1.09.00.00.00 Tadbirkorlik va xoʻjalik faoliyati / 09.15.00.00 Transport / 09.15.06.00 Avtomobil transporti]
[TSZ:
1.Iqtisodiyot / Transport. Yoʻl xoʻjaligi. Harakat va parvozlar xavfsizligi]
Oʻzbekiston avtomobil va daryo transporti agentligining
Buyrugʻi
CHIPTA-HISOB VA YOʻL VARAQALARINI TOʻLDIRISH BOʻYICHA YOʻRIQNOMANI TASDIQLASH TOʻGʻRISIDA
[Oʻzbekiston Respublikasi Adliya vazirligi tomonidan 2003-yil 9-oktabrda 1282-son bilan davlat roʻyxatidan oʻtkazilgan]
LexUZ sharhi
Mazkur buyruq Oʻzbekiston Respublikasi adliya vazirining 2025-yil 29-martdagi 7-mh-sonli “Ayrim idoraviy normativ-huquqiy hujjatlarni Idoraviy normativ-huquqiy hujjatlarning davlat reyestridan chiqarish toʻgʻrisida”gi buyrugʻiga (roʻyxat raqami 3615, 29.03.2025-y.) asosan 2025-yil 1-iyuldan davlat reyestridan chiqariladi.
Oʻzbekiston Respublikasining “Isteʼmolchilar huquqlarini himoya qilish toʻgʻrisida”gi Qonuni hamda Oʻzbekiston Respublikasi Vazirlar Mahkamasining 1998-yil 11-iyuldagi 296-sonli “Oʻzbekiston avtomobil va daryo transporti agentligini tashkil etish toʻgʻrisida”gi qaroriga muvofiq, tashuvchilar tomonidan chipta-hisob va yoʻl varaqasini toʻldirilishini tartibga solish hamda hisob-kitobini yuritish maqsadida buyuraman:
1. Ilova qilingan “Chipta-hisob va yoʻl varaqasini toʻldirish boʻyicha Yoʻriqnoma” tasdiqlansin.
2. Mazkur Yoʻriqnoma Oʻzbekiston Respublikasi adliya vazirligida roʻyxatga olingan palladan oʻn kun muddat oʻtganidan soʻng kuchga kiritilsin.
Agentlik boshligʻi A. ABDUVALIYEV
Toshkent sh.,
2003-yil 1-avgust,
108-son
Oʻzbekiston avtomobil va daryo transporti agentligining 2003-yil 1-avgustdagi 108-son buyrugʻi bilan tasdiqlangan
Chipta-hisob va yoʻl varaqasini toʻldirish boʻyicha
Yoʻriqnoma
Mazkur Yoʻriqnoma Oʻzbekiston Respublikasi Vazirlar Mahkamasining 1998-yil 11-iyuldagi 296-sonli “Oʻzbekiston avtomobil va daryo transporti agentligini tashkil etish toʻgʻrisida”gi qarori hamda Oʻzbekiston Respublikasining 1996-yil 26-apreldagi “Isteʼmolchilar huquqlarini himoya qilish toʻgʻrisida”gi Qonuniga muvofiq ishlab chiqildi va chipta-hisob va yoʻl varaqasini toʻldirish tartibini belgilaydi.
Mazkur Yoʻriqnoma, tashkiliy-huquqiy shakli va mansubligidan qatʼi nazar, avtomobil transportida shahar, shahar atrofi, shaharlararo va xalqaro muntazam yoʻlovchilar tashuvlarini amalga oshiruvchi avtomobil tashuvchilari uchun amal qiladi.
Ushbu Yoʻriqnoma shaxsiy yengil avtomobilida yoʻnalishsiz taksi sifatida yoʻlovchilarni tashish bilan shugʻullanadigan jismoniy shaxslar uchun amal qilmaydi.
§ 1. Asosiy tushunchalar (atamalar)
1. Mazkur Yoʻriqnomada quyidagi asosiy tushunchalar qoʻllaniladi:
avtobus — haydovchining joyini hisoblamaganda, oʻtirish uchun oʻrindiqlari 8 tadan ortiq boʻlgan va yoʻlovchilar tashishga moʻljallangan avtotransport vositasi;
shahar tashishlari — shahar yoki shahar tipidagi qoʻrgʻon chegarasida amalga oshiriladigan tashishlar;
yoʻnalishsiz taksi — toʻlov taksometr (hisoblagich) koʻrsatkichi boʻyicha hamda yoʻlovchilar buyurtmasi asosida amalga oshiriladigan xizmatlarni koʻrsatuvchi avtotransport vositasi;
yoʻnalish — avtotransport vositasining belgilangan punktlar oraligʻida amalga oshiradigan safari davomidagi yoʻl;
yoʻnalishli taksi — toʻxtovlar yoʻlovchilar talablari boʻyicha tashkil etiladigan yoʻlovchilarni muntazam yoʻlovchi tashish yoʻnalishlarida tashish uchun moʻljallangan avtobus yoki yengil avtomobil;
shaharlararo tashishlar — shahar yoki shahar tipidagi qoʻrgʻon chegarasidan tashqarida ellik kilometrdan ortiq boʻlgan masofaga tashishlar, shuningdek, yoʻnalish masofasidan qatʼiy nazar, Oʻzbekiston Respublikasining ikki va undan ortiq viloyatlari oʻrtasida amalga oshiriladigan tashishlar;
xalqaro tashishlar — Oʻzbekiston Respublikasi davlat chegarasi tashqarisida yoki tashqarisiga yoʻnalish masofasidan qatʼi nazar, amalga oshiriladigan tashishlar;
nol qatnovlari — harakat tarkibi tomonidan belgilangan yoʻnalish boʻyicha korxonadan ish boshlash manziliga qadar bosib oʻtilgan yoʻl yoxud ish tugash manzilidan belgilangan yoʻnalish boʻyicha avtotransport vositasi tomonidan toʻxtab turish manziliga qadar bosib oʻtilgan yoʻl;
toʻliq jarayonli qatnov — harakat tarkibi tomonidan belgilangan yoʻnalish boʻyicha boshlangʻich manzildan oxirgi punktga qadar va orqaga yoʻnalish boshlangan boshlangʻich punktga qadar bosib oʻtilgan yoʻl;
yoʻlovchi — tuzilgan tashish shartnomasiga muvofiq, tashuvchi xizmatidan foydalanuvchi (tashuvchi tomonidan toʻlov asosida yoki tekin tashiluvchi) jismoniy shaxs;
tashuvchi — avtotransport vositasiga mulkchilik huquqi yoki boshqa ashyoviy huquq sifatida egalik qiluvchi, tijorat asosida yoʻlovchilar, bagajlarni tashish boʻyicha xizmatlar koʻrsatuvchi va buning uchun litsenziyaga ega yuridik shaxs;
shahar atrofi tashishlari — shahar yoki shahar tipidagi qoʻrgʻon chegarasidan tashqarida ellik kilometr masofadagi tashishlar;
harakat jadvali — qatnovlar bajarilishining vaqti, joyi va ketma-ketligi toʻgʻrisidagi maʼlumotlar qayd etilgan jadval;
qatnov — avtotransport vositasining joʻnash punktidan belgilangan punktga qadar amalga oshiradigan harakati.
§ 2. Umumiy qoidalar
2. Yoʻl varaqalari va naryadlar blankalari yoʻlovchilar tashishlarini amalga oshiruvchi avtotransport vositalarining, shu jumladan yoʻnalishsiz taksilarning ishini taʼriflovchi asosiy hujjat hisoblanadi. Shuningdek, avtobuslar va yoʻnalishli taksilar uchun “Chipta-hisob varaqalari”.
3. Avtotransport vositalari, shu jumladan, yoʻnalishsiz taksilar yoʻl (barcha turdagi), chipta-hisob varaqa blankalari va naryadlar blankalari boshqa qatʼiy hisobdagi blankalar bilan bir qatorda buxgalteriyada saqlanadi va u tomonidan ehtiyojga koʻra, talablarga qarab avtotransportdan foydalanish uchun javobgar shaxsga (foydalanish boʻlimi boshligʻi, katta dispetcher va foydalanish boʻlimi xodimlariga) tartib raqami qayd etilgan holda beriladi.
