|
Ҳужжат кучини йўқотган 20.09.2023
|
Ўзбекистон ССЖ Президенти ҳузуридаги Вазирлар Маҳкамасининг
қарори
ЧЎПОНЛАР КЎП ЙИЛЛИК ХИЗМАТИ УЧУН ПЕНСИЯ ОЛИШ ҲУҚУҚИГА ЭГА БЎЛГАН ЖУМҲУРИЯТДАГИ СУВСИЗ ЧЎЛ НОҲИЯЛАРИНИНГ ВА СУВСИЗ ЧЎЛ НОҲИЯЛАРИ ҲУДУДИДА ЖОЙЛАШГАН ҚИШЛОҚ ХЎЖАЛИГИ КОРХОНАЛАРИНИНГ РЎЙХАТИНИ ТАСДИҚЛАШ ТЎҒРИСИДА
LexUZ шарҳиМазкур қарор Ўзбекистан Республикаси Вазирлар Маҳкамасининг 2023 йил 19 сентябрдаги 481-сонли «Вазирлар Маҳкамасининг «Давлат пенсияларини тайинлаш ва тўлаш тартиби тўғрисидаги низомни тасдиқлаш ҳақида» 2022 йил 13 октябрдаги 592-сон қарорига фуқароларнинг пенсия таъминотига оид миллий қонунчилик ҳужжатларини тизимлаштириш, соҳага замонавий ахборот технологияларини янада кенг жорий этишга қаратилган ўзгартириш ва қўшимчалар киритиш, шунингдек, Ҳукуматнинг айрим қарорларини ўз кучини йўқотган деб ҳисоблаш тўғрисида»ги қарорига асосан ўз кучини йўқотган.
«СССРда фуқароларнинг пенсия таъминоти тўғрисида»ги СССР Қонунига ва СССР Давлат меҳнат ва ижтимоий масалалар қўмитасининг «Чўпонлар кўп йиллик хизмати учун пенсия олиш ҳуқуқига эга бўлган сувсиз чўл районларини белгилаш тўғрисида» 1990 йил 26 ноябрдаги 437-сон қарорига биноан Вазирлар Маҳкамаси қарор қилади:
1. Чўпонлар кўп йиллик хизмати учун пенсия олиш ҳуқуқига эга бўлган жумҳуриятдаги сувсиз чўл ноҳияларининг ва сувсиз чўл ноҳиялари ҳудудида жойлашган қишлоқ хўжалиги корхоналарининг рўйхати 1-иловага мувофиқ тасдиқлансин.
Қорақалпоғистон МССЖ Вазирлар Кенгашига Қорақалпоғистон МССЖ ноҳиялари учун шундай рўйхатни тузиш ҳуқуқи берилсин.
2. СССР Давлат меҳнат ва ижтимоий масалалар қўмитасининг 1990 йил 26 ноябрдаги 437-сон қарори билан тасдиқланган чўпонлар кўп йиллик хизмати учун пенсия олиш ҳуқуқига эга бўлган сувсиз чўл ноҳиялари ҳудудида жойлашган қишлоқ хўжалиги корхоналарини аниқлаш бўйича Методик тавсиялар, 2-иловага мувофиқ, амал қилиш учун қабул қилинсин.
Вазирлар Маҳкамасининг Раиси И. КАРИМОВ
Тошкент ш.,
1991 йил 9 август,
215-сон
Вазирлар Маҳкамасининг 1991 йил 9 августдаги 215-сон қарорига
1-ИЛОВА
1-ИЛОВА
Чўпонлар кўп йиллик хизмати учун пенсия олиш ҳуқуқига эга бўлган жумҳуриятдаги сувсиз чўл ноҳияларининг ва сувсиз чўл ноҳиялари ҳудудида жойлашган қишлоқ хўжалиги корхоналарининг
РЎЙХАТИ
|
Ноҳияларнинг номи |
Хўжаликларнинг номи |
|
Бухоро вилояти | |
| Олот | «Олот» совхози |
| Бухоро | «Қоровулбозор» совхози |
| Ғиждувон | «Кўкча» совхози |
| Когон | «Пролетаробод» қўйларни сўқимга боқиш ва қоракўлча етиштириш комплекси |
| Конимех | Ҳ.Олимжон номли совхоз «Конимех» совхози «Коммунизм» совхози «Маданият» совхози «Шофиркон» совхози «Партия ХХV съезди» совхози «Октябрь 40 йиллиги» совхози «СССР 60 йиллиги» қўйларни сўқимга боқиш ва қоракўлча етиштириш комплекси |
| Қоракўл | «Қоракўл» совхози |
| Қизилтепа | «Маликчўл» совхози «Зарафшон» қўйларни сўқимга боқиш ва қоракўлча етиштириш комплекси |
| Навбаҳор | «Меҳнатобод» совхози |
| Пешку | «Жонгелди» совхози |
| Ромитан | «Қизилравот» совхози |
| Свердлов | Свердлов номли совхоз |
| Томди | Оёққудуқ» совхози Балиманов номли совхоз «Жана шаруа» совхози Калинин номли совхоз Ленин номли совхоз К.Маркс номли совхоз «Томди» совхози |
| Учқудуқ | «Авангард» совхози Гагарин номли созхоз «Дўстлик» совхози «Мингбулоқ» совхози «Ўзбекистон 40 йиллиги» совхози |
| Шофиркон | «Ғалаба» совхози |
|
Жиззах вилояти | |
| Ғаллаорол | Ғаллаорол» совхози Ғ.Ғулом номли совхоз К.Маркс номли совхоз |
| Зомин | «Қизил чорвадор» совхози «Ленинград» совхози |
| Фориш | Омонгелди номли совхоз «Арнасой» совхози «Известия» совхози Ильич номли совхоз «Қизилқум» совхози Киров номли совхоз К.Маркс номли совхоз «Фориш» совхози «Чимқўрғон» совхози Кўйларни сўқимга боқиш ва қоракўлча етиштириш комплекси |
|
Қашқадарё вилояти | |
| Баҳористон | «Ўзбекистон» совхози |
| Ғузор | «Ғузор» совхози «Пачкамар» совхози |
| Деҳқонобод | «Оқробод» совхози «Деҳконобод» совхози «Қизилча» совхози «Ленинизм» совхози «СССР 60 йиллиги» совхози «Шўргузар» қўйларни сўқимга боқиш ва қоракўлча етиштириш комплекси |
| Қамаши | К.Маркс номли совхоз Фрунзе номли совхоз |
| Косон | «Большевик» совхози «Ударник» қўйларни сўқимга боқиш ва қоракўлча етиштириш комплекси |
| Муборак | «Муборак» совхози |
| Нишон | «Нишон» совхози |
| Усмон Юсупов | Ғ.Ғулом номли совхоз |
| Чироқчи | Охунбобоев номли совхоз «Восход» совхози «Кўкдала» совхози «Чорвадор» совхози |
| Яккабоғ | Будённий номли совхоз |
|
Самарқанд вилояти | |
| Булунғур | «Победа» совхози |
| Каттақўрғон | «Андок» совхози «Мойбулоқ» совхози «Каттақўрғон» қўйларни сўқимга боқиш ва қоракўлча етиштириш комплекси |
| Қўшработ | Жуманбулбул ўғли номли совхоз «Зармитон» колхози «Қўшробод» совхози «Пангат» ижара корхонаси «Октябрь 50 йиллиги» совхози |
| Нурота | Охунбобоев номли совхоз «Ғозғон» совхози «Қизилча» совхози Ленин номли совхоз «Нурота» совхози «Россия» совхози «Ўзбекистон комсомоли 50 йиллиги» совхози «Нурота» қўйларни сўқимга боқиш ва қоракўлча етиштириш комплекси |
| Пайариқ | Киров номли совхоз «Партия ХХV съезди» совхози |
| Пахтачи | «Ленинчи чорвадор» совхози |
| Советобод | «Жом» совхози «Қарноб» совхози «Каттақўрғон» совхози «Москва» совхози «Саҳоба» совхози «Улус» совхози «Ўзбекистон 40 йиллиги» совхози «Ўзбекистон 50 йиллиги» совхози |
| Хатирчи | «Олтинсой» совхози |
|
Сурхондарё вилояти | |
| Бойсун | «Бойсун» совхози «Дарбант» совхози «Қўрғонча» совхози «Робот» совхози «Сайроб» совхози «Сайроб» қўйларни сўқимга боқиш ва қоракўлча етиштириш комплекси |
| Денов | «Ғалаба» колхози «Москва» колхози Генерал Раҳимов номли колхоз Ульянов номли колхоз |
| Жарқўрғон | Ҳ.Олимжон номли колхоз Н.Боймуродов номли колхоз «Коммунизм» колхози |
| Қумқўрғон | «Оққапчиғай» совхози Гагарин номли совхоз «Қумқўрғон» қўйларни сўқимга боқиш ва қоракўлча етиштириш комплекси |
| Сариосиё | Охунбобоев номли колхоз «Ленинград» колхози «Ленинизм» колхози «Серҳаракат» совхози |
| Термиз | «Дўстлик» колхози «Гулбаҳор» совхози «Намуна» колхози «Октябрь 40 йиллиги» колхози |
| Шеробод | «Коммунизм» совхози «ВЛКСМ 50 йиллиги» совхози |
| Шўрчи | «Коммуна» колхози «Сурхон» колхози |
