2329-сон 21.02.2012. Мобиль алоқа хизматларини кўрсатувчи юридик шахслар (уяли алоқа компаниялари) томонидан абонент рақамидан фойдаланганлик учун тўловларни ҳисоблаш ва тўлаш тартиби тўғрисидаги Низомни тасдиқлаш ҳақида

Ҳужжат 10.01.2020 санаси ҳолатига
Амалдаги версияга ўтиш

Ўзбекистон алоқа ва ахборотлаштириш агентлиги
Ўзбекистон Республикаси Молия вазирлигининг

Қарори

Мобиль алоқа хизматларини кўрсатувчи юридик шахслар (уяли алоқа компаниялари) томонидан абонент рақамидан фойдаланганлик учун тўловларни ҳисоблаш ва тўлаш тартиби тўғрисидаги Низомни тасдиқлаш ҳақида

[Ўзбекистон Республикаси Адлия вазирлиги томонидан 2012 йил 21 февралда рўйхатдан ўтказилди, рўйхат рақами 2329]

Ўзбекистон Республикаси Президентининг 2011 йил 30 декабрдаги ПҚ-1675-сон «Ўзбекистон Республикасининг 2012 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги қарорига (Ўзбекистон Республикаси қонун ҳужжатлари тўплами, 2011 йил, 52-сон, 561-модда) мувофиқ, Ўзбекистон алоқа ва ахборотлаштириш агентлиги ва Ўзбекистон Республикаси Молия вазирлиги қарор қиладилар:

1. Мобиль алоқа хизматларини кўрсатувчи юридик шахслар (уяли алоқа компаниялари) томонидан абонент рақамидан фойдаланганлик учун тўловларни ҳисоблаш ва тўлаш тартиби тўғрисидаги Низом иловага мувофиқ тасдиқлансин.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Ўзбекистон алоқа ва ахборотлаштириш агентлиги Бош директори Х. МУХИТДИНОВ

Тошкент ш.,

2012 йил 1 февраль,

2-ю-сон

Молия вазири Р. АЗИМОВ

Тошкент ш.,

2012 йил 1 февраль,

7-сон

Ўзбекистон алоқа ва ахборотлаштириш агентлиги ва Ўзбекистон Республикаси Молия вазирлигининг 2012 йил 1 февраль 2-ю-сон, 7-сон қарорига
ИЛОВА

низом

Мазкур Низом Ўзбекистон Республикаси Президентининг 2011 йил 30 декабрдаги ПҚ-1675-сон «Ўзбекистон Республикасининг 2012 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги қарорига (Ўзбекистон Республикаси қонун ҳужжатлари тўплами, 2011 йил, 52-сон, 561-модда) мувофиқ мобиль алоқа хизматларини кўрсатувчи юридик шахслар (уяли алоқа компаниялари) томонидан абонент рақамидан фойдаланганлик учун тўловларни ҳисоблаш ва тўлаш тартибини белгилайди.

Кейинги таҳрирга қаранг.

I. Умумий қоидалар

1. Ўзбекистон Республикаси Президентининг 2011 йил 30 декабрдаги ПҚ-1675-сон «Ўзбекистон Республикасининг 2012 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги қарорига мувофиқ 2012 йил 1 январдан мобиль алоқа хизматларини кўрсатувчи юридик шахслар (уяли алоқа компаниялари) абонент рақамидан фойдаланганлик учун тўловни (бундан буён матнда тўлов деб юритилади) мазкур Низомда белгиланган тартибда тўлайдилар.

2. Мазкур Низомда қуйидаги асосий тушунчалар қўлланилади:

абонент рақами — абонентга мобиль алоқа хизматларини кўрсатиш тўғрисидаги шартноманинг амал қилиш даврида уяли алоқа компанияси томонидан ажратиладиган рақам;

мобиль алоқа абоненти — уяли алоқа компанияси билан мобиль алоқа хизматларини кўрсатиш тўғрисидаги шартномани тузган жисмоний ёки юридик шахс;

мобиль алоқа хизматлари — мобиль алоқа тармоқлари орқали сигналларни ва ахборотнинг бошқа турларини қабул қилиш, узатиш, уларга ишлов бериш бўйича мобил алоқа оператори фаолиятининг маҳсулоти.