Masʼul hisobdor shaxslar yoʻl, chipta-hisob varaqalari va naryadlar hisobotlarini tuzadilar va buxgalteriyaga topshiradilar.
4. Haydovchilarga yoʻl varaqalarini (shu jumladan, yoʻnalishsiz taksi haydovchilariga) berish navbatchi dispetcher tomonidan amalga oshiriladi, soatbay avtobuslarga chipta-hisob varaqalari va naryadlarni berish esa navbatchi gʻaznachi tomonidan, yoʻlga chiqishga ruxsat beruvchi yoʻl varaqalarini taqdim etgan taqdirda beriladi.
5. Haydovchilarga berilayotgan yoʻl va chipta-hisob varaqalari ushbu avtokorxona boʻyicha tartib raqamiga ega boʻlishi lozim (har yilning 1-yanvaridan berilgan sana, avtotransport tegishli boʻlgan avtokorxona shtampi).
6. Yoʻl hujjatlarining toʻldirilishi uchun foydalanish boʻlimlari boshliqlari, katta va navbatchi dispetcherlar va avtotransport vositalarini yoʻnalishga chiqishi va ularning garajga qaytishini rasmiylashtiruvchi shaxslar javobgardirlar.
7. Yoʻl va chipta-hisob varaqalarini toʻgʻrilash va boʻyashga yoʻl qoʻyilmaydi.
8. Yoʻl va chipta-hisob varaqalarida yoʻldagi oraliq avtovokzallarida (avtostansiyalari) va oxirgi toʻxtash punktlarida amalga oshiriladigan barcha yozuvlarning toʻgʻriligini haydovchi shaxsan kuzatib borishi shart.
9. Chipta-hisob varaqalari ikki qismdan iborat: chipta-hisob varaqasi (yirtish chizigʻigacha) va nazorat varaqasi (yirtish chizigʻidan soʻng). Ikki qismini ham toʻldirish majburiydir.
10. Chipta-hisob varaqalarini toʻldirishda navbatchi dispetcherlar, chipta gʻaznachilari, haydovchilar (konduktorlar), yoʻnalish dispetcherlari, avtovokzallar (avtostansiya) va oraliq gʻaznachilari hamda tushumni qabul qiluvchi gʻaznachilar ishtirok etadilar.
11. Chipta-hisob varaqasi boʻyicha quyidagilar: chiptalarning seriyalari va raqamlari boʻyicha aniq sarflanganligi, sotilgan chiptalar uchun tushum hajmi, bajarilgan qatnovlar soni, shu jumladan, reja boʻyicha, aslida, jadvalni buzgan holda (muntazamlik koʻrsatkichi) hamda tashilgan yoʻlovchilar soni va bajarilgan yoʻlovchi-kilometr boʻyicha umumiy natijalari aniqlanadi.
12. Chiptalarni sotish boʻyicha hisobdor shaxslar (haydovchi, konduktor) ish boshlanishidan oldin chiptalarni sotish uchun avtovokzal yoki avtostansiyaning navbatchi dispetcheriga chipta-hisob varaqalarini, ulardagi seriyalari va raqamlarining toʻgʻri toʻldirilganligini tekshirish uchun taqdim etishlari lozim.
13. Avtokorxonaning foydalanish boʻlimi boshligʻi chipta-hisob varaqalari toʻgʻri olib borilishi va toʻldirilishi uchun masʼuldir, shuningdek, har kuni ularning ushbu Yoʻriqnomaga muvofiqligini tekshirib boradi.
14. Yoʻlovchilar transportida, shu jumladan, yoʻnalishsiz taksilarda ham barcha turdagi yoʻl va chipta-hisob varaqalari rekvizitlarining toʻldirilishini mazkur Yoʻriqnomaga muvofiq amalga oshirish zarur.
15. Saotbay shartnoma tariflari boʻyicha ishlaydigan avtobuslar naryad blankalarining toʻldirilishi avtokorxona navbatchi dispetcheri va buyurtmachining masʼul xodimi tomonidan amalga oshiriladi.
§ 3. Avtotransport vositasi — yoʻnalishsiz taksi yoʻl varaqalarini toʻldirish
16. Yoʻl varaqalari rekvizitlari (1-ilova): avtotransport vositasi egasining nomi(shtamp), oy, yil, avtomobilning davlat va garaj raqami, haydovchining familiyasi, ismi, sharifi, haydovchilik guvohnomasi raqami, tabel raqami, toifasi — oyning boshlanishiga qadar foydalanish boʻlimida toʻldiriladi.
17. Dispetcher tomonidan yoʻl varaqasining old tomonidagi “Rejali topshiriq” boʻlimida jadval (chiqish va qaytish vaqti), yoʻnalishdagi bir kungi va bir oydagi ish vaqti, bir kungi va bir oylik tushum, bosib oʻtilgan yoʻlning pullik foydalanish koeffitsiyenti yozib qoʻyiladi.
18. Ishga kelgan zahoti haydovchi ishga kelgan vaqtini dispetcherda belgilashi (yoʻl varaqasining ichki tomoni 2-bet), avtomobilni boshqarishga huquqli guvohnomasini taqdim etishi, undan yoʻl varaqasini olishi lozim, shundan soʻng, haydovchi sogʻligi boʻyicha yoʻlga chiqishga shifokor ruxsatini olish uchun tibbiy koʻrikdan oʻtishi lozim, bu esa, yoʻl varaqasining ichki tomonidagi “Shifokor belgisi” boʻlimida shifokor imzosi bilan tasdiqlanadi.
19. Yoʻl varaqasining old tomonidagi “Avtotransport vositasining punktlardagi navbatchiligi” boʻlimida dispetcher tomonidan sananing roʻparasida avtotransport vositasini belgilangan maskanga yuborilganligi toʻgʻrisidagi belgilar koʻrsatiladi va “kelganlik haqida”gi kataklarda navbatchilik oʻtkazilgan punkt dispetcheri tomonidan belgilar qayd etiladi.
20. Kolonna boshligʻi yoki mexanigi yoʻl varaqasining old tomonidagi “Avtotransport vositasi, taksometr va plombalar soz holatda” boʻlimida oʻz imzolarini “Chiqishga ruxsat” katagida, qaytib kelganda esa, “Avtotransport vositasini qabul qilib oldim, spidometr koʻrsatkichlarini tekshirdim” katagida qoʻyishadi.
21. Kolonna boshligʻi yoki mexanigi vizasini olgandan soʻng, haydovchi “Avtotransport vositasi, taksometr va plombalar soz holatda” boʻlimida oʻz imzosini “Avtotransport vositasini qabul qilib oldim” katagida, qaytib kelganda esa, ushbu boʻlimidagi “Avtotransport vositasini kolonnaga topshirdim” katagida qoʻyadi.
22. Avtotransport vositasini safarga chiqishga tayyorlagandan soʻng haydovchi yoqilgʻi olishi lozim. Yoʻl varaqasining ichki tomonidagi (2-ilova) “Dispetcher imzosi” boʻlimida Dispetcher oʻz imzosini qoʻyadi. Shundan soʻng yoqilgʻi quyuvchi yoqilgʻi beradi va “Yoqilgʻi” boʻlimida joʻnatilgan yoqilgʻi miqdorini yozadi va oʻz imzosini qoʻyadi.
23. Yoʻl varaqasining shu yeri ichki tomonida “Haqiqiy vaqt” boʻlimida Dispetcher shtamp-vaqtlar bilan haqiqiy chiqish vaqtini, spidometr koʻrsatkichi va taksometr koʻrsatkichini (umumiy, pullik bosib oʻtilgan yoʻl, chiqarish gʻaznasi) belgilab qoʻyadi. Xuddi shu koʻrsatkichlarni navbatchi mexanik avtotransport vositasining safardan qaytganida yozib qoʻyadi.
