Ўзбекистон Республикаси Олий судининг тузилмасини такомиллаштириш ва суд-ҳуқуқ ислоҳотларини янада чуқурлаштириш мақсадида ҳамда Ўзбекистон Республикаси «Судлар тўғрисида»ги Қонунининг 78-моддасига асосан:

1. Ўзбекистон Республикаси Олий судининг тузилмасига Олий суд раисининг ўринбосари лавозими киритилсин.

2. Ўзбекистон Республикаси Олий судининг тузилиши ва штатлар бирлигининг сони 1 ва 2-иловаларга мувофиқ тасдиқлансин.

3. Ўзбекистон Республикаси Молия вазирлиги ва Олий суди Ўзбекистон Республикаси Олий судининг харажатлар сметаси ва штат жадвалига тегишли ўзгартиришлар киритсин.

4. Ўзбекистон Республикаси Президентининг 2002 йил 6 февралдаги ПФ-3023-сонли «Ўзбекистон Республикаси Олий судининг фаолиятини такомиллаштириш тўғрисида»ги Фармонининг 1 ва 2-иловалари ўз кучини йўқотган деб ҳисоблансин.

5. Мазкур Фармоннинг бажарилишини назорат қилиш Ўзбекистон Республикаси Президентининг Давлат маслаҳатчиси Т.Худайбергенов зиммасига юклатилсин.