|
Сирдарё вилояти | |
| Ховос | «Қўшкон» совхози «Соҳибкор» совхози Тимирязев номли совхоз Ж.Усмонов номли совхоз «Ховос» совхози |
|
Хоразм вилояти | |
| Боғот | «Зарбдор» совхози |
| Қўшкўпир | «Ударник» совхози |
| Урганч (Қизилжар массиви) |
«Дўстлик» совхози «Қизилжар» совхози |
| Ҳазорасп (Бухоро вилоятининг Тупроққалъа массиви) | «Гурлан» совхози «Ҳазорасп» совхози «Хонқа» совхози «Хива» совхози |
Вазирлар Маҳкамасининг 1991 йил 9 августдаги 215-сон қарорига
2-ИЛОВА
2-ИЛОВА
Чўпонлар кўп йиллик хизмати учун пенсия олиш ҳуқуқига эга бўлган сувсиз чўл ноҳиялари ҳудудида жойлашган қишлоқ хўжалиги корхоналарини аниқлаш бўйича
МЕТОДИК ТАВСИЯЛАР
Ҳудудида ишлаганлиги учун чўпонлар кўп йиллик хизмати учун пенсия олиш ҳуқуқига эга бўлган сувсиз чўл ноҳияларига кескин радиацион ва жазирама иссиқ, шунингдек, ўта сувсизлик билан характерланувчи мутлақ ноқулай (кескин қумлик) ва экстремал ноқулай (кучли қумлик) зоналардаги жойлар киради.
Сувсиз чўл ноҳияларининг рўйхати СССР Фанлар академиясининг география институти ўтказган СССР ҳудудини районлаштириш асосида қумлик ва сувсизлик даражасига кўра аниқланган.
Қумлилик даражасига кўра ҳудудларни табақалаштириш инсоннинг физиологик иссиқлик сезишини характерловчи биоиқлим кўрсаткичлари йиғиндилари ва ҳудуднинг иқлим хусусиятларини акс эттирувчи тупроқ-ўсимлик шароитлари бўйича амалга оширилган.
Очиқ ҳавода ишлаш чоғидаги ноқулайлик қумлик билан боғланган. У қуёшнинг бевосита радиациясидан доимий ҳимоя қилишни, ишда алоҳида суткалик тартиб, овқатланиш, сув билан таъминлашни талаб қилувчи инсон учун табиий зонанинг катта қисмидаги иқлим шароитларининг хусусиятлари (кунлик ҳароратнинг жуда юқорилиги, кам булутли об-ҳаво, кун мобайнида ҳароратнинг кескин ўзгариб туриши, ҳавонинг қуруқлиги) билан боғлиқ.
Кўчма қумлар, шўрхоклар, кучли шамол, қум ва туз бўронлари, заҳарли илонлар, заҳарли ва қон сўрувчи ҳашаротлар қўшимча мураккаблаштирувчи омиллар ҳисобланади.
Шу билан бирга чўл зоналари чегараларида яхшироқ табиий иқлим шароитлари бўлган, транспорт тармоқлари кўп ва ижтимоий инфраструктура етарлича ривожланган (йирик аҳоли истиқоматгоҳлари, саноат марказлари, воҳалар, дарё водийлари, тоғли жойлар ва ҳоказо) районлар мавжуд. Шу сабабли сувсиз чўл ноҳияларининг рўйхати қумлик ва сувсизлик билан боғлиқ турмуш шароитлари қулайликларининг умумий зонал ўзгаришларини акс эттиради.
Чўпонларнинг кўп йиллик хизмати учун пенсия олиш ҳуқуқини белгилаш фақат сувсиз чўл ноҳиялари ҳудудида жойлашган қишлоқ хўжалиги корхоналарини албатта аниқ белгилаган ҳолдагина амалга оширилиши мумкинки, мазкур жойларда ишлаш юқорида кўрсатилган омилларнинг инсон организмга таъсир қилиши билан боғлиқ бўлади. Бу корхоналарнинг ёки улар бўлинмаларининг рўйхатини тасдиқлашда яйловларнинг сув манбаларига, саноат ва маданият марказларига, аҳоли истиқоматгоҳларига нисбатан жойлашган ўрнини, ҳудуднинг транспорт ва энергетика инфраструктураси билан таъминланганлигини, шунингдек, бошқа маҳаллий шароитларни ҳисобга олиш зарур.