24. “Yoqilgʻi” boʻlimida navbatchi mexanik tomonidan avtotransport vositasida chiqish vaqtidagi yoqilgʻi miqdorini yozadi va imzosini qoʻyadi, qaytgan vaqtida esa, avtotransport vositasidagi yoqilgʻining qoldigʻini yozadi va imzosini qoʻyadi.
Yoʻl varaqasining ichki tomonida (3-bet) oyning oxirigacha sanalar boʻyicha yoʻl varaqasining ikkinchi betidagi kabi yozuvlar toʻldiriladi.
25. Ushbu betdagi “Shahar tashqarisiga safarlar” boʻlimida:
Navbatchi dispetcher tomonidan — yozuv vaqti, kim tomonidan ruxsat berilganligi, qayerdan, qayerga, bir tomonga yoki ikki tomonga, spidometr koʻrsatkichlari, taksometr koʻrsatkichlari, umumiy bosib oʻtilgan yoʻl, pullik bosib oʻtilgan yoʻl, gʻazna, chiqarishlar haqida;
navbatchi mexanik tomonidan — avtotransport vositasining texnik holati haqida yozuvlar qayd etiladi.
26. “Yoʻnalishdagi har xil qaydnomalar” boʻlimida avtotransport vositasining yoʻnalishdagi ishi boʻyicha zarur yozuvlar qayd etiladi (nazorat qiluvchi organlar tanbehlari, yoʻlovchilarning noroziliklari).
27. Yoʻl varaqasining toʻrtinchi betida avtotransport vositasining garajga kirishi, taʼmirlanishi va muddatdan oldin qaytishi, kech chiqishi sabablari haqida qaydnomalar yoziladi.
28. “Rejali texnik xizmat koʻrsatishlar” boʻlimida texnik xizmat tomonidan rejali TX-1, TX-2 qaydnomalari yoziladi va TXP boshligʻi imzosi bilan tasdiqlanadi, “Taksometrni almashtirish” boʻlimida esa, uning almashtirilganligi haqida qaydnoma yoziladi.
§ 4. Avtotransport vositasi — yoʻnalishsiz taksi yoʻl varaqalarini koʻrib chiqish, tayyorlash
29. Yoʻl varaqalarini koʻrib chiqish, tayyorlash park dispetcheri va foydalanish xizmati xodimlari tomonidan amalga oshiriladi.
30. Yoʻl varaqasining ichki tomonida dispetcher har kuni avtotransport vositasi — yoʻnalishsiz taksi ishining natijalari yakunini qayd etadi. “Natija” satrida har kuni spidometr va taksometr koʻrsatkichlari boʻyicha natijalar (umumiy bosib oʻtilgan yoʻl, pullik bosib oʻtilgan yoʻl, gʻazna, chiqarilishlar) qayd etiladi, ushbu natijalar avtotransport vositasi taksining yoʻnalishdan qaytib kelganidagi va garajdan chiqib ketayotganidagi farqli koʻrsatkichlar sifatida belgilanadi. Taksometr mavjud boʻlmagan taqdirda, pullik bosib oʻtilgan yoʻl, avtotransport vositasi taksining umumiy bosib oʻtilgan yoʻlini pullik bosib oʻtilgan yoʻlning rejali koeffitsiyentiga koʻpaytirish yoʻli bilan aniqlanadi; chiqarishlar soni oʻtgan oylar hisobotlar maʼlumotlari boʻyicha aniqlanadi.
31. “Tushum” grafasi dispetcher tomonidan pullik bosib oʻtilgan yoʻlga, chiqarishlar sonining qoʻshilgani pullik bir kilometrga oʻrnatilgan tarifga koʻpaytirilganligi boʻyicha maʼlumotlar asosida toʻldiriladi.
32. “Ish vaqtlari” boʻlimi “Naryaddagi vaqtlar” katagida soatlar, avtotransport vositasi taksining garajga qaytish vaqti va garajdan chiqish vaqti oʻrtasidagi tushlik vaqtining ayirilgani, farq sifatida belgilanadi.
“Ichki navbatchilikdagi bekor turishlar vaqtlari” “opredelyayutsya po dannim razdela “Avtotransport vositasi taksining garajga kirishi, taʼmirlanishi va muddatdan oldin qaytishi toʻgʻrisidagi qaydnomalar” boʻlimi maʼlumotlari boʻyicha aniqlanadi.
“Tungi soatlar” — soat 22-00 dan 6-00 gacha.
Bayram kunlari uchun soatlar “Bayram kunlari” katagida qayd etiladi.
Oyning oxirida dispetcher tomonidan oy yakuni sarhisob qilinadi va natijasi yoʻl varaqasining uchinchi betidagi “Jami bir oyda” satrida qayd etiladi.
33. Ishlangan, tayyorlangan yoʻl varaqalari oy yakuni boʻyicha buxgalteriyaga korxona boʻyicha qabul qilingan buyruq bilan belgilangan muddatlarda, tilxat asosida topshiriladi.
§ 5. Avtobus va yoʻnalishli taksilarning yoʻl varaqalarini toʻldirish
34. Yoʻl varaqalari rekvizitlari (2-ilova): avtotransport vositasi egasining nomi (shtamp), yoʻl varaqasining raqami, oy, yil, haydovchining familiyasi, ismi, sharifi, tabel raqami, boshqarish huquqiga ega guvohnoma raqami, toifasi, avtobusning rusumi, davlat raqami va seriyasi, garaj raqami, — oyning boshlanishiga qadar foydalanish boʻlimida toʻldiriladi.
35. Haydovchining yoʻnalishga chiqishidan oldin yoki bir kun oldin navbatchi dispetcher yoʻl varaqasining old tomonidagi “Avtotransport vositasining rusumi” 2-grafa, “Avtotransport vositasining davlat raqami” 3-grafa, “Jadval boʻyicha chiqish vaqti” 4-grafa, “Yoʻnalish raqami” 6-grafa, “Yoʻnalish yoki buyurtmachi nomi” 7-grafa, “Jadval raqami” 8-grafa, “Jadval boʻyicha qaytgan vaqt” 14-grafalarini chiqishning tegishli sanasini kiritgan holda toʻldirishi lozim.
36. Yoʻnalish hujjatlari, avtobus harakatlarini tashkil etish rejasi hamda avtotransport vositalaridan foydalanish shartlari asosida navbatchi dispetcher yoʻl varaqasining ichki tomonidagi “Reja asosida qatnovlar” (18-grafa), “Chipta-hisob varaqa raqami” (23-gr.), “Reja boʻyicha tushum” (24-grafa)larni toʻldirishi lozim.
37. Avtotransport vositasining haqiqatda chiqish vaqti (5-gr.) va haqiqatda qaytish vaqti (15-gr.) navbatchi mexanik tomonidan shtamp-soat yordamida avtotransport vositasini yoʻnalishga chiqarish va qabul qilish vaqtida qoʻyiladi.
38. Yoʻl varaqasining old tomonida texnik soz holatdagi avtotransport vositasini garajdan chiqarishga ruxsat berish, uni haydovchiga topshirish va undan qabul qilingan haqiqiy vaqtni koʻrsatgan holda, qabul qilib olish (10 va 16-grafalar) hamda garajdan chiqish va qaytishdan oldin avtotransport vositasi spidometridagi koʻrsatkichlari (12 va 13-grafalar) navbatchi mexanik yoki uning oʻrnini bosuvchi shaxsning imzosi bilan tasdiqlanadi.
381. Haydovchi yoʻnalishga chiqishi oldidan yoʻl varaqasining old tomonida 9-gr. haydovchi sogʻligining holati va uning avtotransport vositasini boshqarishga ruxsat etilishi imkoniyati tibbiyot xodimi imzosi bilan tasdiqlanadi.
39. Haydovchi tomonidan avtotransport vositasini garajda qabul qilish vaqtida u yoʻl varaqasining old tomoni 11-grafani imzolaydi.
40. Avtotransport vositasining ish boshlash punktiga yetib kelish vaqti chipta-hisob varaqasining nazorat varaqasida shtamp-soat yordamida:
a) shahar yoʻlovchi avtobuslari yoʻnalishlarida va yoʻnalishli taksi yoʻnalishlarida bosh va oxirgi bekatlar dispetcherlari tomonidan;
b) shahar atrofi va shaharlararo yoʻnalishlarda — avtovokzal (avtostansiya), avtogʻazna dispetcherlari tomonidan toʻldiriladi.
