1.21.00.00.00 Oʻzgartirish va qoʻshimchalar kiritish boʻyicha kompleks tusdagi hujjatlar / 21.03.00.00 Oʻzbekiston Respublikasi Vazirlar Mahkamasining qarorlari]
[TSZ:
1.Davlat va jamiyat qurilishi / Qonunchilik tashabbusi. Norma ijodkorligi faoliyati]
OʻZBEKISTON RESPUBLIKASI VAZIRLAR MAHKAMASINING
QARORI
Yoqilgʻi-energetika sohasida davlat nazorati mexanizmlari takomillashtirilishi munosabati bilan Vazirlar Mahkamasining ayrim qarorlariga oʻzgartirish va qoʻshimchalar kiritish toʻgʻrisida
[Koʻchirma]
Oʻzbekiston Respublikasi Prezidentining “Energiya samaradorligini oshirish sohasida davlat boshqaruvini takomillashtirish va energiya servis kompaniyalari xizmatlari bozorini rivojlantirish chora-tadbirlari toʻgʻrisida” 2025-yil 27-martdagi PF-63-son Farmoni ijrosini taʼminlash, shuningdek, yoqilgʻi-energetika resurslaridan noqonuniy foydalanish holatlariga qarshi kurashishni yanada jadallashtirish hamda elektr energiyasi va tabiiy gazdan foydalanishda isteʼmolchilarga qulayliklar yaratish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:
isteʼmolchilar tomonidan elektr energiyasidan foydalanish qoidalarini buzish (noqonuniy foydalanish) holatlari hamda qoidabuzarliklar aniqlanganda, hisob-kitob qilish mexanizmlarini soddalashtirish;
tabiiy gaz isteʼmolchilariga elektron shartnoma rasmiylashtirishda talab qilinadigan hujjatlarni aniqlashtirish;
Energiya samaradorligi milliy agentligi tashkil qilinishi munosabati bilan Elektr energiyasi, neft mahsulotlari va gazdan foydalanishni nazorat qilish inspeksiyasining energiya samaradorlik sohasidagi nazorat funksiyalarini belgilash.
2. Ushbu qaror rasmiy eʼlon qilingan kundan eʼtiboran uch oy oʻtgach kuchga kiradi.
3. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov hamda Elektr energiyasi, neft mahsulotlari va gazdan foydalanishni nazorat qilish inspeksiyasi boshligʻi D.A. Isakulov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2026-yil 29-aprel,
213-son
Vazirlar Mahkamasining 2026-yil 29-apreldagi 213-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
2.Vazirlar Mahkamasining “Elektr energiyasi va tabiiy gazdan foydalanish qoidalarini tasdiqlash toʻgʻrisida” 2024-yil 31-maydagi 319-son qarorida:
“hisoblagichning ulanish sxemasini tekshirish — taʼminotchi va (yoki) Oʻzenergoinspeksiya vakolatli xodimi tomonidan instrumental usul bilan isteʼmolchining hisoblagich va oʻlchov transformatorlarining ulanish sxemasi toʻgʻriligini tekshirish hamda bir vaqtning oʻzida tegishli elektron dalolatnoma rasmiylashtirilib, uni tegishli dasturiy taʼminot bazalariga kiritish, dalolatnoma Oʻzenergoinspeksiya xodimi tomonidan rasmiylashtirilganda, tegishli dasturiy taʼminot bazalariga kiritish uchun uni taʼminotchiga taqdim etish”;
“Taʼminotchilar vakolatli xodimi isteʼmolchilar bilan birgalikda zarur hollarda, isteʼmol qilingan elektr energiyasining amaldagi miqdorini aniqlash uchun ulardagi hisoblagich (maishiy isteʼmolchilardan tashqari) koʻrsatkichlarini va hisoblagichlarning ulanish sxemasini tekshirib koʻradi. Isteʼmolchi tomonidan elektr energiyasi sarfi toʻgʻrisida taʼminotchiga belgilangan shakl boʻyicha bevosita oʻzi tomonidan yoki faks, elektron shaklda yoxud pochta aloqasi orqali taqdim etilgan hisobot yuridik shaxslar hamda tadbirkorlik faoliyatini amalga oshiruvchi jismoniy shaxslar uchun isteʼmol qilingan elektr energiyasining amaldagi hajmini aniqlash uchun asos boʻlib xizmat qiladi”;
“Ulangan quvvati 5 megavatt va undan ortiq boʻlgan elektr energiyasi isteʼmolchilari taʼminotchi talabiga koʻra quyidagilarni hisobga olishi va bu haqida taʼminotchini xabardor qilishi shart”;
13-banddagi “HETK” soʻzi “taʼminotchi” soʻzi bilan almashtirilsin;
“Elektr taʼminoti shartnomasi boʻyicha majburiyatlar bajarilmagan yoki zarur tarzda bajarilmagan hollarda, taʼminotchi buning natijasida isteʼmolchiga yetkazilgan zararni qoplashga, isteʼmolchi esa taʼminotchiga yetkazilgan zararni qoplashga majbur”;
quyidagi mazmundagi oʻttizinchi xatboshi bilan toʻldirilsin:
“Rasmiylashtirilgan elektr taʼminoti shartnomasini bir ish kuni ichida taʼminotchining dasturiy taʼminot bazalariga kiritish”;
“41. Taʼminotchi va isteʼmolchi oʻrtasidagi elektr taʼminoti shartnomasi elektr taʼminotining namunaviy shartnomasiga muvofiq elektron shaklda tuziladi.
