O‘zbekiston Respublikasida tabiatdan foydalanishda iqtisodiy mexanizmni bosqichma-bosqich joriy etishni ta’minlash, tabiatdan foydalanishni boshqarishning iqtisodiy usullarini yanada takomillashtirish, shuningdek, ekologiya xavfsizligi masalalari bo‘yicha kompleks yondashuvni ta’minlash maqsadida Vazirlar Mahkamasi qaror qiladi:

1. O‘zbekiston Respublikasi Davlat tabiatni muhofaza qilish qo‘mitasining O‘zbekiston Respublikasi Moliya vazirligi va Iqtisodiyot vazirligi bilan kelishilgan, O‘zbekiston Respublikasi hududida atrof tabiiy muhit ifloslantirilganligi va chiqindilar joylashtirilganligi uchun kompensatsiya to‘lovlari stavkalarini 1,3 baravar indeksatsiya qilish to‘g‘risidagi taklifi qabul qilinsin hamda ularning miqdorlari 1—4-ilovalarga* muvofiq tasdiqlansin.

2. Vazirlar Mahkamasining “O‘zbekiston Respublikasi hududida atrof tabiiy muhit ifloslantirilganligi va chiqindilar joylashtirilganligi uchun to‘lovlar tizimini takomillashtirish to‘g‘risida” 2003-yil 1-maydagi 199-son qaroriga (O‘zbekiston Respublikasi QT, 2003-y., 5-son, 35-modda) 5-ilovaga muvofiq o‘zgartirishlar kiritilsin.

3. O‘zbekiston Respublikasi Davlat tabiatni muhofaza qilish qo‘mitasi bir oy muddatda manfaatdor vazirliklar va idoralar bilan birgalikda idoraviy normativ hujjatlarga mazkur qarordan kelib chiquvchi tegishli o‘zgartirishlar kiritsin.

4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari V.A. Golishev zimmasiga yuklansin.

1. 2-bandning ikkinchi xatboshi, shuningdek, qarorga 1—4-ilovalar o‘z kuchini yo‘qotgan deb hisoblansin.

2. 5-ilovada:

a) 2-band quyidagi tahrirda bayon qilinsin:

“2. O‘zbekiston Respublikasi hududida ifloslantiruvchi moddalarni atrof tabiiy muhitga chiqarib tashlovchi, oqova oqizuvchi va chiqindilarni joylashtiruvchi yuridik shaxslar O‘zbekiston Respublikasi hududida atrof tabiiy muhit ifloslantirilganligi va chiqindilar joylashtirilganligi uchun kompensatsiya to‘lovlari to‘lovchilar hisoblanadi.

Faqat davlat budjeti mablag‘laridan moliyalashtiriladigan korxonalar va tashkilotlar O‘zbekiston Respublikasi hududida atrof tabiiy muhit ifloslantirilganligi va chiqindilar joylashtirilganligi uchun kompensatsiya to‘lovlari to‘lovchilar hisoblanmaydilar. Bunda daromadlarning boshqa manbalari bo‘yicha ushbu korxonalar va tashkilotlar qonun hujjatlarida belgilangan tartibda kompensatsiya to‘lovlari to‘laydilar”;

b) 12-bandda:

“bunda Kkr quyidagi bog‘liqlikda aniqlanadi” so‘zlari “bunda Mn — ifloslantiruvchi moddalar tabiiy muhitga chiqarib tashlanishi, oqizilishi va chiqindilar joylashtirilishi massasining amaldagi massasi bo‘yicha qabul qilinadi, Kkr quyidagi bog‘liqlikda aniqlanadi” so‘zlari bilan almashtirilsin;

jadval quyidagi tahrirda bayon qilinsin: