ПҚ-318-сон 04.04.2006. Бельгия Қироллиги Ҳукуматининг фоизсиз кредитидан фойдаланган ҳолда «Кичик бизнес учун кадрлар тайёрлашда касб-ҳунар таълимини ривожлантиришга кўмаклашиш» лойиҳасини амалга ошириш бўйича чора-тадбирлар тўғрисида

Норасмий таржима

Ўзбекистон Республикаси Президентининг

Қарори

БЕЛЬГИЯ ҚИРОЛЛИГИ ҲУКУМАТИНИНГ ФОИЗСИЗ КРЕДИТИДАН ФОЙДАЛАНГАН ҲОЛДА «КИЧИК БИЗНЕС УЧУН КАДРЛАР ТАЙЁРЛАШДА КАСБ-ҲУНАР ТАЪЛИМИНИ РИВОЖЛАНТИРИШГА КЎМАКЛАШИШ» ЛОЙИҲАСИНИ АМАЛГА ОШИРИШ БЎЙИЧА ЧОРА-ТАДБИРЛАР ТЎҒРИСИДА

Бельгия Қироллиги Ҳукуматининг фоизсиз кредитидан фойдаланган ҳолда «Кичик бизнес учун кадрлар тайёрлашда касб-ҳунар таълимини ривожлантиришга кўмаклашиш» инвестиция лойиҳасининг самарали ва ўз вақтида амалга оширилишини таъминлаш мақсадида:

1. Ўзбекистон Республикаси ва Бельгия Қироллиги ўртасида 2003 йил 12 декабрдаги Ҳукуматлараро битимга мувофиқ Ўзбекистон Республикасига мультимедиа жиҳозларини ўрнатиш ва уларни дастурлар билан таъминлашни назарда тутган ҳолда «Кичик бизнес учун кадрлар тайёрлашда касб-ҳунар таълимини ривожлантиришга кўмаклашиш» инвестиция лойиҳасининг (кейинги ўринларда лойиҳа деб юритилади) биринчи босқичини амалга ошириш учун ўн йиллик имтиёзли даврни қўшиб ҳисоблаганда, 30 йил муддатга узиш шарти билан 4 млн.евро миқдорида фоизсиз кредит берилганлиги;

лойиҳани амалга оширишнинг иккинчи босқичида Бельгия Қироллиги Ҳукумати томонидан яна 4 млн. евро миқдорида фоизсиз кредит берилиши;

Бельгия Қироллиги Вазирлар Кенгашининг қарорига мувофиқ, харид қилинадиган ускуналарни етказиб бериш «Телевик» (Бельгия) компанияси томонидан амалга оширилиши маълумот учун қабул қилинсин.

2. Қуйидагилар белгилансин:

Ўзбекистон Республикаси Молия вазирлиги фоизсиз кредит бўйича Ўзбекистон Республикаси номидан қарз олувчи ҳисобланади;

Ўзбекистон Республикаси Ташқи иқтисодий фаолият миллий банки кредитига ҳисоб-китоб хизмати кўрсатиш бўйича молиявий агент ҳисобланади;

Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази ижро этувчи агентлик ҳисобланади;

асосий қарзни қайтариш ва кредитни ўзлаштириш билан боғлиқ харажатлар давлат бюджети маблағлари ҳисобидан қопланади.

3. Лойиҳа биринчи босқичининг асосий техникавий-иқтисодий параметрлари 1-иловага мувофиқ;

Бельгия Қироллиги Ҳукуматининг фоизсиз кредитини қайтариш жадвали 2-иловага мувофиқ тасдиқлансин.

4. Ўрта махсус, касб-ҳунар таълими маркази зиммасига лойиҳани ўз вақтида амалга ошириш, мультимедиа жиҳозлари ва дастурий воситалардан мақсадли ҳамда самарали фойдаланиш, шунингдек, академик лицейлар ва касб-ҳунар коллежлари ўқитувчилар ва ўқув-ёрдамчи ходимлари таркиби ичидан уларни қўллаш бўйича мутахассислар тайёрлашни ташкил этиш масъулияти юклансин.

5. Ўрта махсус, касб-ҳунар таълими маркази бир ой муддатда:

Ўзбекистон алоқа ва ахборотлаштириш агентлиги билан биргаликда мультимедиа жиҳозлари ва унинг дастурий воситаларидан самарали фойдаланиш бўйича чора-тадбиркор комплексини тасдиқласин;

Ўзбекистон Республикаси Молия вазирлиги ва Ташқи иқтисодий фаолият миллий банки билан биргаликда кредит маблағларидан фойдаланиш ва уларни қайтариш бўйича уч томонлама агентлик битимини имзоласин.

6. Ўзбекистон Республикаси Молия вазирлиги Бельгия Қироллиги Ҳукуматининг фоизсиз кредити ҳисобига импорт қилинадиган ускуналарни декларация қилиш, божхона омборида сақлаш, сертификатлаштириш, етказиб бериладиган мультимедиа жиҳозларига божхона расмийлаштируви учун йиғимлар тўлаш, шунингдек, уларни республика ҳудуди бўйлаб ташиш харажатларини қоплайдиган зарур маблағларнинг Ўрта-махсус, касб-ҳунар таълими марказига ажратилишини назарда тутсин.

