toggle_night_mode
Ҳужжат кучини йўқотган 13.04.2022
Ўзбекистон Республикаси Олий Кенгашининг
Қарори
«БАНКРОТЛИК ТЎҒРИСИДА»ГИ ЎЗБЕКИСТОН РЕСПУБЛИКАСИ ҚОНУНИНИ АМАЛГА КИРИТИШ ТАРТИБИ ТЎҒРИСИДА
 LexUZ шарҳи
Мазкур қарор Ўзбекистон Республикаси 2022 йил 12 апрелдаги ЎРҚ-763-сонли «Тўловга қобилиятсизлик тўғрисида»ги Қонунига асосан ўз кучини йўқотган.
 LexUZ шарҳи
Мазкур Қарор Ўзбекистон Республикасининг 1998 йил 28 августдаги 668-I-сонли «Банкротлик тўғрисида»ги Ўзбекистон Республикаси Қонунига ўзгартишлар ва қўшимчалар киритиш ҳақида»ги Қонуни қабул қилиниши муносабати билан амалда ўз аҳамиятини йўқотган.
Ўзбекистон Республикаси Олий Кенгаши қарор қилади:
1. «Банкротлик тўғрисида»ги Ўзбекистон Республикаси Қонуни матбуотда эълон қилинган кундан эътиборан амалга киритилсин.
 LexUZ шарҳи
«Банкротлик тўғрисида»ги Ўзбекистон Республикаси Қонуни «Халқ сўзи» газетасининг 1994 йил 26 майдаги 102 (850)-сонида эълон қилинган.
2. Ўзбекистон Республикаси Вазирлар Маҳкамаси икки ойлик муддат ичида:
Ўзбекистон Республикаси Олий Кенгашига қонунларни «Банкротлик тўғрисида»ги Ўзбекистон Республикаси Қонунига мувофиқлаштириш ҳақида таклифлар киритсин;
Ҳукуматнинг қарорларини «Банкротлик тўғрисида»ги Ўзбекистон Республикаси Қонунига мувофиқлаштирсин, республика вазирликлари, давлат қўмиталари ва идоралари ўзларининг мазкур Қонунга зид бўлган норматив ҳужжатларини қайта кўриб чиқиши ва бекор қилишини таъминласин.
3. Белгилаб қўйилсинки, қонунлар «Банкротлик тўғрисида»ги Ўзбекистон Республикаси Қонунига мувофиқлаштирилгунга қадар амалдаги қонун ҳужжатларининг мазкур Қонунга зид бўлмаган қисми қўлланилаверади.
Ўзбекистон Республикаси Олий Кенгаши Раиси вазифасини бажарувчи Э. ХАЛИЛОВ
Тошкент ш.,
1994 йил 5 май,
1055-XII-сон
(Ўзбекистон Республикаси Олий Кенгашининг Ахборотномаси, 1994 й., 5-сон, 131-модда)