|
Ҳужжат кучини йўқотган 22.02.2021
|
Ўзбекистон Республикаси Вазирлар Маҳкамасининг
қарори
НАВОИЙ ВИЛОЯТИ ТОМДИБУЛОҚ ТУМАН МАРКАЗИДА ЯШОВЧИЛАРНИ КЎЧИРИШ ТЎҒРИСИДА
LexUZ шарҳиМазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистон Республикаси Фанлар академияси сейсмология институтининг Навоий вилояти Томдибулоқ туман маркази минтақасида яқин вақтларда тектоник ҳодисалар намоён бўлиши хавфи тўғрисидаги прогнозлари ва Томдибулоқ туман марказини кўчириш бўйича республика комиссияси хулосасини ҳисобга олиб Вазирлар Маҳкамаси қарор қилади:
1. Томдибулоқ туман марказини кўчириш бўйича республика комиссияси, Навоий вилояти ҳокимлиги:
Ўзбекистон Республикаси Фавқулодда вазиятлар вазирлиги билан биргаликда Томдибулоқ туман марказидаги сейсмик ишончлилигини йўқотган уйларда яшовчи 54 оилани кўчиришни 1996 йил 30 августгача тугалласинлар;
кўчириладиган оилаларни зарур санитария-маиший шароитлар (сув, электр энергияси, ёқилғи ва бошқалар) билан таъминласинлар;
кўчирилаётган оилаларга уларнинг хоҳишларига қараб вилоят шаҳарлари, шаҳарчалари ва қишлоқларида шахсий уй қуриш учун ер участкалари берсинлар.
2. «Ўзистиқболстат» давлат қўмитаси, Ўзбекистон Республикаси Молия вазирлиги:
1996 йилнинг биринчи ярим йиллиги якунлари бўйича давлат бюджети маблағлари ҳисобидан маблағ билан таъминланадиган жорий йил қурилишларининг, уларни Томди туманининг янги маркази объектлари бўйича 2,9 млн сўмга (1991 йил нархлари) кўпайишини ҳисобга олган ҳолда қурилишлар аниқ рўйхатини аниқлаштиришга оид таклиф киритсинлар;
1997-1998 йилларга мўлжалланган инвестиция дастури лойиҳаларини тузишда 1-иловага мувофиқ қурилиш объектларига марказлаштирилган капитал маблағлар ажратишни ва маблағ билан таъминлаш манбаларини назарда тутсинлар;
Навоий вилояти ҳокимлиги, Ўзбекистон Республикаси Давлат архитектура ва қурилиш қўмитаси билан биргаликда Томдибулоқ тумани марказида яшовчиларни авария ҳолатидаги уйлардан янги жойга кўчириш бўйича харажатларни қоплаш манбалари ва тартибини белгиласинлар.
3. Навоий вилояти ҳокимлиги 1-иловада кўрсатилган объектларнинг капитал қурилиш прогнозларида белгиланган муддатларда фойдаланишга топширилишини таъминласин.
4. Ўзбекистон Республикаси Алоқа вазирлиги, Ички ишлар вазирлиги, «Ўзавтотранс» давлат-акционерлик корпорацияси, «Ўздавнефтмаҳсулот» бирлашмаси, Ўзбекбирлашувнинг 1996-1997 йилларда ўз маблағлари ҳисобига 2-иловага мувофиқ туман янги маркази инфраструктураси объектларини қуриш тўғрисидаги таклифларига розилик берилсин.
5. Ушбу қарорнинг бажарилишини назорат қилиш Томдибулоқ туман марказини кўчириш бўйича республика комиссияси зиммасига юклансин.
Комиссия ва Навоий вилояти ҳокимлиги 1997 йил 1 январдан бошлаб ҳар ярим йиллик якунлари бўйича мазкур қарорнинг бажарилиши тўғрисида Вазирлар Маҳкамасига ахборот берсин.
