|
Ҳужжат кучини йўқотган 01.01.2016
|
Ўзбекистон ССЖ Президенти ҳузуридаги Вазирлар Маҳкамасининг
қарори
ЎЗГАЛАР ПАРВАРИШИГА МУҲТОЖ ЁЛҒИЗ ПЕНСИОНЕРЛАРНИ ИЖТИМОИЙ ҲИМОЯЛАШ ЮЗАСИДАН ҚЎШИМЧА ЧОРА-ТАДБИРЛАР ҲАҚИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2015 йил 10 августдаги 237-сонли «Кексалар ва ногиронларни манзилли ижтимоий ҳимоя қилиш ва қўллаб-қувватлашни янада кучайтириш чора-тадбирлари тўғрисида»ги қарорига асосан 2016 йил 1 январдан бошлаб ўз кучини йўқотади.
Ўзбекистон ССЖ Президентининг «Ўзгалар парваришига муҳтож ёлғиз пенсионерларни ижтимоий ҳимоялаш юзасидан қўшимча чора-тадбирлар ҳақида»ги Фармонини бажариш юзасидан Вазирлар Маҳкамаси қарор қилади:
2. 1-иловада кўрсатилган имтиёзларни бериш билан боғлиқ харажатлар жумҳурият ва маҳаллий бюджетлар, шунингдек, ЎзССЖнинг тегишли вазирликлари, идоралари, корхоналар ва ташкилотлар маблағлари ҳисобига амалга оширилсин.
3. ЎзССЖ Молия вазирлиги пенсия гувоҳномаларига махсус қўшимча варақлар тайёрлаш учун ЎзССЖ Ижтимоий таъминот вазирлигига маблағ ажратсин.
4. Қорақалпоғистон МССЖ Вазирлар Кенгаши, вилоят ижроия қўмиталари ва Тошкент шаҳар ижроия қўмитаси, ЎзССЖ Молия вазирлиги, ЎзССЖ Ижтимоий таъминот вазирлиги, ЎзССЖ Соғлиқни сақлаш вазирлиги, ЎзССЖ Савдо вазирлиги, ЎзССЖ Уй-жой-коммунал хўжалиги вазирлиги, ЎзССЖ Автомобиль транспорти вазирлиги ва Ўзбекбирлашув 1991 йилнинг 1 июлидан бошлаб юқорида кўрсатилган Фармонда кўзда тутилган имтиёзларнинг ёлғиз пенсионерларга ўз вақтида ва тўла ҳажмда берилишини таъминласинлар.
5. Қорақалпоғистон МССЖ Вазирлар Кенгаши, вилоят ижроия қўмиталари ва Тошкент шаҳар ижроия қўмитаси ўта муҳтож ёлғиз пенсионерлар ва ногиронларни уй билан таъминлаш учун уларга давлат уй-жой фондидаги бўшаётган уйлардан биринчи навбатда тураржой майдони ажратишни назарда тутсинлар.
Вазирлар Маҳкамасининг Раиси И. КАРИМОВ
Тошкент ш.,
1991 йил 28 май,
145-сон
Вазирлар Маҳкамасининг 1991 йил 28 майдаги 145-сон қарорига
1-ИЛОВА
1-ИЛОВА
Ўзгалар парваришига муҳтож ёлғиз пенсионерларга имтиёзлар бериш тартиби тўғрисида
НИЗОМ
1. Ўзбекистон ССЖ Президентининг 1991 йил 27 майдаги Фармонида белгиланган имтиёзли ҳуқуқлардан ўзгалар парваришига муҳтож ёлғиз пенсионерлар, шу жумладан, ногиронлар ҳам фойдаланадилар.
Олдинги таҳрирга қаранг.
2. Мазкур Фармонга мувофиқ имтиёзли ҳуқуқлардан фойдаланувчиларнинг номма-ном рўйхати ноҳия (шаҳар) Ўзбекистон Республикаси Меҳнат ва аҳолини ижтимоий муҳофаза қилиш вазирлигининг Бандликка кўмаклашиш ва аҳолини ижтимоий муҳофаза қилиш марказлари томонидан туман (шаҳар) ҳокимлиги билан биргаликда тузилади.
(2-банд Ўзбекистон Республикаси Вазирлар Маҳкамасининг 2011 йил 23 августдаги 240-сонли қарори таҳририда — ЎР ҚҲТ, 2011 й., 34-35-сон, 348-модда)
Олдинги таҳрирга қаранг.
