277-сон 03.06.2026. 2026-2027-yillarda hududlardagi ijtimoiy soha muassasalarida energiya samaradorligi loyihalari koʻlamini kengaytirish chora-tadbirlari toʻgʻrisida

OʻZBEKISTON RESPUBLIKASI VAZIRLAR MAHKAMASINING

QARORI

2026-2027-yillarda hududlardagi ijtimoiy soha muassasalarida energiya samaradorligi loyihalari koʻlamini kengaytirish chora-tadbirlari toʻgʻrisida

“Yangi Oʻzbekiston qiyofasidagi tuman (shahar)” maqomi berilgan tuman (shahar)larni energiya samarador hududlarga aylantirish, yakka tartibdagi va koʻp kvartirali uylar, ijtimoiy soha muassasalari, davlat tashkilotlari hamda tadbirkorlik subyektlarida energiya samaradorligini oshirish boʻyicha islohotlarni davom ettirish maqsadida Vazirlar Mahkamasi qaror qiladi:

1. Quyidagilar:

Jizzax viloyatida energiya samaradorligi loyihalari amalga oshiriladigan ijtimoiy soha muassasalarining manzilli roʻyxati 1-ilovaga;

Denov va Gʻallaorol tumanlarida energiya samaradorligi loyihalari amalga oshiriladigan koʻp kvartirali uylarning manzilli dasturi 2-ilovaga;

Ijtimoiy soha muassasalarini geliokollektorlar bilan jihozlash maqsadli parametrlari 3-ilovaga;

Binolarni “Nol energiya sarfli binolar” tamoyillari asosida modernizatsiya qilish, qayta taʼmirlash va qurish konsepsiyasi 4-ilovaga;

“Nol energiya sarfli binolar” konsepsiyasi asosida modernizatsiya qilinadigan ijtimoiy soha muassasalari va boshqa muassasalarning manzilli roʻyxati 5-ilovaga;

Markazlashgan mablagʻlar hisobidan davlat tashkilotlari, shu jumladan, ijtimoiy soha muassasalari binolarini qurish, rekonstruksiya (modernizatsiya) qilish va mukammal taʼmirlashda energiya samaradorligi boʻyicha minimal talablar 6-ilovaga;

“Taraqqiyot va yetakchilik maskani” dasturi doirasida energiya samaradorligi tamoyillari asosida modernizatsiya va rekonstruksiya qilinadigan ijtimoiy soha muassasalarining manzilli roʻyxati 7-ilovaga;

Ijtimoiy soha muassasalari, iqtisodiyot tarmoqlari, koʻp kvartirali uylar va aholi xonadonlarida energiya samaradorligini oshirish “yoʻl xaritasi” 8-ilovaga muvofiq tasdiqlansin.

2. Iqtisodiyot va moliya vazirligi Energiya samaradorligi milliy agentligi (keyingi oʻrinlarda — Agentlik), Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda mazkur qarorga 7-ilovaga muvofiq ijtimoiy soha muassasalarida amalga oshiriladigan energiya samaradorligi loyihalari uchun talab qilinadigan mablagʻlar alohida hududlarni rivojlantirish uchun respublika budjetidan yoʻnaltiriladigan mablagʻlar hisobidan ajratilishini taʼminlasin.

3. Belgilansinki, 2026-yil 1-iyuldan boshlab davlat tashkilotlari, shu jumladan, ijtimoiy soha muassasalari obyektlarini rekonstruksiya (modernizatsiya) qilish va mukammal taʼmirlashda energiya samaradorligini oshirish bilan bogʻliq quyidagi talablar joriy qilinadi:

obyektlar loyiha hujjatlarini ishlab chiqish va shaharsozlik ekspertizasidan oʻtkazish, ularni qurish, rekonstruksiya (modernizatsiya) qilish hamda mukammal taʼmirlash jarayonida energiya samaradorligini oshirish bilan bogʻliq tadbirlar va ish hajmlarining maqbullashtirilishiga yoʻl qoʻyilmaydi;

obyektlarning loyiha hujjatlari belgilangan tartibda oʻtkaziladigan energiya auditi hisobotlari asosida ishlab chiqiladi (yangi quriladigan obyektlar bundan mustasno). Bunda energiya auditi hisobotlarini buyurtmachilarga Agentlikning Energiya samaradorligini oshirish raqamli platformasi (keyingi oʻrinlarda — Platforma) orqali taqdim etish imkoniyati yaratiladi;

markazlashgan mablagʻlar hisobidan barcha davlat tashkilotlari, shu jumladan, ijtimoiy soha muassasalari binolarini qurish, rekonstruksiya (modernizatsiya) qilish va mukammal taʼmirlashda mazkur qarorga 6-ilovaga muvofiq energiya samaradorligi boʻyicha minimal talablar qoʻllanadi. Bu borada ushbu binolarning loyiha-smeta hujjatlarini ishlab chiqishda energiya samaradorligini oshirish boʻyicha xalqaro talablar va normalarni qoʻllashga ruxsat beriladi;

obyektlarning loyiha hujjatlari ular foydalanishga topshirilgandan soʻng energiya samaradorligi koʻrsatkichi “C” toifasidan kam boʻlmasligini nazarda tutgan holda ishlab chiqiladi hamda ularni shaharsozlik ekspertizasidan oʻtkazishda energiya samaradorligi boʻyicha shaharsozlik norma va qoidalari qatʼiy inobatga olinadi. Bunda loyihalar doirasida energiya samaradorligi boʻyicha erishiladigan koʻrsatkichlar monitoringi “Shaharsozlik hujjatlarini ekspertiza qilish respublika markazi” DMning axborot tizimlarini Platformaga integratsiya qilish orqali amalga oshiriladi.

4. Qurilish va uy-joy kommunal xoʻjaligi vazirligi doimiy ravishda:

rekonstruksiya (modernizatsiya) qilish va mukammal taʼmirlash ishlari amalga oshiriladigan barcha davlat tashkilotlari, shu jumladan, ijtimoiy soha muassasalari binolari loyihalarini davlat ekspertizasidan oʻtkazishda energiya samaradorligi boʻyicha minimal talablarning inobatga olinishini;

Agentlik bilan birgalikda minimal talablarning takomillashtirib borilishini taʼminlasin.

5. Iqtisodiyot va moliya vazirligi, Qurilish va uy-joy kommunal xoʻjaligi vazirligi, Agentlik 2026-yil 1-iyuldan boshlab budjet tashkilotlari tomonidan energiya samarador uskunalar va materiallar, shuningdek, qayta tiklanuvchi energiya manbalari qurilmalari Platforma orqali amaldagi qonunchilik hujjatlarida belgilangan tartibga muvofiq raqobatli shakllarda xarid qilinishini joriy qilsin.

LexUZ sharhi

Qarang: Oʻzbekiston Respublikasi “Davlat xaridlari toʻgʻrisida”gi Qonuni.

6. Energiya samarador loyihalarni amalga oshirishda quyidagilar nazarda tutiladi:

a) 1, 2, 3 va 5-ilovalarda koʻrsatilgan loyihalar boʻyicha — Agentlik muassisligidagi “UzESCO” masʼuliyati cheklangan jamiyati buyurtmachi etib belgilanadi va bunda buyurtmachini saqlash xarajatlari uchun mablagʻlar obyekt qiymatidan kelib chiqib, belgilangan tartibda ajratiladi;

b) 7-ilovada koʻrsatilgan loyihalar boʻyicha — Qoraqalpogʻiston Respublikasi Vazirlar Kengashi va viloyatlar hokimliklari huzuridagi “Yagona buyurtmachi xizmati” injiniring kompaniyalari buyurtmachi etib belgilanadi.

7. Davlat aktivlarini boshqarish agentligi, Iqtisodiyot va moliya vazirligi hamda Agentlik 2026-yil 1-avgustga qadar davlat obyektlarini ijaraga berishda ularda oʻrnatilgan qayta tiklanuvchi energiya manbalari ulushi va amalga oshirilgan energiya samaradorligi tadbirlarining darajasidan kelib chiqqan holda, ijara toʻloviga tabaqalashtirilgan chegirmani qoʻllash tartibini ishlab chiqib, Vazirlar Mahkamasiga kiritsin.

8. Turizm qoʻmitasi Vazirlar Mahkamasi huzuridagi Texnik jihatdan tartibga solish agentligi va Agentlik bilan birgalikda ikki oy muddatda mehmonxonalar hamda ixtisoslashtirilgan joylashtirish vositalarini (sanatoriy, dam olish uylari, dam olish markazlari, dam olish zonalari, kurortlar, resort) balli asosda tasniflash hamda yulduz toifalarini berish boʻyicha milliy standartlarga ushbu obyektlarga nisbatan energiya samaradorligi talablarini joriy qilish boʻyicha Vazirlar Mahkamasiga taklif kiritsin.

9. Oʻzbekiston Respublikasi Hukumatining 9-ilovaga muvofiq ayrim qarorlariga oʻzgartirish va qoʻshimchalar kiritilsin.

10. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Agentlik bilan birgalikda mazkur qarorning sifatli bajarilishi boʻyicha masʼul hisoblanadi.

11. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2026-yil 3-iyun,

277-son

Vazirlar Mahkamasining 2026-yil 3-iyundagi 277-son qaroriga
1-ILOVA

Jizzax viloyatida energiya samaradorligi loyihalari amalga oshiriladigan ijtimoiy soha muassasalarining

