|
Ҳужжат кучини йўқотган 22.02.2021
|
Ўзбекистон Республикаси Вазирлар Маҳкамасининг
қарори
НАВРЎЗ УМУМХАЛҚ БАЙРАМИНИ НИШОНЛАШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Халқимизнинг қадимий ва саховатли байрами бўлган Наврўзни 1993 йилда кенг нишонлаш учун, шунингдек, миллий урф-одатлар негизида умуминсоний қадриятларни улуғлаш, халқ ижодкорлик қудратини намоён этиш, Ватанга муҳаббат, меҳр-шафқат, юртимизда яшовчи барча миллатлар ўртасида дўстлик, ҳамжиҳатлик, осойишталикни янада мустаҳкамлаш мақсадида Вазирлар Маҳкамаси қарор қилади:
1. Наврўз умумхалқ байрамига тайёргарлик кўриш ва уни ўтказиш бўйича республика ташкилий қўмитасининг таркиби иловага мувофиқ тасдиқлансин. Ташкилий қўмитага бир ҳафталик муддатда байрамни ўтказиш билан боғлиқ бўлган тадбирларни ишлаб чиқиш вазифаси топширилсин.
Жойларда Қорақалпоғистон Республикаси Вазирлар Кенгашининг Раиси, Тошкент шаҳар ва барча вилоятлар ҳокимларининг шахсий раҳбарлигида шундай ташкилий қўмиталар тузилсин.
2. Республика корхоналари, муассасалари, ҳамда ва давлат хўжаликлари, ширкатлар, жамоат ташкилотларига ўз ички имкониятларидан келиб чиқиб, байрам тадбирларини тегишли транспорт воситалари, озиқ-овқат маҳсулотлари, саноат моллари ва бошқа зарур ашёлар билан таъминлаш вазифаси юклатилсин. Ушбу мақсадларга йўналтирилган сарф-харажатлар уларнинг зиммаларида бўлиши назарда тутилсин.
3. Қорақалпоғистон Республикаси Вазирлар Кенгаши, Тошкент шаҳар ва барча вилоятлар ҳокимликлари, Ўзбекистон Республикаси Маданият ишлари вазирлиги, Давлат жисмоний тарбия ва спорт қўмитаси, «Маҳалла» ва «Наврўз» хайрия жамғармалари, ижодий уюшмалар ва бошқа тегишли ташкилотларга жойларда байрам маданий тадбирларини, оммавий спорт мусобақаларини халқ ўйинларини кенг ташкил этиш, турли кўрик-танловлар ўтказиш тавсия этилсин.
4. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Наврўз байрамида республикадаги барча миллий маданият марказларининг ўз дастурлари билан иштирок этишлари учун зарур шарт-шароит яратиб берсинлар.
5. Наврўз байрами тадбирларини Қорақалпоғистон Республикаси ва вилоятларда ўтказиш билан боғлиқ харажатлар маҳаллий бюджетлар ҳисобидан қопланиши кўзда тутилсин.
«Маҳалла», «Наврўз», ЭКОСАН, Шароф Рашидов номли жамғармаларнинг байрам тадбирларини маблағ билан таъминлашда кўмаклашиш борасидаги ташаббуслари қўллаб-қувватлансин.
6. Ўзбекистон Республикаси Молия вазирлиги пойтахтда байрам тадбирларини ўтказиш муносабати билан бўладиган сарф-харажатларни Тошкент шаҳар ҳокимлиги тақдим этган молиявий ҳужжатлар асосида Тошкент шаҳар ва республика бюджетлари ҳисобидан тенг миқдорда қопласин.
7. Республика оммавий ахборот воситалари байрам тайёргарлиги ва унинг ўтиш жараёнини кенг ёритсинлар, Ўзбекистон Давлат телерадиокомпанияси ва «Наврўз» хайрия жамғармасининг 21 март кунига мўлжалланган «Мустақиллик — инсонни эъзозлашдир» шиори остида телемарафон ўтказиш тўғрисидаги таклифи маьқуллансин.
8. Наврўз байрамига тайёргарлик кўриш ва уни ўтказиш бўйича республика ташкилий қўмитасига байрамни тайёрлаш ва ўтказиш ишларида фаол иштирок этган барча идоралар, жамоалар ҳамда фуқароларни рағбатлантириш ҳақида тавсиялар тайёрлаш топширилсин.