Elektr taʼminotining namunaviy shartnomasi Energetika bozori regulatori tomonidan ishlab chiqiladi hamda Vazirlar Mahkamasi tomonidan tasdiqlanadi.
Bunda isteʼmolchining obyektlarini elektr tarmogʻi xoʻjaligi obyektlarining muhofaza zonasida joylashtirish va mazkur isteʼmolchilar bilan elektr taʼminoti shartnomasini tuzish taqiqlanadi”;
“42. Elektr taʼminoti shartnomasi isteʼmolchiga elektron hujjat aylanishining avtomatlashtirilgan axborot tizimlari orqali elektron shaklda taqdim etiladi. Shartnomani rasmiylashtirish va isteʼmolchiga taqdim etish elektr energiyasi yetkazib beruvchi zimmasida boʻladi”;
“43. Subisteʼmolchilar isteʼmolchilar bilan elektr taʼminoti shartnomasini tuzishi, bunda taʼminotchidan texnik shartda ruxsat etilgan quvvatdan ortiqcha quvvat ulanishi koʻzda tutilganda yoki ishonchlilik toifasi oʻzgargan holatlarda, isteʼmolchi oʻz tarmogʻiga subisteʼmolchilarni ulash uchun taʼminotchi roziligini olishi shart hisoblanadi”;
ikkinchi xatboshidagi “HETKning” soʻzi “taʼminotchining” soʻzi bilan almashtirilsin;
44-banddagi “HETK” soʻzi “taʼminotchi” soʻzi bilan almashtirilsin;
“46. Quvvati 20 kVtdan yuqori boʻlgan isteʼmolchilarning yangi yoki rekonstruksiya qilingan elektr qurilmalarida sinov-sozlash ishlarini amalga oshirish uchun 1 oygacha boʻlgan muddatga kuchlanish berish, Oʻzenergoinspeksiya tomonidan ularning sinov-sozlash ishlarini amalga oshirishga tayyorligi aniqlangani, taʼminotchi tomonidan hisoblagich va hisobga olish tizimi tekshirib plombalangach, vaqtincha elektr taʼminoti shartnomasi tuzilgandan va maʼlumotlar taʼminotchining dasturiy taʼminot bazasiga kiritilgandan keyin ruxsat beriladi”;
56-band quyidagi mazmundagi uchinchi xatboshi bilan toʻldirilsin:
“Bundan tashqari taʼminotchi yoki isteʼmolchi bilan subisteʼmolchilar oʻrtasida tuzilgan elektr taʼminoti shartnomasi boʻyicha subisteʼmolchilarga, elektr energiyasining texnologik sarfi uchun hisob-kitoblarni hisoblash yoki uni taraflar kelishuvi asosida shartnomada qayd qilish orqali amalga oshirishga ruxsat etiladi”;
57-banddagi “HETK” soʻzi “taʼminotchi” soʻzi bilan almashtirilsin;
61-bandning ikkinchi xatboshisidagi “Hududiy elektr tarmoqlari korxonalari” soʻzlari “Taʼminotchilar” soʻzi bilan almashtirilsin;
“74. II tarif guruhi isteʼmolchilariga I tarif isteʼmolchilaridan boshqa barcha yuridik shaxs boʻlgan isteʼmolchilar hamda elektr energiyasini ishlab chiqarishga doir faoliyatni amalga oshiruvchi yuridik yoki jismoniy shaxs, uzatish tizimi operatori va taʼminotchi korxonalar tarkibiga kiradigan, hududiy elektr taʼminoti korxonalari, shu jumladan, taʼminotchidan elektr quvvati oladigan korxona va tashkilotlarning, shuningdek, elektr energiyasi ishlab chiqaruvchi korxonalarning ushbu korxonalar hududidan tashqarida alohida joylashgan obyektlarining xoʻjalik ehtiyojlari kiradi”;
“76. Bevosita elektr energiyasini ishlab chiqarishga doir faoliyatni amalga oshiruvchi yuridik yoki jismoniy shaxs, uzatish tizimi operatori va taʼminotchi korxonalar elektr energiyasini ishlab chiqaruvchi boshqa korxonalarning elektr tarmoqlaridan hamda isteʼmolchilar yoki subisteʼmolchilar elektr tarmoqlari orqali uzatiladigan elektr energiyasi uchun isteʼmolchilar bilan hisob-kitoblar belgilangan tartibda tasdiqlangan tegishli tariflar boʻyicha elektr taʼminoti shartnomasiga muvofiq amalga oshiriladi.
Yuridik shaxslar tomonidan muqobil energiya manbalarini oʻrnatib yoki rekuperatsiya usulida (elektropoyezdlar, elektromobillar orqali va boshqalar) elektr energiyasi tarmoqqa uzatilsa, hisobot oyi yakuni boʻyicha tarmoqqa uzatilgan elektr energiyasi hajmi tarmoqdan isteʼmol qilingan elektr energiyasi hajmidan chegirib hisob-kitob qilinadi.
Isteʼmolchilar tomonidan tarmoqqa uzatilgan energiya miqdori isteʼmol qilingan miqdordan koʻp boʻlsa, isteʼmolchi xohishiga (tanloviga) koʻra ortiqcha qismi mablagʻ koʻrinishida isteʼmolchiga toʻlab beriladi yoki keyingi davr isteʼmol qilinishi kutilayotgan elektr energiyasi uchun boʻnak mablagʻ sifatida aks ettiriladi.
Barcha elektr energiyasi isteʼmolchilarining (maishiy isteʼmolchilardan tashqari) oylik elektr energiyasi isteʼmoli hisoblangandan keyin taʼminotchi tomonidan isteʼmolchilarga aktiv elektr energiyasi boʻyicha elektron hisob-faktura joʻnatadi. Mazkur elektron hisob-faktura joʻnatilganligi isteʼmolchini toʻlash toʻgʻrisida ogohlantirish hisoblanadi. Reaktiv energiya tovar hisoblanmaydi va isteʼmol hajmi dalolatnoma koʻrinishida isteʼmolchiga elektron tarzda joʻnatiladi.
Barcha elektr energiyasi isteʼmolchilari (maishiy isteʼmolchilardan tashqari) taʼminotchi bilan birgalikda hisob-kitob davri tamom boʻlgandan keyin har oyning 5-sanasiga qadar foydalanilgan elektr energiyasi uchun oʻzaro hisob-kitoblarning taqqoslash dalolatnomasini tuzadi”;
“97. Isteʼmolchi (maishiy isteʼmolchilardan tashqari) egallab turgan binodan uning topshirilishi, sotilishi yoki boshqa sabablarga koʻra koʻchib ketgan taqdirda, u bu haqida taʼminotchini yozma shaklda xabardor qilishi hamda elektr energiyasi uchun koʻchib ketish kunigacha toʻliq hisob-kitob qilishi shart, shundan soʻng taʼminotchi obyektga elektr energiyasi yetkazib berishni toʻxtatadi. Yangi isteʼmolchini rasmiylashtirish va elektr qurilmalarini elektr tarmogʻiga ulash belgilangan tartibda amalga oshiriladi”;
“Zaxira elektr taʼminoti uchun oʻrnatilgan quvvat yuqori kuchlanishli zaxirani avtomatik ulash (ZAU) qurilmasi orqali yoki elektr tarmogʻidan ajratilganligi toʻgʻrisida dalolatnoma asosida elektr tarmogʻidan ajratib, ulangan quvvat 750 kVA dan kam boʻlganda, isteʼmolchi tabaqalashtirilgan tarif boʻyicha hisob-kitob qilinmaydi”;
1041-banddagi “HETK” soʻzi “taʼminotchi” soʻzi bilan almashtirilsin;
“Agar isteʼmolchi energiya taʼminoti korxonasi xodimi bilan til biriktirib, ulanishda normativ-huquqiy hujjatlar talablarini bajarmasdan, shartnomasiz va hisoblagichi taʼminotchining tegishli dasturiy taʼminoti bazalariga kiritilmasdan elektr tarmogʻiga ulanib, elektr energiyasidan foydalangan taqdirda, oʻzboshimchalik bilan foydalanishga tenglashtiriladi (isteʼmolchining elektr tarmogʻiga ulanish uchun tegishli hujjatlari mavjud boʻlib, lekin hisoblagich taʼminotchining tegishli dasturiy taʼminoti bazasiga oydan-oyga oʻtish jarayonida dasturga kirmay qolgan holatlar bundan mustasno)”;
“b” kichik bandda “kamaytirish maqsadida” soʻzlaridan keyin “maqsadida hisoblagichga va uning ulanish sxemasiga” soʻzlari bilan toʻldirilsin;
“d” kichik banddan “yoki oʻlchov transformatorlari” soʻzlari chiqarib tashlansin;
“i) hisobga olinadigan elektr energiyasi miqdorini kamaytirish maqsadida oʻlchov transformatorlarini yoki oʻlchov transformatorlariga biriktirilgan pasport maʼlumotlarini almashtirish”;
“k) yuridik shaxs isteʼmolchilar tomonidan (maishiy isteʼmolchilar bundan mustasno) elektr energiyasini yoʻq qilish maqsadida elektr hisoblagich haqiqiy koʻrsatgichi boʻyicha hisobot bermasdan elektr hisoblagich koʻrsatkichini yashirish (bunda yashirilgan elektr energiyasi miqdori ikki oylik isteʼmolidan kam boʻlmaganda)”;
quyidagi mazmundagi “z” kichik band bilan toʻldirilsin:
“z) elektr hisoblagich ulanish sxemasi notoʻgʻri ulanishi (ulanish sxemasi elektr hisoblagich, oʻlchov transformatorlari oʻrnatilgan yoki almashtirilgan vaqtdan boshlab notoʻgʻri ulanganligi aniqlanganda)”;
quyidagi mazmundagi oʻn birinchi xatboshi bilan toʻldirilsin:
“a”, “b”, “v”, “g”, “j” va “z” kichik bandlarida nazarda tutilgan qoidabuzilishlar sodir etilganda, elektr taʼminoti korxonasining masʼul xodimini qonunchilik hujjatlarida belgilangan tartibda javobgarlikka tortishga sabab boʻladi”;
quyidagi mazmundagi uchinchi, toʻrtinchi va beshinchi xatboshilar bilan toʻldirilsin:
“Isteʼmolchining elektr taʼminotidan uzilishining oldini olish maqsadida hisoblagich olib qoʻyilgan davrda foydalanilgan elektr energiyasini hisobga olish va hisob-kitob qilish taʼminotchi tomonidan vaqtincha oʻrnatilgan elektr hisoblagichlar orqali yoki oʻtgan hisob-kitob davri uchun elektr energiyasi isteʼmolining oʻrtacha sutkalik amaldagi miqdori boʻyicha amalga oshiriladi.
Bunda hisob-kitob qilish davri bir oydan oshmasligi hamda shu davrda hisoblagich oʻrnatilishi lozim.
Oʻrganish natijalariga asosan hisoblagich yoki oʻlchov transformatorlariga tashqi taʼsir qilinganligi aniqlangan hollarda isteʼmolchi darhol elektr taʼminotidan ajratiladi. Holat boʻyicha belgilangan tartibda dalolatnoma rasmiylashtiriladi”;
“138. Mazkur Qoidalarni buzganlik holatlari natijasida hisobga olinmagan elektr energiyasi miqdori inson omilisiz tegishli elektron tizimlari (E-dalolatnoma) orqali uch ish kunida aniqlanib, qoidabuzarlik holati aniqlangan oyning hisobot davrida elektr taʼminoti korxonasi tomonidan taʼminotchining tegishli dasturiy taʼminoti bazalariga kiritiladi.
