177-сон 12.08.2010. «Ўзбeкистон тeмир йўллари» давлат-акциядорлик тeмир йўл компаниясининг ҳарбий қўриқлаш низомини ҳамда ҳарбий қўриқлаш ходимлари томонидан қўриқланадиган ва кузатиб бориладиган юклар рўйхатини тасдиқлаш тўғрисида

Норасмий таржима

Ўзбекистон Республикаси Вазирлар Маҳкамасининг

қарори

«Ўзбeкистон тeмир йўллари» давлат-акциядорлик тeмир йўл компаниясининг ҳарбий қўриқлаш низомини ҳамда ҳарбий қўриқлаш ходимлари томонидан қўриқланадиган ва кузатиб бориладиган юклар рўйхатини тасдиқлаш тўғрисида

Темир йўл транспортида ташиладиган юкларни қўриқлашни ташкил этиш ва таъминлаш, темир йўл транспорти объектларини муҳофаза қилиш, ёнғинга қарши профилактика ишларини олиб бориш, ёнғин назоратини амалга ошириш ва темир йўл транспортидаги ёнғинларни бартараф этиш мақсадида, шунингдек Ўзбекистон Республикасининг «Темир йўл транспорти тўғрисида»ги Қонунининг 22-моддасига мувофиқ Вазирлар Маҳкамаси қарор қилади:

1. Қуйидагилар:

«Ўзбекистон темир йўллари» давлат-акциядорлик компаниясининг ҳарбий қўриқлаш ходимлари томонидан қўриқланиши ва кузатиб борилиши лозим бўлган юклар рўйхати 2-иловага мувофиқ тасдиқлансин.

* 1-илова берилмайди.

2. «Ўзбекистон темир йўллари» давлат-акциядорлик компанияси бир ой муддатда «Ўзбекистон темир йўллари» давлат-акциядорлик компаниясининг ҳарбий қўриқлаш ходимлари томонидан қўриқланиши ва кузатиб борилиши керак бўлган юклар рўйхатини белгиланган тартибда манфаатдор шахслар эътиборига етказсин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.А. Хўжаевга юклансин.

Ўзбекистон Республикасининг Бош вазири Ш. МИРЗИЁЕВ

Тошкент ш.,

2010 йил 12 август,

177-сон

Вазирлар Маҳкамасининг 2010 йил 12 августдаги 177-сон қарорига
2-ИЛОВА

«Ўзбекистон темир йўллари» давлат-акциядорлик компаниясининг ҳарбийлаштирилган қўриқлаш бўлинмалари томонидан қўриқланиши ва кузатиб борилиши лозим бўлган юклар