7. Бельгия Қироллиги Ҳукуматининг фоизсиз кредити ҳисобига олиб келинадиган ускуналар ва уларга доир бутловчи ҳамда дастурий таъминлаш воситалари божхона тўловлари (божхона расмийлаштируви йиғимларидан ташқари);

Бельгия Қироллиги Ҳукуматининг фоизсиз кредити ҳисобидан лойиҳани амалга ошириш доирасида хорижий қатнашчи Ўзбекистон Республикаси ҳудудида тўлов манбаидан ундириладиган фойда солиғи;

лойиҳани амалга оширишда қатнашадиган хорижий мутахассислар, Ўрта махсус, касб-ҳунар таълими марказининг талабномаларига кўра, визалар ҳамда вақтинчалик рўйхатга қўйишни расмийлаштиришда консуллик йиғимлари ва давлат божлар тўлашдан озод этилсин.

8. Мазкур қарорнинг ижросини назорат қилиш Ўзбекистон Республикаси Бош вазирининг ўринбосарлари В.А. Голишев ва Р.С. Қосимов зиммаларига юклансин.

Ўзбекистон Республикаси Президенти И. КАРИМОВ

Тошкент ш.,

2006 йил 4 апрель,

ПҚ-318-сон

Ўзбекистон Республикаси Президентининг 2006 йил 4 апрелдаги ПҚ-318-сон қарорига
1-ИЛОВА

«Кичик бизнес учун кадрлар тайёрлашда касб-ҳунар таълимини ривожлантиришга кўмаклашиш» лойиҳа биринчи босқичининг асосий техникавий-иқтисодий параметрлари

				минг евро
Т/р	Кўрсаткичлар	Жами	Молиялаштириш манбалари
Т/р	Кўрсаткичлар	Жами	Бельгия Ҳукуматининг кредити	Ўзбекистон Республикаси бюджет маблағлари
1.	Лойиҳанинг умумий қиймати — жами:	4076,2*	4000,0	76,2
	шу жумладан:
1.1	Валютадаги кредит харажатлар — жами	4000,0	4000,0
	шулардан:
	жиҳозлар, эҳтиёт қисмлар ва дастурий таъминотни харид қилиш учун	3583,52	3583,52
	жиҳозларни монтаж қилиш ва мутахассисларни ўқитиш учун	398,52	398,52
	кўзда тутилмаган харажатлар учун	17,96	17,96
1.2	Миллий валютадаги харажатлар — жами	76,2		76,2
	шулардан, молиявий харажатлар	76,2		76,2
2.	Лойиҳанинг қуввати	14 та академик лицейлар ва 40 та касб-ҳунар коллежларини жиҳозлар
3.	Амалга ошириш муддати	2006-2007 йй.
4.	Яратилаётган асосий фондларнинг қиймати	3583,52
5.	Кредитни бериш муддати	30 йил (10 йил имтиёзли даврни ўз ичига олган ҳолда )

* Контрактларнинг якуний қиймат кўрсаткичлари белгиланган тартибда аниқланади.

Ўзбекистон Республикаси Президентининг 2006 йил 4 апрелдаги ПҚ-318-сон қарорига
2-ИЛОВА

Бельгия Қироллиги Ҳукуматининг фоизсиз кредитни қайтариш

ЖАДВАЛИ

Кредит шартлари*
Кредит миқдори		— 4 млн. евро
Кредитни қайтариш муддати		— 30 йил
Имтиёзли давр		— 10 йил
Фоиз ставкаси		— йиллик 0 %
Тўлов санаси	Асосий қарзни тўлаш миқдори	Фоиз тўлови	Жами тўлов
31 декабрь 2006	-	-	-
31 декабрь 2007	-	-	-
31 декабрь 2008	-	-	-
31 декабрь 2009	-	-	-
31 декабрь 2010	-	-	-
31 декабрь 2011	-	-	-
31 декабрь 2012	-	-	-
31 декабрь 2013	-	-	-
31 декабрь 2014	-	-	-
31 декабрь 2015	-	-	-
31 декабрь 2016	200	-	200
31 декабрь 2017	200	-	200
31 декабрь 2018	200	-	200
31 декабрь 2019	200	-	200
31 декабрь 2020	200	-	200
31 декабрь 2021	200	-	200
31 декабрь 2022	200	-	200
31 декабрь 2023	200	-	200
31 декабрь 2024	200	-	200
31 декабрь 2025	200	-	200
31 декабрь 2026	200	-	200
31 декабрь 2027	200	-	200
31 декабрь 2028	200	-	200
31 декабрь 2029	200	-	200
31 декабрь 2030	200	-	200
31 декабрь 2031	200	-	200
31 декабрь 2032	200	-	200
31 декабрь 2033	200	-	200
31 декабрь 2034	200		200
31 декабрь 2035	200		200
	4000		4000

* Асосий қарзни узишнинг якуний санаси кредит маблағларини ўзлаштиришнинг ҳақиқий саналари бўйича аниқлаштирилади.