Agar texnik sabablarga koʻra mazkur elektron tizim (E-dalolatnoma) orqali hisobga olinmagan elektr energiyasi miqdorini aniqlash imkoni boʻlmasa, ushbu hisob-kitob uch ish kunida, taʼminotchi tomonidan mazkur Qoidalarda belgilangan tartibda tuzilgan maxsus komissiya tomonidan amalga oshiriladi”;
birinchi xatboshida “amaldagi tarif” soʻzlaridan keyin “(I tarif guruhi isteʼmolchilariga sutkaning tigʻiz davri soatlari uchun belgilangan oʻsuvchi koeffitsiyent qoʻllanilgan (mazkur bandning oʻn birinchi xatboshisida koʻrsatilgan holatlar bundan mustasno))” soʻzlari bilan toʻldirilsin;
toʻrtinchi xatboshidagi “b”, “d”, “e” va “j” kichik bandlaridagi” soʻzlari “b”, “d” va “j” kichik bandlaridagi” soʻzlari bilan almashtirilsin;
oltinchi xatboshidagi “soatlarida belgilangan tarifga asosan” soʻzlari “soatlari uchun belgilangan oʻsuvchi koeffitsiyent qoʻllanilgan holda” soʻzlari bilan almashtirilsin;
quyidagi mazmundagi yettinchi xatboshi bilan toʻldirilsin:
“e” kichik bandidagi qoidabuzarlik sodir etilganda — hisoblagich xotirasi yoki EHNAT bazasi maʼlumot bazasi maʼlumotlari yordamida hisoblagichga tashqi taʼsir qilinganligi aniqlangan kundan, aniqlash imkoni boʻlmaganda, elektr hisoblagich oʻrnatilgan kun yoxud sxemasi tekshirilgan kundan (bunda sxemasi tekshirilganlik toʻgʻrisida dalolatnoma tegishli dasturiy taʼminot bazalariga kiritilgan boʻlsa) dalolatnoma rasmiylashtirilgan kunga qadar, biroq umumiy daʼvo muddatidan ortiq boʻlmagan muddatda sxema toʻgʻri va notoʻgʻri ulangan holatlarining quvvat farqlaridagi ulushini inobatga olgan holda hisoblanadi”;
“z” kichik bandidagi qoidabuzarlik sodir etilganda — elektr hisoblagich oʻrnatilgan kun yoxud sxemasi tekshirilgan kundan (bunda sxemasi tekshirilganlik toʻgʻrisida dalolatnoma tegishli dasturiy taʼminot bazalariga kiritilgan boʻlsa) dalolatnoma rasmiylashtirilgan kunga qadar, biroq daʼvo muddatidan ortiq boʻlmagan muddatda hisoblagichdan tashqari tarmoqqa ulangan elektr qabul qilgichlar quvvatidan kelib chiqib, yuridik shaxs boʻlgan isteʼmolchilarga shartnomadagi ish soatiga asosan (maishiy isteʼmolchilariga sutkasiga 24 soat ishlashi hisobidan) hisoblanadi”;
“Mazkur Qoidalarning 133-bandi “a”, “b” yoki “z” kichik bandlaridan birida nazarda tutilgan qoidabuzarlik sodir etilganligi aniqlanganda, hisobga olinmagan elektr energiyasi miqdori amaldagi tarifga uch baravar oʻsuvchi koeffitsiyent qoʻllanilgan holda qayta hisob-kitob qilinadi va ushbu hisob-kitob natijasida aniqlangan summa elektr taʼminoti korxonasiga yetkazilgan haqiqiy zarar deb baholanadi”;
quyidagi mazmundagi oʻninchi xatboshi bilan toʻldirilsin:
“z” kichik bandidagi xatolik aniqlanganda — elektr hisoblagich oʻrnatilgan kundan dalolatnoma rasmiylashtirilgan kunga qadar sxema toʻgʻri va notoʻgʻri ulanish holatlarining quvvat farqlaridagi ulushini inobatga olgan holda hisoblanadi”;
“146. Reaktiv energiya kompensatsiyasi uchun chegirmalar (ustamalar) taʼminotchi tomonidan berilgan texnik shartlar boʻyicha yoki elektr taʼminoti shartnomasida koʻrsatilgan ruxsat etilgan quvvat 50 kVt va undan ortiqni tashkil etgan I va II tarif guruhlari isteʼmolchilariga nisbatan amalga oshiriladi (budjet va budjetdan mablagʻ oluvchi tashkilotlar, quvvati 5 MVt va undan ortiq boʻlgan elektr energiyasi ishlab chiqaruvchi stansiyalar, elektr energiyasini saqlash tizimlari, fermer xoʻjaliklarining va suv isteʼmolchilari uyushmalarining nasos stansiyalari, shuningdek, Davlat budjetidan moliyalashtiriladigan nasos stansiyalari bundan mustasno)”
“Taʼminotchi tomonidan ulangan quvvati 50 kVt va undan ortiq boʻlgan I va II tarif guruhlari isteʼmolchilariga isteʼmol qilingan reaktiv energiya uchun toʻlovlar undiriladi, lekin budjet va budjetdan mablagʻ oluvchi tashkilotlar, fermer xoʻjaliklari va suv isteʼmolchilari uyushmalarining nasos stansiyalari, shuningdek, quvvati 5 MVt va undan ortiq boʻlgan elektr energiyasi ishlab chiqaruvchi stansiyalar, elektr energiyasini saqlash tizimlari hamda Davlat budjetidan moliyalashtiriladigan nasos stansiyalari isteʼmol qilingan reaktiv energiya hamda reaktiv energiya oʻrni yetarlicha qoplanmaganligi hisobiga hosil boʻlgan quvvat koeffitsiyenti (cos φ) hisobotlarda koʻrsatib oʻtiladi, lekin mablagʻ koʻrinishida hisoblanmaydi va toʻlovlar undirilmaydi”;
“taʼminotchi bilan — taʼminotchi va blok-stansiyaga ega isteʼmolchi oʻrtasida tuzilgan elektr taʼminoti shartnomasi asosida olingan elektr energiyasi uchun hisob-kitob qiladi”;
toʻrtinchi xatboshidagi “Hududiy elektr tarmoqlari” AJ filiali” soʻzlari “taʼminotchi” soʻzi bilan almashtirilsin.
