215-сон 16.10.2006. Устав фондида давлат улуши бўлган корхоналарнинг самарали бошқарилишини ва давлат мулкининг зарур даражада ҳисобга олинишини таъминлаш чора-тадбирлари тўғрисида

Ҳужжат 16.10.2006 санаси ҳолатига
Амалдаги версияга ўтиш

Ўзбекистон Республикаси Вазирлар Маҳкамасининг

қарори

Устав фондида давлат улуши бўлган корхоналарнинг самарали бошқарилишини ва давлат мулкининг зарур даражада ҳисобга олинишини таъминлаш чора-тадбирлари тўғрисида

Ўзбекистон Республикаси Президентининг «Ўзбекистон Республикаси Давлат мулки қўмитаси фаолиятини такомиллаштиришга доир чора-тадбирлар тўғрисида» 2006 йил 26 апрелдаги ПҚ-335-сон ва «Қимматли қоғозлар бозорини янада ривожлантириш чора-тадбирлари тўғрисида» 2006 йил 27 сентябрдаги ПҚ-475-сон қарорларига мувофиқ, шунингдек давлат мулкидан фойдаланиш самарадорлигини ошириш, инвестицияларни жалб этиш учун шарт-шароитлар яратиш мақсадида Вазирлар Маҳкамаси қарор қилади:

1. Қуйидагилар:

Давлат корхоналари тўғрисидаги низом 1-иловага мувофиқ;

Кейинги таҳрирга қаранг.

Корхоналардаги ички аудит хизмати тўғрисидаги низом 2-иловага мувофиқ;

Акциялар (улушлар) давлат пакетларини ишончли бошқарувга бериш тартиби тўғрисидаги низом 3-иловага мувофиқ тасдиқлансин.

2. Ўзбекистон Республикаси Давлат мулки қўмитаси:

икки ой муддатда Давлат мулки қўмитаси ҳузуридаги Республика бизнес-мактабида корхоналарнинг стратегик режалаштириш, молия менежменти, сотиш бозорини сегментлаштириш масалалари ва бошқа йўналишлар бўйича ўрта ва юқори бўғин менежерларини, шунингдек корхоналарнинг ички аудити хизматлари ходимларини тайёрлаш бўйича ўқув-амалий дастурни жорий этсин;

икки ой муддатда Ўзбекистон Республикаси Давлат корхоналари ва муассасаларини ҳисобга олиш ва уларнинг реестрини юритиш тўғрисидаги низомни ишлаб чиқсин ва белгиланган тартибда тасдиқласин.

3. Ўзбекистон Республикаси Давлат мулки қўмитаси манфаатдор вазирликлар ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда ушбу қарорнинг асосий қоидалари бўйича кенг тушунтириш ишларини ташкил қилсин.

4. Ўзбекистон Республикаси Ҳукуматининг 4-иловага мувофиқ айрим қарорлари ўз кучини йўқотган деб ҳисоблансин.

5. Вазирлар Маҳкамасининг «Хусусийлаштирилган корхоналарни корпоратив бошқаришни такомиллаштириш чора-тадбирлари тўғрисида» 2003 йил 19 апрелдаги 189-сон қарорига (Ўзбекистон Республикаси ҚТ, 2003 й., 4-сон, 32-модда) 5-иловага мувофиқ ўзгартиришлар киритилсин.

6. Вазирликлар ва идоралар бир ой муддатда ўз норматив ҳужжатларини ушбу қарорга мувофиқлаштирсинлар.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.

Ўзбекистон Республикасининг Бош вазири Ш. МИРЗИЁЕВ

Тошкент ш.,

2006 йил 16 октябрь,

215-сон

Вазирлар Маҳкамасининг
2006 йил 16 октябрдаги 215-сон қарорига
1-ИЛОВА

Давлат корхоналари тўғрисида

НИЗОМ

I. Умумий қоидалар

1. Ушбу Низом Ўзбекистон Республикасининг Фуқаролик кодексига ва бошқа қонун ҳужжатларига мувофиқ давлат корхонасининг ҳуқуқий мақомини, давлат корхонасини, унинг филиаллари ва ваколатхоналарини ташкил этиш ва уларнинг фаолияти хусусиятларини, муассиснинг, ижро этувчи органнинг ҳуқуқ ва мажбуриятларини, давлат корхонаси билан унинг муассиси ўртасидаги мулкий муносабатларни белгилайди.

Кейинги таҳрирга қаранг.

2. Ушбу Низомда қуйидаги асосий тушунчалардан фойдаланилади:

давлат корхонаси — давлат мулкидаги, ўзига тезкорлик билан бошқариш учун берилган мулк негизида ташкил этилган давлат унитар корхонаси шаклидаги тижорат ташкилотидир, у ўзига биркитилган мулкдан қонунда белгиланган доирада, ўз фаолияти мақсадларига, мулкдорнинг (ёки унинг топшириғига кўра у ваколат берган давлат органи — муассиснинг) топшириқларига ҳамда эгалик қилиш ҳуқуқидаги мулкнинг мақсадига мувофиқ мулкдан фойдаланишни ва уни тасарруф этишни амалга оширади;

давлат корхонасининг муассиси (кейинги ўринларда муассис деб аталади) — давлат бошқарув органи, ушбу органлар мақомини белгилайдиган ҳужжатларга мувофиқ белгиланган уларнинг ваколати доирасида давлат корхонасини таъсис этишга вакил қилинган маҳаллий давлат ҳокимияти органлари.

Кейинги таҳрирга қаранг.

3. Давлат корхонаси алоҳида мол-мулкка, мустақил балансга, банк ҳисоб рақамларига, шу жумладан валюта ҳисоб рақамларига, рамзи, штамплари ва бланкаларига, Ўзбекистон Республикаси Давлат герби тасвири туширилган, ўзининг фирма номи давлат тилида ёзилган муҳрга эга бўлади. Давлат корхонасининг фирма номида «давлат корхонаси» сўзлари бўлиши керак.

Давлат корхонаси қонун ҳужжатларида белгиланган тартибда ўз номидан мулкий ва шахсий номулкий ҳуқуқларни олиши ва амалга ошириши, мажбуриятлар олиши, судда даъвогар ва жавобгар бўлиши мумкин.

Кейинги таҳрирга қаранг.

4. Давлат корхонаси муассис розилиги билан қонун ҳужжатларига мувофиқ тижорат ташкилотлари, шунингдек уларда юридик шахсларнинг қатнашишига йўл қўйиладиган нотижорат ташкилотлар қатнашчиси (аъзоси) бўлиши мумкин.

Кейинги таҳрирга қаранг.

Давлат корхонаси давлатнинг бошқа корхонаси муассиси бўлишга ҳақли эмас.

5. Ўзбекистон Республикаси Президентининг ёки Ўзбекистон Республикаси Вазирлар Маҳкамасининг қарори билан ташкил этилган давлат корхонаси фаолиятнинг лицензияланадиган турини лицензия олмасдан, тегишли лицензияловчи орган билан тузиладиган лицензия битими асосида амалга оширади.

Кейинги таҳрирга қаранг.

II. Давлат корхонасини таъсис этиш хусусиятлари

6. Қуйидагиларнинг:

Ўзбекистон Республикаси Президентининг;

Ўзбекистон Республикаси Вазирлар Маҳкамасининг;

давлат бошқаруви органининг;

маҳаллий давлат ҳокимияти органининг қарорлари давлат корхонасини таъсис этиш учун асос ҳисобланади.

Кейинги таҳрирга қаранг.

7. Давлат корхонаси, агар уни ташкил этиш тўғрисидаги қарорда бошқача қоида белгиланмаган бўлса, фаолият кўрсатиш муддати чекланмаган ҳолда ташкил этилади.

8. Муассис томонидан тасдиқланган ва қонун ҳужжатларида белгиланган тартибда тегишли давлат органларида рўйхатга олинган устав давлат корхонасининг таъсис ҳужжати ҳисобланади.

Кейинги таҳрирга қаранг.

9. Давлат корхонаси уставида қуйидаги маълумотлар бўлиши керак:

фирма номи, жойлашган жойи (почта манзили);

фаолиятининг предмети ва мақсади;

давлат корхонаси фаолиятини бошқариш тартиби;

устав фондининг миқдори, уни шакллантириш тартиби ва манбалари;

устав фондини кўпайтириш ва камайтириш тартиби;

ушбу Низомнинг 17-бандига мувофиқ мулкни тасарруф этиш шартлари;

даромад (фойда)ни тақсимлаш ва зарарларни қоплаш тартиби;

захира фондини ва бошқа фондларни ташкил этиш тартиби;

раҳбарнинг ҳуқуқлари, мажбуриятлари ва жавобгарлиги;

Кейинги таҳрирга қаранг.

йиллик ҳисоботларни тузиш, текшириш ва тасдиқлаш тартиби;

Кейинги таҳрирга қаранг.

давлат корхонасини қайта ташкил этиш ва тугатиш тартиби.

Жамият уставида қонун ҳужжатларига зид бўлмаган бошқа қоидалар бўлиши мумкин.

Кейинги таҳрирга қаранг.

10. Давлат бошқаруви органлари ёки маҳаллий давлат ҳокимияти органлари томонидан таъсис этилган давлат корхоналари давлат рўйхатидан ўтказилгандан, тегишли кадастр ҳужжатлари расмийлаштирилгандан кейин бир ҳафта муддатда тегишли равишда Ўзбекистон Республикаси Давлат мулки қўмитасига ёки унинг ҳудудий бошқармасига:

Кейинги таҳрирга қаранг.

давлат корхонаси ташкил этиш тўғрисидаги қарорнинг;

корхонанинг рўйхатдан ўтказилган устави нусхасини тақдим этадилар.

Кўрсатиб ўтилган корхоналар устав фондини шакллантириш тугагандан кейин бир ҳафта муддатда тегишли равишда Давлат мулки қўмитасига ёки унинг ҳудудий бошқармаларига давлат мулкини топшириш — қабул қилиб олиш ҳужжатлари нусхаларини ҳам тақдим этадилар.

Кейинги таҳрирга қаранг.

11. Давлат корхонаси уставига ўзгартиришлар муассиснинг қарорига кўра киритилади ва белгиланган тартибда давлат рўйхатидан ўтказилади.

Давлат корхонаси уставга киритилган ўзгартириш ва қўшимчалар рўйхатдан ўтказилгандан кейин бир ҳафта муддатда бу тўғрида тегишли равишда Ўзбекистон Республикаси Давлат мулки қўмитасини ёки унинг ҳудудий бошқармасини хабардор қилиши шарт.

Кейинги таҳрирга қаранг.

III. Муассиснинг ҳуқуқ ва мажбуриятлари

12. Муассис қонун ҳужжатларида белгиланган тартибда қуйидаги ҳуқуқларга эга;

Кейинги таҳрирга қаранг.

давлат корхонаси фаолиятининг мақсади, предмети, турларини белгилаш ;

ўзи таъсис этган давлат корхонаси уставига ўзгартириш ва қўшимчалар киритиш ;

давлат корхонаси раҳбари билан тузилган меҳнат шартномасини меҳнат тўғрисидаги қонун ҳужжатларида белгиланган тартибда муддатидан олдин тўхтатиш;

Кейинги таҳрирга қаранг.

давлат корхонасини қайта ташкил этиш ёки тугатиш тўғрисида қарор қабул қилиш, тугатиш комиссиясини тайинлаш ва тугатиш балансларини тасдиқлаш;

давлат корхонаси мулкига оид битишувларни ҳақиқий эмас деб эътироф этиш тўғрисидаги даъво билан судга мурожаат қилиш;

давлат корхонасининг ортиқча, фойдаланилмаётган ёхуд белгиланган мақсадда фойдаланилмаётган мулкини олиб қўйиш ва уларни тасарруф этиш;

зарурат бўлганда Вазирлар Маҳкамасига давлат корхонасини хусусийлаштириш ёки давлат тасарруфидан чиқариш бўйича таклифлар киритиш;

давлат корхонасига етказилган зарарларни ундириш тўғрисида давлат корхонаси раҳбарига нисбатан даъво тақдим этиш;

Кейинги таҳрирга қаранг.

