toggle_night_mode
Ҳужжат 01.12.2023 санаси ҳолатига
Амалдаги версияга ўтиш
Ўзбекистон Республикаси Соғлиқни сақлаш вазирлиги
Ўзбекистон Республикаси Ички ишлар вазирлигининг
Қарори
Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисидаги низомни тасдиқлаш ҳақида
[Ўзбекистон Республикаси Адлия вазирлиги томонидан 2013 йил 27 июнда рўйхатдан ўтказилди, рўйхат рақами 2472]
Ўзбекистон Республикаси Вазирлар Маҳкамасининг 2006 йил 2 августдаги 156-сон «Ўзбекистон Республикасида автомототранспорт воситаларини ва шаҳар электр транспорти воситаларини бошқариш ҳуқуқини бериш, ҳайдовчиларни тайёрлаш ва қайта тайёрлаш тартибини такомиллаштириш чоралари тўғрисида»ги қарорига (Ўзбекистон Республикаси қонун ҳужжатлари тўплами, 2006 й., 31-32-сон, 317-модда) мувофиқ Ўзбекистон Республикаси Соғлиқни сақлаш вазирлиги ва Ички ишлар вазирлиги қарор қилади:
1. Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисидаги низом иловага мувофиқ тасдиқлансин.
2. Мазкур қарор расмий эълон қилинган кундан эътиборан кучга киради.
Соғлиқни сақлаш вазири А. АЛИМОВ
Тошкент ш.,
2013 йил 11 июнь,
16-сон
Ички ишлар вазири Б. МАТЛЮБОВ
Тошкент ш.,
2013 йил 11 июнь,
14-сон
Ўзбекистон Республикаси Соғлиқни сақлаш вазирлиги ва Ички ишлар вазирлигининг 2013 йил 11 июндаги 16, 14-сон қарорига
ИЛОВА
Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисидаги
НИЗОМ
Олдинги таҳрирга қаранг.
Ушбу Низом ҳайдовчи ва ҳайдовчиликка номзодларни автомототранспорт воситаларини ва шаҳар электр транспорти воситаларини бошқаришга яроқлилигини текшириш учун тиббий кўрикдан ўтказиш тартибини белгилайди.
(муқаддима Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
1-боб. Умумий қоидалар
1. «А», «B», «С», «D» ва «Е» тоифаларидаги автомототранспорт воситалари ҳамда трамвай ва троллейбус (бундан буён матнда транспорт воситаси деб юритилади) ҳайдовчилари ва ҳайдовчиликка номзодлар, уларнинг соғлиғи транспорт воситаларини бошқаришга яроқлилигини аниқлаш мақсадида ушбу Низомда белгиланган тартибда мажбурий равишда тиббий кўрикдан ўтадилар.
2. Ҳайдовчилар, ушбу банднинг иккинчи хатбошисида кўрсатиб ўтилган ҳайдовчилардан ташқари, ҳар икки йилда бир маротаба тиббий кўрикдан ўтишлари шарт.
Тижорат асосида йўловчиларга хизмат кўрсатиш билан шуғулланувчи ҳайдовчилар тиббий кўрикдан ҳар йили ўтади.
3. Ҳайдовчиликка номзодлар тегишли тоифадаги транспорт воситасини бошқариш ҳуқуқини олиш учун дастлабки тиббий кўрикдан, транспорт воситаларининг ҳайдовчилари эса даврий кўрикдан ўтказилади.
Кейинги таҳрирга қаранг.
4. Транспорт воситаларининг бирон бир тоифасини («А», «B», «С», «D» ва «Е») бошқариш ҳуқуқига ҳамда ушбу тоифа бўйича тиббий кўрикдан ўтиш муддати тугамаган тиббий хулосага эга ва қуйи тоифадаги (мисол учун «А» тоифа «B» тоифага нисбатан қуйи ҳисобланади) транспорт воситаларини бошқаришга номзодлар қўшимча кўрикдан ўтишлари шарт эмас.
Олдинги таҳрирга қаранг.
5. Ҳайдовчилар ва ҳайдовчиликка номзодларни тиббий кўрикдан ўтказиш давлат соғлиқни сақлаш тизимидаги даволаш-профилактика муассасалари ҳамда белгиланган тартибда лицензияга эга бўлган хусусий тиббиёт ташкилотлари (бундан буён матнда тиббиёт ташкилоти деб юритилади) қошида ташкил этиладиган тиббий ҳайдовчилик комиссиялари (бундан буён матнда тиббий комиссия деб юритилади) томонидан пуллик асосда амалга оширилади.
(5-банднинг биринчи хатбошиси Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Олдинги таҳрирга қаранг.
Қошида тиббий комиссиялар ташкил этиладиган давлат соғлиқни сақлаш тизимидаги даволаш-профилактика муассасалари ҳудудий соғлиқни сақлаш бошқармалари томонидан белгиланади.
(5-банднинг иккинчи хатбошиси Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Олдинги таҳрирга қаранг.
Ногиронлиги бўлган шахсларни махсус ускуналар билан қайта жиҳозланган ва автомат узатгичли енгил транспорт воситаларини бошқаришга яроқлилигини аниқлаш учун дастлабки ва даврий тиббий кўрикдан ўтказиш тиббий ижтимоий эксперт комиссиялари (бундан буён матнда ТИЭК деб юритилади) томонидан бепул амалга оширилади.
