|
Ҳужжат кучини йўқотган 13.10.2017
|
Ўзбекистон Республикаси Вазирлар Маҳкамасининг
қарори
АСИЛЛИК ДАРАЖАСИ ТЎЛОВИ ВА АСИЛЛИК ДАРАЖАСИ ТЎЛОВИНИ ТЎЛАШ ТАРТИБИ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2017 йил 12 октябрдаги 819-сонли «Қимматбаҳо металлардан ясалган заргарлик ва бошқа буюмларнинг асиллик даражасини белгилаш ва тамғалаш билан боғлиқ юридик аҳамиятга эга ҳаракатларни амалга оширганлик учун асиллик даражаси тўловини ундириш тартибини янада такомиллаштириш чора-тадбирлари тўғрисида»ги қарорига асосан ўз кучини йўқотган.
«Қимматбаҳо металлардан ясалган буюмларнинг асиллик даражаси ва тамғаланиши тўғрисида»ги Ўзбекистон Республикаси Қонунининг 18-моддасини бажариш юзасидан Вазирлар Маҳкамаси қарор қилади:
1.Қуйидагилар:
Қимматбаҳо металлардан ясалган буюмларнинг асиллик даражасини белгилаш ва тамғалаш билан боғлиқ юридик аҳамиятга эга ҳаракатларни амалга оширганлик учун асиллик даражаси тўлови миқдорлари 1-иловага мувофиқ;
Асиллик даражаси тўловини тўлаш тартиби тўғрисидаги Низом 2-иловага мувофиқ тасдиқлансин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.
Ўзбекистон Республикасининг Бош вазири Ў. СУЛТОНОВ
Тошкент ш.,
2003 йил 27 май,
232-сон
Қимматбаҳо металлардан ясалган буюмларнинг асиллик даражасини белгилаш ва тамғалаш билан боғлиқ юридик аҳамиятга эга ҳаракатларни амалга оширганлик учун асиллик даражаси тўлови миқдорлари
|
Т/р |
Ишларнинг номи |
Ўлчов бирлиги |
Асиллик даражаси тўлови миқдори, сўм |
|
I. Асиллик даражасини белгилаганлик ва тамғалаганлик учун тўлов | |||
| 1.1 | Фонддаги металлдан тайёрланган қимматбаҳо металлардан ясалган заргарлик буюмлари ва бошқа маиший буюмларнинг асиллик даражасини белгилаш ва уларни тамғалаш | | |
| | олтиндан ясалган буюмлар | г | 150 |
| | кумушдан ясалган заргарлик буюмлари | г | 32 |
| | кумушдан ясалган маиший буюмлар | г | 18 |
| | платина ва палладийдан ясалган буюмлар | г | 145 |
| 1.2 | Фонддан ташқари манбалардан тушган қимматбаҳо металлардан ясалган заргарлик буюмлари ва маиший буюмларнинг асиллик даражасини белгилаш ва уларни тамғалаш | | |
| | олтин, платина ва палладийдан ясалган буюмлар | дона | 490 |
| | кумушдан ясалган буюмлар | дона | 145 |
| 1.3 | Жисмоний шахслардан тушаётган қимматбаҳо металлардан ясалган заргарлик буюмлари ва бошқа маиший буюмларнинг асиллик даражасини белгилаш ва уларни тамғалаш | | |
| | олтин, платина ва палладийдан ясалган буюмлар | г | 160 |
| | кумушдан ясалган буюмлар | г | 36 |
| | олтиндан ясалган соат корпуси | дона | 650 |
| | платина ва палладийдан ясалган соат корпуси | дона | 740 |
| | кумушдан ясалган соат корпуси | дона | 160 |
| 1.4 | Хориждан сотиб олинган ва Ўзбекистон Республикасида сотиш учун мўлжалланган хорижда тайёрланган қимматбаҳо металлардан ясалган заргарлик буюмлари ва маиший буюмларнинг асиллик даражасини белгилаш ва уларни тамғалаш, божхона декларацияси мавжуд бўлганда | | |
| | олтин, платина ва палладийдан ясалган буюмлар | г | 175 |
| | кумушдан ясалган буюмлар | г | 50 |