корхона уставига мувофиқ корхонага ўзи берган мулкдан фойдаланишдан тушган соф фойданинг бир қисмини ёки ҳаммасини олиш.

Кейинги таҳрирга қаранг.

13. Муассис қуйидагиларга мажбур:

давлат корхонаси раҳбарини тайинлаш, меҳнат тўғрисидаги қонун ҳужжатларига мувофиқ унинг билан меҳнат шартномаси тузиш;

Кейинги таҳрирга қаранг.

давлат корхонаси давлат рўйхатидан ўтказилган вақтдан бошлаб уч ой мобайнида корхонанинг устав фондини унга давлат мулкини тезкорлик билан бошқариш учун бериш йўли билан шакллантириш;

ҳар йили корхонанинг бизнес-режасини тасдиқлаш, ҳар чоракда ижро этувчи органнинг унинг бажарилиши ҳақидаги ҳисоботини эшитиш;

Кейинги таҳрирга қаранг.

давлат корхонасининг ижро этувчи органига ушбу Низомнинг 17-бандига мувофиқ мулкни тасарруф этиш учун рухсатномалар бериш тўғрисидаги қарорни тегишли равишда Давлат мулки қўмитаси ёки унинг ҳудудий бошқармаси билан келишиш;

Кейинги таҳрирга қаранг.

корхонага берилган давлат мулкидан мақсадли фойдаланилишини ва сақланишини, шунингдек унинг бегоналаштирилишини назорат қилиш;

Кейинги таҳрирга қаранг.

IV. Давлат корхонасининг мулки

14. Давлат корхонасининг мулки:

муассис томонидан давлат корхонасига тезкор бошқариш ҳуқуқи билан биркитилган мулк;

давлат корхонасининг ўз фаолиятидан олинган даромадлари;

Кейинги таҳрирга қаранг.

қонун ҳужжатларига зид бўлмаган бошқа манбалар ҳисобига шакллантирилади.

Кейинги таҳрирга қаранг.

Давлат корхонаси мулкининг қиймати корхонанинг мустақил балансида акс эттирилади.

15. Ташкил этилган давлат корхонасида давлат мулкини тезкор бошқариш ҳуқуқи топшириш — қабул қилиб олиш далолатномаси корхона раҳбари ва муассис томонидан имзоланган вақтдан бошлаб пайдо бўлади.

16. Давлат корхонаси мулки бўлинмас мулк ҳисобланади ва қўшилган ҳиссалар (улушлар, пайлар) бўйича, шу жумладан давлат корхонаси ходимлари ўртасида тақсимланиши мумкин эмас.

17. Давлат корхонаси мулкини тасарруф этиш қуйидаги ҳолларда давлат корхонасининг ижро этувчи органи томонидан муассис билан келишган ҳолда амалга оширилади:

асосий воситаларни сотиш, уларни ижарага ёки гаровга топшириш;

Кейинги таҳрирга қаранг.

мулкни хўжалик жамияти устав фондига улуш сифатида қўшиш;

Кейинги таҳрирга қаранг.

хўжалик жамиятларининг акциялари (улушлари)ни сотиб олиш;

хўжалик жамиятларидаги давлат корхонасига тегишли акциялар (улушлар)ни сотиш;

Кейинги таҳрирга қаранг.

мулкни давлат корхонаси фаолияти мақсадларига мувофиқ бўлмаган бошқача тарзда тасарруф этиш.

Кейинги таҳрирга қаранг.

V. Давлат корхонаси раҳбарининг мажбуриятлари ва жавобгарлиги

18. Давлат корхонаси раҳбари давлат корхонасининг якка ижро этувчи органи ҳисобланади ва корхона олдига қўйилган вазифаларнинг бажарилишини ташкил этади, корхона номидан ишончномасиз фаолият кўрсатади, шу жумладан унинг манфаатларини ифодалайди, давлат корхонаси номидан битишувларни белгиланган тартибда амалга оширади, ходимларни ишга қабул қилади, улар билан меҳнат шартномаларини тузади, ўзгартиради ва тўхтатади, буйруқлар чиқаради, қонун ҳужжатларида белгиланган тартибда ишончномалар беради.

Кейинги таҳрирга қаранг.

Давлат корхонаси ходимларининг штат бўйича сони ва уларнинг иш ҳақи миқдорлари раҳбар томонидан муассис билан келишган ҳолда тасдиқланади.

19. Давлат корхонаси раҳбари муассис олдида корхона уставида белгиланган тартибда корхона фаолияти тўғрисида ҳисоб беради.

Кейинги таҳрирга қаранг.

20. Давлат корхонасининг раҳбари ўз ҳуқуқларини амалга оширишда ва вазифаларини бажаришда давлат корхонаси манфаатларини кўзлаб ҳаракат қилиши керак ҳамда бюджетга ва бюджетдан ташқари фондларга тўловларнинг, иш ҳақининг ўз вақтида тўланиши, меҳнат ҳуқуқлари ва муносабатларидан ҳамда уларга тенглаштирилган тўловлардан келиб чиқадиган барча талабларнинг қондирилиши, ишлаб чиқариш фаолияти билан бевосита боғлиқ бўлган эҳтиёжлар учун пул маблағларининг ўтказилмаганлиги, ўзининг ҳаракати (ҳаракатсизлиги) туфайли, шу жумладан корхонага берилган давлат мулки йўқолган тақдирда давлат корхонасига етказилган зарарлар учун қонун ҳужжатларида белгиланган тартибда жавоб беради.

Кейинги таҳрирга қаранг.

VI. Давлат корхонасининг филиаллари ва ваколатхоналари

21. Давлат корхонаси муассис билан келишув бўйича, қонун ҳужжатлари талабларига риоя қилган ҳолда филиаллар ташкил этиши ва ваколатхоналар очиши мумкин.

Кейинги таҳрирга қаранг.

Филиал ёки ваколатхона ташкил этилгандан кейин бир ҳафта муддатда давлат корхонаси бу тўғрида Ўзбекистон Республикаси Давлат мулки қўмитасини (унинг ҳудудий бошқармасини) хабардор қилиши шарт.

Кейинги таҳрирга қаранг.

22. Давлат корхонасининг филиаллари ва ваколатхоналари уларни ташкил этган давлат корхонаси номидан, давлат корхонаси томонидан тасдиқланган низомлар асосида фаолият кўрсатади ва уни ташкил этган давлат корхонаси мулкига эга бўлади.

23. Давлат корхонаси филиали ёки ваколатхонаси раҳбари давлат корхонасининг раҳбари томонидан муассис билан келишган ҳолда тайинланади ва унинг ишончномаси асосида фаолият кўрсатади. Филиал ёки ваколатхона раҳбари билан тузилган меҳнат шартномаси тўхтатилган тақдирда ишончнома давлат корхонаси раҳбари томонидан бекор қилиниши керак.

VII. Давлат корхонасининг фойдаси

24. Бюджетга ва бюджетдан ташқари фондларга барча солиқлар ва бошқа мажбурий тўловлар тўлангандан кейин давлат корхонасида қоладиган соф фойда корхона ихтиёрида қолади ҳамда ундан муассис қарорига кўра фойдаланилади.

Кейинги таҳрирга қаранг.

25. Давлат корхонаси ўз ихтиёрида қоладиган соф фойда ҳисобига корхона уставида назарда тутилган тартибда ва муассис томонидан тасдиқланадиган миқдорларда захира фонди ва бошқа фондларни ташкил этиши мумкин.

VIII. Давлат корхонасининг жавобгарлиги

26. Давлат корхонаси ўз мажбуриятлари бўйича ўзига тегишли мулк билан жавоб беради. Муассис корхона мулки етарли бўлмаганда давлат корхонаси мажбуриятлари бўйича субсидиар тартибда жавоб беради.

27. Давлат корхонаси муассиснинг мажбуриятлари бўйича жавоб бермайди.

28. Давлат корхонасининг филиали ва ваколатхонаси мажбуриятлари бўйича уларни ташкил этган давлат корхонаси жавоб беради.

IХ. Давлат корхонаси фаолиятини назорат қилиш

29. Давлат корхонаси ҳисобот даври тугагач ваколатли органларга молиявий ҳисоботни ва рўйхати қонун ҳужжатларида белгиланган бошқа ҳужжатларни тақдим этади ҳамда ҳужжатларнинг сақланиши ва уларнинг белгиланган тартибда давлат томонидан сақлашга берилиши учун жавоб беради.

Кейинги таҳрирга қаранг.

30. Давлат корхонаси фаолиятини хўжалик юритувчи орган сифатида назорат қилиш қонун ҳужжатларида белгиланган тартибда муассис ва бошқа ваколатли органлар томонидан амалга оширилади.

Кейинги таҳрирга қаранг.

Х. Давлат корхонасини қайта ташкил этиш ва тугатиш

31. Давлат корхонаси муассис қарорига кўра, тегишли равишда Давлат мулки қўмитаси ёки унинг ҳудудий бошқармаси билан келишган ҳолда, қонун ҳужжатларида белгиланган тартибда ёхуд суд қарорига биноан қайта ташкил этилиши ёки тугатилиши мумкин.

Кейинги таҳрирга қаранг.

Вазирлар Маҳкамасининг
2006 йил 16 октябрдаги 215-сон қарорига
2-ИЛОВА

Корхоналардаги ички аудит хизмати тўғрисида

НИЗОМ

I. Умумий қоидалар

1. Мазкур Низом Ўзбекистон Республикаси Президентининг «Қимматли қоғозлар бозорини янада ривожлантириш чора-тадбирлари тўғрисида» 2006 йил 27 сентябрдаги ПҚ–475-сон қарорига мувофиқ активларининг баланс қиймати 1 млрд. сўмдан ортиқ бўлган корхоналарда ички аудитни ташкил этишга қўйиладиган ягона талабларни ҳамда унинг ишини ташкил этишнинг методологик асосларини белгилайди.

Кейинги таҳрирга қаранг.

Мазкур Низом талаблари тижорат банкларига ва бюджет ташкилотларига татбиқ этилмайди.

2. Мазкур Низом мақсадлари учун қуйидаги тушунчалардан фойдаланилади:

ички аудит — корхона бошқарувининг ижро этувчи органи ва таркибий бўлинмалари томонидан Ўзбекистон Республикаси қонун ҳужжатларига, таъсис ҳужжатларига ва ички ҳужжатларга риоя қилинишини текшириш ва мониторинг олиб бориш йўли билан улар ишини назорат қилиш ва баҳолаш, маълумотларнинг бухгалтерия ҳисоби ва молиявий ҳисоботда акс эттирилишининг тўлиқлилиги ва ишончлилигини таъминлаш, хўжалик операцияларини амалга оширишнинг белгиланган қоидалари ва таомиллари, активларнинг сақланиши ҳамда корпоратив бошқариш принциплари жорий этилиши бўйича корхона таркибий бўлинмасининг (ички аудит хизмати) фаолияти;

Кейинги таҳрирга қаранг.

ички аудит хизмати — мазкур Низом талаблари ҳисобга олинган ҳолда корхона Кузатувчи кенгашининг қарори билан ташкил этиладиган корхонанинг ички аудитни амалга оширадиган таркибий бўлинмаси.