Вазирлар Маҳкамасининг раиси И. КАРИМОВ
Тошкент ш.,
1993 йил 27 февраль,
106-сон
Вазирлар Маҳкамасининг 1993 йил 27 февралдаги 106-сон қарорига
ИЛОВА
ИЛОВА
Наврўз умумхалқ байрамига тайёргарлик кўриш ва уни ўтказиш бўйича республика ташкилий қўмитасининг
ТАРКИБИ
| Муталов А.М | — | Ўзбекистон Республикаси Бош вазири — ташкилий қўмита раиси |
| Умурзоқов М.Б. | — | Ўзбекистон Республикаси Президентининг Давлат маслаҳатчиси — ташкилий қўмита раисининг ўринбосари |
| Ёқубов Д. | — | «Наврўз» хайрия жамғармасининг раиси — ташкилий қўмитанинг масъул котиби |
|
Ташкилий қўмита аъзолари: | ||
| Абдуллаев Ш. Ю. | — | Молия вазирининг ўринбосари |
| Воҳидова У. | — | Қизил ярим ой жамиятининг раиси |
| Жамол Камол | — | Ўзбекистон Ёзувчилар уюшмасининг биринчи котиби |
| Жўраев Х.Р. | — | Ўздавкинокомпания раиси |
| Жўрабоев А. | — | «Халқ сўзи» — «Народное слово» газеталарининг бош муҳаррири |
| Фозилбеков А. И. | — | Тошкент шаҳар ҳокими |
| Орзиматов А. | — | Ўзбекистон ёшлар иттифоқи Марказий қўмитасининг биринчи котиби |
| Шодиметов Ю.Ш. | — | Вазирлар Маҳкамасининг бўлим бошлиғи, ЭКОСАН жамғармасининг раиси |
| Ҳакимов З.А. | — | Маданият ишлари вазири вазифасини бажарувчи |
| Темуров Ш. | — | «Маҳалла» жамғармасининг раиси |
| Хайитбоев Э.Қ. | — | Ўзтелерадиоэшиттириш компанияси раиси |
| Мурод Муҳаммад Дўст | — | Ўзбекистон Миллий ахборот агентлигининг Бош директори |
| Убайдуллаев Ш.О. | — | «Ўзбекистон овози» газетасининг бош муҳаррири Шароф Рашидов номли жамғарманинг масъул котиби |
| Раҳимов Б. | — | Ўзбекистон уруш ва меҳнат фахрийлари кенгашининг раиси |
| Раҳимов Е. | — | Алоқа вазири |
| Алматов 3. | — | Ички ишлар вазири |
| Қодиров П. | — | Ўзбекистон Республикаси Олий Кенгашининг қўмита раиси |
| Худойбердиева Ҳ. | — | «Саодат» журналининг бош муҳаррири |
| Каримов Ш.И. | — | Соғлиқни сақлаш вазири |
| Усмонов М.3. | — | «Ўзбексавдо» уюшмасининг раиси |
| Волков Г.Р. | — | «Ўзбекбирлашув» раиси |
| Юсупова И.Т. | — | Болалар жамғармасининг раиси |
| Қаюмов Н. | — | Қишлоқ хўжалиги вазири |
| Алламуродов Б.А | — | Ўзбекистон Касаба уюшмалари Федерацияси Кенгашининг раиси |
| Шоғуломов Р Ш | — | Ўздавматбуотқўм раиси |
| Рўзиев С. | — | Давлат жисмоний тарбия ва спорт қўмитаси раиси |
| Яҳёев Ш. | — | Ўзбекистон Республикаси Президентининг матбуот котиби |
| Ёқубов О. | — | Ўзбекистон халқ ёзувчиси |
| Воҳидов Э. | — | Ўзбекистон халқ шоири |
| Орипов А. | — | Ўзбекистон халқ шоири |
| Шукрулло | — | Ўзбекистон халқ шоири |
| Қориева Б. Р. | — | Ўзбекистон Театр арбоблари уюшмаси раиси |
| Юсупова Б. А . | — | Қорақалпоғистон Республикаси Вазирлар Кенгаши Раисининг ўринбосари |
| Саидов Н. | — | Андижон вилояти ҳокимининг ўринбосари |
| Халилов А | — | Бухоро вилояти ҳокимининг ўринбосари |
| Исроилов Ж. | — | Жиззах вилояти ҳокимининг ўринбосари |
| Раҳмонов Р. | — | Қашқадарё вилояти ҳокимининг ўринбосари |
| Велинский Л. | — | Навоий вилояти ҳокимининг ўринбосари |
| Дадажонова Д. | — | Наманган вилояти ҳокимининг ўринбосари |
| Худойқулов А. | — | Самарқанд вилояти ҳокимининг ўринбосари |
| Ғуломова С | — | Сирдарё вилояти ҳокимининг ўринбосари |
| Ражабова Л . | — | Сурхондарё вилояти ҳокимининг ўринбосари |
| Ҳамидов Ҳ. | — | Тошкент вилояти ҳокимининг ўринбосари |
| Махмудов М. | — | Фарғона вилояти ҳокимининг ўринбосари |
| Жуманиёзов М. | — | Хоразм вилояти ҳокимининг ўринбосари |
| Жалилов Ш.И. | — | Тошкент шаҳар ҳокимининг ўринбосари |