| 1.5 | Хориждан сотиб олинган ва Ўзбекистон Республикасида сотиш учун мўлжалланган хорижда тайёрланган қимматбаҳо металлардан ясалган заргарлик буюмлари ва маиший буюмларнинг асиллик даражасини белгилаш ва уларни тамғалаш, божхона декларацияси бўлмаганда | | |
| | олтин, платина ва палладийдан ясалган буюмлар | г | 350 |
| | кумушдан ясалган буюмлар | г | 100 |
|
II. Музейлар томонидан тақдим этиладиган буюмлар таркибидаги қимматбаҳо металларни аниқлаганлик учун тўлов | |||
| 2.1 | Таркибида 1-5 элемент мавжуд бўлган кичик оддий буюмлар (тангалар, узуклар ва шунга ўхшаш буюмлар) | | |
| | олтин, платина ва палладийдан ясалган кичик оддий буюмлар | г | 72 |
| | кумушдан ясалган кичик оддий буюмлар | г | 18 |
| 2.2 | Ҳар қандай массадаги мураккаб буюмларнинг асиллик даражасини белгилаш қиймати буюм таркибида: | | |
| | 6 тадан 15 тагача элемент бўлганда — 2 баравар; | | |
| | 16 тадан 50 тагача элемент бўлганда — 3 баравар; | | |
| | 51 тадан 100 тагача элемент бўлганда — 4 баравар; | | |
| | 100 тадан ортиқ элемент бўлганда — 5 баравар кўпаяди. | | |
| 2.3 | Айрим ҳолларда ноёб буюмлар, асиллик даражасини белгилаш мураккаб бўлган буюмлар ёки таркибидаги элементлар сонини аниқлаш имкони бўлмаган буюмларнинг асиллик даражасини белгилашда тўлов миқдори шартнома асосида белгиланади. | | |
|
III. Буюмларни экспертизадан ўтказганлик учун тўлов | |||
| 3.1 | Мулкчилик шаклларидан ва молиялаштириш туридан қатъи назар, ташкилотлар, корхоналар ва жисмоний шахслар учун тамғаларнинг излари, шахсий тамғаларнинг асиллик даражаси, ҳақиқийлиги ва сифатини белгилаш: | | |
| | заргарлик буюмлари ва бошқа маиший буюмлар | г | 500 |
| | техник мақсаддаги буюмлар | г | 20 |
| | стоматология муассасалари учун буюмларни экспертизадан ўтказиш | г | 65 |
| 3.2 | Текшириш жараёнида муомаладаги назорат қилувчи органлар томонидан аниқланган Ўзбекистон Республикаси Давлат асиллик даражаси тамғаларининг излари бўлмаган ёки асиллик даражаси тамғалари ва шахсий тамғаларнинг излари қалбаки бўлган буюмларни экспертизадан ўтказиш | г | 750 |
| 3.3 | Қалбаки тамғалар ва сохта шахсий тамғалар изларини йўқотиш (тақдим этувчининг ёзма розилиги билан) | дона | 750 |
| 3.4 | Шахсий тамға берилганлиги учун тўлов | дона | 14400 |
|
IV. Текшириб чиқилганлиги учун тўлов | |||
| 4.1 | Заргарлик, ясама тиш қотишмалари ва бошқа қотишмалардаги: | | |
| | купеляция усули билан олтинни аниқлаш (назорат тартибида) | 1 текширув | 3200 |
| | кумушни аниқлаш (титрометрик усул билан) | 1 текширув | 1795 |
| | атом-эмиссия спекторометрида платина, палладийни аниқлаш | 1 текширув | 5610 |
| 4.2 | электролитлар, ювиш учун сувлар ва эритмалар (суюқ олтин)даги: | | |
| | олтинни аниқлаш (сўнгида купеляция усули билан) | 1 текширув | 3200 |
| | кумушни аниқлаш (титрометрик усул билан) | 1 текширув | 1795 |
| | атом-эмиссия спекторометрида платина, палладийни аниқлаш | 1 текширув | 5610 |
| 4.3 | қопламалар, заргарлик крецлари, шлифлар ва шламлардаги: | | |
