|
Ҳужжат кучини йўқотган 19.03.2020
|
Ҳужжат 05.12.2016 санаси ҳолатига
Амалдаги версияга ўтиш |
Ўзбекистон Республикаси Президентининг
Қарори
Ўзбекистон Республикаси Президентининг айрим қарорларига ўзгартириш ва қўшимчалар киритиш тўғрисида
LexUZ шарҳиМазкур қарор Ўзбекистон Республикаси Президентининг 2020 йил 18 мартдаги ПФ-5968-сонли «Ўзбекистон Республикаси Президентининг айрим ҳужжатларига ўзгартиришлар киритиш, шунингдек, баъзиларини ўз кучини йўқотган деб ҳисоблаш тўғрисида»ги Фармонига асосан ўз кучини йўқотган.
Раҳбар кадрларни танлаш ва жой-жойига қўйиш борасидаги ҳуқуқий базани такомиллаштириш мақсадида:
1. Ўзбекистон Республикаси Президентининг иловага мувофиқ айрим қарорларига ўзгартириш ва қўшимчалар киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазири Ш.М. Мирзиёев зиммасига юклатилсин.
Ўзбекистон Республикаси Президенти И. КАРИМОВ
Тошкент ш.,
2010 йил 20 май,
ПҚ-1340-сон
Ўзбекистон Республикаси Президентининг 2010 йил 20 майдаги ПҚ-1340-сонли қарорига
ИЛОВА
ИЛОВА
Ўзбекистон Республикаси Президентининг айрим қарорларига киритиладиган ўзгартириш ва қўшимчалар
Олдинги таҳрирга қаранг.
(1-банд Ўзбекистон Республикаси Президентининг 2016 йил 23 ноябрдаги ПФ-4858-сонли Фармонига асосан ўз кучини йўқотган — ЎР ҚҲТ, 2016 й., 48-сон, 547-модда)
Олдинги таҳрирга қаранг.
(2-банд Ўзбекистон Республикаси Президентининг 2013 йил 28 августдаги ПФ-4561-сонли Фармонига асосан ўз кучини йўқотган — ЎР ҚҲТ, 2013 й., 36-сон, 477-модда)
3. Ўзбекистон Республикаси Президентининг 2006 йил 17 августдаги ПҚ-445-сон қарори билан тасдиқланган Ўзбекистон «Ўзкоммунхизмат» агентлиги тўғрисидаги низомнинг 13-бандида:
биринчи хатбошида «қонун ҳужжатларида белгиланган тартибда» сўзлари «Ўзбекистон Республикаси Президенти томонидан» сўзлари билан алмаштирилсин;
иккинчи хатбоши «Вазирлар Маҳкамаси томонидан белгиланган тартибда лавозимга тайинланадиган ва лавозимдан озод қилинадиган» сўзлари билан тўлдирилсин.
Кейинги таҳрирга қаранг.
4. Ўзбекистон Республикаси Президентининг «В.П. Чкалов номидаги Тошкент авиация ишлаб чиқариш бирлашмаси ташкилий тузилмасини такомиллаштириш ва молиявий-иқтисодий жиҳатдан соғломлаштириш чора-тадбирлари тўғрисида» 2006 йил 30 октябрдаги ПҚ-500-сонли қарорининг 2-банди қуйидаги таҳрирда баён этилсин:
«2. Белгилансинки, «Чкалов номидаги ТАИЧБ» ДАЖнинг бошқаруви раиси — бош директори акциядорларнинг умумий йиғилишида сайланади ҳамда Ўзбекистон Республикаси Вазирлар Маҳкамаси томонидан Ўзбекистон Республикаси Президенти билан келишилган ҳолда лавозимга тасдиқланади. Бошқарув аъзолари (бош муҳандис, бош директор ўринбосарлари, ҳудудий бўлинмалар директорлари) акциядорларнинг умумий йиғилишида сайланади ҳамда Ўзбекистон Республикаси Вазирлар Маҳкамаси томонидан белгиланган тартибда лавозимларга тасдиқланади».
5. Ўзбекистон Республикаси Президентининг «Олмалиқ кон-металлургия комбинати» ОАЖнинг ташкилий тузилмасини такомиллаштириш чора-тадбирлари тўғрисида» 2007 йил 25 апрелдаги ПҚ-628-сон қарорининг 2-банди қуйидаги таҳрирда баён этилсин:
«2. Белгилансинки, «Олмалиқ кон-металлургия комбинати» ОАЖ бошқаруви раиси — бош директори акциядорларнинг умумий йиғилишида сайланади ҳамда Ўзбекистон Республикаси Вазирлар Маҳкамаси томонидан Ўзбекистон Республикаси Президенти билан келишилган ҳолда лавозимга тасдиқланади, бош директорнинг ўринбосарлари эса лавозимга бош директор томонидан Ўзбекистон Республикаси Вазирлар Маҳкамаси билан келишилган ҳолда белгиланган тартибда тайинланади».
Кейинги таҳрирга қаранг.
