toggle_night_mode
Ҳужжат кучини йўқотган 03.12.2021
ЎЗБЕКИСТОН РЕСПУБЛИКАСИ МОЛИЯ ВАЗИРЛИГИ
ЎЗБЕКИСТОН РЕСПУБЛИКАСИ ДАВЛАТ СОЛИҚ ҚЎМИТАСИНИНГ
Қарори
ИЧКИ БОЗОРДА СОТИЛАЁТГАН «ЖЕНЕРАЛ МОТОРС ЎЗБЕКИСТОН» АЖ ТОМОНИДАН ИШЛАБ ЧИҚАРИЛГАН АВТОМОБИЛЛАРГА АКЦИЗ СОЛИҒИНИ ҲИСОБЛАШ ВА ТЎЛАШ ТАРТИБИ ТЎҒРИСИДАГИ НИЗОМНИ ТАСДИҚЛАШ ҲАҚИДА
(қарор номи Ўзбекистон Республикаси Молия вазирлиги ва Давлат солиқ қўмитасининг 2016 йил 8 июлдаги 49, 2016-26-сонли (рўйхат рақами 2126-1, 21.07.2016 й.) қарори таҳририда — ЎР ҚҲТ, 2016 й., 29-сон, 358-модда)
[Ўзбекистон Республикаси Адлия вазирлиги томонидан 2010 йил 27 июлда рўйхатдан ўтказилди, рўйхат рақами 2126]
 LexUZ шарҳи
Мазкур қарор Ўзбекистон Республикаси адлия вазирининг 2021 йил 2 декабрдаги 21-мҳ-сонли «Айрим идоравий норматив-ҳуқуқий ҳужжатларни Идоравий норматив-ҳуқуқий ҳужжатларнинг давлат реестридан чиқариш тўғрисида»ги буйруғига (рўйхат рақами 3340, 03.12.2021 й.) асосан давлат реестридан чиқарилган.
Ўзбекистон Республикаси Солиқ кодекси, Ўзбекистон Республикаси «Давлат солиқ хизмати тўғрисида»ги Қонунининг 7-моддаси, Ўзбекистон Республикаси Президентининг 2015 йил 22 декабрдаги ПҚ-2455-сон «Ўзбекистон Республикасининг 2016 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги қарорига мувофиқ Ўзбекистон Республикаси Молия вазирлиги ва Давлат солиқ қўмитаси қарор қилади.
(муқаддима Ўзбекистон Республикаси Молия вазирлиги ва Давлат солиқ қўмитасининг 2016 йил 8 июлдаги 49, 2016-26-сонли (рўйхат рақами 2126-1, 21.07.2016 й.) қарори таҳририда — ЎР ҚҲТ, 2016 й., 29-сон, 358-модда)
1. Ички бозорда сотилаётган «Женерал Моторс Ўзбекистон» АЖ томонидан ишлаб чиқарилган автомобилларга акциз солиғини ҳисоблаш ва тўлаш тартиби тўғрисидаги низом иловага мувофиқ тасдиқлансин.
(1-банд Ўзбекистон Республикаси Молия вазирлиги ва Давлат солиқ қўмитасининг 2016 йил 8 июлдаги 49, 2016-26-сонли (рўйхат рақами 2126-1, 21.07.2016 й.) қарори таҳририда — ЎР ҚҲТ, 2016 й., 29-сон, 358-модда)
2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.
Молия вазири Р. АЗИМОВ
Тошкент ш.,
2010 йил 14 июль,
59-сон
Давлат солиқ қўмитаси раиси Б. ПАРПИЕВ
Тошкент ш.,
2010 йил 14 июль,
2010-29-сон
Ўзбекистон Республикаси Молия вазирлиги ва Давлат солиқ қўмитасининг 2010 йил 14 июлдаги 59, 2010-29-сонли қарорига
ИЛОВА
Ички бозорда сотилаётган «Женерал Моторс Ўзбекистон» АЖ томонидан ишлаб чиқарилган автомобилларга акциз солиғини ҳисоблаш ва тўлаш тартиби тўғрисида
(илова номи Ўзбекистон Республикаси Молия вазирлиги ва Давлат солиқ қўмитасининг 2016 йил 8 июлдаги 49, 2016-26-сонли (рўйхат рақами 2126-1, 21.07.2016 й.) қарори таҳририда — ЎР ҚҲТ, 2016 й., 29-сон, 358-модда)
НИЗОМ
Ушбу Низом Ўзбекистон Республикаси Солиқ кодекси, Ўзбекистон Республикаси «Давлат солиқ хизмати тўғрисида»ги Қонунининг 7-моддаси, Ўзбекистон Республикаси Президентининг 2015 йил 22 декабрдаги ПҚ-2455-сон «Ўзбекистон Республикасининг 2016 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги қарорига мувофиқ ички бозорда сотилаётган «Женерал Моторс Ўзбекистон» АЖ томонидан ишлаб чиқарилган автомобилларга акциз солиғини ҳисоблаш ва тўлаш тартибини белгилайди.
