Устувор инвестиция лойиҳаларини амалга ошириш, корхоналарни техника билан қайта жиҳозлаш учун қулай шарт-шароитларни яратиш, қўшма корхоналарни барпо қилишга хорижий сармояларни кенг кўламда жалб этиш ҳисобига иқтисодиётнинг таркибий ўзгаришларини таъминлаш мақсадида:

1. Ўзбекистон Республикаси ҳудудига белгиланган тартибда тасдиқланадиган рўйхатга мувофиқ олиб келинадиган технологик ускуналар, шунингдек технологик ускуналар етказиб бериш контракти шартларида бутловчи буюмлар ва эҳтиёт қисмлар етказиб бериш назарда тутилган тақдирда, улар қўшилган қиймат солиғидан озод этилсин:

1998 йилги инвестиция программасига киритилган устувор объектлар*ни жиҳозлаш учун;

ҳукуматнинг кафолати билан бериладиган хорижий кредитлар ҳисобига молияланадиган инвестиция лойиҳаларини амалга ошириш учун;

халқ истеъмол моллари ишлаб чиқаришга ихтисослашаётган, янги барпо этилаётган ва қайта қурилаётган корхоналар учун;

хорижий сармоялар иштирокидаги корхоналарнинг устав маблағига қўйилма сифатида хорижий сармоядорлар томонидан келтириладиган технология ускуналари.

2. Белгилаб қўйилсинки, импорт бўйича етказиб бериладиган ҳамда ҳукумат қарорларига мувофиқ «Ўзқишлоқхўжаликтаъминоттузатиш» қўмитаси ва «Ўзқишлоқхўжаликмаш-холдинг» компанияси томонидан олиб келиниб, машина-трактор саройларига сотиладиган қишлоқ хўжалик техникаси, уларнинг бутловчи ва эҳтиёт қисмлари олиб келинганида икки йил мобайнида қўшилган қиймат солиғига тортилмайди.

Янги корхоналарни ташкил этиш, шунингдек ишлаб турганларини модернизация қилиш ва техник қайта жиҳозлаш учун белгиланган тартибда тасдиқланадиган рўйхатга мувофиқ республика ҳудудига олиб келинадиган технологик ускуналар, шунингдек технологик ускуналар етказиб бериш контракти шартларида бутловчи буюмлар ва эҳтиёт қисмлар етказиб бериш назарда тутилган тақдирда, улар қўшилган қиймат солиғидан озод этилсин.