|
Ҳужжат кучини йўқотган 22.03.2017
|
Ўзбекистон Республикаси Вазирлар Маҳкамасининг
қарори
ТОШКЕНТ ШАҲРИДА ЧИГИРТКА ВА БОШҚА ХАВФЛИ ЗАРАРКУНАНДАЛАРГА ҚАРШИ КУРАШИШ МАХСУС ИШЧИ ГУРУҲИНИ ТАШКИЛ ЭТИШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2017 йил 13 мартдаги 131-сонли «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўсимликларни ҳимоя қилиш ва қишлоқ хўжалигига агрокимёвий хизматларни кўрсатиш тизимини такомиллаштириш чора-тадбирлари тўғрисида» 2016 йил 24 октябрдаги ПҚ-2640-сон қарори)»ги қарорига асосан ўз кучини йўқотган.
Тошкент шаҳрида чигиртка ва бошқа хавфли зараркунандаларга қарши курашиш ишларини тартибга солиш мақсадида Вазирлар Маҳкамаси қарор қилади:
1. Қишлоқ ва сув хўжалиги вазирлиги Республика ўсимликларни ҳимоя қилиш ва агрокимё марказининг Тошкент вилояти чигирткаларга қарши курашиш хизмати таркибида Тошкент шаҳрида чигиртка ва бошқа хавфли зараркунандаларга қарши курашиш ишларини амалга оширувчи махсус гуруҳ тузиш тўғрисидаги таклифи қабул қилинсин.
Ушбу гуруҳнинг республикада чигирткаларга қарши курашиш хизматлари учун ажратилган умумий штатлар сонидан ошмаган ҳолда 6 штат бирлигидан иборат этиб тузилиши инобатга олинсин.
2. Республика ўсимликларни ҳимоя қилиш ва агрокимё маркази махсус гуруҳнинг иш фаолиятини ташкил этиш учун иловага мувофиқ техника воситаларини сотиб олишни таъминласин.
Иловада кўрсатилган техника воситалари белгиланган тартибда тендер ёки танлов ўтказиш йўли билан, бюджет маблағларидан самарали фойдаланишни таъминлаган ҳолда сотиб олинсин.
3. Ўзбекистон Республикаси Молия вазирлиги юқорида қайд этилган махсус гуруҳ таъминотини ва техника воситалари сотиб олишни молиялаштиришни Республика ўсимликларни ҳимоя қилиш ва агрокимё маркази учун 2005 йил бюджетида назарда тутилган маблағларни қайта тақсимлаш ҳисобига таъминласин.
4. Мазкур қарорнинг бажарилишини назорат қилиш Агросаноат ва сув хўжалиги комплекслари масалалари ахборот-таҳлил департаменти зиммасига юклансин.
Ўзбекистон Республикаси Бош вазири Ш. МИРЗИЁЕВ
Тошкент ш.,
2005 йил 24 март,
89-сон
Вазирлар Маҳкамасининг 2005 йил 24 мартдаги 89-сонли қарорига
ИЛОВА
ИЛОВА
Махсус гуруҳ фаолиятини амалга ошириш учун сотиб олинадиган техника воситалари рўйхати
|
Техника воситалари тури |
Сони |
| Трактор |
5 |
| ОВХ пуркагичи |
5 |
| Боғ пуркагичи |
2 |
| Кичик ҳажмли аравачали боғ пуркагичи |
2 |
| Моторли осма қўл пуркагичи |
8 |
| Тиркама (прицеп) |
1 |
| Цистерна |
1 |
| Автомашина |
1 |