II. Ички аудит хизматининг асосий вазифалари ва функциялари

3. Қуйидагилар ички аудит хизматининг асосий вазифалари ҳисобланади:

кузатувчи кенгашни ишончли ахборот билан таъминлаш ва ички аудит амалга оширилиши натижалари бўйича корхона фаолиятини такомиллаштиришга доир таклифларни тайёрлаш;

ички аудит жараёнида аниқланадиган камчиликларни бартараф этиш юзасидан корхона бошқарув органларига тавсияларни тезкорлик билан киритиш, уларнинг бартараф этилишини назорат қилиш.

4. Қуйидагилар ички аудит хизматининг асосий функциялари ҳисобланади:

ҳар йили корхонанинг кузатувчи кенгаши томонидан тасдиқланадиган режага мувофиқ мазкур Низомнинг 12-бандида кўрсатилган йўналишлар бўйича тегишли текширишлар ўтказиш йўли билан ички аудитни амалга ошириш (ҳар чоракда ва ҳисобот йили якунлари бўйича);

тузиладиган хўжалик шартномаларининг қонун ҳужжатларига мувофиқлиги юзасидан экспертиза ўтказиш;

Кейинги таҳрирга қаранг.

бухгалтерия ҳисобини юритишда ва молиявий ҳисоботни тузишда корхонанинг таркибий бўлинмаларига методик ёрдам бериш, уларга молия, солиқ, банк қонунлари ва бошқа қонун ҳужжатлари масалалари бўйича маслаҳатлар бериш;

Кейинги таҳрирга қаранг.

техник топшириқларни ишлаб чиқишда, ташқи аудиторлик ташкилотларининг таклифларини баҳолашда ҳамда аудиторлик текширишларини ўтказиш учун ташқи аудиторлик ташкилотини танлашда тавсияларни тайёрлашда корхонанинг кузатувчи кенгашига кўмаклашиш.

Кейинги таҳрирга қаранг.

III. Ички аудит хизматининг ҳуқуқ ва мажбуриятлари

5. Ички аудит хизмати қуйидаги ҳуқуқларга эгадир:

ички аудитни амалга ошириш давомида пайдо бўладиган масалалар бўйича корхонанинг ҳужжатларини (раҳбарнинг буйруқлари, фармойишлари, бошқарув органлари қарорлари, маълумотномалар, ҳисоб-китоблар, зарур ҳужжатларнинг тасдиқланган нусхалари ва бошқа ҳужжатларни), корхона мансабдор ва масъул шахсларидан оғзаки ва ёзма тушунтиришлар олиш;

ички аудитни ўтказишга кўмаклашиш учун корхонанинг тегишли мутахассисларини жалб этиш.

Ички аудит хизмати қуйидагиларга мажбур:

ички аудитни амалга оширишда мазкур Низом ва бошқа қонун ҳужжатлари талабларига риоя қилиш;

Кейинги таҳрирга қаранг.

мазкур Низомнинг 13—18-бандларида белгиланган талабларга мувофиқ ҳисоботлар тузиш;

молия ва статистика ҳисоботи кўрсаткичларининг ишончлилигини текшириш;

ички аудитни амалга оширишда олинган ахборотнинг махфийлигига риоя қилиш;

корхонага унинг мансабдор шахслари ва бошқа ходимлари томонидан зарар етказилганидан далолат берувчи ҳолатлар аниқланган тақдирда бу ҳақда дарҳол корхонанинг кузатувчи кенгашига хабар бериш ва аудиторлик ҳисоботида тегишли ёзувни қайд этиш;

активларни хатловдан ўтказишда ва қонунда белгиланган тартибда унинг ўз вақтида амалга оширилишини назорат қилишда иштирок этиш.

Ички аудит хизмати қонун ҳужжатларига ва корхонанинг таъсис ҳужжатларига мувофиқ бошқа мажбуриятларга ҳам эга бўлиши мумкин.

Кейинги таҳрирга қаранг.

IV. Ички аудит хизматига қўйиладиган талаблар

6. Ички аудит хизмати ходимлари қуйидаги талаблардан бирига жавоб бериши керак:

аудиторнинг малака сертификатига эга бўлиш;

Ўзбекистон Республикаси олий таълим муассасаларида, ёхуд Ўзбекистон Республикаси қонун ҳужжатларига мувофиқ Ўзбекистон Республикасидаги таълимга тенглиги эътироф этилган хорижий давлат муассасасида олинган олий маълумотга, охирги ўн йилнинг камида икки йилида бухгалтерия ҳисоби, аудит, молия ёки солиқ назорати соҳасида амалий иш стажига (шу жумладан ўриндошлик бўйича) эга бўлиш.

Кейинги таҳрирга қаранг.

7. Ички аудит хизмати ходимлари сони ички аудит мақсадларига самарали эришиш ва унинг вазифаларини ҳал этиш учун етарли бўлиши керак.

Ички аудит хизмати штатида қуйидагилар бўлиши керак:

активларининг баланс қиймати 1 млрд. сўмдан 10 млрд. сўмгачани ташкил этадиган корхоналарда — камида икки нафар сертификацияланган аудитор;

активларининг баланс қиймати 10 млрд. сўмдан 50 млрд. сўмгачани ташкил этадиган корхоналарда — камида уч нафар сертификацияланган аудитор;

активларининг баланс қиймати 50 млрд. сўмдан ортиқни ташкил этадиган корхоналарда — камида тўрт нафар сертификацияланган аудитор.

Кейинги таҳрирга қаранг.

8. Ички аудит хизматига тегишли аудитор сертификатига эга бўлган унинг раҳбари бошчилик қилади.

Кейинги таҳрирга қаранг.

Ҳар йили ички аудит хизмати раҳбари ички аудит хизмати харажатларининг йиллик сметасини тузади ва уни тасдиқлаш учун корхонанинг кузатувчи кенгашига тақдим этади.

9. Ички аудит хизмати ходимларининг касб даражаси тегишли лицензияга эга бўлган таълим муассасаларида мунтазамлилик асосида уларнинг малакасини ошириш воситасида сақланиши керак.

10. Ички аудит хизмати ходимлари корхона кузатувчи кенгаши томонидан ҳар йили аттестациядан ўтказилиши керак.

V. Ички аудит хизматининг мустақиллиги

11. Қуйидагилар ички аудит хизмати мустақиллигининг асосий шартлари ҳисобланади:

ички аудит хизмати раҳбарини ва унинг ходимларини лавозимга тайинлаш ва эгаллаб турган лавозимидан озод этиш, корхона кузатувчи кенгашининг қарорлари бўйича уларга иш ҳақи миқдорини ва бошқа тўловларни белгилаш;

корхона кузатувчи кенгашига бевосита бўйсуниш.

Кейинги таҳрирга қаранг.

VI. Ички аудит ўтказишга ва уни ўтказиш натижалари бўйича йиғма ҳисобот тузишга қўйиладиган талаблар

12. Ички аудит:

тасдиқланган бизнес-режа бажарилишини;

корпортив бошқариш принципларига риоя қилинишини;

бухгалтерия ҳисоби ва молиявий ҳисобнинг ҳолатини;

солиқлар ва бошқа мажбурий тўловлар тўғри ҳисоблаб чиқилиши ва тўланишини;

Кейинги таҳрирга қаранг.

молия-хўжалик фаолиятини амалга оширишда қонун ҳужжатларига риоя этилишини;

Кейинги таҳрирга қаранг.

активларнинг ҳолатини;

ички назоратнинг ҳолатини текшириш ва уларнинг мониторингини олиб бориш йўли билан фақат ички аудит хизмати ходимлари томонидан амалга оширилади.

Кузатувчи кенгаш томонидан корхона ихтисосидан келиб чиқиб қонун ҳужжатларига мувофиқ текширишни ўтказишнинг бошқа йўналишлари белгиланиши мумкин.

Кейинги таҳрирга қаранг.

13. Ўтказилган текширишлар натижалари бўйича бевосита уни ўтказган ходим (ходимлар) томонидан имзоланадиган тегишли ҳисоботлар тузилади.

Бунда:

а) бизнес-режа бажарилишини текшириш натижалари тўғрисидаги ҳисобот қуйидагиларни ўз ичига олиши керак:

унинг бажарилишининг миқдор ва сифат кўрсаткичлари таҳлили;

унинг бажарилиши таъминланмаган тақдирда айбдор мансабдор шахслар шахсан кўрсатилган ҳолда аниқланган сабаблар баёни;

б) корпоратив бошқариш принципларига риоя қилишни текшириш натижалари тўғрисидаги ҳисобот қуйидагиларни ўз ичига олиши керак:

корхона бошқарув органлари томонидан қабул қилинадиган қарорларнинг самаралилиги, унинг қатнашчилари (муассислар)нинг қонуний ҳуқуқ ва манфаатларига риоя этилиши таҳлили;

корпоратив бошқариш соҳасида қонун ҳужжатлари бузилиши ҳолатлари баёни (таъсис ҳужжатларига риоя қилиш, умумий йиғилишлар ва корхона бошқарув органлари мажлислари ўтказилиши, дивидендлар тўғри ҳисобланиши ва ўз вақтида тўланиши ва ҳоказолар);

Кейинги таҳрирга қаранг.

в) корхонанинг бухгалтерия ҳисоби ва молия ҳисоботи ҳолатини текшириш натижалари тўғрисидаги ҳисобот қуйидагиларни ўз ичига олиши керак:

бухгалтерия ҳисобини юритиш ва молия ҳисоботини тузишнинг белгиланган тартибига риоя қилинишини баҳолаш;

аниқланган бухгалтерия ҳисоботини юритиш ва молиявий ҳисоботни тайёрлашнинг белгиланган тартиби бузилишининг тавсифи;

г) солиқлар ва бошқа мажбурий тўловлар тўғри ҳисобланиши ва тўланишини текшириш натижалари тўғрисидаги ҳисобот қуйидагиларни ўз ичига олиши керак:

тузилган ва тегишли органларга тақдим этилган солиқлар ва мажбурий тўловлар ҳисоб-китоби тўғрилигини баҳолаш;

солиқлар ва мажбурий тўловларни ҳисоблаш ва тўлашнинг белгиланган тартиби бузилиши ҳолатларини, солиқ солинадиган базани белгилашда четга чиқишларни баён қилиш;

Кейинги таҳрирга қаранг.

д) молия-хўжалик операцияларини амалга оширишда корхона томонидан қонун ҳужжатларига риоя қилинишини текшириш натижалари тўғрисидаги ҳисобот қуйидагиларни ўз ичига олиши керак:

корхона томонидан амалга оширилган молия-хўжалик операцияларининг қонун ҳужжатларига мувофиқлигини баҳолаш;

ички аудит давомида аниқланган корхона томонидан амалга оширилган молия-хўжалик операцияларининг қонун ҳужжатларига номувофиқлигини баён қилиш;

Кейинги таҳрирга қаранг.

е) ички назоратнинг ҳолатини текшириш натижалари тўғрисидаги ҳисобот қуйидагиларни ўз ичига олиши керак:

ички назорат тизимини ва унинг фаолият кўрсатишидаги мавжуд камчиликларни баён этиш;

корхона таркибий бўлинмаларидаги ижро интизомининг ҳолати тўғрисидаги маълумотлар, унинг аниқ ходимлари ишидаги мавжуд камчиликлар.

Активларнинг ҳолатини текшириш натижалари активларни хатловдан ўтказишнинг асосланишини ҳамда уларнинг ҳаракати, амалда мавжудлиги ва сақланиши тўғрисидаги маълумотларни ўз ичига олиши керак.

Шунингдек ўтказиладиган текширишлар бўйича барча ҳисоботларда корхона ижро этувчи органи ва унинг таркибий бўлинмалари фаолияти баҳоланишини, аниқланган четга чиқишлар ва қонунни бузишларни бартараф этишга доир тавсияларни, тасдиқлайдиган ҳужжатларнинг тўлиқ пакетини ўз ичига оладиган якуний қисм бўлиши керак.

