари маълумотлари миллий базаси, 28.08.2020 й., 09/20/521/1232-сон)
II. Квартира бериш учун ёш оилаларни ҳисобга олиш
4. Қуйидагилар квартираларни ипотека кредити асосида сотиб олиш ҳуқуқига эгадир:
а) турар жой шароитларини яхшилашга муҳтожлар сифатида ҳисобда турган ҳамда фан, санъат, адабиёт, спорт соҳасида ва бошқа соҳаларда юксак натижаларга эришган ёш оилалар (қоидага кўра, давлат мукофотлари, «Ўзбекистон белгиси» кўкрак нишони соҳиблари, нуфузли халқаро ва республика мусобақалари, танловлар ва олимпиадалар совриндорлари);
б) Ўзбекистон ёшлар иттифоқи тизимида камида уч йил мобайнида фаолият олиб бораётган ижтимоий фаол ёш оилалар — Ўзбекистон ёшлар иттифоқи Марказий Кенгаши тақдимномаси асосида;
в) фаолият юритаётган меҳнат жамоасида алоҳида намуна ва хизмат кўрсатган ёш оилаларга — давлат ҳокимияти органлари, давлат ва хўжалик бошқаруви органлари, республика аҳамиятига молик бошқа давлат ташкилотларининг раҳбарлари тавсиясига кўра Ўзбекистон ёшлар иттифоқи Марказий Кенгаши тақдимномаси асосида.
(4-банд Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
5. Турар жой шароитларини яхшилашга муҳтожлар сифатида ёш оилаларни ҳисобга қўйиш қуйидаги шартлардан бири мавжуд бўлган тақдирда:
а) эр-хотинлар доимий яшаш жойи бўйича рўйхатга олинган жойи бўйича ёш оила ижара шартларида ёки яшаш учун яроқсиз бинолардаги турар жойда яшаса ёхуд доимий яшаш манзили бўйича уй-жой мулкдори бўлмаса;
(5-банднинг «а» кичик банди Ўзбекистон Республикаси Вазирлар Маҳкамасининг 2020 йил 28 сентябрдаги 593-сонли қарори таҳририда — Қонун ҳужжатлари маълумотлари миллий базаси, 29.09.2020 й., 09/20/593/1340-сон)
б) оила аъзолари орасида Ўзбекистон Республикаси Соғлиқни сақлаш вазирлиги томонидан тасдиқланадиган рўйхатга мувофиқ сурункали касалликларнинг ўткир шаклларидан азоб чекувчи ва алоҳида квартирада яшашга муҳтож бўлган шахслар бор бўлса Ёшлар иттифоқи Марказий кенгаши томонидан амалга оширилади.
(5-банднинг «б» кичик банди Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
6. Ушбу Низомнинг 5-бандида кўрсатилган асослар мавжуд бўлган тақдирда эр-хотинларнинг хоҳиши бўйича ёш оила бир ёки бир вақтнинг ўзида барча асослар бўйича ҳисобга қўйилиши мумкин.