41. Avtotransport vositasining bakida kun yakuni va oʻsib boruvchi yakuni (36 va 37 gr.) bilan qolgan yoqilgʻi, haqiqatda (38-gr.), shu jumladan, yoʻnalishda, naryad va navbatchilik (39 va 40 gr.) boʻyicha sarflangan yoqilgʻi miqdori haqidagi yozuv yoqilgʻi-moylash materiallari uchun masʼul shaxs tomonidan aniqlanadi.
Oraliq qatnovlardagi bekor turib qolish, taʼmirga qoʻyish va boshqa hollarda yoqilgʻi quyish shaxobchasiga qaytarilgan yoqilgʻi miqdori (41-gr.) yoqilgʻi quyish shaxobchasi operatori tomonidan imzolanadi (42-gr.).
42. Berilgan yoqilgʻi miqdori ushbu vazifani bajaruvchi shaxslarning shaxsiy imzosi va shtampi bilan tasdiqlanadi (34 va 35-gr.).
43. Garajdan chiqishning kechikkanlik sabablari toʻgʻrisida qaydnoma navbatchi mexanik yoki buning uchun vakolatga ega shaxs tomonidan yoʻl varaqasining 1 boʻlimidagi “Avtotransport vositasining garajdan chiqishi boʻyicha kechikkanligi toʻgʻrisidagi qaydnomalar”da (4-bet), yoʻl varaqasining 2 boʻlimidagi “Avtotransport vositasining garajga kirganligi va yoʻnalishda bekor turganligi”da (4-bet) esa, ish kuni davomida garajga kirganliklari qayd etiladi.
44. Avtotransport vositasining texnik sabablarga koʻra garajda bekor turib qolishi davomiyligi toʻgʻrisida qaydnoma navbatchi mexanik tomonidan yoʻl varaqasining 2 boʻlimidagi “Avtotransport vositasining garajga kirishlari va yoʻnalishda bekor turib qolishlari”da (4-bet), yoʻnalishda esa, dispetcherxona yoki bosh avtobus bekati yoʻnalish dispetcheri tomonidan, smena, bekor turib qolish sababi va davomiyligi koʻrsatilgan holda, shu boʻlimda qayd etiladi.
Avtotransport vositasining nosozligi — shina almashtirilishi, yoʻl buzilishi va boshqa sabablar tufayli yuzaga kelgan barcha bekor turib qolishlar koʻrsatiladi.
45. Avtotransport vositasini boshqa yoʻnalishga oʻtkazilgan taqdirda, yoʻnalish dispetcheri tomonidan yoʻl varaqasining toʻrtinchi varaqasi “Avtotransport vositasini boshqa yoʻnalishga oʻtkazilganligi haqida maʼlumotlar” 3-boʻlimida qaydnomalar qayd etiladi. Bunda, dispetcher harakat trassasi xususiyatlari va harakat xavfsizligini taʼminlash toʻgʻrisida ogohlantiradi.
46. Yoʻnalishlarda yoʻlovchilar chiptalarining mavjudligi, haydovchi tomonidan harakat xavfsizligi buzilganligining vakolatli organlar tomonidan tekshirilganligi haqida maʼlumotlar yoʻl varaqasining toʻrtinchi varaqasida yozib boriladi.
47. Avtotransport vositasini buyurtma asosida taqdim etilishining barcha hollarida haydovchiga belgilangan shakldagi (3-ilova) naryad beriladi. Buyurtmachining nomi yoʻl varaqasining old tomonidagi 7 grafasiga kiritiladi va navbatchi dispetcher “Chipta-hisob varaqasi raqami” 23-gr.da naryad raqamini yozib qoʻyadi (3-bet).
Xizmat koʻrsatilishi yakunlanganidan soʻng, “Naryad” buyurtmachi shtampi bilan avtotransport vositasini foydalanganlik uchun masʼul shaxs tomonidan toʻldirilishi va imzolanishi, jismoniy shaxs esa, “Naryadni” imzolashi lozim.
§ 6. Avtobus va yoʻnalishli taksilarning yoʻl varaqalarini ishlash, tayyorlash
48. Yoʻl varaqasini ishlash, tayyorlash dispetcher va avtotransport vositasi ishiga javobgar boʻlgan foydalanish boʻlimi xodimlari tomonidan amalga oshiriladi. Yoʻl varaqasini ishlash, tayyorlashni boshlashdan oldin yoʻnalish dispetcheri, gʻaznachi yoki avtovokzal (avtostansiya) dispetcheri va haydovchilar tomonidan chipta-hisob varaqasida qayd etilgan barcha yozuvlar puxta tekshirib chiqilishi lozim.
Chipta-hisob varaqasida qayd etilgan yozuvlar asosida avtotransport vositasi, haydovchining bir kunda yoki bir smenadagi ish yakunlari belgilanadi va ular yoʻl varaqasining tegishli grafalariga kiritiladi.
Old tomonidagi 1, 2, 3, 6, 7, 8 gr.dagi maʼlumotlar yoʻl varaqasining ikkinchi betidagi 1, 2, 3, 4, 5, 6 gr.ga oʻtkaziladi.
49. Yoʻl varaqasining ichki tomonidagi “Boshqa yoʻnalishga oʻtkazilganligi toʻgʻrisida belgi” 7 grafasiga yoʻl varaqasining 4 betidagi 3 boʻlimidagi “Avtotransport vositasini boshqa yoʻnalishga oʻtkazilganligi haqida maʼlumotlar” kiritiladi.
50. Ish yakuni boʻyicha asosiy maʼlumotlarni aniqlash quyidagi tarzda amalga oshiriladi (yoʻl varaqasining ichki tomoni):
a) naryaddagi soatlar (yoʻl varaqasining ikkinchi beti) (8-gr.) avtotransport vositasining garajga qaytib kelgan vaqt va garajdan chiqib ketgan vaqtdan, jadval boʻyicha haydovchi uchun ajratilgan tushlik va dam olish vaqtlarining ayirmasidan qolganlari hisobidan belgilanadi;
b) yoʻnalishdagi ish vaqti (9-gr.) avtotransport vositasining yoʻnalishdagi ish vaqti hajmini (10-gr.) tashkil etishi lozim, buyurtma boʻyicha (12-gr.): zaxiraviy, navbatchi (13-gr);
v) yoʻnalishdagi (10-gr.), shu jumladan, jadval boʻyicha (11-gr.) ish soatlari, avtotransport vositasining ish boshlanishi punktiga yetib kelgan palladan faqat yoʻnalishda ishlaganidan va uning oxirgi punktdan garajga kirib kelganigacha boʻlgan soatlar soni boʻyicha aniqlanadi. Bu soatlarga quyidagilar: buyurtma boʻyicha ishlagan soatlar, yoʻnalishda samarasiz bekor turib qolgan soatlar, ish vaqtida garajga kirilgan va tushlik tanaffuslari, bekorchi vaqtlar kirmaydi.
51. Avtotransport vositasining buyurtma boʻyicha ishlagan soati (12-gr.) tashkilot tomonidan rasmiylashtirilgan naryad boʻyicha aniqlanadi va:
a) haydovchining buyurtma boʻyicha toʻliq ish kuni — garajdan chiqib ketgan palladan, tushlik vaqtini ayirgan holda, garajga qaytib kelgan pallagacha ishlagan taqdirda;
b) avtotransport vositasi yoʻnalishdan, uni yoʻnalishga qaytarmagan holda, chiqarib olinganda — avtotransport vositasi yoʻnalishdan chiqarib olingan palladan uning garajga qaytib kelganigacha;
v) avtotransport vositasi yoʻnalishdan vaqtincha, uni yoʻnalishga qaytarilishi sharti bilan chiqarib olinganda — avtotransport vositasi yoʻnalishdan chiqarib olingan palladan uning jadvalga qaytib tushgan pallagacha hisoblanadi; Yoʻnalishdan vaqtincha chiqarib olingani va uni qayta jadvalga tushirilgani toʻgʻrisida yoʻnalish dispetcheri chipta-hisob varaqasida tegishli yozuvni qayd etadi.