14. Ўтказилган ички аудит якунлари бўйича, мазкур Низомнинг 12 ва 13-бандларига мувофиқ, ички аудит раҳбари томонидан имзоланадиган йиғма ҳисобот тузилади.

15. Йиғма ҳисобот:

таҳлилий қисмни;

якуний қисмни;

тасдиқлайдиган ҳужжатларнинг тўлиқ пакетини ўз ичига олиши керак.

16. Йиғма ҳисоботнинг таҳлилий қисми мазкур Низомнинг 12 ва 13-бандларига мувофиқ, ички аудит ходимлари томонидан ўтказилган текширишлар натижалари тўғрисидаги умумлаштирилган ахборотни ўз ичига олиши керак.

17. Ҳисоботнинг якуний қисми:

корхонанинг ижро этувчи органи ва таркибий бўлинмалари фаолиятига, шунингдек ликвидлигига умумий баҳони;

аниқланган четга чиқишлар ва қонунни бузишларни бартараф этиш бўйича ички аудит хизматининг тавсияларини ҳамда корхонанинг молия-хўжалик фаолияти самарадорлигини оширишга, корпоратив бошқаришни такомиллаштиришга доир умумлаштирилган таклифларни ўз ичига олиши керак.

18. Йиғма ҳисобот ички аудит якунлангандан кейин 10 кун мобайнида тугалланиши зарур.

19. Йиғма ҳисоботлар бевосита корхонанинг кузатувчи кенгашига унинг кўриб чиқиши ва кейинчалик тасдиқлаши учун тақдим этилиши керак. Ҳисоботлар нусхалари тасдиқлангандан кейин корхона ижро этувчи органига тақдим этилиши керак.

20. Корхонанинг ижро этувчи органи ички аудит натижасида аниқланган камчиликларни бартараф этиш чора-тадбирларини кўриши шарт.

21. Ички аудит хизмати текшириш давомида аниқланган қонун бузилишларини бартараф этиш, шунингдек умуман корхонанинг молия-хўжалик фаолияти самарадорлигини ошириш бўйича чора-тадбирларнинг ўз вақтида ва зарур даражада бажарилиши устидан назорат ўрнатиши керак.

VII. Ички аудит хизматининг жавобгарлиги

22. Ички аудит хизмати ходимлари:

ўзлари ўтказган текширишлар натижалари бузиб кўрсатилганлиги;

уларга тақдим этилган ёки улар томонидан хизмат вазифаларининг бажарилиши муносабати билан уларга маълум бўлган корхонанинг сирини ташкил этадиган ахборотнинг махфийлигига риоя қилинмаганлиги;

олинган ҳужжатларнинг сақланиши ва қайтарилиши таъминланиши учун жавоб берадилар.

23. Ички аудит хизмати аудиторлик текширишлари давомида аниқланган қонунни бузишларни бартараф этиш ва корхонанинг молия-хўжалик фаолияти самарадорлигини ошириш юзасидан кўрилган чора-тадбирларга баҳо берилиши учун жавоб беради.

24. Корхонанинг кузатувчи кенгаши ҳар чоракда ички аудит хизматининг текширишлар натижалари тўғрисидаги ҳисоботини эшитади, аниқланган камчиликларни бартараф этиш ва корхонанинг молия-хўжалик фаолияти самарадорлигини ошириш юзасидан чора-тадбирлар кўради.

Кейинги таҳрирга қаранг.

Вазирлар Маҳкамасининг
2006 йил 16 октябрдаги 215-сон қарорига
3-ИЛОВА

Давлатга тегишли акциялар пакетларини (улушларни) ишончли бошқарувга бериш тартиби тўғрисида

НИЗОМ

I. Умумий қоидалар

1. Мазкур Низом Ўзбекистон Республикасининг Фуқаролик кодексига ва бошқа қонун ҳужжатларига мувофиқ давлатга тегишли акциялар пакетларини (улушларни) ишончли бошқарувга бериш тартибини белгилайди.

Кейинги таҳрирга қаранг.

Акциядорлик жамиятларининг давлатга тегишли акциялари пакетлари, бошқа хўжалик жамиятларининг улушлари (кейинги ўринларда давлат активлари деб аталади) давлат манфаатларини таъминлаш учун мазкур Низомга мувофиқ белгиланадиган юридик ва жисмоний шахсларга — ишончли бошқарувчиларга ишончли бошқарувга берилади.

2. Ишончли бошқарувга берилиши керак бўлган давлат активлари учинчи шахсларнинг ҳуқуқлари билан бириктирилмаслиги ёхуд исталган бошқа шаклда бегоналаштирилиши мумкин эмас.

3. Қуйидагилар:

Ўзбекистон Республикаси Президенти ёки Ўзбекистон Республикаси Вазирлар Маҳкамасининг;

Акциядорлик жамиятлари ва компаниялардаги давлатга тегишли акциялар улушларидан самарали фойдаланилиши устидан мониторинг олиб бориш бўйича комиссиянинг;

мазкур банднинг иккинчи ва учинчи хатбошида кўрсатилган ҳоллардан ташқари, Ўзбекистон Республикаси Давлат мулки қўмитасининг қарорлари давлат активларини ишончли бошқарувга бериш учун асос ҳисобланади.

Кейинги таҳрирга қаранг.

II. Давлат активларини ишончли бошқарувга бериш тартиботи

4. Давлат активлари ишончли бошқарувчиларга:

ваколатли орган томонидан берилган тегишли лицензияга эга бўлган юридик шахсларга — профессионал бошқарувчи компанияларга ҳамда қонун ҳужжатларида назарда тутилган ҳолларда — давлат ва хўжалик бошқаруви органларига;

Кейинги таҳрирга қаранг.

қонунда белгиланган тартибда тайинланган, менежмент ва маркетинг соҳасида зарур касб кўникмаси ва иш тажрибасига эга бўлган жисмоний шахсларга — давлатнинг ишончли вакилларига ишончли бошқарувга берилиши мумкин.

Кейинги таҳрирга қаранг.

5. Давлат активларини профессионал бошқарувчи компанияларга ишончли бошқарувга бериш танлов асосида амалга оширилади. Танловларни ўтказиш тартиби Ўзбекистон Республикаси Давлат мулки қўмитаси томонидан белгиланади.

Кейинги таҳрирга қаранг.

6. Давлат активларини ишончли бошқариш ҳуқуқи Ўзбекистон Республикаси Давлат мулки қўмитаси билан кўрсатиб ўтилган ҳуқуқни мазкур Низомнинг 4-бандига мувофиқ олган шахс ўртасида тузиладиган мазкур Низомга иловага мувофиқ шакл бўйича шартнома билан ишончли бошқарувга берилади.

Кейинги таҳрирга қаранг.

Ишончли бошқарувчи — юридик шахс хўжалик жамиятида давлат активларини бошқариш бўйича ўзининг ваколатли вакилини тайинлайди.

Кейинги таҳрирга қаранг.

7. Ишончли бошқариш шартномаси уни узайтириш имконияти билан бирга бир йил муддатга тузилади ва қуйидагиларни назарда тутиши керак:

Кейинги таҳрирга қаранг.

томонларнинг номи;

шартнома мавзуси, давлат активлари рўйхати ва тавсифи;

Кейинги таҳрирга қаранг.

шартноманинг амал қилиш муддати ва уни узайтириш имконияти;

давлатга тегишли акциялар пакетларини бериш тартиби;

мазкур Низомнинг III ва IV бўлимларига мувофиқ томонларнинг ҳуқуқ ва мажбуриятлари;

ишончли бошқарувчилар томонидан ҳисоботлар тақдим этилиши муддатлари;

ишончли бошқарувга берилган акцияларни бегоналаштириш шартлари;

ишончли бошқарувчини тақдирлаш миқдори ва шакли;

ишончли бошқарув тўхатилган тақдирда давлат активларини оладиган шахс;

томонларнинг жавобгарлиги;

шартнома амал қилишини тўхтатиш учун асослар ва шартлар;

бошқарувчи компания фаолиятига қўйиладиган чеклашлар;

Кейинги таҳрирга қаранг.

қонун ҳужжатларига зид бўлмаган бошқа қоидалар.

Кейинги таҳрирга қаранг.

8. Ишончли бошқарувчига — юридик шахсга ишончли бошқарувга берилган давлат активлари қиймати номинал қиймати бўйича унинг балансдан ташқари ҳисоб рақамларида ҳисобга олинади.

9. Давлат мулки қўмитаси давлатга тегишли акциялар пакетлари ишончли бошқарувга берилишига шартнома тузилган кундан бошлаб 3 иш кунидан кечикмай бу ҳақда Давлат қимматли қоғозлар марказий депозитарийсини хабардор қилади.

Кейинги таҳрирга қаранг.

10. Давлат қимматли қоғозлар марказий депозитарийси уч кун муддатда:

Кейинги таҳрирга қаранг.

ишончли бошқарувга берилган давлатга тегишли акциялар пакетлари Ўзбекистон Республикаси Давлат мулки қўмитасининг «депо» ҳисоб рақамида ишончли бошқариш ҳуқуқини олган шахснинг субҳисоб рақамига ўтказилишини;

Кейинги таҳрирга қаранг.

унинг ишончли бошқарув ҳуқуқини олган шахс томонидан тасарруф этилиши имкониятини истисно этадиган кўрсатиб ўтилган акциялар пакетларини блокировка қилишни амалга оширади.

Ишончли бошқарувга берилган давлатга тегишли акциялар пакетларини сақлаш ва уларнинг «депо» ҳисоб рақамига ўтказилиши бўйича Давлат қимматли қоғозлар марказий депозитарий хизматларига Ўзбекистон Республикаси Давлат мулки қўмитаси томонидан давлат тасарруфидан чиқариш ва хусусийлаштиришдан тушадиган умумий маблағлардан ҳақ тўланади.

Кейинги таҳрирга қаранг.

III. Ишончли бошқарувчининг мақоми, ҳуқуқлари ва мажбуриятлари

11. Давлат активларини ишончли бошқарувчи (агар юридик шахс — унинг вакили бўлса) хўжалик жамияти кузатувчи кенгашининг аъзоси ҳисобланади (агар кузатувчи кенгашни ташкил этиш қонун ҳужжатларида ёки уставда назарда тутилган бўлса), хўжалик жамияти қатнашчиларининг умумий йиғилиши томонидан сайланмайди (қайта сайланмайди).

Кейинги таҳрирга қаранг.

12. Ишончли бошқарувчи қуйидаги ҳуқуқларга эга бўлади:

Ўзбекистон Республикаси қонун ҳужжатларига ва тузилган ишончли бошқарув шартномаси шартларига мувофиқ ишончли бошқарувга олинган давлат активларига нисбатан барча юридик ва амалий хатти-ҳаракатларни амалга ошириш, бегоналаштириш ва ундан гаров сифатида фойдаланиш бундан мустасно;

Кейинги таҳрирга қаранг.

тузилган шартнома шартларига ва унга ишончли бошқарувга берилган давлат активлари миқдорига мувофиқ кузатувчи кенгаш аъзоси ва жамият қатнашчиси сифатида ўзининг барча ваколатларидан фойдаланиш;

шартнома шартларига ва қонун ҳужжатларига мувофиқ тақдирланиш.

Кейинги таҳрирга қаранг.

13. Ишончли бошқарувчи хўжалик жамиятининг ижро этувчи органи томонидан амалга ошириладиган жорий фаолиятга аралашишга ҳақли эмас.

14. Ишончли бошқарувчи қуйидагиларга мажбур:

Давлат активларининг ишончли бошқаруви шартномаси бўйича фойда олувчи ҳисобланган давлатнинг манфаатларини ифодалаш;

ишлаб чиқариш самарадорлигини ошириш, фойда ҳажмини кўпайтириш ва уни тақсимлашда давлатнинг манфаатларига риоя қилиш мақсадида давлат активлари миқдори билан бериладиган ҳуқуқлар доирасида ва амалдаги қонун ҳужжатларига мувофиқ хатти-ҳаракатларни амалга ошириш;

Кейинги таҳрирга қаранг.