(5-банднинг учинчи хатбошиси Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Кейинги таҳрирга қаранг.
Олдинги таҳрирга қаранг.
6. Тиббий комиссия қуйидаги таркибда тиббиёт ташкилоти раҳбариятининг буйруғига асосан ташкил этилади:
(6-банднинг биринчи хатбошиси Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
терапевт;
жарроҳ;
невропатолог;
офтальмолог;
оториноларинголог;
гинеколог (хотин-қизлар учун);
котиб.
Кейинги таҳрирга қаранг.
7. Зарур ҳолларда, яъни тиббий комиссия шифокорларининг соҳа йўналишига тегишли бўлмаган касалликлар аниқланганда, тиббий комиссия таркибига бошқа шифокор мутахассиси жалб этилиши мумкин.
Олдинги таҳрирга қаранг.
8. Тиббий кўрикдан ўтказиш муддати уч календарь кунидан ошмаслиги керак. Мураккаб, қўшимча тиббий текширув талаб этиладиган ҳолатларда ушбу муддат тиббиёт ташкилоти раҳбари томонидан асосланган ҳолда ўн календарь кунигача узайтирилиши мумкин.
(8-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
9. Тиббий кўрикдан ўтган шахсларга мазкур Низомнинг 3-иловасига мувофиқ 083/ҳ шаклдаги тиббий маълумотнома берилади ва ушбу тиббий маълумотномада тиббий кўрик натижалари кўрсатиб ўтилади.
Кейинги таҳрирга қаранг.
Олдинги таҳрирга қаранг.
10. Ўзбекистон Республикаси Вазирлар Маҳкамасининг 2018 йил 31 майдаги 408-сон қарори билан тасдиқланган Давлат таълим муассасалари ҳамда автомототранспорт воситалари ва шаҳар электр транспорти воситалари ҳайдовчиларини тайёрлаш, қайта тайёрлаш ва уларнинг малакасини ошириш бўйича нодавлат таълим хизматлари кўрсатиш фаолиятини амалга оширувчи бошқа юридик шахсларнинг ўқув гуруҳларини рўйхатга олиш, шунингдек, имтиҳонларни ўтказиш ва миллий ҳайдовчилик гувоҳномасини бериш тартиби тўғрисидаги низом (бундан буён матнда Миллий ҳайдовчилик гувоҳномасини бериш тартиби тўғрисидаги низом деб юритилади) талаблари асосида миллий ҳайдовчилик гувоҳномаларини олиш учун ҳайдовчиликка номзодлар ва даврий тиббий кўрикдан ўтадиган ҳайдовчилар томонидан 083/ҳ шаклдаги тиббий маълумотнома тақдим қилинади.
(10-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
2-боб. Тиббий кўрикдан ўтиш
Олдинги таҳрирга қаранг.
11. Тиббий кўрикдан ўтиш учун ҳайдовчилар ва ҳайдовчиликка номзодлар тиббий комиссияга паспорт ёки идентификацияловчи ID-карта ёхуд шахсни тасдиқловчи бошқа ҳужжатни кўрсатади.
(11-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
12. Тиббий кўрикдан ўтувчи шахсларга тиббий комиссия томонидан алоҳида амбулатор тиббий карта (025/ҳ шакли) расмийлаштирилади ва уларнинг рўйхати юритилади.
13. Тиббий кўрикдан ўтаётган шахслар флюорографик текширувидан, RW қон текширувидан ва қуйидаги мутахассислар кўригидан ўтишлари шарт:
терапевт;
жарроҳ;
невропотолог;
офтальмолог;
оториноларинголог;
гинеколог (хотин-қизлар учун).
Тиббий кўрикдан ўтаётган 55 ва ундан ортиқ ёшдаги шахслар ЭКГ текширувидан ҳам ўтишлари шарт.
Ўтган бир йил мобайнида флюорографик текширувидан ўтган шахслар қўшимча равишда флюорографик текширувидан ўтишлари талаб этилмайди. Бунда охирги флюорографик текшируви натижалари тақдим этилиши лозим.
Кейинги таҳрирга қаранг.
14. Ҳайдовчиликка номзодлар ва ҳайдовчилар транспорт воситалари ҳайдовчиларини тайёрлаш ва қайта тайёрлаш билан шуғулланувчи таълим муассасаларига ўқишга киришидан бир ой олдин тиббий кўрикдан ўтишлари лозим.
Олдинги таҳрирга қаранг.
15. Миллий ҳайдовчилик гувоҳномасини бериш тартиби тўғрисидаги низомнинг 35-бандига мувофиқ агар Ўзбекистон Республикаси Ички ишлар вазирлигининг Давлат йўл ҳаракати хавфсизлиги хизмати (бундан буён матнда ДЙҲХХ деб юритилади) ҳудудий органлари ёки автотранспорт ташкилотларидаги мансабдор шахсларда ҳайдовчининг соғлиғига нисбатан шубҳа туғилган бўлса, унга белгиланган муддатдан олдин касбига лаёқати бўйича тиббий кўрикдан қайта ўтиш учун йўлланма берилиши мумкин.
(15-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Олдинги таҳрирга қаранг.
16. Миллий ҳайдовчилик гувоҳномасини бериш тартиби тўғрисидаги низомнинг 36-бандига мувофиқ агар ҳайдовчи касбига лаёқати бўйича тиббий кўрикдан қайта ўтишдан бўйин товласа ёки у тиббий комиссия томонидан автомототранспорт воситаларини бошқаришга нолойиқ деб топилса унга доир ҳужжатлар ҳудудий ДЙҲХХ ходими томонидан, белгиланган тартибда автомототранспорт воситасини бошқариш ҳуқуқидан маҳрум этиш масаласини кўриб чиқиш учун суд идораларига юборилади.
