Oʻzbekiston Respublikasi Soliq kodeksi, “Davlat soliq xizmati toʻgʻrisida”gi Qonunning 7-moddasiga asosan, qaror qilamiz:

1. Ilova* qilinayotgan Oʻzbekiston Respublikasida chet ellik yuridik shaxslarni daromad (foyda)larini soliqqa tortish tartibi toʻgʻrisidagi yoʻriqnoma (yangi tahrirda) tasdiqlansin.

2. Quyidagilar oʻz kuchini yoʻqotgan deb topilsin:

Oʻzbekiston Respublikasi Moliya vazirligi va Davlat soliq qoʻmitasining 1998-yil 13-iyulda 37- va 98-105-son bilan tasdiqlangan Oʻzbekiston Respublikasida chet ellik yuridik shaxslarni daromad (foyda)larini soliqqa tortish tartibi toʻgʻrisidagi yoʻriqnoma (1998-yil 8-oktabr, roʻyxat raqami 498-son);

Oʻzbekiston Respublikasi Moliya vazirligi va Davlat soliq qoʻmitasining 1998-yil 13-avgust 37/98-105-son bilan tasdiqlangan, Oʻzbekiston Respublikasi Adliya vazirligi tomonidan 1998-yil 8-oktabrda 498-son bilan roʻyxatga olingan “Oʻzbekiston Respublikasida chet ellik yuridik shaxslarni daromad (foyda)larini soliqqa tortish tartibi toʻgʻrisidagi”gi yoʻriqnomaga Oʻzbekiston Respublikasi Moliya vazirligi va Davlat soliq qoʻmitasining 1999-yil 24-sentabrda 79 va 99-117-son bilan tasdiqlangan 1-son qoʻshimcha (1999-yil 28-sentabr, roʻyxat raqami 498-1-son).

3. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan paytdan boshlab oʻn kun oʻtgach kuchga kiradi.