Олдинги таҳрирга қаранг.

энергоресурсларни назорат қилиш ва ҳисобга олиш тизимида фойдаланиладиган рақамлар — Ўзбекистон Республикаси Президенти ёки Вазирлар Маҳкамасининг қарорига асосан белгиланадиган энергоресурсларни назорат қилиш ва ҳисобга олишнинг автоматлаштирилган тизимини жорий қилиш бўйича лойиҳаларни амалга ошириш доирасидаги электр энергия, табиий газ ва бошқа коммунал хизматларни ҳисобга олиш асбобларини улашни таъминлаш учун уяли алоқа компаниялари томонидан ажратилган рақамлар.

(2-банд Ўзбекистон Республикаси Ахборот технологиялари ва коммуникацияларини ривожлантириш вазирлиги ва Молия вазирлигининг 2017 йил 22 сентябрдаги 154-мҳ, 134-сон қарорига (рўйхат рақами 2329-5, 06.11.2017 й.) асосан хатбоши билан тўлдирилган — Қонун ҳужжатлари маълумотлари миллий базаси, 08.11.2017 й., 10/17/2329-5/0223-сон)

II. Тўловчи ва тўлов объекти

3. Тўловларни тўловчилари мобиль алоқа хизматларини кўрсатувчи юридик шахслар (уяли алоқа компаниялари) ҳисобланади.

4. Тўловнинг объекти бўлиб уяли алоқа компаниялари томонидан мобиль алоқа абонентларига ажратилган абонент рақамлари ҳисобланади.

Олдинги таҳрирга қаранг.

Энергоресурсларни назорат қилиш ва ҳисобга олиш тизимида фойдаланиладиган рақамлар тўлов объекти ҳисобланмайди.

(4-банд Ўзбекистон Республикаси Ахборот технологиялари ва коммуникацияларини ривожлантириш вазирлиги ва Молия вазирлигининг 2017 йил 19 июлдаги 155-мҳ, 105-сон қарорига (рўйхат рақами 2329-5, 06.11.2017 й.) асосан хатбоши билан тўлдирилган — Қонун ҳужжатлари маълумотлари миллий базаси, 08.11.2017 й., 10/17/2329-5/0223-сон)

III. Тўлов миқдори ва уни ҳисоблаш

5. Тўлов миқдори Ўзбекистон Республикаси Президентининг қарори билан белгиланади.

Олдинги таҳрирга қаранг.

6. Тўлов ҳар бир абонент рақами учун амалга оширилади. Абонент рақамларининг сони тўлов амалга ошириладиган ойдаги ўртача абонентлар сонига (кунлик абонентлар сонининг йиғиндиси/ой кунлари) асосан аниқланади.

(6-банд Ўзбекистон Республикаси Ахборот технологиялари ва коммуникацияларини ривожлантириш вазирлиги ва Молия вазирлигининг 2019 йил 15 октябрдаги 204, 104-сонли қарори (рўйхат рақами 2329-6, 10.01.2020 й.) таҳририда — Қонун ҳужжатлари маълумотлари миллий базаси, 10.01.2020 й., 10/20/2329-6/0044-сон)

7. Абонент рақамидан фойдаланганлик учун тўлов суммаси юридик шахсларнинг фойда солиғи бўйича солиқ солинадиган фойдани аниқлашда Ўзбекистон Республикаси Солиқ кодексининг (Ўзбекистон Республикаси қонун ҳужжатлари тўплами, 2007 й., 52 (I)-сон 145-моддасига мувофиқ чегириб ташланади.

Кейинги таҳрирга қаранг.