52. “Zaxira”, “Navbatchi” 13 gr.da navbatchilikga sarflangan vaqt yoki zaxirada bekor turib qolgan soatlar qayd etiladi.
53. 14-grafada bekorchi soatlar qayd etiladi.
54. Yoʻnalishda bekor turib qolishlar (15-gr.) yoʻnalishda texnik va foydalanish sabablari boʻyicha bekor turib qolish soatlarining yigʻindisini yoʻnalish dispetcherlari, avtovokzal (avtostansiya) boshliqlari tomonidan yozgan qaydnomalar asosida aniqlanadi.
55. Haydovchining yoʻnalishda ishlagan tungi soatlari (shu jumladan, buyurtma boʻyicha) soat 22-00 dan 6-00 gacha hisoblanadi (16-gr.);
Bayram soatlari bayram kirib kelgan kun soat 00 dan soat 24 gacha (16-gr.
56. 17-grafada “Yakuniy tayyorgarlik vaqti” Podgotovitelno-zaklyuchitelnoye vremya” hisoblash qulay boʻlishi uchun foydalanish boʻlimida chiqish va qaytish uchun 0,3 soatdan qoʻyiladi.
57. 2 bet 19, 20 grafalari “Qatnovlarning haqiqiy soni” va “Jadval boʻyicha bajarilgan qatnovlar soni” chipta-hisob boʻyicha yoʻnalish dispetcheri maʼlumotlari asosida toʻldiriladi.
Taʼmirlashdagi soatlar (21-gr.) texnik xizmat va taʼmirlash uchun masʼul shaxslarning (22-gr.) imzosi asosida dispetcher tomonidan qayd etiladi.
58. 25, 26, 27, 28, 29, 30-gr. “Haqiqiy tushum” navbatchi dispetcher va gʻaznachi ishlovidan oʻtgan chipta-hisob maʼlumotlari asosida toʻldiriladi.
60. Avtotransport vositasining bosib oʻtgan yoʻli (31-gr.) navbatchi dispetcher tomonidan spidometr koʻrsatkichlari boʻyicha aniqlanadi va qatnovlar sonini bir qatnov masofasiga koʻpaytirib, mazkur yoʻnalishdagi nolga teng bosib oʻtilgan yoʻlni qoʻshish yoʻli bilan nazorat qiladi (qatnovlar soniga bogʻliq tarzda nolga teng bosib oʻtgan yoʻlni hisobga olgan holdagi bosib oʻtilgan yoʻl har bir yoʻnalish boʻyicha foydalanish boʻlimi tomonidan ishlab chiqilishi va yoʻl varaqalarini ishlash, tayyorlashni qulaylashtirish va tezlashtirish uchun zarur boʻlgan yordamchi jadvallarga tushirilishi lozim).
Yoqilgʻini hisobdan chiqarish spidometrdagi bosib oʻtilgan yoʻlga qarab, agar u nolga teng bosib oʻtilgan yoʻlni hisobga olgan holda bajarilgan qatnovlar bilan tasdiqlangan taqdirda, amalga oshiriladi. Nolga teng bosib oʻtilgan yoʻlni hisobga olgan holda bajarilgan qatnovlar boʻyicha hisoblanadigan bosib oʻtilgan yoʻl, spidometr boʻyicha haqiqiy bosib oʻtilgan yoʻldan kam boʻlgan taqdirda, yoqilgʻini hisobdan chiqarish nolga teng bosib oʻtilgan yoʻlni hisobga olgan holda bajarilgan qatnovlar boʻyicha bosib oʻtilgan yoʻlga qarab amalga oshiriladi.
61. Yoʻlovchilar bilan bosib oʻtilgan yoʻl (32, 33-gr.) umumiy bosib oʻtilgan yoʻlni bosib oʻtilgan yoʻlni foydalanish rejali koeffitsiyentiga koʻpaytirish yoʻli bilan aniqlanadi.
62. Norma boʻyicha yoqilgʻi sarflanishi avtotransport vositasining umumiy bosib oʻtgan yoʻli boʻyicha spidometr koʻrsatmasiga (bir kunda yoki smenada) va yoqilgʻining tasdiqlangan normalariga muvofiq aniqlanadi.
Yoqilgʻining haqiqiy sarflanganligi miqdori (38, 39, 40-gr.) avtotransport vositasi parkdan chiqish pallasidagi yoqilgʻi miqdoridan avtotransport vositasi parkka qaytib kelganidagi qoldiq ayirmasiga teng boʻladi.
63. Oy yakuni boʻyicha yoʻl varaqalari katta dispetcher, iqtisodchi va foydalanish boʻlimi boshligʻi tomonidan, tashishlar rejasi bajarilishi, tushumlar, haydovchining intizomliligi, ularga takliflarning tahlili yordamida tekshirilishi va ishlov berilishi lozim.
64. Yoʻl varaqalarini ishlash, tayyorlashda foydalanish boʻlimi oʻsib boruvchi tartibda 15, 25, 30 (yoki 31) kun sarhisobini qilishi lozim.
Oy yakuni boʻyicha ishlangan, tayyorlangan yoʻl varaqalari jildga tikiladi va avtokorxona boʻyicha qabul qilingan buyruq bilan belgilangan muddatlarda tilxat asosida raqam tartibida buxgalteriyaga topshiriladi.
65. Avtotransport vositasining haqiqiy ishini buzib koʻrsatuvchi yoʻl varaqalarining notoʻgʻri berilishi, ularning notoʻgʻri toʻldirilishi va qoʻshib yozilishiga yoʻl qoʻygan shaxslar, belgilangan tartibda javobgarlikka tortiladilar.
66. Yoʻl varaqasi grafalari quyidagilar tomonidan toʻldiriladi:
a) navbatchi dispetcher tomonidan:
yoʻl varaqasining old tomoni — 2, 3, 4, 6, 7, 8 va 14 gr.;
yoʻl varaqasining ichki tomoni — 2 — 24, 31, 32 va 33 gr.;
b) navbatchi mexanik 5, 10, 12, 13, 15 va 16 gr. yoʻl varaqasining old tomoni;
v) tibbiyot xodim — 9 gr. yoʻlvaraqasining old tomoni;
g) haydovchi — 11 yoʻl varaqasining old tomoni;
d) gʻaznachi — 25–30 yoʻl varaqasining ichki tomoni;
e) yoqilgʻi quyish shoxobchasi operator — 34, 35, 41 va 42 yoʻl varaqasining ichki tomoni;
j) yoqilgʻi-moylash materiallari uchun masʼul shaxs — 36 — 40 yoʻl varaqasining ichki tomoni.
§ 7. Avtobus va yoʻnalishli taksilar chipta-hisob varaqalarini toʻldirish
67. Chipta-hisob varaqalarini toʻldirish ishlash, tayyorlashda navbatchi dispetcherlar va chipta gʻaznachilari, haydovchilar (konduktorlar), tushumni qabul qiluvchi gʻaznachilar ishtirok etadilar (4, 5-sonli ilovalar).
68. Qayd etilgan xodimlarga quyidagi vazifalar yuklanadi:
a) chipta-gʻaznachisi haydovchilarga yoki konduktorlarga berilgan biletlar haqidagi yuqori biletlarning turi, qiymati, seriyasi va raqamlari qayd etilgan kataklarni toʻldiradi. Ushbu maʼlumotlar chipta-hisob varaqasida qayd etilgani kabi, nazorat varaqasining tegishli grafalarida ham qayd etiladi (4, 5-sonli ilovalar). Bundan tashqari, chipta gʻaznachisi chipta-hisob varaqasi berilgan sana, avtotransport vositasi raqami, haydovchining (konduktorning) familiyasi va haqiqiy tushum hisob-kitobining toʻgʻriligini tekshirish natijalarini yozib qoʻyadi.