Ўзбекистон Республикаси Бош вазири Ў. СУЛТОНОВ
Тошкент ш.,
1996 йил 31 июль,
273-сон
Вазирлар Маҳкамасининг 1996 йил 31 июлдаги 273-сон қарорига
1-ИЛОВА
1-ИЛОВА
1997-1998 йилларда давлат бюджетидан маблағ билан таъминланадиган Навоий вилояти Томди тумани янги марказининг объектлари
РЎЙХАТИ
| Т/р | Объектлар номи | Смета қиймати 1991 йилги нархларда минг сўм ва қуввати | 1996 — 1998 йилларга топшириқ | шу жумладан йиллар бўйича | ||||
| тасдиқланган ЛСҲга | 1996 йил 1.01 гача амалда бажарилган | қолдиқ | 1996 й. | 1997 й. | 1998 й. | |||
| 1 | 2 | 3 | 4 | 5 | 6 | 7 | 8 | 9 |
| 1. | Турар жой иморатлари, минг сўм кв.м |
16649 21433 |
5744 2363 |
10905 18570 |
10905 8570 |
1150 1950 |
4850 8100 |
4905 8520 |
| 2. | Қозонхона, минг сўм Гкал/соат |
599 3.62 |
98 — |
501 3.62 |
400 1.8 |
— — |
280 — |
120 1.8 |
| 3. | Мактаблар, минг сўм ўқувчи ўрни |
6187 1360 |
1528 — |
4659 1360 |
2250 320 |
750 — |
750 — |
750 320 |
| 4. | Қишлоқ врачлик пункти, минг сўм ўрин |
180 50 |
— — |
180 50 |
180 50 |
180 50 |
— — |
— — |
| 5. | Шаҳарча ичидаги автойўллар, минг сўм |
4480 | 1070 | 3410 | 782 | 182 | 300 | 300 |
| 6. | Муҳандислик тармоқлари, минг сўм |
992 | — | 992 | 500 | 150 | 175 | 175 |
| 7. | Асосли сув йўлларини кенгайтириш, минг сўм км |
3170 9.4 |
2627 — |
543 9.4 |
543 9.4 |
543 9.4 |
— — |
— — |
| 8. | Зарафшок-Томди асосий сув йўллари, минг сўм км |
7401 27 |
4440 — |
2961 27 |
2961 27 |
— — |
1480 — |
1481 27 |
| 9. | Санэпидемстанция биноси, минг сўм объект |
1375 1 |
7 — |
1368 1 |
1368 1 |
— — |
1368 1 |
— — |
| 10. | Касалхона, минг сўм ўрин |
5671 100 |
— — |
5671 100 |
1000 — |
— — |
— — |
1000 — |
| | Жами: | 46704 | 15514 | 31190 | 20889 | 2955 | 9203 | 8731 |
Вазирлар Маҳкамасининг 1996 йил 31 июлдаги 273-сон қарорига
2-ИЛОВА
2-ИЛОВА
Навоий вилоятининг Томди тумани янги марказида вазирликлар ва идораларнинг ўз маблағлари ҳисобига қуриладиган объектлар
РЎЙХАТИ
| Т/р | Объектлар номи | Буюртмачи | Қурилиш йиллари |
| 1. | Автомобилларга ёқилғи қуйиш шохобчаси | «Ўздавнефтмаҳсулот» бирлашмаси | 1997 йил |
| 2. | «Иссиқ нон» дўкони бўлган кичик новвойхона | Ўзбекбирлашув | 1996-1997 йиллар |
| 3. | Кундалик эҳтиёж моллари дўкони, 65 м2 | Ўзбекбирлашув | 1997 йил |
| 4. | 256 номерли АТС (янги бино берилган ҳолда) | Алоқа вазирлиги | 1997 йил |
| 5. | Соатига 25—30 йўловчини қабул қила оладиган автостанция | «Ўзавтотранс» давлат корпорацияси | 1997 йил |
| 6. | Туман ички ишлар бўлими маъмурий биноси | Ички ишлар вазирлиги | 1997 йил |