IV. Ҳисоб-китобларни тақдим этиш ва тўловни амалга ошириш муддатлари

8. Ҳисобот даври бўлиб бир ой ҳисобланади.

Олдинги таҳрирга қаранг.

9. Тўловнинг ҳисоб-китоби (бундан кейин матнда Ҳисоб-китоб деб юритилади) Ўзбекистон Республикаси Ахборот технологиялари ва коммуникацияларини ривожлантириш вазирлигига ҳар ойда (ўсиб бормайдиган якун бўйича) мазкур Низомнинг 1-иловасига мувофиқ шакл бўйича ҳисобот ойидан кейинги ойнинг 10-санасидан кечиктирмай тўловчи (компаниянинг бош ташкилоти) томонидан тақдим этилади.

(9-банд Ўзбекистон Республикаси Ахборот технологиялари ва коммуникацияларини ривожлантириш вазирлиги ва Молия вазирлигининг 2015 йил 13 майдаги 117-мҳ, 41-сонли қарори (рўйхат рақами 2329-3, 14.05.2015 й.) таҳририда — ЎР ҚҲТ, 2015 й., 19-сон, 246-модда)

Кейинги таҳрирга қаранг.

10. Тўловни амалга ошириш тўловчи (компаниянинг бош ташкилоти) томонидан Ҳисоб-китобни тақдим этиш муддатидан кечиктирмай амалга оширилади.

Олдинги таҳрирга қаранг.

11. Тўлов суммаси Ўзбекистон Республикаси Ахборот технологиялари ва коммуникацияларини ривожлантириш вазирлиги ҳузуридаги Ахборот-коммуникация технологияларини ривожлантириш жамғармаси, Муҳаммад ал-Хоразмий номидаги Тошкент ахборот технологиялари университети ҳузуридаги Илмий-инновацион ривожлантириш жамғармаси ва Соғлиқни сақлаш вазирлиги ҳузуридаги Тез тиббий ёрдамни ривожлантириш жамғармаси ўртасида Ўзбекистон Республикаси Президентининг қарорлари билан белгиланган нормативлар бўйича тақсимланади.

(11-банд Ўзбекистон Республикаси Ахборот технологиялари ва коммуникацияларини ривожлантириш вазирлиги ва Молия вазирлигининг 2019 йил 15 октябрдаги 204, 104-сонли қарори (рўйхат рақами 2329-6, 10.01.2020 й.) таҳририда — Қонун ҳужжатлари маълумотлари миллий базаси, 10.01.2020 й., 10/20/2329-6/0044-сон)

Кейинги таҳрирга қаранг.

Олдинги таҳрирга қаранг.

11¹. Ҳисобот ойи учун тўлов суммаси Ўзбекистон Республикаси Ахборот технологиялари ва коммуникацияларини ривожлантириш вазирлиги ҳузуридаги Ахборот-коммуникация технологияларини ривожлантириш жамғармасининг шахсий ғазна ҳисобварағига келиб тушади ҳамда белгиланган тартибда тақсимланади.

(11¹-банд Ўзбекистон Республикаси Ахборот технологиялари ва коммуникацияларини ривожлантириш вазирлиги ва Молия вазирлигининг 2019 йил 15 октябрдаги 204, 104-сонли қарори (рўйхат рақами 2329-6, 10.01.2020 й.) таҳририда — Қонун ҳужжатлари маълумотлари миллий базаси, 10.01.2020 й., 10/20/2329-6/0044-сон)

Кейинги таҳрирга қаранг.

Олдинги таҳрирга қаранг.

12. Ўзбекистон Республикаси Ахборот технологиялари ва коммуникацияларини ривожлантириш вазирлиги ҳузуридаги Ахборот-коммуникация технологияларини ривожлантириш жамғармасига тўловдан келиб тушган маблағлардан қонун ҳужжатларида белгиланган тартибда Ўзбекистон Республикасининг ривожланиш давлат дастурларини ҳамда ахборотлаштириш ва телекоммуникация тармоқларини ривожлантириш дастурларини молиялаштириш учун қатъий фойдаланилади.