2-band quyidagi mazmundagi oʻttiz sakkizinchi xatboshi bilan toʻldirilsin:
“eng yuqori tarif — Kommunal-maishiy ehtiyojlar uchun aholiga belgilangan tarifning eng yuqori (oyiga 10001 kub metr va undan ortiq isteʼmol uchun belgilangan) miqdori”;
10-band quyidagi mazmundagi oʻn yettinchi xatboshi bilan toʻldirilsin:
“TGNHATga ulangan hisoblagichlarga oʻrnatilgan modem qurilmasini oʻchirib qoʻyish holati Gaz taʼminoti tashkiloti tomonidan aniqlangan taqdirda, isteʼmolchini gaz taʼminotidan oʻchirib qoʻyishi shart”;
“63. Tabiiy gazni yetkazib berish shartnomasi elektron shaklda tuziladi va uni gaz taʼminoti tashkilotining raqamlashtirilgan dasturiy taʼminoti yoki qonunchilik hujjatlarida belgilangan tartibga asosan tashkil etilgan maxsus axborot tizimlaridan isteʼmolchi yoki nazorat qiluvchi organlarning soʻrovlariga asosan olish imkoniyati yaratiladi.
Bunda:
a) yuridik shaxslar bilan shartnomalarni onlayn rasmiylashtirishda gaz taʼminoti tashkiloti isteʼmolchi maʼlumotlarini onlayn tarzda tekshiradi va isteʼmolchi faolligi qayd etilgani aniqlangan taqdirdagina, mazkur isteʼmolchi bilan shartnomaviy munosabatga kirishiladi va tabiiy gazdan foydalanishga ruxsat beriladi;
b) jismoniy va yuridik shaxslar bilan shartnomalarni onlayn rasmiylashtirmasdan turib, gaz yetkazib berishga yoʻl qoʻyilmaydi”;
65-band quyidagi mazmundagi ikkinchi xatboshi bilan toʻldirilsin:
“Isteʼmolchilarga tabiiy gaz yetkazib berish, transportirovka qilish, sotish va hisobini yuritish, oʻlchov vositalari metrologik holatini nazorat qilish bilan bogʻliq vazifalarni bajaruvchi gaz taʼminoti (gaz uzatish) tashkilotlarining mutaxassislari mansabdor shaxs sifatida oʻziga biriktirilgan vazifalarga javobgar boʻladi”;
66-band quyidagi mazmundagi toʻqqizinchi xatboshi bilan toʻldirilsin:
“GTSda oʻrnatilgan hisoblagich koʻrsatkichlari bilan nazorat tartibida GTSdan keyin oʻrnatilgan boshqa hisoblagichlar koʻrsatkichlari oʻrtasida tafovutlar yuzaga kelgan taqdirda, mazkur holat tegishli mutasaddi tashkilotlar, jumladan “Hududgaztaʼminot” AJ va (yoki) “Oʻztransgaz” AJ ishtirokida, komissiya tuzilgan holda oʻrganib chiqiladi va ularning xulosalari asosida hisob-kitoblar amalga oshiriladi”;
quyidagi mazmundagi ikkinchi xatboshi bilan toʻldirilsin:
“Tabiiy gazdan foydalanishda qoidabuzarlik bilan bogʻliq holatlarda hisoblagichlarni navbatdan tashqari inspeksiya va ekspertizadan oʻtkazish maqsadida yechib olish tegishli nazorat organlari xodimlari ishtirokida amalga oshiriladi”;
“hisobga olishni notoʻgʻri koʻrsatish maqsadida hisoblagichning ishlab chiqaruvchi tomonidan oʻrnatilgan ichki ehtiyot qismlarini oʻzboshimchalik bilan oʻzgartirish, hisoblagichning konfiguratsiyasini oʻzgartirish yoki almashtirish, ruxsat etilmagan modem yoki boshqa aloqa vositalarini ruxsatsiz ulash yoxud boshqacha tarzda soz ishlashiga tashqi taʼsir koʻrsatish”;