корхонанинг молия-хўжалик фаолиятини яхшилашга йўналтирилган ягона стратегияни амалга ошириш ва барча даражалардаги бюджетлар олдида, иш ҳақи ва бошқа мажбурий тўловлар тўлаш бўйича унинг томонидан бошқарилаётган корхонанинг қарздорлиги пайдо бўлишига йўл қўймаслик;

Кейинги таҳрирга қаранг.

ижро этувчи органнинг фаолияти, унинг томонидан бизнес-режа бажарилиши, жамиятнинг молиявий ресурсларидан оқилона фойдаланиш, давлат активлари бўйича ҳисобланган дивидендларни бюджетга ўз вақтида тўлаш устидан зарур даражада назорат қилишни таъминлаш чора-тадбирларини кўриш;

Кейинги таҳрирга қаранг.

хўжалик жамияти бошқаруви органларига ёки судга мурожаат қилиш йўли билан давлат активларига нисбатан давлатнинг манфаатлари (ҳуқуқлари) бузилиши бартараф этилишини талаб қилиш, давлат манфаатлари бузилишини бартараф этишга йўналтирилган хатти-ҳаракатларни амалга ошириш;

рақобатбардошли маҳсулотлар ишлаб чиқарилишини таъминлаш учун замонавий технология асбоб-ускуналари ва технологиялар асосида ишлаб чиқаришни реконструкция қилиш ва техника билан қайта жиҳозлаш учун инвестицияларни жалб этиш чора-тадбирларини кўриш;

Кейинги таҳрирга қаранг.

бюджетга, давлат мақсадли жамғармаларига мажбурий тўловлар, иш ҳақи бўйича хўжалик жамияти қарздор бўлганда ҳамда корхонанинг молиявий ҳолати ёмонлашган тақдирда жамиятнинг ижро этувчи органини қайта сайлаш мақсадида қатнашчиларнинг навбатдан ташқари умумий йиғилиши чақирилишини талаб қилиш;

Кейинги таҳрирга қаранг.

давлат активларини ҳеч бир шаклда бегоналаштирмаслик, бошқа шахсларнинг мажбуриятларини бириктирмаслик ва улардан гаров сифатида фойдаланмаслик;

жамият муассиси (қатнашчиси) бўлган юридик шахсларнинг устав фондларида қатнашиш (таъсис этиш), уларни тугатиш, қайта ташкил этиш бўйича жамиятнинг ниятлари, шунингдек жамиятнинг молия-хўжалик ҳолати, бошланиши жамиятнинг молия-хўжалик фаолиятини ёмонлаштириши ва давлат манфаатларига зарар етказиши мумкин бўлган воқеалар тўғрисида Давлат мулки қўмитасини хабардор қилиш;

Кейинги таҳрирга қаранг.

Давлат мулки қўмитасининг Ўзбекистон Республикаси қонун ҳужжатларига мувофиқ берилган топшириқлари ва кўрсатмаларини бажариш;

Кейинги таҳрирга қаранг.

жамиятнинг кузатувчи кенгаши ва қатнашчиларнинг умумий йиғилиши кўриб чиқиши учун киритиладиган масалалар бўйича қонунда белгиланган тартибда овоз бериш сиёсатини Давлат мулки қўмитаси билан келишиш;

Кейинги таҳрирга қаранг.

унга ишончли бошқарувга берилган акциялар пакетлари бегоналаштирилиши тўғрисида Давлат мулки қўмитасининг билдиришномаси олинганда икки иш куни мобайнида уни Давлат мулки қўмитасининг «депо» ҳисоб рақамига ўтказиш;

Кейинги таҳрирга қаранг.

қайта ташкил этиш кунида ўзининг қайта ташкил этилиши факти тўғрисида Давлат мулки қўмитасини хабардор қилиш;

Кейинги таҳрирга қаранг.

Давлат мулки қўмитаси ҳуқуқий ворис билан ишончли бошқарув шартномасини тузишни рад этган тақдирда давлатга тегишли акциялар пакети икки кун муддатда Давлат мулки қўмитасига қайтарилиши керак;

Кейинги таҳрирга қаранг.

унга юкланган ваколатларни амалга ошириш чоғида унга маълум бўлган маълумотларни учинчи шахсларга ошкор қилмаслик ва улардан давлат манфаатларига зид бўлган мақсадларда фойдаланмаслик;

ҳар чоракда Давлат мулки қўмитаси томонидан белгиланадиган тартибда Давлат мулки қўмитасига ҳисобот тақдим этиш;

Кейинги таҳрирга қаранг.

15. Ишончли бошқарувчи Ўзбекистон Республикаси Давлат мулки қўмитаси билан келишмасдан хўжалик жамиятининг бошқарув органларида бошқа қатнашчиларнинг вакили бўлиши мумкин эмас.

Кейинги таҳрирга қаранг.

IV. Давлат мулки қўмитасининг ҳуқуқ ва мажбуриятлари

Кейинги таҳрирга қаранг.

16. Ўзбекистон Республикаси Давлат мулки қўмитаси қуйидаги ҳуқуқларга эга:

Кейинги таҳрирга қаранг.

амалдаги қонун ҳужжатларида назарда тутилган муддатларда давлат активи ишончли бошқарувга берилган корхона фаолияти тўғрисида ишончли бошқарувчидан маълумотлар ва ҳисоботлар олиш;

Кейинги таҳрирга қаранг.

ишончли бошқарувчига шартнома шартларини бажариш, фойда олувчи — давлат учун нохуш оқибатларни бартараф этиш, шунингдек агар ишончли бошқарувчи ёки унинг ишончли вакили томонидан ушбу зарарлар енгиб бўлмайдиган куч оқибатида юз берганлиги исбот қилинмаса, шартнома шартлари бузилган тақдирда моддий зарар ва бой берилган фойда қопланиши бўйича талаблар қўйиш.

17. Ўзбекистон Республикаси Давлат мулки қўмитаси қуйидагиларга мажбур:

Кейинги таҳрирга қаранг.

ишончли бошқариш шартномаси зарур даражада бажарилиши устидан мониторинг олиб бориш;

учинчи шахсларнинг мажбуриятлари бириктирилмаган ва исталган бошқа усул билан бегоналаштирилмаган (доимий равишда ёки вақтинча) давлат активини ишончли бошқарувга бериш;

давлат мулкини бошқариш бўйича Давлат мулки қўмитасига берилган ҳуқуқларга мувофиқ ишончли бошқарувчи фаолиятига кўмаклашиш;

Кейинги таҳрирга қаранг.

қонун ҳужжатларида белгиланган тартибда овоз бериш сиёсати бўйича ишончли бошқарувчига кўрсатмалар бериш;

Кейинги таҳрирга қаранг.

ишончли бошқариш шартномасига ва қонун ҳужжатларига мувофиқ ишончли бошқарувчига мукофот тўлаш;

Кейинги таҳрирга қаранг.

давлат активларини бегоналаштириш тўғрисида белгиланган тартибда қарор қабул қилинганлиги тўғрисида (олди-сотди шартномаси тузилганлиги ёки Давлат мулки қўмитасининг давлат активларини бошқа корхонанинг устав фондига бериш тўғрисида буйруғи чиқарилганлиги ҳақида) ишончли бошқарувчини бундай қарор қабул қилингандан кейин бир ҳафта муддатда хабардор қилиш.

Кейинги таҳрирга қаранг.

V. Ишончли бошқарувчи фаолиятини тақдирлаш

18. Ишончли бошқарувчи фаолиятини тақдирлаш Ўзбекистон Республикаси Давлат мулки қўмитаси ва Молия вазирлиги томонидан тасдиқланадиган тартиб асосида қонун ҳужжатларига ва жамият уставига мувофиқ амалга оширилади.

Кейинги таҳрирга қаранг.

19. Ишончли бошқарувчи ўзи кузатувчи кенгаши аъзоси бўлган жамият маблағлари ҳисобига қўшимча равишда тақдирланиши мумкин. Ушбу ҳолатда тақдирлаш миқдори жамиятнинг ички норматив ҳужжатлари билан белгиланади.

VI. Томонларнинг жавобгарлиги

20. Ишончли бошқарувчи:

ўзига ишониб топширилган активларнинг сақланиши;

агар ушбу зарарлар енгиб бўлмайдиган куч ёхуд Давлат мулки қўмитасининг хатти-ҳаракатлари оқибатида юз берганлигини исботлай олмаса, ўз ҳаракати (ҳаракатсизлиги) туфайли етказилган зарар;

Кейинги таҳрирга қаранг.

қонун ҳужжатларига мувофиқ ҳисобот ва ахборотнинг ўз вақтида тақдим этилиши ва ишончлилиги учун қонун ҳужжатларида белгиланган тартибда жавоб беради.

Кейинги таҳрирга қаранг.

21. Давлат активларини ишончли бошқаришда давлатнинг манфаатлари тўғрисида зарур тарзда ғамхўрлик қилмаган ишончли бошқарувчи давлат активларини ишончли бошқариш вақтида етказилган зарар ва бой берилган фойдани қонунда белгиланган тартибда давлатга тўлайди.

22. Ишончли бошқарувчи (унинг раҳбари) ва Давлат мулки қўмитаси ўз мажбуриятлари зарур тарзда бажарилмаганлиги учун амалдаги қонун ҳужжатларида белгиланган тартибда, қуйидаги шаклларда жавоб беради:

Кейинги таҳрирга қаранг.

ишончли бошқариш шартномасини муддатидан олдин тўхтатиш;

ўзларининг нотўғри хатти-ҳаракатлари оқибатида етказилган зарарни қоплаш (компенсация қилиш) (суд қарорига кўра);

шартнома интизоми бузилганлиги учун ишончли бошқарувчи ва Давлат мулки қўмитаси мансабдор шахсларининг жавобгарлиги;

Кейинги таҳрирга қаранг.

жавобгарликнинг қонун ҳужжатларида назарда тутилган бошқа шакллари.

Кейинги таҳрирга қаранг.

VII. Ишончли бошқариш ҳуқуқини тўхтатиш

23. Ишончли бошқарувчи билан тузилган шартнома қуйидаги ҳолатлар бошланганда тўхтатилиши мумкин:

а) томонлардан бирининг:

шартнома муддати тамом бўлиши;

бошқа томон ўз мажбуриятларини бажармаслиги ёки зарур тарзда бажармаслиги;

жамият ёки ишончли бошқарувчининг қайта ташкил этилиши, тугатилиши, банкрот деб эътироф этилиши;

давлатнинг шартнома бўйича фойда олишни рад этиши, шунингдек ишончли бошқарувчи томонидан ишончли бошқарувни амалга ошириш мумкин эмаслиги сабаби билан ишончли бошқарувчининг бошқаришнинг амалга оширишни рад этиши муносабати билан шартномани тўхтатиш тўғрисида сабаблари асосланган аризаси. Шартнома ариза тақдим этилган пайтдан бошлаб 10 кун ўтгандан кейин бекор қилинган деб ҳисобланади.

б) давлат активларини бегоналаштириш тўғрисида белгиланган тартибда қарор қабул қилиниши. Ушбу ҳолатда шартнома, шу жумладан:

акциялар пакетларини бошқаришда — давлатга тегишли акциялар пакети Давлат мулки қўмитасининг олди-сотди шартномаси тузилганлиги тўғрисидаги билдиришномасига мувофиқ ишончли бошқарувчининг «депо» субҳисоб рақамидан Давлат мулки қўмитасининг ҳисоб рақамига ўтказилган пайтдан бошлаб, Давлат мулки қўмитасининг акциялар пакети (ёки унинг бир қисми) устав фондига берилиши тўғрисида буйруғи чиққан пайтдан бошлаб;

Кейинги таҳрирга қаранг.