(12-банд Ўзбекистон Республикаси Ахборот технологиялари ва коммуникацияларини ривожлантириш вазирлиги ва Молия вазирлигининг 2019 йил 15 октябрдаги 204, 104-сонли қарори (рўйхат рақами 2329-6, 10.01.2020 й.) таҳририда — Қонун ҳужжатлари маълумотлари миллий базаси, 10.01.2020 й., 10/20/2329-6/0044-сон)

Кейинги таҳрирга қаранг.

Олдинги таҳрирга қаранг.

12¹. Муҳаммад ал-Хоразмий номидаги Тошкент ахборот технологиялари университети ҳузуридаги Илмий-инновацион ривожлантириш жамғармасига тўловдан келиб тушган маблағлардан Ўзбекистон Республикаси Вазирлар Маҳкамасининг 2017 йил 5 июндаги 350-сон «Муҳаммад ал-Хоразмий номидаги Тошкент ахборот технологиялари университети қошидаги Илмий-инновацион ривожлантириш жамғармаси фаолиятини такомиллаштириш тўғрисида»ги қарорида белгиланган йўналишлар бўйича қатъий фойдаланади.

(12¹-банд Ўзбекистон Республикаси Ахборот технологиялари ва коммуникацияларини ривожлантириш вазирлиги ва Молия вазирлигининг 2019 йил 15 октябрдаги 204, 104-сонли қарори (рўйхат рақами 2329-6, 10.01.2020 й.) таҳририда — Қонун ҳужжатлари маълумотлари миллий базаси, 10.01.2020 й., 10/20/2329-6/0044-сон)

Олдинги таҳрирга қаранг.

12². Ўзбекистон Республикаси Соғлиқни сақлаш вазирлиги ҳузуридаги Тез тиббий ёрдамни ривожлантириш жамғармасига тўловдан келиб тушадиган маблағлардан қонун ҳужжатларига мувофиқ фойдаланилади.

(12²-банд Ўзбекистон Республикаси Ахборот технологиялари ва коммуникацияларини ривожлантириш вазирлиги ва Молия вазирлигининг 2019 йил 15 октябрдаги 204, 104-сонли қарорига (рўйхат рақами 2329-6, 10.01.2020 й.) асосан киритилган — Қонун ҳужжатлари маълумотлари миллий базаси, 10.01.2020 й., 10/20/2329-6/0044-сон)

Кейинги таҳрирга қаранг.

Олдинги таҳрирга қаранг.

13. Ўзбекистон Республикаси Ахборот технологиялари ва коммуникацияларини ривожлантириш вазирлиги абонент рақамидан фойдаланганлик учун тўловнинг ҳисобланган ва тўланган суммалари тўғрисидаги йиғма ахборотни ҳар ойда ҳисобот ойидан кейинги ойнинг 15-санасидан кечиктирмай мазкур Низомнинг 2-иловасида келтирилган шакл бўйича Ўзбекистон Республикаси Молия вазирлиги ҳамда Давлат солиқ қўмитасига тақдим этади.

(13-банд Ўзбекистон Республикаси Ахборот технологиялари ва коммуникацияларини ривожлантириш вазирлиги ва Молия вазирлигининг 2019 йил 15 октябрдаги 204, 104-сонли қарори (рўйхат рақами 2329-6, 10.01.2020 й.) таҳририда — Қонун ҳужжатлари маълумотлари миллий базаси, 10.01.2020 й., 10/20/2329-6/0044-сон)

Кейинги таҳрирга қаранг.

V. Тўловни тўғри ҳисоблаб чиқиш ва тўлаш учун жавобгарлик ҳамда унинг назорати

14. Тўловчилар тўловнинг тўғри ҳисоблаб чиқилиши ва тўланиши учун қонун ҳужжатларига мувофиқ жавобгар бўладилар.

Кейинги таҳрирга қаранг.

Олдинги таҳрирга қаранг.

15. Тўловни ўз вақтида амалга оширмаганлик учун қонун ҳужжатларида белгиланган миқдорда Ўзбекистон Республикаси Ахборот технологиялари ва коммуникацияларини ривожлантириш вазирлиги томонидан пеня ҳисобланади ҳамда тўлиқ миқдорда Давлат бюджетига ундирилади.

(15-банд Ўзбекистон Республикаси Ахборот технологиялари ва коммуникацияларини ривожлантириш вазирлиги ва Молия вазирлигининг 2015 йил 13 майдаги 117-мҳ, 41-сонли қарори (рўйхат рақами 2329-3, 14.05.2015 й.) таҳририда — ЎР ҚҲТ, 2015 й., 19-сон, 246-модда)

Кейинги таҳрирга қаранг.

16. Давлат солиқ хизмати органлари солиқ текширувларини ўтказиш давомида абонент рақамларининг миқдорини камайтириш ҳолатлари аниқланганда уларнинг ҳақиқий миқдоридан келиб чиққан ҳолда қўшимча тўлов ва пеня ҳисоблашга ҳақли.

VI. Якуний қоида

17. Мазкур Низом Ўзбекистон Республикаси Давлат солиқ қўмитаси билан келишилган.

Давлат солиқ қўмитаси раиси Б. Парпиев

2012 йил 25 январь

Мобиль алоқа хизматларини кўрсатадиган юридик шахслар (уяли алоқа компаниялари) томонидан абонент рақамидан фойдаланганлик учун тўловни ҳисоблаш ва тўлаш тартиби тўғрисидаги низомга
1-ИЛОВА

Олдинги таҳрирга қаранг.

‎‎_______________________________________________________________ ‎(юридик шахснинг номи)
‎	‎	‎
‎‎20___ йил ____________ ойи учун абонент ‎рақамидан фойдаланганлик учун ‎ТЎЛОВ ҲИСОБ-КИТОБИ
‎	‎	‎
Рўйхатдан ўтказилган жой ‎(манзил) бўйича абонент ‎ рақамларининг ‎ сони (бирл.)* ‎	Белгиланган тўлов ‎ миқдори (сўм) ‎	Тўлов суммаси ‎ (минг сўм) ‎
Жами	‎	‎
шу жумладан:‎	‎	‎
Қорақалпоғистон Республикаси‎	‎	‎
Андижон вилояти‎	‎	‎
Бухоро вилояти‎	‎	‎
Жиззах вилояти‎	‎	‎
Қашқадарё вилояти‎	‎	‎
Навоий вилояти‎	‎	‎
Наманган вилояти‎	‎	‎
Самарқанд вилояти‎	‎	‎
Сурхондарё вилояти‎	‎	‎
Сирдарё вилояти‎	‎	‎
Тошкент вилояти‎	‎	‎
Фарғона вилояти‎	‎	‎
Хоразм вилояти‎	‎	‎
Тошкент шаҳар‎	‎	‎
‎	‎	‎
‎* Абонент рақамларининг сони тўлов амалга ошириладиган ойдаги ўртача абонентлар сонига (кунлик абонентлар сонининг йиғиндиси/ой кунлари) асосан аниқланади.
‎	‎	‎
Раҳбар ‎	____________________________‎‎
‎	(имзо)‎‎ ‎	‎
‎	‎	‎
Бош бухгалтер‎	‎‎____________________________
‎	‎‎(имзо) ‎	‎
М.Ў.‎	‎	‎

(1-илова Ўзбекистон Республикаси Ахборот технологиялари ва коммуникацияларини ривожлантириш вазирлиги ва Молия вазирлигининг 2019 йил 15 октябрдаги 204, 104-сонли қарори (рўйхат рақами 2329-6, 10.01.2020 й.) таҳририда — Қонун ҳужжатлари маълумотлари миллий базаси, 10.01.2020 й., 10/20/2329-6/0044-сон)

Олдинги таҳрирга қаранг.