MANZILLI ROʻYXATI

								mln soʻm
T/r	Obyekt nomi va manzili	Amalga oshirish muddati	Oʻlchov birligi	Loyiha quvvati	Foydalanishga topshiriladigan quvvat	*shu jumladan:*		Ajratilgan limit
T/r	Obyekt nomi va manzili	Amalga oshirish muddati	Oʻlchov birligi	Loyiha quvvati	Foydalanishga topshiriladigan quvvat	yangi qurilish	mukammal taʼmirlash	Ajratilgan limit
Jami 2026-2027-yillarda		x	x	x	x	x	x	277 000
Umumtaʼlim maktablari (24 ta)		x	oʻquv oʻrni	13 779	13 779		13 779	197 088
Maktabgacha taʼlim tashkilotlari (11 ta)		x	oʻrin	2 296	2 296	50	2 246	31 663
Sogʻliqni saqlash va tibbiy-ijtimoiy muassasalar (9 ta)		x	oʻrin	84	84		84	48 250
Sogʻliqni saqlash va tibbiy-ijtimoiy muassasalar (9 ta)		x	qatnov	1250	1 250		1250	48 250
Arnasoy tumani
1.	Oltin vodiy mahallasidagi 1-son maktabni mukammal taʼmirlash	2026-yil	oʻquv oʻrni	536	536		536	7 774
2.	Baxtli mahallasidagi 3-son maktabgacha taʼlim tashkilotini mukammal taʼmirlash	2026-yil	oʻrin	120	120		120	1 800
3.	Arnasoy tumani markaziy shifoxonasi asosiy binosining pastki qavatini mukammal taʼmirlash orqali poliklinika uchun moslashtirish	2026-yil	oʻrin	84	84		84	10 500
3.		2026-yil	qatnov	250	250		250	10 500
Baxmal tumani
4.	Oyqor mahallasidagi 14-son maktabni mukammal taʼmirlash	2026-yil	oʻquv oʻrni	540	540		540	8 832
5.	Qutlugʻobod mahallasidagi 3-son maktabni mukammal taʼmirlash	2026-yil	oʻquv oʻrni	315	315		315	4 568
6.	Baxmal mahallasidagi 18-son maktabni mukammal taʼmirlash	2026-yil	oʻrin	380	380		380	5 753
7.	Oyqor mahallasidagi 5-son oilaviy poliklinikani mukammal taʼmirlash	2026-yil	qatnov	100	100		100	2 500
Gʻallaorol tumani
8.	Oqtosh mahallasidagi 9-son maktabni mukammal taʼmirlash	2026-yil	oʻquv oʻrni	420	420		420	6 091
9.	Qipchoqsuv mahallasidagi 38-son maktabni mukammal taʼmirlash	2026-yil	oʻquv oʻrni	210	210		210	3 046
10.	Qashqabuloq mahallasidagi 91-son maktabni mukammal taʼmirlash	2026-yil	oʻquv oʻrni	420	420		420	6 091
11.	Mirzabuloq mahallasidagi 16-son maktabgacha taʼlim tashkilotini mukammal taʼmirlash	2026-yil	oʻrin	140	140		140	2 100
Doʻstlik tumani
12.	Chinobod mahallasidagi 2-son maktabni mukammal taʼmirlash	2026-yil	oʻquv oʻrni	640	640		640	8 782
13.	Navroʻz mahallasidagi 12-son maktabgacha taʼlim tashkilotini mukammal taʼmirlash	2026-yil	oʻrin	200	200	50	150	2 325
14.	Tuman markaziy poliklinikasi Bogʻzor filialini mukammal taʼmirlash	2026-yil	qatnov	50	50		50	2 250
Sh.Rashidov tumani
15.	Boʻston mahallasidagi 8-son maktabni mukammal taʼmirlash	2026-yil	oʻquv oʻrni	320	320		320	4 641
16.	Mulkanlik mahallasidagi 29-son maktabni mukammal taʼmirlash	2026-yil	oʻquv oʻrni	710	710		710	10 297
17.	Qoʻshkoʻprik mahallasidagi 36-son maktabni mukammal taʼmirlash	2026-yil	oʻquv oʻrni	900	900		900	11 000
Zafarobod tumani
18.	Chimqurgʻon mahallasidagi 20-son maktabni mukammal taʼmirlash	2026-yil	oʻquv oʻrni	624	624		624	6 912
19.	Nurafshon mahallasidagi 5-son maktabni mukammal taʼmirlash	2026-yil	oʻquv oʻrni	536	536		536	5 938
Zarbdor tumani
20.	Shodlik mahallasidagi 26-son maktabni mukammal taʼmirlash	2026-yil	oʻquv oʻrni	624	624		624	9 050
21.	Navoiy mahallasidagi 2-son maktabgacha taʼlim tashkilotini mukammal taʼmirlash	2026-yil	oʻrin	140	140		140	2 100
22.	Andijon mahallasidagi 10-maktabgacha taʼlim tashkilotini mukammal taʼmirlash	2026-yil	oʻrin	140	140		140	2 100
23.	Shodlik mahallasidagi 28-son oilaviy poliklinikani mukammal taʼmirlash	2026-yil	qatnov	100	100		100	5 250
Mirzachoʻl tumani
24.	Mirzadala mahallasidagi 5-son maktabni mukammal taʼmirlash	2026-yil	oʻquv oʻrni	524	524		524	7 600
25.	Tuman tibbiyot birlashmasiga qarashli eski poliklinika binosini mukammal taʼmirlash	2026-yil	qatnov	250	250		250	8 750
Zomin tumani
26.	Toʻrttom mahallasidagi 68-son maktabni mukammal taʼmirlash	2026-yil	oʻquv oʻrni	180	180		180	2 611
27.	Shirin mahallasidagi 45-son maktabni mukammal taʼmirlash	2026-yil	oʻquv oʻrni	360	360		360	5 221
28.	Faravon mahallasidagi 24-son maktabni mukammal taʼmirlash	2026-yil	oʻquv oʻrni	210	210		210	3 046
29.	Gʻ. Gʻulom mahallasidagi 8-son maktabgacha taʼlim tashkilotini mukammal taʼmirlash	2026-yil	oʻrin	140	140		140	2 100
Forish tumani
30.	Amir Temur mahallasidagi 5-son maktabni mukammal taʼmirlash	2026-yil	oʻquv oʻrni	210	210		210	3 046
31.	Oybek mahallasidagi 33-son maktabni mukammal taʼmirlash	2026-yil	oʻquv oʻrni	1 090	1 090		1 090	15 808
32.	Osmonsoy mahallasidagi 26-son oilaviy poliklinikani mukammal taʼmirlash	2026-yil	qatnov	100	100		100	4 500
33.	Nurak mahallasidagi Nurak oilaviy shifokorlik punktini mukammal taʼmirlash	2026-yil	qatnov	50	50		50	2 250
Yangiobod tumani
34.	Yangiobod mahallasidagi 12-son maktabni mukammal taʼmirlash	2026-yil	oʻquv oʻrni	744	744		744	10 790
Jizzax shahri
35.	Xalqabod mahallasidagi 25-son maktabni mukammal taʼmirlash	2026-yil	oʻquv oʻrni	1 176	1 176		1 176	17 056
36.	Ittifoq mahallasidagi 17-son maktabni mukammal taʼmirlash	2026-yil	oʻquv oʻrni	1 176	1 176		1 176	17 056
37.	Ravalliq mahallasidagi 11-son maktabni mukammal taʼmirlash	2026-yil	oʻquv oʻrni	1 050	1 050		1 050	15 228
38.	A. Navoiy mahallasidagi 8-son maktabgacha taʼlim tashkilotini mukammal taʼmirlash	2026-yil	oʻrin	280	280		280	4 200
39.	Ulugʻbek mahallasidagi 24-son maktabgacha taʼlim tashkilotini mukammal taʼmirlash	2026-yil	oʻrin	140	140		140	2 100
40.	Navroʻz mahallasidagi 3-son oilaviy poliklinikani mukammal taʼmirlash	2026-yil	qatnov	150	150		150	5 250
41.	Madaniyat mahallasidagi 5-son oilaviy poliklinikani mukammal taʼmirlash	2026-yil	qatnov	200	200		200	7 000
Paxtakor tumani
42.	Oqbuloq mahallasidagi 13-son maktabni mukammal taʼmirlash	2026-yil	oʻquv oʻrni	420	420		420	6 791
43.	Dilorom mahallasidagi 6-son maktabgacha taʼlim tashkilotini mukammal taʼmirlash	2026-yil	oʻrin	240	240		240	3 600
44.	Doʻstlik mahallasidagi 10-son maktabgacha taʼlim tashkilotini mukammal taʼmirlash	2026-yil	oʻrin	220	220		220	3 300

Izohlar.

1. Loyiha quvvati hamda ajratiladigan limitlar miqdoriga tasdiqlangan loyiha hujjatlari natijalari boʻyicha aniqlik kiritiladi.

2. Loyihalar Oʻzbekiston Respublikasi Davlat budjeti mablagʻlari hisobidan moliyalashtiriladi.

3. Zarur hollarda, ajratilgan limit doirasida ushbu roʻyxatdagi obyektlarga Vazirlar Mahkamasi bilan kelishilgan holda, Energiya samaradorligi milliy agentligi tomonidan oʻzgartirish kiritilishi mumkin.

Vazirlar Mahkamasining 2026-yil 3-iyundagi 277-son qaroriga
2-ILOVA

Denov va Gʻallaorol tumanlarida energiya samaradorligi loyihalari amalga oshiriladigan koʻp kvartirali uylarning