улушларни бошқаришда — Давлат мулки қўмитаси томонидан ишончли бошқарувчи олди-сотди шартномаси тузилганлиги, улуш (ёки унинг бир қисми) устав фондига берилганлиги ҳақида Давлат мулки қўмитасининг буйруғи чиққанлиги тўғрисида хабардор қилинган пайтдан бошлаб:

Кейинги таҳрирга қаранг.

ишончли бошқарувчи фуқаро вафот этган, у ҳуқуқий лаёқатсиз, ҳуқуқий лаёқати чекланган ёки дом-дараксиз кетган деб эътироф этилган тақдирда бекор қилинган деб ҳисобланади.

в) Ишончли бошқарувчи билан тузилган шартнома қонун ҳужжатларида назарда тутилган бошқа асослар бўйича бекор қилиниши мумкин.

Кейинги таҳрирга қаранг.

24. Ишончли бошқариш шартномасининг амал қилиши тўхтагандан кейин давлат активларига эгалик қилиш, улардан фойдаланиш ва уларни бошқариш қонун ҳужжатларида белгиланган тартибда амалга оширилади.

Кейинги таҳрирга қаранг.

Давлатга тегишли акциялар пакетларини
(улушларни) ишончли бошқарувга бериш
тартиби тўғрисидаги низомга
ИЛОВА

