2.19.00.00.00 Халқаро муносабатлар. Халқаро ҳуқуқ / 19.03.00.00 Ижтимоий-маданий масалалар бўйича ҳамкорлик / 19.03.04.00 Соғлиқни сақлаш бўйича битимлар]
2.Ташқи сиёсат ва халқаро муносабатлар / Халқаро ва хорижий ташкилотлар]
Норасмий таржима
Ўзбекистон Республикаси Президентининг
Қарори
Ислом тараққиёт банки иштирокида «Ўзбекистон Республикаси онкология муассасаларини модернизация қилиш» лойиҳасини амалга ошириш чора-тадбирлари тўғрисида
Республика онкология муассасаларини янада ривожлантириш ва моддий-техник базасини мустаҳкамлаш, уларни замонавий махсус диагностика ва даволаш ускуналари билан жиҳозлаш, шунингдек, Ислом тараққиёт банки билан ҳамкорликни кенгайтириш мақсадида:
1. Маълумот учун қабул қилинсинки:
Ислом тараққиёт банки (ИТБ) билан ҳамкорлик асосида умумий қиймати 83,22 млн АҚШ доллари бўлган «Ўзбекистон Республикаси онкология муассасаларини модернизация қилиш» лойиҳаси амалга оширилмоқда;
Ислом тараққиёт банки ва Ўзбекистон Республикаси Ҳукумати ўртасида мазкур лойиҳани амалга ошириш учун қиймати 37,04 млн АҚШ доллари бўлган замонавий тиббий асбоб-ускуналарни 14 йил муддатга, шу жумладан 4 йиллик имтиёзли давр билан бўлиб-бўлиб тўлаш шарти билан харид қилишга кўмаклашишни назарда тутувчи Битим имзоланди;
Ўзбекистон Республикасининг ушбу лойиҳани амалга оширишга қўшадиган ҳиссаси 46,18 млн АҚШ долларига тенг суммани, шу жумладан солиқлар ва бошқа мажбурий тўловлар бўйича имтиёзлар тарзида 8,37 млн АҚШ долларини ташкил этади..
2. Белгилаб қўйилсинки:
Ўзбекистон Республикаси Соғлиқни сақлаш вазирлиги «Ўзбекистон Республикаси онкология муассасаларини модернизация қилиш» лойиҳасини самарали амалга ошириш учун масъул бўлган ижро этувчи орган ҳисобланади;
Ўзбекистон Республикаси Соғлиқни сақлаш вазирлигининг «Ўзмедехпорт» республика ташқи иқтисодий давлат корхонаси ушбу лойиҳани амалга ошириш доирасида контрактлар бўйича контрагент ҳисобланади;
ИТБнинг молиявий маблағларини қайтариш билан боғлиқ харажатлар, шу жумладан устама ҳақ Ўзбекистон Республикаси Давлат бюджети маблағлари ҳисобидан амалга оширилади.
«Ўзбекистон Республикаси онкология муассасаларини модернизация қилиш» лойиҳасини амалга ошириш учун ИТБ томонидан тақдим этиладиган молиявий маблағларни қайтариш жадвали 2-иловага мувофиқ тасдиқлансин.
4. Ўзбекистон Республикаси Адлия вазирлиги Ислом тараққиёт банки ва Ўзбекистон Республикаси Ҳукумати ўртасидаги Битим бўйича белгиланган тартибда юридик хулоса берсин..
5. Ўзбекистон Республикаси Соғлиқни сақлаш вазирлиги:
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда икки ой муддатда «Ўзбекистон Республикаси онкология муассасаларини модернизация қилиш» лойиҳаси доирасида етказиб бериладиган тиббий асбоб-ускуналар билан жиҳозлаш назарда тутилаётган онкология муассасаларини қуриш, реконструкция қилиш ва мукаммал таъмирлаш бўйича лойиҳа-смета ҳужжатларини белгиланган тартибда ишлаб чиқсин ва тасдиқласин;
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда лойиҳа доирасида харид қилинадиган замонавий радиотерапевтик ва диагностика асбоб-ускуналари ва материалларини етказиб бериш бошлангунга қадар онкология муассасаларида асбоб-ускуналарни ўрнатиш ва монтаж қилиш учун тегишли хоналар тайёрланишини таъминласин;;
лойиҳани бошқариш функцияларини Ўзбекистон Республикаси Соғлиқни сақлаш вазирлиги ҳузуридаги Араб мувофиқлаштириш гуруҳининг Лойиҳаларни амалга ошириш гуруҳига (ЛАОГ) юкласин, унинг таъминоти лойиҳанинг техник-иқтисодий ҳисоб-китобида кўрсатилган ИТБ маблағлари ва Ўзбекистон Республикасининг улуши ҳисобига амалга оширилишини назарда тутсин.
соғлиқни сақлаш учун назарда тутилган тасдиқланган бюджет маблағлари доирасида ИТБнинг молиявий маблағлари ҳисобига етказиб бериладиган товарлар ва асбоб-ускуналарни, шу жумладан комплектациясида радиоактив манба бўлган асбоб-ускуналарни харид қилиш ва белгиланган жойгача етказиб бериш бўйича хизматлар харажатларини тўлаш;.