(муқаддима Ўзбекистон Республикаси Молия вазирлиги ва Давлат солиқ қўмитасининг 2016 йил 8 июлдаги 49, 2016-26-сонли (рўйхат рақами 2126-1, 21.07.2016 й.) қарори таҳририда — ЎР ҚҲТ, 2016 й., 29-сон, 358-модда)
I. Акциз солиғини тўловчилар
1. Акциз солиғини тўловчилар «Женерал Моторс Ўзбекистон» АЖ томонидан ишлаб чиқарилган янги автомобилларни «Женерал Моторс Ўзбекистон» АЖ билан тузилган савдо-дилерлик келишувлари (матнда — «дилерлар») асосида сотувчи юридик шахслардир.
(1-банд Ўзбекистон Республикаси Молия вазирлиги ва Давлат солиқ қўмитасининг 2016 йил 8 июлдаги 49, 2016-26-сонли (рўйхат рақами 2126-1, 21.07.2016 й.) қарори таҳририда — ЎР ҚҲТ, 2016 й., 29-сон, 358-модда)
II. Солиқ солиш объекти ва солиқ солинадиган база
2. Акциз солиғи бўйича солиққа тортиш объекти бўлиб, Ўзбекистон Республикаси Солиқ кодексига мувофиқ солиққа тортиладиган «Женерал Моторс Ўзбекистон» АЖ томонидан ишлаб чиқарилган автомобилларни сотиш ҳисобланади.
(2-банд Ўзбекистон Республикаси Молия вазирлиги ва Давлат солиқ қўмитасининг 2016 йил 8 июлдаги 49, 2016-26-сонли (рўйхат рақами 2126-1, 21.07.2016 й.) қарори таҳририда — ЎР ҚҲТ, 2016 й., 29-сон, 358-модда)
3. Акциз солиғини ҳисоблашда солиқ солинадиган база бўлиб, «Женерал Моторс Ўзбекистон» АЖ томонидан ишлаб чиқарилган автомобилларни дилерлар томонидан республика ичида сотиладиган, дилернинг комиссион мукофотини чегириб ташлаган ҳолдаги қиймати ҳисобланади.
(3-банд Ўзбекистон Республикаси Молия вазирлиги ва Давлат солиқ қўмитасининг 2016 йил 8 июлдаги 49, 2016-26-сонли (рўйхат рақами 2126-1, 21.07.2016 й.) қарори таҳририда — ЎР ҚҲТ, 2016 й., 29-сон, 358-модда)
III. Акциз солиғи маблағларини ҳисоблаш ва жамлаш тартиби
4. Сотилган автомобилга акциз солиғи суммаси қуйидаги формула орқали ҳисобланади:
S — акциз солиғи суммаси;
Н — солиқ солиш базаси;
А — акциз солиғи ставкаси.
Мисол: Дилер томонидан «MX B0» модификацияли «Матиз BEST» русумли автомобил 11 363,38 минг сўм чакана нархга сотилган бўлиб, ушбу сумма 222,81 минг сўмга тенг бўлган дилернинг комиссион мукофот пулини ҳам ўз ичига олган. Акциз солиғининг ставкаси 29% га тенг. Солиқ солиш базаси 11 140,57 минг сўмни (11 363,38 - 222,81) ташкил этади. Шунда акциз солиғи суммаси 2 504,47 минг сўмни (11 140,57*29/129) ташкил этади.
5. Ушбу Низомнинг 4-бандига мувофиқ ҳисобланган акциз солиғи суммаси, автомобилларни сотишдан олинадиган тушум билан биргаликда, «Женерал Моторс Ўзбекистон» АЖнинг акциз солиғи махсус банк ҳисобварағига бир вақтда ўтказилади.
(5-банд Ўзбекистон Республикаси Молия вазирлиги ва Давлат солиқ қўмитасининг 2016 йил 8 июлдаги 49, 2016-26-сонли (рўйхат рақами 2126-1, 21.07.2016 й.) қарори таҳририда — ЎР ҚҲТ, 2016 й., 29-сон, 358-модда)
6. Хорижий валютадаги халқаро пластик карточкалардан фойдаланган ҳолда автомобиллар сотилганда, автомобиль учун тўлов суммаси тўлов ўтказилган кундаги Ўзбекистон Республикаси Марказий банкининг курси бўйича ички бозорда амалда бўлган чакана нархига эквивалент миқдорда харидорлар томонидан «Женерал Моторс Ўзбекистон» АЖнинг транзит валюта ҳисобварағига ўтказилади. Бунда, «Женерал Моторс Ўзбекистон» АЖ миллий валютадаги ўз пул маблағлари ҳисобидан:
акциз солиғи суммасини — «Женерал Моторс Ўзбекистон» АЖнинг акциз солиғи махсус банк ҳисобварағига;
дилернинг комиссион мукофот суммасини — дилернинг талаб қилиб олингунча бўлган депозит ҳисобварағига ўтказади.
(6-банд Ўзбекистон Республикаси Молия вазирлиги ва Давлат солиқ қўмитасининг 2016 йил 8 июлдаги 49, 2016-26-сонли (рўйхат рақами 2126-1, 21.07.2016 й.) қарори таҳририда — ЎР ҚҲТ, 2016 й., 29-сон, 358-модда)
7. «Женерал Моторс Ўзбекистон» АЖ билан дилерлар орасидаги ўзаро ҳисоб-китобларнинг ҳолати савдо-дилерлик келишувлари шартларига мувофиқ ҳар ойлик солиштирма далолатномалар тузиш орқали назорат қилиб борилади.
(7-банд Ўзбекистон Республикаси Молия вазирлиги ва Давлат солиқ қўмитасининг 2016 йил 8 июлдаги 49, 2016-26-сонли (рўйхат рақами 2126-1, 21.07.2016 й.) қарори таҳририда — ЎР ҚҲТ, 2016 й., 29-сон, 358-модда)
8. «Женерал Моторс Ўзбекистон» АЖнинг акциз солиғи махсус банк ҳисобварағидан маблағлар Ўзбекистон Республикаси қонун ҳужжатларига мувофиқ белгиланган тартибда ҳисоб-китобларни топшириш муддатларидан кечиктирмай кўчирилади.
(8-банд Ўзбекистон Республикаси Молия вазирлиги ва Давлат солиқ қўмитасининг 2016 йил 8 июлдаги 49, 2016-26-сонли (рўйхат рақами 2126-1, 21.07.2016 й.) қарори таҳририда — ЎР ҚҲТ, 2016 й., 29-сон, 358-модда)
IV. Ҳисоб-китобни тақдим этиш тартиби
9. Акциз солиғининг ҳисоб-китоби дилерлар томонидан солиқ бўйича ҳисобга олиш жойидаги давлат солиқ хизмати органларига, ушбу Низомнинг иловасига мувофиқ шаклда ҳар ойда, солиқ давридан кейинги ойнинг 10-кунидан кечиктирмай тақдим этилади.
(9-банд Ўзбекистон Республикаси Молия вазирлиги ва Давлат солиқ қўмитасининг 2016 йил 8 июлдаги 49, 2016-26-сонли (рўйхат рақами 2126-1, 21.07.2016 й.) қарори таҳририда — ЎР ҚҲТ, 2016 й., 29-сон, 358-модда)
V. Якуний қоидалар
10. Акциз солиғини тўғри ҳисоблаш ва тўлаш ҳамда давлат солиқ хизмати органларига ўз вақтида ҳисоб-китобларни тақдим этиш бўйича масъулият қонунчиликка мувофиқ, дилерлар зиммасидадир.
11. Акциз солиғи маблағларини тўғри ҳисобланиши ва тўланиши бўйича назорат давлат солиқ хизмати органлари томонидан Ўзбекистон Республикаси Солиқ кодекси, ушбу Низом ва қонунчиликнинг бошқа ҳужжатларига мувофиқ амалга оширилади.
12. Ушбу Низом «Ўзавтосаноат» АК билан келишилган.
«Ўзавтосаноат» АК Бошқарув раиси У. РОЗУҚУЛОВ
2010 йил 14 июль
Ички бозорда сотилаётган «Женерал Моторс Ўзбекистон» АЖ томонидан ишлаб чиқарилган автомобилларга акциз солиғини ҳисоблаш ва тўлаш тартиби тўғрисидаги низомга
ИЛОВА
(илова белгиси Ўзбекистон Республикаси Молия вазирлиги ва Давлат солиқ қўмитасининг 2016 йил 8 июлдаги 49, 2016-26-сонли (рўйхат рақами 2126-1, 21.07.2016 й.) қарори таҳририда — ЎР ҚҲТ, 2016 й., 29-сон, 358-модда)
‎‎Юридик шахснинг тамғаси‎ ‎ ‎ ‎ ‎ ‎ ‎ ‎ ‎ ‎
‎Давлат солиқ инспекциясига _____________________туман (шаҳар)
‎Солиқ тўловчи ___________________________________________
‎ ‎ ‎