Ҳайдовчини тиббий кўрикдан қайта ўтказиш ҳақидаги қарор ҳудудий йўл ҳаракати хавфсизлиги бошқармаси бўлинмаларининг бошлиғи ёки гуруҳларининг катта инспектори, улар бўлмаганда эса ички ишлар бўлими бошлиғи ёки унинг ўринбосари томонидан қабул қилинади.
(16-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Олдинги таҳрирга қаранг.
17. Миллий ҳайдовчилик гувоҳномасини бериш тартиби тўғрисидаги низомнинг 37-бандига мувофиқ автомототранспорт воситаларини маст ҳолда бошқарганлиги учун бошқариш ҳуқуқидан маҳрум қилинган шахслар, миллий ҳайдовчилик гувоҳномасини қайтариб олиш учун, маҳрум қилиш муддатидан қатъи назар, маъмурий жазо муддати ниҳоясига етгач, мажбурий тиббий кўрикдан ўтишлари шарт.
(17-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Олдинги таҳрирга қаранг.
18. Миллий ҳайдовчилик гувоҳномасини бериш тартиби тўғрисидаги низомнинг 53-бандига мувофиқ тиббий комиссия томонидан қайта текширувдан ўтиш муддати белгиланган шахсларга миллий ҳайдовчилик гувоҳномасини беришда «Алоҳида белгилар учун» жойида «Tibbiy maʼlumotnoma majburiy» деган ёзув киритилади.
(18-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Олдинги таҳрирга қаранг.
19. Тиббий кўрик ўтказилаётган тиббиёт ташкилотида тиббий кўрикнинг айрим турларини ўтказиш имкони бўлмаган тақдирда, ҳайдовчи тиббий комиссиянинг қарорига кўра бошқа тиббиёт ташкилотига қўшимча тиббий кўрикдан пуллик асосда ўтиш учун юборилиши мумкин. Бунда, ҳайдовчига қайси тиббиёт ташкилотига бориши, унинг жойлашган манзили аниқ кўрсатилиши лозим.
(19-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
20. Ҳайдовчиларнинг транспорт воситаларини бошқаришга яроқлилигини тиббий кўрикдан ўтказиш ушбу Низомнинг 1 ва 2-иловаларига мувофиқ ҳайдовчиларга номзодлар ва ҳайдовчиларни тиббий кўрикдан ўтказишда транспорт воситасини бошқаришга умумий тиббий ва қўшимча тиббий монеликлар рўйхатларига (бундан буён матнда тиббий монеликлар рўйхатлари деб юритилади) асосан амалга оширилади.
Кейинги таҳрирга қаранг.
21. Тиббий кўрик натижалари тиббий комиссия томонидан очилган амбулатор тиббий картага (025/ҳ шакли) киритилади. Унда ҳайдовчининг ёки ҳайдовчиликка номзоднинг соғлиғи ҳолати акс эттирилади ва тиббий комиссиянинг транспорт воситаси бошқаришга яроқлилиги тўғрисидаги хулосаси кўрсатилади.
22. Тиббий кўрикдан ўтаётган ҳайдовчи ёки ҳайдовчиликка номзод транспорт воситасини бошқаришга яроқлилиги тўғрисидаги хулосани ҳар бир шифокор ўзининг мутахассислиги бўйича тиббий монеликлар рўйхатларига асосланган ҳолда беради.
Кейинги таҳрирга қаранг.
23. Транспорт воситаларини бошқаришга яроқсиз деб хулоса қабул қилинган тақдирда шифокор ушбу хулосага асос бўлган тиббий монеликлар рўйхатларининг аниқ бандларини кўрсатади.
Кейинги таҳрирга қаранг.
Олдинги таҳрирга қаранг.
24. 083/ҳ шаклдаги тиббий маълумотнома транспорт воситасини бошқаришга яроқлилик тўғрисидаги асосий тиббий ҳужжат бўлиб, тиббий комиссия раиси ва котиби томонидан тўлдирилади ва имзоланади.
Ҳайдовчи ва ҳайдовчиликка номзодлар томонидан тақдим қилинган ҳужжатлар ҳамда 083/ҳ шаклдаги тиббий маълумотномалар нусхаси тиббиёт ташкилотида 3 йил сақланади.
(24-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Кейинги таҳрирга қаранг.
25. Тиббий монеликлар рўйхатларида белгиланган ҳолларда истисно тариқасида транспорт воситаларини бошқаришга рухсат бериш (индивидуал ёндашув) тиббий комиссиялар томонидан қуйидаги асосларда амалга оширилиши мумкин:
Кейинги таҳрирга қаранг.
Олдинги таҳрирга қаранг.
касаллик тури бўйича ихтисослаштирилган тиббиёт ташкилоти (бўлими) хулосаси асосида;
(25-банднинг иккинчи хатбошиси Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Олдинги таҳрирга қаранг.
протез бандлик ва меҳнат муносабатлари органлари протез устахоналарида назорат кўригидан ўтганлиги тўғрисидаги маълумотнома асосида (махсус ускуналар билан қайта жиҳозланган (қўл билан бошқариладиган) ва автомат узатгичли енгил транспорт воситаларини бошқаришга рухсат этилаётган чап оёғи тўлиқ ёки қисман ампутация қилинган шахсларга).
