Ўзбекистон Республикаси Олий Мажлисининг 2003 йил 12 декабрдаги 569-II-сонли «Бухоро, Навоий, Наманган, Самарқанд ва Фарғона шаҳарларининг туман маъмурий-ҳудудий тузилмаларини тугатиш ҳамда Навоий вилоятининг Навоий тумани чегараларини кенгайтириш ва номини ўзгартириш тўғрисида»ги қарори ҳамда Ўзбекистон Республикаси «Судлар тўғрисида»ги Қонунининг 78-моддасига асосан, умумий юрисдикция судларининг фаолиятини янада такомиллаштириш, фуқароларнинг ҳуқуқ ва эркинликларини суд орқали ҳимоя қилиш кафолатларини янада кучайтириш мақсадида:

1. Жиноят ишлари бўйича Бухоро вилоятининг Тўқимачи ва Файзулла Хўжаев туман судлари, Самарқанд вилоятининг Боғишамол, Сиёб ва Темир йўл туман судлари тугатилиб, уларнинг негизида жиноят ишлари бўйича Бухоро ва Самарқанд шаҳар судлари ташкил қилинсин.

2. Жиноят ишлари бўйича Навоий вилояти Навоий туман суди, Наманган вилояти Давлатобод туман суди, Фарғона вилояти Қиргули туман суди тугатилсин.

3. Фуқаролик ишлари бўйича Бухоро вилоятининг Файзулла Хўжаев туманлараро суди, Навоий вилоятининг Навоий туманлараро суди, Самарқанд вилоятининг Темир йўл туманлараро суди тугатилиб, уларнинг негизида фуқаролик ишлари бўйича Бухоро, Самарқанд шаҳар судлари ва Ромитан, Кармана туманлараро судлари ташкил қилинсин.

4. Жиноят ишлари бўйича туман (шаҳар) судларининг тузилмаси 7-иловага мувофиқ тасдиқлансин.

5. Ўзбекистон Республикаси Президенти ҳузуридаги Судьяларни танлаш ва лавозимларга тавсия этиш бўйича Олий малака комиссияси бир ой муддат ичида қайта ташкил этилган судларни судья кадрлар билан тўлдириш масаласи бўйича тегишли таклифлар киритсин.

6. Ўзбекистон Республикаси Молия вазирлиги, Олий суди, Адлия вазирлиги ҳузуридаги Суд қарорларини ижро этиш, судлар фаолиятини моддий-техника жиҳатидан ва молиявий таъминлаш департаменти фуқаролик ва жиноят ишлари бўйича Бухоро, Навоий, Наманган, Самарқанд, Фарғона вилоят судларининг харажатлар сметаси ва штат жадвалларига тегишли ўзгартиришлар киритсин.

7. Ўзбекистон Республикаси Президентининг 2000 йил 14 августдаги ПФ–2682-сонли «Ўзбекистон Республикасининг суд тизимини такомиллаштириш тўғрисида»ги Фармонига 1, 4, 6 — 8-иловалар, Ўзбекистон Республикаси Президентининг 2002 йил 6 февралдаги ПФ–3023-сонли «Ўзбекистон Республикаси Олий судининг фаолиятини такомиллаштириш тўғрисида»ги Фармонига 3-илова ўз кучини йўқотган деб ҳисоблансин.

8. Мазкур Фармон ижросини назорат қилиш Ўзбекистон Республикаси Президентининг Давлат маслаҳатчиси Т. Худайбергенов зиммасига юклатилсин.