|
Hujjat kuchini yo‘qotgan 04.05.2018
|
Oʻzbekiston Respublikasi Vazirlar Mahkamasining
qarori
ALOHIDA MILITSIYA BATALONINI ChET EL DAVLATLARINING DIPLOMATIK VAKOLATXONALARINI QOʻRIQLAShNI TAʼMINLASh BOʻYIChA OʻZBEKISTON RESPUBLIKASI IChKI IShLAR VAZIRLIGINING MILITSIYA POLKIGA AYLANTIRISh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2018-yil 3-maydagi 321-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Ichki ishlar organlarining faoliyati samaradorligini tubdan oshirish, jamoat tartibini, fuqarolar huquqlari, erkinliklari va qonuniy manfaatlarini ishonchli himoya qilishni taʼminlashda ularning masʼuliyatini kuchaytirish chora-tadbirlari toʻgʻrisida” 2017-yil 10-apreldagi PF-5005-son Farmoni)”gi qaroriga asosan oʻz kuchini yoʻqotgan.
Chet el davlatlarining yangi diplomatik vakolatxonalari va ularga tenglashtirilgan xalqaro tashkilotlar ochilishi munosabati bilan, ular joylashgan mamlakatning xalqaro majburiyatlariga muvofiq ularni zarur darajada himoya qilishni taʼminlash maqsadida Vazirlar Mahkamasi qaror qiladi:
1. Vazirlar Mahkamasining 1992-yil 7-apreldagi 171-son qarori bilan tashkil etilgan alohida militsiya bataloni chet el davlatlarining diplomatik vakolatxonalarini qoʻriqlashni taʼminlash boʻyicha Oʻzbekiston Respublikasi Ichki ishlar vazirligining militsiya polkiga aylantirilsin.
2. Oʻzbekiston Respublikasi Ichki ishlar vazirligiga koʻrsatib oʻtilgan maqsadlar uchun qoʻshimcha ravishda xarajatlari respublika budjeti hisobiga qoplanadigan ilovaga muvofiq — 178 shtat ajratilsin.
3. Oʻzbekiston Respublikasi Moliya vazirligi Oʻzbekiston Respublikasi Ichki ishlar vazirligining shtatdagi xodimlari soni oʻzgarishi munosabati bilan uni mablagʻ bilan taʼminlasin.
Vazirlar Mahkamasining Raisi I. KARIMOV
Toshkent sh.,
1998-yil 13-aprel,
155-son
Alohida militsiya batalonini chet el davlatlarining diplomatik vakolatxonalarini qoʻriqlashni taʼminlash boʻyicha Oʻzbekiston Respublikasi Ichki ishlar vazirligining militsiya polkiga aylantirish uchun Oʻzbekiston Respublikasi Ichki ishlar vazirligiga qoʻshimcha ravishda ajratilgan
shtatlar soni
| HAMMASI |
178 |
| Ulardan: | |
| katta va oʻrta boshliqlar tarkibiga kiruvchilar | 21 |
| kichik boshiqlar va oddiy tarkibga kiruvchilar | 152 |
| ishchi va xizmatchilar | 5 |