(25-банднинг учинчи хатбошиси Ўзбекистон Республикаси Соғлиқни сақлаш вазирлиги ва Ички ишлар вазирлигининг 2018 йил 25 апрелдаги 23, 32-сонли қарори (рўйхат рақами 2472-1, 12.05.2018 й.) таҳририда — Қонун ҳужжатлари маълумотлари миллий базаси, 14.05.2018 й., 10/18/2472-1/1213-сон)
26. Истисно тариқасида рухсат берилган тақдирда тиббий комиссия хулосаси 083/ҳ шаклдаги тиббий маълумотномага «индивидуал ёндашув асосида рухсат этилган» деган ёзув киритилади.
27. Истисно тариқасида автотранспорт воситаларини бошқаришга рухсат берилаётган шахсларга рухсат этилган тўла вазни 3500 килограммдан ортиқ бўлган, махсус товушли ва ёруғлик сигналлари билан жиҳозланган, ёки хавфли юкларни, шунингдек йўловчи ташишга мўлжалланган, ҳайдовчи ўриндиғидан ташқари ўриндиқлар сони саккизтадан ортиқ бўлган автомобилларни бошқариш тақиқланади.
Олдинги таҳрирга қаранг.
21-боб. Ногиронлиги бўлган шахсларни махсус ускуналар билан қайта жиҳозланган ва автомат узатгичли енгил транспорт воситаларини бошқариш учун тиббий кўрикдан ўтказиш
Олдинги таҳрирга қаранг.
271. Ногиронлиги бўлган шахслар махсус ускуналар билан қайта жиҳозланган ва автомат узатгичли енгил транспорт воситаларини бошқаришга яроқли эканликларини аниқлаш учун ариза билан турар жойдаги ТИЭКга мурожаат қилади.
(271-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Кейинги таҳрирга қаранг.
Олдинги таҳрирга қаранг.
272. Ногиронлиги бўлган шахсларни ТИЭКда тиббий кўрикдан ўтказиш муддати 3 календарь кунидан ошмаслиги керак. Тиббий кўрикдан ўтказиш муддати мураккаб, қўшимча тиббий кўрик талаб этилганда ТИЭК раиси томонидан, асосланган холда, 14 календарь кунига узайтирилиши мумкин.
(272-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Кейинги таҳрирга қаранг.
Олдинги таҳрирга қаранг.
273. ТИЭК томонидан тиббий кўрикдан ўтказиш натижаларига кўра унинг раиси ва аъзолари томонидан имзоланадиган хулоса расмийлаштирилади.
(273-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Кейинги таҳрирга қаранг.
Олдинги таҳрирга қаранг.
274. Ногиронлиги бўлган шахслар тиббий кўрикдан ўтиш учун паспорт ёки идентификацияловчи ID-карта ёхуд шахсни тасдиқловчи бошқа ҳужжатни кўрсатган ҳолда умумий асосларда тиббий комиссияга мурожаат қиладилар.
(274-банднинг биринчи хатбошиси Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Бунда тиббий комиссия томонидан ногиронлиги бўлган шахсга 083ҳ шаклидаги тиббий маълумотнома фақат «B» тоифасидаги шахсий транспорт воситасини бошқаришга яроқли ёки яроқсиз деб берилади.
Кейинги таҳрирга қаранг.
275. Қуйидагилар махсус ускуналар билан қайта жиҳозланган (қўл билан бошқариладиган) узатгичли енгил транспорт воситасини бошқаришга тиббий кўрсатма ҳисобланади:
ҳаракатнинг ифодаланган чегараланишига сабаб бўладиган оёқ кафт деформацияси;
оёқнинг 7 см ва ундан ортиқроқ калталиги;
бир ёки иккала сон суягининг ампутацион чўлтоқлиги, чўлтоқлик қайси қисмдан бўлиши ва протезлаш имкониятидан қатъий назар;
бир ёки иккала оёқ болдир соҳасининг ампутацион чўлтоқлиги;
бир томонлама сон ёки болдир қисми чўлтоғи, иккинчи оёқнинг ҳаракат ёки статик фаолиятининг ифодаланган даражадаги бузилиши билан (оёқ панжасининг ампутацион чўлтоқлиги, деформацияси, қон томир касалликлари, йирик периферик нервларнинг шикастланиши ва бошқалар);
юриш, ўтириш фаолиятининг бузилишига олиб келувчи умуртқа поғонаси, тос ёки иккала оёқларнинг турғун деформацияси ёки касалликлари (оёқларнинг анкилозловчи полиартрити, оғир даражадаги кифосколиоз ва спондилити, псевдоартроз, эндартерит II ва III даражаси, филоёқлилик ва бошқалар);
ўтириш ҳолати сақланган пастки оёқларнинг парези ёки фалажлиги;
чап оёқ қон томир ва нерв толаларининг шикастланиши, ифодаланган трофик бузилишлари билан.
276. Қуйидагилар автоматик трансмиссия воситаси ёрдамида транспорт воситасини бошқаришга тиббий кўрсатма ҳисобланади:
чап қўл ёки кафтнинг йўқлиги;
чап оёқ ёки оёқ панжасининг йўқлиги;
