Keyingi yillarda mamlakatimizda qishloq xoʻjaligi va oziq-ovqat xavfsizligini taʼminlash sohasida davlat boshqaruvi tizimini takomillashtirish hamda davlat nazoratini kuchaytirish, shuningdek intensiv usulda bogʻ va tokzorlar barpo etish, issiqxona xoʻjaliklarini rivojlantirish boʻyicha keng koʻlamli ishlar olib borilmoqda.

Shu bilan birga raqobat muhitini rivojlantirish hamda isteʼmolchilar huquqlarini himoya qilish, sohada faoliyat olib borayotgan subyektlarning huquqlari va qonuniy manfaatlari himoyasini yanada kuchaytirish, shuningdek qishloq xoʻjaligi sohasidagi respublika ijro etuvchi hokimiyat organlarining rasmiy nomlarini aniqlashtirish zaruriyati yuzaga kelmoqda.

Mazkur Qonun bilan Oʻzbekiston Respublikasining ayrim qonun hujjatlariga Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasining nomi aniqlashtirilishini, shuningdek Oʻzbekiston Respublikasi Qishloq xoʻjaligi vazirligi huzuridagi Agrosanoatni rivojlantirish agentligi oʻzining hamda meva-sabzavotchilik yoʻnalishidagi mahsulot yetishtiruvchi, qayta ishlovchi subyektlarning, issiqxona xoʻjaliklarining huquqlari va qonuniy manfaatlarini himoya qilish maqsadida sudlarga berilgan arizalari, shikoyatlari va daʼvolari yuzasidan davlat bojini toʻlashdan ozod etilishini nazarda tutuvchi oʻzgartirish va qoʻshimchalar kiritilmoqda.

Ushbu Qonun mamlakatimizda oziq-ovqat xavfsizligini taʼminlashga, meva-sabzavotchilik sohasini davlat tomonidan qoʻllab-quvvatlashga, agrar sohadagi respublika ijro etuvchi hokimiyat organlarining yaxlit tizimini shakllantirishga xizmat qiladi.

1-modda. Oʻzbekiston Respublikasining 2019-yil 16-fevralda qabul qilingan “Urugʻchilik toʻgʻrisida”gi OʻRQ-521-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2019-yil, № 2, 46-modda, № 11, 791-modda; 2021-yil, 4-songa ilova; 2022-yil, № 5, 465-modda; 2024-yil, № 1, 7-modda; 2025-yil, № 12, 1323-modda) quyidagi oʻzgartirishlar kiritilsin:

1) 15-moddaning matnidagi “Oʻzbekiston Respublikasi Qishloq xoʻjaligi vazirligi huzuridagi” degan soʻzlar “Oʻzbekiston Respublikasi Vazirlar Mahkamasi huzuridagi” degan soʻzlar bilan almashtirilsin;

2) 16-modda:

nomidagi “Oʻzbekiston Respublikasi Qishloq xoʻjaligi vazirligi huzuridagi” degan soʻzlar “Oʻzbekiston Respublikasi Vazirlar Mahkamasi huzuridagi” degan soʻzlar bilan almashtirilsin;

birinchi qismining birinchi xatboshisidagi “Oʻzbekiston Respublikasi Qishloq xoʻjaligi vazirligi huzuridagi” degan soʻzlar “Oʻzbekiston Respublikasi Vazirlar Mahkamasi huzuridagi” degan soʻzlar bilan almashtirilsin;

ikkinchi qismidagi “Oʻzbekiston Respublikasi Qishloq xoʻjaligi vazirligi huzuridagi” degan soʻzlar “Oʻzbekiston Respublikasi Vazirlar Mahkamasi huzuridagi” degan soʻzlar bilan almashtirilsin;

3) 17-moddaning:

nomidagi “Oʻzbekiston Respublikasi Qishloq xoʻjaligi vazirligi huzuridagi” degan soʻzlar “Oʻzbekiston Respublikasi Vazirlar Mahkamasi huzuridagi” degan soʻzlar bilan almashtirilsin;

birinchi xatboshisidagi “Oʻzbekiston Respublikasi Qishloq xoʻjaligi vazirligi huzuridagi” degan soʻzlar “Oʻzbekiston Respublikasi Vazirlar Mahkamasi huzuridagi” degan soʻzlar bilan almashtirilsin;

4) 20-moddaning ikkinchi qismidagi “Oʻzbekiston Respublikasi Qishloq xoʻjaligi vazirligi huzuridagi” degan soʻzlar “Oʻzbekiston Respublikasi Vazirlar Mahkamasi huzuridagi” degan soʻzlar bilan almashtirilsin;

5) 21-moddaning ikkinchi qismidagi “Oʻzbekiston Respublikasi Qishloq xoʻjaligi vazirligi huzuridagi” degan soʻzlar “Oʻzbekiston Respublikasi Vazirlar Mahkamasi huzuridagi” degan soʻzlar bilan almashtirilsin;

6) 22-moddaning ikkinchi qismidagi “Oʻzbekiston Respublikasi Qishloq xoʻjaligi vazirligi huzuridagi” degan soʻzlar “Oʻzbekiston Respublikasi Vazirlar Mahkamasi huzuridagi” degan soʻzlar bilan almashtirilsin;

7) 23-moddaning uchinchi qismidagi “Oʻzbekiston Respublikasi Qishloq xoʻjaligi vazirligi huzuridagi” degan soʻzlar “Oʻzbekiston Respublikasi Vazirlar Mahkamasi huzuridagi” degan soʻzlar bilan almashtirilsin.

