Республика болалар ижтимоий мослашуви маркази тузилмасини янада такомиллаштириш мақсадида Вазирлар Маҳкамаси қарор қилади:

1. Вазирлар Маҳкамасининг «Республика болалар ижтимоий мослашуви маркази фаолиятини янада такомиллаштириш тўғрисида» 2012 йил 28 июндаги 185-сон қарорига иловага мувофиқ ўзгартиришлар киритилсин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.И. Икрамов зиммасига юклансин.

1. 1-бандда:

биринчи хатбошидаги «109» рақами «127» рақами билан алмаштирилсин;

учинчи хатбоши қуйидаги таҳрирда баён қилинсин:

«Ахборот-консалтинг хизмати ходимлари сонини психологлар, врачлар, ижтимоий ва бошқа ходимлар қўшимча лавозимларини киритган ҳолда 56 нафаргача кўпайтириш».

2. 1-иловада:

а) «Ахборот-консалтинг хизмати» устунидаги «38» рақами «56» рақами билан алмаштирилсин;

б) изоҳдаги «109» рақами «127» рақами билан алмаштирилсин.