кафт ёки чап оёқ панжасининг деформацияси, ҳаракатнинг ифодаланган бузилишлари билан;
чап сон ёки болдир чўлтоқлиги, бир вақтнинг ўзида чап қўлнинг йўқлиги;
ўнг кафт бармоқ ёки фалангаларининг йўқлиги, шунингдек, фалангалараро бўғимларнинг ҳаракатсизлиги (бош бармоқнинг 2 та фалангаси йўқлиги, бош бармоқ сақланган ҳолда, ўнг қўлнинг иккита ва ундан ортиқ бармоқларининг йўқлиги ёки ҳаракатсизлиги, ёхуд битта бармоқнинг келтирувчи функциясининг йўқлиги);
мустақил ҳаракатланиш лаёқатининг I ва II даражали бузилиши билан кечувчи чап томонлама гемипарез.
(21-боб Ўзбекистон Республикаси Соғлиқни сақлаш вазирлиги ва Ички ишлар вазирлигининг 2018 йил 25 апрелдаги 23, 32-сонли қарорига (рўйхат рақами 2472-1, 12.05.2018 й.) асосан киритилган — Қонун ҳужжатлари маълумотлари миллий базаси, 14.05.2018 й., 10/18/2472-1/1213-сон)
3-боб. Тиббий комиссиялар томонидан бериладиган ҳужжатлар
28. Транспорт воситаларини бошқаришга яроқли деб топилган шахсларга мувофиқ 083/ҳ шаклдаги тиббий маълумотнома берилади. Маълумотнома бланки матни лотин ёки кирилл ёзувига асосланган ҳарфларда полиграфик усулда рақамланган ва ҳимоя даражаларга эга бўлган қоғозда чоп этилади.
Кейинги таҳрирга қаранг.
29. Кўзойнак ёки эшитиш аппарати билан транспорт воситаларини бошқаришга яроқли деб топилганда тиббий маълумотноманинг «алоҳида белгилар» сўзларидан сўнг «кўзойнак (контакт линза) тақиш мажбурий» ёки «эшитиш аппарати мажбурий» деган белги қўйилади.
30. 083/ҳ шаклдаги тиббий маълумотнома унда кўрсатиб ўтилган муддатгача амал қилади.
31. 083/ҳ шаклдаги тиббий ҳайдовчилик маълумотномасини йўқотган шахсларга уларнинг мурожаатларига асосан маълумотноманинг дубликати берилади. Ушбу дубликат асосий маълумотноманинг қолган кўрсатилган муддатигача берилади ва унга «дубликат» белгиси қўйилади.
Кейинги таҳрирга қаранг.
32. Ҳайдовчиликка номзод ёки ҳайдовчи тиббий комиссия томонидан тиббий кўрик натижалари бўйича транспорт воситасини бирон бир тоифасини ёки умуман транспорт воситаларини бошқаришга нолойиқ деб топилган тақдирда унга бериладиган 083/ҳ шаклдаги тиббий маълумотномада ушбу ҳақида тегишли белги қўйилади.
4-боб. Тиббий кўрикдан ўтказиш бўйича жавобгарлик ва низоларни ҳал қилиш
Олдинги таҳрирга қаранг.
33. Тиббий кўрикнинг сифатли ўтказилишига тиббий кўрикдан ўтказувчи тиббиёт ташкилотининг раҳбари жавобгар ҳисобланади.
(33-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
34. Тиббий кўрик натижалари юзасидан норозиликлар Ўзбекистон Республикаси Соғлиқни сақлаш вазирлиги томонидан кўриб чиқилади.
35. Тиббий кўрикдан ўтиш жараёнида юзага келадиган низолар қонунчиликда белгиланган тартибда ҳал этилади.
5-боб. Якуний қоидалар
Олдинги таҳрирга қаранг.
36. Ушбу Низомнинг талабларини бузган айбдор шахслар қонунчилик ҳужжатларига мувофиқ жавобгарликка тортиладилар.
(36-банд Ўзбекистон Республикаси адлия вазирининг 2021 йил 28 июлдаги 16-мҳ-сонли буйруғи (рўйхат рақами 3313, 28.07.2021 й.) таҳририда — Қонунчилик маълумотлари миллий базаси, 28.07.2021 й., 10/21/3313/0724-сон)
37. Ушбу Низом Ўзбекистон Республикаси Меҳнат ва аҳолини ижтимоий муҳофаза қилиш вазирлиги ва Ўзбекистон касаба уюшмалари Федерацияси Кенгаши билан келишилган.
Меҳнат ва аҳолини ижтимоий муҳофаза қилиш вазири А. ХАЙИТОВ
2013 йил 5 июнь
Ўзбекистон касаба уюшмалари Федерацияси Кенгаши раиси Т. НАРБАЕВА
2013 йил 5 июнь
Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисидаги низомга
1-ИЛОВА
Ҳайдовчиларга номзодлар ва ҳайдовчиларни тиббий кўрикдан ўтказишда транспорт воситасини бошқаришга умумий тиббий монеликлар
рўйхати
1. Организм фаолиятининг турғун бузилишлари билан ифодаланган ривожланишнинг туғма нуқсонлари, деформациялари, ирсий аномалиялар.
2. Марказий ва периферик асаб тизими, ички аъзолар, суяк – мушак тизими ва бириктирувчи тўқиманинг ташқи омиллар (жароҳатлар, нурланиш, термик, кимёвий ва бошқалар) таъсирида келиб чиқадиган орган ва тизимлар функциясининг яққол даражадаги бузилишларига олиб келган орқага қайтариб бўлмайдиган оқибатлари.