Shahar atrofi va shaharlararo yoʻnalishlarda ishlovchi haydovchilarga beriladigan chiptalarning umumiy miqdori (ularning avtovokzallar (avtostansiyalar) va avtogʻaznalar orqali ishlaganida), avtovokzallar (avtostansiyalar) va avtogʻaznalar vedomostlarini hisobga olganda ushbu yoʻnalishdagi tushgan umumiy tushumning 70 foizidan kam boʻlmasligi lozim (6, 7-ilovalar);
b) haydovchiga (konduktorga) chipta-hisob varaqasini chiptalar bilan birga berganda, chipta gʻaznachisi unga shu vaqtning oʻzida yoʻnalish boʻyicha belgilangan miqdorda ayirboshlash uchun mayda pullarni beradi va berilgan chiptalarni sanaganidan soʻng unga chipta-hisob varaqasiga miqdorini yozib qoʻyadi.
Kelgusida chipta-hisob varaqalarini berish sotilgan chiptalar uchun tushumni yigʻish vaqtida gʻaznachi tomonidan amalga oshiriladi, bunda, topshirilayotganining oʻrniga bitta chipta-hisob blankasi beriladi;
v) Navbatchi dispetcher avtotransport vositasining yoʻnalish varaqasida ish boshlanishi va tugashi vaqtini toʻldiradi hamda avtotransport vositasini foydalanganligi natijalarini, yaʼni tashilgan yoʻlovchilar soni va bajarilgan yoʻlovchi/kilometrni toʻldiradi;
g) haydovchilar va kontrolerlar nazorat varaqasida yuqorgi chiptalarning seriyalari, raqamlari va narxlarini qayd etgan holda, sotilgan chiptalarning har bir qatnov boʻyicha yozuvlarni kiritadi. Ish vaqti tugaganidan soʻng ular tomonidan sotilgan chiptalar soni va tushum miqdori yozib qoʻyiladi.
Sotilgan chiptalar haqidagi safarga chiqish oldi yozuvlari nazorat punktlari xodimlari tomonidan shtamp va imzo bilan tasdiqlanishi lozim;
d) yoʻnalish nazoratchilari nazoratni amalga oshirish chogʻida haydovchidan chipta-hisob varaqasini talab qilishlari, chipta-hisob varaqasida qayd etilgan chiptalarning seriyasi va raqamlari toʻgʻri kelishini, konduktorda (haydovchida) chiptalarning mavjudligini tekshirishlari, chipta-hisob varaqasini tekshirganligi toʻgʻrisida, tekshirgan vaqtni qayd etib, imzo bilan tasdiqlab qoʻyishi lozim;
e) avtovokzallar (avtostansiyalar) va oraliq avtogʻaznalari gʻaznachilari nazorat varaqasining orqa tomonida har bir qatnov boʻyicha har bir avtotransport vositasiga sotilgan chiptalar sonini, chiptalar seriyasi, raqami va ularning qiymatini yozib boradi.
Barcha qayd etilganlar avtovokzallar (avtostansiyalar) va oraliq avtogʻaznalari gʻaznachilari imzosi bilan shtamp qoʻyilgan holda, tasdiqlangan boʻlishi zarur;
j) topshirilayotganining oʻrniga yangi chipta-hisob varaqalari berilayotganda tushumni qabul qilish gʻaznachisi ish yakunlanganidan soʻng “Ish boshlanishidan avval” grafasiga haydovchida yoki konduktorda, yuqorgi chiptalar seriyasi, raqamlarini qayd etgan holda, smenadan keyin qolgan chiptalar haqida maʼlumotlarni kiritadi.
Ushbu maʼlumotlar haydovchi, konduktor yoxud boshqa shaxs tomonidan kiritilishi taqiqlanadi.
Tushum miqdori va mintaqa biletlari koreshogini qabul qilishda chipta-hisob varaqasining orqa tomonidagi “Gʻaznaga qabul qilindi” boʻlimida qabul qilingan tushum haqida yozuv qayd etiladi.
69. Chipta-hisob varaqasining alohida boʻlimlarini toʻldirishda quyidagi koʻratmalarga amal qilish zarur:
a) 1-boʻlim. Haydovchilar, konduktorlar maʼlumotlari, avtovokzallar (avtostansilar) qaydnomalari.
Avtotransport vositasining safari chogʻida haydovchi (konduktor) tomonidan sotilgan chiptalarnin toʻgʻriligini nazorat qilish uchun, konduktor yoki haydovchi “Nazorat varaqasi”da har bir qatnov boʻyicha yoʻnalishlardagi belgilangan punktlarda soʻnggi chiptalarning seriyalari va raqamlarini yozib borishlari shart.
Qaydnomalar nazorat punktlari har bir yoʻnalish uchun alohida belgilanadi.
Yoʻnalishda bir necha avtotashuvchilarning avtotransport vositalari ishlagan taqdirda, punktlar yuqori tashkilot tomonidan belgilanadi.
Vaqtni tejash maqsadida, haydovchi yoki konduktor chipta-hisob varaqasida chiptalarning turli shakllari toʻgʻrisiga olti xonali raqamlarning soʻnggi uchtasini yozishlari mumkin.
Chiptalar seriyalari va raqamlari toʻgʻriligini solishtirish: yoʻlda — vakolatli organlar tomonidan, ohirgi va oraliq punktlarda — avtovokzal (avtostansiya) boʻyicha navbatchi tomonidan amalga oshiriladi.
Ish yakunlanganidan soʻng haydovchi yoki konduktor 1-boʻlim boʻyicha “Haydovchilar, konduktorlar maʼlumotlari, avtovokzallar (avtostansiyalar) qaydnomalari” yakunlarni sanaydilar, sotilgan chiptalar sonini va har bir qiymat boʻyicha tushum miqdorini yozadilar va ushbu yakunlarni oʻz imzolari bilan tasdiqlaydilar.
Mintaqa chiptalarini sotishda haydovchi ish yakunlanganidan soʻng chiptalar koreshoklarini yirtilgan joylari boʻyicha tahlaydi, yirtilgan joylari boʻyicha bir hil chiptalar sonini aniqlaydi, ushbu maʼlumotlarni 1-boʻlimning “Mintaqaviy chiptalar” tegishli grafalariga kiritadi va ularni oʻzining imzosi bilan tasdiqlaydi.
b) 2-boʻlim. avtogʻaznalar maʼlumoti (shaharlararo yoʻnalishlarning kunlik).
Chipta-hisob varaqasining mazkur boʻlimi (4-ilova) faqat oraliq avtovokzallar (avtostansiyalar) va avtogʻaznalar navbatchi gʻaznachilari tomonidan toʻldiriladi. Maʼlumotlar juft va toq qatnovlar boʻyicha alohida toʻldiriladi.
Bunda, oraliq avtovokzal (avtostansiya) va avtogʻazna navbatchi gʻaznachi boʻlimning barcha grafalarini, yaʼni: qatnov raqami, boshlangʻich va soʻnggi chiptalar seriyalari va raqamlari, sotilgan chiptalar soni va narhini toʻldirishi shart.
Oldindan sotilgan chiptalar boʻyicha gʻaznachi nazorat varaqasida vedomost boʻyicha sotilgan chiptalar sonini qayd etishi lozim.
70. Chipta-hisob vraqalarini ishlash, tayyorlash va bajarilgan tashishlar hajmini yoʻlovchi/kilometrda aniqlash, navbatchi dispetcher tomonidan nazorat varaqasining 1-boʻlimidagi maʼlumotlar asosida amalga oshiriladi.
Tashilgan yoʻlovchilar soni va bajarilgan yoʻlovchi/kilometr, Oʻzbekiston Respublikasi Vazirlar Mahkamasining 2012-yil 17-sentabrdagi 273-sonli qarori bilan tasdiqlangan shahar, shahar atrofi, shaharlararo, xalqaro yoʻnalishlarda umumiy foydalanishdagi avtomobil va elektr transportida yoʻlovchi-aylanmasi va tashilgan yoʻlovchilar sonini belgilash tartibi toʻgʻrisidagi Nizom asosida aniqlanadi.
71. Chipta-hisob varaqasi ishlov berilganidan soʻng buxgalteriyaga topshiriladi va gʻazna hujjatlari bilan birga saqlanadi, nazorat osti varaqasi esa yoʻl varaqasi bilan birga saqlanadi.