6. Қуйидагилар озод қилинсин:
«Ўзбекистон Республикаси онкология муассасаларини модернизация қилиш» лойиҳасини амалга ошириш доирасида ИТБ маблағлари ҳисобидан харид қилинадиган товарлар, ишлар, хизматлар ва транспорт воситалари божхона тўловларидан (божхона расмийлаштируви йиғимларидан ташқари), қўшилган қиймат солиғидан, шунингдек, давлат мақсадли жамғармаларига мажбурий ажратмалар ва йиғимлардан;
ИТБ мазкур лойиҳани амалга ошириш доирасида Ўзбекистон Республикаси ҳудудида тўлов манбаида ундириладиган юридик шахсларнинг фойда солиғини тўлашдан.
7. Ўзбекистон Республикаси Иқтисодиёт вазирлиги, Молия вазирлиги, Инвестициялар бўйича давлат қўмитаси:
ҳар йили Ўзбекистон Республикасининг Инвестиция дастурини шакллантиришда унга «Ўзбекистон Республикасининг онкология муассасаларини модернизация қилиш» лойиҳасини белгиланган тартибда киритишни назарда тутсин;
вилоят онкология диспансерларини қуриш ва реконструкция қилишни Ўзбекистон Республикаси Молия вазирлиги ҳузуридаги бюджетдан ташқари Таълим ва тиббиёт муассасаларининг моддий-техника базасини ривожлантириш жамғармаси маблағлари ҳисобидан молиялаштиришни назарда тутсин.
8. Ўзбекистон Республикаси Вазирлар Маҳкамаси ҳузуридаги Халқаро молия институтлари, ташкилотлари ва донор мамлакатлар билан ҳамкорлик қилиш, йирик ва стратегик муҳим инвестиция лойиҳаларини амалга ошириш масалалари бўйича идоралараро кенгаш (Р.С. Азимов) мазкур лойиҳанинг амалга оширилиши мунтазам равишда кўриб чиқилишини ва, зарурат бўлганда, унинг самарали амалга оширилишини таъминлаш масалалари бўйича Вазирлар Маҳкамасига таклифлар киритилишини таъминласин..
9. Ўзбекистон Республикаси Ташқи ишлар вазирлиги Ўзбекистон Республикаси Соғлиқни сақлаш вазирлигининг буюртманомалари бўйича кўрсатиб ўтилган лойиҳани амалга оширишда қатнашувчи хорижий мутахассисларга кириш визалари консуллик ва бошқа йиғимлар ундирилмасдан белгиланган тартибда расмийлаштирилишини таъминласин.
10. Ўзбекистон Республикаси Ички ишлар вазирлиги Ўзбекистон Республикаси Соғлиқни сақлаш вазирлигининг буюртманомалари бўйича кўрсатиб ўтилган лойиҳани амалга оширишда қатнашувчи хорижий мутахассисларга давлат божлари ундирилмасдан кўп марталик визалар берилишини ва уларнинг муддати узайтирилишини, шунингдек уларнинг Ўзбекистон Республикасида вақтинча рўйхатдан ўтказилишини ва вақтинча рўйхатдан ўтказиш муддати узайтирилишини белгиланган тартибда таъминласин.
11. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов ва Ўзбекистон Республикаси Бош вазирининг ўринбосари А.И. Икрамов зиммасига юклансин..
Ўзбекистон Республикаси Президенти И. КАРИМОВ
Тошкент ш.,
2012 йил 17 сентябрь,
ПҚ-1821-сон
Ўзбекистон Республикаси Президентининг 2012 йил 17 сентябрдаги ПҚ-1821-сон қарорига 1-ИЛОВА
«Ўзбекистон Республикаси онкология муассасаларини модернизация қилиш» лойиҳасининг асосий техник-иқтисодий параметрлари
ионлаштирувчи нурланиш манбаларини сақлаш, ташиш ва охирги фойдаланувчига етказиб бериш харажатлари
75,00
75,00
-
харид қилиш, етказиб бериш бўйича хизматлар харажатлари
1 661,00
1 661,00
-
божхона расмийлаштируви ва декларациялаш
122,32
122,32
-
3.
Солиқ ва божхона тўловлари
8 369,40
8 369,40
-
4.
Корхоналар қуввати
2 066 та койка-ўрин, кунига 1302 та қатнов
5.
Иш билан банд бўлганларнинг тахминий сони
3 464 та штат бирлиги
6.
Инвестиция даврининг давомийлиги
48 ой
7.
Ташкил этиладиган ишлаб чиқариш фондларининг қиймати
71 751,72
8.
ИТБнинг молиявий маблағларини тақдим этиш муддати
14 йил
* Якуний қиймат кўрсаткичлари тендер савдолари якунлари бўйича аниқланади.
** Имтиёзли давр тугагандан сўнг тўловларнинг умумий суммасида тўланади.
*** Ўзбекистон Республикасининг улуши соғлиқни сақлашга назарда тутиладиган тасдиқланган бюджет маблағлари доирасида амалга оширилади.
Ўзбекистон Республикаси Президентининг 2012 йил 17 сентябрдаги ПҚ-1821-сон қарорига 2-ИЛОВА
«Ўзбекистон Республикаси онкология муассасаларини модернизация қилиш» лойиҳасини амалга ошириш учун ИТБ томонидан тақдим этиладиган молиявий маблағларни қайтариш
жадвали
ИТБ томонидан тақдим этиладиган молиявий маблағлар суммаси
37 040,0 минг АҚШ доллари
Лойиҳани амалга ошириш даврида капиталлаштириш суммаси