3. Яққол даражадаги ҳаракатланиш ва сезиш, когнитив ва мнестик-интеллектуал, координация ва статик бузилишлари билан кечадиган марказий асаб тизимининг турли этиологияли касалликлари.
4. Нарколепсия.
5. Катаплексия.
6. Эс-ҳушнинг бузилишлари билан кечадиган касалликлар: турли этиологиядаги эпилепсия ва эпилептик синдромлар, турли этиологиядаги синкопал синдромлар ва бошқалар, шу жумладан, рефлектор хушдан кетиш ҳолатларидан ташқари ремиссия даврининг давомийлигидан қатъи назар, ремиссияда бўлганлар.
7. Руҳий-асаб касалликлари диспансерларида динамик кузатув остида бўлишлари шарт бўлган оғир, турғун ёки тез-тез ўткирлашиб турадиган руҳий касалликлар. Кайфият бузилишининг яққол ифодаланган шакллари, стресс билан боғлиқ невротик, соматоформ, хулқ-атворнинг бузилишлари ва шахс бузилишлари ҳолатларида рухсат бериш масаласи якка тартибда (индивидуал равишда) тиббий комиссия томонидан қўшимча жалб этилган шифокор мутахассис иштирокида ҳал қилинади.
8. Алкоголизм.
9. Токсикомания.
10. Наркомания.
11. Инсон организми фаолиятининг мўътадил ва кескин ўзгаришлари билан кечадиган эндокрин тизими касалликлари.
12. Барча локализациялардаги хавфли ўсмалар. Даволаш муолажалари ўтказилгандан кейинги ҳолатни баҳолаш якка тартибда тиббий комиссия томонидан қўшимча жалб этилган шифокор мутахассис иштирокида ҳал қилинади.
13. Авж олиши билан ва рецидивловчи кечадиган қон ва қон ҳосил қилувчи аъзолари касалликлари (гемобластоз, яққол даражадаги гемолитик ва апластик камқонлик, геморрагик диатез ва бошқалар).
14. Қон айланиши етишмовчилигининг II ва ундан юқори даражаси ва (ёки) зўриқиш стенокардияси II ва ундан юқори функционал синф билан кечадиган юрак-томир тизими касалликлари; гипертония касаллигининг III босқичи ёки III даражаси; юракда жарроҳлик аралашувидан кейинги қон айланиши етишмовчилигининг турли даражадаги ҳолатлари; юқори градацияли юрак аритмиялари ва блокадалари, миокард инфарктидан кейинги қон айланиши етишмовчилигининг II ва ундан юқори даражаси, юрак аневризмаси.
15. Аорта ва артерияларнинг барча бўлимларининг аневризмаси.
16. 50 % ва ундан юқори окклюзия ёки қон айланишининг яққол даражали бузилиши билан кечувчи облитерацияловчи атеросклероз, тромбоангит, аортоартериит.
17. III-IV даражали сурункали веноз қон-томир етишмовчилиги билан асоратланган оёқларнинг варикоз ва тромбофлебит касаллиги.
18. Лимфангиит ва лимфа оқимининг III-IV даражали бузилиши.
19. Ревматизм: ўткир ревматик иситма ҳамда II ва ундан юқори даражали сурункали юрак етишмовчилиги билан асоратланиши.
20. Бронх-ўпка тизими касалликларининг асорати: ўпка-юрак ва нафас етишмовчилиги II-III даражаси.
21. Ўпка силининг очиқ ва деструктив шакллари ҳамда ўпка билан боғлиқ бўлмаган силнинг бактерия ташувчилик билан кечадиган турлари.
22. Ошқозон ва ўн икки бармоқли ичак яра касаллигининг асоратланиб ва сурункали (рецидивловчи, яъни календарь йилда 3 марта ва ундан кўпроқ) кечиши ва асоратининг ривожланиши.
23. II-III даражали жигар етишмовчилиги ёки портал гипертензияси билан асоратланган гепатитлар ва жигар циррозлари.
24. Сурункали буйрак етишмовчилигининг II ва ундан юқори даражаси билан асоратланган буйрак ва сийдик айириш йўлларининг сурункали касалликлари.
25. Крон касаллиги ва носпецифик ярали колитнинг оғир кечиши.
26. Организм фаолиятининг III ва ундан юқори даражадаги бузилишига олиб келувчи бириктирувчи тўқиманинг диффуз касалликлари ва тизимли васкулитлар.
27. Периферик асаб тизимининг сурункали касалликлари ва асаб-мушак тизими фаолиятининг яққол бузилиши билан кечадиган касалликлар.
28. Таянч-ҳаракат тизими фаолиятининг II ва ундан юқори даражали бузилиши билан кечадиган сурункали касалликлар.
29. Юқумли ва паразитар касалликларининг сурункали ва рецидив шакллари, даволаниши қийин ёки самарасиз кечадиган ҳолатлардаги поствакцинал асоратларнинг клиник шакллари.
30. Барча даража ва босқичдаги глаукома.
Кейинги таҳрирга қаранг.
Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисидаги низомга
2-ИЛОВА
Ҳайдовчиларга номзодлар ва ҳайдовчиларни тиббий кўрикдан ўтказишда транспорт воситасини бошқаришга қўшимча тиббий монеликлар
рўйхати
Олдинги таҳрирга қаранг.

