|
Hujjat kuchini yo‘qotgan 23.02.2019
|
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Mudofaa sanoati korxonalarini konversiya qilish masalalari boʻyicha ishchi komissiyani tashkil etish toʻgʻrisida
LexUZ sharhiMazkur qaror Oʻzbekiston Respublikasi Vazirlar Mahkamasining 2019-yil 23-fevraldagi 161-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Idoralararo kollegial organlarni tubdan qisqartirish va yanada optimallashtirish chora-tadbirlari toʻgʻrisida” 2018-yil 28-avgustdagi PF-5527-son Farmoni)”gi qaroriga asosan oʻz kuchini yoʻqotgan.
Amerika kompaniyalarining ishtirokida va AQSh hukumati koʻmagi bilan amalga oshirilayotgan mudofaa sanoati korxonalarini konversiya qilish qoʻshma dasturini roʻyobga chiqarishga oid ishlarni faollashtirish maqsadida Vazirlar Mahkamasi qaror qiladi:
1. Siyosiy, iqtisodiy va texnologik hamkorlik qilish boʻyicha Oʻzbekiston — AQSh qoʻshma komissiyasining Savdo, investitsiyalar, moliya qoʻmitasi huzurida mudofaa sanoati korxonalarini konversiya qilish masalalari boʻyicha doimiy ishlovchi ishchi komissiyasi 1-ilovaga* muvofiq tashkil etilsin.
* 1-ilova berilmaydi.
2. Oʻzbekiston Respublikasi mudofaa sanoatini konversiya qilish sohasida Amerika kompaniyalari bilan birgalikda amalga oshirish taklif etilayotgan loyihalar roʻyxatiga 2-ilovaga* muvofiq rozilik berilsin.
* 2-ilova berilmaydi.
Vazirlar Mahkamasi komplekslari, manfaatdor vazirliklar va idoralar koʻrsatib oʻtilgan loyihalarning belgilangan muddatlarda ishlab chiqilishini va ularning amalga oshirilishini taʼminlasinlar.
3. Ishchi komissiya mudofaa sanoatini konversiya qilish boʻyicha birgalikda hamkorlik qilish qoʻshimcha loyihalari roʻyxatini aniqlasin, ikki hafta muddatda ishlarni faollashtirish tadbirlari rejasini ishlab chiqsin va tasdiqlasin.
4. Oʻzbekiston Respublikasi Tashqi iqtisodiy aloqalar vazirligi Amerika tomoni bilan kelishgan holda 1998-yilning III choragida mudofaa sanoatini konversiya qilish masalalari boʻyicha qoʻshma yigʻilish oʻtkazish masalasini ishlab chiqsin.
5. Vazirlar Mahkamasining 1997-yil 8-sentabrdagi 430-son qaroriga 1-ilovaning Savdo, investitsiyalar, moliya qoʻmitasi tarkibiga oid qismiga 3-ilovaga* muvofiq oʻzgartirish kiritilsin.
* 3-ilova berilmaydi.
6. Vazirlar Mahkamasining 1996-yil 6-martdagi 83-son qarori oʻz kuchini yoʻqotgan deb hisoblansin.
7. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1998-yil 4-aprel,
145-son
