toggle_night_mode
Ҳужжат кучини йўқотган 22.02.2021
Ўзбекистон Республикаси Вазирлар Маҳкамасининг
қарори
ПАРРАНДАЧИЛИК ХЎЖАЛИКЛАРИНИ КУРКА ГЎШТИ ЕТИШТИРИШ УЧУН МОДЕРНИЗАЦИЯ ҚИЛИШ ТЎҒРИСИДА
[Кўчирма]
 LexUZ шарҳи
Мазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Курка гўшти етиштиришни кўпайтириш ва саноат куркачилиги учун республиканинг ўз наслчилик базасини яратиш мақсадида Вазирлар Маҳкамаси қарор қилади:
1. Ўзбекистон Республикаси Қишлоқ ва сув хўжалиги вазирлигининг «МАД» (Исроил) фирмаси технологияси асосида 1-иловага мувофиқ паррандачилик фабрикаларини модернизация қилиш ва уларни йилига 12500 тонна гўшт етиштириш учун куркалар ўстиришга қайта ихтисослаштириш тўғрисидаги таклифи қабул қилинсин.
2. «Ўзпаррандасаноат» уюшмаси, ишлаб чиқариш қувватларини 2-иловага мувофиқ 1997 йилнинг (V чорагида ишга туширган ҳолда, куркаларни жадал ўстириш учун технологик асбоб-ускуналар етказиб бериш ва ўрнатиш юзасидан «МАД» фирмаси билан 8 млн АҚШ доллари суммасида контракт тузганлиги маълумот учун қабул қилинсин.
3. Паррандачилик фабрикаларини модернизация қилишни маблағ билан таъминлаш:
контракт қийматининг 85 фоизи (6,8 млн АҚШ доллари) — Исроил ташқи савдо таваккалчиликларини суғурта қилиш корпорацияси (ИФТРИК)нинг суғурта қопламаси остида «Израэль Дисконт Банк» (Исроил) банки кредити ҳисобига,
контракт қийматининг 15 фоизи (1,2 млн АҚШ доллари) — «Ўзпаррандасаноат» уюшмасининг ўз маблағлари ҳисобига.
қайта қуриш ва тайёргарлик ишларини бажариш учун миллий валютадаги (7,2 млн сўм) харажатлар — «Ўзпаррандасаноат» уюшмасининг ўз маблағлари ҳисобига амалга оширилишига розилик берилсин.
Олдинги таҳрирга қаранг.
(учинчи банднинг бешинчи хатбошиси Ўзбекистон Республикаси Вазирлар Маҳкамасининг 2003 йил 15 октябрдаги, 445-сонли қарорига асосан чиқарилган — ЎР ҚҲТ, 2003 й., 19-сон, 184-модда)
4.Ўзбекистон Республикаси Молия вазири мазкур лойиҳа бўйича Ўзбекистон Республикаси Ҳукумати кафолатларини белгиланган тартибда беришга вакил қилинсин.
5. Ўзбекистон Республикаси Адлия вазирлиги Ўзбекистон Республикаси Ҳукумати кафолатлари юзасидан белгиланган тартибда юридик хулоса берсин.
6. Ўзбекистон Республикаси Ташқи иқтисодий фаолият миллий банки икки ой муддатда кредит битимини тузсин ва «Ўзпаррандасаноат» уюшмаси учун ИФТРИК суғурта қопламаси остида Исроил банки маблағларини қайта молиялаштиришни таъминласин.
8. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Қ. Ғ. Обидов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1996 йил 29 ноябрь,
426-сон
Вазирлар Маҳкамасининг 1996 йил 29 ноябрдаги 426-сон қарорига
1-ИЛОВА
Ўзбекистонда «МАД» фирмаси технологиясини жорий этиш асосида курка гўшти етиштириш ҳажмлари

(тонна)‎‎

Куркачилик хўжаликлари‎‏ ‎‎Йиллар‎
1998‎ 1999‎ 2000‎
«Хонобод» АБ (Андижон вилояти)‎ 2125‎ 3400‎ 4000‎
«Чимёнпарранда» АБ (Фарғона вилояти)‎ 3000‎ 3000‎ 3000‎
«Риштон» АБ (Фарғона вилояти)‎ 2125‎ 3400‎ 3500‎
Ғойипов номли АБ (Хоразм вилояти)‎ 1000‎ 2000‎ 2000‎
Республика бўйича жами‎ 8250‎ 11800‎ 12500‎
Вазирлар Маҳкамасининг 1996 йил 29 ноябрдаги 426-сон қарорига
2-ИЛОВА
Ўзбекистонда курка гўшти етиштириш лойиҳаси бўйича қувватларни ишга тушириш жадвали

Ишларнинг номи ва турлари‎‏

 1997 йил‎
1.‎ 2.‎ 3.‎ 4.‎ 5.‎ 6.‎ 7.‎ 8.‎ 9.‎ 10.‎ 11.‎ 12.
Наслдор курка жўжалари етказиб бериш‎ *‎ *‎ *‎ ‎ ‎ ‎ *‎ *‎ *‎ ‎ ‎ ‎
Асбоб-ускуналар етказиб бериш‎ *‎ *‎ *‎ *‎ *‎ *‎ *‎ ‎ ‎ ‎ ‎ ‎
Ветеринария биология компонентлари етказиб бериш‎ ‎ *‎ *‎ *‎ ‎ ‎ ‎ ‎ ‎ ‎ ‎ ‎
Асбоб-ускуналарни ўрнатиш, монтаж қилиш ва ишга тушириш-созлаш ишлари‎ ‎ ‎ ‎ *‎ *‎ *‎ *‎ *‎ *‎ *‎ *‎ ‎
Ишга тушириш‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