‎‎20___ йил _______________ ойи учун абонент ‎рақамидан фойдаланганлик учун тўловнинг ‎ ҳисобланган ва тўланган суммалари тўғрисида ‎ ЙИҒМА АХБОРОТ ‎
Т/р‎‏	Регионлар номи‎‏‎	Юридик шахснинг номи			Юридик шахснинг номи
		Абонент рақамларининг сони ‎(бирл.) ‎‏	Тўлов суммаси ‎ (минг сўм.) ‎‎		Абонент рақамларининг сони ‎(бирл.) ‎‏	Тўлов суммаси ‎ (минг сўм.) ‎‎
		Абонент рақамларининг сони ‎(бирл.) ‎‏	ҳисобланган‎	Ҳақиқатан тўланган‎	Абонент рақамларининг сони ‎(бирл.) ‎‏	ҳисобланган‎	Ҳақиқатан тўланган‎
‎	Жами‎	‎	‎	‎	‎	‎	‎
‎	шу жумладан:‎	‎	‎	‎	‎	‎	‎
‎	Қорақалпоғистон Республикаси‎	‎	‎	‎	‎	‎	‎
‎	Андижон вилояти‎	‎	‎	‎	‎	‎	‎
‎	Бухоро вилояти‎	‎	‎	‎	‎	‎	‎
‎	Жиззах вилояти‎	‎	‎	‎	‎	‎	‎
‎	Қашқадарё вилояти‎	‎	‎	‎	‎	‎	‎
‎	Навоий вилояти‎	‎	‎	‎	‎	‎	‎
‎	Наманган вилояти‎	‎	‎	‎	‎	‎	‎
‎	Самарқанд вилояти‎	‎	‎	‎	‎	‎	‎
‎	Сурхондарё вилояти‎	‎	‎	‎	‎	‎	‎
‎	Сирдарё вилояти‎	‎	‎	‎	‎	‎	‎
‎	Тошкент вилояти‎	‎	‎	‎	‎	‎	‎
‎	Фарғона вилояти‎	‎	‎	‎	‎	‎	‎
‎	Хоразм вилояти‎	‎	‎	‎	‎	‎	‎
‎	Тошкент шаҳар‎	‎	‎	‎	‎	‎	‎
‎	‎	‎	‎	‎	‎	‎	‎
‎	Раҳбар‎	‎‎_________________________________			‎	‎	‎
‎	‎	‎‎(имзо)			‎	‎	‎
‎	М.Ў.‎	‎	‎	‎	‎	‎	‎

(2-илова Ўзбекистон Республикаси Алоқа, ахборотлаштириш ва телекоммуникация технологиялари давлат қўмитаси ва Молия вазирлигининг 2014 йил 29 декабрдаги 93-мҳ, 89-сонли қарори (рўйхат рақами 2329-2, 05.01.2015 й.) таҳририда — ЎР ҚҲТ, 2015 й., 1-сон, 11-модда)

(Ўзбекистон Республикаси қонун ҳужжатлари тўплами, 2012 й., 8-9-сон, 89-модда; 2013 й., 51-сон, 676-модда; 2015 й., 1-сон, 11-модда; 19-сон 246-модда; 2017 й., 30-сон, 762-модда; Қонунчилик маълумотлари миллий базаси, 08.11.2017 й., 10/17/2329-5/0223-сон; 10.01.2020 й., 10/20/2329-6/0044-сон; 10.05.2021 й., 10/21/2329-7/0448-сон; Қонунчилик маълумотлари миллий базаси, 30.11.2021 й., 10/21/3338/1117-сон; 24.07.2023 й., 10/23/2329-8/0515-сон; 16.02.2026 й., 10/26/2329-9/0141-сон)