_______________________________ ишончли бошқаришнинг давлат активлари
^{(акциялар пакети ёки улушлар)ни}

НАМУНАВИЙ ШАРТНОМАСИ

‎	‎	‎
200__ й. «___» _________‎ ‎ ‎		_____________ ш. ‎ ‎‎
‎‎«Фойда олувчи» ҳисобланган давлатнинг манфаатларини ифодалайдиган Ўзбекистон Республикаси Давлат мулки қўмитаси номидан иш кўрувчи, кейинги ўринларда «Давлат мулки қўмитаси» деб аталадиган, Давлатга тегишли акциялар пакетларини (улушларни) ишончли бошқарувга бериш тартиби тўғрисидаги низом асосида ваколат берилган __________нинг раиси ўринбосари бир томондан ва устав асосида ваколат берилган _____________________ раҳбари (юридик шахслар учун)
^{лавозими, Ф.И.О.‎‎‎}
‎‎номидан иш кўрувчи, кейинги ўринларда «Ишончли бошқарувчи» деб аталадиган _________________________________________________ ‎‎‎иккинчи томондан,
^{‎‎юридик шахснинг номи (жисмоний шахс — давлатнинг ишончли вакилининг Ф.И.О.)}
___________________________________________________________________________________нинг
‎‎(Ўзбекистон Республикаси Президенти, Ўзбекистон Республикаси Вазирлар Маҳкамаси, Акциядорлик бирлашмалари ва компанияларидаги акцияларнинг давлат улушидан самарали фойдаланиш устидан мониторинг олиб бориш бўйича комиссиянинг ёки Ўзбекистон Республикаси Давлат мулки қўмитаси Ҳайъатининг)
‎‎__________даги _____-сон қарори асосида ушбу шартномани (кейинги ўринларда матнда «Шартнома» деб аталади) туздилар.
‎I. Шартнома мавзуси‎‎ ‎
‎‎1. Давлат мулки қўмитаси мазкур Шартноманинг 2-бандига мувофиқ учинчи шахсларнинг мажбуриятлари юкланмаган ёки исталган бошқа усул билан бегоналаштирилмаган (доимий равишда ёки вақтинча) давлатга тегишли ______________________ни ишончли бошқарувга беради.
‎	^{(акциялар пакети ёки улуш)‎}
Ишончли бошқарувчи эса қонун ҳужжатларида ва мазкур Шартномада назарда тутилган ваколатлар доирасида Фойда олувчи манфаатларини кўзлаб _______________________ ни ишончли бошқаришни
^{‎‎(акциялар пакети ёки улуш)}		‎
‎‎амалга оширади.‎	‎	‎
2. Ишончли бошқаришга бериладиган давлатга тегишли ________________________ тавсифи: ‎‎
‎	^{(акциялар пакети ёки улуш) ‎}
Корхона: ___________________________ (кейинги ўринларда Жамият деб аталади)
^{(корхонанинг номи)‎}	‎	‎
‎‎Давлатга тегишли ____________________ миқдори, устав фондининг __фоизи.
^{(акциялар пакети ёки улуш) ‎}	‎	‎
‎‎Жами акциялар сони* _____та.
Акциянинг номинал қиймати* _____сўм.‎‎‎		‎
Бошқа тавсифлар ___________________.‎‎		‎
‎	‎II. Шартноманинг амал қилиш муддати‎‎ ‎	‎
‎‎3. Мазкур Шартнома тузилган санадан бошлаб кучга киради. Шартноманинг амал қилиш муддати — узайтириш ҳуқуқи билан 1 йил.
‎‎4. Шартноманинг амал қилиш муддати тамом бўлгандан кейин уни тўхтатиш тўғрисида томонлардан бирининг аризаси мавжуд бўлмаган тақдирда, у мазкур Шартномада назарда тутилган муддатга ва шартларда узайтирилган деб ҳисобланади.
‎‎‎III. Давлатга тегишли _______________________ ни ишончли бошқарувга бериш тартиби
‎	^{(акциялар пакети ёки улуш)‎}	‎
5. Давлатга тегишли акциялар пакетини бериш мазкур Шартнома тузилган пайтдан бошлаб уч кун муддатда Ўзбекистон Республикаси Давлат мулки қўмитасининг ‎топшириғи бўйича акцияларни Ишончли бошқарувчининг «депо» ҳисоб рақамига ўтказиш орқали амалга оширилади ‎ ‎(акциялар пакетларини ишончли бошқарувга бериш ҳоллари учун) ‎	Мазкур Шартнома давлат улуши Ишончли бошқарувчига ишончли бошқарувга ҳақиқатда берилганлигининг тастиғи ҳисобланади ‎ ‎ ‎ ‎ ‎ ‎(улушларни ‎ишончли бошқарувга бериш ҳоллари учун ) ‎	‎
‎‎6. Мазкур Шартномага мувофиқ Давлат мулки қўмитаси Жамият бошқарув органларида давлат манфаатларини ифодалаш бўйича ҳаракатларни амалга ошириш ҳуқуқини беради, ишончли бошқарувчи эса қабул қилиб олади‎
________________________________________________________________________________________
‎(акциялар пакетларини ишончли бошқарувга бериш ҳоллари учун — Давлат мулки қўмитаси томонидан акциялар пакети Давлат мулки қўмитасининг «депо» ҳисоб рақамидаги Ишончли бошқарувчининг субҳисоб рақамига ўтказилган пайтдан бошлаб, улушларни ишончли бошқарувга бериш ҳоллари учун — м�зкур Шартнома тузилган пайтдан бошлаб). ‎‎‎‎
‎‎‎IV. Ишончли бошқарувчининг ҳуқуқ ва мажбуриятлари ‎
‎‎7. Ишончли бошқарувчи қуйидаги ҳуқуқларга эга:
‎‎Ўзбекистон Республикаси қонун ҳужжатларига ва мазкур Шартнома шартларига мувофиқ ишончли бошқариш учун олинган давлатга тегишли ___________________ га
	^{(акциялар пакети ёки улуш)‎ ‎ ‎}
‎‎нисбатан барча юридик ва амалий ҳаракатларни амалга ошириш, бегоналаштириш ва ундан гаров сифатида фойдаланиш бундан мустасно;
‎‎унга ишончли бошқарувга берилган ___________________________ га мувофиқ Жамиятнинг Кузатув
‎	^{‎‎(акциялар пакети ёки улуш) ‎}	‎
кенгаши аъзоси ва қатнашчиси сифатида ўзининг барча‎‎ ваколатларидан фойдаланиш;‎
мазкур Шартнома шартларига ва қонун ҳужжатларига мувофиқ тақдирланиш.
‎‎8. Ишончли бошқарувчи қуйидагиларга мажбур:
мазкур давлатга тегишли ___________________________ни ишончли бошқариш шартномасига мувофиқ
^{(акциялар пакети ёки улуш) ‎}		‎
Жамиятда Фойда олувчининг манфаатларини ифодалаш;‎‎
‎‎ишлаб чиқариш самарадорлигини ошириш, фойда ҳажмини кўпайтириш ва уни тақсимлашда давлатнинг манфаатларига риоя қилган ҳолда давлатга тегишли ________________________ миқдори билан
	^{(акциялар пакети ёки улуш)‎ ‎}	‎
бериладиган ҳуқуқлар доирасида ва амалдаги қонун ҳужжатларига мувофиқ ҳаракатларни амалга ошириш; ‎‎
‎‎Жамиятнинг молия-хўжалик фаолиятини яхшилашга ва барча даражадаги бюджетлар, иш ҳақи ва бошқа мажбурий тўловларни тўлаш бўйича унинг қарздорлиги пайдо бўлишига йўл қўймасликка йўналтирилган ягона стратегияни амалга ошириш;
‎‎ижро этувчи органнинг фаолияти устидан зарур назоратни таъминлаш, унинг томонидан бизнес-режа параметрлари бажарилиши, Жамиятнинг молиявий ресурсларидан оқилона фойдаланиш, давлатга тегишли _________________________________ бўйича ҳисобланган ‎‎дивидендларни бюджетга ўз
^{(акциялар пакети ёки улуш) ‎‎ ‎}
(акциялар пакети ёки улуш) вақтида тўлаш юзасидан чора-тадбирлар кўриш;
‎‎давлатга тегишли ______________________________га нисбатан давлатнинг манфаатлари(ҳуқуқлари)
^{(акциялар пакети ёки улуш) ‎}	‎	‎
бузилишини бартараф этишни ‎‎талаб қилиш, Жамиятни бошқарув органларига ёки судга мурожаат қилиш йўли билан давлатнинг манфаатлари бузилишини бартараф этишга йўналтирилган ҳаракатларни амалга ошириш;
‎‎маҳсулотнинг турлари кенгайишига ва сифати яхшиланишига кўмаклашиш;
‎‎рақобатбардошли маҳсулот ишлаб чиқарилишини таъминлаш учун ишлаб чиқаришни замонавий технология асбоб-ускуналари ва технологиялар асосида реконструкция қилиш ва техника билан қайта жиҳозлаш учун инвестицияларни жалб этиш чора-тадбирларини кўриш;
‎‎бюджетга, давлат мақсадли жамғармаларига мажбурий тўловлар бўйича Жамиятнинг қарздорлиги пайдо бўлганда, шунингдек корхонанинг ишлаб чиқариш ва молиявий ҳолати ёмонлашган тақдирда Жамиятнинг ижро этувчи органини қайта сайлаш мақсадида акциядорларнинг навбатдан ташқари умумий йиғилиши чақирилишини талаб қилиш;
‎‎давлатга тегишли ___________________________________ни ҳеч бир шаклда
^{(акциялар пакети ёки улуш) ‎}	‎	‎
‎‎бегоналаштирмаслик, унга бошқа шахсларнинг мажбуриятларини юкламаслик ва ундан гаров сифатида фойдаланмаслик;
‎‎акциядорлар (муассислар) умумий йиғилишининг қарори билан реконструкция қилишга, техника билан қайта жиҳозлашга, ишлаб чиқариш, хўжалик фаолиятини ривожлантиришга ва бошқа ишлаб чиқариш эҳтиёжларига йўналтирилган соф фойданинг бир қисмидан мақсадли фойдаланилиши устидан мониторинг олиб борилишини таъминлаш;
‎‎юридик шахсларнинг устав фондларида қатнашиш (таъсис этиш) бўйича Жамиятнинг ниятлари, Жамият муассиси (қатнашчиси) бўлган юридик шахсларнинг тугатилиши, қайта ташкил этилиши, шунингдек Жамиятнинг молия-хўжалик ҳолати, бошланиши Жамиятнинг молия-хўжалик фаолияти ёмонлашишига ва давлат манфаатларига зарар етказилишига олиб келиши мумкин бўлган ҳодисалар тўғрисида Давлат мулки қўмитасини хабардор қилиш;
‎‎Давлат мулки қўмитасининг Ўзбекистон Республикаси қонун ҳужжатларига мувофиқ берилган топшириқлари ва кўрсатмаларини бажариш;
‎‎Жамиятнинг кузатув кенгаши ва қатнашчиларининг умумий йиғилиши кўриб чиқиши учун киритиладиган масалалар бўйича қонунда белгиланган тартибда овоз бериш сиёсатини Давлат мулки қўмитаси билан келишиш;
‎‎унга ишончли бошқарувга берилган акциялар пакети бегоналаштирилганлиги тўғр?сида Давлат мулки қўмитаси билдиришномаси олингандан кейин икки иш кунида акциялар пакетини Давлат мулки қўмитасининг «депо» ҳисоб рақамига ўтказиш;
‎‎ўзининг қайта ташкил этилиши факти тўғрисида қайта ташкил этиш кунида Давлат мулки қўмитасини хабардор қилиш. Давлат мулки қўмитаси ҳуқуқий ворис билан ишончли бошқ�р�ш шартномасини тузишни рад этганда давлатга тегишли акциялар пакети икки кун муддатда Давлат мулки қўмитасига қайтарилиши керак;
‎‎ўзига юкланган ваколатларни амалга оширишда унга маълум бўлган маълумотларни учинчи шахсларга ошкор қилмаслик ва улардан давлат манфаатларига зид мақсадларда фойдаланмаслик;
‎‎Давлат мулки қўмитаси билан келишмасдан Жамиятнинг бошқарув органларида бошқа акциядорлар (муассислар)нинг манфаатларини ифодаламаслик;
ҳар чоракда ҳисобот давридан кейинги ойнинг ____ кунидан кечикмай Давлат мулки қўмитаси томонидан белгиланган шакл бўйича Давлат мулки қўмитасига ҳисобот тақдим этиш.
‎‎ ‎V. Давлат мулки қўмитасининг ҳуқуқ ва мажбуриятлари ‎
‎‎9. Ўзбекистон Республикаси Давлат мулки қўмитаси қуйидаги ҳуқуқларга эга:
‎‎Ишончли бошқарувчидан ушбу Шартномада ва амалдаги қонун ҳужжатларида назарда тутилган муддатларда Жамият фаолияти тўғрисидаги маълумотлар ва ҳисоботларни олиш;
‎‎Ишончли бошқарувчига Шартнома шартларининг бажарилиши, Фойда олувчи учун ноқулай оқибатларни бартараф этиш, шунингдек ушбу Шартноманинг шартлари бузилган тақдирда моддий зарарни ва бой берилган фойдани қоплаш бўйича талаблар қўйиш, агар Ишончли бошқарувчи ёки унинг ишончли вакили томонидан ушбу зарарлар бартараф этиб бўлмайдиган кучлар оқибатида рўй берганлиги исботланмаса.
‎‎10. Ўзбекистон Республикаси Давлат мулки қўмитаси қуйидагиларга мажбур:
‎‎ушбу ишончли бошқарув Шартномасининг зарур даражада бажарилиши бўйича мониторингни амалга ошириш;
‎‎Ишончли бошқарувчи фаолиятига Давлат мулки қўмитасига Давлат мулкини бошқариш бўйича берилган ҳуқуқларга мувофиқ кўмаклашиш;
‎‎Ишончли бошқарувчига қонун ҳужжатларида белгиланган тартибда кўрсатмалар юбориш;
‎‎Ишончли бошқарувчини ушбу Шартномага мувофиқ ва қонун ҳужжатларда белгиланган тартибда тақдирлаш;
‎‎Ишончли бошқарувчини давлатга тегишли ____________________________ ни бегоналаштириш
‎	^{(акциялар пакети ёки улуш) ‎}	‎
тўғрисида белгиланган тартибда қабул қилинган қарор (олди-сотди шартномаси тузилганлиги ёки давлатга тегишли ________________________ни ‎‎бошқа корхона устав фондига ‎‎бериш тўғрисида
^{‎‎(акциялар пакети ёки улуш) ‎}	‎	‎
Давлат мулки қўмитасининг буйруғи чиқарилганлиги) ҳақида қарор қабул қилингандан кейин бир ҳафта муддатда хабардор қилиш.
‎‎ ‎VI. Ишончли бошқарувчи фаолиятини тақдирлаш ‎
11. Ишончли бошқарувчи фаолиятини тақдирлаш қонун ҳужжатларига ва Жамият уставига мувофиқ Ўзбекистон Республикаси Давлат мулки қўмитаси ҳамда Молия вазирлиги томонидан тасдиқланадиган Тартиб асосида амалга оширилади.
‎‎12. Ишончли бошқарувчи фаолиятини тақдирлаш қуйидаги шаклларда ва миқдорларда амалга оширилади:
‎‎13. Тақдирлаш суммасини тўлаш муддатлари: _____________________________
‎	‎VII. Алоҳида шартлар‎ ‎	‎
‎‎14. Ишончли бошқарувчи қайта ташкил этилган тақдирда Шартнома Ўзбекистон Республикаси Давлат мулки қўмитасининг қарорига кўра унинг ҳуқуқий вориси билан қайта тузилиши мумкин, бунда ушбу Шартнома бўйича барча ҳуқуқлар, мажбуриятлар ва жавобгарлик ҳуқуқий ворисга ўтади. Давлат мулки қўмитаси ҳуқуқий ворис билан ишончли бошқариш шартномасини тузишни рад этган тақдирда
‎	‎	____________________________ ‎ (давлатга тегишли акциялар пакети Давлат ‎мулки қўмитасининг «депо» ҳисоб рақамига ‎ўтказиш йўли билан 2 кун муддатда қайтарилади) ‎
‎	‎	____________________________ ‎ (давлат улуши ушбу Шартнома тўхтатилган ‎вақтдан бошлаб Давлат мулки қўмитасига ‎қайтарилган деб ҳисобланади) ‎
‎‎‎VIII. Томонларнинг жавобгарлиги ‎
15. Ишончли бошқарувчи:‎‎
‎‎ўзига ишониб топширилган давлатга тегишли ________________________нинг сақланиши учун;
‎	^{(акциялар пакети ёки улуш)‎}	‎
‎‎унинг ҳаракатлари (ҳаракатсизлиги) туфайли етказилган зарарлар учун, агар ушбу зарарлар енгиб бўлмайдиган кучлар ёхуд Давлат мулки қўмитаси ҳаракатлари оқибатида рўй берганлигини исбот қилмаса;
қонун ҳужжатларига мувофиқ тақдим этилаётган ҳисобот ва ахборотнинг ўз вақтидалиги ва ишончлилиги учун қонун ҳужжатларида белгиланган тартибда жавоб беради.
16. Агар Ишончли бошқарувчи давлатга тегишли ___________________________ни ишончли бошқ
‎	^{(акциялар пакети ёки улуш)‎}	‎
аришда Фойда олувчининг манфаатлари ‎‎тўғрисида зарур даражада қайғурмаса, у Фойда олувчига давлатга тегишли _______________________________ни ишончли бошқариш давридаги зарарларни
‎	^{‎‎(акциялар пакети ёки улуш)}
ва бой берилган фойдани тўлайди.
17. Ишончли бошқарувчи (унинг раҳбари) ва Давлат мулки қўмитаси ўз мажбуриятларини зарур даражада бажармаганлиги учун амалдаги қонун ҳужжатларида белгиланган тартибда, қуйидаги шаклларда жавоб берадилар:
‎‎ишончли бошқариш шартномасини муддатидан олдин тўхтатиш;
уларнинг нотўғри ҳаракатлари оқибатида ет?азилган зарарларни қоплаш (компенсация қилиш) (суд қарорига кўра);
‎‎Ишончли бошқарувчи ва Давлат мулки қўмитаси мансабдор шахсларини шартнома интизоми бузилганлиги учун жавобгарликка тортиш;
‎‎жавобгарликнинг қонун ҳужжатларида назарда тутилган бошқа шакллари.
‎‎18. Ишончли бошқарувчи давлатга тегишли ___________________________ни бошқаришда енгиб
‎	^{(акциялар пакети ёки улуш)‎}	‎
бўлмайдиган куч ёхуд Ўзбекистон Республикаси Давлат мулки қўмитасининг ҳаракатлари туфайли Давлат мулки қўмитаси манфаатларига етказилган зарар ёки зиён учун жавоб бермайди (агар бу суд тартибида исботланса).‎‎
‎‎ ‎IХ. Бошқа қоидалар ‎
‎‎19. Шартноманинг қўшимча қоидалари томонларнинг келишувига кўра қуйидагиларни ўз ичига олади:
_____________________________ _____________________________ ‎	‎	‎
‎‎‎Х. Шартноманинг амал қилишини тўхтатиш‎ ‎
‎‎20. Ишончли бошқарувчи билан тузилган шартнома қуйидаги ҳолатларда тўхтатилиши мумкин:
‎‎томонлардан бирининг шартнома муддатининг тугаганлиги, иккинчи томоннинг ўз мажбуриятларини бажармаганлиги ёки зарур даражада бажармаганлиги, Жамиятнинг қайта ташкил этилиши, тугатилиши, Жамиятнинг ёки ишончли бошқарувчининг банкрот деб эътироф этилиши, Фойда олувчининг шартнома бўйича фойда олишни рад этиши, шунингдек ишончли бошқарувчининг унда ишончли бошқаришни амалга ошириш имконияти йўқлиги сабабли бошқаришни амалга оширишдан воз кечиши муносабати билан шартномани тўхтатиш тўғрисидаги асосланган аризаси олинганда. Шартнома ариза тақдим этилган вақтдан бошлаб 10 кун ўтгандан кейин бекор қилинган ҳисобланади;
‎‎Ишончли бошқарувчи ҳисобланган фуқаро вафот этганда, у муомалага лаёқатсиз, муомалага чекланган ҳолда лаёқатли ёки бедарак кетган деб эътироф этилганда;
‎‎давлатга тегишли ____________________________________ бегоналаштирилиши тўғрисида белгиланган
^{(акциялар пакети, улушлар (уларнинг бир қисми) ‎‎}		‎
‎‎тартибда қарор қабул қилинганда.
Шартнома қуйидаги ҳолларда бекор қилинган ҳисобланади:‎‎
_____________________________ ‎(акциялар пакети берилган тақдирда — давлатга тегишли акциялар пакети ишончли бошқарувчининг «депо» ҳисоб рақамидан Давлат мулки қўмитасининг ҳисоб рақамига ўтказилган вақтдан бошлаб Давлат мулки қўмитасининг: олди-сотди шартномаси тузилганлиги; ‎Давлат мулки қўмитасининг: ‎ _______________________ни ‎‎^{(акциялар пакети, улушлар (уларнинг бир қисми) ‎}устав фондига бериш ўғрисидаги буйруғи чиқарилганлиги ҳақидаги билдиришномасига мувофиқ) ‎	_____________________________ ‎ (улуш берилган тақдирда — Давлат мулки қўмитаси томонидан Ишончли бошқарувчи: олди-сотди шартномаси тузилганлиги; ‎Давлат мулки қўмитасининг: ‎________________ни устав ‎ ^{(улуш (ёки унинг бир қисми))} ‎фондига бериш ‎тўғрисидаги буйруғи чиқарилганлиги тўғрисида хабардор қилинган вақтдан бошлаб) ‎	‎
‎‎ ‎‎Ишончли бошқарувчи билан шартнома қонун ҳужжатларида назарда тутилган бошқа асослар бўйича тўхтатилиши мумкин.
‎‎ ХI. Низоларни ҳал этиш ‎
‎‎21. Низолар пайдо бўлган тақдирда томонлар уларни ўзаро келишув асосида ҳал этиш учун бутун саъй-ҳаракатларни ишга соладилар.
‎‎22. Ўзаро келишув бўйича ҳал этилмаган низолар суд тартибида ҳал қилинади.
‎	‎Ишончли бошқарувчи: ‎	‎
Фойда олувчи: ‎Ўзбекистон Республикаси Давлат ‎ мулки қўмитаси _________________________ ^{‎‎(юридик манзили) ‎‎}	‎________________________________ ^{‎(юридик шахснинг номи (шартномани имзолаган шахснинг Ф.И.О., лавозими), ‎жисмоний шахс — давлат ишончли вакилининг Ф.И.О). ‎}________________________________ ‎⁽^{юридик шахс учун — юридик манзили, банк‎ реквизитлари, СТИР, жисмоний ‎шахс — давлат ишончли вакили учун — доимий‎ яшаш жойининг манзили, ‎паспортига оид маълумотлар, СТИР). ‎}

* Акциялар пакетлари ишончли бошқарувга берилганда кўрсатилади.