3. Пенсия гувоҳномасидаги махсус қўшимча варақ юқоридаги Фармонда белгиланган имтиёзлардан фойдаланиш ҳуқуқини берувчи ҳужжат ҳисобланади. Бу қўшимча варақ Ўзбекистон Республикаси Меҳнат ва аҳолини ижтимоий муҳофаза қилиш вазирлигининг Бандликка кўмаклашиш ва аҳолини ижтимоий муҳофаза қилиш марказларининг муҳри ва масъул шахси имзоси билан тасдиқланган бўлади.
(3-банд Ўзбекистон Республикаси Вазирлар Маҳкамасининг 2011 йил 23 августдаги 240-сонли қарори таҳририда — ЎР ҚҲТ, 2011 й., 34-35-сон, 348-модда)
Олдинги таҳрирга қаранг.
(4-банд Ўзбекистон Республикаси Вазирлар Маҳкамасининг 2001 йил 18 апрелдаги 178-сонли қарорига мувофиқ ўз кучини йўқотган — ЎР ҚҲТ, 2001 й., 8-сон, 40-модда)
5. Пенсия гувоҳномаси ва унга қўшимча варақ жамоат транспортида (таксидан ташқари) бепул юриш ҳуқуқини берувчи ҳужжат ҳисобланади.
LexUZ шарҳи5-банднинг шаҳар транспортида текин юришга таалуқли қисми Ўзбекистон Республикаси Вазирлар Маҳкамасининг 1997 йил 30 январдаги «Ўзбекистон Республикaси Ҳукуматининг баъзи қарорларини ўзгартириш ва ўз кучини йўқотган деб ҳисоблаш тўғрисида»ги қарорига мувофиқ ўз кучини йўқотган.
Олдинги таҳрирга қаранг.
(6-банд Ўзбекистон Республикаси Вазирлар Маҳкамасининг 2013 йил 22 июлдаги 204-сонли қарорига асосан ўз кучини йўқотган — ЎР ҚҲТ, 2013 й., 30-сон, 387-модда)
7. Пенсия гувоҳномаси ва унга қўшимча варақ асосида яшаш жойи бўйича биркитилган ёлғиз пенсионерларга хизмат кўрсатувчи дўконда тасдиқланган рўйхатдаги молларни белгиланган миқдорда бепул бериш учун улар рўйхатга олинадилар ва шу мақсадлар учун тутилган махсус дафтарга ёзиб қўйиладилар.
Бир ой ўтиши билан савдо ташкилоти кўрсатилган тоифадаги пенсионерларга берилган молларнинг ҳақиқий қиймати тўғрисида, уларнинг қийматини қоплаш учун, тегишли ноҳия, шаҳар молия бўлимига йиғма рўйхат тақдим этади.
Ноҳия, шаҳар молия бўлимлари тақдим этилган рўйхатларни 10 кун муддат ичида кўриб чиқадилар ва тегишли суммаларни тегишли корхоналарнинг счётларига ўтказадилар.
Вазирлар Маҳкамасининг 1991 йил 28 майдаги 145-сон қарорига
2-ИЛОВА
2-ИЛОВА
Ўзгалар парваришига муҳтож ёлғиз пенсионерларни белгиланган нормада бепул таъминлаш учун энг зарур молларнинг
РЎЙХАТИ
| № |
Молларнинг номи |
Ўлчов бирлиги |
1 бирликнинг (сўм, тийин) | Бир ойда 1 кишига бериладиган минимал | Суммаси (сўм, тийин) |
| 1. | Ун |
кг |
ўртача 0-34 | 3,0 | 1-02 |
| 2. | Ўсимлик мойи |
л |
2-80 | 0,5 | 1-40 |
| 3. | Макарон маҳсулотлари |
кг |
0-84 | 0,25 | 0-21 |
| 4. | Гуруч |
кг |
2-20 | 0,8 | 1-76 |
| 5. | Чой |
кг |
12-00 | 0,1 | 1-20 |
| 6. | Тухум |
дона |
0-26 | 10,0 | 2-60 |
| 7. | Қанд-шакар |
кг |
2-00 | 0,8 | 1-40 |
| 8. | Синтетик ва ювиш воситалари |
г |
— | 200 | 0-43 |
| |
Жами |
| | 11 -00 гача |
LexUZ шарҳиМазкур рўйхатга Ўзбекистон Республикаси Президенти ҳузуридаги Вазирлар Маҳкамасининг 1992 йил 22 январдаги «Эркин нархлар жорий этилиши муносабати билан талабалар, ўқувчи ёшлар, ўзгаларнинг қарамоғига муҳтож бўлган ёлғиз пенсионерлар ва меҳнаткашларнинг имтиёзли умумий овқатланишини ташкил этиш юзасидан қўшимча чора-тадбирлар ҳақида»ги қарорига мувофиқ қўшимча киритилган.