72. Chipta-hisob va nazorat varaqalari oʻrtasida gʻaznaga topshirilgan tushum miqdori boʻyicha qandaydir tafovut aniqlangan taqdirda, dispetcher yozma ravishda boʻlim boshligʻiga yetkazishi va nusʼhasini zudlik bilan chora koʻrish uchun bosh buxgalterga topshirishi lozim.
73. Dispetcher oʻz vaqtida ishlab boʻlgan navbatchilik uchun nazorat varaqalarini topshirmagan haydovchilar va konduktorlar haqida boʻlim boshligʻini xabardor etishi lozim.
74. Foydalanish boʻlimi boshligʻi bosh buxgalter bilan hamkorlikda gʻaznaga tushayotgan pul tushumining toʻlaqonligini har kuni solishtirib borishlari va aniqlangan tafovutlarni zudlik bilan bartaraf etishlari lozim.
75. Chipta-hisob varaqasida qoida boʻyicha yozuvlar siyohda qayd etiladi.
76. Toʻgʻirlash va boʻyashlarga yoʻl qoʻyilmaydi.
77. Bepravolik bilan pala-partish toʻldirilgan chipta-hisob varaqalari qabul qilib olinganligi uchun javobgarlik, tushumni qabul qilish boʻyicha gʻaznachi va navbatchi dispetcherlar zimmasiga yuklatiladi.
§ 71 GPS-trekerlar bilan jihozlangan harakat tarkibini masofadan nazorat qilish tizimi joriy etilganda yoʻl va chipta-hisob varaqalarining toʻldirilishi
771. GPS-trekerlari navigatsiya uskunalari bilan jihozlangan harakat tarkibini masofadan nazorat qilish tizimidan foydalanib, yoʻnalishsiz taksilarda yoʻlovchi tashishlarini amalga oshirishda, yoʻl varaqasining “Avtotransport vositasining punktlarda navbatchiligi” boʻlimi old tomoni 5, 15 grafalari, “Haqiqiy vaqt” va “Chasi raboti s 1 desyatichnoy” ichki tomoni toʻldirilmaydi.
772. GPS-trekerlari navigatsiya uskunalari bilan jihozlangan harakat tarkibini masofadan nazorat qilish tizimidan foydalanib, avtobuslarda va yoʻnalishli taksilarda yoʻlovchi tashishlarini amalga oshirishda, yoʻl varaqasining old tomoni 5, 15 grafalari, ichki tomoni 7-20 grafalari va orqa tomonining 3 punkti toʻldirilmaydi.
773. GPS-trekerlari navigatsiya uskunalari bilan jihozlangan harakat tarkibini masofadan nazorat qilish tizimidan foydalanib, avtobuslarda va yoʻnalishli taksilarda yoʻlovchi tashishlarini amalga oshirishda, chipta-hisob varaqasining 1-boʻlimidagi “Haydovchilar, konduktorlar maʼlumotlari, avtovokzallar (avtostansiyalar) qaydnomalari” toʻldirilmaydi.
§ 8. Soatbay avtobuslar ishini tariflovchi yoʻl, chipta-hisob varaqalari va naryadlarni roʻyhatga olish tartibi
78. Soatbay avtobuslar ishini tariflovchi yoʻl, chipta-hisob varaqalari va naryad blankalari buxgaliyeriyada saqlanadi va ehtiyojga qarab avtotransport vositasidan foydalanish uchun masʼul boʻlgan xodimga (foydalanish boʻlimi boshligʻi, katta dispetcher va boshqa) shtamp va tartib raqami koʻrsatilgan holda beriladi (8, 9, 10-ilovalar).
79. Haydovchilarning bir oy yakuni boʻyicha foydalanilgan yoʻl varaqalari kelgusida ishlash, tayyorlash va kelgusi oyning 3 sanasiga qadar ularning raqamlarini solishtirish uchun buxgalteriyaga topshiriladi.
80. Chipta-hisob varaqalari har kuni chipta gʻaznachisi tomonidan rasmiylashtirilganidan soʻng buxgalteriyaga topshiriladi, bunda ham berilgan va topshirilgan chipta-hisob varaqalari raqamlari solishtiriladi.
81. Buyurtma boʻyicha bajarilgan naryadlar foydalanish boʻlimi tomonidan 11-ilovaga muvofiq har 10 kun muddatda solishtirish uchun buxgalteriyaga topshiriladi.
§ 9. Yakuniy qoidalar
82. Mazkur Yoʻriqnoma Oʻzbekiston Respublikasi davlat tassarufidan chiqarish va raqobatni rivojlantirish Davlat qoʻmitasi, Moliya vazirligi, Davlat statistika qoʻmitasi bilan kelishilgan.
Oʻzbekiston Respublikasi davlat tassarufidan chiqarish va raqobatni rivojlantirish Davlat qoʻmitasi raisi A. BAXRAMOV
Toshkent sh.,
2003-y. 30-iyul.
Moliya vaziri M. NURMURATOV
Toshkent sh.,
2003-y. 30-iyul.
Davlat statistika qoʻmitasi raisi G. KUDRATOV
Toshkent sh.,
2003-y. 30-iyul.
Chipta-hisob va yoʻl varaqalarini toʻldirish boʻyicha Yoʻriqnomaga 1-ILOVA
Tashuvchi ____________________
___________________
T
_______ -sonli YOʻL VARAQASI 20__y. ______________
Rejali topshiriq
avtotr. vos. raqami
Haydovchining familiyasi, ismi, otasining ismi, .tabel raqami, klasi
Jadval
Yoʻnalishda ishlagan vaqt
Tushum soʻmda
Foydalangan bosib oʻtilgan yoʻl koeff.
chiqish
qaytish
kuniga
oyiga
kuniga
oyiga
sana
Avtotrans vos. punktlardagi navbatchiligi
Avtotransport vos.,taksometr va tamgʻalari soz. Profilaktik koʻrikdan oʻtgan
Avtotr. vos., taksometr va tamgʻalari soz. Taksometr uskunalari nosozligi aniqlangan taqdirda, zudlik bilan parkka qaytishni zimmamga olaman
Qaydnoma
Yoʻnalish haqida
Qaytish haqida
Ketish
haqida
Chiqishga ruxsat beraman
Avtotr. vos. kolonnaga qabul qildim, taksometr koʻrsatkichlarini tekshirdim
1. Avtotransport vositasining garajdan chiqish boʻyicha kechikkanligi toʻgʻrisida qaydnoma
t/r
sana
soat
Umumiy vaqt (soat va daqiqa)
Kechikkanlik sababi
Mexanik, dispetcher imzosi
dan
gacha
2. Avtotransport vositasining garajga kirgani va yoʻnalishda turib qolgani
t/r
sana
Qaytgan (turib qolgan) vaqti
Umumiy turib qolish vaqti (soat va daqiqa)
Turib qolish joyi
sababi
Mexanik imzosi
dan
gacha
3. Avtotransport vositasini boshqa yoʻnalishga oʻtkazilganligi toʻgʻrisida maʼlumotlar
№
Sana
vaqt
Oʻtkazilgan yoʻnalish nomi va raqami
Qatnovlar soni
Dispetcher
imzosi
dan
gacha
4. Eʼtirozlar
№
Sana
Vaqt
Eʼtiroz mazmuni
Belgini qayd etgan shaxsning lavozimi, F.I.Sh., imzosi
Tashuvlar va toʻldirishlar xususiyatlaridan kelib chiqib, tashuvchi mustaqil ravishda yoʻl varaqasi grafalari va shakliga mazkur shalkga zid boʻlmagan qoʻshimchalar kiritishga haqlidir.
Chipta-hisob va yoʻl varaqalarini toʻldirish boʻyicha Yoʻriqnomaga 3-ILOVA
______-sonli NARYAD
Ishga ___________rusumli ____________-davlat raqamli avtotransport vositasi
_____________________________________ (tashuvchi nomi) “____”________________________20___y. ___________________-sonli yoʻl varaqasiga Buyurtmachi _____________________________ (avtotrans. vos. buyurtma qilgan tashkilot nomi yoki shaxsning F.I.Sh.)