MANZILLI DASTURI

T/r	Koʻcha nomi	Uy raqami	Uylar soni	Energiya yoʻqotishlarini bartaraf qilish tadbirlari								Barqaror issiqlik taʼminoti va sovitish bilan taʼminlash tadbirlari								Jami talab etiladigan mablagʻlar
				Fasadni bazalt qoplamasi bilan qoplash	Tom qismini izolyatsiyalash maydoni	Deraza romlarini oʻrnatish		Oynalarga quyosh nuri toʻsiqlarini oʻrnatish		Kirish yoʻlaklari va eshiklar	Talab etiladigan mablagʻ	Issiqlik nasoslari va isitish qozonxonasi quvvati	Oʻrnatiladigan IIPlar	Fotoelektr stansiyasi quvvati	Fankoyl va isitish radiatorlari	Geliokollektor (200 l.)	Issiqlik tarmoqlari	Ichki tizimni tiklash xarajati	Talab etiladigan mablagʻ	Jami talab etiladigan mablagʻlar
				kv.m	kv.m	dona	kv.m	dona	kv.m	soni	mln.soʻm	kVt/s	dona	kVt/s	dona	dona	km	mln.soʻm	mln.soʻm	mln.soʻm
Jami 2026-2027-yillarda:			29	47 757	31 524	2 859	4 153	4 084	5 933	144	54 497	7 198	29	5 038	4 020	938	6,4	7 250	65 807	120 305
Gʻallaorol tumani Marjonbuloq mahallasi			17	17 805	17 484	1 224	2 293	1 748	3 276	76	25 233	4 066	17	2 846	2 004	468	3,7	4 250	35 719	60 952
1.	Marvarid	9/2	1	2 224	1 872	129	160	184	228	8	2 710	478	1	335	216	50	0,2	250	3 456	6 166
2.	Marvarid	10/1	1	1 346	1 404	84	188	120	269	6	1 987	372	1	260	168	39	0,2	250	2 824	4 811
3.	Marvarid	10/2	1	1 346	1 404	84	188	120	269	6	1 987	372	1	260	168	39	0,2	250	2 824	4 811
4.	Navroʻz	12	1	1 382	1 404	84	188	120	269	6	2 007	319	1	223	144	34	0,2	250	2 508	4 515
5.	Navroʻz	13	1	880	836	64	80	92	114	4	1 163	239	1	167	108	25	0,2	250	2 033	3 197
6.	Navroʻz	14	1	476	468	45	101	64	144	2	755	106	1	74	48	11	0,2	250	1 243	1 997
7.	Navroʻz	15	1	476	468	45	101	64	144	2	755	106	1	74	48	11	0,2	250	1 243	1 997
8.	Navroʻz	16	1	476	468	45	101	64	144	2	755	106	1	74	48	11	0,2	250	1 243	1 997
9.	Gavhar	18	1	880	836	64	80	92	114	4	1 163	239	1	167	108	25	0,2	250	2 033	3 197
10.	Gavhar	19	1	476	468	45	101	64	144	2	755	106	1	74	48	11	0,2	250	1 243	1 997
11.	Gavhar	20	1	476	468	45	101	64	144	2	755	106	1	74	48	11	0,2	250	1 243	1 997
12.	Gavhar	21	1	476	468	45	101	64	144	2	755	106	1	74	48	11	0,2	250	1 243	1 997
13.	Navroʻz	22/2	1	1 382	1 404	84	188	120	269	6	2 007	372	1	260	168	39	0,2	250	2 824	4 831
14.	Navroʻz	23	1	880	836	64	80	92	114	4	1 163	239	1	167	108	25	0,2	250	2 033	3 197
15.	Gavhar	11	1	1 862	1 872	129	160	184	228	8	2 503	478	1	335	216	50	0,2	250	3 456	5 959
16.	Gavhar	17	1	1 382	1 404	84	188	120	269	6	2 007	319	1	223	144	34	0,2	250	2 508	4 515
17.	Navroʻz	22/1	1	1 382	1 404	84	188	120	269	6	2 007	0,4	1,0	0,3	168	39	0,2	250	1 765	3 772
Denov tumani Mehr-Oqibat mahallasi			12	29 952	14 040	1 635	1 860	2 336	2 657	68	29 264	3 132	12	2 192	2 016	470	2,6	3 000	30 089	59 353
1.	Sh. Rashidov	4	1	2 496	1 170	196	318	280	454	6	2 767	247	1	173	168	39	0,2	250	2 467	5 233
2.	Sh. Rashidov	6	1	2 496	1 170	196	318	280	454	6	2 767	247	1	173	168	39	0,2	250	2 467	5 233
3.	Sh. Rashidov	8	1	2 496	1 170	196	318	280	454	6	2 767	285	1	199	168	39	0,2	250	2 575	5 342
4.	Sh. Rashidov	12	1	2 496	1 170	196	91	280	130	6	2 310	285	1	199	168	39	0,2	250	2 575	4 885
5.	Sh. Rashidov	16	1	2 496	1 170	196	91	280	130	6	2 310	247	1	173	168	39	0,2	250	2 467	4 777
6.	Sh. Rashidov	22	1	2 496	1 170	118	102	168	146	6	2 333	256	1	179	168	39	0,2	250	2 494	4 826
7.	Sh. Rashidov	24	1	2 496	1 170	118	113	168	162	6	2 355	247	1	173	168	39	0,2	250	2 467	4 822
8.	Sh. Rashidov	26	1	2 496	1 170	118	113	168	162	6	2 355	247	1	173	168	39	0,2	250	2 467	4 822
9.	Sh. Rashidov	28	1	2 496	1 170	118	113	168	162	6	2 355	256	1	179	168	39	0,2	250	2 494	4 849
10.	Sh. Rashidov	30	1	2 496	1 170	118	102	168	146	6	2 333	285	1	199	168	39	0,2	250	2 575	4 908
11.	Sh. Rashidov	32	1	2 496	1 170	34	108	48	154	4	2 341	285	1	199	168	39	0,2	250	2 575	4 916
12.	Sh. Rashidov	34	1	2 496	1 170	34	74	48	105	4	2 272	247	1	173	168	39	0,2	250	2 467	4 739

Izohlar.

1. Loyiha quvvati hamda ajratiladigan limitlar miqdoriga tasdiqlangan loyiha hujjatlari natijalari boʻyicha aniqlik kiritiladi.

2. Loyihalar Oʻzbekiston Respublikasi Davlat budjeti mablagʻlari hisobidan moliyalashtiriladi.

Vazirlar Mahkamasining 2026-yil 3-iyundagi 277-son qaroriga
3-ILOVA

Ijtimoiy soha muassasalarini geliokollektorlar bilan jihozlash

MAQSADLI PARAMETRLARI

T/r	Hudud nomi	2026-yilda			jumladan,
		Geliokollektorlar oʻrnatish			umumtaʼlim maktablari		sport muassasalari		tibbiyot muassasalari
		obyekt soni	soni	summasi (mlrd soʻm)	muassasa soni	soni	muassasa soni	soni	muassasa soni	soni
	Jami	3 584	8 140	80,0	497	1 896	243	858	2 844	5 386
1.	Qoraqalpogʻiston Respublikasi	293	580	5,7	40	127	9	30	244	423
2.	Andijon viloyati	341	917	9,0	49	176	39	168	253	573
3.	Buxoro viloyati	292	605	5,9	38	132	29	90	225	383
4.	Jizzax viloyati	203	405	4,0	20	69	15	37	168	299
5.	Qashqadaryo viloyati	311	623	6,1	43	139	13	40	255	444
6.	Navoiy viloyati	194	383	3,8	22	77	13	37	159	269
7.	Namangan viloyati	299	612	6,0	39	137	11	36	249	439
8.	Samarqand viloyati	295	1 036	10,2	119	592	15	43	161	401
9.	Surxondaryo viloyati	338	744	7,3	26	118	21	88	291	538
10.	Sirdaryo viloyati	168	362	3,6	13	44	18	81	137	237
11.	Toshkent viloyati	252	652	6,4	15	41	28	95	209	516
12.	Fargʻona viloyati	395	740	7,3	45	154	16	48	334	538
13.	Xorazm viloyati	203	481	4,7	28	90	16	65	159	326

Izohlar.

1. Ijtimoiy soha muassasalari manzilli roʻyxatlari Energiya samaradorligi milliy agentligi tomonidan Maktabgacha va maktab taʼlimi vazirligi, Sport vazirligi va Sogʻliqni saqlash vazirligi bilan kelishilgan holda tasdiqlanadi.

2. Loyiha quvvati hamda ajratiladigan limitlar miqdoriga tasdiqlangan loyiha hujjatlari natijalari boʻyicha aniqlik kiritiladi.

3. Loyihalar Oʻzbekiston Respublikasi Davlat budjeti mablagʻlari hisobidan moliyalashtiriladi.

Vazirlar Mahkamasining 2026-yil 3-iyundagi 277-son qaroriga
4-ILOVA

Binolarni “Nol energiya sarfli binolar” tamoyillari asosida modernizatsiya qilish, qayta taʼmirlash va qurish

KONSEPSIYASI

1-bob. Umumiy qoidalar

1. Mazkur Konsepsiya mamlakatdagi binolarning energiya samaradorligini oshirish hamda “Nol energiya sarfli binolar” (ZEB) tizimini joriy etishning huquqiy, tashkiliy va texnik asoslarini belgilaydi.

Konsepsiya davlat va ijtimoiy soha muassasalari binolarining energiya samaradorligini oshirish, ularda qayta tiklanuvchi energiya manbalaridan keng foydalanish, ularni modernizatsiya qilish, qayta taʼmirlash va qurishda energiya sarfini kamaytirish (nolga tenglashtirish) tamoyillariga asoslangan tadbirlar majmuini qamrab oladi.

Konsepsiya Oʻzbekiston Respublikasining “Energiyani tejash, undan oqilona foydalanish va energiya samaradorligini oshirish toʻgʻrisida”gi, “Qayta tiklanuvchi energiya manbalaridan foydalanish toʻgʻrisida”gi qonunlari, qonunosti hujjatlari, shuningdek, xalqaro standartlar asosida ishlab chiqilgan.

2-bob. Asosiy tushunchalar

2. Ushbu konsepsiyada quyidagi tushunchalardan foydalaniladi:

aktiv texnologiyalar — energiya tejaydigan, intellektual boshqariladigan va ekologik barqaror texnologiyalar kompleksi;

nol energiya sarfli bino turkumi (“ZEB family”) — nol energiya sarfli bino oilasi boʻlib, unga energiya sarfi nolga yaqin bino, nol energiya sarfiga oʻtishga tayyor bino, energiya sarfi nolga qaratilgan binolar kiradi;

nol energiya sarfli bino (“ZEB”) — binoning yil davomidagi energiya sarfi binoda ishlab chiqariladigan qayta tiklanuvchi energiya miqdoriga teng yoki undan kam boʻlmagan, energiya samaradorligi yuqori darajadagi bino;

nol energiya sarfiga oʻtishga tayyor bino (“ZEB Ready”) — binoda energiya tejaydigan va yuqori samaradorlikdagi texnik yechimlar joriy etilgan, biroq qayta tiklanuvchi energiya manbalari toʻliq oʻrnatilmagan yoki qisman mavjud boʻlgan hamda energiya samaradorligini oshirish tadbirlari orqali energiya sarfi 50 foizga qisqartirilgan bino;

passiv texnologiyalar — binoning konstruktiv elementlari orqali energiya sarfini kamaytiruvchi qurilma, uskuna va konstruksiyalar;

energiya sarfi nolga yaqin bino (“NZEB”) — binoning energiya samaradorligini yuqori va energiya samarador texnologiyalar toʻliq joriy etilgan, umumiy energiya sarfining kamida 75 foizi qisqartirilgan bino;

energiya sarfi nolga qaratilgan bino (“ZEB Oriented”) — umumiy maydoni 10 000 m²dan kam boʻlmagan yirik yoki murakkab obyektlar (masalan, maktablar, shifoxonalar, ofislar, mehmonxonalar, savdo markazlari va boshqalar) uchun energiya isteʼmolini kamaytirishga qaratilgan chora-tadbirlar joriy etilgan, umumiy energiya sarfi kamida 30 foizga qisqartirilgan bino.

3. Nol energiya sarfli binolar quyidagi 1-jadvalga asosan turkumlanadi.

				1-jadval
Daraja	Energiya sarfi	Energiya samaradorligi	Qayta tiklanadigan energiya ulushi	Holati
“ZEB”	≈ 0 yoki manfiy	eng yuqori	100% yoki ortiq	Toʻliq nol energiya sarfli bino
“NZEB”	juda past	juda yuqori	60 — 75%	Deyarli nol energiya sarfli bino
“ZEB Ready”	past	yuqori	qisman	ZEB tizimiga tayyor bino
“ZEB Oriented”	oʻrta	oʻrta	kam yoki yoʻq	ZEB yoʻnalishidagi bino

3-bob. Joriy holat va mavjud muammolar

4. Oʻzbekistonda ijtimoiy va maʼmuriy binolarning katta qismi 1970 — 1980-yillarda qurilgan boʻlib, ularning energiya samaradorligi past, issiqlik izolyatsiyasi yetarli emas, yoritish va shamollatish tizimlari eskirgan yoki umuman mavjud emas.