7. Турар жой шароитларини яхшилашга муҳтожлар сифатида ёш оилани ҳисобга қўйиш учун эр-хотиндан бири доимий яшаш жойи бўйича рўйхатга олинган жойи бўйича Ёшлар иттифоқи туман (шаҳар) кенгашига қуйидаги ҳужжатларни тақдим этади:
(7-банднинг биринчи хатбошиси Ўзбекистон Республикаси Вазирлар Маҳкамасининг 2020 йил 28 сентябрдаги 593-сонли қарори таҳририда — Қонун ҳужжатлари маълумотлари миллий базаси, 29.09.2020 й., 09/20/593/1340-сон)
а) Ёшлар иттифоқи туман (шаҳар) кенгаши раиси номига ариза;
(7-банднинг «а» кичик банди Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
б) никоҳ тўғрисидаги гувоҳноманинг нусхаси, фарзанд (бола) тарбиялаб вояга етказаётган ёлғиз ота ёки ёлғиз онанинг илгари никоҳда бўлмаганлиги ёхуд никоҳдан ажралганлиги, бева эркак (бева аёл) тўғрисида ФҲДЁ органидан берилган маълумотнома;
(7-банднинг «б» кичик банди Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
в) оиланинг таркиби тўғрисида яшаш жойидан берилган маълумотнома ва оила аъзоларининг паспортлари (туғилганлик тўғрисидаги гувоҳномалар) нусхалари;
г) яшаш жойи бўйича фуқароларнинг ўзини ўзи бошқариш органи томонидан берилган ёш оиланинг турар жой шароитлари ушбу Низомнинг 5-бандида назарда тутилган шартларга мувофиқлиги тўғрисидаги маълумотнома;
д) иш берувчининг муҳри билан тасдиқланган (тадбиркорлик субъектларидан муҳр билан тасдиқлаш талаб қилинмайди) меҳнат дафтарчаси нусхаси;
(7-банднинг «д» кичик банди Ўзбекистон Республикаси Вазирлар Маҳкамасининг 2019 йил 10 августдаги 661-сонли қарори таҳририда — Қонун ҳужжатлари маълумотлари миллий базаси, 11.08.2019 й., 09/19/661/3571-сон)
е) доимий иш жойидан берилган ариза берувчининг (оила аъзоларининг) охирги 12 ойдаги даромадлари тўғрисидаги маълумотномалар ёки уларнинг яшаш жойи бўйича давлат солиқ хизмати органи томонидан тасдиқланган ариза берувчининг (оила аъзолари — эр ва хотиннинг) охирги 12 ойдаги даромадлари тўғрисидаги декларацияларнинг нусхалари;
ж) Давлат хизматлари маркази томонидан берилган эр-хотинда мулк ҳуқуқи билан турар жой йўқлиги тўғрисидаги маълумотнома;
(7-банднинг «ж» кичик банди Ўзбекистон Республикаси Вазирлар Маҳкамасининг 2019 йил 11 сентябрдаги 760-сонли қарори таҳририда — Қонун ҳужжатлари маълумотлари миллий базаси, 12.09.2019 й., 09/19/760/3731-сон)
з) ёш оила ушбу Низомнинг 4-банди талабларига мувофиқлигини тасдиқлайдиган ҳужжатлар.
8. Ҳужжатлар Ёшлар иттифоқи туман (шаҳар) кенгашининг масъул шахси томонидан рўйхат бўйича қабул қилинади, уларнинг нусхалари тилхат остида ҳужжатлар қабул қилинган сана тўғрисида белги қўйилган ҳолда ариза берувчига топширилади.
(8-банднинг биринчи хатбошиси Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
Ариза турар жой беришга аризаларни рўйхатга олишнинг алоҳида журналида рўйхатдан ўтказилади.
9. Ёшлар иттифоқининг туман (шаҳар) кенгаши олинган ҳужжатларни улар қабул қилиб олинган кундан бошлаб икки кун муддатда кўриб чиқиш учун Ҳудудий комиссияга юборади.
(9-банд Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
10. Ҳудудий комиссия ҳужжатлар Ёшлар иттифоқининг туман (шаҳар) кенгашига тақдим этилган кундан бошлаб 10 иш куни мобайнида тақдим этилган ҳужжатларнинг белгиланган талабларга мувофиқлигини ҳар томонлама ўрганади, барча ҳужжатларнинг ҳақиқийлигини текширади. Бунда, ҳужжатларнинг белгиланган талабларга мувофиқлигини текшириш, шунингдек унинг ҳақиқийлиги учун ҳудудий комиссия жавоб беради.
(10-банднинг биринчи хатбошиси Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
Ҳудудий комиссия жойнинг ўзига чиқиб ариза берувчининг турар жой шароитларини, кредитга лаёқатлилигини (ариза берувчи ва оила аъзоларининг даромадини) ўрганади. Ўрганиш натижалари бўйича текшириш далолатномасини тузади.
Кўриб чиқиш натижалари бўйича ҳудудий комиссия ёш оилани турар жой шароитларини яхшилаш учун муҳтож сифатида ҳисобга қўйиш ёки ҳисобга қўйишни рад этиш тўғрисида хулоса тузади.
Ҳисобга қўйиш тўғрисидаги хулоса, текшириш далолатномаси тақдим этилган ҳужжатлар илова қилинган ҳолда уч кун муддатда Ёшлар иттифоқи Марказий кенгашига юборилади.