“hisoblagichni (toraytiruvchi qurilma joylashgan ichki kamerasini oʻzgartirish, manifold yoki impuls naychalarining ichki qismini toraytirish yoki nomaʼlum jism bilan toʻsib qoʻyish, qattiq jism (paronit, prokladka) bilan ichki qismini kichraytirish yoki kengaytirish) oʻrnatish tartibi va sxemasini oʻzboshimchalik bilan oʻzgartirish (milliy standart talablariga amal qilmaslik)”;
“oʻzboshimchalik bilan hisoblagichning ruxsat etilgan maksimal oʻlchash chegarasidan (diapazoni) chetga chiqmagan holda LTHdan tashqari ortiqcha gaz anjomlari va gaz quvurlari yoki GTSHlarda gaz taqsimlash tarmoqlarini texnologik ish rejimini buzishga olib keladigan qurilmalar oʻrnatish”;
“gaz quvurlari yoki GTSHlarda gaz taqsimlash tarmoqlarini texnologik ish rejimini buzishga olib keladigan qurilmalar oʻrnatish orqali hisoblagichning yuqori oʻlchov chegarasidan chetga chiqish holati aniqlanganda — gaz taʼminoti tashkilotining vakolatli xodimi tomonidan soʻnggi koʻrikdan oʻtkazilgan vaqtdan boshlab”;
“Bunda isteʼmolchi tomonidan foydalanilgan tabiiy gaz hajmlarining hisobotga olingan miqdorlari, gaz jihozlaridan foydalanish mavsumiyligi, shuningdek, muayyan davrlarda Hukumatning tegishli topshiriqlari, yuqori turuvchi vazirlik va idoralarning koʻrsatmalariga asosan isteʼmolchilarga tabiiy gazni yetkazib berilishi cheklangan davrlar (tegishli tasdiqlovchi hujjatlar mavjud boʻlgan taqdirda) inobatga olinadi”;
quyidagi mazmundagi yigirma birinchi va yigirma ikkinchi xatboshilari bilan toʻldirilsin:
“Isitish mavsumining davriyligini belgilashda Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlarining isitish mavsumi boshlanishi va tugashi toʻgʻrisidagi qaror yoki farmoyishlari qabul qilingan kundan boshlab hisob kitob qilinadi.
Hisob-kitoblarni amalga oshirishda gaz taʼminoti korxonalari tomonidan isteʼmolchilarda oʻtkazilgan xatlov va koʻrik dalolatnomalari bir sutka davomida “NGT Billing” tizimiga elektron tarzda kiritilmagan boʻlsa, ushbu dalolatnomalar haqiqiy emas deb topiladi hamda hisob-kitoblarni amalga oshirishda inobatga olinmagan holda olti oydan kam boʻlmagan muddatga hisob-kitob qilinadi”;
“Gaz taʼminoti (gaz uzatish) tashkiloti vakolatli xodimi tomonidan hisoblagich va oʻlchov uzellariga belgilangan tartibda plombalar oʻrnatilmaganligi (simlarning tarang tortilmaganligi, yaʼni simni uzmagan yoki plombalarni buzmagan holda ularni yechish orqali manifold joʻmraklari, kalibrlash boltlari, impulsli tarmoq joʻmraklarga taʼsir koʻrsatish imkonini beradigan holatda oʻrnatilganligi) natijasida isteʼmolchi tomonidan tabiiy gazdan noqonuniy foydalanish holati aniqlangan taqdirda, shuningdek, billing tizimiga oʻz vaqtida maʼlumotlarni (xatlov, tamgʻalash, soʻngi koʻrik va boshqa dalolatnomalarni) kiritmagan gaz taʼminoti tashkiloti masʼul xodimi qonunchilikda belgilangan tartibda javobgarlikka tortilishiga sabab boʻladi”.