2-modda. Oʻzbekiston Respublikasining 2020-yil 6-yanvarda qabul qilingan “Davlat boji toʻgʻrisida”gi OʻRQ-600-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2020-yil, № 1, 1-modda, № 3, 201-modda, № 5, 298-modda, № 10, 593-modda, № 12, 691-modda; 2021-yil, № 1, 13-modda, 4-songa ilova, № 7, 661-modda, № 8, 800, 803-moddalar, № 10, 968-modda; 2022-yil, № 2, 76-modda, № 3, 214, 216-moddalar, № 4, 340-modda, № 5, 463, 464, 467-moddalar, № 12, 1186-modda; 2023-yil, № 2, 103-modda, № 3, 186-modda, № 4, 265, 269-moddalar, № 6, 444, 445-moddalar, № 7, 538-modda, № 9, 710-modda; 2024-yil, № 1, 5, 6, 7-moddalar, № 2, 101, 105, 107, 108, 111, 112-moddalar, № 7, 628-modda, № 8, 819, 823, 831-moddalar, № 9, 958-modda, № 10, 1076, 1079-moddalar, № 11, 1191-modda, № 12, 1279, 1280, 1285-moddalar; 2025-yil, № 1, 4, 6-moddalar, № 2, 188, 189, 195, 197-moddalar, № 4, 519, 520-moddalar, № 5, 648-modda, № 7, 828-modda, № 8, 968, 971-moddalar, № 10, 1153-modda, № 11, 1237-modda, № 12, 1322, 1328-moddalar; 2026-yil, № 1, 2, 4-moddalar) quyidagi qoʻshimcha va oʻzgartirishlar kiritilsin:

1) 8-moddaning:

birinchi qismi quyidagi mazmundagi 41¹-band bilan toʻldirilsin:

“41¹) Oʻzbekiston Respublikasi Qishloq xoʻjaligi vazirligi huzuridagi Agrosanoatni rivojlantirish agentligi — oʻzining hamda meva-sabzavotchilik yoʻnalishidagi mahsulot yetishtiruvchi, qayta ishlovchi subyektlarning, issiqxona xoʻjaliklarining huquqlari va qonuniy manfaatlarini himoya qilish maqsadida berilgan arizalar, shikoyatlar va daʼvolar yuzasidan”;

ikkinchi qismidagi “37¹ va 47-bandlarida” degan soʻzlar “37¹, 41¹ va 47-bandlarida” degan soʻzlar bilan almashtirilsin;

2) 9-moddaning:

birinchi qismi quyidagi mazmundagi 27¹-band bilan toʻldirilsin:

“27¹) Oʻzbekiston Respublikasi Qishloq xoʻjaligi vazirligi huzuridagi Agrosanoatni rivojlantirish agentligi — oʻzining hamda meva-sabzavotchilik yoʻnalishidagi mahsulot yetishtiruvchi, qayta ishlovchi subyektlarning, issiqxona xoʻjaliklarining huquqlari va qonuniy manfaatlarini himoya qilish maqsadida berilgan arizalar, shikoyatlar va daʼvolar yuzasidan”;

ikkinchi qismidagi “22¹ ” raqami “22¹, 27¹” raqamlari bilan almashtirilsin;

3) 10-moddaning:

birinchi qismi quyidagi mazmundagi 21-band bilan toʻldirilsin:

“21) Oʻzbekiston Respublikasi Qishloq xoʻjaligi vazirligi huzuridagi Agrosanoatni rivojlantirish agentligi — oʻzining hamda meva-sabzavotchilik yoʻnalishidagi mahsulot yetishtiruvchi, qayta ishlovchi subyektlarning, issiqxona xoʻjaliklarining huquqlari va qonuniy manfaatlarini himoya qilish maqsadida berilgan arizalar va shikoyatlar yuzasidan”;

ikkinchi qismidagi “11 va 12-bandlarida” degan soʻzlar “11, 12 va 21-bandlarida” degan soʻzlar bilan almashtirilsin.

3-modda. Oʻzbekiston Respublikasining 2024-yil 5-avgustda qabul qilingan “Oʻzboshimchalik bilan egallab olingan yer uchastkalariga hamda ularda qurilgan binolar va inshootlarga boʻlgan huquqlarni eʼtirof etish toʻgʻrisida”gi OʻRQ-937-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2024-yil, № 8, 817-modda) 25-moddasining birinchi qismidagi “Oʻzbekiston Respublikasi Qishloq xoʻjaligi vazirligi huzuridagi” degan soʻzlar “Oʻzbekiston Respublikasi Vazirlar Mahkamasi huzuridagi” degan soʻzlar bilan almashtirilsin.

4-modda. Oʻzbekiston Respublikasi Qishloq xoʻjaligi vazirligi, Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

5-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

6-modda. Ushbu Qonun rasmiy eʼlon qilingan kundan eʼtiboran kuchga kiradi.