Ҳайдовчилик тоифалари

Тиббий монеликлар

«А» тоифа

1. Кўриш ўткирлиги коррекция билан 0,6 дан паст яхши кўрадиган кўзда, 0,2 дан паст ёмонроқ кўрадиган кўзда. Рухсат этиладиган коррекция миопия ва гиперметропия учун 8,0 D, шу жумладан контактли линзалар билан, астигматизмда — 3,0 D (сфера ва цилиндрнинг йиғиндиси 8,0 D-дан ошмаслиги керак). Икки кўздаги линзалар кучининг фарқи 3,0 D-дан ошмаслиги керак.

2. Шох парданинг рефракцион жарроҳлик амалиётларидан сўнгги (кератотомия, кератомилез, кератокоагуляция, рефракцион кератопластика) 3 ойгача даври ёки асоратлари мавжуд ва рефракция +8,0 D дан –8,0 D гача ошган ҳолат.

3. Кўриш фаолиятининг жиддий бузилишлари билан кузатиладиган кўз пардасининг сурункали касалликлари, қовоқларнинг турғун ўзгаришлари, шу жумладан, уларнинг шиллиқ пардалари, кўриш ва кўз олмасининг ҳаракатини чекловчи қовоқ мушакларининг парезлари.

4. Жарроҳлик йўли билан бартараф қилиб бўлмайдиган кўз ёшланиши.

5. Паралитик ғилайлик ва кўзларнинг ҳамжиҳат ҳаракатларининг бошқа бузилишлари.

6. Турли этиологияли ғилайлик натижасида келиб чиққан турғун диплопия.

7. Спонтан нистагм.

8. Ҳар қандай меридиандаги кўриш майдонининг 20 градусдан кўпга чекланиши.

9. Ранг ажратиш бузилишлари (монохромазия, дихромазия, протанопия, дейтеранопия).

10. Тўр парда ва кўриш нервининг дегенератив ва дистрофик касалликлари (пигментли ретинит, кўриш нервининг атрофияси, тўр парданинг кўчиши).

11. Бир қўл кафти ёки оёқ панжасининг йўқлиги, шунингдек ҳаракатнинг жиддий қийинлашувига олиб келувчи қўл кафти ва оёқ панжасининг деформацияси.

12. Қўл бармоқлари ёки фалангаларнинг йўқлиги, шунингдек қўлдаги фалангалараро бўғимларнинг ҳаракатсизлиги:

ўнг ёки чап қўл бош бармоғининг икки фалангасини йўқлиги;

ўнг қўлдаги иккита ёки ундан ортиқ бармоқлар йўқлиги ёки ҳаракатсизлиги, ёки бир бармоқда бўлса ҳам тўлиқ букланиб тиришиш.

чап қўлдаги учта ёки ундан ортиқ бармоқлар йўқлиги ёки ҳаракатсизлиги, ёки бир бармоқда бўлса ҳам тўлиқ букланиб тиришиш.

13. Оёқларнинг 6 см ва ундан ортиқроқ калталаниши. Оёқнинг узунлиги 75 см дан ортиқроқ (товон суягидан сон суяги катта кўстининг ўртасигача) бўлса, оёқ суяклари, юмшоқ тўқималари ва бўғимларида дефектлар мавжуд бўлмаса ва ҳаракатлар ҳажми сақланган бўлса текширилувчилар яроқли деб ҳисобланиши мумкин.

14. Яққол неврологик симптоматикаси билан кечадиган калла суякларининг травматик деформациялари ва дефектлари.

15. Бир қулоқнинг тўлиқ карлиги, иккинчи қулоқнинг сўзлашув нутқини 3 метрдан кам масофада, пичирлаш нутқини 1 метр масофада қабул қилиши ҳолатларида, ёки сўзлашув нутқини ҳар бир қулоқда 2 метрдан кам бўлган масофада қабул қилиши.

16. Холестеатома, грануляция ёки полип (эпитимпанит) билан асоратланган ўрта қулоқнинг бир томонлама ёки икки томонлама сурункали йирингли яллиғланиши. Фистула симптомининг мавжудлиги.

17. Сурункали йирингли мастоидит, мастоидэктомиядан кейинги асоратлар (киста, оқма яра).

18. Вестибуляр анализатори фаолиятини бузилишига олиб келувчи турли этиологиядаги касалликлар, бош айланиши синдроми, нистагм (Меньер касаллиги, лабиринтитлар, турли этиологиядаги вестибуляр кризлар ва бошқалар).

19. Бачадон ва қиннинг тушиши, ректовагинал ва қовуқ-қин оқма яралари, тўғри ичак сфинктери бутунлигининг бузилиши, мояк ёки уруғ тизимчасининг истисқоси, ҳаракатни чегараловчи чурралар.

«B» тоифа

1. Кўриш ўткирлиги коррекция билан 0,6 дан паст яхши кўрадиган кўзда, 0,2 дан паст ёмонроқ кўрадиган кўзда. Такси ҳайдовчилари ва оператив хизмат транспорт воситалари ҳайдовчилари (тез тиббий ёрдам, ёнғин хавфсизлиги, милиция, авария-қутқарув хизмати, ҳарбий автомобиль нозири) учун кўриш ўткирлиги коррекция билан 0,8 дан паст бир кўзда, иккинчи кўзда 0,4 дан паст. Рухсат этиладиган коррекция миопия ва гиперметропия учун 8,0 D, шу жумладан контактли линзалар билан, астигматизмда — 3,0 D (сфера ва цилиндрнинг йиғиндиси 8,0 D-дан ошмаслиги керак). Икки кўздаги линзалар кучининг фарқи 3,0 D-дан ошмаслиги керак.

2. «А» тоифанинг 2 — 19-бандларига қаралсин.

3. 150 см дан паст бўлган бўй.