(10-банднинг тўртинчи хатбошиси Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
11. Ҳисобга қўйишни рад этиш тўғрисида қарор қабул қилинган тақдирда ҳудудий комиссия икки кун муддатда ҳужжатлар ва хулосани рад этиш сабаблари кўрсатилган ҳолда Ёшлар иттифоқи туман (шаҳар) кенгашига юборади.
(11-банд Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
Ёшлар иттифоқи туман (шаҳар) кенгаши икки кун муддатда ариза берувчилар томонидан тақдим этилган ҳужжатларни қайтарган ҳолда рад этиш сабаблари тўғрисида уларни ёзма равишда хабардор қилади.
(11-банднинг иккинчи хатбошиси Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
12. Ёшлар иттифоқи Марказий кенгаши ҳудудий комиссиялар томонидан тақдим этилган хулоса ва ҳужжатларни кўриб чиқиб ёш оилани уй-жой шароитларини яхшилашга муҳтож сифатида ҳисобга қўйиш ёки ҳисобга қўйишни рад этиш тўғрисида қарор қабул қилади.
(12-банд Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
Бунда Ёшлар иттифоқи Марказий Кенгаши ҳар йили давлат дастурларида мамлакатнинг ижтимоий ҳаётида фаол қатнашаётган ёш оилалар учун белгиланадиган уй-жойлар сонидан келиб чиққан ҳолда, ёш оилани уй-жой шароитларини яхшилашга муҳтож сифатида ҳисобга қўяди.
(12-банд Ўзбекистон Республикаси Вазирлар Маҳкамасининг 2020 йил 27 августдаги 521-сонли қарорига асосан иккинчи хатбоши билан тўлдирилган — Қонун ҳужжатлари маълумотлари миллий базаси, 28.08.2020 й., 09/20/521/1232-сон)
Ёшлар иттифоқи марказий кенгаши ҳужжатларни ҳар томонлама аниқ ва қонун ҳужжатларида белгиланган тартибда кўриб чиқиш учун Ёшлар иттифоқи марказий кенгаши аъзолари ва ходимларидан иборат таркибда алоҳида комиссия ёки ишчи гуруҳ ташкил этиши мумкин.
(12-банд Ўзбекистон Республикаси Вазирлар Маҳкамасининг 2019 йил 11 сентябрдаги 760-сонли қарорига асосан хатбоши билан тўлдирилган — Қонун ҳужжатлари маълумотлари миллий базаси, 12.09.2019 й., 09/19/760/3731-сон)
13. Ҳисобга қўйиш ёки ҳисобга қўйишни рад этиш тўғрисидаги қарор Ёшлар иттифоқи Марказий кенгаши томонидан ҳужжатлар тегишли ҳудудий комиссия томонидан тақдим этилган кундан бошлаб 5 иш кунидан кечикмай қабул қилинади.
(13-банд Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
14. Ёшлар иттифоқи Марказий кенгаши ҳисобга қўйиш ёки ҳисобга қўйишни рад этиш тўғрисида қарор қабул қилинган кундан бошлаб 5 иш кунидан кечикмай қарорни тегишли ҳудудий комиссияга юборади.
(14-банд Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
15. Ҳудудий комиссия 5 иш куни мобайнида Ёшлар иттифоқи Марказий кенгаши томонидан қабул қилинган қарор тўғрисида ариза берувчини ва Ёшлар иттифоқи туман (шаҳар) кенгашини ёзма равишда хабардор қилади.
(15-банд Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
Ушбу Низомнинг 4 ва 5-бандларида келтирилган асослар мавжуд бўлмаган ҳолларда, шунингдек агар тақдим этилган ҳужжатлар ушбу Низомнинг 7-банди талабларига мувофиқ бўлмаган тақдирда ҳисобга қўйиш рад этилиши мумкин.
III. Ёш оилаларга ипотека кредити асосида квартиралар бериш
16. Ёшлар иттифоқи Марказий кенгашининг тавсияномаси (ушбу Низомга 3-иловага мувофиқ шакл бўйича) ҳисобда турган ёш оилаларга улар учун зарур бўлган турар жой майдони мавжудлигидан келиб чиқиб кетма-кетлик тартибида тақдим этилади.