Mavjud binolarning oʻrtacha yillik energiya sarfi bir kvadrat metr maydon uchun 300 — 350 kVt·soatni tashkil etadi, bu esa xalqaro meʼyorlardan ikki baravar yuqori koʻrsatkichdir.

Energiya samarador texnologiyalarni qoʻllash, monitoring tizimlarini raqamlashtirish, “yashil” binolar boʻyicha texnik normativ hujjatlar ishlab chiqish ishlari yetarli darajada yoʻlga qoʻyilmagan, “ZEB” yoʻnalishida mutaxassislarni tayyorlash va ularni malakasini oshirish tizimi shakllanmagan, xalqaro tajriba bilan integratsiya sust.

Tahlillarga koʻra mavjud eski binolarda energiya isteʼmoli va energiya yoʻqotishlari hajmining yuqoriligiga quyidagi omillar sabab boʻlmoqda:

binolarning normativ va texnologik kamchiliklar bilan qurilgani va rekonstruksiya qilingani;

issiqlik saqlovchi materiallarning notoʻgʻri qoʻllanishi natijasida ularning issiqlikni saqlash xususiyatlari pasayib ketgani;

isitish va havoni konditsiyalash tizimlari samaradorligining pastligi, ventilyatsiya tizimlarining mavjud emasligi;

oldingi yillarda qurilgan binolarning texnik koʻrsatkichlari hozirgi zamon energiya samaradorligi talablariga javob bermasligi va boshqalar.

Hisob-kitoblarga koʻra amaldagi energiya isteʼmolidagi yoʻqotishlarning 60 foizi binolarni isitish va havoni normallashtirish tizimlarida, 11 foizi issiq suv taʼminoti tizimlarida sodir boʻladi.

Shu sababli mavjud binolarni bosqichma-bosqich “ZEB”tamoyillariga oʻtkazish choralarini boshlash zarur hisoblanadi.

4-bob. Maqsad va ustuvor yoʻnalishlar

5. Konsepsiyaning asosiy maqsadi — Oʻzbekiston Respublikasida binolarning energiya samaradorligini oshirish, nol energiya sarfli binolar ulushini bosqichma-bosqich kengaytirish va “yashil qurilish” tamoyillarini joriy etishdir.

6. Ushbu maqsadga quyidagi ustuvor yoʻnalishlar orqali erishiladi:

“ZEB” binolari uchun standartlar va texnik reglament hamda sertifikatlash tizimini ishlab chiqish;

milliy iqtisodiyotda energiya resurslari (tabiiy gaz, elektr energiyasi, suv va boshqalar) xarajatlari va isteʼmolini optimallashtirish;

“Yashil bino” tamoyili asosida qurish va rekonstruksiya qilish ishlarini amalga oshirish;

tabiiy yorugʻlik va shamollatishdan maksimal darajada foydalanish;

qurish va taʼmirlash ishlarida binolarning pol, devor, deraza va tom qismlarining issiqlik izolyatsiyasi uchun qatʼiy talablarni joriy qilish;

“Zero Carbon”ga erishish va atrof-muhitga salbiy taʼsirni kamaytirish, tabiiy resurslardan samarali foydalanish;

operatsion xarajatlarni kamaytirish orqali obyektning bozor qiymatini oshirish;

binolarning energiya boshqaruv tizimlari “Building Energy Management System”ni joriy etish, sensorli va avtomat tizimlarni koʻpaytirish.

5-bob. Binolarni “ZEB” tamoyillari asosida qurish, modernizatsiya qilish va qayta taʼmirlash

7. Binolar tashqi qismining barcha konstruktiv elementlarida issiqlik izolyatsiyasini yaxshilash — bunda fundament, fasad, tom (shift) va pol qoplamalari, shuningdek, deraza va eshiklarda yuqori sifatli izolyatsiya materiallarini qoʻllash hisobidan binolarning issiqlik yoʻqotishlari koʻrsatkichlari minimumga keltiriladi.

8. Passiv texnologiyalarni qoʻllash orqali binolarning energiya samaradorligini oshirish — bunda zamonaviy texnologiyalarni qoʻllash hisobidan binoning energiya sarfi isteʼmoli kamaytiriladi hamda binoning asosiy tuzilish elementlari orqali issiqlik va yorugʻlik bilan tabiiy taʼminlanish darajasi oshiriladi.

9. Aktiv texnologiyalardan keng foydalanish — bunda binolarni yangidan qurish yoki mavjudlarini taʼmirlashda (rekonstruksiya qilishda) energiya tejaydigan, intellektual boshqariladigan va ekologik barqaror texnologiyalardan kompleks ravishda foydalanish lozim. Aktiv texnologiyalar binoning energiya isteʼmol qiluvchi muhandislik tizimlarining yuqori samaradorlik asosida ishlashini taʼminlaydi.

10. Isitish, ventilyatsiya va konditsionerlashda (“HVAC”) yuqori samarali tizimlardan foydalanish (“HVAC”) — bunda isitish, ventilyatsiya va konditsionerlash (“HVAC”) tizimlari zamonaviy, kam energiya isteʼmol qiladigan va yuqori samaradorlik koeffitsiyentiga (“COP — Coefficiyent of Performance”) ega boʻlishi lozim. Quriladigan markaziy yoki lokal isitish, sovitish qurilmalarining “COP” koʻrsatkichi 3.0 dan kam boʻlmasligi lozim.

Bundan tashqari, ventilyatsiya tizimlarida issiqlikni tiklovchi qurilmalar (rekuperatorlar) majburiy oʻrnatiladi, ular chiqindi havodan issiqlikni olib, tashqaridan kirgan toza havoga oʻtkazadi va isitish/sovitish energiyasini tejashga xizmat qiladi.

11. Tabiiy shamollatish va yorugʻlikdan foydalanish — loyihalashtirish bosqichida binoning tabiiy shamollatish va yorugʻlik bilan taʼminlanishi hisobga olinishi kerak. Bu yorugʻlik uchun foydalaniladigan elektr energiyasini kamaytirishga va binolarning ichki qismida vizual qulaylikni oshirishga xizmat qiladi.

12. Ichimlik suv va oqova suv taʼminoti tizimi — ichimlik suv va oqova suv taʼminotini alohida (avtonom) boʻlishiga ustunlik beriladi. Bunda yomgʻir suvlaridan va binoda foydalanilgan suvlarni bir joyga yigʻish, suvlarni qayta ishlashga moʻljallangan qurilmalar orqali mexanik va kimyoviy tozalash texnologiyalaridan oʻtkazish hamda qayta ishlangan suvni texnik suv sifatida ikkilamchi sanuzel va sugʻorishga uzatish tizimi joriy etilishi mumkin.

13. Energiya tejaydigan yoritish tizimlari — barcha ichki va tashqi yoritish tizimlari LED texnologiyalari asosida qurilishi lozim. Yoritish tizimi harorat va harakat sezgichlari bilan jihozlangan avtomatik boshqaruv tizimiga ega boʻlishi lozim. Bu xonalarda odam yoʻqligida yorugʻlikni avtomatik oʻchirib qoʻyish yoki tabiiy yorugʻlik yetarli boʻlgan hududlarda sunʼiy yorugʻlikni pasaytirish orqali energiya tejashni taʼminlaydi.

14. Binoning energetika boshqaruvi tizimi (BEMS) — binoning barcha energetika oqimlarini boshqarish va monitoring qilish uchun “Bino energetika boshqaruvi tizimi”ning (BEMS — Building Energy Management System) joriy etilishi, ushbu tizim real vaqt rejimida elektr, issiqlik, sovitish va suv isteʼmolini kuzatib, maʼlumotlarni tahlil qilib boradi.

15. Invertorli boshqaruv — binoda qoʻllanadigan elektr dvigatelli qurilmalar (liftlar, nasoslar, ventilyatorlar, sovitish kompressorlari) invertorli boshqaruv bilan taʼminlashish lozim. Invertor yuklamaga qarab, dvigatel tezligini va shu bilan birga energiya isteʼmolini boshqaradi, bu anʼanaviy “oʻchirish/yoqish” prinsipiga qaraganda energiya resurslarini 30 — 50 foizgacha tejash imkonini beradi.

16. Qayta tiklanuvchi energiya manbalarining joriy etilishi — binoning energiya talabini qisman yoki toʻliq qoplash maqsadida qayta tiklanuvchi energiya manbalaridan foydalanish yoʻlga qoʻyiladi.

17. Quyosh fotoelektr stansiyasi (quyosh paneli) — binoning tom yoki yuqori qavatlarida, shuningdek qurilish maydonchasida quyosh paneli oʻrnatiladi. Ushbu tizim binoning umumiy yillik elektr energiyasi talabining 100 foizgacha qismini qoplaydigan quvvatlarda loyihalashtirilishi va qurilishi lozim.

18. Elektr saqlovchi akkumulyator quvvatlarini oʻrnatish — binoga oʻrnatiladigan quyosh paneli va boshqa qayta tiklanuvchi energiya manbalari quvvatlaridan kelib chiqib, akkumulyatorlarni oʻrnatish elektr energiyasini uzluksizligini taʼminlashga yordam beradi.

19. Geotermal va quyosh issiqlik tizimlari — loyihaning iqtisodiy va geologik jihatdan maqsadga muvofiqligi koʻrib chiqilgan holda, issiqlik manbai sifatida yerosti issiqligidan foydalanadigan geotermal nasoslar yoki issiq suv taʼminoti uchun quyosh kollektorlari tizimlarini joriy etish tavsiya etiladi.

20. Energiya balansining hisobi — binoning energiya isteʼmoli va ishlab chiqarilishi (masalan, quyosh paneli tomonidan) yillik asosda hisob-kitob qilinadi.

21. Doimiy monitoring va optimallashtirish — bunda binoning energiya isteʼmoli “BEMS” tizimi orqali olingan maʼlumotlar asosida doimiy monitoring qilinadi va meʼyordan oshib ketish holatlari (anomaliyalar) aniqlanganda, isteʼmolni kamaytirish choralari koʻriladi. Tizim orqali ishlash parametrlari muntazam ravishda optimallashtiriladi.

22. Ekspluatatsiya — binoning butun foydalanish davomida uning samaradorligini taʼminlash uchun qatʼiy ekspluatatsiya qoidalari belgilanishi shart.

23. Axborot-kommunikatsiya texnologiyalari va raqamlashtirish — “ZEB” loyihalarining koʻrsatkichlari Energiya samaradorligi milliy agentligida (keyingi oʻrinlarda — Agentlik) tashkil qilingan “Situatsion markaz” da shakllantirilib boriladi hamda monitoringi yuritiladi.

“ZEB” loyihalarida “IoT”, sunʼiy intellekt (“AI”) texnologiyalarini tatbiq etish mexanizmlari ishlab chiqiladi hamda energiya samaradorligi madaniyatini oshirish maqsadida axborot-taʼlim kompaniyalari va jamoatchilik bilan ishlash dasturlari yoʻlga qoʻyiladi.

