|
Ҳужжат кучини йўқотган 01.08.2018
|
Ўзбекистон Республикаси Президентининг
Қарори
ЎЗБЕКИСТОН РЕСПУБЛИКАСИ ҚИШЛОҚ ВА СУВ ХЎЖАЛИГИ ВАЗИРЛИГИ МАРКАЗИЙ АППАРАТИ ТУЗИЛМАСИГА ЎЗГАРТИШ КИРИТИШ ТЎҒРИСИДА
LexUZ шарҳиМазкур қарор Ўзбекистон Республикаси Президентининг 2018 йил 1 августдаги ПФ-5497-сонли «Ўзбекистон Республикаси Президентининг айрим ҳужжатларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг 2018 йил 17 апрелдаги ПФ-5418-сонли «Қишлоқ ва сув хўжалиги давлат бошқаруви тизимини тубдан такомиллаштириш чора-тадбирлари тўғрисида»ги Фармони ва Ўзбекистон Республикаси Президентининг 2018 йил 17 апрелдаги ПҚ-3671-сонли «Ўзбекистон Республикаси Қишлоқ хўжалиги вазирлиги фаолиятини ташкил этиш чора-тадбирлари тўғрисида» ҳамда 2018 йил 17 апрелдаги ПҚ-3672-сонли «Ўзбекистон Республикаси Сув хўжалиги вазирлиги фаолиятини ташкил этиш чора-тадбирлари тўғрисида»ги қарорлари)» Фармонига асосан ўз кучини йўқотган.
Ўзбекистон Республикаси Қишлоқ ва сув хўжалиги вазирлиги марказий аппарати тузилмасини янада такомиллаштириш мақсадида:
1. Ўзбекистон Республикаси қишлоқ ва сув хўжалиги вазирининг қишлоқда иқтисодий ислоҳотлар масалалари бўйича биринчи ўринбосари ва Ўзбекистон Республикаси қишлоқ ва сув хўжалиги вазирининг агротехнологиялар масалалари бўйича ўринбосари лавозимлари тугатилсин.
2. Ўзбекистон Республикаси қишлоқ ва сув хўжалиги вазирининг агротехнологиялар масалалари бўйича биринчи ўринбосари ва Ўзбекистон Республикаси қишлоқ ва сув хўжалиги вазирининг қишлоқда иқтисодий ислоҳотлар масалалари бўйича ўринбосари лавозимлари киритилсин.
3. Ўзбекистон Республикаси Қишлоқ ва сув хўжалиги вазирлигининг янги марказий аппарати тузилмаси иловага* мувофиқ тасдиқлансин.
* Илова рус тилидаги матнда берилган.
4. Мазкур қарорнинг ижросини назорат қилиш Ўзбекистон Республикаси Бош вазири Ш.М. Мирзиёев зиммасига юклансин.
Ўзбекистон Республикаси Президенти И. КАРИМОВ
Тошкент ш.,
2009 йил 15 апрель,
ПҚ-1098-сон
(Ўзбекистон Республикаси қонун ҳужжатлари тўплами, 2009 й., 16-сон, 201-модда)