РЎЙХАТИ

Т/р	Юк номи	ГНГ бўйича юк коди
1.	Ун-ёрма саноати маҳсулотлари	11010000 — 11030000, 11050000 (барча номлари)
2.	Дон маҳсулотлари	10010000 — 10080000
3.	Соя ловияси	12010000
4.	Ҳайвон ва ўсимлик ёғлари	15000000 — 15121991, 15122100, 20081110, 15170000
5.	Газ конденсати	27111900
6.	Шакар ва шакардан тайёрланган қандолат маҳсулотлари	17010000, 17040000
7.	Алкоголли ичимликлар, сирка	22030000 — 22090000
8.	Тамаки ва тамаки маҳсулотлари	24010000 — 24030000
9.	Нефтни қайта ишлаш маҳсулотлари (транзит, импорт, экспорт)	27090000, 27220000 27230000, 27240000, 27250000 — 27260000, 27320000 — 27410000
10.	Метанол	29051100
11.	Спиртлар ва феноллар, фенол ҳосилалари, эфирлар	270779980, 29050000 — 29090000, 29321300, 38200000, 39053000
12.	Дори воситалари ва кимё-фармасевтика маҳсулотлари	29360000 — 29370000, 29410000, 34070000
13.	Бўёқлар ва локлар	32080000 — 32100000
14.	Атир-упа, косметика ва пардоз воситалари	33030000 — 33070000
15.	Каучук, резина ва улардан тайёрланган буюмлар	40010000 — 40030000, 40080000, 40090000, 40110000 — 40140000, 40160000, 40170000
16.	Хом тери, ошланган тери	41010000 — 41070000, 41120000
17.	Мўйна ва ундан тайёрланган буюмлар	43010000 — 43040000
18.	Ипак, ипак қурти пилласи	50010000, 50020000, 50040000 — 50070000
19.	Ҳайвон жунидан тайёрланган ип ва мато	51060000 — 51130000
20.	Ўсимлик толалари ва қоғоз ипларидан тайёрланган ип ва матолар	53060000 — 53110000
21.	Кимёвий иплар ва толалар. Синтетик ип ва матолар	54010000 — 54080000, 55010000 — 55040000, 55060000 — 55160000
22.	Заргарлик ва бошқа буюмлар	71130000 — 71180000
23.	Металл прокати ва ундан тайёрланган маҳсулотлар	72010000, 72060000 — 72240000, 72260000 — 72290000, 73010000 — 73260000. (барча номлар)
24.	Рангли металлар ва улардан тайёрланган маҳсулотлар	74020000, 74030000, 74090000, 74180000, 74190000, 75060000 — 75080000, 76160000, 78050000, 7806000, 7905000, 79070000, 80070000
25.	Қозонлар, машиналар, ускуналар ва механизмлар. Кабеллар, симлар	84070000, 84080000, 84110000 — 84150000, 84180000, 84220000, 84240000, 84250000, 84270000, 84290000 — 84390000, 84560000 — 84710000, 85010000 — 85040000, 85070000, 85190000, 85430000
26.	Қуруқлик транспорт воситалари ва транспортга оид қурилмалар ҳамда ускуналар	86080000, 87010000 — 87080000, 87084000, 87090000, 87110000 — 87140000, 87160000
27.	Оптик, фотографик, кинематографик, ўлчов, назорат, аниқ, тиббий ва жарроҳлик асбоблари ҳамда ускуналари	90010000, 90050000 — 90080000, 90100000 — 90120000, 90150000, 90180000 — 90200000, 90220000, 90280000, 90290000
28.	Қурол-яроғ, ўқ-дорилар, белгиланган тартибда ҳарбий қоровуллар, махсус милиция, юк жўнатувчи (юк қабул қилувчи)нинг ҳарбийлаштирилган қўриқчилари мутахассислари ёки соқчилари кузатиб бориши лозим бўлганлари бундан мустасно	93030000 — 93050000
29.	Санъат асарлари, коллекция буюмлари ва қадимий ноёб ашёлар	97010000 — 97060000
30.	Чет давлатларнинг элчихоналари ва доимий ваколатхоналари манзилларига жўнатиладиган ҳамда улар томонидан юборилаётган юклар
31.	Инсонпарварлик ёрдами юклари
32.	Цемент	25232900, 25239000, 25239080
33.	Қора металлар ломи ва чиқиндилари	72040000 — 72045000

Изоҳлар:

1. Юк жўнатувчилар (юк олувчилар) билан келишилган ҳолда «Ўзбекистон темир йўллари» ДАЖКнинг Ҳарбийлаштирилган қўриқлаш бошқармаси бўлинмалари томонидан шартнома асосида бошқа юклар ҳам қўриқланиши ва кузатиб борилиши мумкин.

2. Рўйхатда кўрсатилган айрим турдаги юкларни қўриқлаш ва кузатиб боришни юк жўнатувчилар (юк олувчилар) ўз кузатувчилари ёки белгиланган тартибда юкларни кузатиб бориш ва қўриқлаш фаолиятини амалга ошириш ҳуқуқига эга бўлган корхоналар ва ташкилотларнинг вакиллари орқали амалга оширишлари мумкин.

3. Юкнинг ГНГ (Юкларнинг гармонлаштирилган номенклатураси) ва ЭТСНГ (Юкларнинг ягона тариф-статистик номенклатураси) бўйича код мувофиқлигини «Ўзбекистон темир йўллари» ДАЖК белгилайди.