1196-1-сон 11.07.2008. «Жисмоний шахслар томонидан Ўзбекистон Республикаси ҳудудига чегарадош давлатлар ҳудудидан шахсий фойдаланиш учун божсиз олиб кириладиган истеъмол товарларининг чекланган миқдорий нормаларини тасдиқлаш тўғрисида»ги қарорига ўзгартиришлар киритиш ҳақида

Ҳужжат кучини йўқотган 10.10.2009

ЎЗБЕКИСТОН РЕСПУБЛИКАСИ МОЛИЯ ВАЗИРЛИГИ
ЎЗБЕКИСТОН РЕСПУБЛИКАСИ ТАШҚИ ИҚТИСОДИЙ АЛОҚАЛАР, ИНВЕСТИЦИЯЛАР ВА САВДО ВАЗИРЛИГИ
ЎЗБЕКИСТОН РЕСПУБЛИКАСИ ДАВЛАТ БОЖХОНА ҚЎМИТАСИНИНГ

ҚАРОРИ

«ЖИСМОНИЙ ШАХСЛАР ТОМОНИДАН ЎЗБЕКИСТОН РЕСПУБЛИКАСИ ҲУДУДИГА ЧЕГАРАДОШ ДАВЛАТЛАР ҲУДУДИДАН ШАХСИЙ ФОЙДАЛАНИШ УЧУН БОЖСИЗ ОЛИБ КИРИЛАДИГАН ИСТЕЪМОЛ ТОВАРЛАРИНИНГ ЧЕКЛАНГАН МИҚДОРИЙ НОРМАЛАРИНИ ТАСДИҚЛАШ ТЎҒРИСИДА»ГИ ҚАРОРИГА ЎЗГАРТИРИШЛАР КИРИТИШ ҲАҚИДА

[Ўзбекистон Республикаси Адлия вазирлиги томонидан 2008 йил 11 июлда 1196-1-сон билан давлат рўйхатидан ўтказилди]

LexUZ шарҳи

Мазкур қарор Ўзбекистон Республикаси Молия вазирлиги, Ўзбекистон Республикаси Ташқи иқтисодий алоқалар, инвестициялар ва савдо вазирлиги ҳамда Ўзбекистон Республикаси Давлат Божхона қўмитасининг 2009 йил 9 сентябрдаги 86, ЭГ-01/10-5948 ва 01-02/8-19-сонли «Жисмоний шахслар томонидан Ўзбекистон Республикаси ҳудудига чегарадош давлатлар ҳудудидан шахсий фойдаланиш учун божсиз олиб кириладиган истеъмол товарларининг чекланган миқдорий нормаларини тасдиқлаш тўғрисида»ги қарор ва унга ўзгартиришларни ўз кучини йўқотган деб топиш тўғрисида»ги (рўйхат рақами 1196-2, 30.09.2009 й.) қарорига мувофиқ ўз кучини йўқотган

Ўзбекистон Республикаси «Давлат божхона хизмати тўғрисида»ги Қонунининг 6 ва 7-моддаларига ва Ўзбекистон Республикаси Вазирлар Маҳкамасининг 2002 йил 4 декабрдаги 425-сонли «Истеъмол товарлари импортини тартибга солишни янада такомиллаштириш чора-тадбирлари тўғрисида»ги қарорга мувофиқ, Ўзбекистон Республикаси Молия вазирлиги, Ташқи иқтисодий алоқалар, инвестициялар ва савдо вазирлиги ва Давлат божхона қўмитаси қарор қилади:

1. Ўзбекистон Республикаси Молия вазирлиги, Ташқи иқтисодий алоқалар агентлиги ва Давлат божхона қўмитасининг 2002 йил 28 декабрдаги 141, ХИ-01/12-4998 ва 01-02/8-52-сонли «Жисмоний шахслар томонидан Ўзбекистон Республикаси ҳудудига чегарадош давлатлар ҳудудидан шахсий фойдаланиш учун божсиз олиб кириладиган истеъмол товарларининг чекланган миқдорий нормаларини тасдиқлаш тўғрисида»ги қарорига (2002 йил 28 декабрь, рўйхат рақами 1196) иловага* мувофиқ ўзгартиришлар киритилсин.

* Илова рус тилидаги матнда берилган.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Молия вазири Р. АЗИМОВ

Тошкент ш.,

2008 йил 11 июль,

74-сон

Ташқи иқтисодий алоқалар, инвестициялар ва савдо вазири Э. ҒАНИЕВ

Тошкент ш.,

2008 йил 11 июль,

ЭГ-01/19-4543-сон

Давлат божхона қўмитаси раиси С. НОСИРОВ

Тошкент ш.,

2008 йил 11 июль,

01-02/20-48-сон

(Ўзбекистон Республикаси қонун ҳужжатлари тўплами, 2008 й., 29-30-сон, 283-модда)