3. Vazirlar Mahkamasining 2025-yil 29-iyuldagi 472-son qarori bilan tasdiqlangan Elektr energiyasini ishlab chiqarish, uzatish va taqsimlashda yuzaga keladigan texnologik sarfning ruxsat etilgan meʼyorlarini hisoblash hamda tasdiqlash tartibi toʻgʻrisidagi nizomda:
“birlamchi maʼlumotlar va hisob-kitoblar Energetika vazirligi tomonidan koʻrib chiqiladi hamda kelishiladi.
Bunda Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasining (keyingi oʻrinlarda — Oʻzenergoinspeksiya) Qoraqalpogʻiston Respublikasi, viloyatlar va Toshkent shahar hududiy boshqarmalari tomonidan tayanch davrida ishga tushirishga ruxsat olingan yangi qurilgan, modernizatsiya va rekonstruksiya qilingan qurilmalar boʻyicha birlamchi maʼlumotlar kelishiladi”;
“5. Oʻzenergoinspeksiya doimiy ravishda texnologik sarfning ruxsat etilgan meʼyorlariga rioya etilishi hamda hisob-kitoblar ushbu Nizomga muvofiq amalga oshirilgani yuzasidan davlat nazoratini oʻtkazadi”;
birinchi xatboshidagi “Oʻzenergoinspeksiyaning tegishli hududiy boshqarmalariga” soʻzlari “Energetika vazirligiga” soʻzlari bilan almashtirilsin;
ikkinchi xatboshidagi “Oʻzenergoinspeksiyaning tegishli hududiy boshqarmalari” soʻzlari “Energetika vazirligi” soʻzlari bilan almashtirilsin;
g) 33-bandning birinchi xatboshisidagi “etilgan meʼyorlarini hisob-kitob qilishda foydalanilgan birlamchi maʼlumotlar haqqoniyligi va” soʻzlari “etilgan meʼyorlari” soʻzlari bilan almashtirilsin;
d) 36-banddan “va Oʻzenergoinspeksiya birgalikda” soʻzlari chiqarib tashlansin;
(elektr stansiyasi operatori, uzatish tizimi operatori, taqsimlash tizimi operatorlari)
Texnologik sarfning ruxsat etilgan meʼyorlarini hisob-kitob qilish uchun birlamchi maʼlumotlarni shakllantiradi va kelishish uchun Energetika vazirligiga kiritadi.
Bunda tayanch davrida ishga tushirishga ruxsat olingan yangi qurilgan, modernizatsiya va rekonstruksiya qilingan qurilmalar boʻyicha birlamchi maʼlumotlarni kelishish uchun Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasining Qoraqalpogʻiston Respublikasi, viloyatlar va Toshkent shahar hududiy boshqarmalariga kiritadi.
Har yili 1-sentabrga qadar
2-bosqich
Elektr tarmogʻi xoʻjaligi obyektining egasi
(elektr stansiyasi operatori, uzatish tizimi operatori, taqsimlash tizimi operatorlari)
Elektr tarmogʻi xoʻjaligi obyektining egasi (elektr stansiyasi operatori, uzatish tizimi operatori, taqsimlash tizimi operatorlari) oʻzi tomonidan tasdiqlangan birlamchi maʼlumotlar asosida kelgusi yil uchun texnologik sarfning ruxsat etilgan meʼyorlari hisob-kitobini amalga oshiradi va kelishish uchun Energetika vazirligiga kiritadi.
Har yili 1-oktabrga qadar
3-bosqich
Energetika vazirligi
1. Texnologik sarfning ruxsat etilgan meʼyorlarini uni asoslovchi birlamchi maʼlumotlar va hisob-kitoblarni koʻrib chiqadi, kelishadi va tasdiqlash uchun Energetika bozori regulatoriga taqdim etadi.
2. Ushbu hisob-kitoblar asosida elektr energiyasi ishlab chiqarish va isteʼmol qilish balansining prognoz koʻrsatkichlarini shakllantiradi.
Har yili 1-noyabrga qadar
4-bosqich
Energetika bozori regulatori
Kelgusi yil uchun texnologik sarfning ruxsat etilgan meʼyorlarini koʻrib chiqadi va tasdiqlaydi.
Har yili 15-noyabrga qadar
5-bosqich
Energetika bozori regulatori
Kelgusi yil uchun tasdiqlangan texnologik sarfning ruxsat etilgan meʼyorlarini ishda qoʻllash, monitoring qilish hamda rioya etilishini taʼminlash uchun tegishli vazirlik va idoralarga yuboradi.
Har yili 15-noyabr
”.
(Qonunchilik maʼlumotlari milliy bazasi, 30.04.2026-y., 09/26/213/0433-son)
