|
Ҳужжат кучини йўқотган 22.02.2021
|
Ўзбекистон Республикаси Вазирлар Маҳкамасининг
қарори
АБДУЛЛА ҚОДИРИЙ ЮБИЛЕЙИНИ ЎТКАЗИШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
1994 йилда атоқли ўзбек ёзувчиси Абдулла Қодирий туғилган кунга 100 йил тўлиши муносабати билан Вазирлар Маҳкамаси қарор қилади:
1. Юбилейни ўтказиш бўйича ташкилий қўмитанинг таркиби иловага мувофиқ тасдиқлансин.
Ташкилий қўмита бир ой муддат ичида юбилейга тайёргарлик кўриш ва уни республика миқёсида ўтказиш тадбирлари режасини ишлаб чиқсин ва амалга. оширишга киришсин.
2. 1994 йилнинг октябрь ойида Алишер Навоий номидаги катта академик опера ва балет театрида Абдулла Қодирий таваллудига. 100 йил тўлиши муносабати билан тантанали кеча ўтказилсин.
3.Тошкент шаҳар ҳокимлигига:
Абдулла Қодирийнинг ҳовли музейини ташкил қиладиган иншоотларни лойиҳалаштириш, тузатиш-таъмирлаш, қайта тиклаш ва ободонлаштириш ишларини 1994 йил март ойининг охиригача тугаллаш;
Тошкент шаҳридаги Абдулла Қодирий номли боғни юбилей тантаналарига қадар ободонлаштириш ва у ерда адибга бюст ўрнатиш ишларини якунлаш топширилсин.
4. Ўзбекистон Республикаси Молия вазирлиги 1993-1994 йилларда юбилей маросимларига тайёргарлик кўриш ва уни ўтказиш билан боғлиқ бўлган барча харажатларни Абдулла Қодирийнинг 100 йиллик юбилейини ўтказиш бўйича ташкилий қўмита ва Тошкент шаҳар ҳокимлиги тақдим этган молиявий ҳужжатларга биноан республика бюджети ҳисобидан маблағ билан таъминласин.
5. Қорақалпоғистон Республикаси Вазирлар Кенгаши ва барча вилоят ҳокимликларига бир ой муддат ичида Абдулла Қодирий таваллудининг 100 йиллиги муносабати билан ўтадиган тадбирларни ишлаб чиқиб амалга ошириш топширилсин.
Ўзбекистон Республикаси Олий ва ўрта махсус таълим вазирлиги, Халқ таълими вазирлиги, Ўзбекистон Фанлар академияси ва Ўзбекистон Ёзувчилар уюшмаси республика олий ўқув юртларида, мактаблар ва. маҳаллаларда, вилоятларда Абдулла Қодирий хотирасига бағишланган кечалар, адиб ижодиётини тарғиб этувчи илмий-амалий анжуманлар ва адабий учрашувлар ўтказиш ишига бевосита ёрдам кўрсатсинлар.
6. Ўзбекистон Давлат кинокомпаниясига 1993 йилда Абдулла Қодирийнинг «Ўтган кунлар» асари асосида кўп серияли бадиий фильм яратишга киришиш;
«Ўзбекистон Давлат матбуот қўмитасига 1994 йилда ёзувчининг «Ўтган кунлар» ва «Меҳробдан чаён» асарларининг юбилей нашрларини чиқариш;
Ўзбекистон Республикаси Фанлар академиясига ёзувчи асарларининг 7 жилдлик академик нашрини тайёрлаш ва чоп этишга киришиш топширилсин.
7. Абдулла Қодирий номидаги жамғарманинг ёзувчининг юбилей тадбирларини ўтказиш ишларига ўз молиявий улушини қўшиш ҳақидаги таклифи қабул қилинсин.
8. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари М.К. Қорабоев ва К.Н. Тўлаганов ўртоқлар зиммаларига юклатилсин.
Вазирлар Маҳкамасининг Раиси И. КАРИМОВ
Тошкент ш.,
1993 йил 23 июнь,
306-сон
Вазирлар Маҳкамасининг 1993 йил 23 июндаги 306-сонли қарорига
ИЛОВА
ИЛОВА
Абдулла Қодирийнинг 100 йиллик юбилейини ўтказиш ташкилий қўмитаси
| М. Қорабоев | — | Ўзбекистон Республикаси Бош вазирининг ўринбосари — ташкилий қўмита раиси |
| М. Умурзоқов | — | Ўзбекистон Республикаси Президентининг Давлат маслаҳатчиси — ташкилий қўмита раисининг ўринбосари |
| К. Тўлаганов | — | Ўзбекистон Республикаси Бош вазирининг ўринбосари ташкилий қўмита раисининг ўринбосари |
| П. Қодиров | — | Ўзбекистон халқ ёзувчиси — ташкилий қўмитанинг — масъул котиби |
| Ш. Абдуллаев | — | Ўзбекистон Республикаси молия вазирининг ўринбосари |
| А. Фозилбеков | — | Тошкент шаҳар ҳокими |
| Р. Ахмедов | — | Ўзбекистон Рассомлар уюшмасининг Президенти |
| Жамол Камол | — | Ўзбекистон Ёзувчилар уюшмасининг биринчи котиби |
| Х. Жўраев | — | Ўздавкинокомпания раиси |
| А. Жўрабоев | — | «Халқ сўзи» газетасининг бош муҳаррири |
| А. Миржалолов | — | Тошкент шаҳар Шайхонтохур туманининг ҳокими |
| И. Расулев | — | Тошкент шаҳрининг бош меъмори |
| Н. Салоҳиддинов | — | Ўзбекистон Республикаси Фанлар академиясининг Президенти |
| Ю. Шодиметов | — | Вазирлар Маҳкамаси Ижтимоий масалалар, Фан ва маданият бўлимининг мудири |
| Р. Шоғуломов | — | Ўзбекистон Республикаси Давлат матбуот қўмитасининг раиси |
| Э. Хайитбоев | — | Ўзбекистон Республикаси маданият ишлари вазири |
| М. Хазратқулов | — | Ўзбекистон Миллий ахборот агентлиги бош директори |
| Ш. Яхёев | — | Ўздавтелерадиокомпанияси раиси |
| О. Ёқубов | — | Ўзбекистон халқ ёзувчиси |
| Шукурилло | — | Ўзбекистон халқ ёзувчиси |
| Н. Муҳиддинов | — | Ўзбекистон «Ёдгорлик» жамиятининг раиси |
| Н. Ғойибов | — | Ўзбекистон Республикаси Халқаро маданий-маърифий алоқалар миллий уюшмаси раиси |
| Тоҳир Малик | — | Ёзувчи |
| Ш. Темуров | — | «Маҳалла» жамғармасининг раиси |
| Ш. Қодирий | — | Абдулла Қодирий жамғармасининг директори. |
