Ўзбекистон Республикаси Вазирлар Маҳкамасининг «Ўзбекистон Республикаси темир йўлларда юк ва йўловчилар ташиш хавфсизлигини назорат қилиш Давлат инспекцияси фаолиятини такомиллаштириш чора-тадбирлари тўғрисида»ги 2004 йил 2 мартдан 101-сон қарорининг 1-бандига асосан буюраман:

1. Илова* қилинаётган «Вазирликлар, идоралар, муассасалар, корхоналар ва ташкилотларда темир йўл транспорти соҳасида фаолият олиб борувчи ходимларнинг техник фойдаланиш қоидалари ҳамда йўриқномаларни билишини комиссия тузиб текширишни амалга ошириш бўйича низом» тасдиқлансин.

2. Ушбу буйруқ Адлия вазирлигида давлат рўйхатидан ўтказилгандан кейин ўн кун ўтгач кучга киритилсин.

3. «Ўздавтемирйўлназорат» инспекцияси бошлиғининг «Корхона ва ташкилотларнинг ўз фаолиятини темир йўл транспорти соҳасида амалга оширувчи ходимларининг техник фойдаланиш қоидалари, йўриқномалар талабларини билишини комиссия тузиб текшириш тўғрисидаги» 2004 йил 10 июндаги ГИ 1/6-7-9-сон кўрсатмаси, ушбу буйруқ кучга киргач ўз кучини йўқотган деб ҳисоблансин.