| | олтинни аниқлаш (сўнгида купеляция усули билан) | 1 текширув | 3200 |
| | кумушни аниқлаш (титрометрик усул билан) | 1 текширув | 1795 |
| 4.4 | ёруғликни сезадиган турли кино-фото-рентген материаллар ва фиксаж эритмалардаги кумушни аниқлаш (титрлаш усули билан) | 1 текширув | 1795 |
| 4.5 | Рудалар, жинслар, концентрантларни эритиш усули билан асиллик даражасини текшириш: | | |
| | олтин ва кумушнинг асиллик даражасини текшириш | 1 текширув | 4015 |
| | олтин ва кумушнинг асиллик даражасини квартлаб текшириш | 1 текширув | 4820 |
| | платина гуруҳига кирувчи металларнинг асиллик даражасини жамлаш | 1 текширув | 3130 |
| 4.6 | Атом-эмиссия спектометрида 1-8 элемент бўйича миқдорий текшириш | 1 текширув | 5610 |
| 4.7 | Асиллик даражаларидаги намликни аниқлаш | 1 текширув | 725 |
| 4.8 | Асиллик даражаларидаги қиздириш пайтидаги камомадни аниқлаш | 1 текширув | 725 |
| 4.9 | Катализаторларда платинани спектрофотометрик текшириш | 1 текширув | 4825 |
| 4.10 | Рентген-флуоресцент спектрометрда асиллик даражасининг кимёвий таркибини текшириш (60 элементгача) |
| |
| | тезкор текшириш (асосий қисмлар) | 1 текширув | 4475 |
| | аралашмаларни текшириш | 1 текширув | 13815 |
| 4.11 | Рентген-флуоресцент спектрометрда буюмлар, қотишмалар ва заргарлик саноати парчаларини миқдорий текшириш | 1 текширув | 990 |
| 4.12 | Рентген микроанализаторда бир нуқтада намунанинг (металл, қотишма, буюмнинг) кимёвий таркибини текшириш | 1 текширув | 4575 |
| 4.13 | ICP-масс-спектрометрда намунада кимёвий элементлар таркибини миқдорий текшириш | 1 текширув | 14080 |
Асиллик даражаси тўловини тўлаш тартиби тўғрисида
Низом
1. Мазкур Низом Давлат асиллик даражасини белгилаш палатаси (кейинги ўринларда матнда Асиллик даражасини белгилаш палатаси деб юритилади) томонидан қимматбаҳо металлардан ясалган буюмларнинг асиллик даражаси белгилаганлиги, текширилганлиги ва улар тамғалаганлиги учун асиллик даражаси тўловини тўлаш тартибини белгилайди.
2. Асиллик даражаси тўлови миқдорлари Ўзбекистон Республикаси Вазирлар Маҳкамаси томонидан белгиланади.
3. Асиллик даражаси тўлови қўшилган қиймат солиғини ўз ичига олмайди.
4. Ўзбекистон Республикасининг резидентлари ва норезидентлари бўлган юридик ва жисмоний шахслар асиллик даражаси тўловини тўловчилар ҳисобланади.
5. Тўловчилар томонидан тўланган асиллик даражаси тўлови қайтариб берилмайди.
Олдинги таҳрирга қаранг.
6. Асиллик даражаси тўлови Ўзбекистон Республикаси банклари орқали республика бюджетига ўтказилади.
(6-банд Ўзбекистон Республикаси Вазирлар Маҳкамасининг 2005 йил 22 январдаги 28-сон қарори таҳририда — Ўзбекистон Республикаси Қонун ҳужжатлари тўплами, 2005 й., 3-4-сон, 24-модда)
7. Асиллик даражасини белгилаш ишлари учун тўлов олтин, кумуш ва бошқа қимматбаҳо бойликларнинг массаси аниқ кўрсатилган ҳолда, ушбу қимматбаҳо бойликларнинг заргарлик корхоналаридан, бошқа ташкилотлардан ёки жисмоний шахслардан тушишидан қатъи назар, буюмларнинг тошлар билан биргаликдаги умумий массасидан ундирилади.