6-bob. Kadrlar tayyorlash va malaka oshirish tizimini rivojlantirish

24. Agentlik tomonidan “ZEB” sohasida faoliyat yurituvchi muhandis, energetik va auditor mutaxassislar uchun malaka oshirish va sertifikatlash tizimi joriy qilinadi.

Xalqaro tashkilotlar (JICA, ADB va boshqalar) bilan hamkorlikda malaka oshirish dasturlari amalga oshiriladi.

7-bob. Binolarga “ZEB” konsepsiyalarini joriy etish bosqichlari

25. Quyidagilar binolarga “ZEB” konsepsiyalarini joriy etish bosqichlari hisoblanadi:

qisqa muddatli — 2026-2027-yillarda “ZEB” obyekti va normativlarni qabul qilish;

oʻrta muddatli — 2028 — 2030-yillarda davlat binolarida “ZEB Ready” toifasini majburiy joriy etish;

uzoq muddatli — 2031 — 2040-yillarda yangi binolar uchun ZEB/NZEB toifasini majburiy qoidalar sifatida joriy etish.

26. 2026-yilda 33 ta tuman (shahar)da bittadan ijtimoiy soha muassasasi binolarini “ZEB” tamoyillariga asoslangan holda modernizatsiya qilish boshlanadi.

Buning natijasida:

binolarning energiya samaradorligi koʻrsatkichlari 30 — 35 foizga oshiriladi, tabiiy gaz sarfini 100 foizgacha tejash imkoniyatlari hamda qurilish sohasida “Nol energiya sarfli binolar” (“ZEB”) tizimini joriy etish koʻnikmasi yaratiladi;

energiya samaradorligi yoʻnalishida 50 nafardan ortiq “ZEB” mutaxassislari tayyorlanadi.

8-bob. Monitoring va baholash

27. Konsepsiyaning amalga oshirilishi Agentlik tomonidan muvofiqlashtiriladi va monitoring qilinadi.

28. Monitoring quyidagi indikatorlar asosida amalga oshiriladi:

“ZEB”obyektlarining yillik joylashuvi va soni;

energiya sarfining oʻrtacha kamayish darajasi;

qayta tiklanuvchi energiya ulushi;

tayyorlangan mutaxassislar soni;

iqtisodiy samaradorlik koʻrsatkichlari.

29. Har yil yakunida Konsepsiya ijrosi boʻyicha yillik erishiladigan natijalar yuzasidan Vazirlar Mahkamasiga axborot kiritiladi.

30. Monitoring hisobotlari asosida har yili “ZEB” binolarini rivojlantirish boʻyicha yillik hisobot” eʼlon qilinadi hamda ochiq manbalarda (Agentlik veb-saytida) joylashtiriladi.

9-bob. Yakunlovchi qoidalar

31. Quyidagilar Konsepsiya ijrosini taʼminlash uchun masʼul organlar etib belgilanadi:

Agentlik;

Qurilish va uy-joy kommunal xoʻjaligi vazirligi;

Iqtisodiyot va moliya vazirligi;

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari.

Vazirlar Mahkamasining 2026-yil 3-iyundagi 277-son qaroriga
5-ILOVA

“Nol energiya sarfli binolar” konsepsiyasi asosida modernizatsiya qilinadigan ijtimoiy soha muassasalari va boshqa muassasalarning

MANZILLI ROʻYXATI

T/r	Tuman/shahar nomi	Obyekt nomi	Obyekt quvvati		Loyiha qiymati (mln soʻmda)
T/r	Tuman/shahar nomi	Obyekt nomi	Oʻlchov birligi	miqdori	Loyiha qiymati (mln soʻmda)
Jami 2026 — 2027-yillarda		33 ta	x	x	182 700
1.	Qoʻngʻirot tumani	17-son maktabgacha taʼlim tashkiloti binosi	oʻrin	180	10 000,0
2.	Chimboy tumani	22-son maktabgacha taʼlim tashkiloti binosi	oʻrin	140	7 000,0
3.	Asaka tumani	19-son oilaviy poliklinika binosi	qatnov	50	2 800,0
4.	Shahrixon tumani	Oilaviy shifokorlik punkti binosi	qatnov	75	4 000,0
5.	Gʻijduvon tumani	1-son oilaviy poliklinika binosi	qatnov	100	5 800,0
6.	Shofirkon tumani	Sport maktabi binosi	oʻrin	120	6 000,0
7.	Gʻallaorol tumani	11-son oilaviy poliklinikasi binosi	qatnov	100	5 800,0
8.	Zafarobod tumani	Sport maktabi binosi	obyekt	1	6 400,0
9.	Qamashi tumani	50-son oilaviy poliklinika binosi	qatnov	100	5 800,0
10.	Yakkabogʻ tumani	Koʻp tarmoqli markaziy poliklinikaning 2-son filiali binosi	qatnov	100	5 800,0
11.	Nurota tumani	Nurota bolalar poliklinikasi binosi	obyekt	1	5 800,0
12.	Xatirchi tumani	6-son oilaviy poliklinika binosi	qatnov	150	6 900,0
13.	Kosonsoy tumani	“Doʻstlik” oilaviy shifokorlik punkti binosi	qatnov	50	3 100,0
14.	Norin tumani	19-son oilaviy poliklinika binosi	qatnov	100	5 800,0
15.	Bulungʻur tumani	“Barkamol avlod” bolalar maktabi binosi	oʻrin	320	5 700,0
16.	Ishtixon tumani	Suzish havzasi binosi	oʻrin	300	11 800,0
17.	Payariq tumani	Koʻpaki oilaviy shifokorlik punkti binosi	qatnov	50	3 100,0
18.	Kattaqoʻrgʻon tumani	Zarafshon oilaviy poliklinika binosi	qatnov	100	5 000,0
19.	Denov tumani	1-son maktabgacha taʼlim tashkiloti binosi	oʻrin	140	7 000,0
20.	Muzrabod tumani	12-son maktabgacha taʼlim tashkiloti binosi	oʻrin	90	4 100,0
21.	Qiziriq tumani	40-son oilaviy poliklinika binosi	qatnov	100	5 800,0
22.	Sardoba tumani	Sh. Rashidov oilaviy shifokorlik punkti binosi	qatnov	50	3 100,0
23.	Sirdaryo tumani	11-son oilaviy poliklinika punkti binosi	qatnov	110	2 200,0
24.	Margʻilon shahri	3-son oilaviy poliklinika binosi	qatnov	50	2 800,0
25.	Oʻzbekiston tumani	Shakarobod oilaviy shifokorlik punkti binosi	qatnov	50	3 100,0
26.	Quva tumani	8-son oilaviy poliklinika binosi	qatnov	100	5 800,0
27.	Yozyovon tumani	9-son maktabgacha taʼlim tashkiloti binosi	oʻrin	90	4 100,0
28.	Shovot tumani	14-son oilaviy poliklinika punkti binosi	qatnov	100	2 200,0
29.	Yangiariq tumani	60-son oilaviy poliklinika punkti binosi	qatnov	50	2 200,0
30.	Boʻka tumani	Y. Xojimetov oilaviy shifokorlik punkti binosi	qatnov	436	3 100,0
31.	Chinoz tumani	S. Rahimov oilaviy shifokorlik punkti binosi	qatnov	40	2 600,0
32.	Chirchiq shahri	11-son maktabgacha taʼlim tashkiloti binosi	oʻrin	360	14 000,0
33.	Yangiyoʻl shahri	9-son maktabgacha taʼlim tashkiloti binosi	oʻrin	360	14 000,0

Izohlar.

1. “Nol energiya sarfli binolar”ga aylantiriladigan ijtimoiy soha obyektlari uchun talab etiladigan mablagʻlarga loyiha-smeta hujjatlari asosida aniqlik kiritiladi.

2. Zarur hollarda, ushbu roʻyxatdagi obyektlarga Vazirlar Mahkamasi bilan kelishilgan holda, Energiya samaradorligi milliy agentligi tomonidan oʻzgartirish kiritilishi mumkin.

Vazirlar Mahkamasining 2026-yil 3-iyundagi 277-son qaroriga
6-ILOVA

MINIMAL TALABLAR

Obyektlarni qurish, rekonstruksiya qilish, mukammal taʼmirlashda loyiha hujjatlari tarkibida “Energiya samaradorligi” boʻlimi kiritilishi shart.

Ushbu boʻlim loyihaning umumiy energiya samaradorligi koʻrsatkichlarini aks ettirgan holda, loyihaoldi va loyiha hujjatlari tasdiqlanish bosqichida loyiha tashkiloti tomonidan ishlab chiqiladi.

Bunda obyektlarning loyiha-smeta hujjatlarini ishlab chiqishda amaldagi shaharsozlik normalari va qoidalari talablari bilan birgalikda quyidagi xalqaro talablar va normalar asosida loyiha yechimlari qoʻllanadi:

Muqobil energiya manbalari qurilmalaridan foydalanishda:

loyiha obyekti binolarining isteʼmol qiladigan elektr energiyasi sarfining kamida 50 — 60 foizini qoplashga yetadigan quyosh panellarini oʻrnatish;

obyekt uchun talab qilinadigan issiq suv taʼminotining kamida 60 foizini qoplashga yetadigan quvvatlarda geliokollektorlar bilan jihozlash.

Isitish va sovitish tizimi boʻyicha:

isitishda issiqlik nasoslari va fankoyllar hamda issiq pol hamda issiq devor tizimlaridan foydalanish;

issiqlik tizimlarini issiqlik energiyasi manbaiga faqatgina oldindan izolyatsiyalangan quvurlar (PPU) orqali ulash va har bir tizimda energiya saqlovchi “buffer tank” (bufer bak) oʻrnatish;

sovitish tizimida polga, devorga va shiftga oʻrnatiladigan fankoyllardan foydalanish;

xonalarni haroratni meʼyorda saqlab turish va sunʼiy iqlim yaratishni taʼminlovchi dispetcherlashgan “aqlli tizim”lar va datchiklar bilan jihozlash.

Eshik va romlar hamda quyoshdan himoyalanish boʻyicha:

binolarning tashqi deraza romlarini oʻrnatishda 2 kamerali (3 qavat oynali) hamda shamollatish uchun ogʻma ochiladigan fortochkali energiya tejamkor polivinilxlorid profillaridan (PVC) foydalanish;

binoga kirish yoʻlaklariga qatʼiy ravishda “tambur-vestibyullar” oʻrnatish hamda yopuvchi mexanizmlar bilan jihozlangan, ichki tomonidan issiqlik izolyatsiyalangan hamda germetik berk tashqi eshiklar oʻrnatish;

tashqi oynalarga quyosh nurini tik burchak ostida kesish uchun tashqi jalyuzilar oʻrnatish.