‎‎(ташкилот номи)

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎‎СТИР ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎Телефон ___________________________________________________
‎Тўловчининг манзили________________________________________
‎Ҳисоб рақами № ____________________________________________
‎ ‎ ‎

‎(банк номи, код)

20__ йил учун ички бозорда сотилаётган
‎«Женерал Моторс Ўзбекистон» АЖ автомобилларига акциз солиғининг ҳисоби

‎ ‎ ‎ ‎ ‎ ‎

(сўм)

‎Автомобиль моделлари

Битта автомобилнинг чакана нархи

Битта автомобилга нисбатан солиқ базаси (дилернинг комиссион мукофот суммасини чегирган ҳолдаги автомобилнинг чакана нархи)‎

Акциз солиғи ставкаси, %‎

Битта автомобилга акциз солиғи‎

Шу моделдаги ва модификациядаги сотилган автомобиллар сони, дона

Акциз солиғи суммаси (гр. 6 Х гр. 7)

Модел номи‎

Опцияси‎

1‎ 2‎ 3‎ 4‎ 5‎ 6‎ 7‎ 8‎
‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎

‎‎‎Ҳаммаси бўлиб ҳисобланди
‎		 ‎ ‎ ‎ ‎ ‎
Раҳбар‎ ‎

_________________________‎‎‎

 ‎ ‎ ‎

Ф.И.Ш

 ‎ ‎ ‎
Бош бухгалтер

_________________________‎

 ‎ ‎ ‎
‎ ‎

Ф.И.Ш‎‎

 ‎ ‎ ‎
20___ йил «___»__________

М.Ў.‎

 ‎ ‎ ‎ ‎
(илова Ўзбекистон Республикаси Молия вазирлиги ва Давлат солиқ қўмитасининг 2016 йил 8 июлдаги 49, 2016-26-сонли (рўйхат рақами 2126-1, 21.07.2016 й.) қарори таҳририда — ЎР ҚҲТ, 2016 й., 29-сон, 358-модда)

(Ўзбекистон Республикаси қонун ҳужжатлари тўплами, 2010 й., 30-сон, 257-модда; 2016 й., 29-сон, 358-модда)