“Xo‘jalik yurituvchi subyektlarni tekshirishni tashkil qilishni tartibga solish to‘g‘risida” 1998-yil 19-noyabrdagi PF-2114-son Farmonni bajarish yuzasidan Vazirlar Mahkamasi qaror qiladi:

2. Xo‘jalik yurituvchi subyektlar faoliyati ustidan davlat nazoratini amalga oshirishga vakil qilingan vazirliklar va idoralar bir oy muddatda:

mansabdor shaxslarni moliya-xo‘jalik faoliyatini tekshirishlarni, shu jumladan nazorat tekshirishlari va taftishlarni o‘tkazishga qo‘yish huquqi bo‘yicha attestatsiyadan o‘tkazsinlar;

moliya-xo‘jalik faoliyatini tekshirish va taftish qilishga qo‘yilgan mansabdor shaxslar malakasini har yili oshirish rejalarini ishlab chiqsinlar va joriy etsinlar;

tekshirishlarni o‘tkazishga doir idoraviy yo‘riqnomalarni ushbu qaror qoidalarini hisobga olgan holda qayta ko‘rib chiqishni ta’minlasinlar.

3. Auditor tashkilotlarga va xo‘jalik yurituvchi subyektlarga moliya-xo‘jalik faoliyati auditini o‘tkazish yuzasidan shartnomalar tuzishda auditor xulosasining to‘g‘riligi va uning respublika qonunchiligiga muvofiqligi uchun auditorning javobgarligi shartlarini majburiy tartibda nazarda tutish tavsiya qilinsin.

Belgilansinki, auditorlik tekshirishlar natijalari bo‘yicha xulosalarda korxona moliyaviy ahvolining haqiqiy holatini ataylab buzib ko‘rsatganlik uchun auditor firmalar auditorlik faoliyati bilan shug‘ullanish huquqidan, yetkazilgan zararni xo‘jalik yurituvchi subyektga undirib bergan holda, belgilangan tartibda mahrum etiladi.

4. O‘zbekiston Respublikasi Adliya vazirligi, Davlat soliq qo‘mitasi hamda boshqa manfaatdor vazirliklar va idoralar bilan birgalikda bir oy muddatda qonunchilikka ushbu qarordan kelib chiqadigan o‘zgartirish va qo‘shimchalar to‘g‘risida takliflar kiritsin.

5. Mazkur qarorning bajarilishini nazorat qilish O‘zbekiston Respublikasining Bosh vaziri O‘. T. Sultonov zimmasiga yuklansin.