Issiqlik himoya qatlamlari boʻyicha:

tashqi devor qismini shamollatiladigan fasad konstruksiyasi bilan qoplash, bunda fasad konstruksiyasi tagida zichligi 50 kg/m3gacha va qalinligi 100 millimetrdan kam boʻlmagan bazalt hamda shamol va namlikdan saqlovchi membrana qoplamasi bilan qoplash;

poydevor qismini sovuqdan, namlikdan, muzlashdan saqlash uchun tashqi tomonidan ekstrudlangan penopolistirol (XPS) qoplamasi bilan qoplash;

birinchi qavat (yerga yaqin qavat) pol qismini ekstrudlangan penopolistirol (XPS) plitalar bilan issiqlik izolyatsiya qilish;

tom qismini ekstrudlangan penopolistirol (XPS) plitalar bilan qoplab, issiqlik izolyatsiya qilish.

Konstruktiv yechimlardan foydalanishda:

binolarning konstruktiv holati boʻyicha loyiha yechimlari amaldagi shaharsozlik hamda qurilish meʼyorlari va qoidalari talablariga muvofiq amalga oshiriladi.

Vazirlar Mahkamasining 2026-yil 3-iyundagi 277-son qaroriga
7-ILOVA

“Taraqqiyot va yetakchilik maskani” dasturi doirasida energiya samaradorligi tamoyillari asosida modernizatsiya va rekonstruksiya qilinadigan ijtimoiy soha muassasalarining

MANZILLI DASTURI

						mln soʻm
T/r	Hududlar nomi	Mahalla nomi	Muassasa nomi	Quvvati		Loyiha qiymati
T/r	Hududlar nomi	Mahalla nomi	Muassasa nomi	oʻlchov birligi	miqdori	Loyiha qiymati
Tuman (shahar)lar boʻyicha jami			Jami obyektlar (26 ta)	x	x	157 390
			Umumtaʼlim maktablari (13 ta)	oʻquv oʻrin	7 062	90 700
			Maktabgacha taʼlim tashkilotlari (12 ta)	oʻrin	2 090	62 490
			Tibbiyot muassasasi (1 ta)	koyka	100	4 200
Andijon viloyati
1.	Shahrixon tumani	Doʻlan	54-son umumtaʼlim maktabi	oʻquv oʻrin	644	5 950
Buxoro viloyati
2.	Shofirkon tumani	Guliston	21-son maktabgacha taʼlim tashkiloti	oʻrin	140	3 100
Jizzax viloyati
3.	Zafarobod tumani	Samarqand	Tuman markaziy shifoxonasi	koyka	100	4 200
4.	Zafarobod tumani	Samarqand	18-son umumtaʼlim maktabi (mukammal taʼmirlash va 240 oʻrinli qoʻshimcha bino qurish)	oʻquv oʻrin	400	10 550
Qashqadaryo viloyati
5.	Yakkabogʻ tumani	Bogʻzor	23-son maktabgacha taʼlim tashkiloti	oʻrin	300	1 500
6.	Qamashi tumani	Chim	4-son umumtaʼlim maktabi	oʻquv oʻrin	640	9 000
Navoiy viloyati
7.	Nurota tumani	Oqmachit	20-son umumtaʼlim maktabi	oʻquv oʻrin	417	8 000
8.	Nurota tumani	Eshon Sudur	42-son umumtaʼlim maktabi	oʻquv oʻrin	240	5 000
9.	Nurota tumani	Nurobod	90 oʻrinli yangi maktabgacha taʼlim tashkilotini qurish	oʻrin	90	2 500
Namangan viloyati
10.	Kosonsoy tumani	Tagijar	41-son umumtaʼlim maktabi	oʻquv oʻrin	320	5 000
11.	Norin tumani	Xoʻjaobod	27-son umumtaʼlim maktabi	oʻquv oʻrin	824	5 000
12.	Norin tumani	Yuqori Choʻja	10-son maktabgacha taʼlim tashkiloti	oʻrin	110	3 500
13.	Norin tumani	Yangi Namangan	13-son maktabgacha taʼlim tashkiloti oʻrnida yangi 330 oʻrinli maktabgacha taʼlim tashkiloti qurish	oʻrin	330	12 800
Samarqand viloyati
14.	Ishtixon tumani	Oʻzbekiston	12-son maktabgacha taʼlim tashkiloti	oʻrin	100	5 000
15.	Kattaqoʻrgʻon tumani	Yodgorxoʻja	5-son umumtaʼlim maktabi	oʻquv oʻrin	1 041	10 000
16.	Payariq tumani	Farovon	2-son maktabgacha taʼlim tashkilotini mukammal taʼmirlash va 90 oʻrinli qoʻshimcha bino qurish	oʻrin	140	7 000
Surxondaryo viloyati
17.	Qiziriq tumani	Yangihayot	8-son maktabgacha taʼlim tashkiloti	oʻrin	160	6 000
18.	Muzrabod tumani	Yangidiyor	45-son umumtaʼlim maktabi	oʻquv oʻrin	476	5 000
Sirdaryo viloyati
19.	Sardoba tumani	Quyitosh	1-son maktabgacha taʼlim tashkiloti	oʻrin	140	8 000
Fargʻona viloyati
20.	Yozyovon tumani	Qorasoqol	4-son maktabgacha taʼlim tashkilotiga qoʻshimcha 120 oʻrinli bino qurish va mavjud binolarni taʼmirlash	oʻrin	220	5 290
21.	Oʻzbekiston tumani	Shoʻrqishloq	46-son maktabgacha taʼlim tashkiloti	oʻrin	180	5 000
Xorazm viloyati
22.	Yangiariq tumani	Yangiariq	36-son umumtaʼlim maktabi	oʻquv oʻrin	540	8 000
Toshkent viloyati
23.	Boʻka tumani	Jagʻaybayli	3-son umumtaʼlim maktabi	oʻquv oʻrin	940	8 000
24.	Chirchiq shahri	Ishonch	2-son maktabgacha taʼlim tashkiloti	oʻrin	180	2 800
25.	Chirchiq shahri	Ishonch	25-son umumtaʼlim maktabi	oʻquv oʻrin	360	3 200
26.	Yangiyoʻl shahri	Oltin Obod	Toshkent viloyati ixtisoslashtirishgan madaniyat maktabi (bino va yotoqxonasi)	oʻquv oʻrin	220	8 000

Izoh.

Loyiha quvvati hamda ajratiladigan limitlar miqdoriga tasdiqlangan loyiha hujjatlari natijalari boʻyicha aniqlik kiritiladi.

Vazirlar Mahkamasining 2026-yil 3-iyundagi 277-son qaroriga
8-ILOVA

Ijtimoiy soha muassasalari, iqtisodiyot tarmoqlari, koʻp kvartirali uylar va aholi xonadonlarida energiya samaradorligini oshirish

“YOʻL XARITASI”