(16-банд Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
Ҳисобга қўйиш санаси, агар ҳолатлар тенг бўлган ҳолларда — уй-жой билан таъминланганлик даражасидан келиб чиқиш квартирани ипотека кредити асосида сотиб олиш изчиллигини аниқлашнинг асосий шарти ҳисобланади.
17. Агар:
эр-хотиннинг ҳар иккиси етимлар — «Меҳрибонлик уйлари» тарбияланувчилари бўлса;
имтиёзли ипотека кредити олувчи оила аъзоларининг бири ёки бир нечтаси ушбу Низомнинг 5-бандига мувофиқ сурункали касалликларнинг ўткир шаклларидан азоб чекса.
(17-банднинг учинчи хатбошиси Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
имтиёзли ипотека кредити олувчи Ўзбекистон ёшлар иттифоқи тизимида камида уч йил мобайнида фаолият олиб бораётган ижтимоий фаол ёшлардан бўлса, Ўзбекистон ёшлар иттифоқи Марказий Кенгашининг тавсияномаси навбатдан ташқари берилади.
(17-банд Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарорига асосан тўртинчи хатбоши билан тўлдирилган — ЎР ҚҲТ, 2017 й., 37-сон, 996-модда)
18. Ёшлар иттифоқи Марказий кенгаши тавсиянома бериш билан бир вақтда тегишли пудрат қурилиш ташкилотларига белгиланган тартибда квартираларга олди-сотди шартномаларини тузиш учун тавсиянома олган шахслар рўйхатини юборади.
(18-банд Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
Пудрат қурилиш ташкилотлари рўйхатлар олинган кундан бошлаб ўн иш куни мобайнида улар асосида квартираларнинг олди-сотди шартномалари тузилишини таъминлайди.
IV. Якунловчи қоида
19. Ёшлар иттифоқи Марказий кенгаши йилнинг ҳар чорагида Ўзбекистон Республикаси Вазирлар Маҳкамасига имтиёзли ипотека кредитларини олиш учун берилган ҳужжатлар кўриб чиқилиши ва квартиралар ажратилиши тўғрисидаги ахборотни киритади.
(19-банд Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
«Камолот»нинг кўп квартирали уйларидан ёш оилаларга квартиралар бериш масалаларини кўриб чиқиш тартиби тўғрисидаги низомга
1-ИЛОВА
1-ИЛОВА
Ёшлар уйларидаги квартираларни ипотека кредити асосида сотиб олиш масалаларини кўриб чиқиш бўйича ҳудудий комиссияларнинг
(1-илованинг номи Ўзбекистон Республикаси Вазирлар Маҳкамасининг 2019 йил 11 сентябрдаги 760-сонли қарори таҳририда — Қонун ҳужжатлари маълумотлари миллий базаси, 12.09.2019 й., 09/19/760/3731-сон)
намунавий таркиби
1. Ёшлар иттифоқи Қорақалпоғистон Республикаси, вилоятлар ва Тошкент шаҳар Кенгашлари раислари — комиссия раиси.
(1-банд Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
2. Қорақалпоғистон Республикаси Вазирлар Кенгаши Раисининг, вилоят ва Тошкент шаҳри ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари — комиссия раисининг ўринбосари.
(2-банд Ўзбекистон Республикаси Вазирлар Маҳкамасининг 2017 йил 27 февралдаги 107-сонли қарори таҳририда — ЎР ҚҲТ, 2017 й., 9-сон, 132-модда)
3. Туманлар (шаҳарлар) ҳокимларининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари.
(3-банд Ўзбекистон Республикаси Вазирлар Маҳкамасининг 2017 йил 27 февралдаги 107-сонли қарори таҳририда — ЎР ҚҲТ, 2017 й., 9-сон, 132-модда)
4. Қорақалпоғистон Республикаси Адлия вазири ҳамда вилоятлар ва Тошкент шаҳар адлия бошқармалари раҳбарлари.
5. Ўзбекистон Республикаси Марказий банкининг ҳудудий бошқармаси раҳбари.
6. «Маҳалла» хайрия жамоат фондининг ҳудудий, туман (шаҳар) бўлинмалари раҳбарлари.
7. Молиялаштирувчи тижорат банкларининг минтақавий ва туман филиаллари раҳбарлари.