Кейинги таҳрирга қаранг.

Вазирлар Маҳкамасининг
2006 йил 16 октябрдаги 215-сон қарорига
4-ИЛОВА

Ўзбекистон Республикаси Ҳукуматининг ўз кучини йўқотган қарорлари рўйхати

1. Вазирлар Маҳкамасининг «Акциядорлик жамиятларини бошқариш тизимини такомиллаштиришга доир чора-тадбирлар тўғрисида» 1998 йил 22 августдаги 361-сон қарори (Ўзбекистон Республикаси ҚТ, 1998 й., 8-сон, 31-модда) 1-бандининг тўртинчи хатбоши, шунингдек қарорга 5-илова.

2. Вазирлар Маҳкамасининг «1999-2000 йилларда хусусийлаштиришни чуқурлаштириш ва давлат мулкини сотишдан давлат бюджетига маблағлар тушишини кўпайтириш чора-тадбирлари тўғрисида» 1998 йил 17 декабрдаги 525-сон қарорига 8-илова 8-бандининг «г» кичик банди.

3. Вазирлар Маҳкамасининг «Ўзбекистон Республикаси Меҳнат ва аҳолини ижтимоий муҳофаза қилиш вазирлиги ҳамда Ташқи меҳнат миграцияси масалалари агентлиги тўғрисидаги низомларни тасдиқлаш ҳақида» 2001 йил 6 апрелдаги 162-сон қарорига (Ўзбекистон Республикаси ҚТ, 2001 й., 4-сон, 21-модда) 3-илованинг 25-банди.

Кейинги таҳрирга қаранг.

4. Вазирлар Маҳкамасининг «2003-2004 йилларда корхоналарни давлат тасарруфидан чиқариш ва хусусийлаштириш дастури тўғрисида» 2003 йил 17 апрелдаги 185-сон қарорига (Ўзбекистон Республикаси ҚТ, 2003 й., 4-сон, 30-модда) 6-илова II бўлимининг 8-банди.

5. Вазирлар Маҳкамасининг «Хусусийлаштирилган корхоналарни корпоратив бошқаришни такомиллаштириш чора-тадбирлари тўғрисида» 2003 йил 19 апрелдаги 189-сон қарорига (Ўзбекистон Республикаси ҚТ, 2003 й., 4-сон, 32-модда) 5-илова 3-бандининг «е» кичик банди.

6. Вазирлар Маҳкамасининг «Акциядорлик бирлашмалари ва компанияларидаги акциялар давлат улушидан самарали фойдаланилиши устидан мониторинг олиб бориш комиссияси фаолиятини ташкил этиш тўғрисида» 2004 йил 25 июндаги 295-сон қарорига (Ўзбекистон Республикаси ҚТ, 2004 й., 6-сон, 61-модда) 3-илованинг 1-банди.

Вазирлар Маҳкамасининг
2006 йил 16 октябрдаги 215-сон қарорига
5-ИЛОВА

Вазирлар Маҳкамасининг «Хусусийлаштирилган корхоналарни корпоратив бошқаришни такомиллаштириш чора-тадбирлари тўғрисида» 2003 йил 19 апрелдаги 189-сон қарорига киритилаётган ўзгартиришлар

1. 2-иловада:

а) илова номидаги ва 2-банддаги «акциядорлик» сўзи «хўжалик» сўзи билан алмаштирилсин;

б) 3-банд қуйидаги таҳрирда баён қилинсин:

«3. Давлатнинг ишончли вакили акциядорлар (муассислар, иштирокчилар) умумий йиғилишида давлатнинг ишончли вакили ҳисобланади, акцияларнинг давлат пакети (улуши) миқдорида бериладиган ҳуқуқлар доирасида фаолият кўрсатади»;

в) 5-банд қуйидаги таҳрирда баён қилинсин:

«5. Давлатнинг ишончли вакиллари номзодлари бўйича таклифлар Ўзбекистон Республикаси Вазирлар Маҳкамасининг тегишли Комплекслари билан келишган ҳолда Давлат мулки қўмитаси томонидан киритилади.

Бунда давлатнинг ишончли вакиллари номзодлари етарли даражада иқтисодий билимларга, раҳбарлик ишида ишлаш амалиётига эга бўлган ҳамда тайинлаш ва кўрсатиб ўтилган функцияларни бажариш пайтида таркибига хўжалик жамияти кирадиган компаниялар, корпорациялар, уюшмалар ходимлари бўлмаган жисмоний шахслар, шунингдек профессионал бошқарувчи компаниялар — юридик шахслар орасидан танлаб олинади. Номзодларни танлаб олишда корпоратив бошқарув ҳамда қимматбаҳо қоғозлар бозори соҳасида қўшимча маълумотга эга бўлган шахсларга устунлик берилади.

Якка ижро этувчи орган функциясини бажарган ёки кўрсатиб ўтилган юридик шахс банкрот деб эътироф этилган вақтда юридик шахснинг ижро этувчи органи ҳайъати таркибига кирган шахслар давлатнинг ишончли вакили этиб тайинланиши мумкин эмас»;

г) 6-банднинг биринчи хатбоши қуйидаги таҳрирда баён қилинсин:

«Ўзбекистон Республикаси Давлат мулки қўмитаси тайинланган давлат ишончли вакили билан акцияларнинг давлат пакетини (улушини) бошқариш юзасидан тегишли шартнома тузади»;

д) 7-бандда:

иккинчи хатбоши қуйидаги таҳрирда баён қилинсин:

«акциядор (муассис, иштирокчи) сифатида давлат манфаатларини ҳимоя қилиш, хўжалик жамиятидаги мол-мулкнинг сақланишини ва ундан оқилона фойдаланилишини таъминлаш»;

бешинчи хатбоши қуйидаги таҳрирда баён қилинсин:

«акцияларнинг давлат пакети (улуши) бўйича дивидендлардан хўжалик жамиятини реконструкция қилишда ва техника билан қайта жиҳозлаш учун мақсадли фойдаланилишини таъминлаш»;

е) 8-бандда:

иккинчи хатбоши қуйидаги таҳрирда баён қилинсин:

«жамиятнинг устави ва амалдаги қонун ҳужжатларида белгиланган тартибда акцияларнинг давлат пакети (улуши) миқдорига мувофиқ акциядор (муассис, иштирокчи) сифатида ўзининг барча ваколатларидан фойдаланиш»;

учинчи хатбошидаги «акциядорлик» сўзи «хўжалик» сўзи билан алмаштирилсин;

ж) 9-банд қуйидаги таҳрирда баён қилинсин:

«9. Давлатнинг ишончли вакили хўжалик жамиятини бошқаришнинг ижро этувчи органлари томонидан амалга ошириладиган жорий ишлаб чиқариш фаолиятига аралашиш ҳуқуқига эга эмас, уларнинг хатти-ҳаракати қонун ҳужжатларининг бузилишига ва хўжалик жамиятига ҳамда давлатга зарар етказилишига олиб келадиган ҳоллар бундан мустасно»;

з) 10-бандда:

иккинчи ва учинчи хатбоши қуйидаги таҳрирда баён қилинсин:

«акцияларнинг давлат пакети (улуши) билан бериладиган ваколатларга мувофиқ ушбу Низомнинг 7-бандида кўрсатилган ўз вазифаларининг бажарилишини таъминлаш;

Ўзбекистон Республикаси Давлат мулки қўмитасини ўз фаолияти натижалари ва хўжалик жамиятининг молия-хўжалик аҳволи тўғрисида хабардор қилиш»;

еттинчи хатбоши қуйидаги таҳрирда баён қилинсин:

«хўжалик жамиятининг бюджетга мажбурий тўловлар, давлат мақсадли жамғармаларига, иш ҳақи бўйича қарзи вужудга келган тақдирда, шунингдек корхонанинг ишлаб чиқариш ва молиявий аҳволи ёмонлашганда жамиятнинг Кузатувчи кенгаши таркибини ва ижро этувчи органини қайта сайлаш мақсадида акциядорларнинг (муассисларнинг, иштирокчиларнинг) навбатдан ташқари умумий йиғилиши чақирилишини талаб қилиш»;

к) 11-банд қуйидаги таҳрирда баён қилинсин:

«11. Давлатнинг ишончли вакили тегишли равишда Акциядорлик бирлашмалари ва компанияларидаги акциялар давлат улушидан самарали фойдаланилиши устидан мониторинг олиб бориш комиссияси ёки Ўзбекистон Республикаси Давлат мулки қўмитаси билан келишувсиз хўжалик жамиятининг бошқарув органларида бошқа акциядорларнинг (муассисларнинг, иштирокчиларнинг) вакили бўлиши мумкин эмас»;

л) 12-банддаги «акциядорлик» сўзи «хўжалик» сўзи билан алмаштирилсин.

Кейинги таҳрирга қаранг.

2. 3-илова 9-бандининг ўн иккинчи хатбоши чиқариб ташлансин.

(Ўзбекистон Республикаси қонун ҳужжатлари тўплами, 2006 й., 42-сон, 417-модда; 2009 й., 52-сон, 568, 578-моддалар; 2011 й., 37-сон, 381-модда; 2012 й., 6-сон, 57-модда; 2013 й., 33-сон, 438-модда; 2014 й., 27-сон, 329-модда; 2015 й., 26-сон, 340-модда, 39-сон, 507-модда; 2016 й., 6-сон, 56-модда, 17-сон, 176-модда; 2017 й., 1-сон, 14-модда, 25-сон, 543-модда, 33-сон, 863-модда; Қонун ҳужжатлари маълумотлари миллий базаси, 14.11.2017 й., 09/17/907/0245-сон, 19.01.2018 й., 09/18/33/0597-сон; 23.02.2019 й., 09/19/161/2600-сон, 04.07.2019 й., 09/19/544/3376-сон, 29.12.2019 й., 09/19/1046/4242-сон; 15.04.2020 й., 09/20/217/0426-сон; 08.05.2020 й., 09/20/273/0552-сон; 09.12.2020 й., 09/20/775/1612-сон; 22.02.2021 й., 09/21/87/0134-сон; Қонунчилик маълумотлари миллий базаси, 06.05.2021 й., 09/21/280/0424-сон; 18.03.2022 й., 07/22/168/0228-сон, 05.04.2022 й., 09/22/153/0266-сон, 29.09.2022 й., 09/22/538/0862-сон, 27.10.2022 й., 09/22/619/0968-сон; 15.05.2024 й., 09/24/282/0347-сон; 10.11.2025 й., 09/25/709/1027-сон)