Avtotran. Vos. “___” ________ 20__y. soat _____ _____daqiqada taqdim etilsin . manzil boʻyicha:_____________________________ _____________________________________ huzuriga________________________ _____________________________________ ____________ odamni safarga olib chiqish uchun __________________________ _____________________________________yoʻnalishi boʻyicha davrga_____________________________ Parkdan chiqish soat_________ ______daqiqada.
Dispetcher imzosi _______________
Avtotr. vos. soat_____ ______daqiqada keldi. Spidometr koʻrsatkichi _________________km. haydovchi dam olishiga tanaffus soat ____ ___daqiqadan. soat ______ _____daqiqigacha. Ishni “____”_____________20___y. soat ______ _____daqiqada yakunladi. Spidometr koʻsatkichlari _________________km. _______________cha yoʻlovchini tashidi Ishni yakunlagan punkt __________________ _______________________________________
Buyurtmachi ____________________________ (imzo) ______________________________________________ _____ ta yoʻlovchi tashishldi _______ ykm naryaddagi soatlar____________ tashishlarning umumiy masofasi ____________ (nol bosib oʻtilgan yoʻl bilan) shu jum. Rejadan ortiq _____________ Mashina-soatlar narhi _________________ rejadan ortiq bosib oʻtilgan yoʻl narhi______________ Tashishlarning umumiy narhi _______________
Esk.boʻlimi boshligʻi_________________
katta dispetcher_________________
(3-ilova Oʻzbekiston Respublikasi transport vazirining 2019-yil 7-martdagi 1-sonli buyrugʻi (roʻyxat raqami 1282-4, 25.03.2019-y.) tahririda — Qonun hujjatlari maʼlumotlari milliy bazasi, 25.03.2019-y., 10/19/1282-4/2812-son)
Chipta-hisob va yoʻl varaqalarini toʻldirish boʻyicha Yoʻriqnomaga 4-ILOVA
Tashuvchining shtampi
______-sonli chipta-hisob varaqasi (shahar, shahar atrofi avtotransport vositasi) 20__ y. “___”_____________ uchun
Avtotransport vositasi davlat raqami___________ haydovchi (konduktor) __________________
Seriyasi, raqami, yuqori chipta nearhi, hayd. (kond.)
1-boʻlim. Haydovchilar, konduktorlarining maʼlumotlari toʻgʻrisida avtostansiya qaydlari
Seriyasi
asos.
qoʻshim.
bagaj.
Toʻxtash punktining nomi
Yetib kelish vaqt
Joʻnash vaqti
a/v (a/s) boʻyicha navbatchining imzosi va shtampi.
Raqami
narhi
Jadv.boʻyicha
Haq.
Jadval boʻyicha.
Haq.
Qatnovlar soni: reja boʻy.: amalda: shu jumladan, jadvalni buzib.
yoʻnalishdagi vaqt:
jadval boʻyicha:
amalda:
soat.
daqiqa.
jami:
Yoʻnalish nazoratchisining qaydnomalari
a) chiptalar ___________________________ b) miqdor ____________________________ chiptalar boʻyicha natijalar: asosiylari _____ dona. jami miqdori _______soʻm. ________ tiyin shu jumladan, bagaj uchun _______soʻm. ________ tiyin haydovchining umumiy tushumi (konduktora) _______soʻm. ________ tiyin
1. jami tushum _________soʻm.______tiyin shu jum. Sugʻ toʻlovi________soʻm._______tiyin a) bagaj uchun __________soʻm.__________tiyin b) haydovchi __________soʻm.__________tiyin v) vedom. Raq. boʻyicha _______soʻm.__________tiyin g) yoʻlovchilar ______________________ d) yoʻlov./kilometr_______________ navbatchi dispetcher _______________ ______________________(imzo)
Chipta-hisob va yoʻl varaqalarini toʻldirish boʻyicha Yoʻriqnomaga 6-ILOVA
_________________________________(vedomostni bergan avtovokzal _________________________________ (avtostansiya) nomi)
VEDOMOST
Avtotransport chiptalar sotish raqami ________________________
(avtotransport vositasining dav. raqami va rusumi)
_____________________________________________________________________ (avtotransport vositasi egasi nomi) _____________________________________________________________________ (safar yoʻnalishi nomi)
Joʻnab ketish stansiyasi _________________________________________________ joʻnash “___” __________ 200 __ y. soat ____________ ____________ daqiqa.
Joy raqami
Seriyasi
Chiptalar raqamlari
Pul miqdori
Joy raqami
Seriyasi
Chiptalar raqamlari
Pul miqdori
soʻm.
tiyin
soʻm.
tiyin
1
31
2
32
3
33
4
34
5
35
6
36
7
37
8
38
9
39
10
40
11
41
12
42
13
43
14
44
15
45
16
46
17
47
18
48
19
49
20
50
21
51
22
52
23
53
24
54
25
55
26
56
27
57
28
58
29
59
30
60
jami _________________________
Yoʻlovchilar soni __________________
(yozma ravishda)
Miqdorda bagajlar chiptasi_______________
Miqdorda sugʻurta toʻlovi undirildi ______________
Gʻaznachi ___________________________
(familiyasi)
(imzo)
Chipta-hisob va yoʻl varaqacini toʻldirish boʻyicha Yoʻriqnomaga 7-ILOVA
_________________________________(vedomostni bergan tashuvchi yoki _________________________________ avtovokzal nomi)
VEDOMOST
Shahar atrofi yoʻnalishiga chipta sotish _____________ kod
Pasport boʻyicha sigʻimliligi
Joʻnash punkti ___________________ Joʻnash
_____ 20__ y.
Qatnov raqami
Joʻnash vaqti
Chipta narhi
Chipta seriyasi
Chiptalar raqamlari
Chiptalar soni
Pul miqdori
yoʻlovchilar
bagaj
boshlangʻich
ohirgi
soʻm.
tiyin
soat.
daqiqa.
soʻm.
tiyin.
soʻm.
tiyin.
Joʻnashlar soni _________________
Pul miqdori ______________ soʻm tiyin
Chiptalar soni toʻlaqonli ______________
Bagaj chiptalari uchun _____________
Chiptalar soni bolalar ______________
Harbiy chiptalar uchun _____________
Chiptalar soni bagaj ____________
Chiptalar sotishdan tushgan tushum
Chiptalar soni harbiy _____________
_____________
Gʻaznachi _______________________
Chipta-hisob va yoʻl varaqasini toʻldirish boʻyicha Yoʻriqnomaga 8-ILOVA
Hisobxona tomonidan foydalanish boʻlimiga berilgan yoʻl varaqalari hisobi vedomosti
sana
Yoʻl varaqalari berilgan shaxsning lavozimi, F.I.Sh.
Berilgan yoʻl varaqalarining raqamlari, (qaysi raqamdan qaysi raqamgacha)
Berilgan yoʻl varaqalari soni
imzo
Chipta-hisob va yoʻl varaqasini toʻldirish boʻyicha Yoʻriqnomaga 9-ILOVA
Chipta-hisob varaqalari hisobi vedomosti
sana
Chipta-hisob varaqalari berilgan shaxsning lavozimi, F.I.Sh.
Berilgan chipta-hisob varaqalarining raqamlari, (qaysi raqamdan qaysi raqamgacha)
Berilgan chipta-hisob varaqalari soni
imzo
Chipta-hisob va yoʻl varaqasini toʻldirish boʻyicha Yoʻriqnomaga 10-ILOVA
Hisobxona tomonidan foydalanish boʻlimiga berilgan naryadlar hisobi vedomosti
sana
Naryadlar berilgan shaxsning lavozimi, F.I.Sh.
Naryadlar soni
Naryadlar raqami
Qabul qilib olganning imzosi
Chipta-hisob va yoʻl varaqasini toʻldirish boʻyicha Yoʻriqnomaga 11-ILOVA
Avtotransport vositalarining naryad boʻyicha ishlari uchun foydalanish boʻlimining hisobot vedomosti
LexUZ sharhi