«Камолот»нинг кўп квартирали уйларидан ёш оилаларга квартиралар бериш масалаларини кўриб чиқиш тартиби тўғрисидаги низомга
2-ИЛОВА
2-ИЛОВА
Ёшлар уйларидаги квартираларни ипотека кредити асосида сотиб олиш тўғрисида шартномалар тузиш учун тавсияларни ёш оилаларга тақдим этиш
(2-илованинг номи Ўзбекистон Республикаси Вазирлар Маҳкамасининг 2019 йил 11 сентябрдаги 760-сонли қарори таҳририда — Қонун ҳужжатлари маълумотлари миллий базаси, 12.09.2019 й., 09/19/760/3731-сон)
СХЕМАСИ
(2-илова Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
«Камолот»нинг кўп квартирали уйларидан ёш оилаларга квартиралар бериш масалаларини кўриб чиқиш тартиби тўғрисидаги низомга
3-ИЛОВА
3-ИЛОВА
Тегишли тижорат банкига тақдим этиш учун Ёшлар иттифоқи Марказий кенгашининг уй-жойга муҳтожлар сифатида ҳисобга қўйилган ёш оилаларга
(3-илова номи Ўзбекистон Республикаси Вазирлар Маҳкамасининг 2017 йил 12 сентябрдаги 712-сонли қарори таҳририда — ЎР ҚҲТ, 2017 й., 37-сон, 996-модда)
тавсияномаси шакли
|
| |||||
| 19__ йилда туғилган Ўзбекистон Республикаси фуқароси__________________________ ______________________________________________________________________га | |||||
|
(Ф.И.О., паспортидаги маълумотлар) | |||||
| _____________________________________________ манзили бўйича Ёшлар | |||||
|
(Ёшлар уйи манзили) |
| | |||
| | | | | | |
|
уйларидан квартира сотиб олиш тўғрисида ___________________________ | |||||
|
(тавсияномани олган ариза берувчи ёки ишончли шахснинг Ф.И.О.) | |||||
| | | | | | |
|
201_ йил «__»________ |
|
|
___________________ | ||
|
(берилган сана) |
| |
(олувчининг имзоси) | ||
| | | | | | |
|
Орқа томони | |||||
| | | | | | |
|
Ушбу тавсия Ўзбекистон Республикаси Вазирлар Маҳкамасининг «Мамлакатнинг ижтимоий ҳаётида фаол иштирок этувчи ёш оилаларни турар жой билан таъминлашни янада қўллаб-қувватлаш тўғрисида» 2014 йил 8 сентябрдаги 250-сон қарорига мувофиқ берилган. | |||||
| | | | | | |
| Ўзбекистон Республикаси Ёшлар иттифоқи Марказий кенгаши раиси |
_________________ | ||||
| | | | | | |
| Ўзбекистон Республикаси Ёшлар иттифоқи Марказий кенгаши раисининг ўринбосари |
_________________ | ||||
| | | | | | |
| Ўзбекистон Республикаси Ёшлар иттифоқи Марказий кенгаши аъзолари (рўйхат бўйича) |
_________________ | ||||
| | | | | _________________ | |
(3-илованинг матни Ўзбекистон Республикаси Вазирлар Маҳкамасининг 2019 йил 11 сентябрдаги 760-сонли қарори таҳририда — Қонун ҳужжатлари маълумотлари миллий базаси, 12.09.2019 й., 09/19/760/3731-сон)
(2-илова Ўзбекистон Республикаси Вазирлар Маҳкамасининг 2021 йил 5 февралдаги 56-сонли қарорига асосан ўз кучини йўқотган — Қонун ҳужжатлари маълумотлари миллий базаси, 06.02.2021 й., 09/21/56/0091-сон)
(Ўзбекистон Республикаси қонун ҳужжатлари тўплами, 2014 й., 37-сон, 468-модда; 2016 й., 18-сон, 198-модда; 2017 й., 7-сон, 94-модда; 9-сон, 132-модда, 37-сон, 996-модда; Қонун ҳужжатлари маълумотлари миллий базаси, 11.08.2019 й., 09/19/661/3571-сон, 12.09.2019 й., 09/19/760/3731-сон; 28.08.2020 й., 09/20/521/1232-сон; 29.09.2020 й., 09/20/593/1340-сон; 06.02.2021 й., 09/21/56/0091-сон)