8. Давлат заргарлик корхоналари учун асиллик даражасини белгилаш ва тамғалашнинг тезкорлиги учун асиллик даражаси тўлови:
хулоса бир сутка мобайнида берилганда — уч баравар;
хулоса икки сутка мобайнида берилганда — икки баравар кўпаяди.
Жисмоний ва юридик шахслар томонидан тақдим этилган буюмларнинг асиллик даражасини белгилаш ва тамғалашнинг тезкорлиги учун асиллик даражаси тўлови:
хулоса бир сутка мобайнида берилганда — олти баравар;
хулоса икки сутка мобайнида берилганда — тўрт баравар;
хулоса уч сутка мобайнида берилганда — уч баравар кўпаяди.
9. Номаълум қотишмадан ясалган буюмларни қабул қилишда асиллик даражаси тўлови:
сариқ рангли металлдан ясалган буюмлар учун — олтин буюмлар учун белгиланган миқдорда;
оқ рангли металлдан ясалган буюмлар учун — кумуш буюмлар учун белгиланган миқдорда;
кулранг металлдан ясалган буюмлар учун — платина буюмлар учун белгиланган миқдорда ундирилади.
10. Барча параллель белгилашлар битта текшириш сифатида ҳисобга олинади.
11. Асиллик даражасини белгилаш палатаси ходимлари томонидан танлаб олинган материалларнинг назорат намуналарини текширганлик ва экспертизадан ўтказганлик учун юридик ва жисмоний шахслар томонидан асиллик даражаси тўлови миқдорига мувофиқ тўлов тўланади.
12. Ташқи назорат* бўйича текшириш ўтказилганлиги учун тегишли ишлар учун назарда тутилган асиллик даражаси тўловининг икки баравари миқдорида тўлов ундирилади.
*Ташқи назорат — ўлчовларнинг муштараклилигига эришиш, турли лабораторияларда бажарилган текширишлар натижаларидаги мунтазам тафовутларни ўз вақтида аниқлаш ва бартараф этиш мақсадида асиллик даражасини кимёвий текшириш натижаларининг аниқлик кўрсаткичларини бошқа корхона (ташкилот) лабораториясида текшириш.
13. Арбитраж* текширишлари ўтказилганлиги учун тегишли ишлар учун назарда тутилган асиллик даражаси тўловининг уч баравари миқдорида тўлов ундирилади.
* Арбитраж назорати — айнан битта асиллик даражасини кимёвий текшириш натижалари бўйича лабораториялар ўртасидаги келишмовчиликларни ҳал этиш мақсадида кимёвий текширишлар натижаларининг аниқлик кўрсаткичларини холис лабораторияда текшириш.
Олдинги таҳрирга қаранг.
14. Ўзбекистон Республикаси Марказий банки ҳузуридаги Қимматбаҳо металлар агентлиги учун ўтказиладиган текшириш ва экспертизалар тўловсиз бажарилади.
(14-банд Ўзбекистон Республикаси Вазирлар Маҳкамасининг 2003 йил 26 декабрдаги 572-сон қарори таҳририда — Ўзбекистон Республикаси Қонун ҳужжатлари тўплами, 2003 й., 24-сон, 242-модда)
15. Асиллик даражаси тўловининг тўғри ундирилганлиги учун жавобгарлик Асиллик даражасини белгилаш палатасига юкланади.
16. Асиллик даражаси тўловининг тўғри ҳисоблаб чиқарилганлиги ва бюджетга тўланганлигини назорат қилиш Ўзбекистон Республикаси Молия вазирлиги томонидан амалга оширилади.
17. Асиллик даражаси тўлови назарда тутилмаган бошқа юридик аҳамиятга эга бўлган ҳаракатлар учун тўлов шартномавий нархлар бўйича амалга оширилади.
(Ўзбекистон Республикаси қонун ҳужжатлари тўплами, 2003 й., 9-10-сон, 79-модда;2005 й., 3-4-сон, 24-модда)