«С» тоифа

1. Кўриш ўткирлиги коррекция билан 0,8 дан паст яхши кўрадиган кўзда, 0,4 дан паст ёмонроқ кўрадиган кўзда. Рухсат этиладиган коррекция миопия ва гиперметропия учун 8,0 D, шу жумладан контактли линзалар билан, астигматизмда — 3,0 D (сфера ва цилиндрнинг йиғиндиси 8,0 D-дан ошмаслиги керак). Икки кўздаги линзалар кучининг фарқи 3,0 D-дан ошмаслиги керак.

2. «А» тоифанинг 2 — 19-бандларига қаралсин.

3. 160 см дан паст бўлган бўй.

4. Умумий жисмоний ривожланиши паст.

«D» тоифа

1. «С» тоифанинг 1 — 4-бандларига қаралсин.

2. Йўловчи транспорти учун — нутқ бузилишлари ва логоневроз (дудуқланиш)нинг оғир шакллари.

«Е» тоифа

1. Тиркама уланадиган «B», «С» ёки «Д» тоифали транспортга тааллуқли тиббий монеликлар.

2. Оёқларнинг бирининг 6 см ва ундан ортиқроқ калталаниши.

Трамвай, троллейбус бошқариш

1. «С» тоифанинг 1 — 4-бандларига қаралсин.

2. Юрак ритмнинг сунъий имплантант бошқаруви.

Конструктив тавсифлар бўйича белгиланган транспорт воситаларини бошқариш монеликлари (ногиронлиги бўлган шахслар учун қўл билан бошқариладиган автомобиль ва мотоаравачалар)

1. «А» тоифанинг 1 — 10-бандларига қаралсин.

2. Бир қўл кафти ёки оёқ панжасининг йўқлиги, шунингдек ҳаракатнинг жиддий қийинлашувига олиб келувчи қўл кафти ва оёқ панжасининг деформацияси (транспорт воситасига тегишли конструктив мосламалар ўрнатилган ҳолатлар бундан истисно).

3. Қўл бармоқлари ёки фалангаларнинг йўқлиги, шунингдек қўлдаги фалангалараро бўғимларнинг ҳаракатсизлиги:

ўнг ёки чап қўл бош бармоғининг икки фалангасининг йўқлиги;

ўнг қўлдаги иккита ёки ундан ортиқ бармоқлар йўқлиги ёки ҳаракатсизлиги, ёки бир бармоқда бўлса ҳам тўлиқ букланиб тиришиш.

чап қўлдаги учта ёки ундан ортиқ бармоқлар йўқлиги ёки ҳаракатсизлиги, ёки бир бармоқда бўлса ҳам тўлиқ букланиб тиришиш (кафт кучи ва ушлаб олиш фаолияти сақланган ҳолатлар бундан истисно).

4. «А» тоифанинг 14 — 19-бандларига қаралсин.

(2-илованинг матни Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Кейинги таҳрирга қаранг.
Олдинги таҳрирга қаранг.
Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисидаги низомга
3-ИЛОВА

формат А-5

083/ҳ шаклдаги тиббий

маълумотнома

Ўзбекистон Республикаси

Соғлиқни сақлаш вазирлиги

_________________________________________

(тиббиёт ташкилотининг номи)

Ҳайдовчининг (ҳайдовчиликка номзоднинг)

тиббий кўрикдан ўтказиш натижалари бўйича

МАЪЛУМОТНОМА

Фамилияси ____________________________________________________

Исми __________________________________________________________

Отасининг исми ________________________________________________

Паспорт ёки идентификацияловчи

ID-карта серияси ва рақами _______________________________________

Жисмоний шахснинг шахсий

идентификация рақами (ЖШШИР) _________________________________

Туғилган санаси ва ёши __________________________________________

Яшаш жойи _____________________________________________________

Иш жойи _______________________________________________________

Тиббий кўрикдан ўтказиш санаси 20____ йил «____» __________________

Тиббий кўрик натижалари бўйича

ХУЛОСА

1. «А» тоифадаги транспорт воситасини бошқаришга __________________________.

2. «B» тоифадаги транспорт воситасини бошқаришга __________________________.

3. «С» тоифадаги транспорт воситасини бошқаришга __________________________.

4. «D» тоифадаги транспорт воситасини бошқаришга __________________________.

5. «E» тоифадаги транспорт воситасини бошқаришга __________________________.

6. Трамвай бошқаришга ___________________________________________________.

7. Троллейбус бошқаришга ________________________________________________.

8. Ёлланиб ишлашга ______________________________________________________.

9. Алоҳида белгилар ______________________________________________________

________________________________________________________________________

________________________________________________________________________

Ушбу маълумотноманинг амал қилиш муддати

20 __ йил «___» ______гача.

Комиссия раиси

(Ф.И.О.)

________________

(имзо)

Котиб

(Ф.И.О.)

________________

(имзо)
Хулосанинг 1 — 8-бандлари тўғрисига яроқли ёки яроқсиз деган белги қўйилади.
(3-илованинг матни Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Кейинги таҳрирга қаранг.
(Ўзбекистон Республикаси қонун ҳужжатлари тўплами, 2013 й., 26-сон, 343-модда; Қонун ҳужжатлари маълумотлари миллий базаси, 14.05.2018 й., 10/18/2472-1/1213-сон; Қонунчилик маълумотлари миллий базаси, 28.07.2021 й., 10/21/3313/0724-сон; 01.12.2023 й., 10/23/2472-2/0914-сон; 27.09.2024 й., 10/24/2472-3/0755-сон; 28.05.2025 й., 10/25/2472-4/0477-сон)