T/r	Maqsadlar va chora-tadbirlar	Amalga oshirish mexanizmlari	Bajarish muddatlari	Moliyalashtirish hajmi va manbai	Masʼullar
1.	Alohida hududlarni energiya samarador hududlarga aylantirish boʻyicha dastlabki reja-koʻrsatkichlarni belgilash va amalga oshirish.	Hududlarni energiya samarador hududga aylantirish boʻyicha dastlabki reja-koʻrsatkichlarni belgilash va amalga oshirish, bunda: energiya samaradorligi oshiriladigan ijtimoiy soha muassasalari, davlat tashkilotlari, davlat ishtirokidagi korxonalar, tadbirkorlik subyektlari hamda aholi xonadonlarining dastlabki reja-koʻrsatkichlarini shakllantirish, hududiy hokimliklarga yetkazish; hududiy hokimliklar tomonidan tegishli vazirlik va idoralar bilan birgalikda ushbu dastlabki reja-koʻrsatkichlar amalga oshirilishini taʼminlash.	2026-yil davomida	Tegishliligi boʻyicha davlat tashkilotlari, davlat ishtirokidagi korxonalarning oʻz mablagʻlari, kreditlar va aholiga beriladigan subsidiyalar	Energiya samaradorligi milliy agentligi, Qoraqalpogʻiston Respublikasi Vazirlar Kengashi va viloyatlar hokimliklari, tanlangan tuman (shahar) hokimliklari, vazirlik va idoralar
2.	Bino va inshootlar qurilishida energiya samaradorligi talablarini takomillashtirish.	1. Markazlashgan mablagʻlar hisobidan qurilish, rekonstruksiya (modernizatsiya) qilish va mukammal taʼmirlash ishlari amalga oshiriladigan barcha davlat idoralari va ijtimoiy soha muassasalari loyihalarini davlat ekspertizasidan oʻtkazishda energiya samaradorligining minimal talablari qatʼiy inobatga olinishini taʼminlash.	Bir oy muddatda	Mablagʻ talab etilmaydi	Qurilish va uy-joy kommunal xoʻjaligi vazirligi, Energiya samaradorligi milliy agentligi, Qoraqalpogʻiston Respublikasi Vazirlar Kengashi va viloyatlar hokimliklari
		2. Amaldagi milliy shaharsozlik normalari va qoidalari hamda tegishli qonunchilik hujjatlarini qayta koʻrib chiqib, energiya samaradorligi talablari asosida takomillashtirish.	2026-yil 1-avgustga qadar
		3. Davlat dasturlari uchun tayyorlangan namunaviy loyihalarni energiya samaradorligining minimal talablaridan kelib chiqib, toʻliq qayta koʻrib chiqish. 4. Bino va inshootlarni loyihalashtirish hamda qurishda energiya samaradorligini oshirish yoʻnalishida oʻquv kurslarini tashkil etish hamda loyiha-qidiruv va qurilish-pudrat tashkilotlari xodimlari malakasini oshirib borish.	Doimiy
3.	Energiya auditi xizmatini va energiya samarador qurilmalarga texnik xizmat koʻrsatishni kengaytirish.	1. Har bir hududda energiya auditi xizmatini va energiya samarador qurilmalarga texnik xizmat koʻrsatish yoʻnalishida 10 tadan nomzodlar oʻqitilishini tashkil etish. Bunda: sohaga qiziqishi mavjud, ushbu yoʻnalishlarda dastlabki bilimlarga ega boʻlgan nomzodlar roʻyxatini shakllantirish; nomzodlarning energiya auditorlik va energiya samaradorligini oshirish kurslarida ishtirokini taʼminlash; kurslarni samarali tamomlagan nomzodlarni sertifikatlash va energiya auditorlik faoliyatini yoʻlga qoʻyishda koʻmaklashish. 2. Qayta tiklanuvchi energiya manbalari qurilmalariga xizmat koʻrsatish va ularning ehtiyot qismlari sotuvini kengaytirish. 3. Hududlarda energiya auditorlar faoliyatini tashkil etish va energiya auditdan oʻtkazish ishlarini kengaytirish.	2026-2027-yillar davomida	Talabgorlarning oʻz mablagʻlari, homiylik xayriyalari va boshqa grant mablagʻlar	Qoraqalpogʻiston Respublikasi Vazirlar Kengashi va viloyatlar hokimliklari, Energiya samaradorligi milliy agentligi
4.	Tungi yoritish tizimlarini energiya tejamkor yoritish tizimlariga oʻtkazish va modernizatsiya qilish.	1. Tuman(shahar)dagi tungi yoritish tizimlarining energiya resurslari sarfini tahlil qilish, energiya tejamkorligini oshirish imkoniyatlarini oʻrganib chiqish hamda tungi yoritish tizimlarining energiya samaradorligi oshiriladigan koʻchalarning manzilli roʻyxatlarini shakllantirish.	2026-yildan boshlab har yili 1-iyulga qadar	Oʻzbekiston Respublikasi Davlat budjeti, Dasturda belgilangan mablagʻlar	Qoraqalpogʻiston Respublikasi Vazirlar Kengashi, viloyatlar hokimliklari, Energiya samaradorligi milliy agentligi, Iqtisodiyot va moliya vazirligi
		2. Dasturni energiya tejashdan daromad olish mexanizmlari asosida xususiy sektorni jalb qilgan holda amalga oshirish.	2026-2027-yillar
5.	Toshkent va Sirdaryo viloyatlarida joylashgan, energiya sarfi yuqori 2 ta nasos stansiyalarida ESKO mexanizmlari asosida tajriba-sinov loyihalarini amalga oshirish.	1. “UzESCO” kompaniyasi tomonidan energiya auditorlarni jalb etgan holda nasos stansiyalarida batafsil energiya auditini oʻtkazish. 2. Energiya audit xulosasi asosida energiya samaradorligini oshirish yechimlarini inobatga olgan loyiha modellarini ishlab chiqish.	2026-yil iyul	“UzESCO” kompaniyasi, Energiya samaradorligini ragʻbatlantirish va qoʻllab-quvvatlash jamgʻarmasi mablagʻlari, kredit va grantlar	Energiya samaradorligi milliy agentligi, Suv xoʻjaligi vazirligi, Iqtisodiyot va moliya vazirligi, “Hududiy elektr tarmoqlari” AJ, “UzESCO” kompaniyasi
		3. Loyiha modellari asosida modernizatsiya ishlarini amalga oshirish. Bunda sarflangan mablagʻlar energiya servis shartnomalariga asosan nasos stansiyalarini modernizatsiya qilish natijasida tejaladigan energiya resurslari hisobidan qaytariladi.	Grafik asosida
6.	Energiya samaradorligi tadbirlari uchun Oʻzbekiston Respublikasi Davlat budjetidan ajratiladigan mablagʻlarning samaradorligini oshirish.	1. Dastlabki bosqichlarda ichimlik suvi taʼminoti tizimlarida eskirgan suv nasoslarining energiya samaradorligini oshirish hamda issiqlik taʼminoti korxonalarining qozonxona jihozlari va issiqlik tarmoqlarining energiya samaradorligini oshirish tadbirlari uchun Davlat budjetidan ajratiladigan mablagʻlarni Agentlikning Energiya samaradorligini ragʻbatlantirish va qoʻllab-quvvatlash jamgʻarmasi orqali yoʻnaltirish.	2026-yil iyul	Hisob-kitoblar asosida davlat dasturlari va Hukumat qarorlari asosida ajratiladigan mablagʻlar	Iqtisodiyot va moliya vazirligi, Energiya samaradorligi milliy agentligi, manfaatdor vazirlik va idoralar
		2. Ushbu mablagʻlarni energiya auditi xulosalari asosida ustuvor ravishda resurs isteʼmoli yuqori boʻlgan qurilma va jihozlarni yangilash, sohalarning energiya samaradorligini oshirish hamda xizmatlar bilan qamrovni kengaytirish tadbirlariga yoʻnaltirish.	2026-yil davomida
		3. 2027-yildan boshlab: Agentlik soʻroviga asosan har yilgi Davlat budjeti parametrlarini shakllantirishda sohalar va tarmoqlarda energiya samaradorligini oshirish tadbirlari uchun talab etiladigan mablagʻlarni koʻzda tutib borish; bosqichma-bosqich energiya samaradorligini oshirish bilan bogʻliq xarajatlar uchun boshqa sohalarga ajratiladigan budjet mablagʻlarini Agentlik orqali yoʻnaltirishni tashkil etish.	2027-yildan boshlab
7.	Ijtimoiy soha va boshqa muassasalar binolarida “Nol energiya sarfli binolar” konsepsiyasi asosida amalga oshiriladigan modernizatsiya loyihalarining moliyalashtirish manbalariga aniqlik kiritish.	1. “Nol energiya sarfli binolar” konsepsiyasi asosida amalga oshiriladigan modernizatsiya loyihalari uchun talab qilinadigan mablagʻlar “UzESCO” kompaniyasiga rejalashtirilishini taʼminlash.	2026-yil iyul	Davlat budjeti, xalqaro moliya institutlarining kredit va grantlari mablagʻlari, Energiya samaradorligini oshirish tadbirlari uchun ajratilgan mablagʻlar	Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar hokimliklari, Energiya samaradorligi milliy agentligi
		2. Loyihalar boʻyicha buyurtmachi etib Energiya samaradorligi milliy agentligi muassisligidagi “UzESCO” kompaniyasini belgilash hamda unga buyurtmachilik vazifasini bajarishda qoʻshimcha malakali mutaxassislarni shartnoma asosida jalb etishga ruxsat berish.	2026-yil iyul
8.	Viloyat, tuman (shahar) hokimliklari tuzilmasida joriy qilingan “energiya menejeri” faoliyatini samarali tashkil etishga koʻmaklashish.	1. “Energiya menejeri” faoliyatini samarali tashkil etish boʻyicha takliflarni ishlab chiqib, hokimliklar faoliyatini tashkil etish boʻyicha vaqtincha tartibda inobatga olish uchun Vazirlar Mahkamasiga kiritish.	Bir oy muddatda	Mablagʻ talab etilmaydi	Energiya samaradorligi milliy agentligi, Qoraqalpogʻiston Respublikasi Vazirlar Kengashi va viloyatlar hokimliklari
		2. Viloyat, tuman(shahar) hokimliklari hamda vazirlik va idoralardagi energiya menejerlarining salohiyatini muntazam oshirib, ularning samarali faoliyat koʻrsatishlariga koʻmaklashib borish.	2026-yil davomida
9.	Bitta tuman misolida “Yangi Oʻzbekiston” massivlarini “yashil”, energiya samarador, resurs tejamkor va “aqlli” shahar tamoyillari asosida takomillashtirish konsepsiyasini ishlab chiqish.	Xorijiy konsultantlar va mutaxassislar bilan hamkorlikda bitta tuman misolida “Yangi Oʻzbekiston” massivlarini “yashil”, energiya samarador, resurs tejamkor va “aqlli” shahar tamoyillari asosida takomillashtirish konsepsiyasini ishlab chiqish.	2026-yil davomida	Oʻzbekiston Respublikasi Davlat budjeti	Iqtisodiyot va moliya vazirligi, Qurilish va uy-joy kommunal xoʻjaligi vazirligi, Energiya samaradorligi milliy agentligi

Vazirlar Mahkamasining 2026-yil 3-iyundagi 277-son qaroriga
9-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Davlat hokimiyati va boshqaruvi organlari, sud organlari va notarial idoralar xodimlari mehnatiga haq toʻlashning tarif setkasini joriy etish toʻgʻrisida” 1996-yil 12-apreldagi 147-son qaroriga 3-ilovaning rus tilidagi matni nomi “Agentstvo migratsii pri Kabinete Ministrov Respubliki Uzbekistan” soʻzlaridan keyin “Natsionalnoye agentstvo po energoeffektivnosti pri Kabinete Ministrov Respubliki Uzbekistan” soʻzlari bilan toʻldirilsin.

2. Vazirlar Mahkamasining “Yashil isteʼmol krediti boʻyicha foiz toʻlovlarining bir qismini qoplab berish tartibi toʻgʻrisidagi nizomni tasdiqlash haqida” 2023-yil 29-sentabrdagi 517-son qarorida:

a) 5-banddagi “Energetika vazirligi” soʻzlari “Vazirlar Mahkamasi huzuridagi Energiya samaradorligi milliy agentligi” soʻzlari bilan almashtirilsin;

b) 6-banddagi “hamda Oʻzbekiston Respublikasi energetika vaziri J.T. Mirzamaxmudov” soʻzlari chiqarib tashlansin;

v) 1-ilovada:

34-band quyidagi tahrirda bayon etilsin:

“34. Energiya samaradorligi milliy agentligi har chorakda Iqtisodiyot va moliya vazirligiga kompensatsiya ajratish uchun sarflangan mablagʻlar toʻgʻrisida hisobotlar taqdim etadi”;

1-ilovaning nomidagi “Oʻzbekiston Respublikasi Energetika vazirligi huzuridagi budjetdan tashqari Tarmoqlararo energiyani tejash jamgʻarmasi” soʻzlari “Energiya samaradorligi milliy agentligining Energiya samaradorligini ragʻbatlantirish va qoʻllab-quvvatlash jamgʻarmasi” soʻzlari bilan almashtirilsin;

2-ilova matni quyidagi tahrirda bayon qilinsin:

Energiya samaradorligi milliy agentligining Energiya samaradorligini ragʻbatlantirish va qoʻllab-quvvatlash jamgʻarmasi hisobidan “yashil” isteʼmol krediti boʻyicha foiz toʻlovlarining bir qismini qoplab berish uchun kompensatsiya olish toʻgʻrisida

BUYURTMA

20___ yil ________

Buyurtma beruvchi: ________________________________________________ banki

Buyurtmani qabul qiluvchi: Energiya samaradorligi milliy agentligining Energiya samaradorligini ragʻbatlantirish va qoʻllab-quvvatlash jamgʻarmasi

Kompensatsiya summasi: _________________________________

Hisobvaraq: ____________________________

“Yashil” isteʼmol krediti ajratilgan mijozlar roʻyxati ilova qilinmoqda.

Buyurtma beruvchi:

___________________________________ banki

Boshqaruv raisi

__________________________________________ F.I.O.

”.

3. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Energiya samaradorligi milliy agentligi faoliyatini tashkil etish chora-tadbirlari toʻgʻrisida” 2025-yil 2-maydagi 292-son qarorida:

a) quyidagi mazmundagi 5¹-band bilan toʻldirilsin:

“5.¹ Hududlarda energiya samaradorligini oshirish va energiya resurslarini tejash, energiya samarador qurilma va uskunalar joriy etilishini jadallashtirish borasida hududiy tashkilotlarning oʻzaro hamkorligini muvofiqlashtirish, shuningdek, energiya samaradorligi loyihalarini shakllantirish boʻyicha Agentlik boshqaruv xodimlari doirasida tashkil etiladigan loyiha ofislari 3 ta xodimdan, shu jumladan, 1 ta loyiha ofisi rahbari va 2 ta bosh mutaxassisdan iborat boʻlim sifatida shakllantiriladi.

Bunda loyiha ofisi rahbari va mutaxassislari ish haqi shartlariga koʻra mos tarzda Agentlikning boʻlim boshligʻi va bosh mutaxassisiga tenglashtiriladi.”;

b) 2-ilovaning 34-bandi uchinchi xatboshisidagi “Davlat tashkilotida va davlat ishtirokidagi tashkilotlarida” soʻzlari “Agentlik xodimlariga” soʻzlari bilan almashtirilsin;

v) 3-ilovaning 6-bandida:

“a” kichik banddagi “hisobga olingan holda” soʻzlari “hamda koʻp yillik xizmat qilganlik uchun ustama miqdori hisobga olingan holda” soʻzlari bilan almashtirilsin;

“b” kichik band chiqarib tashlansin.

4. Vazirlar Mahkamasining 2025-yil 7-maydagi 300-son qarori bilan tasdiqlangan 2025-2026-yillarda energiya samaradorligi loyihalari amalga oshiriladigan ijtimoiy soha tashkilotlarining manzilli dasturida:

Dasturning umumiy qismi quyidagi tahrirda bayon etilsin:

“
T/r	Obyekt nomi	Loyiha quvvati		2026 yilda foydalanishga topshiriladigan obyekt (quvvati)	Shu jumladan			Obyektning umumiy qiymati
T/r	Obyekt nomi	oʻlchov birligi	miqdori		yangi qurilish	rekonstruksiya	mukammal taʼmirlash	Obyektning umumiy qiymati
	Jami							393 975
	Shu jumladan
	umumtaʼlim maktablari (20 ta)	oʻquv oʻrni	17 048	17 048		900	16 508	226 690
	umumtaʼlim maktablari (20 ta)	sport zal (12x24)	17	17			17	226 690
	maktabgacha taʼlim tashkilotlari (23 ta)	oʻrin	4 425	4 425	540	310	3 575	80 506
	tibbiyot obyektlari (15 ta)	oʻrin	75	75			75	84 679
	tibbiyot obyektlari (15 ta)	qatnov	6 285	6 285		1850	4 435	84 679
	maʼmuriy binolar (2 ta)	obyekt	2	2	2			6 100
								”;

beshinchi ustundagi “2025” raqami “2026” raqami bilan almashtirilsin;

4-pozitsiya quyidagi tahrirda bayon etilsin:

“
4.	Temiryoʻl mahallasidagi 22-son MTT binosini mukammal taʼmirlash	oʻrin	180	180	180	1 500
						”;

9-pozitsiya quyidagi tahrirda bayon etilsin:

“
9.	“Bobur” MFYdagi 56-son umumtaʼlim maktab binosini rekonstruksiya qilish	oʻquv oʻrni	900	900	900		21 000
9.		sport zali	1	1		1	21 000
							”;

13-pozitsiya chiqarib tashlansin;

14-pozitsiya quyidagi tahrirda bayon etilsin:

“
14.	Gʻovshun mahallasidagi 61-son oilaviy poliklinika binosini rekonstruksiya qilish	oʻrin				4 420
14.		qatnov	100	100	100	4 420
						”;

quyidagi mazmundagi 21¹-pozitsiya bilan toʻldirilsin:

“
	Qamashi tumani					35 000
21¹	Qamashi tumani tibbiyot birlashmasi binolarini rekonstruksiya qilish	Oʻrin	350	350	350	35 000
21¹		Qatnov	1 350	1 350	1 350	35 000
						”;

23-pozitsiya quyidagi tahrirda bayon etilsin:

“
23.	Paraxun mahallasidagi 5-son MTT binosini rekonstruksiya qilish	oʻrin	180	180	180	2 880
						”;

25-pozitsiya quyidagi tahrirda bayon etilsin:

“
25.	Damarik mahallasidagi 3-son MTT binosini rekonstruksiya qilish	oʻrin	130	130	130	4 000
						”;

32-pozitsiya quyidagi tahrirda bayon etilsin:

“
32.	Ulugʻbek mahallasidagi 34-son umumtaʼlim maktabi binosini mukammal taʼmirlash	oʻquv oʻrin	240	240	240	5 000
						”;

35-pozitsiya quyidagi tahrirda bayon etilsin:

“
35.	Paxtakor mahallasidagi 6-son MTT binosini mukammal taʼmirlash	oʻrin	140	140	140	1 100
						”;

39-pozitsiya quyidagi tahrirda bayon etilsin:

“
39.	Nurli manzil mahallasidagi 27-son MTT binosini mukammal taʼmirlash	oʻrin	140	140	140	4 700
						”;

55 va 56-pozitsiyalar quyidagi tahrirda bayon etilsin:

“
55.	Paxtakor mahallasidagi 7-son MTT binosini mukammal taʼmirlash	oʻrin	140	140	140	1 100
56.	Paxtakor mahallasidagi 15-son MTT binosini mukammal taʼmirlash	oʻrin	150	150	150	4 550
						”;

58 va 59-pozitsiyalar quyidagi tahrirda bayon etilsin:

“
58.	Bektemir tumani Musaffo mahallasidagi 346-son umumtaʼlim maktabining boʻsh yer maydoniga yangi 180 oʻrinli MTT binosini qurish	oʻrin	180	180	180	5 400
59.	Uchtepa tumani Zarafshon mahallasidagi 312-son umumtaʼlim maktabining boʻsh yer maydoniga yangi 360 oʻrinli MTT binosini qurish	oʻrin	360	360	360	5 500
						”.

5. Vazirlar Mahkamasining “Energiya servis xizmatlari bozorini shakllantirish hamda aholi uy-joylarining energiya samaradorligi oshirilishini ragʻbatlantirish chora-tadbirlari toʻgʻrisida” 2025-yil 24-oktabrdagi 673-son qarorida:

a) 1-ilovada:

quyidagi tahrirdagi 21¹-band bilan toʻldirilsin:

“21¹. Quyidagi hollarda energiya auditorlarining Platformada ishtirok etishlariga 10 kungacha muddatga cheklov oʻrnatilishi mumkin:

aholiga koʻrsatilgan energiya auditi xizmati va (yoki) belgilangan tartibda imzolangan shartnomalar boʻyicha Agentlikka talabgorlar tomonidan kamida 3 marotaba rasmiy yozma murojaat (shikoyat) kelib tushganda;

Platformada tuzilgan energiya auditi shartnomasiga koʻra energiya auditini oʻtkazish va xulosani Platformaga yuklash muddati bir oy davomida 3 va undan koʻp marotaba kechiktirilganda”;

b) 2-ilovada:

6-band quyidagi tahrirda bayon qilinsin:

“6. Sertifikat olish uchun talabgorlar quyidagi malaka talablariga javob berishi shart:

oʻrta maxsus yoki oliy maʼlumotga ega boʻlishi;

energiya auditi, energetika menejmenti (ISO 50001 va ISO 50002 xalqaro standartlari) talablari boʻyicha nazariy bilim hamda amaliy koʻnikmalarga ega boʻlishi;

bino va inshootlar hamda yakka tartibdagi aholi uy-joylari uchun 48 soat, sanoat korxonalari talabgorlari uchun 144 soatlik oʻquv-modul asosida shakllantirilgan maxsus oʻquv dasturini toʻliq oʻzlashtirgan hamda imtihondan oʻtgan boʻlishi.”;

24-bandning toʻrtinchi xatboshisi “ijtimoiy soha obyektlarining” soʻzlaridan keyin “va davlat energetika reyestriga kiritilgan subyektlarning” soʻzlari bilan toʻldirilsin;

quyidagi mazmundagi 26¹-26⁵-bandlar bilan toʻldirilsin:

“26¹. Reyestrga kiritilgan energiya auditorlarining faoliyati samaradorligini oshirish hamda ularning energiya auditi sohasida tajriba va kasbiy koʻnikmalarini, shartnomaviy majburiyatlar lozim darajada va belgilangan muddatlarda bajarilishini inobatga olgan holda, platformada ballar asosida avtomatik ravishda baholanadi va reytingi yuritiladi.

26². Quyidagi mezonlar asosida energiya auditorlarining reytingi yuritiladi:

bino va inshootlarni energiya auditidan oʻtkazish uchun energiya auditorlik malaka sertifikati mavjudligi: mavjud boʻlsa 10 ball, boʻlmasa 0 ball;

sanoat korxonalarini energiya auditidan oʻtkazish uchun energiya auditorlik sertifikati mavjudligi: mavjud boʻlsa 10 ball, boʻlmasa 0 ball;

energiya auditi va energiya menejmenti sohasida olingan boshqa sertifikatlar (ISO 50001, ISO 50002 va ISO 14001 xalqaro standartlari va boshqalar): har bir sertifikat uchun 1 ball, agar mavjud boʻlmasa 0 ball;

energiya auditi sohasida olingan xorijiy sertifikatlar: har bir sertifikat uchun 1 ball, agar mavjud boʻlmasa 0 ball;

qonunchilikda belgilangan minimal talablar asosida tayyorlangan energiya auditi hisobotning mavjudligi: mavjud boʻlsa 10 ball, boʻlmasa 0 ball;

energiya auditorning qurilish, muhandislik yoki energetika sohasida oliy maʼlumotga va ilmiy darajaga egaligi:

bakalavr — 1 ball;

magistr — 2 ball;

PhD (falsafa doktori) yoki DSc (fan doktori) — 3 ball.

Bunda energiya auditori tomonidan shartnomaviy majburiyatlarning lozim darajada va belgilangan muddatlarda bajarilishini bir oyda kamida 3 marotaba kechiktirish yoki bajarmaslik umumiy toʻplangan ballarning 10 ballga tushishiga olib keladi hamda ushbu pastlatilgan reyting 3 oy davomida saqlanib qolinadi.

26³. Energiya auditorlarining reyting maʼlumotlari Platformada ochiq tarzda aks ettiriladi va doimiy yangilab turiladi.

26⁴. Energiya auditorlik faoliyati bilan shugʻullanuvchi korxonalar reyting ballari korxonadagi mavjud energiya auditorlari ballarining oʻrtacha qiymati bilan shakllantiriladi.

26⁵. Energiya auditorlarining reyting natijalari energiya auditi xizmatlarini talabgorlar (buyurtmachilar) tomonidan tanlashda axborot sifatida foydalaniladi”.

(Qonunchilik maʼlumotlari milliy bazasi, 04.06.2026-y., 09/26/277/0562-son)